ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ฉบับภาษาไทย   บาลีอักษรไทย   บาลีอักษรโรมัน 
อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบไทย
พระไตรปิฎกเล่มที่ ๑๒ ภาษาบาลี อักษรไทย พระสุตตันตปิฎกเล่มที่ ๔ สุตฺต. ม. มูลปณฺณาสกํ
                           จูฬตณฺหาสงฺขยสุตฺตํ
     [๔๓๓]   เอวมฺเม   สุตํ   เอกํ  สมยํ  ภควา  สาวตฺถิยํ  วิหรติ
ปุพฺพาราเม   มิคารมาตุ   ปาสาเท  ฯ  อถ  โข  สกฺโก  เทวานมินฺโท
เยน    ภควา    เตนุปสงฺกมิ   อุปสงฺกมิตฺวา   ภควนฺตํ   อภิวาเทตฺวา
เอกมนฺตํ   อฏฺาสิ   ฯ   เอกมนฺตํ   ิโต   โข  สกฺโก  เทวานมินฺโท
ภควนฺตํ   เอตทโวจ   กิตฺตาวตา   นุ   โข   ภนฺเต  ภิกฺขุ  สงฺขิตฺเตน
ตณฺหาสงฺขยวิมุตฺโต      โหติ      อจฺจนฺตนิฏฺโ      อจฺจนฺตโยคกฺเขมี
อจฺจนฺตพฺรหฺมจารี อจฺจนฺตปริโยสาโน เสฏฺโ เทวมนุสฺสานนฺติ ฯ
     [๔๓๔]   อิธ   เทวานมินฺท   ภิกฺขุโน  สุตํ  โหติ  สพฺเพ  ธมฺมา
นาลํ   อภินิเวสายาติ   เอวญฺเจ   ตํ  เทวานมินฺท  ภิกฺขุโน  สุตํ  โหติ
สพฺเพ   ธมฺมา   นาลํ   อภินิเวสายาติ   โส   สพฺพํ  ธมฺมํ  อภิชานาติ
สพฺพํ    ธมฺมํ    อภิญฺาย    สพฺพํ   ธมฺมํ   ปริชานาติ   สพฺพํ   ธมฺมํ
ปริญฺาย   ยงฺกิญฺจิ   เวทนํ   เวเทติ  สุขํ  วา  ทุกฺขํ  วา  อทุกฺขมสุขํ
วา    โส    ตาสุ   เวทนาสุ   อนิจฺจานุปสฺสี   วิหรติ   วิราคานุปสฺสี
วิหรติ   นิโรธานุปสฺสี   วิหรติ   ปฏินิสฺสคฺคานุปสฺสี   วิหรติ   โส  ตาสุ
เวทนาสุ     อนิจฺจานุปสฺสี     วิหรนฺโต     วิราคานุปสฺสี    วิหรนฺโต
นิโรธานุปสฺสี   วิหรนฺโต   ปฏินิสฺสคฺคานุปสฺสี  วิหรนฺโต  น  กิญฺจิ  โลเก
อุปาทิยติ     อนุปาทิยํ    น    ปริตสฺสติ    อปริตสฺสํ    ปจฺจตฺตญฺเว
ปรินิพฺพายติ   ขีณา   ชาติ   วุสิตํ   พฺรหฺมจริยํ   กตํ   กรณียํ   นาปรํ
อิตฺถตฺตายาติ    ปชานาติ    เอตฺตาวตา    โข    เทวานมินฺท   ภิกฺขุ
สงฺขิตฺเตน   ตณฺหาสงฺขยวิมุตฺโต   โหติ   อจฺจนฺตนิฏฺโ  อจฺจนฺตโยคกฺเขมี
อจฺจนฺตพฺรหฺมจารี    อจฺจนฺตปริโยสาโน   เสฏฺโ   เทวมนุสฺสานนฺติ   ฯ
อถ      โข      สกฺโก      เทวานมินฺโท      ภควโต     ภาสิตํ
อภินนฺทิตฺวา    อนุโมทิตฺวา   ภควนฺตํ   อภิวาเทตฺวา   ปทกฺขิณํ   กตฺวา
ตตฺเถวนฺตรธายิ ฯ
     [๔๓๕]   เตน   โข   ปน  สมเยน  อายสฺมา  มหาโมคฺคลฺลาโน
ภควโต  อวิทูเร  นิสินฺโน  โหติ  ฯ อถ โข อายสฺมโต มหาโมคฺคลฺลานสฺส
เอตทโหสิ   กินฺนุ   โข   โส   ยกฺโข   ภควโต   ภาสิตํ   อภิสเมจฺจ
อนุโมทติ   อุทาหุ   โน   ยนฺนูนาหํ   ตํ   ยกฺขํ   ชาเนยฺยํ   ยทิ  วา
โส   ยกฺโข  ภควโต  ภาสิตํ  อภิสเมจฺจ  อนุโมทติ  ยทิ  วา  โนติ  ฯ
อถ    โข   อายสฺมา   มหาโมคฺคลฺลาโน   เสยฺยถาปิ   นาม   พลวา
ปุริโส    สมฺมิญฺชิตํ    วา   พาหํ   ปสาเรยฺย   ปสาริตํ   วา   พาหํ
สมฺมิญฺเชยฺย     เอวเมว     ปุพฺพาราเม     มิคารมาตุ     ปาสาเท
อนฺตรหิโต เทเวสุ ตาวตึเสสุ ปาตุรโหสิ ฯ
     {๔๓๕.๑}   เตน  โข ปน สมเยน สกฺโก เทวานมินฺโท เอกปุณฺฑรีเก
อุยฺยาเน  ทิพฺเพหิ  ปญฺจหิ  ตุริยสเตหิ  สมปฺปิโต  สมงฺคีภูโต ปริจาเรติ ฯ
อทฺทสา  โข  สกฺโก  เทวานมินฺโท  อายสฺมนฺตํ  มหาโมคฺคลฺลานํ  ทูรโตว
อาคจฺฉนฺตํ   ทิสฺวาน   ตานิ   ทิพฺพานิ  ปญฺจ  ตุริยสตานิ  ปฏิปณาเมตฺวา
เยนายสฺมา   มหาโมคฺคลฺลาโน   เตนุปสงฺกมิ   อุปสงฺกมิตฺวา  อายสฺมนฺตํ
มหาโมคฺคลฺลานํ   เอตทโวจ   เอหิ   โข  มาริส  โมคฺคลฺลาน  สฺวาคตํ
มาริส    โมคฺคลฺลาน    จิรสฺสํ    โข    มาริส    โมคฺคลฺลาน   อิมํ
ปริยายมกาสิ   ยทิทํ   อิธาคมนาย  นิสีท  มาริส  โมคฺคลฺลาน  อิทมาสนํ
ปญฺตฺตนฺติ   ฯ   นิสีทิ   โข   อายสฺมา   มหาโมคฺคลฺลาโน   ปญฺตฺเต
อาสเน  ฯ  สกฺโกปิ  โข  เทวานมินฺโท  อญฺตรํ  นีจํ  อาสนํ  คเหตฺวา
เอกมนฺตํ นิสีทิ ฯ
     [๔๓๖]   เอกมนฺตํ   นิสินฺนํ   โข   สกฺกํ  เทวานมินฺทํ  อายสฺมา
มหาโมคฺคลฺลาโน   เอตทโวจ  ยถากถํ  ปน  [๑]-  เต  โกสิย  ภควา
สงฺขิตฺเตน    ตณฺหาสงฺขยวิมุตฺตึ    อภาสิ    สาธุ    มยมฺปิ   เอติสฺสา
กถาย   ภาคิโน  อสฺสาม  สวนายาติ  ฯ  มยํ  โข  มาริส  โมคฺคลฺลาน
พหุกิจฺจา     พหุกรณียา    อปฺเปวนาม    สเกน    กรณีเยน    อปิจ
เทวานํเยว    ตาวตึสานํ    กรณีเยน    อปิจ    มาริส   โมคฺคลฺลาน
สุสฺสุตํเยว   โหติ   สุคหิตํ   สุมนสิกตํ  สุปธาริตํ  ยนฺโน  โข  ขิปฺปเมว
อนฺตรธายติ     ภูตปุพฺพํ     มาริส    โมคฺคลฺลาน    เทวาสุรสงฺคาโม
สมูปพฺยุโฬฺห  ๒-  อโหสิ  ตสฺมึ  โข  ปน  มาริส  โมคฺคลฺลาน  สงฺคาเม
เทวา   ชินึสุ   อสุรา   ปราชินึสุ   โส  โข  อหํ  มาริส  โมคฺคลฺลาน
เทวาสุรสงฺคามํ   ๓-   อภิวิชินิตฺวา   วิชิตสงฺคาโม  ตโต  ปฏินิวตฺติตฺวา
เวชยนฺตํ   นาม   ปาสาทํ   มาเปสึ   เวชยนฺตสฺส   โข   ปน  มาริส
โมคฺคลฺลาน    ปาสาทสฺส    เอกสตํ    นิยฺยูหํ   เอกเมกสฺมึ   นิยฺยูเห
สตฺต   สตฺต   กูฏาคารสตานิ   เอกเมกสฺมึ   กูฏาคาเร   สตฺต   สตฺต
@เชิงอรรถ:  ม. โข ฯ  ม. สมุปพฺยูโฬฺห ฯ  ม. ตํ สงฺคามํ ฯ
อจฺฉราโย    เอกเมกิสฺสา    อจฺฉราย    สตฺต   สตฺต   ปริจาริกาโย
อิจฺเฉยฺยาสิ   โน   ตฺวํ   มาริส   โมคฺคลฺลาน  เวชยนฺตสฺส  ปาสาทสฺส
รามเณยฺยกํ   ทฏฺฐุนฺติ   ฯ  อธิวาเสสิ  โข  อายสฺมา  มหาโมคฺคลฺลาโน
ตุณฺหีภาเวน ฯ
     [๔๓๗]   อถ   โข   สกฺโก   จ  เทวานมินฺโท  เวสฺสวณฺโณ  จ
มหาราชา   อายสฺมนฺตํ   มหาโมคฺคลฺลานํ   ปุรกฺขตฺวา  เยน  เวชยนฺโต
ปาสาโท   เตนุปสงฺกมึสุ   ฯ   อทฺทสาสุํ   โข  สกฺกสฺส  เทวานมินฺทสฺส
ปริจาริกาโย    อายสฺมนฺตํ    มหาโมคฺคลฺลานํ    ทูรโตว    อาคจฺฉนฺตํ
ทิสฺวาน   โอตฺตปฺปมานา   หิริยมานา   สกํ   สกํ   โอวรกํ  ปวิสึสุ  ฯ
เสยฺยถาปิ   นาม   สุณิสา  สสฺสุรํ  ทิสฺวา  โอตฺตปฺปติ  หิริยติ  เอวเมว
สกฺกสฺส    เทวานมินฺทสฺส   ปริจาริกาโย   อายสฺมนฺตํ   มหาโมคฺคลฺลานํ
ทิสฺวา โอตฺตปฺปมานา หิริยมานา สกํ สกํ โอวรกํ ปวิสึสุ ฯ
     {๔๓๗.๑}   อถ โข สกฺโก จ เทวานมินฺโท เวสฺสวณฺโณ จ มหาราชา
อายสฺมนฺตํ    มหาโมคฺคลฺลานํ   เวชยนฺเต   ปาสาเท   อนุจงฺกมาเปนฺติ
อนุจราเปนฺติ  อิทมฺปิ  มาริส  โมคฺคลฺลาน  ปสฺส  เวชยนฺตสฺส  ปาสาทสฺส
รามเณยฺยกํ   อิทมฺปิ  มาริส  โมคฺคลฺลาน  ปสฺส  เวชยนฺตสฺส  ปาสาทสฺส
รามเณยฺยกนฺติ   ฯ   โสภติทํ   อายสฺมโต   โกสิยสฺส   ยถาตํ   ปุพฺเพ
กตปุญฺสฺส    มนุสฺสาปิ    กิญฺจิเทว   รามเณยฺยกํ   ทิสฺวา   เอวมาหํสุ
โสภติ  วต  โภ  ยถา  เทวานํ  ตาวตึสานนฺติ  ตยิทํ อายสฺมโต โกสิยสฺส
โสภติ    ยถาตํ   ปุพฺเพ   กตปุญฺสฺสาติ   ฯ   อถ   โข   อายสฺมโต
มหาโมคฺคลฺลานสฺส     เอตทโหสิ    อติพาฬฺหํ    โข    อยํ    ยกฺโข
ปมตฺโต   วิหรติ   ยนฺนูนาหํ   อิมํ   ยกฺขํ   สํเวเชยฺยนฺติ  ฯ  อถ  โข
อายสฺมา   มหาโมคฺคลฺลาโน  ตถารูปํ  อิทฺธาภิสงฺขารํ  อภิสงฺขาเรติ  ๑-
ยถา    เวชยนฺตํ   ปาสาทํ   ปาทงฺคุฏฺเกน   สงฺกมฺเปสิ   สมฺปกมฺเปสิ
สมฺปเวเธสิ   ฯ   อถ   โข  สกฺโก  จ  เทวานมินฺโท  เวสฺสวณฺโณ  จ
มหาราชา   เทวา  จ  ตาวตึสา  อจฺฉริยพฺภูตจิตฺตชาตา  อเหสุํ  อจฺฉริยํ
วต   โภ   อพฺภูตํ   วต  โภ  สมณสฺส  มหิทฺธิกตา  มหานุภาวตา  ยตฺร
หิ    นาม   ทิพฺพภวนํ   ปาทงฺคุฏฺเกน   สงฺกมฺเปสฺสติ   สมฺปกมฺเปสฺสติ
สมฺปเวเธสฺสตีติ ฯ
     [๔๓๘]   อถ  โข  อายสฺมา  มหาโมคฺคลฺลาโน  สกฺกํ  เทวานมินฺทํ
สํวิคฺคํ    โลมหฏฺชาตํ    วิทิตฺวา    สกฺกํ    เทวานมินฺทํ   เอตทโวจ
ยถากถํ   ปน   โกสิย   ภควา   สงฺขิตฺเตน   ตณฺหาสงฺขยวิมุตฺตึ  อภาสิ
สาธุ  มยมฺปิ  เอติสฺสา  กถาย  ภาคิโน  อสฺสาม  สวนายาติ  ฯ  อิธาหํ
มาริส    โมคฺคลฺลาน    เยน    ภควา    เตนุปสงฺกมึ   อุปสงฺกมิตฺวา
ภควนฺตํ    อภิวาเทตฺวา   เอกมนฺตํ   อฏฺาสึ   เอกมนฺตํ   ิโต   โข
อหํ   มาริส   โมคฺคลฺลาน   ภควนฺตํ   เอตทโวจํ   กิตฺตาวตา  นุ  โข
ภนฺเต    ภิกฺขุ   สงฺขิตฺเตน   ตณฺหาสงฺขยวิมุตฺโต   โหติ   อจฺจนฺตนิฏฺโ
อจฺจนฺตโยคกฺเขมี     อจฺจนฺตพฺรหฺมจารี    อจฺจนฺตปริโยสาโน    เสฏฺโ
เทวมนุสฺสานนฺติ
     {๔๓๘.๑}   เอวํ   วุตฺเต   มาริส   โมคฺคลฺลาน   ภควา   มํ
เอตทโวจ   อิธ   เทวานมินฺท   ภิกฺขุโน   สุตํ   โหติ   สพฺเพ  ธมฺมา
@เชิงอรรถ:  ม. อภิสงฺขาสิ ฯ
นาลํ   อภินิเวสายาติ   เอวญฺเจ   ตํ  เทวานมินฺท  ภิกฺขุโน  สุตํ  โหติ
สพฺเพ   ธมฺมา   นาลํ   อภินิเวสายาติ   โส   สพฺพํ  ธมฺมํ  อภิชานาติ
สพฺพํ    ธมฺมํ    อภิญฺาย    สพฺพํ   ธมฺมํ   ปริชานาติ   สพฺพํ   ธมฺมํ
ปริญฺาย   ยงฺกิญฺจิ   เวทนํ   เวเทติ  สุขํ  วา  ทุกฺขํ  วา  อทุกฺขมสุขํ
วา    โส    ตาสุ   เวทนาสุ   อนิจฺจานุปสฺสี   วิหรติ   วิราคานุปสฺสี
วิหรติ   นิโรธานุปสฺสี   วิหรติ   ปฏินิสฺสคฺคานุปสฺสี   วิหรติ   โส  ตาสุ
เวทนาสุ     อนิจฺจานุปสฺสี     วิหรนฺโต     วิราคานุปสฺสี    วิหรนฺโต
นิโรธานุปสฺสี   วิหรนฺโต   ปฏินิสฺสคฺคานุปสฺสี  วิหรนฺโต  น  กิญฺจิ  โลเก
อุปาทิยติ     อนุปาทิยํ    น    ปริตสฺสติ    อปริตสฺสํ    ปจฺจตฺตญฺเว
ปรินิพฺพายติ   ขีณา   ชาติ   วุสิตํ   พฺรหฺมจริยํ   กตํ   กรณียํ   นาปรํ
อิตฺถตฺตายาติ    ปชานาติ    เอตฺตาวตา    โข    เทวานมินฺท   ภิกฺขุ
สงฺขิตฺเตน   ตณฺหาสงฺขยวิมุตฺโต   โหติ   อจฺจนฺตนิฏฺโ  อจฺจนฺตโยคกฺเขมี
อจฺจนฺตพฺรหฺมจารี     อจฺจนฺตปริโยสาโน     เสฏฺโ    เทวมนุสฺสานนฺติ
เอวํ     โข    เม    มาริส    โมคฺคลฺลาน    ภควา    สงฺขิตฺเตน
ตณฺหาสงฺขยวิมุตฺตึ อภาสีติ ฯ
     {๔๓๘.๒}   อถ   โข   อายสฺมา   มหาโมคฺคลฺลาโน   สกฺกสฺส
เทวานมินฺทสฺส     ภาสิตํ     อภินนฺทิตฺวา    อนุโมทิตฺวา    เสยฺยถาปิ
นาม  พลวา  ปุริโส  สมฺมิญฺชิตํ  วา  พาหํ  ปสาเรยฺย  ปสาริตํ วา พาหํ
สมฺมิญฺเชยฺย   เอวเมว   เทเวสุ   ตาวตึเสสุ   อนฺตรหิโต  ปุพฺพาราเม
มิคารมาตุ   ปาสาเท  ปาตุรโหสิ  ฯ  อถ  โข  สกฺกสฺส  เทวานมินฺทสฺส
ปริจาริกาโย    อจิรปกฺกนฺเต    อายสฺมนฺเต   มหาโมคฺคลฺลาเน   สกฺกํ
เทวานมินฺทํ   เอตทโวจุํ   เอโส   นุ   โข  เต  มาริส  โส  ภควา
สตฺถาติ   ฯ   น  โข  เม  มาริสา  โส  ภควา  สตฺถา  สพฺรหฺมจารี
เม  เอโส  อายสฺมา  มหาโมคลฺลาโนติ  ฯ  ลาภา  [๑]-  เต มาริส
สุลทฺธํ   เต   มาริส   ยสฺส  เต  สพฺรหฺมจารี  เอวํ  มหิทฺธิโก  เอวํ
มหานุภาโว อโห นูน เต โส ภควา สตฺถาติ ฯ
     [๔๓๙]   อถ   โข   อายสฺมา   มหาโมคฺคลฺลาโน  เยน  ภควา
เตนุปสงฺกมิ   อุปสงฺกมิตฺวา   ภควนฺตํ  อภิวาเทตฺวา  เอกมนฺตํ  นิสีทิ  ฯ
เอกมนฺตํ    นิสินฺโน    โข    อายสฺมา    มหาโมคฺคลฺลาโน   ภควนฺตํ
เอตทโวจ   อภิชานาติ   โน   ภนฺเต   ภควา  อาหุนญฺเว  อญฺตรสฺส
มเหสกฺขสฺส ยกฺขสฺส สงฺขิตฺเตน ตณฺหาสงฺขยวิมุตฺตึ ภาสิตาติ ฯ
     {๔๓๙.๑}   อภิชานามหํ   โมคฺคลฺลาน  อิธ  สกฺโก  เทวานมินฺโท
เยนาหํ  เตนุปสงฺกมิ  อุปสงฺกมิตฺวา  มํ  อภิวาเทตฺวา  เอกมนฺตํ  อฏฺาสิ
เอกมนฺตํ   ิโต  โข  โมคฺคลฺลาน  สกฺโก  เทวานมินฺโท  มํ  เอตทโวจ
กิตฺตาวตา   นุ   โข   ภนฺเต   ภิกฺขุ   สงฺขิตฺเตน   ตณฺหาสงฺขยวิมุตฺโต
โหติ       อจฺจนฺตนิฏฺโ      อจฺจนฺตโยคกฺเขมี      อจฺจนฺตพฺรหฺมจารี
อจฺจนฺตปริโยสาโน เสฏฺโ เทวมนุสฺสานนฺติ
     {๔๓๙.๒}   เอวํ   วุตฺเต   อหํ  โมคฺคลฺลาน  สกฺกํ  เทวานมินฺทํ
เอตทโวจํ    อิธ    เทวานมินฺท    ภิกฺขุโน    สุตํ    โหติ    สพฺเพ
ธมฺมา     นาลํ     อภินิเวสายาติ     เอวญฺเจ    ตํ    เทวานมินฺท
ภิกฺขุโน    สุตํ   โหติ   สพฺเพ   ธมฺมา   นาลํ   อภินิเวสายาติ   โส
สพฺพํ    ธมฺมํ    อภิชานาติ    สพฺพํ   ธมฺมํ   อภิญฺาย   สพฺพํ   ธมฺมํ
@เชิงอรรถ:  โป. วต ฯ
ปริชานาติ   สพฺพํ   ธมฺมํ   ปริญฺาย   ยงฺกิญฺจิ   เวทนํ   เวเทติ  สุขํ
วา   ทุกฺขํ   วา   อทุกฺขมสุขํ  วา  โส  ตาสุ  เวทนาสุ  อนิจฺจานุปสฺสี
วิหรติ   วิราคานุปสฺสี   วิหรติ   นิโรธานุปสฺสี  วิหรติ  ปฏินิสฺสคฺคานุปสฺสี
วิหรติ   โส   ตาสุ   เวทนาสุ   อนิจฺจานุปสฺสี  วิหรนฺโต  วิราคานุปสฺสี
วิหรนฺโต    นิโรธานุปสฺสี    วิหรนฺโต    ปฏินิสฺสคฺคานุปสฺสี    วิหรนฺโต
น    กิญฺจิ   โลเก   อุปาทิยติ   อนุปาทิยํ   น   ปริตสฺสติ   อปริตสฺสํ
ปจฺจตฺตญฺเว    ปรินิพฺพายติ    ขีณา   ชาติ   วุสิตํ   พฺรหฺมจริยํ   กตํ
กรณียํ   นาปรํ   อิตฺถตฺตายาติ  ปชานาติ  เอตฺตาวตา  โข  เทวานมินฺท
ภิกฺขุ     สงฺขิตฺเตน     ตณฺหาสงฺขยวิมุตฺโต     โหติ     อจฺจนฺตนิฏฺโ
อจฺจนฺตโยคกฺเขมี     อจฺจนฺตพฺรหฺมจารี    อจฺจนฺตปริโยสาโน    เสฏฺโ
เทวมนุสฺสานนฺติ   เอวํ   โข   อหํ   โมคฺคลฺลาน   อภิชานามิ  สกฺกสฺส
เทวานมินฺทสฺส สงฺขิตฺเตน ตณฺหาสงฺขยวิมุตฺตึ ภาสิตาติ ฯ
     {๔๓๙.๓}   อิทมโวจ  ภควา  อตฺตมโน  อายสฺมา มหาโมคฺคลฺลาโน
ภควโต ภาสิตํ อภินนฺทีติ ฯ
                   จูฬตณฺหาสงฺขยสุตฺตํ นิฏฺิตํ สตฺตมํ ฯ
                                  -------------


             เนื้อความพระไตรปิฎกฉบับภาษาบาลีอักษรไทย เล่มที่ ๑๒ หน้าที่ ๔๖๔-๔๗๑. https://84000.org/tipitaka/read/pali_item.php?book=12&item=433&items=7              อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- https://84000.org/tipitaka/read/pali_item.php?book=12&item=433&items=7&mode=bracket              อ่านเทียบพระไตรปิฎกฉบับภาษาบาลีอักษรโรมัน :- https://84000.org/tipitaka/read/roman_item.php?book=12&item=433&items=7              อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=12&item=433&items=7              ศึกษาอรรถกถานี้ได้ที่ :- https://84000.org/tipitaka/attha/attha.php?b=12&i=433              สารบัญพระไตรปิฎกเล่มที่ ๑๒ https://84000.org/tipitaka/read/?index_12 https://84000.org/tipitaka/english/?index_12

อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบไทย

บันทึก ๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]