บาลีอรรถกถาเล่มที่ ๓

{๕๐๑} อิทานิ สพฺพสิกฺขาปทานํ เอเกเกน อากาเรน นวธา สงฺคหํ ทสฺเสตุํ นว สงฺคหาติอาทิมาห ฯ ตตฺถ วตฺถุสงฺคโหติ วตฺถุนา สงฺคโห ฯ เอวํ เสเสสุปิ ปทตฺโถ เวทิตพฺโพ ฯ อยํ ปเนตฺถ อตฺถโยชนา ฯ ยสฺมา หิ เอกํ สิกฺขาปทมฺปิ อวตฺถุสฺมึ ปญฺตฺตํ

--------------------------------------------------------------------------------------------- หน้าที่ ๖๓๓.

นตฺถิ ตสฺมา สพฺพานิ วตฺถุนา สงฺคหิตานีติ เอวํ ตาว วตฺถุสงฺคโห เวทิตพฺโพ ฯ ยสฺมา ปน เทฺว อาปตฺติกฺขนฺธา สีลวิปตฺติยา สงฺคหิตา ปญฺจ อาปตฺติกฺขนฺธา อาจารวิปตฺติยา ฉ สิกฺขาปทานิ อาชีววิปตฺติยา สงฺคหิตานิ ตสฺมา สพฺพานิปิ วิปตฺติยา สงฺคหิตานีติ เอวํ วิปตฺติสงฺคโห เวทิตพฺโพ ฯ ยสฺมา ปน สตฺตหาปตฺตีหิ มุตฺตํ เอกํ สิกฺขาปทํปิ นตฺถิ ตสฺมา สพฺพานิ อาปตฺติยา สงฺคหิตานีติ เอวํ อาปตฺติสงฺคโห เวทิตพฺโพ ฯ สพฺพานิ จ สตฺตสุ นคเรสุ ปญฺตฺตานีติ นิทาเนน สงฺคหิตานีติ เอวํ นิทานสงฺคโห เวทิตพฺโพ ฯ ยสฺมา ปน เอกสิกฺขาปทํปิ อชฺฌาจารเก ปุคฺคเล อสติ ปญฺตฺตํ นตฺถิ ตสฺมา สพฺพานิ ปุคฺคเลน สงฺคหิตานีติ เอวํ ปุคฺคลสงฺคโห เวทิตพฺโพ ฯ สพฺพานิ ปน ปญฺจหิ เจว สตฺตหิ จ อาปตฺติกฺขนฺเธหิ สงฺคหิตานิ ฯ ตานิ สพฺพานิ น วินา ฉหิ สมุฏฺาเนหิ สมุฏฺหนฺตีติ สมุฏฺาเนน สงฺคหิตานิ ฯ สพฺพานิ จ จตูสุ อธิกรเณสุ อาปตฺตาธิกรเณน สงฺคหิตานิ ฯ สพฺพานิ สตฺตหิ สมเถหิ สมถํ คจฺฉนฺตีติ สมเถหิ สงฺคหิตานิ ฯ เอวเมตฺถ ขนฺธอธิกรณสมุฏฺาน- สมถสงฺคหาปิ เวทิตพฺพา ฯ เสสํ ปุพฺเพ วุตฺตนยเมวาติ ฯ สมนฺตปาสาทิกาย วินยสํวณฺณนาย สงฺคหวคฺควณฺณนา นิฏฺิตา ฯ นิฏฺิตา จ ปริวารสฺส อนุตฺตานตฺถปทวณฺณนาติ ฯ ------------------

อรรถกถาภาษาบาลีอักษรไทย เล่มที่ ๓ หน้า ๖๓๒-๖๓๓. http://84000.org/tipitaka/atthapali/th_line.php?B=3&A=12845&pagebreak=1 The Pali Atthakatha in Roman :- http://84000.org/tipitaka/atthapali/read_rm.php?B=3&A=12845&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=8&i=1362 เนื้อความพระไตรปิฎกฉบับหลวง :- http://84000.org/tipitaka/read/r.php?B=8&A=13305 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=8&A=11134 The Pali Tipitaka in Roman Character :- http://84000.org/tipitaka/read/roman_read.php?B=8&A=11134 สารบัญพระไตรปิฎกเล่มที่ ๔ http://84000.org/tipitaka/read/?index_8