พระไตรปิฎกเล่มที่ ๒๐ ภาษาบาลี อักษรไทย
พระสุตตันตปิฎกเล่มที่ ๑๒ สุตฺต. องฺ. (๑): เอก-ทุก-ติกนิปาตา

     [๕๕๒]   ๑๑๓   ตีณีมานิ   ภิกฺขเว  นิทานานิ  กมฺมานํ  สมุทยาย
กตมานิ  ตีณิ  อตีเต  ภิกฺขเว  ฉนฺทราคฏฺานิเย  ธมฺเม  อารพฺภ  ฉนฺโท
ชายติ   อนาคเต   ภิกฺขเว   ฉนฺทราคฏฺานิเย  ธมฺเม  อารพฺภ  ฉนฺโท
ชายติ   ปจฺจุปฺปนฺเน  ภิกฺขเว  ฉนฺทราคฏฺานิเย  ธมฺเม  อารพฺภ  ฉนฺโท
ชายติ ฯ
     {๕๕๒.๑}   กถญฺจ  ภิกฺขเว  อตีเต ฉนฺทราคฏฺานิเย ธมฺเม อารพฺภ
ฉนฺโท   ชายติ   อตีเต    ภิกฺขเว   ฉนฺทราคฏฺานิเย  ธมฺเม  อารพฺภ
เจตสา   อนุวิตกฺเกติ   อนุวิจาเรติ   ตสฺส   อตีเต   ฉนฺทราคฏฺานิเย
ธมฺเม   อารพฺภ   เจตสา   อนุวิตกฺกยโต  อนุวิจารยโต  ฉนฺโท  ชายติ
ฉนฺทชาโต  เตหิ  ธมฺเมหิ  สํยุตฺโต  โหติ  เอตาหํ  ๑- ภิกฺขเว สญฺโชนํ
วทามิ  โย ๒- เจตโส สาราโค เอวํ โข ภิกฺขเว อตีเต ฉนฺทราคฏฺานิเย
ธมฺเม อารพฺภ ฉนฺโท ชายติ ฯ
@เชิงอรรถ: ๑ ม. เอตมหํ ฯ อิโต ปรํ อีทิสเมว ฯ ๒ ยุ. โส ฯ อิโต ปรํ อีทิสเมว ฯ
     {๕๕๒.๒}   กถญฺจ   ภิกฺขเว  อนาคเต  ฉนฺทราคฏฺานิเย  ธมฺเม
อารพฺภ   ฉนฺโท   ชายติ   อนาคเต  ภิกฺขเว  ฉนฺทราคฏฺานิเย  ธมฺเม
อารพฺภ  เจตสา  อนุวิตกฺเกติ อนุวิจาเรติ ตสฺส อนาคเต ฉนฺทราคฏฺานิเย
ธมฺเม   อารพฺภ   เจตสา   อนุวิตกฺกยโต  อนุวิจารยโต  ฉนฺโท  ชายติ
ฉนฺทชาโต   เตหิ   ธมฺเมหิ  สํยุตฺโต  โหติ  เอตาหํ  ภิกฺขเว  สญฺโชนํ
วทามิ  โย  เจตโส สาราโค เอวํ โข ภิกฺขเว อนาคเต ฉนฺทราคฏฺานิเย
ธมฺเม อารพฺภ ฉนฺโท ชายติ ฯ
     {๕๕๒.๓}   กถญฺจ  ภิกฺขเว  ปจฺจุปฺปนฺเน  ฉนฺทราคฏฺานิเย  ธมฺเม
อารพฺภ   ฉนฺโท  ชายติ  ปจฺจุปฺปนฺเน  ภิกฺขเว  ฉนฺทราคฏฺานิเย  ธมฺเม
อารพฺภ    เจตสา    อนุวิตกฺเกติ    อนุวิจาเรติ   ตสฺส   ปจฺจุปฺปนฺเน
ฉนฺทราคฏฺานิเย   ธมฺเม  อารพฺภ  เจตสา  อนุวิตกฺกยโต  อนุวิจารยโต
ฉนฺโท  ชายติ  ฉนฺทชาโต  เตหิ  ธมฺเมหิ  สํยุตฺโต  โหติ เอตาหํ ภิกฺขเว
สญฺโชนํ  วทามิ  โย  เจตโส  สาราโค  เอวํ  โข ภิกฺขเว ปจฺจุปฺปนฺเน
ฉนฺทราคฏฺานิเย  ธมฺเม  อารพฺภ  ฉนฺโท  ชายติ  ฯ  อิมานิ โข ภิกฺขเว
ตีณิ นิทานานิ กมฺมานํ สมุทยาย ฯ
     {๕๕๒.๔}   ตีณีมานิ  ภิกฺขเว  นิทานานิ  กมฺมานํ  สมุทยาย กตมานิ
ตีณิ  อตีเต  ภิกฺขเว  ฉนฺทราคฏฺานิเย  ธมฺเม  อารพฺภ  ฉนฺโท น ชายติ
อนาคเต  ภิกฺขเว  ฉนฺทราคฏฺานิเย  ธมฺเม  อารพฺภ  ฉนฺโท  น  ชายติ
ปจฺจุปฺปนฺเน ภิกฺขเว ฉนฺทราคฏฺานิเย ธมฺเม อารพฺภ ฉนฺโท น ชายติ ฯ
     {๕๕๒.๕}   กถญฺจ   ภิกฺขเว   อตีเต   ฉนฺทราคฏฺานิเย  ธมฺเม
อารพฺภ   ฉนฺโท   น   ชายติ   อตีตานํ   ภิกฺขเว   ฉนฺทราคฏฺานิยานํ
ธมฺมานํ        อายตึ        วิปากํ        ปชานาติ        อายตึ
วิปากํ   วิทิตฺวา   ตทภินิวชฺเชติ   ๑-   ตทภินิวชฺเชตฺวา   ๒-  เจตสา
อภิวิราเชตฺวา  ๓-  ปญฺาย  อติวิชฺฌ  ปสฺสติ  เอวํ  โข  ภิกฺขเว อตีเต
ฉนฺทราคฏฺานิเย ธมฺเม อารพฺภ ฉนฺโท น ชายติ ฯ
     {๕๕๒.๖}   กถญฺจ   ภิกฺขเว  อนาคเต  ฉนฺทราคฏฺานิเย  ธมฺเม
อารพฺภ   ฉนฺโท   น   ชายติ   อนาคตานํ  ภิกฺขเว  ฉนฺทราคฏฺานิยานํ
ธมฺมานํ  อายตึ  วิปากํ  ปชานาติ  อายตึ  วิปากํ  วิทิตฺวา  ตทภินิวชฺเชติ
ตทภินิวชฺเชตฺวา   เจตสา   อภิวิราเชตฺวา   ปญฺาย   อติวิชฺฌ   ปสฺสติ
เอวํ  โข  ภิกฺขเว  อนาคเต  ฉนฺทราคฏฺานิเย  ธมฺเม  อารพฺภ  ฉนฺโท
น ชายติ ฯ
     {๕๕๒.๗}   กถญฺจ    ภิกฺขเว   ปจฺจุปฺปนฺเน   ฉนฺทราคฏฺานิเย
ธมฺเม    อารพฺภ    ฉนฺโท    น    ชายติ    ปจฺจุปฺปนฺนานํ   ภิกฺขเว
ฉนฺทราคฏฺานิยานํ    ธมฺมานํ    อายตึ    วิปากํ    ปชานาติ   อายตึ
วิปากํ      วิทิตฺวา     ตทภินิวชฺเชติ     ตทภินิวชฺเชตฺวา     เจตสา
อภิวิราเชตฺวา    ปญฺาย    อติวิชฺฌ    ปสฺสติ   เอวํ   โข   ภิกฺขเว
ปจฺจุปฺปนฺเน   ฉนฺทราคฏฺานิเย   ธมฺเม  อารพฺภ  ฉนฺโท  น  ชายติ  ฯ
อิมานิ โข ภิกฺขเว นิทานานิ กมฺมานํ สมุทยายาติ ฯ
                   สมฺโพธิวคฺโค ปโม ฯ
                        ตสฺสุทฺทานํ
        ปุพฺเพ มนุสฺเส อสฺสาโท     สมโณ โรณปญฺจมํ
        อติตฺตา เทฺว จ กูฏานิ         นิทานา อปเร ทุเวติ ฯ
                     ------------
@เชิงอรรถ: ๑ ม. ตทภินิวตฺเตติ ฯ ยุ. ตทภินิวทฺเธติ ฯ  ๒ ม. ตทภินิวตฺเตตฺวา ฯ
@ยุ. ตทภินิวทฺเธตฺวา ฯ ๓ ม. อภินิวิชฺฌิตฺวา ฯ
                    อาปายิกวคฺโค ทุติโย

             เนื้อความพระไตรปิฎกฉบับภาษาบาลีอักษรไทย เล่มที่ ๒๐ หน้าที่ ๓๓๙-๓๔๒.
https://84000.org/tipitaka/read/pali_item.php?book=20&item=552&items=1&mode=bracket
             อ่านโดยใช้เนื้อความเป็นเกณฑ์แบ่งข้อ :-
https://84000.org/tipitaka/read/pali_item.php?book=20&item=552&items=1
             อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=20&item=552&items=1&mode=bracket
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=20&item=552&items=1&mode=bracket
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=20&i=552
             สารบัญพระไตรปิฎกเล่มที่ ๒๐
https://84000.org/tipitaka/read/?index_20
https://84000.org/tipitaka/english/?index_20