พระไตรปิฏกภาษาบาลีอักษรไทยเล่มที่ ๑๑ หน้าที่ ๒๐๒ ฉบับสยามรัฐ

สคฺคสฺส   มคฺคํ   อาจิกฺขติ   ฯ  อิเมหิ  โข  คหปติปุตฺต  จตูหิ  ฐาเนหิ
อตฺถกฺขายี มิตฺโต สุหโท เวทิตพฺโพ ฯ
     [๑๙๖]  จตูหิ   โข   คหปติปุตฺต   ฐาเนหิ   อนุกมฺปโก   มิตฺโต
สุหโท    เวทิตพฺโพ    อภเวนสฺส    น    นนฺทติ   ภเวนสฺส   นนฺทติ
อวณฺณํ    ภณมานํ    นิวาเรติ   วณฺณํ   ภณมานํ   ปสํสติ   ฯ   อิเมหิ
โข    คหปติปุตฺต    จตูหิ    ฐาเนหิ    อนุกมฺปโก    มิตฺโต   สุหโท
เวทิตพฺโพติ   ฯ   อิทมโวจ   ภควา   อิทํ   วตฺวาน   สุคโต  อถาปรํ
เอตทโวจ สตฺถา
     [๑๙๗]  อุปกาโร จ โย มิตฺโต            สุขทุกฺโข จ โย สขา ^๑-
                อตฺถกฺขายี จ โย มิตฺโต         โย จ มิตฺตานุกมฺปโก ฯ
                เอเตปิ มิตฺเต จตฺตาโร           อิติ วิญฺญาย ปณฺฑิโต
                สกฺกจฺจํ ปยิรุปาเสยฺย             มาตา ปุตฺตํว โอรสํ ฯ
                ปณฺฑิโต สีลสมฺปนฺโน           ชลํ อคฺคีว ภาสติ
                โภเค สํหรมานสฺส                ภมรสฺเสว อิรียโต ฯ
                โภคา สนฺนิจยํ ยนฺติ             วมฺมิโกวูปจียติ
                เอวํ โภเค สมาหริตฺวา ^๒-      อลมตฺโต กุเล คิหี ^๓- ฯ
                จตุธา วิภเช โภเค                 สเว มิตฺตานิ คนฺถติ
                เอเกน โภเค ภุญฺเชยฺย           ทฺวีหิ กมฺมํ ปโยชเย
                จตุตฺถญฺจ นิธาเปยฺย             อาปทาสุ ภวิสฺสตีติ ฯ
     [๑๙๘]  กถญฺจ  คหปติปุตฺต  อริยสาวโก  ฉทิสาปฏิจฺฉาที  โหติ  ฯ
@เชิงอรรถ: ^๑ ม. สุเข ทุกฺเข จ โย สขา ฯ ยุ. โย จ มิตฺโต สุเข ทุกฺเข ฯ ^๒ ม. สมาหตฺวา ฯ
@ยุ. สมาหนฺตฺวา ฯ ^๓ อลมตฺโถ กุเล คิหิ ฯ

เนื้อความพระไตรปิฎกฉบับภาษาบาลี อักษรไทย เล่มที่ ๑๑ หน้าที่ ๒๐๒. https://84000.org/tipitaka/pitaka_item/read_page.php?book=11&page=202&pages=1&modeTY=2&pagebreak=1&edition=pali ศึกษาพระสูตร (เนื้อความ) นี้แยกตามสารบัญ :- https://84000.org/tipitaka/pitaka_item/pali_read.php?B=11&A=4318&modeTY=2&pagebreak=1 https://84000.org/tipitaka/pali/pali_line.php?B=11&A=4318&modeTY=2&pagebreak=1#p202 สารบัญพระไตรปิฎกเล่มที่ 11 :- https://84000.org/tipitaka/read/?index_11 https://84000.org/tipitaka/english/?index_11