AtthaPali Vol.9

8. Vasetthasuttavannana [454] Evamme sutanti vasetthasuttam. Tattha icchanangalavanasandeti icchanangalagamassa avidure vanasande. Cankitiadayo pancapi jana ranno pasenadikosalassa purohita eva. Anne ca abhinnatati anne ca bahu abhinnata brahmana. Te kira chatthe chatthe mase dvisu thanesu ^2- sannipatanti. Yada jatim sodhetukama honti, tada pokkharasatissa santike jatisodhanattham ukkatthaya sannipatanti. Yada mante sodhetukama honti, tada icchanangale sannipatanti. Imasmim kale mantasodhanattham tattha ^3- sannipatimsu. Ayamantarakathati yam attano sahayakabhavanurupam katham kathenta anuvicarimsu, tassa kathaya antara ayam anna katha udapadi. Silavati gunava. Vattasampannoti acarasampanno. [455] Anunnatapatinnatati sikkhita tumheti evam acariyehi anunnata, ama acariya sikkhitamhati evam sayanca patinnata. Asmati bhavama. Aham pokkharasatissa, tarukkhassayam manavoti aham pokkharasatissa jetthantevasi aggasisso, ayam tarukkhassati dipeti. Tevijjananti tivedanam brahmananam. Yadakkhatanti yam atthato ca byanjanato ca ekampi padam akkhatam. Tatra kevalinosmaseti tam sakalam jananato @Footnote: ¹ cha.Ma. ayam patho na dissati ² Ma. varesu ³ cha.Ma. ayam saddo na dissati

--------------------------------------------------------------------------------------------- page310.

Tattha nitthagatamhati attho. Idani tam kevalibhavam avikaronto padakasmatiadimaha. Tattha jappe acariyasadisati kathanatthane mayam acariyasadisayeva. Kammunati dasakusalakammapathakammuna. Ayam hi pubbe sattavidham kayavacikammam sandhaya "yato kho bho silava hoti"ti aha, tividham manokammam sandhaya "vattasampanno"ti. Tena samannagato hi acarasampanno hoti. Cakkhumati pancahi cakkhuhi cakkhumantabhavena bhagavantam alapati. Khayatitanti unabhavam atitam, paripunnanti attho. Peccati upagantva. Namassantiti namo karonti. Cakkhum oke samuppannanti avijjandhakare loke tam andhakaram vidhamitva lokassa ditthadhammikadiatthadassanena cakkhum hutva samuppannam. [456] Evam vasetthena thometva yacito bhagava dvepi jane sanganhanto tesam vodam byakkhissantiadimaha. Tattha byakkhissanti byakarissami. Anupubbanti titthatu tava brahmanacinta, tinarukkhakitapatangato patthaya anupatipatiya acikkhissamiti attho. Jativibhanganti jativittharam. Annamanna hi jatiyoti tesam tesanhi pananam jatiyo annamanna ^1- nanappakarati attho. Tinarukkheti anupadinnakam jatim kathetva ^2- paccha upadinnakajatim kathessami, evam tassa jatibhedo pakato bhavissatiti imam desanam arabhi. Mahasivatthero pana "kim bhante anupadinnakam bijananataya nanam, upadinnakam kammananatayati evam vattum na vattati"ti pucchito ama na vattati. Kammanhi yoniyam khipati. Yonipatisandhiya ^3- ime satta nanavanna hontiti. Tinarukkheti ettha antopheggu bahisara antamaso talanalikerahayopi tinaneva, antosara pana bahipheggu sabbe rukkha nama. Na capi patijanareti mayam tina mayam rukkhati va, aham tinam aham rukkhoti va evam na jananti. Lingam jatimayanti ajanantanampi ca tesam jatimayameva santhanam attano mulabhutatinadisadisameva hoti. @Footnote: ¹ ka. annamannam ² cha.Ma. katva ³ cha.Ma. yonisiddha

--------------------------------------------------------------------------------------------- page311.

Kimkarana? annamanna hi jatiyo. Yasma anna tinajati, anna rukkhajati. Tinesupi anna talajati, anna nalikerajati, evam vittharetabbam. Imina idam dasseti:- yam jativasena nana hoti, tam attano patinnam paresam va va upadesam vinapi annajatito ^1- visesena gayhati. Yadi ca jatiya brahmano bhaveyya, sopi ^2- attano patinnam paresam va upadesam vina khattiyato vessato suddato va visesena gayheyya, ^3- na ca gayhati. Tasma na jatiya brahmanoti. Parato pana "yatha etasu jatisu"ti gathaya etamattham vacibhedeneva avikarissati. Evam anupadinnakesu jatim dassetva upadinnakesu dassento tato kitetiadimaha. Yava kunthakipilliketi kunthakipillikam pariyantam katvati attho. Ettha ca ye uppatitva gacchanti, te patanga nama. Annamanna hi jatiyoti tesampi nilarattadivannavasena jatiyo nanappakarava honti. Khuddaketi kalakadayo. Mahallaketi sappabilaradayo. ^4- Padudareti udarapade, udaramyeva nesam padati vuttam hoti. Dighapitthiketi sappanam hi sisato yava nanguttha pitthiyeva hoti, tena te "dighapitthika"ti vuccanti. Udaketi odake. Udakamhi jate. Pakkhiti sakune. Te hi pattehi yantiti pattayana, vehasam gacchantiti vihangama. Evam thalajalakasagocaranam pananam jatibhedam dassetva idani yenadhippayena tam dassesi, ^5- tam avikaronto yatha etasuti gathamaha. Tassattho sankhepana vuttova. Vittharato panettha yam vattabbam, tam sayameva dassento na kesehitiadimaha. Tatrayam yojana:- yam vuttam "natthi manussesu lingajatimayam puthu"ti, tam evam natthiti veditabbam. Seyyathidam? na kesehiti. Na hi "brahmananam @Footnote: ¹ ka.,Ma. anna jatiti ² Ma. tampi ³ Si., Ma., ka. ganheyya @⁴ cha.Ma. sasabilaradayo ⁵ cha.Ma. dasseti

--------------------------------------------------------------------------------------------- page312.

Edisa kesa honti, khattiyanam edisa"ti niyamo atthi yatha hatthiassamigadinanti imina nayena sabbam yojetabbam. Lingam jatimayam neva, yatha annasu jatisuti idam pana vuttassevatthassa nigamanti veditabbam. Tassayam yojana:- evam yasma imehi kesadihi natthi manussesu lingam jatimayam puthu, tasma veditabbametam "brahmanadibhedesu manussesu lingam jatimayam neva, yatha annasu jatisu"ti. [457] Idani evam jatibhede asatipi "brahmano khattiyo"ti idam nanattam yatha jatam, tam dassetum paccatanti gathamaha. Tattha vokaranti nanattam. Ayam panettha sankhepattho:- yatha hi tiracchananam yonisiddhameva ^1- kesadisanthanena nanattam, tatha brahmanadinam attano attano sarire tam natthi. Evam sanatepi yadetam "brahmano khattiyo"ti vokaram, tam vokaranca manussesu samannaya pavuccati, voharamatteneva pavuccatiti. Ettavata bhagava bharadvajassa vadam nigganhitva idani yadi jatiya brahmano bhaveyya, ajivasilacaravipannopi brahmano bhaveyya. Yasma pana porana brahmana tassa brahmanabhavam na icchanti, loke ca annepi panditamanussa, tasma vasetthassa vadam pagganhanto yo hi koci manussesuti attha gatha aha. Tattha gorakkhanti khettarakkham, kasikammanti vuttam hoti. Goti hi pathaviya namam, tasma evamaha. Puthusippenati tantavayakammadinanasippena. Voharanti vanijjam. Parapessenati paresam veyyavaccakammena. Issatthanti avudhajivikam, usunca sattincati vuttam hoti. Porohiccenati purohitakammena. Evam brahmanasamayena ca lokavoharena ca ajivasilacaravipannassa abrahmanabhavam sadhetva ^2- evam sante na jatiya brahmano, gunehi ^3- pana brahmano hoti. Tasma yattha katthaci kule jato yo gunava, so brahmano, ayamettha nayoti evametam nayam atthato apadetva idani nam vacibhedena @Footnote: ¹ Ma. yoninam setthameva ² ka. savetva ³ ka. tarunehi

--------------------------------------------------------------------------------------------- page313.

Pakasento na caham brahmanantiadimaha. Tassattho:- ahanhi yvayam catunnam yoninam yattha katthaci jato, tatrapi va ^1- visesena yo brahmanassa samvannitaya matari sambhuto, tam yonijam mattisambhavam, yo cayam ubhato sujatotiadina nayena brahmanehi brahmanassa parisuddhauppattimaggasankhata yoni vutta, samsuddhagahanikoti imina ca matisampatti, tatopi jatasambhutatta yonijo mattisambhavoti vuccati, tam yonijam mattisambhavam imina ca yonijamattisambhavamattena na brahmanam brumi. Kasma? yasma bho bhoti vacanamattena annehi sakincanehi visitthatta bhovadi nama so hoti, sace hoti sakincano sapalibodho. Yo panayam yattha katthaci jatopi ragadikincanabhavena akincano, sabbagahanapatinissaggena anadano, akincanam anadanam, tamaham brumi brahmanam. Kasma? yasma bahitapapoti. [458] Kinci bhiyyo ^2- sabbasamyojanam chetvatiadi sattavisati gatha. Tattha sabbasamyojananti sabbam dasavidhampi samyojanam. Na paritassatiti tanhaparitassanaya na paritassati. Sangatiganti ragasangadayo atikkantam. Visamyuttanti catuhi yonihi sabbakilesehi va visamyuttam. Naddhinti upanaham. Varattanti tanham. Sandananti yottapasam, ditthipariyutthanassetam adhivacanam. Sahanukkamanti anukkamo vuccati pase pavesanaganthi, ditthanusayassetam namam. Ukkhittapalighanti ettha palighoti avijja. Buddhanti catusaccabuddham. Titikkhatiti khamati. Khantibalanti adhivasanakhantibalam. Sa pana sakim uppanna balanikam nama na hoti, punappunam uppanna pana hoti. Tassa atthitaya balanikam. Vatavantanti dhutangavantam. Silavantanti gunavantam. Anussadanti ragadiussadavirahitam. "anussutan"tipi patho, anavassutanti attho. Dantanti nibbisevanam. @Footnote: ¹ cha.Ma. vasaddo na dissati ² cha.Ma. kincabhiyyo

--------------------------------------------------------------------------------------------- page314.

Na limpatiti na alliyati. Kamesuti kilesakamavatthukamesu. Dukkhassa pajanati, idheva khayanti ettha arahattaphalam dukkhassa khayoti adhippetam. Pajanatiti adhigamavasena janati. Pannabharanti ohitabharam, khandhakilesaabhisankharakamagunabhare otaretva thitam. Visamyuttapadam vuttatthameva. Gambhirapannanti gambhiresu arammanesu pavattapannam. Medhavinti pakatipannaya pannavantam. Anagarehi cubhayanti gahatthehi ca ^1- anagarehi ca visamsattham ubhayanca, dvihipi cetehi visamsatthamevati attho. Anokasarinti okam vuccati pancakamagunalayo, tam analliyamananti attho. Appicchanti aniccham. Tasesuti satanhesu. Thavaresuti nittanhesu. Attadandesuti gahitadandesu. Nibbutanti kilesanibbanena nibbutam. Sadanesuti saupadanesu. Ohitoti patito. ^2- [459] Akakkasanti niddosam. Sadoso hi rukkhopi sakakkasoti vuccati. Vinnapananti atthavinnapanikam. Saccanti avisamvadikam. Udirayeti bhanati. Yaya nabhisajjeti yaya giraya parassa sajjanam va lagganam va na karoti, tadisam apharusam giram bhasatiti attho. Dighanti suttarulhabhandam. Rassanti vippakinnabhandam. Anunti khuddakam. Kulanti mahantam. Subhasubhanti sundarasundaram. Dighabhandam hi appagghampi hoti mahagghampi. Rassadisupi eseva nayo. Iti ettavata na sabbam pariyadinnam "subhasubhan"ti imina pana pariyadinnam hoti. Niravasanti nittanham. Alayati tanhalaya. Annayati janitva amatogadhanti amatabbhantaram. Anuppattanti anuppavittham. @Footnote: ¹ cha.Ma. gahatthehi cati patho na dissati ² Ma. pahito, ka. patito

--------------------------------------------------------------------------------------------- page315.

Ubho sanganti ubhayampetam sangam. Punnam hi sagge laggapeti, apunnam apaye, tasma ubhayampetam sanganti aha. Upaccagati atito. Anavilanti avilakarakakilesarahitam. Nandibhavaparikkhinanti parikkhinanandim parikkhinabhavam. "yo iman"ti gathaya avijjayeva visamvadakatthena palipatho, mahaviduggataya duggam, samsaranatthena samsaro, mohanatthena mohoti vutto. Tinnoti caturoghatinno. Paramgatoti nibbanam gato. Jhayiti arammanalakkhanupanijjhanavasena jhayi. Anejoti nittanoha. Anupadaya nibbutoti kinci gahanam aggahetva sabbakilesanibbanena nibbuto. Kameti duvidhepi kame. Anagaroti panagaro hutva. Paribbajeti paribbajati. Kamabhavaparikkhinanti khinakamam khinabhavam. Manusakam yoganti manusakam pancakamagunayogam. Dibbam yoganti dibbam pancakamagunayogam. Sabbayogavisamyuttanti sabbakilesayogavisamyuttam. Ratinti pancakamagunaratim. Aratinti kusalabhavanaya ukkanthitam. Viranti viriyavantam. Sugatanti sundaratthanam gatam, sundaraya va patipattiya gatam. Gatinti nibbattim. Pureti atite. Pacchati anagate. Majjheti paccuppanne. Kincananti kincanakarako kileso. Mahesinti mahante gune pariyesanatthena mahesim. Vijitavinanti vijitavijayam. [460] Evam bhagava gunato khinasavamyeva brahmanam dassetva ye jatito brahmanoti abhinivesam karonti, te idam ajananta, sava nesam ditthi dudditthiti dassento samannahesati gathadvayamaha. Tassattho:- yadidam brahmano khattiyo bharadvajo vasetthoti namagottam pakappitam katam abhisankhatam, samannahesa lokasmim, voharamattanti attho. Kasma? yasma sammucca samudagatam samannaya agatam. Etanhi tattha tattha jatakaleyevassa natisalohitehi

--------------------------------------------------------------------------------------------- page316.

Pakappitam katam. No ce nam evam pakappeyyum, na koci kinci disva ayam brahmanoti va bharadvajoti va janeyya. Evam pakappitam petam digharattanusayitam, ditthigatamajanatam, tam pakappitam namagottam "namagottamattametam, samvoharattham pakappitan"ti ajanantanam sattanam hadaye digharattam ditthigatamanusayitam. Tassa anusayitatta tam namagottam ajananta no pabrunti "ayam ^1- brahmano jatiya hoti"ti ajanantava evam vadantiti vuttam hoti. Evam "ye `jatito brahmano'ti abhinivesam karonti, te idam voharamattam ajananta, sava nesam ditthi dudditthi"ti dassetva idani nippariyayameva jativadam patikkhipanto kammavadanca patitthapento na jaccatiadimaha. Tattha "kammuna"ti upaddhagathaya vittharanattham kassako kammunatiadi vuttam. Tattha kammunati paccuppannena kasikammadinibbattakacetanakammuna. Paticcasamuppadadassati imina paccayena evam hotiti evam paticcasamuppadadassavino. Kammavipakakovidati sammanavamanarahe kule kammavasena uppatti hoti annapi hinappanitata hinappanite kamme vipaccamane hotiti evam kammavipakakusala. Kammuna vattatiti gathaya pana lokoti va pajati va sattoti va ekoyevattho, vacanamattabhedo. Purimapadena cettha "atthi brahma mahabrahma settho sajita"ti ^2- ditthiya patisedho veditabbo. Kammuna tasu tasu gatisu vattati loko, tassa ko sajitati. Dutiyapadena "evam kammuna nibbattopi ca pavattepi atitapaccuppannabhedena kammuna vattati, sukhadukkhani paccanubhonto hinappanitadibhedanca apajjanto pavattati"ti dasseti. Tatiyena tamevattham nigameti "evam sabbathapi kammanibandhana satta kammeneva va baddha hutva pavattanti, na annatha"ti. Catutthena tamattham upamaya vibhaveti. Yatha hi rathassa yayato aninibandhanam hoti. Na taya anibaddho yati, evam lokassa nibbattato ca pavattato ca kammam nibandhanam, na tena anibaddho nibbattati na pavattati. @Footnote: ¹ cha.Ma. ayam patho na dissati ² Si. sanjitati

--------------------------------------------------------------------------------------------- page317.

Idani yasma evam kammanibandhano loko, tasma setthena kammuna setthabhavam dassento tapenati gathadvayamaha. Tattha tapenati dhutangatapena. Brahmacariyenati methunaviratiya. Samyamenati silena. Damenati indriyadamena. Etenati etena setthena parisuddhena brahmabhutena kammuna brahmano hoti. Kasma? yasma etam brahmanamuttamam, yasma etam kammam uttamo brahmanagunoti vuttam hoti. "brahmanan"tipi patho. Ayam panettha vacanattho:- brahmam anetiti ^1- brahmanam, brahmanabhavam avahatiti vuttam hoti. Dutiyagathaya santoti santakileso. Brahma sakkoti brahma ca sakko ca, yo evarupo, so na kevalam brahmano, athakho brahma ca sakko ca so vijanatam panditanam, evam vasettha janahiti vuttam hoti. Sesam sabbattha uttanamevati. Papancasudaniya majjhimanikayatthakathaya vasetthasuttavannana nitthita. ---------

The Pali Atthakatha in Roman Book 9 page 309-317. http://84000.org/tipitaka/atthapali/rm_line.php?B=9&A=7786&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=9&A=7786&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=13&i=704 เนื้อความพระไตรปิฎกฉบับหลวง :- http://84000.org/tipitaka/read/r.php?B=13&A=11070 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=13&A=13106 The Pali Tipitaka in Roman Character :- http://84000.org/tipitaka/read/roman_read.php?B=13&A=13106 Contents of The Tipitaka Volume 13 http://84000.org/tipitaka/read/?index_13