ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๓ ภาษาบาลีอักษรไทย สํ.อ. (สารตฺถ.๓)

                    ๔. ชาณุสฺโสณิพฺราหฺมณสุตฺตวณฺณนา
    [๔] จตุตฺเถ สพฺพเสเตน วฬวาภิรเถนาติ สกลเสเตน จตูหิ วฬวาหิ
ยุตฺตรเถน. โส กิร สพฺโพ สจกฺกปญฺชรกุพฺพโร ๒- รชตปริกฺขิตฺโต โหติ. รโถ
จ นาเมส ทุวิโธ โหติ โยธรโถ อลงฺการรโถติ. ตตฺถ โยธรโถ จตุรสฺสสณฺฐาโน
โหติ นาติมหา ทฺวินฺนํ ติณฺณํ วา ชนานํ คหณสมตฺโถ, อลงฺการรโถ
มหา โหติ ทีฆโต ทีโฆ จ ปุถุลโต ปุถุโล ๓- , ตตฺถ ฉตฺตคาหโก วาลวีชนีคาหโก
ตาลปณฺณคาหโกติ ๔- เอวํ อฏฺฐ วา ทส วา สุเขเนว ฐาตุํ วา นิสีทิตุํ วา
นิปชฺชิตุํ วา สกฺโกนฺติ, อยมฺปิ อลงฺการรโถเยว.
    เสตา สุทํ อสฺสาติ เสตา ๕- วฬวา ปกติยา เสตวณฺณาว. เสตาลงฺการาติ
ปสาธนํ เตสํ รชตมยํ อโหสิ. เสโต รโถติ รโถปิ วุตฺตนเยเนว รชตปริกฺขิตฺตตฺตา
ตตฺถ ตตฺถ ทนฺตกมฺมขจิตตฺตา จ เสโตว. เสตปริวาโรติ ยถา อญฺเญ รถา
สีหจมฺมปริวาราปิ โหนฺติ, พฺยคฺฆจมฺมปริวาราปิ ปณฺฑุกมฺพลปริวาราปิ โหนฺติ,
@เชิงอรรถ:  ฉ.ม. เวทิตพฺโพติ                  ม. สกฏปญฺชรกุพฺพโร
@ ก. มูลโต อถูโล     ฉ.ม. ตาลวณฺฏคฺคาหโกติ    ฉ.ม. ตา
น เอวํ เอส. เอส ปน ฆนทุกฺกูเลน ปริวาริโต อโหสิ. เสตา รสฺมิโยติ
รสฺมิโย รชตปนาฬิสุปริกฺขิตฺตา. เสตา ปโตทลฏฺฐีติ ปโตทลฏฺฐิปิ รชตปริกฺขิตฺตา.
    เสตํ ฉตฺตนฺติ รถมชฺเฌ อุสฺสาปิตํ ฉตฺตมฺปิ เสตํ อโหสิ. เสตํ อุณฺหีสนฺติ
อฏฺฐงฺคุลวิตฺถาโร รชตมโย อุณฺหีสปตฺโต เสโต. เสตานิ วตฺถานีติ วตฺถานิปิ
เสตานิ เผณปุญฺชวณฺณานิ. เตสุ นิวาสนํ ปญฺจสตคฺฆนิกํ, อุตฺตราสงฺโค
สหสฺสคฺฆนิโก. เสตา อุปาหนาติ อุปาหนา นาม มคฺคารูฬฺหสฺส วา โหนฺติ
อฏวึ วา ปวิสนฺตสฺส. อยํ ปน รถํ อภิรูโฬฺห, เตนสฺส ตทนุจฺฉวิโก
รชตปฏิเสวิโต ปาทาลงฺกาโร นาม เอส เอวํ วุตฺโตติ เวทิตพฺโพ. เสตาย สุทํ
วาลพีชนิยาติ ผลิกมยทณฺฑาย เสตจมรวาลพีชนิยา. น เกวลญฺจ เอตฺตกเมว
ตสฺส เสตํ อโหสิ, โส ปน พฺราหฺมโณ เสตวิเลปนํ วิลิมฺปิ, เสตมาลํ ปิลนฺธิ,
ทสสุ องฺคุลีสุ องฺคุลิมุทฺทิกา กณฺเณสุ กุณฺฑลานีติ เอวมาทิ อลงฺกาโรปิสฺส
รชตมโย อโหสิ. ปริวารพฺราหฺมณาปิสฺส ทสสหสฺสมตฺตา ตเถว
เสตวตฺถวิเลปนมาลาลงฺการา อเหสุํ.
    ยํ ปเนตํ สาวตฺถิยา นิยฺยายนฺตนฺติ วุตฺตํ, ตตฺรายํ นิยฺยายนวิภาวนา:-
โส กิร ฉนฺนํ ฉนฺนํ มาสานํ เอกวารํ นครํ ปทกฺขิณํ กโรติ, "อิโต เอตฺตเกหิ
ทิวเสหิ นครํ ปทกฺขิณํ กริสฺสตี"ติ ปุเรตรเมว โฆสนา กยิรติ. ตํ สุตฺวา
เย นครโต น ปกฺกนฺตา, เต น ปกฺกมนฺติ. ๑- เตปิ "ปุญฺญวโต สิริสมฺปตฺตึ
ปสฺสิสฺสามา"ติ อาคจฺฉนฺติ. ยํ ทิวสํ พฺราหฺมโณ นครํ อนุวิจรติ, ตทา ปาโตว
นครวีถิโย สมฺมชฺชิตฺวา วาลิกํ โอกิริตฺวา ลาชปญฺจเมหิ ปุปฺเผหิ วิปฺปกิริตฺวา
ปุณฺณฆเฏ ฐเปตฺวา กทลิโย จ ธเช จ อุสฺสาเปตฺวา สกลนครํ ธูปิตวาสิตํ
กโรนฺติ.
@เชิงอรรถ:  ม. เต อุปสงฺกมนฺติ
    พฺราหฺมโณ ปาโตว สีสํ นหายิตฺวา ปุเรภตฺตํ ภุญฺชิตฺวา วุตฺตนเยเนว
เสตวตฺถาทีหิ อตฺตานํ อลงฺกริตฺวา ปาสาทา โอรุยฺห รถํ อภิรุหติ. อถ นํ เต
พฺราหฺมณา สพฺเพ เสตวตฺถวิเลปนมาลาลงฺการา เสตฉตฺตานิ คเหตฺวา ปริวาเรนฺติ.
ตโต มหาชนสฺส สนฺนิปาตตฺถํ ปฐมํเยว ตรุณทารกานํ ผลาผลานิ ๑- วิกิรนฺติ,
ตทนนฺตรํ มาสกรูปาทีนิ, ๒- ตทนนฺตรํ กหาปเณ วิกิรนฺติ. มหาชโน สนฺนิปตติ,
อุกฺกุฏฺฐิโย เจว เจลุกฺเขปา จ วตฺตนฺติ. อถ พฺราหฺมโณ มงฺคลิกโสวตฺถิกาทีสุ
มงฺคลานิ เจว สุวตฺถิโย จ กโรนฺเตสุ มหาสมฺปตฺติยา นครํ อนุวิจรติ.
ปุญฺญวนฺตา มนุสฺสา เอกภูมิกาทิปาสาเท อารุยฺห สุกปตฺตสทิสานิ วาตปานกวาตานิ
วิวริตฺวา โอโลเกนฺติ. พฺราหฺมโณปิ อตฺตโน ยสสิริสมฺปตฺติยา นครํ
อชฺโฌตฺถรนฺโต วิย ทกฺขิณทฺวาราภิมุโข โหติ. ตํ สนฺธาเยตํ วุตฺตํ.
    ตเมนํ ชโน ทิสฺวาติ มหาชโน ตํ รถํ ทิสฺวา. พฺรหฺมนฺติ เสฏฺฐาธิวจนํ. ๓-
พฺรหฺมํ วต โภ ยานนฺติ เสฏฺฐยานสทิสํ วต โภ ยานนฺติ อยเมตฺถ อตฺโถ.
อิมสฺเสว โข เอตนฺติ อานนฺท มนุสฺสา นาม ๔- วณฺณภาณกานํ ธนํ ทตฺวา
อตฺตโน ทาริกานํ ๔- วณฺณคีตํ คายาเปนฺติ "อภิรูโป โหติ ทสฺสนีโย มหทฺธโน
มหาโภโค"ติ, น จ เตน วณฺณภณนมตฺเตน อภิรูปา วา โหนฺติ มหทฺธนา
วา, เอวเมว มหาชโน พฺราหฺมณสฺส รถํ ทิสฺวา "พฺรหฺมํ วต โภ ยานนฺ"ติ
กิญฺจาปิ เอวํ วณฺณํ ภณติ, น ปเนตํ ยานํ วณฺณภณนมตฺเตเนว พฺรหฺมยานํ
นาม โหติ. ลามกํ หิ เอตํ ฉวํ. ปรมตฺเถน ปน อิมสฺเสว โข เอตํ อานนฺท
อริยสฺส อฏฺฐงฺคิกสฺส มคฺคสฺส อธิวจนํ. อยํ หิ สพฺพโทสวิคเมน เสฏฺโฐ,
อิมินา จ อริยา นิพฺพานํ ยนฺตีติ พฺรหฺมยานํ อิติปิ, ธมฺมภูตตฺตา ยานตฺตา
@เชิงอรรถ:  ม. มาลามูลผลานิ    สี. มาสกรูปิยาทีนิ    ฉ.ม. เสฏฺฐาธิวจนเมตํ
@๔-๔ สี. วณฺณภณนฏฺฐานํ ปตฺวา อตฺตโน ทายกานํ
จ ธมฺมยานํ อิติปิ, อนุตฺตรตฺตา กิเลสสงฺคามสฺส จ วิชิตตฺตา อนุตฺตโร
สงฺคามวิชโย อิติปิ วตฺตุํ วฏฺฏติ.
    อิทานิสฺส นิทฺโทสภาวํ เจว สงฺคามวิชยภาวํ จ ทสฺเสนฺโต
ราควินยปริโยสานาติอาทิมาห. ตตฺถ ราคํ วินยมานา ปริโยสาเปติ ปริโยสานํ
คจฺฉติ นิปฺปชฺชตีติ ราควินยปริโยสานา. เอส นโย สพฺพตฺถ.
    ยสฺส สทฺธา จ ปญฺญา จาติ ยสฺส อริยมคฺคยานสฺส ๑- สทฺธานุสาริวเสน
สทฺธา, ธมฺมานุสาริวเสน ปญฺญาติ อิเม เทฺว ธมฺมา สทา ธุรํ ยุตฺตา,
ตตฺรมชฺฌตฺตตายุเค ยุตฺตาติ อตฺโถ. หิริ อีสาติ อตฺตนา สทฺธึ อนุยุตฺเตน ๒-
พหิทฺธาสมุฏฺฐาเนน โอตฺตปฺเปน สทฺธึ อชฺฌตฺตสมุฏฺฐานา หิรี ยสฺส มคฺครถสฺส
อีสา. มโน โยตฺตนฺติ วิปสฺสนาจิตฺตํ มคฺคจิตฺตํ จ โยตฺตํ. ยถา หิ รถสฺส
วากาทิมยํ โยตฺตํ โคเณ เอกาพทฺเธ กโรติ เอกสงฺคหิเต, เอวํ มคฺครถสฺส
โลกิยวิปสฺสนาจิตฺตํ อติเรกปญฺญาส, โลกุตฺตรวิปสฺสนาจิตฺตํ อติเรกสฏฺฐิ กุสลธมฺเม
เอกาพทฺเธ เอกสงฺคเห กโรติ. เตน วุตฺตํ "มโน โยตฺตนฺ"ติ. สติ อารกฺขสารถีติ
มคฺคสมฺปยุตฺตา สติ อารกฺขสารถิ. ยถา หิ รถสฺส อารกฺโข สารถิ นาม
โยคฺคิโย. ธุรํ วาเหติ โยเชติ อกฺขํ อพฺภญฺชติ รถํ เปเสติ รถยุตฺตเก
นิพฺพิเสวเน กโรติ, เอวํ มคฺครถสฺส สติ. อยํ หิ อารกฺขปจฺจุปฺปฏฺฐานา เจว
กุสลากุสลานญฺจ ธมฺมานํ คติโย สมเนฺวสตีติ วุตฺตา.
    รโถติ อริยอฏฺฐงฺคิกมคฺครโถ. สีลปริกฺขาโรติ จตุปาริสุทฺธสีลาลงฺกาโร.
ฌานกฺโขติ วิปสฺสนาสมฺปยุตฺตานํ ปญฺจนฺนํ ฌานงฺคานํ วเสน ฌานมยอกฺโข.
จกฺกวีริโยติ วีริยจกฺโก, กายิกเจตสิกสงฺขาตานิ เทฺว วีริยานิ อสฺส จกฺกานีติ
อตฺโถ. อุเปกฺขา ธุรสมาธีติ ธุรสฺส สมาธิ, ธุรสมาธิ ๓- อุณฺณโตณฺณตาการสฺส
@เชิงอรรถ:  ม. อริยมคฺคญฺญาณสฺส     ฉ.ม. อธิวิฏฺเฐน    ฉ.ม. อยํ ปาโฐ น ทิสฺสติ
อภาเวน ทฺวินฺนมฺปิ ยุคปเทสานํ สมตาติ อตฺโถ. อยํ หิ ตตฺรมชฺฌตฺตุเปกฺขา
จิตฺตุปฺปาทสฺส ลีนุทฺธจฺจภาวํ หริตฺวา ปโยคมชฺฌตฺเต จิตฺตํ ฐเปติ, ตสฺมา
อิมสฺส มคฺครถสฺส "ธุรสมาธี"ติ วุตฺตา. อนิจฺฉา ปริวารณนฺติ พาหิรกรถสฺส
สีหจมฺมาทีนิ วิย อิมสฺสาปิ อริยมคฺครถสฺส อโลภสงฺขาตา อนิจฺฉา ปริวารณํ
นาม.
    อพฺยาปาโทติ เมตฺตา เมตฺตาปุพฺพภาโค จ. อวิหึสาติ กรุณา จ
กรุณาปุพฺพภาโค จ. วิเวโกติ กายวิเวกาทิ ติวิโธ วิเวโก. ยสฺส อาวุธนฺติ ยสฺส
อริยมคฺครเถ ฐิตสฺส กุลปุตฺตสฺส เอตํ ปญฺจวิธํ อาวุธํ. ยถา หิ รเถ ฐิโต
ปญฺจหิ อาวุเธหิ สปตฺเต วิชฺฌติ, เอวํ โยคาวจโรปิ อิมสฺมึ โลกิยโลกุตฺตรมคฺครเถ
ฐิโต เมตฺตาย โทสํ วิชฺฌติ, กรุณาย วิหึสํ, กายวิเวเกน คณสงฺคณิกํ, จิตฺตวิเวเกน
กิเลสสงฺคณิกํ, อุปธิวิเวเกน สพฺพากุสลํ วิชฺฌติ. เตนสฺเสตํ ปญฺจวิธํ
"อาวุธนฺ"ติ วุตฺตํ. ติติกฺขาติ ทุรุตฺตานํ ทุราคตานํ วจนปถานํ อธิวาสนกฺขนฺติ.
จมฺมสนฺนาโหติ สนฺนทฺธจมฺโม. ยถา หิ รเถ ฐิโต รถิโก ปฏิมุกฺกจมฺโม
อาคตาคเต สเร ขมติ, น นํ เต วิชฺฌนฺติ, เอวํ อธิวาสนกฺขนฺติสมนฺนาคโต
ภิกฺขุ อาคตาคเต วจนปเถ ขมติ, น นํ เต วิชฺฌนฺติ. ตสฺมา "ติติกฺขา
จมฺมสนฺนาโห"ติ วุตฺโต. โยคกฺเขมาย วตฺตตีติ จตูหิ โยเคหิ เขมาย นิพฺพานาย
วตฺตติ, นิพฺพานาภิมุโข คจฺฉติเยว, น ติฏฺฐติ น ภิชฺชตีติ อตฺโถ.
    เอตทตฺตนิ สมฺภูตนฺติ เอตํ มคฺคยานํ อตฺตโน ปุริสการํ นิสฺสาย
ลทฺธตฺตา อตฺตนิ สมฺภูตํ นาม โหติ. พฺรหฺมยานํ อนุตฺตรนฺติ อสทิสํ เสฏฺฐยานํ.
นิยฺยนฺติ ธีรา โลกมฺหาติ เยสํ เอตํ ยานํ อตฺถิ, เต ธีรา ปณฺฑิตปุริสา
โลกมฺหา นิยฺยนฺติ คจฺฉนฺติ. อญฺญทตฺถูติ เอกํเสน. ชยํ ชยนฺติ ราคาทโย
สปตฺเต ชินนฺตา ชินนฺตา.



             อรรถกถาภาษาบาลีอักษรไทย เล่มที่ ๑๓ หน้า ๑๘๑-๑๘๕. http://84000.org/tipitaka/atthapali/th_line.php?B=13&A=3945&modeTY=2              The Pali Atthakatha in Roman :- http://84000.org/tipitaka/atthapali/read_rm.php?B=13&A=3945&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=19&i=12              เนื้อความพระไตรปิฎกฉบับหลวง :- http://84000.org/tipitaka/read/r.php?B=19&A=74              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=19&A=85              The Pali Tipitaka in Roman Character :- http://84000.org/tipitaka/read/roman_read.php?B=19&A=85              สารบัญพระไตรปิฎกเล่มที่ ๑๘ http://84000.org/tipitaka/read/?index_19

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]