ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
อ่านหน้า[ต่าง] แรกอ่านหน้า[ต่าง] ที่แล้วไม่แสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย
อรรถกถาเล่มที่ ๓ ภาษาบาลีอักษรไทย วินย.อ. (สมนฺต.๓)

     {๙๑} โจรวตฺถูสุ มนุสฺสา ปสฺสิตฺวาติ เยหิ คิหิกาเล ทิฏฺปุพฺโพ
เย จ อยํ โสติ อญฺเสํ สุณนฺติ เต ปสฺสิตฺวา อุตฺตสนฺติปิ
อุพฺพิชฺชนฺติปิ ทฺวารํปิ ถเกนฺติ ฯ เยน ปน น ชานนฺติ เตสํ ฆเรสุ
ภิกฺขํ ลภติ ฯ น ภิกฺขเวติ ภควา สยํ ธมฺมสามี ตสฺมา
อายตึ อกรณตฺถาย ภิกฺขูนํ สิกฺขาปทํ ปญฺเปนฺโต เอวมาห ฯ
ตตฺถ ธชํ พนฺธิตฺวา วิย จรตีติ ธชพนฺโธ ฯ มูลเทวาทโย วิย
โลเก ปากโฏติ วุตฺตํ โหติ ฯ ตสฺมา โย คามฆาตํ วา ปนฺถทูหนํ วา
นคเร สนฺธิจฺเฉทาทิกมฺมํ วา กโรนฺโต วิจรติ ปญฺายติ จ
อสุโก นาม อิทํ อิทํ กโรตีติ โส น ปพฺพาเชตพฺโพ ฯ
โย ปน ราชปุตฺโต รชฺชํ ปตฺเถนฺโต คามฆาตาทีนิ กโรติ โส
ปพฺพาเชตพฺโพ ฯ ราชาโน หิ ตสฺมึ ปพฺพชิเต ตุสนฺติ ฯ สเจ ปน
น ตุสนฺติ น ปพฺพาเชตพฺโพ ฯ ปุพฺเพ มหาชเน ปากโฏ โจโร
ปจฺฉา โจรกมฺมํ ปหาย ปญฺจ สีลานิ สมาทิยติ ฯ ตญฺเจ มนุสฺสา
เอวํ ชานนฺติ ปพฺพาเชตพฺโพ ฯ เย ปน อมฺพลพุชาทิโจรกา
สนฺธิจฺเฉทาทิโจราเอว วา อทิสฺสมานา เถยฺยํ กโรนฺติ ปจฺฉาปิ
อิมินา นาม อิทํ กตนฺติ น ปญฺายนฺติ เตปิ ปพฺพาเชตุํ วฏฺฏติ ฯ
     {๙๒} การํ ภินฺทิตฺวาติ อฏพนฺธนาทึ ภินฺทิตฺวา ฯ อภยูวราติ เอตฺถ
ภเยน อุปรมนฺตีติ ภยูวรา เอเต ปน ลทฺธาภยตฺตา น ภยูวราติ
อภยูวรา ฯ ปการสฺส เจตฺถ วกาโร กโตติ เวทิตพฺโพ ฯ น

--------------------------------------------------------------------------------------------- หน้าที่ ๖๓.

ภิกฺขเว การเภทโกติ เอตฺถ กาโร วุจฺจติ พนฺธนาคารํ ฯ อิธ ปน อนฺทุพนฺธนํ วา โหตุ สงฺขลิกพนฺธนํ วา รชฺชุพนฺธนํ วา คามพนฺธนํ วา นิคมพนฺธนํ วา นครพนฺธนํ วา ปุริสคุตฺติ วา ชนปทพนฺธนํ วา ทีปพนฺธนํ วา โย เอเตสุ ยงฺกิญฺจิ พนฺธนํ ภินฺทิตฺวา วา ฉินฺทิตฺวา วา มุญฺจิตฺวา วา วิวริตฺวา วา ปสฺสมานานํ วา อปสฺสมานานํ วา ปลายติ โส การเภทโกติ สงฺขฺยํ คจฺฉติ ฯ ตสฺมา อีทิโส การเภทโก โจโร ทีปพนฺธนํ ภินฺทิตฺวา ทีปนฺตรํ คโตปิ น ปพฺพาเชตพฺโพ ฯ โย ปน น โจโร เกวลํ หตฺถกมฺมํ อกโรนฺโต เอวํ โน อปลายนฺโต กมฺมํ กริสฺสตีติ วา ราชุยฺยุตฺตาทีหิ พนฺโธ โส การํ ภินฺทิตฺวา ปลาโตปิ ปพฺพาเชตพฺโพ ฯ โย ปน คาม- นิคมปฏฺฏนาทีนิ เกณิยา คเหตฺวา ตํ อสมฺปาเทนฺโต พนฺธนาคารํ ปเวสิโต โหติ โส ปลายิตฺวา อาคโต น ปพฺพาเชตพฺโพ ฯ โยปิ กสิกมฺมาทีหิ ธนํ สมฺปาเทตฺวา ชีวนฺโต นิธานํ อิมินา ลทฺธนฺติ เปสุญฺ อุปสํหริตฺวา เกนจิ พนฺธาปิโต โหติ ตํ ตตฺเถว ปพฺพาเชตุํ น วฏฺฏติ ฯ ปลายิตฺวา คตํ ปน คตคตฏฺาเน ปพฺพาเชตุํ วฏฺฏติ ฯ {๙๓} น ภิกฺขเว ลิขิตโกติ เอตฺถ ลิขิตโก นาม น เกวลํ ยตฺถ ปสฺสิตพฺโพ ตตฺถ หนฺตพฺโพติ อถโข โยโกจิ โจริกํ วา อญฺ วา ครุกํ ราชาปราธํ กตฺวา ปลาโต ราชา จ นํ ปณฺเณ วา โปตฺถเก วา อิตฺถนฺนาโม ยตฺถ ทิสฺสติ ตตฺถ คเหตฺวา มาเรตพฺโพติ วา หตฺถปาทาทีนิ ตสฺส ฉินฺทิตพฺพานีติ วา เอตฺตกนฺนาม ทณฺฑํ อาหราเปตพฺโพติ วา ลิขาเปติ อยํ

--------------------------------------------------------------------------------------------- หน้าที่ ๖๔.

ลิขิตโก นาม ฯ โส น ปพฺพาเชตพฺโพ ฯ {๙๔} กสาหโต กตทณฺฑ- กมฺโมติ เอตฺถ โย วจนเปสนาทีนิ อกโรนฺโต หญฺติ น โส กตทณฺฑกมฺโม ฯ โย ปน เกณิยา วา อญฺถา วา กิญฺจิ คเหตฺวา ขาทิตฺวา ปุน ทาตุํ อสกฺโกนฺโต อยเมว เต ทณฺโฑ โหตูติ กสาหิ หญฺติ อยํ กสาหโต กตทณฺฑกมฺโม ฯ โส จ กสาหิ วา หโต โหตุ อทฺธทณฺฑกาทีนํ วา อญฺตเรน ฯ ยาว อลฺลวโณ โหติ ตาว น ปพฺพาเชตพฺโพ ฯ วเณ ปน ปากติเก กตฺวา ปพฺพาเชตพฺโพ ฯ สเจ ปน ชานูหิ วา กปฺปเรหิ วา นาฬิเกรปาสาณาทีหิ วา ฆาเตตฺวา มุตฺโต โหติ สรีเร จสฺส คณฺิโย ปญฺายนฺติ น ปพฺพาเชตพฺโพ ฯ ผาสุกํ กตฺวา เอวํ คณฺีสุ สนฺนิสินฺนาสุ ปพฺพาเชตพฺโพ ฯ {๙๕} ลกฺขณาหโต กตทณฺฑกมฺโมติ เอตฺถ กตทณฺฑ- กมฺมภาโว ปุริมนเยเนว เวทิตพฺโพ ฯ ยสฺส ปน ลลาเฏ วา อุราทีสุ วา ตตฺเตน โลเหน ลกฺขณํ อาหตํ โหติ โส เจ ภุชิสฺโส ยาว อลฺลวโณ โหติ ตาว น ปพฺพาเชตพฺโพ ฯ สเจปิสฺส วณา รูฬฺหา โหนฺติ ฉวิยา สมปริจฺเฉทา ลกฺขณมฺปน ปญฺายติ ติมณฺฑลํ ปฏิจฺฉาเทตฺวา นิวตฺถสฺส อุตฺตราสงฺเค กเต ปฏิจฺฉนฺโนกาเสเยว โหติ ปพฺพาเชตุํ วฏฺฏติ ฯ อปฺปฏิจฺ-


             อรรถกถาภาษาบาลีอักษรไทย เล่มที่ ๓ หน้า ๖๒-๖๔. http://84000.org/tipitaka/atthapali/th_line.php?B=3&A=1285&pagebreak=1              The Pali Atthakatha in Roman :- http://84000.org/tipitaka/atthapali/read_rm.php?B=3&A=1285&pagebreak=1              อ่านอรรถกถาแปลไทย :- http://84000.org/tipitaka/attha/attha.php?b=4&i=104              เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A=2976              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A=3144              The Pali Tipitaka in Roman Character :- http://84000.org/tipitaka/read/roman_read.php?B=4&A=3144              สารบัญพระไตรปิฎกเล่มที่ ๔ http://84000.org/tipitaka/read/?index_4

อ่านหน้า[ต่าง] แรกอ่านหน้า[ต่าง] ที่แล้วไม่แสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย

บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]