PaliRoman Vol.33

Navamam patthodanadayakattherapadanam (419) [9] |9.170| Vanacari pure asim satatam vanakammiko patthodanam gahetvana kammantam agamasaham. |9.171| Tatthaddasasim sambuddham sayambhum aparajitam vana pindaya nikkhantam disva cittam pasadayim. |9.172| Parakammayane yutto punnanca me na vijjati ayam patthodano atthi bhojayissamimam munim. |9.173| Patthodanam gahetvana sayambhussa adasaham mama nijjhayamanassa paribhunji mahamuni. |9.174| Tena kammena sukatena cetanapanidhihi ca jahitva manusam deham tavatimsam aganchaham. |9.175| Dvattimsakkhattum ^1- devindo devarajjamakarayim tettimsakkhattum raja ca cakkavatti bhavissati ^2-. |9.176| Padesarajjam vipulam gananato asankhayam sukhito yasava homi patthodanassidam phalam. |9.177| Bhavabhave samsaranto labhami amitam dhanam bhoge me unata natthi patthodanassidam phalam. Nadisotapatibhaga bhoga nibbattare mama parimetum na sakkomi patthodanassidam phalam. @Footnote: ¹ Ma. Yu. chattimsakkhattum. ² Ma. Yu. ahosaham. |9.178| Imam khada imam bhunja imamhi sayane saya tenaham sukhito homi patthodanassidam phalam. |9.179| Ekanavute ^1- ito kappe yam danamadadim tada duggatim nabhijanami patthodanassidam phalam. |9.180| Kilesa jhapita mayham bhava sabbe samuhata nagova bandhanam chetva viharami anasavo. |9.181| Svagatam vata me asi mama buddhassa santike tisso vijja anuppatta katam buddhassa sasanam. |9.182| Patisambhida catasso vimokkhapica atthime chalabhinna sacchikata katam buddhassa sasananti. Ittham sudam ayasma patthodanadayako thero ima gathayo abhasitthati. Patthodanadayakattherassa apadanam samattam.

The Pali Tipitaka in Roman Character Volume 33 page 20-21. https://84000.org/tipitaka/english/roman_read.php?B=33&A=401&modeTY=2 Compare with The Pali Tipitaka in Thai Character :- https://84000.org/tipitaka/english/pali_read.php?B=33&A=401&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=33.1&item=9&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=33&siri=9 Study Atthakatha :- https://84000.org/tipitaka/attha/attha.php?b=33&i=9 Contents of The Tipitaka Volume 33 https://84000.org/tipitaka/read/?index_33 https://84000.org/tipitaka/english/?index_33