ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pageno pageNumbernext pagelast page chage to ROMAN letter
Atthakatha Book 55 : PALI ROMAN Panca.A. (paramatthadi.)

                     9. Upanissayapaccayaniddesavannana
     [9] Upanissayapaccayaniddese purima purimati anantarupanissaye
samanantaratita labbhanti, arammanupanissayapakatupanissayesu nanavithivasena purimataRa.
Te tayopi rasayo kusalapadena 5- kusalapade labbhanti, kusalena pana akusale
@Footnote: 1 cha.Ma. sampayuttakkhandhanamyeva hoti   2 cha.Ma. arupasseva
@3 cha.Ma. ayam patho na dissati        4 cha.Ma. nissayapaccayo hoti  5 cha.Ma. kusalavasena

--------------------------------------------------------------------------------------------- page423.

Samanantaratita na labbhanti. Teneva vuttam "akusalanam dhammanam kesanci upanissayapaccayena paccayo"ti. Idampi hi "kusalo dhammo akusalassa dhammassa upanissayapaccayena paccayo. Arammanupanissayo pakatupanissayo. Arammanupanissayo:- danam datva silam samadiyitva uposathakammam katva tam garum katva assadeti abhinandati, tam garum katva rago uppajjati, ditthi uppajjati, pubbe sucinnani garum katva assadeti abhinandati, tam garum katva rago uppajjati ditthi uppajjati. Jhana vutthahitva jhanam garum katva assadeti abhinandati, tam garum katva rago uppajjati, ditthi uppajjati. Pakatupanissayo:- saddham upanissaya manam jappeti, ditthim ganhati. Silam sutam cagam pannam upanissaya manam jappeti, ditthim ganhati. Saddha silam sutam cago panna ragassa dosassa mohassa manassa ditthiya patthanaya upanissayapaccayena paccayo"ti imam nayam sandhaya vuttam. Kusalena abyakate tayopi labbhanti. Tatha akusalena akusale. Akusalena pana kusale samanantaratita na labbhanti. Teneva 1- vuttam "kusalanam dhammanam kesanci upanissayapaccayena paccayo"ti. Idampi hi "akusalo dhammo kusalassa dhammassa upanissayapaccayena paccayo. Pakatupanissayo:- ragam upanissaya danam deti, silam samadiyati, uposathakammam karoti, jhanam uppadeti, vipassanam uppadeti, maggam uppadeti, abhinnam uppadeti, samapattim uppadeti. Dosam moham manam ditthim patthanam upanissaya danam deti .pe. Samapattim uppadeti. Rago doso moho mano ditthi patthana saddhaya silassa sutassa cagassa pannaya upanissayapaccayena paccayo. Panam hantva tassa patighatatthaya danam deti"tiadina nayena panhavare agatam pakatupanissayameva sandhaya vuttam. Akusalam pana kusalassa arammanupanissayo na hoti. Kasma? tam garum katva tassa Appavattanatoti yatha anantarupanissayo, evam arammanupanissayopettha na labbhatiti @Footnote: 1 cha.Ma. tena

--------------------------------------------------------------------------------------------- page424.

Veditabbo. Akusalena abyakatapade arammanupanissayova na labbhati. Na hi abyakata dhamma akusalam garum karonti. Yasma pana anantarata labbhati, tasma ettha "kesanci"ti na vuttam. Abyakatena pana abyakate kusale akusaleti tisu nayesu tayopi upanissaya labbhanteva. Puggalopi senasanampiti idam dvayam pakatupanissayavasena vuttam. Idanhi dvayam kusalakusalappavattiya balavapaccayo hoti. Paccayabhavo cassa panettha pariyayavasena veditabboti ayam tavettha palivannana. Ayam pana upanissayapaccayo nama saddhim ekaccaya pannattiya sabbepi catubhumikadhamma. Vibhagato pana arammanupanissayadivasena tividho hoti. Tattha arammanupanissayo arammanadhipatina ninnanakaranoti hettha vuttanayeneva nanappakarabhedato gahetabbo. Anantarupanissayo anantarapaccayena ninnanakarano, sopi hettha vuttanayeneva nanappakarabhedato gahetabbo. 1- Paccayuppannatopi nesam tattha vuttanayeneva vinicchayo veditabbo. Pakatupanissayo pana jativasena kusalakusalavipakakiriyaparupabhedato pancavidho hoti, kusaladinam pana bhumibhedato anekavidhoti evam tavettha nanappakarabhedato vinnatabbo vinicchayo. Evam bhinne panettha tebhumikakusalo catubhumikassapi kusalassa akusalassa vipakassa kiriyassati catunnam rasinam pakatupanissayo hoti. Lokuttaro akusalasseva na hoti. "amhakam acariyena lokuttaradhammo nibbattito"ti imina pana nayena annesam akusalassapi hoti. Yassa va uppajjissati, tassapi anuttaresu vimokkhesu piham upatthapayatoti 2- imina nayena hotiyeva. Akusalo sabbesampi catubhumikanam khandhanam pakatupanissayo hoti, tatha tebhumikavipako. Lokuttaravipake hetthimani tini phalani akusalasseva na honti, uparitthimam kusalassapi. Purimanayena pana annesam va yassa va uppajjissati, tassa santane sabbopi @Footnote: 1 cha.Ma. veditabbo 2 cha.Ma. upatthapayato

--------------------------------------------------------------------------------------------- page425.

Lokuttaravipako sabbesam kusaladinam arupakkhandhanam pakatupanissayo hoti. Kiriyasankhatopi pakatupanissayo catubhumikanam akusaladikhandhanam hotiyeva, tatha rupasankhato. Sayam pana rupam imasmim patthanamahapakarane agatanayena upanissaya- paccayam na labhati, suttantikapariyayena pana labhatiti vattum vattati. Evamettha paccayuppannatopi vinnatabbo vinicchayoti. Upanissayapaccayaniddesavannana nitthita. -----------


             The Pali Atthakatha in Roman Book 55 page 422-425. http://84000.org/tipitaka/atthapali/rm_line.php?B=55&A=9536&modeTY=2&pagebreak=1              อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=9536&modeTY=2&pagebreak=1              อ่านอรรถกถาแปลไทย :- http://84000.org/tipitaka/attha/attha.php?b=40&i=10              เนื้อความพระไตรปิฎกฉบับหลวง :- http://84000.org/tipitaka/read/r.php?B=40&A=150              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=40&A=134              The Pali Tipitaka in Roman Character :- http://84000.org/tipitaka/read/roman_read.php?B=40&A=134              Contents of The Tipitaka Volume 36 http://84000.org/tipitaka/read/?index_40

first pageprevious pageno pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]