พระไตรปิฎกเล่มที่ ๒๓ ภาษาบาลี อักษรไทย
พระสุตตันตปิฎกเล่มที่ ๑๕ สุตฺต. องฺ. (๔): สตฺตก-อฏฺฐก-นวกนิปาตา

     [๑๐๐]   ๑๐  เอกํ สมยํ ภควา จมฺปายํ วิหรติ คคฺคราย โปกฺขรณิยา
ตีเร  ฯ  เตน  โข  ปน สมเยน ภิกฺขู ภิกฺขุํ อาปตฺติยา โจเทนฺติ โส ภิกฺขุ
ภิกฺขูหิ    อาปตฺติยา    โจทิยมาโน    อญฺเนาญฺ   ปฏิจรติ   พหิทฺธา
กถํ อปนาเมติ โกปญฺจ โทสญฺจ อปฺปจฺจยญฺจ ปาตุกโรติ ฯ
     {๑๐๐.๑}   อถโข    ภควา    ภิกฺขู   อามนฺเตสิ   นิทฺธมเถตํ
ภิกฺขเว    ปุคฺคลํ    นิทฺธมเถตํ    ภิกฺขเว   ปุคฺคลํ   อปเนยฺโย   ๑-
ภิกฺขเว      ปุคฺคโล    กึ    [๒]-    ปรปุตฺโต    วิเหเติ    ๓-
@เชิงอรรถ: ๑ สี. อปเนยฺโย โส ฯ ม. อปเนยฺยโส ฯ   ๒ สี. ม. ยุ. โว ฯ
@๓ สี. ปุตฺโต วิเหิยติ ฯ ม. เตน ปรปุตฺเตน วิโสธิเตน ฯ ยุ. ปุตฺตา วิเหเติ ฯ
อิธ     ภิกฺขเว     เอกจฺจสฺส     ปุคฺคลสฺส     ตาทิสํเยว     โหติ
อภิกฺกนฺตํ     ปฏิกฺกนฺตํ    อาโลกิตํ    วิโลกิตํ    สมฺมิญฺชิตํ    ปสาริตํ
สงฺฆาฏิปตฺตจีวรธารณํ        เสยฺยถาปิ       อญฺเสํ       ภทฺทกานํ
ภิกฺขูนํ   ยาวสฺส   ภิกฺขู   อาปตฺตึ   น   ปสฺสนฺติ   ยโต   จ   ขฺวสฺส
ภิกฺขู    อาปตฺตึ    ปสฺสนฺติ    ตเมนํ    เอวํ   ชานนฺติ   สมณทูสีวายํ
สมณปลาโป     สมณกรณฺฑโวติ    ตเมนํ    อิติ    วิทิตฺวา    พหิทฺธา
นาเสนฺติ ตํ กิสฺส เหตุ มา อญฺเ ภทฺทเก ภิกฺขู ทูเสสีติ ฯ
     {๑๐๐.๒}   เสยฺยถาปิ   ภิกฺขเว   สมฺปนฺเน   ยวกรเณ   ยวทูสี
ชาเยถ    ยวปลาโป    ยวกรณฺฑโว   ตสฺส   ตาทิสํเยว   มูลํ   โหติ
เสยฺยถาปิ    อญฺเสํ    ภทฺทกานํ   ยวานํ   ตาทิสํเยว   นาลํ   โหติ
เสยฺยถาปิ   อญฺเสํ   ภทฺทกานํ   ยวานํ  ตาทิสํเยว  ปลาสํ  ๑-  โหติ
เสยฺยถาปิ   อญฺเสํ   ภทฺทกานํ   ยวานํ   ยาวสฺส   สีสํ  น  นิพฺพตฺตติ
ยโต   จ   ขฺวสฺส   สีสํ   นิพฺพตฺตติ  ตเมนํ  เอวํ  ชานนฺติ  ยวทูสีวายํ
ยวปลาโป   ยวกรณฺฑโวติ   ตเมนํ   อิติ   วิทิตฺวา  สมูลํ  อุปฺปาเฏตฺวา
พหิทฺธา    ยวกรณสฺส    ฉฑฺเฑนฺติ    ตํ   กิสฺส   เหตุ   มา   อญฺเ
ภทฺทเกเยว   ทูเสสีติ   เอวเมว   โข  ภิกฺขเว  อิเธกจฺจสฺส  ปุคฺคลสฺส
ตาทิสํเยว    โหติ   อภิกฺกนฺตํ   ปฏิกฺกนฺตํ  อาโลกิตํ  วิโลกิตํ  สมฺมิญฺชิตํ
ปสาริตํ     สงฺฆาฏิปตฺตจีวรธารณํ    เสยฺยถาปิ    อญฺเสํ    ภทฺทกานํ
ภิกฺขูนํ   ยาวสฺส   ภิกฺขู   อาปตฺตึ  น  ปสฺสนฺติ  ยโต  จ  ขฺวสฺส  ภิกฺขู
อาปตฺตึ   ปสฺสนฺติ   ตเมนํ   เอวํ   ชานนฺติ   สมณทูสีวายํ  สมณปลาโป
สมณกรณฺฑโวติ    ตเมนํ    อิติ    วิทิตฺวา    พหิทฺธา   นาเสนฺติ   ตํ
@เชิงอรรถ: ๑ ม. ปตฺตํ ฯ
กิสฺส เหตุ มา อญฺเ ภทฺทเก ภิกฺขู ทูเสสีติ ฯ
     {๑๐๐.๓}   เสยฺยถาปิ  ภิกฺขเว  มหโต ธญฺราสิสฺส ผุสยมานสฺส ๑-
ตตฺถ   ยานิ   ตานิ   ธญฺานิ   ทฬฺหานิ   สารวนฺตานิ  ตานิ  เอกมนฺตํ
ปุญฺชํ   โหติ   ยานิ   ปน   ตานิ   ธญฺานิ  ทุพฺพลานิ  ปลาปานิ  ตานิ
วาโต  เอกมนฺตํ  อปวหติ  ตเมนํ  สามิกา  สมฺมชฺชนึ  คเหตฺวา ภิยฺโยโส
มตฺตาย   อปสมฺมชฺชนฺติ   ตํ   กิสฺส  เหตุ  มา  อญฺเ  ภทฺทเก  ธญฺเ
ทูเสสีติ  เอวเมว  โข  ภิกฺขเว  อิเธกจฺจสฺส  ปุคฺคลสฺส  ตาทิสํเยว โหติ
อภิกฺกนฺตํ     ปฏิกฺกนฺตํ    อาโลกิตํ    วิโลกิตํ    สมฺมิญฺชิตํ    ปสาริตํ
สงฺฆาฏิปตฺตจีวรธารณํ     เสยฺยถาปิ     อญฺเสํ    ภทฺทกานํ    ภิกฺขูนํ
ยาวสฺส   ภิกฺขู   อาปตฺตึ  น  ปสฺสนฺติ  ยโต  จ  ขฺวสฺส  ภิกฺขู  อาปตฺตึ
ปสฺสนฺติ     ตเมนํ     เอวํ    ชานนฺติ    สมณทูสีวายํ    สมณปลาโป
สมณกรณฺฑโวติ    ตเมนํ    อิติ    วิทิตฺวา    พหิทฺธา   นาเสนฺติ   ตํ
กิสฺส เหตุ มา อญฺเ ภทฺทเก ภิกฺขู ทูเสสีติ ฯ
     {๑๐๐.๔}   เสยฺยถาปิ   ภิกฺขเว  ปุริโส  อุทปานนาฬิยตฺถิโก  ๒-
ติณฺหํ   กุธารึ   ๓-  อาทาย  วนํ  ปวิเสยฺย  โส  ตนฺตเทว  ๔-  รุกฺขํ
กุธาริปาเสน    อาโกเฏติ    ตตฺถ   ยานิ   ตานิ   รุกฺขานิ   ทฬฺหานิ
สารวนฺตานิ    ตานิ    กุธาริปาเสน   อาโกฏิตานิ   กกฺขฬํ   ปฏินทนฺติ
ยานิ    ปน   ตานิ   รุกฺขานิ   อนฺโตปูตีนิ   อวสฺสุตานิ   กสมฺพุชาตานิ
ตานิ  กุธาริปาเสน  อาโกฏิตานิ  ททฺทรํ  ปฏินทนฺติ  ตเมนํ  มูเล  ฉินฺทติ
มูเล  ฉินฺทิตฺวา  อคฺเค  ฉินฺทติ  อคฺเค ฉินฺทิตฺวา อนฺโต สุวิโสธิตํ วิโสเธติ
อนฺโต  สุวิโสธิตํ  วิโสเธตฺวา  อุทปานนาฬึ  ๕-  โยเชติ  เอวเมว  โข
@เชิงอรรถ: ๑ สี. ยุ. วุยฺหมานสฺส ฯ ม. ผุณมานสฺส ฯ  ๒ ม. อุทปานปนาฬิยตฺถิโก ฯ
@๓ ม. กุารึ ฯ เอวมุปริปิ ฯ  ๔ ม. ยํ ยเทว ฯ   ๕ ม. อุทปานปนาฬึ ฯ
ภิกฺขเว   อิเธกจฺจสฺส   ปุคฺคลสฺส  ตาทิสํเยว  โหติ  อภิกฺกนฺตํ  ปฏิกฺกนฺตํ
อาโลกิตํ     วิโลกิตํ     สมฺมิญฺชิตํ    ปสาริตํ    สงฺฆาฏิปตฺตจีวรธารณํ
เสยฺยถาปิ   อญฺเสํ   ภทฺทกานํ   ภิกฺขูนํ   ยาวสฺส   ภิกฺขู  อาปตฺตึ  น
ปสฺสนฺติ   ยโต   จ   ขฺวสฺส   ภิกฺขู   อาปตฺตึ   ปสฺสนฺติ  ตเมนํ  เอวํ
ชานนฺติ     สมณทูสีวายํ     สมณปลาโป     สมณกรณฺฑโวติ     ตเมนํ
อิติ   วิทิตฺวา   พหิทฺธา   นาเสนฺติ   ตํ   กิสฺส   เหตุ   มา   อญฺเ
ภทฺทเก ภิกฺขู ทูเสสีติ ฯ
         สํวาสาย วิชาเนถ ๑-        ปาปิจฺฉโกธโน อิติ
         มกฺขี ถมฺภี ปลาสี จ          อิสฺสุกี มจฺฉรี สโ
         สณฺหวาโจ ๒- ชนวติ      สมโณ วิย ภาสติ
         รโห กโรติ กรณํ              ปาปทิฏฺิ อนาทโร
         สํสปฺปี จ มุสาวาที           ตํ วิทิตฺวา ยถากถํ
         สพฺเพ สมคฺคา หุตฺวาน     อภินิพฺพชฺชยาถ นํ
         การณฺฑวํ นิทฺธมวา ๓-    กสมฺพุํ อปกสฺสวา ๔-
         ตโต ปลาเป วาเหถ         อสฺสมเณ สมณมานิเน ๕-
         นิทฺธมิตฺวา ปาปิจฺฉํ ๖-     ปาปลาจารโคจเร ๗-
         สุทฺธาสุทฺเธหิ สํวาสํ         กปฺปยโวฺห ปฏิสฺสตา
         ตโต สมคฺคา นิปกา         ทุกฺขสฺสนฺตํ กริสฺสถาติ ฯ
@เชิงอรรถ: ๑ ม. วิชานาถ ฯ  ๒ ม. สนฺตวาโจ ฯ  ๓ ม. ยุ. นิทฺธมถ ฯ  ๔ ม. ยุ. อปกสฺสถ ฯ
@๕ ยุ. สมณมานิโน ฯ  ๖ ม. ยุ. ปาปิจฺเฉ ฯ   ๗ ม. ยุ. ปาปอาจารโคจเร ฯ
                   เมตฺตาวคฺโค ปโม ฯ
                        ตสฺสุทฺทานํ
         เมตฺตปญฺา จ เทฺว จ       ปิเย เทฺว จาปฺปิเย เทฺว จ
         โลกโลกวิปตฺติโย            เทวทตฺโต จ อุตฺตโร
         นนฺโท การณฺฑเวน จาติ ๑- ฯ
                     ------------

             เนื้อความพระไตรปิฎกฉบับภาษาบาลีอักษรไทย เล่มที่ ๒๓ หน้าที่ ๑๗๐-๑๗๔.
https://84000.org/tipitaka/read/pali_item.php?book=23&item=100&items=1
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=23&item=100&items=1&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=23&item=100&items=1
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=23&item=100&items=1
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=23&i=100
             สารบัญพระไตรปิฎกเล่มที่ ๒๓
https://84000.org/tipitaka/read/?index_23
https://84000.org/tipitaka/english/?index_23