บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
ฉบับภาษาไทย บาลีอักษรไทย บาลีอักษรโรมัน |
พระไตรปิฎกเล่มที่ ๒๖ ภาษาบาลี อักษรไทย พระสุตตันตปิฎกเล่มที่ ๑๘ สุตฺต. ขุ. วิมานวตฺถุ-เปตวตฺถุ-เถรคาถา-เถรีคาถา
[๓๘๘] |๓๘๘.๗๖๙| ๔ ปสฺส จิตฺตกตํ พิมฺพํ อรุกายํ สมุสฺสิตํ อาตุรํ พหุสงฺกปฺปํ ยสฺส นตฺถิ ธุวํ ิติ ฯ |๓๘๘.๗๗๐| ปสฺส จิตฺตกตํ รูปํ มณินา กุณฺฑเลน จ อฏฺิตเจน ๒- โอนทฺธํ สห วตฺเถหิ โสภติ ฯ |๓๘๘.๗๗๑| อลตฺตกกตา ปาทา มุขํ จุณฺณกมกฺขิตํ อลํ พาลสฺส โมหาย โน จ ปารคเวสิโน ฯ @เชิงอรรถ: ๑ ย. เตลกานิ ฯ ๒ ม. อฏฺึ ตเจน ฯ--------------------------------------------------------------------------------------------- หน้าที่ ๓๗๗.
|๓๘๘.๗๗๒| อฏฺปทกตา เกสา เนตฺตา อญฺชนมกฺขิตา อลํ พาลสฺส โมหาย โน จ ปารคเวสิโน ฯ |๓๘๘.๗๗๓| อญฺชนีว นวา จิตฺตา ปูติกาโย อลงฺกโต อลํ พาลสฺส โมหาย โน จ ปารคเวสิโน ฯ |๓๘๘.๗๗๔| โอทหิ มิคโว ปาสํ นาสาทา วากุรํ มิโค ภุตฺวา นิวาปํ คจฺฉาม กนฺทนฺเต มิคพนฺธเก ฯ |๓๘๘.๗๗๕| ฉินฺนา ปาสา มิควสฺส นาสาทา วากุรํ มิโค ภุตฺวา นิวาปํ คจฺฉาม โสจนฺเต มิคลุทฺทเก ฯ |๓๘๘.๗๗๖| ปสฺสามิ โลเก สธเน มนุสฺเส ลทฺธาน วิตฺตํ น ททนฺติ โมหา ฯ ลทฺธา ธนํ สนฺนิจยํ กโรนฺติ ภิยฺโย จ กาเม อภิปตฺถยนฺติ ฯ |๓๘๘.๗๗๗| ราชา ปสยฺหปฺปวึ วิเชตฺวา สสาครนฺตํ มหิมาวสนฺโต โอรํ สมุทฺทสฺส อติตฺตรูโป ปารํ สมุทฺทสฺสปิ ปตฺถเยถ ฯ |๓๘๘.๗๗๘| ราชา จ อญฺเ จ พหู มนุสฺสา อวีตตณฺหา มรณํ อุเปนฺติ อูนาว หุตฺวาน ชหนฺติ เทหํ กาเมหิ โลกมฺหิ น หตฺถิ ติตฺติ ฯ--------------------------------------------------------------------------------------------- หน้าที่ ๓๗๘.
|๓๘๘.๗๗๙| กนฺทนฺตี นํ าตี ปกิริย เกเส อโห วตา โน อมราติ จาหุ วตฺเถน นํ ปารุตํ นีหริตฺวา จิตํ สโมธาย ตโต ทหนฺติ ฯ |๓๘๘.๗๘๐| โส ฑยฺหติ สูเลหิ ตุชฺชมาโน เอเกน วตฺเถน ปหาย โภเค น มิยฺยมานสฺส ภวนฺติ ตาณา าตี จ มิตฺตา อถ วา สหายา ฯ |๓๘๘.๗๘๑| ทายาทกา ตสฺส ธนํ หรนฺติ สตฺโต ปน คจฺฉติ เยน กมฺมํ น มิยฺยมานํ ธนมเนฺวติ กิญฺจิ ปุตฺตา จ ทารา จ ธนญฺจ รฏฺ ฯ |๓๘๘.๗๘๒| น ทีฆมายุํ ลภเต ธเนน น จาปิ วิตฺเตน ชรํ วิหนฺติ อปฺปญฺหิ นํ ชีวิตมาหุ ธีรา อสสฺสตํ วิปฺปริณามธมฺมํ ฯ |๓๘๘.๗๘๓| อทฺธา ๑- ทลิทฺทา จ ผุสนฺติ ผสฺสํ พาโล จ ธีโร จ ตเถว ผุฏฺโ พาโล หิ พาลฺยา วธิโตว เสติ @เชิงอรรถ: ๑ อฑฺฒาติปิ ฯ--------------------------------------------------------------------------------------------- หน้าที่ ๓๗๙.
ธีโร จ น เวธติ ผสฺสผุฏฺโ ฯ |๓๘๘.๗๘๔| ตสฺมา หิ ปญฺาว ธเนน เสยฺโย ยาย โวสานมิธาธิคจฺฉติ อโพฺยสิตตฺตา หิ ภวาภเวสุ ปาปานิ กมฺมานิ กโรนฺติ โมหา ฯ |๓๘๘.๗๘๕| อุเปติ คพฺภญฺจ ปรญฺจ โลกํ สํสารมาปชฺช ปรมฺปราย ตสฺสปฺปปญฺโ อภิสทฺทหนฺโต อุเปติ คพฺภญฺจ ปรญฺจ โลกํ ฯ |๓๘๘.๗๘๖| โจโร ยถา สนฺธิมุเข คหีโต สกมฺมุนา หญฺติ ปาปธมฺโม เอวํ ปชา เปจฺจ ปรมฺหิ โลเก สกมฺมุนา หญฺติ ปาปธมฺโม ฯ |๓๘๘.๗๘๗| กามา หิ จิตฺรา มธุรา มโนรมา วิรูปรูเปน มเถนฺติ จิตฺตํ อาทีนวํ กามคุเณสุ ทิสฺวา ตสฺมา อหํ ปพฺพชิโตมฺหิ ราช ฯ |๓๘๘.๗๘๘| ทุมปฺผลานีว ปตนฺติ มาณวา ทหรา จ วุฑฺฒา จ สรีรเภทา--------------------------------------------------------------------------------------------- หน้าที่ ๓๘๐.
เอตมฺปิ ทิสฺวา ปพฺพชิโตมฺหิ ราช อปณฺณกํ สามญฺเมว เสยฺโย ฯ |๓๘๘.๗๘๙| สทฺธายาหํ ปพฺพชิโต อุเปโต ชินสาสเน อวชฺชา มยฺหํ ปพฺพชฺชา อนโณ ภุญฺชามิ โภชนํ ฯ |๓๘๘.๗๙๐| กาเม อาทิตฺตโต ทิสฺวา ชาตรูปานิ สตฺถโต คพฺเภ โวกฺกนฺติโต ทุกฺขํ นิรเยสุ มหพฺภยํ ฯ |๓๘๘.๗๙๑| เอตมาทีนวํ ทิสฺวา สํเวคํ อลภึ ตทา โสหํ วิทฺโธ ตทา สนฺโต สมฺปตฺโต อาสวกฺขยํ ฯ |๓๘๘.๗๙๒| ปริจิณฺโณ มยา สตฺถา กตํ พุทฺธสฺส สาสนํ โอหิโต ครุโก ภาโร ภวเนตฺติ สมูหตา ฯ |๓๘๘.๗๙๓| ยสฺส จตฺถาย ปพฺพชิโต อคารสฺมา อนคาริยํ โส เม อตฺโถ อนุปฺปตฺโต สพฺพสํโยชนกฺขโยติ ฯ รฏฺปาโล เถโร ฯ
เนื้อความพระไตรปิฎกฉบับภาษาบาลีอักษรไทย เล่มที่ ๒๖ หน้าที่ ๓๗๖-๓๘๐. https://84000.org/tipitaka/read/pali_item.php?book=26&item=388&items=1&pagebreak=1 อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- https://84000.org/tipitaka/read/pali_item.php?book=26&item=388&items=1&pagebreak=1&mode=bracket อ่านเทียบพระไตรปิฎกฉบับภาษาบาลีอักษรโรมัน :- https://84000.org/tipitaka/read/roman_item.php?book=26&item=388&items=1&pagebreak=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=26&item=388&items=1&pagebreak=1 ศึกษาอรรถกถานี้ได้ที่ :- https://84000.org/tipitaka/attha/attha.php?b=26&i=388 สารบัญพระไตรปิฎกเล่มที่ ๒๖ https://84000.org/tipitaka/read/?index_26 https://84000.org/tipitaka/english/?index_26
|
บันทึก ๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]