พระไตรปิฎกเล่มที่ ๒ ภาษาบาลี อักษรไทย
พระวินัยปิฎกเล่มที่ ๒ วินย. มหาวิภงฺโค (๒)

หน้าที่ ๒๕๓.
                              สตฺตมสิกฺขาปทํ
     [๓๘๗]   เตน  สมเยน  พุทฺโธ  ภควา  สาวตฺถิยํ  วิหรติ เชตวเน
อนาถปิณฺฑิกสฺส   อาราเม   ฯ  เตน  โข  ปน  สมเยน  สตฺตรสวคฺคิยา
ภิกฺขู   อญฺตรํ   ปจฺจนฺติมํ   มหาวิหารํ   ปฏิสงฺขโรนฺติ  อิธ  มยํ  วสฺสํ
วสิสฺสามาติ   ฯ   อทฺทสํสุ  โข  ฉพฺพคฺคิยา  ภิกฺขู  สตฺตรสวคฺคิเย  ภิกฺขู
วิหารํ  ปฏิสงฺขโรนฺเต  ทิสฺวาน  เอวมาหํสุ  อิเม  อาวุโส สตฺตรสวคฺคิยา
ภิกฺขู   วิหารํ  ปฏิสงฺขโรนฺติ  หนฺท  เน  วุฏฺาเปสฺสามาติ  ฯ  เอกจฺเจ
เอวมาหํสุ อาคเมถาวุโส ยาว ปฏิสงฺขโรนฺติ ปฏิสงฺขเต วุฏฺาเปสฺสามาติ ฯ
     {๓๘๗.๑}   อถโข  ฉพฺพคฺคิยา  ภิกฺขู สตฺตรสวคฺคิเย ภิกฺขู เอตทโวจุํ
อุฏฺเถาวุโส  อมฺหากํ  วิหาโร  ปาปุณาตีติ  ฯ  นนุ  อาวุโส  ปฏิกจฺเจว
อาจิกฺขิตพฺพํ  มยญฺจ  อญฺ  ปฏิสงฺขเรยฺยามาติ  ฯ  นนุ  อาวุโส  สงฺฆิโก
วิหาโรติ   ฯ  อามาวุโส  สงฺฆิโก  วิหาโรติ  ฯ  อุฏฺเถาวุโส  อมฺหากํ
วิหาโร  ปาปุณาตีติ  ฯ  มหลฺลโก  อาวุโส  วิหาโร  ตุเมฺหปิ  วสถ มยํปิ
วสิสฺสามาติ   ฯ   อุฏฺเถาวุโส   อมฺหากํ   วิหาโร  ปาปุณาตีติ  กุปิตา
อนตฺตมนา   คีวายํ   คเหตฺวา   นิกฺกฑฺฒนฺติ   ฯ   เต   นิกฺกฑฺฒิยมานา
โรทนฺติ  ฯ  ภิกฺขู  เอวมาหํสุ   กิสฺส  ตุเมฺห  อาวุโส  โรทถาติ ฯ อิเม
อาวุโส    ฉพฺพคฺคิยา   ภิกฺขู    กุปิตา   อนตฺตมนา   อเมฺห   สงฺฆิกา
วิหารา   นิกฺกฑฺฒนฺตีติ   ฯ   เย   เต   ภิกฺขู   อปฺปิจฺฉา  ฯเปฯ  เต
---------------------------------------------------------------------------------------------
หน้าที่ ๒๕๔.
อุชฺฌายนฺติ   ขียนฺติ   วิปาเจนฺติ   กถํ   หิ   นาม   ฉพฺพคฺคิยา   ภิกฺขู
กุปิตา    อนตฺตมนา    ภิกฺขู   สงฺฆิกา   วิหารา   นิกฺกฑฺฒิสฺสนฺตีติ   ฯ
อถโข   เต   ภิกฺขู   ภควโต  เอตมตฺถํ  อาโรเจสุํ  ฯ  อถโข  ภควา
ฉพฺพคฺคิเย    ภิกฺขู   ปฏิปุจฺฉิ   สจฺจํ   กิร   ตุเมฺห   ภิกฺขเว   กุปิตา
อนตฺตมนา   ภิกฺขู  สงฺฆิกา  วิหารา  นิกฺกฑฺฒถาติ  ฯ  สจฺจํ  ภควาติ  ฯ
วิครหิ   พุทฺโธ   ภควา   กถํ   หิ   นาม   ตุเมฺห  โมฆปุริสา  กุปิตา
อนตฺตมนา   ภิกฺขู   สงฺฆิกา   วิหารา   นิกฺกฑฺฒิสฺสถ   เนตํ  โมฆปุริสา
อปฺปสนฺนานํ   วา   ปสาทาย   ฯเปฯ   เอวญฺจ   ปน   ภิกฺขเว   อิมํ
สิกฺขาปทํ อุทฺทิเสยฺยาถ
     {๓๘๗.๒}   โย  ปน  ภิกฺขุ  ภิกฺขุํ กุปิโต อนตฺตมโน สงฺฆิกา วิหารา
นิกฺกฑฺเฒยฺย วา นิกฺกฑฺฒาเปยฺย วา ปาจิตฺติยนฺติ ฯ
     [๓๘๘]   โย  ปนาติ  โย  ยาทิโส  ฯเปฯ ภิกฺขูติ ฯเปฯ อยํ อิมสฺมึ
อตฺเถ  อธิปฺเปโต  ภิกฺขูติ  ฯ  ภิกฺขุนฺติ  อญฺ  ภิกฺขุํ ฯ กุปิโต อนตฺตมโนติ
อนภิรทฺโธ อาหตจิตฺโต ขิลชาโต ฯ
     [๓๘๙]   สงฺฆิโก    นาม   วิหาโร   สงฺฆสฺส   ทินฺโน   โหติ
ปริจฺจตฺโต   ฯ   นิกฺกฑฺเฒยฺยาติ   คพฺเภ   คเหตฺวา   ปมุขํ   นิกฺกฑฺฒติ
อาปตฺติ   ปาจิตฺติยสฺส   ฯ   ปมุเข   คเหตฺวา  พหิ  นิกฺกฑฺฒติ  อาปตฺติ
ปาจิตฺติยสฺส   ฯ   เอเกน   ปโยเคน   พหุเกปิ   ทฺวาเร  อติกฺกาเมติ
อาปตฺติ    ปาจิตฺติยสฺส    ฯ    นิกฺกฑฺฒาเปยฺยาติ    อญฺ   อาณาเปสิ
อาปตฺติ   ปาจิตฺติยสฺส  ฯ  สกึ  อาณตฺโต  พหุเกปิ  ทฺวาเร  อติกฺกาเมติ
อาปตฺติ ปาจิตฺติยสฺส ฯ
---------------------------------------------------------------------------------------------
หน้าที่ ๒๕๕.
     [๓๙๐]   สงฺฆิเก   สงฺฆิกสญฺี  กุปิโต  อนตฺตมโน  นิกฺกฑฺฒติ  วา
นิกฺกฑฺฒาเปติ   วา  อาปตฺติ  ปาจิตฺติยสฺส  ฯ  สงฺฆิเก  เวมติโก  กุปิโต
อนตฺตมโน   นิกฺกฑฺฒติ  วา  นิกฺกฑฺฒาเปติ  วา  อาปตฺติ  ปาจิตฺติยสฺส  ฯ
สงฺฆิเก   ปุคฺคลิกสญฺี   กุปิโต  อนตฺตมโน  นิกฺกฑฺฒติ  วา  นิกฺกฑฺฒาเปติ
วา อาปตฺติ ปาจิตฺติยสฺส ฯ
     {๓๙๐.๑}   ตสฺส   ปริกฺขารํ   นิกฺกฑฺฒติ  วา  นิกฺกฑฺฒาเปติ  วา
อาปตฺติ   ทุกฺกฏสฺส   ฯ  วิหารสฺส  อุปจารา  วา  อุปฏฺานสาลาย  วา
มณฺฑปา    วา   รุกฺขมูลา   วา   อชฺโฌกาสา   วา   นิกฺกฑฺฒติ   วา
นิกฺกฑฺฒาเปติ   วา   อาปตฺติ   ทุกฺกฏสฺส  ฯ  ตสฺส  ปริกฺขารํ  นิกฺกฑฺฒติ
วา   นิกฺกฑฺฒาเปติ   วา   อาปตฺติ  ทุกฺกฏสฺส  ฯ  อนุปสมฺปนฺนํ  วิหารา
วา   วิหารสฺส   อุปจารา   วา   อุปฏฺานสาลาย   วา  มณฺฑปา  วา
รุกฺขมูลา   วา   อชฺโฌกาสา   วา   นิกฺกฑฺฒติ  วา  นิกฺกฑฺฒาเปติ  วา
อาปตฺติ   ทุกฺกฏสฺส   ฯ   ตสฺส  ปริกฺขารํ  นิกฺกฑฺฒติ  วา  นิกฺกฑฺฒาเปติ
วา อาปตฺติ ทุกฺกฏสฺส ฯ
     {๓๙๐.๒}   ปุคฺคลิเก    สงฺฆิกสญฺี    อาปตฺติ   ทุกฺกฏสฺส   ฯ
ปุคฺคลิเก   เวมติโก   อาปตฺติ   ทุกฺกฏสฺส   ฯ   ปุคฺคลิเก  ปุคฺคลิกสญฺี
อญฺสฺส    ปุคฺคลิเก    อาปตฺติ    ทุกฺกฏสฺส   ฯ   อตฺตโน   ปุคฺคลิเก
อนาปตฺติ ฯ
     [๓๙๑]   อนาปตฺติ   อลชฺชึ   นิกฺกฑฺฒติ   วา  นิกฺกฑฺฒาเปติ  วา
ตสฺส    ปริกฺขารํ    นิกฺกฑฺฒติ    วา   นิกฺกฑฺฒาเปติ   วา   อุมฺมตฺตกํ
นิกฺกฑฺฒติ    วา    นิกฺกฑฺฒาเปติ    วา   ตสฺส   ปริกฺขารํ   นิกฺกฑฺฒติ
---------------------------------------------------------------------------------------------
หน้าที่ ๒๕๖.
วา   นิกฺกฑฺฒาเปติ  วา  ภณฺฑนการกํ  วา  กลหการกํ  วา  วิวาทการกํ
วา   ภสฺสการกํ   วา   สงฺเฆ   อธิกรณการกํ   วา   นิกฺกฑฺฒติ   วา
นิกฺกฑฺฒาเปติ   วา   ตสฺส   ปริกฺขารํ   นิกฺกฑฺฒติ   วา   นิกฺกฑฺฒาเปติ
วา   อนฺเตวาสิกํ   วา   สทฺธิวิหาริกํ  วา  น  สมฺมาวตฺตนฺตํ  นิกฺกฑฺฒติ
วา   นิกฺกฑฺฒาเปติ   วา  ตสฺส  ปริกฺขารํ  นิกฺกฑฺฒติ  วา  นิกฺกฑฺฒาเปติ
วา อุมฺมตฺตกสฺส อาทิกมฺมิกสฺสาติ ฯ
                         สตฺตมสิกฺขาปทํ นิฏฺิตํ ฯ
                                   -------

             เนื้อความพระไตรปิฎกฉบับภาษาบาลีอักษรไทย เล่มที่ ๒ หน้าที่ ๒๕๓-๒๕๖.
https://84000.org/tipitaka/read/pali_item.php?book=2&item=387&items=5&pagebreak=1
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=2&item=387&items=5&pagebreak=1&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=2&item=387&items=5&pagebreak=1
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=2&item=387&items=5&pagebreak=1
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=2&i=387
             สารบัญพระไตรปิฎกเล่มที่ ๒
https://84000.org/tipitaka/read/?index_2
https://84000.org/tipitaka/english/?index_2