พระไตรปิฎกเล่มที่ ๑๓ ภาษาบาลี อักษรไทย
พระสุตตันตปิฎกเล่มที่ ๕ สุตฺต. ม. มชฺฌิมปณฺณาสกํ

     [๑๔๖]   อานาปานสตึ  ๑-  ราหุล ภาวนํ ภาเวหิ อานาปานสติ ๒-
ราหุล   ภาวิตา   พหุลีกตา   มหปฺผลา   โหติ   มหานิสํสา   ฯ   กถํ
ภาวิตา   จ   ราหุล   อานาปานสติ   กถํ   พหุลีกตา  มหปฺผลา  โหติ
@เชิงอรรถ: ๑ โป. อานาปานสฺสตึ ฯ   ๒ โป. อานาปานสฺสติ หิ ฯ ม. อานาปานสติ หิ เต ฯ
มหานิสํสา   ฯ   อิธ   ราหุล  ภิกฺขุ  อรญฺคโต  วา  รุกฺขมูลคโต  วา
สุญฺาคารคโต   วา   นิสีทติ   ปลฺลงฺกํ  อาภุชิตฺวา  อุชุํ  กายํ  ปณิธาย
ปริมุขํ สตึ อุปฏฺเปตฺวา โส สโตว อสฺสสติ สโต ๑- ปสฺสสติ ฯ
     {๑๔๖.๑}   ทีฆํ  วา  อสฺสสนฺโต  ทีฆํ  อสฺสสามีติ ปชานาติ ทีฆํ วา
ปสฺสสนฺโต   ทีฆํ  ปสฺสสามีติ  ปชานาติ  ฯ  รสฺสํ  วา  อสฺสสนฺโต  รสฺสํ
อสฺสสามีติ    ปชานาติ    รสฺสํ   วา   ปสฺสสนฺโต   รสฺสํ   ปสฺสสามีติ
ปชานาติ    ฯ   สพฺพกายปฏิสํเวที   อสฺสสิสฺสามีติ   สิกฺขติ   สพฺพกาย-
ปฏิสํเวที    ปสฺสสิสฺสามีติ    สิกฺขติ    ฯ    ปสฺสมฺภยํ    กายสงฺขารํ
อสฺสสิสฺสามีติ     สิกฺขติ     ปสฺสมฺภยํ     กายสงฺขารํ    ปสฺสสิสฺสามีติ
สิกฺขติ ฯ
     {๑๔๖.๒}   ปีติปฏิสํเวที    อสฺสสิสฺสามีติ   สิกฺขติ   ปีติปฏิสํเวที
ปสฺสสิสฺสามีติ  สิกฺขติ  ฯ  สุขปฏิสํเวที  อสฺสสิสฺสามีติ  สิกฺขติ  สุขปฏิสํเวที
ปสฺสสิสฺสามีติ     สิกฺขติ     ฯ    จิตฺตสงฺขารปฏิสํเวที    อสฺสสิสฺสามีติ
สิกฺขติ   ฯ   จิตฺตสงฺขารปฏิสํเวที   ปสฺสสิสฺสามีติ   สิกฺขติ  ฯ  ปสฺสมฺภยํ
จิตฺตสงฺขารํ     อสฺสสิสฺสามีติ     สิกฺขติ     ปสฺสมฺภยํ     จิตฺตสงฺขารํ
ปสฺสสิสฺสามีติ    สิกฺขติ    ฯ    จิตฺตปฏิสํเวที    อสฺสสิสฺสามีติ   สิกฺขติ
จิตฺตปฏิสํเวที     ปสฺสสิสฺสามีติ    สิกฺขติ    ฯ    อภิปฺปโมทยํ    จิตฺตํ
อสฺสสิสฺสามีติ   สิกฺขติ   อภิปฺปโมทยํ   จิตฺตํ   ปสฺสสิสฺสามีติ   สิกฺขติ  ฯ
สมาทหํ   จิตฺตํ   อสฺสสิสฺสามีติ   สิกฺขติ   สมาทหํ   จิตฺตํ  ปสฺสสิสฺสามีติ
สิกฺขติ   ฯ   วิโมจยํ   จิตฺตํ   อสฺสสิสฺสามีติ   สิกฺขติ   วิโมจยํ   จิตฺตํ
ปสฺสสิสฺสามีติ      สิกฺขติ      ฯ      อนิจฺจานุปสฺสี     อสฺสสิสฺสามีติ
@เชิงอรรถ: ๑ ม. สโตว ฯ
สิกฺขติ    อนิจฺจานุปสฺสี    ปสฺสสิสฺสามีติ    สิกฺขติ    ฯ   วิราคานุปสฺสี
อสฺสสิสฺสามีติ        สิกฺขติ        วิราคานุปสฺสี        ปสฺสสิสฺสามีติ
สิกฺขติ    ฯ    นิโรธานุปสฺสี    อสฺสสิสฺสามีติ    สิกฺขติ   นิโรธานุปสฺสี
ปสฺสสิสฺสามีติ     สิกฺขติ     ฯ     ปฏินิสฺสคฺคานุปสฺสี     อสฺสสิสฺสามีติ
สิกฺขติ ปฏินิสฺสคฺคานุปสฺสี ปสฺสสิสฺสามีติ สิกฺขติ ฯ
     {๑๔๖.๓}   เอวํ  ภาวิตา  โข  ราหุล อานาปานสติ เอวํ พหุลีกตา
มหปฺผลา  โหติ  มหานิสํสา  เอวํ  ภาวิตาย  โข  ราหุล อานาปานสติยา
เอวํ  พหุลีกตาย  เยปิ  เต  จริมกา  อสฺสาสปสฺสาสา  ๑- เตปิ วิทิตาว
นิรุชฺฌนฺติ โน อวิทิตาติ ฯ
     อิทมโวจ    ภควา    อตฺตมโน    อายสฺมา   ราหุโล   ภควโต
ภาสิตํ อภินนฺทีติ ฯ
               มหาราหุโลวาทสุตฺตํ นิฏฺิตํ ทุติยํ ฯ
                      ----------
@เชิงอรรถ: ๑ ม. อสฺสาสา ฯ
                  จูฬมาลุงฺโกฺยวาทสุตฺตํ ๑-
     [๑๔๗]   เอวมฺเม  สุตํ  เอกํ สมยํ ภควา สาวตฺถิยํ วิหรติ เชตวเน
อนาถปิณฺฑิกสฺส   อาราเม   ฯ   อถ   โข  อายสฺมโต  มาลุงฺกฺยปุตฺตสฺส
รโหคตสฺส    ปฏิสลฺลีนสฺส    เอวํ    เจตโส    ปริวิตกฺโก    อุทปาทิ
ยานีมานิ    ทิฏฺิคตานิ   ภควตา   อพฺยากตานิ   ปิตานิ   ปฏิกฺขิตฺตานิ
สสฺสโต     โลโกติปิ    อสสฺสโต    โลโกติปิ    อนฺตวา    โลโกติปิ
อนนฺตวา    โลโกติปิ   ตํ   ชีวํ   ตํ   สรีรนฺติปิ   อญฺ   ชีวํ   อญฺ
สรีรนฺติปิ    โหติ    ตถาคโต    ปรมฺมรณาติปิ   น   โหติ   ตถาคโต
ปรมฺมรณาติปิ    โหติ   จ   น   จ   โหติ   ตถาคโต   ปรมฺมรณาติปิ
เนว   โหติ   น   น   โหติ   ตถาคโต   ปรมฺมรณาติปิ   ตานิ   เม
ภควา   น   พฺยากโรติ   ยานิ  เม  ภควา  น  พฺยากโรติ  ตมฺเม  น
รุจฺจติ    ตมฺเม   นกฺขมติ   โสหํ   ภควนฺตํ   อุปสงฺกมิตฺวา   เอตมตฺถํ
ปุจฺฉิสฺสามิ   สเจ   เม   ภควา   พฺยากริสฺสติ   สสฺสโต  โลโกติ  วา
ฯเปฯ   เนว  โหติ  น  น  โหติ  ตถาคโต  ปรมฺมรณาติ  วา  เอวาหํ
ภควติ   พฺรหฺมจริยํ   จริสฺสามิ   โน   เจ  [๒]-  ภควา  พฺยากริสฺสติ
สสฺสโต   โลโกติ   วา   อสสฺสโต   โลโกติ   วา   อนฺตวา  โลโกติ
วา   อนนฺตวา   โลโกติ   วา   ตํ   ชีวํ   ตํ   สรีรนฺติ   วา  อญฺ
ชีวํ    อญฺ    สรีรนฺติ    วา   โหติ   ตถาคโต   ปรมฺมรณาติ   วา
น   โหติ   ตถาคโต   ปรมฺมรณาติ   วา   โหติ   จ   น   จ  โหติ
@เชิงอรรถ: ๑ ม. จุฬมาลุกฺยสุตฺตํ   ๒ ม. ยุ. เมติ อตฺถิ ฯ
ตถาคโต   ปรมฺมรณาติ   วา   เนว   โหติ   น   น  โหติ  ตถาคโต
ปรมฺมรณาติ วา เอวาหํ สิกฺขํ ปจฺจกฺขาย หีนายาวตฺติสฺสามีติ ฯ
     [๑๔๘]   อถ    โข   อายสฺมา   มาลุงฺกฺยปุตฺโต   สายณฺหสมยํ
ปฏิสลฺลานา    วุฏฺิโต    เยน    ภควา   เตนุปสงฺกมิ   อุปสงฺกมิตฺวา
ภควนฺตํ   อภิวาเทตฺวา   เอกมนฺตํ   นิสีทิ   ฯ  เอกมนฺตํ  นิสินฺโน  โข
อายสฺมา มาลุงฺกฺยปุตฺโต ภควนฺตํ เอตทโวจ
     {๑๔๘.๑}   อิธ   มยฺหํ   ภนฺเต   รโหคตสฺส  ปฏิสลฺลีนสฺส  เอวํ
เจตโส    ปริวิตกฺโก    อุทปาทิ    ยานีมานิ    ทิฏฺิคตานิ    ภควตา
อพฺยากตานิ    ปิตานิ    ปฏิกฺขิตฺตานิ   สสฺสโต   โลโกติปิ   อสสฺสโต
โลโกติปิ  อนฺตวา  โลโกติปิ  อนนฺตวา  โลโกติปิ  ตํ  ชีวํ  ตํ  สรีรนฺติปิ
อญฺ   ชีวํ   อญฺ   สรีรนฺติปิ  โหติ  ตถาคโต  ปรมฺมรณาติปิ  น  โหติ
ตถาคโต  ปรมฺมรณาติปิ  โหติ  จ  น  จ  โหติ  ตถาคโต  ปรมฺมรณาติปิ
เนว  โหติ  น  น  โหติ  ตถาคโต  ปรมฺมรณาติปิ  ตานิ  เม  ภควา น
พฺยากโรติ  ยานิ  เม  ภควา น พฺยากโรติ ตมฺเม น รุจฺจติ ตมฺเม นกฺขมติ
โสหํ  ภควนฺตํ  อุปสงฺกมิตฺวา  เอตมตฺถํ  ปุจฺฉิสฺสามิ  สเจ  [๑]-  ภควา
พฺยากริสฺสติ   สสฺสโต   โลโกติ   วา  อสสฺสโต  โลโกติ  วา  อนฺตวา
โลโกติ  วา  อนนฺตวา  โลโกติ  วา ตํ ชีวํ ตํ สรีรนฺติ วา อญฺ ชีวํ อญฺ
สรีรนฺติ   วา   โหติ  ตถาคโต  ปรมฺมรณาติ  วา  น  โหติ   ตถาคโต
ปรมฺมรณาติ   วา   โหติ   จ   น   จ   โหติ  ตถาคโต  ปรมฺมรณาติ
@เชิงอรรถ: ๑ ม. ยุ. เมติ อตฺถิ ฯ
วา   เนว   โหติ   น  น  โหติ  ตถาคโต  ปรมฺมรณาติ  วา  เอวาหํ
ภควติ   พฺรหฺมจริยํ   จริสฺสามิ   โน   เจ   เม   ภควา  พฺยากริสฺสติ
สสฺสโต   โลโกติ   วา   อสสฺสโต   ๑-   โลโกติ  วา  ฯเปฯ  เนว
โหติ   น   น   โหติ   ตถาคโต   ปรมฺมรณาติ   วา   เอวาหํ  สิกฺขํ
ปจฺจกฺขาย หีนายาวตฺติสฺสามีติ ฯ
     {๑๔๘.๒}   สเจ   ภควา   ชานาติ   สสฺสโต  โลโกติ  สสฺสโต
โลโกติ   เม   ภควา   พฺยากโรตุ   สเจ   ภควา  ชานาติ  อสสฺสโต
โลโกติ   อสสฺสโต   โลโกติ  เม  ภควา  พฺยากโรตุ  โน  เจ  ภควา
ชานาติ   สสฺสโต   โลโกติ   วา   อสสฺสโต   โลโกติ  วา  อชานโต
โข   ปน   อปสฺสโต   เอตเทว   อุชุกํ   โหติ  ยทิทํ  น  ชานามิ  น
ปสฺสามีติ   ฯ   สเจ   ภควา   ชานาติ   อนฺตวา   โลโกติ   อนฺตวา
โลโกติ   เม   ภควา   พฺยากโรตุ   สเจ   ภควา  ชานาติ  อนนฺตวา
โลโกติ   อนนฺตวา   โลโกติ  เม  ภควา  พฺยากโรตุ  โน  เจ  ภควา
ชานาติ   อนฺตวา  โลโกติ  วา  อนนฺตวา  โลโกติ  วา  อชานโต  โข
ปน  อปสฺสโต  เอตเทว  อุชุกํ  โหติ  ยทิทํ  น  ชานามิ  น ปสฺสามีติ ฯ
สเจ  ภควา  ชานาติ  ตํ  ชีวํ  ตํ  สรีรนฺติ  ตํ ชีวํ ตํ สรีรนฺติ เม ภควา
พฺยากโรตุ    สเจ    ภควา   ชานาติ   อญฺ   ชีวํ   อญฺ   สรีรนฺติ
อญฺ   ชีวํ   อญฺ  สรีรนฺติ  เม  ภควา  พฺยากโรตุ   โน  เจ  ภควา
ชานาติ   ตํ   ชีวํ   ตํ   สรีรนฺติ   วา   อญฺ   ชีวํ   อญฺ  สรีรนฺติ
วา   อชานโต   โข   ปน   อปสฺสโต   เอตเทว   อุชุกํ  โหติ  ยทิทํ
@เชิงอรรถ: ๑ ยุ. อสฺสสโต ฯ
น ชานามิ น ปสฺสามีติ ฯ
     {๑๔๘.๓}   สเจ   ภควา  ชานาติ  โหติ  ตถาคโต  ปรมฺมรณาติ
โหติ   ตถาคโต   ปรมฺมรณาติ   เม   ภควา  พฺยากโรตุ  สเจ  ภควา
ชานาติ    น   โหติ   ตถาคโต   ปรมฺมรณาติ   น   โหติ   ตถาคโต
ปรมฺมรณาติ   เม   ภควา  พฺยากโรตุ  โน  เจ  ภควา  ชานาติ  โหติ
ตถาคโต    ปรมฺมรณาติ    วา    น   โหติ   ตถาคโต   ปรมฺมรณาติ
วา   อชานโต   โข   ปน  อปสฺสโต  เอตเทว  อุชุกํ  โหติ  ยทิทํ  น
ชานามิ  น  ปสฺสามีติ  ฯ  สเจ  ภควา  ชานาติ  โหติ  จ  น  จ โหติ
ตถาคโต   ปรมฺมรณาติ   โหติ  จ  น  จ  โหติ  ตถาคโต  ปรมฺมรณาติ
เม  ภควา  พฺยากโรตุ  สเจ  ภควา  ชานาติ  เนว  โหติ  น  น โหติ
ตถาคโต  ปรมฺมรณาติ  เนว  โหติ  น  น  โหติ  ตถาคโต  ปรมฺมรณาติ
เม  ภควา  พฺยากโรตุ  โน  เจ  ภควา  ชานาติ  โหติ  จ  น จ โหติ
ตถาคโต   ปรมฺมรณาติ   วา   เนว   โหติ   น   น  โหติ  ตถาคโต
ปรมฺมรณาติ    วา    อชานโต    โข    ปน    อปสฺสโต   เอตเทว
อุชุกํ โหติ ยทิทํ น ชานามิ น ปสฺสามีติ ฯ
     [๑๔๙]   กินฺนุ   โข   ตาหํ   มาลุงฺกฺยปุตฺต   เอวํ  อวจํ  เอหิ
ตฺวํ    มาลุงฺกฺยปุตฺต   มยิ   พฺรหฺมจริยํ   จร   อหนฺเต   พฺยากริสฺสามิ
สสฺสโต   โลโกติ   วา   อสสฺสโต   โลโกติ   วา   อนฺตวา  โลโกติ
วา   อนนฺตวา   โลโกติ   วา   ตํ   ชีวํ   ตํ   สรีรนฺติ   วา  อญฺ
ชีวํ   อญฺ   สรีรนฺติ   วา   โหติ   ตถาคโต   ปรมฺมรณาติ   วา  น
โหติ   ตถาคโต   ปรมฺมรณาติ   วา  โหติ  จ  น  จ  โหติ  ตถาคโต
ปรมฺมรณาติ   วา   เนว   โหติ   น  น  โหติ  ตถาคโต  ปรมฺมรณาติ
วาติ   ฯ   โน  เหตํ  ภนฺเต  ฯ  ตฺวํ  วา  ปน  มํ  เอวํ  อวจ  อหํ
ภนฺเต    ภควติ    พฺรหฺมจริยํ   จริสฺสามิ   ภควา   เม   พฺยากริสฺสติ
สสฺสโต   โลโกติ   วา   อสสฺสโต   โลโกติ   วา   อนฺตวา  โลโกติ
วา   อนนฺตวา   โลโกติ   วา   ตํ  ชีวํ  ตํ  สรีรนฺติ  วา  อญฺ  ชีวํ
อญฺ   สรีรนฺติ   วา   โหติ   ตถาคโต   ปรมฺมรณาติ   วา  น  โหติ
ตถาคโต   ปรมฺมรณาติ   วา   โหติ   จ    น   จ   โหติ  ตถาคโต
ปรมฺมรณาติ   วา   เนว   โหติ  น   น  โหติ  ตถาคโต  ปรมฺมรณาติ
วาติ ฯ โน เหตํ ภนฺเต ฯ
     {๑๔๙.๑}   อิติ  กิร  มาลุงฺกฺยปุตฺต  เนวาหนฺตํ  วทามิ  เอหิ  ตฺวํ
มาลุงฺกฺยปุตฺต   มยิ   พฺรหฺมจริยํ   จร   อหนฺเต  พฺยากริสฺสามิ  สสฺสโต
โลโกติ  วา  อสสฺสโต  โลโกติ วา ฯเปฯ เนว โหติ น น โหติ ตถาคโต
ปรมฺมรณาติ  วาติ  นปิ  กิร  ๑-  ตฺวํ วเทสิ อหํ ภนฺเต ภควติ พฺรหฺมจริยํ
จริสฺสามิ   ภควา   เม   พฺยากริสฺสติ  สสฺสโต  โลโกติ  วา  อสสฺสโต
โลโกติ  วา  ฯเปฯ  เนว  โหติ  น   น  โหติ  ตถาคโต  ปรมฺมรณาติ
วาติ เอวํ สนฺเต โมฆปุริส โก สนฺโต กํ ปจฺจาจิกฺขสิ ฯ
     [๑๕๐]   โย   โข   มาลุงฺกฺยปุตฺต   เอวํ  วเทยฺย  น  ตาวาหํ
ภควติ   พฺรหฺมจริยํ   จริสฺสามิ   ยาว   เม   ภควา   น  พฺยากริสฺสติ
สสฺสโต   โลโกติ   วา   อสสฺสโต   โลโกติ   วา   ฯเปฯ  โหติ  จ
@เชิงอรรถ: ๑ ม. ยุ. นปิ กิร มํ ฯ
น   จ   โหติ   ตถาคโต  ปรมฺมรณาติ  วา  เนว  โหติ  น  น  โหติ
ตถาคโต    ปรมฺมรณาติ    วาติ    อพฺยากตเมว    ตํ   มาลุงฺกฺยปุตฺต
ตถาคเตน อสฺส อถ โข โส ปุคฺคโล กาลํ กเรยฺย ฯ
     {๑๕๐.๑}   เสยฺยถาปิ   มาลุงฺกฺยปุตฺต   ปุริโส   สลฺเลน  วิทฺโธ
อสฺส   สวิเสน   คาฬฺหปเลปเนน   ตสฺส   มิตฺตามจฺจา   าติสาโลหิตา
ภิสกฺกํ  สลฺลกตฺตํ  อุปฏฺเปยฺยุํ  ฯ  โส  เอวํ  วเทยฺย  น  ตาวาหํ  อิมํ
สลฺลํ  อาหริสฺสามิ  ยาว  น  ตํ  ปุริสํ  ชานามิ  เยนมฺหิ  วิทฺโธ ขตฺติโย
วา  พฺราหฺมโณ  วา  เวสฺโส  วา  สุทฺโท  วาติ  ฯ  โส  เอวํ วเทยฺย
น   ตาวาหํ   อิมํ   สลฺลํ   อาหริสฺสามิ   ยาว  น  ตํ  ปุริสํ  ชานามิ
เยนมฺหิ   วิทฺโธ   เอวํนาโม   เอวํโคตฺโต   อิติ  วาติ  ฯ  โส  เอวํ
วเทยฺย   น   ตาวาหํ   อิมํ   สลฺลํ   อาหริสฺสามิ  ยาว  น  ตํ  ปุริสํ
ชานามิ   เยนมฺหิ   วิทฺโธ   ทีโฆ  วา  รสฺโส  วา  มชฺฌิโม  วาติ  ฯ
โส   เอวํ   วเทยฺย   น   ตาวาหํ  อิมํ  สลฺลํ  อาหริสฺสามิ  ยาว  น
ตํ  ปุริสํ  ชานามิ  เยนมฺหิ  วิทฺโธ  กาโฬ  วา  สาโม  วา  มงฺคุรจฺฉวี
วาติ   ฯ   โส   เอวํ   วเทยฺย  น  ตาวาหํ  อิมํ  สลฺลํ  อาหริสฺสามิ
ยาว   น   ตํ   ปุริสํ   ชานามิ  เยนมฺหิ  วิทฺโธ  อสุกสฺมึ  คาเม  วา
นิคเม   วา   นคเร   วาติ  ฯ  โส  เอวํ  วเทยฺย  น  ตาวาหํ  อิมํ
สลฺลํ   อาหริสฺสามิ   ยาว   น   ตํ   ธนุํ   ชานามิ   เยนมฺหิ  วิทฺโธ
ยทิ   วา   จาโป   ยทิ   วา  โกทณฺโฑติ  ฯ  โส  เอวํ  วเทยฺย  น
ตาวาหํ   อิมํ  สลฺลํ  อาหริสฺสามิ  ยาว  น  ตํ  ชิยํ   ชานามิ  ยายมฺหิ
วิทฺโธ   ยทิ   วา   อกฺกสฺส   ยทิ   วา  สณฺสฺส  ยทิ  วา  นหารุสฺส
ยทิ   วา   มรุวาย   ยทิ   วา   ขีรปณฺณิโนติ  ฯ  โส  เอวํ  วเทยฺย
น   ตาวาหํ   อิมํ   สลฺลํ   อาหริสฺสามิ   ยาว  น  ตํ  กณฺฑํ  ชานามิ
เยนมฺหิ วิทฺโธ ยทิ วา คจฺฉํ ๑- ยทิ วา โรปิมนฺติ ฯ
     {๑๕๐.๒}   โส  เอวํ  วเทยฺย  น  ตาวาหํ  อิมํ สลฺลํ อาหริสฺสามิ
ยาว  น  ตํ  กณฺฑํ  ชานามิ  เยนมฺหิ  วิทฺโธ  ยสฺส  ปตฺเตหิ  วาชิตํ ยทิ
วา  คิชฺฌสฺส  ยทิ  วา  กงฺขสฺส  ๒-  ยทิ  วา  กุลลสฺส ยทิ วา โมรสฺส
ยทิ   วา  สิถิลหนุโนติ  ฯ  โส  เอวํ  วเทยฺย  น  ตาวาหํ  อิมํ  สลฺลํ
อาหริสฺสามิ   ยาว   น   ตํ   กณฺฑํ   ชานามิ   เยนมฺหิ  วิทฺโธ  ยสฺส
นหารุนา  ปริกฺขิตฺตํ  ยทิ  วา  ควสฺส  ๓-  ยทิ  วา  มหิสสฺส  ๔-  ยทิ
วา  โรรุวสฺส  ๕-  ยทิ  วา  เสมฺหารสฺสาติ  ฯ  โส  เอวํ  วเทยฺย น
ตาวาหํ   อิมํ   สลฺลํ   อาหริสฺสามิ   ยาว   น   ตํ   กณฺฑํ   ชานามิ
เยนมฺหิ  วิทฺโธ  ยทิ  วา  สลฺลํ  ยทิ  วา  ขุรปฺปํ  ยทิ  วา เวกณฺณํ ๖-
ยทิ   วา   นาราจํ   ยทิ  วา  วจฺฉทนฺตํ  ยทิ  วา  กรวีรปตฺตนฺติ  ๗-
อญฺาตเมว   ตํ   มาลุงฺกฺยปุตฺต   เตน   ปุริเสน  อสฺส  อถ  โข  ๘-
โส ปุริโส กาลํ กเรยฺย ฯ
     {๑๕๐.๓}   เอวเมว  โข  มาลุงฺกฺยปุตฺต  โย  เอวํ  วเทยฺย  น
ตาวาหํ    ภควติ    พฺรหฺมจริยํ    จริสฺสามิ    ยาว   ตํ   ๙-   เม
ภควา    น    พฺยากริสฺสติ    สสฺสโต    โลโกติ    วา    อสสฺสโต
@เชิงอรรถ: ๑ ม. เอวํ ฯ สี. ยุ. กจฺฉํ ฯ   ๒ ยุ. กงฺกสฺส.   ๓ สี. ยุ. เอวํ ฯ
@ม. มิคสฺส ฯ  ๔ ม. มหึสสฺส ฯ  ๕ ม. เภรวสฺส ฯ   ๖ สี. ยุ.
@เวกณฺฑํ ฯ เอตฺถนฺตเร ยทิวา ควนฺติ อตฺถิ ฯ ๗ ม. กรจิรปตฺตนฺติ ฯ
@๘  ม. ยุ. อยํ สทฺโท นตฺถิ ฯ   ๙ ม. ยุ. อยํ ปาโ นตฺถิ ฯ
โลโกติ  วา  อนฺตวา  โลโกติ  วา  อนนฺตวา  โลโกติ  วา  ตํ  ชีวํ ตํ
สรีรนฺติ   วา   อญฺ   ชีวํ   อญฺ   สรีรนฺติ   วา   โหติ   ตถาคโต
ปรมฺมรณาติ   วา   น   โหติ   ตถาคโต   ปรมฺมรณาติ  วา  โหติ  จ
น   จ   โหติ  ตถาคโต  ปรมฺมรณาติ  วา  เนว  โหติ  น   น  โหติ
ตถาคโต   ปรมฺมรณาติ   วาติ   อพฺยากตเมว   ๑-   ตํ  มาลุงฺกฺยปุตฺต
ตถาคเตน อสฺส อถ โข โส ปุคฺคโล กาลํ กเรยฺย ฯ
     [๑๕๑]   สสฺสโต  โลโกติ  มาลุงฺกฺยปุตฺต  ทิฏฺิยา  สติ พฺรหฺมจริย-
วาโส    อภวิสฺสาติ   เอวํ   โน   อสสฺสโต   โลโกติ  มาลุงฺกฺยปุตฺต
ทิฏฺิยา   สติ   พฺรหฺมจริยวาโส   อภวิสฺสาติ   เอวมฺปิ   โน   สสฺสโต
โลโกติ   ๒-   มาลุงฺกฺยปุตฺต   ทิฏฺิยา   สติ   อสสฺสโต  โลโกติ  วา
ทิฏฺิยา    สติ   อตฺเถว   ชาติ   อตฺถิ   ชรา   อตฺถิ   มรณํ   สนฺติ
โสกปริเทวทุกฺขโทมนสฺสุปายาสา      เยสาหํ      ทิฏฺเว      ธมฺเม
นิฆาตํ    ปญฺเปมิ    ฯ   อนฺตวา   โลโกติ   มาลุงฺกฺยปุตฺต   ทิฏฺิยา
สติ    พฺรหฺมจริยวาโส   อภวิสฺสาติ   เอวํ   โน   อนนฺตวา   โลโกติ
มาลุงฺกฺยปุตฺต    ทิฏฺิยา   สติ   พฺรหฺมจริยวาโส   อภวิสฺสาติ   เอวมฺปิ
โน    อนฺตวา    โลโกติ    มาลุงฺกฺยปุตฺต   ทิฏฺิยา   สติ   อนนฺตวา
โลโกติ  วา  ทิฏฺิยา  สติ  อตฺเถว  ชาติ  อตฺถิ  ชรา  อตฺถิ มรณํ สนฺติ
โสกปริเทวทุกฺขโทมนสฺสุปายาสา    เยสาหํ    ทิฏฺเว   ธมฺเม   นิฆาตํ
ปญฺเปมิ   ฯ   ตํ   ชีวํ   ตํ   สรีรนฺติ   มาลุงฺกฺยปุตฺต   ทิฏฺิยา  สติ
@เชิงอรรถ: ๑ ม. ... เมเวตํ ฯ   ๒ ม. โลโกติ วา ฯ
พฺรหฺมจริยวาโส   อภวิสฺสาติ   เอวํ   โน   อญฺ   ชีวํ  อญฺ  สรีรนฺติ
มาลุงฺกฺยปุตฺต    ทิฏฺิยา   สติ   พฺรหฺมจริยวาโส   อภวิสฺสาติ   เอวมฺปิ
โน  ตํ  ชีวํ  ตํ  สรีรนฺติ  มาลุงฺกฺยปุตฺต  ทิฏฺิยา  สติ  อญฺ  ชีวํ  อญฺ
สรีรนฺติ วา ทิฏฺิยา สติ อตฺเถว ชาติ ฯเปฯ นิฆาตํ ปญฺเปมิ ฯ
     {๑๕๑.๑}   โหติ   ตถาคโต  ปรมฺมรณาติ  มาลุงฺกฺยปุตฺต  ทิฏฺิยา
สติ  พฺรหฺมจริยวาโส  อภวิสฺสาติ  เอวํ  โน น โหติ ตถาคโต ปรมฺมรณาติ
มาลุงฺกฺยปุตฺต    ทิฏฺิยา   สติ   พฺรหฺมจริยวาโส   อภวิสฺสาติ   เอวมฺปิ
โน   โหติ   ตถาคโต   ปรมฺมรณาติ   ๑-  มาลุงฺกฺยปุตฺต  ทิฏฺิยา  สติ
น   โหติ   ตถาคโต   ปรมฺมรณาติ   วา  ทิฏฺิยา  สติ  อตฺเถว  ชาติ
ฯเปฯ   เยสาหํ   ทิฏฺเว   ธมฺเม  นิฆาตํ  ปญฺเปมิ  ฯ  โหติ  จ  น
จ    โหติ    ตถาคโต    ปรมฺมรณาติ   มาลุงฺกฺยปุตฺต   ทิฏฺิยา   สติ
พฺรหฺมจริยวาโส  อภวิสฺสาติ  เอวํ  โน  เนว  โหติ  น น โหติ ตถาคโต
ปรมฺมรณาติ     มาลุงฺกฺยปุตฺต     ทิฏฺิยา     สติ     พฺรหฺมจริยวาโส
อภวิสฺสาติ   ๒-   เอวมฺปิ   โน   โหติ   จ   น  จ  โหติ  ตถาคโต
ปรมฺมรณาติ   [๓]-   มาลุงฺกฺยปุตฺต   ทิฏฺิยา  สติ  เนว  โหติ  น  น
โหติ   ตถาคโต   ปรมฺมรณาติ  วา  ทิฏฺิยา  สติ  อตฺเถว  ชาติ  อตฺถิ
ชรา     อตฺถิ     มรณํ     สนฺติ     โสกปริเทวทุกฺขโทมนสฺสุปายาสา
เยสาหํ ทิฏฺเว ธมฺเม นิฆาตํ ปญฺเปมิ ฯ

             เนื้อความพระไตรปิฎกฉบับภาษาบาลีอักษรไทย เล่มที่ ๑๓ หน้าที่ ๑๔๐-๑๕๑.
https://84000.org/tipitaka/read/pali_item.php?book=13&item=146&items=6
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=13&item=146&items=6&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=13&item=146&items=6
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=13&item=146&items=6
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=13&i=146
             สารบัญพระไตรปิฎกเล่มที่ ๑๓
https://84000.org/tipitaka/read/?index_13
https://84000.org/tipitaka/english/?index_13