ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ฉบับภาษาไทย   บาลีอักษรไทย   บาลีอักษรโรมัน 
อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบไทย
พระไตรปิฎกเล่มที่ ๓๐ ภาษาบาลี อักษรไทย พระสุตตันตปิฎกเล่มที่ ๒๒ สุตฺต. ขุ. จูฬนิทฺเทโส
     [๓๘๖]   น  เต  มารวสานุคาติ  มาราติ  โย  โส  มาโร กโณฺห
อธิปติ   อนฺตภู   นมุจิ  ปมตฺตพนฺธุ  ฯ  น  เต  มารวสานุคาติ  น  เต
มารสฺส  วเส  วตฺเตนฺติ  ๑-  นปิ  มาโร  เตสุ วสํ วตฺเตติ เต มารญฺจ
มารปกฺขญฺจ        มารปาสญฺจ        มารพฬิสญฺจ       มารามิสญฺจ
มารวิสยญฺจ    มารนิวาสญฺจ    มารโคจรญฺจ    มารพนฺธนญฺจ   อภิภุยฺย
อภิภวิตฺวา    อชฺโฌตฺถริตฺวา    ปริยาทยิตฺวา   ๒-   มทฺทิตฺวา   [๓]-
วิหรนฺติ   อิริยนฺติ   วตฺเตนฺติ   ปาเลนฺติ   ยเปนฺติ  ยาเปนฺตีติ  น  เต
มารวสานุคา ฯ
     [๓๘๗]   น   เต   มารสฺส   ปฏฺคูติ  น  เต  มารสฺส  ปฏฺ
ปฏฺจรา   ๔-  ปริจาริกา  เปสิยา  ๕-  เต  พุทฺธสฺส  ภควโต  ปฏฺา
ปฏฺจรา   ๔-  ปริจาริกา  เปสิยาติ  ๕-  น  เต  มารสฺส  ปฏฺคู  ฯ
เตนาห ภควา
                       เอตทญฺาย เย สตา        ทิฏฺธมฺมาภินิพฺพุตา
                       น เต มารวสานุคา            น เต มารสฺส ปฏฺคูติ ฯ
สห    คาถาปริโยสานา    ฯเปฯ    สตฺถา    เม    ภนฺเต   ภควา
สาวโกหมสฺมีติ ฯ
                                กปฺปมาณวกปญฺหานิทฺเทโส ทสโม ฯ
                                                ---------
@เชิงอรรถ:  ม. วตฺตนฺติ ฯ  ม. ปริยาทิยิตฺวา ฯ เอวมุปริปิ ฯ  ม. จรนฺติ ฯ
@ ม. ปทฺธา ปทฺธจรา ฯ  ม. สิยา ฯ
                                 ชตุกณฺณีมาณวกปญฺหานิทฺเทโส
     [๓๘๘]        สุตฺวานหํ วีร อกามกามึ (อิจฺจายสฺมา ชตุกณฺณี)
                       โอฆาติคํ ปุฏฺฐุมกามมาคมํ
                       สนฺติปทํ พฺรูหิ สหาชเนตฺต ๑-
                       ยถาตจฺฉํ ภควา พฺรูหิ เม ตํ ฯ
     [๓๘๙]   สุตฺวานหํ    วีร    อกามกามินฺติ    สุตฺวา   สุณิตฺวา
อุคฺคเหตฺวา  อุปธาเรตฺวา  อุปลกฺขยิตฺวา  อิติปิ  โส  ภควา  อรหํ ฯเปฯ
พุทฺโธ  ภควาติ  สุตฺวานหํ  ฯ  วีราติ  วีโร  ฯ  ภควา วิริยวาติ วีโร ฯ
ปหูติ  วีโร  ฯ  วิสวีติ  วีโร  ฯ  อลมตฺโตติ วีโร ฯ สูโร วิกฺกนฺโต อภิรุ
อจฺฉมฺภี อนุตฺราสี อปลายี ปหีนภยเภรโว วิคตโลมหํโสติ วีโร ฯ
                วิรโต อิธ สพฺพาปาปเกหิ
                นิรยทุกฺขมติจฺจ วิริยวาโส
                โส วิริยวา ปธานวา
                วีโร ตาทิ ปวุจฺจเต ตถตฺตาติ ฯ
สุตฺวานหํ   วีร   ฯ   อกามกามินฺติ   กามาติ  อุทฺทานโต  เทฺว  กามา
วตฺถุกามา   จ   กิเลสกามา   จ   ฯเปฯ   อิเม  วุจฺจนฺติ  วตฺถุกามา
ฯเปฯ   อิเม   วุจฺจนฺติ   กิเลสกามา  ฯ  พุทฺธสฺส  ภควโต  วตฺถุกามา
ปริญฺาตา     กิเลสกามา     ปหีนา     วตฺถุกามานํ    ปริญฺาตตฺตา
@เชิงอรรถ:  ม. สหชเนตฺต ฯ เอวมุปริปิ ฯ
กิเลสกามานํ  ปหีนตฺตา  ภควา  น  กาเม  กาเมติ  กามา ๑- เสฏฺาติ
น   กาเม  ปโมทติ  ๒-  น  กาเม  อภิชปฺปติ  ตสฺมา  พุทฺโธ  อกาโม
นิกฺกาโม  จตฺตกาโม  วนฺตกาโม  มุตฺตกาโม  ปหีนกาโม  ปฏินิสฺสฏฺกาโม
วีตราโค   วิคตราโค   จตฺตราโค   วนฺตราโค   มุตฺตราโค  ปหีนราโค
ปฏินิสฺสฏฺราโค     นิจฺฉาโต     นิพฺพุโต     สีติภูโต     สุขปฏิสํเวที
พฺรหฺมภูเตน    อตฺตนา    วิหรตีติ    สุตฺวานหํ   วีร   อกามกามึ   ฯ
อิจฺจายสฺมา    ชตุกณฺณีติ   อิจฺจาติ   ปทสนฺธิ   ฯเปฯ   ปทานุปุพฺพกเมตํ
อิจฺจาติ     ฯ     อายสฺมาติ    ปิยวจนํ    สคารวสปฺปติสฺสาธิวจนเมตํ
อายสฺมาติ    ฯ    ชตุกณฺณีติ    ตสฺส    พฺราหฺมณสฺส   โคตฺตํ   ฯเปฯ
โวหาโรติ อิจฺจายสฺมา ชตุกณฺณี ฯ
     [๓๙๐]   โอฆาติคํ   ปุฏฺฐุมกามมาคมนฺติ   โอฆาติคนฺติ   โอฆาติคํ
โอฆํ   อติกฺกนฺตํ   สมติกฺกนฺตํ   วีติวตฺตนฺติ  โอฆาติคํ  ฯ  ปุฏฺฐุนฺติ  ปุฏฺฐุํ
ปุจฺฉิตุํ   ยาจิตุํ   อชฺเฌสิตุํ   ปสาเทตุํ  ฯ  อกามมาคมนฺติ  อกามํ  ปุฏฺฐุํ
นิกฺกามํ    จตฺตกามํ   วนฺตกามํ   มุตฺตกามํ   ปหีนกามํ   ปฏินิสฺสฏฺกามํ
วีตราคํ  [๓]-  จตฺตราคํ  วนฺตราคํ  มุตฺตราคํ  ปหีนราคํ  ปฏินิสฺสฏฺราคํ
อาคมฺหา    อาคตมฺหา    อุปาคตมฺหา    สมฺปตฺตมฺหา    ตยา    สทฺธึ
สมาคตมฺหาติ โอฆาติคํ ปุฏฺฐุมกามมาคมํ ฯ
     [๓๙๑]   สนฺติปทํ  พฺรูหิ  สหาชเนตฺตาติ  สนฺตีติ  เอเกน อากาเรน
สนฺติปิ   สนฺติปทํปิ   ตญฺเว  อมตํ  นิพฺพานํ  โย  โส  สพฺพสงฺขารสมโถ
สพฺพูปธิปฏินิสฺสคฺโค         ตณฺหกฺขโย        วิราโค        นิโรโธ
@เชิงอรรถ: ๑-๒ ม. อิเม ปาา นตฺถิ ฯ เอตฺถนฺตเร น กาเม ปตฺเถติ น กาเม ปิเหติ น กาเม
@อภิชปฺปติ ฯ เย กาเม กาเมนฺติ กาเม ปตฺเถนฺติ กาเม ปิเหนฺติ กาเม อภิชปฺปนฺติ ฯ
@เต กามกามิโน ราคราคิโน สญฺาสญฺิโน ฯ ภควา น กาเม กาเมติ น กาเม ปตฺเถติ น
@กาเม ปิเหติ น กาเม อภิชปฺปติ ฯ  ม. วิคตราคํ ฯ
นิพฺพานํ   ฯ   วุตฺตเญฺหตํ   ภควตา   สนฺตเมตํ   ปทํ   ปณีตเมตํ   ปทํ
ยทิทํ    สพฺพสงฺขารสมโถ    สพฺพูปธิปฏินิสฺสคฺโค    ตณฺหกฺขโย   วิราโค
นิโรโธ นิพฺพานนฺติ ฯ
     {๓๙๑.๑}   อถาปเรนากาเรน  เย ธมฺมา สนฺตาธิคมาย สนฺติผุสนาย
สจฺฉิกิริยาย   ๑-  สํวตฺตนฺติ  เสยฺยถีทํ  จตฺตาโร  สติปฏฺานา  จตฺตาโร
สมฺมปฺปธานา    จตฺตาโร    อิทฺธิปาทา   ปญฺจินฺทฺริยานิ   ปญฺจ   พลานิ
สตฺต  โพชฺฌงฺคา  อริโย  อฏฺงฺคิโก  มคฺโค  อิเม  วุจฺจนฺติ  สนฺติปทา ฯ
สนฺติปทํ    ตาณปทํ   เลณปทํ   สรณปทํ   อภยปทํ   อจฺจุตปทํ   อมตปทํ
นิพฺพานปทํ   พฺรูหิ   อาจิกฺขาหิ   เทเสหิ   ปญฺเปหิ  ปฏฺเปหิ  วิวราหิ
วิภชาหิ   อุตฺตานีกโรหิ   ปกาเสหิ   ฯ   สหาชเนตฺตาติ  เนตฺตํ  วุจฺจติ
สพฺพญฺุตาณํ   ฯ   พุทฺธสฺส   ภควโต  เนตฺตญฺจ  ชินภาโว  จ  โพธิยา
มูเล    อปุพฺพํ   อจริมํ   เอกสฺมึ   ขเณ   อุปฺปนฺโน   ตสฺมา   พุทฺโธ
สหาชเนตฺโตติ สนฺติปทํ พฺรูหิ สหาชเนตฺต ฯ
     [๓๙๒]   ยถาตจฺฉํ   ภควา   พฺรูหิ  เม  ตนฺติ  ยถาตจฺฉํ  วุจฺจติ
อมตํ    นิพฺพานํ    โย    โส   สพฺพสงฺขารสมโถ   สพฺพูปธิปฏินิสฺสคฺโค
ตณฺหกฺขโย   วิราโค   นิโรโธ   นิพฺพานํ  ฯ  ภควาติ  คารวาธิวจนเมตํ
ฯเปฯ   สจฺฉิกา   ปญฺตฺติ   ยทิทํ  ภควาติ  ฯ  พฺรูหิ  เม  ตนฺติ  พฺรูหิ
อาจิกฺขาหิ   ฯเปฯ   ปกาเสหีติ   ยถาตจฺฉํ   ภควา  พฺรูหิ  เม  ตํ  ฯ
เตนาห โส พฺราหฺมโณ
                       สุตฺวานหํ วีร อกามกามึ (อิจฺจายสฺมา ชตุกณฺณี)
@เชิงอรรถ:  ม. สนฺติสจฺฉิกิริยาย ฯ
                       โอฆาติคํ ปุฏฺฐุมกามมาคมํ
                       สนฺติปทํ พฺรูหิ สหาชเนตฺต
                       ยถาตจฺฉํ ภควา พฺรูหิ เม ตนฺติ ฯ
     [๓๙๓]        ภควา หิ กาเม อภิภุยฺย อิริยติ
                       อาทิจฺโจว ปวึ เตชี เตชสา
                       ปริตฺตปญฺสฺส เม ภูริปญฺโ
                       อาจิกฺข ธมฺมํ ยมหํ วิชญฺ
                       ชาติชฺชราย อิธ วิปฺปหานํ ฯ
     [๓๙๔]   ภควา    หิ    กาเม   อภิภุยฺย   อิริยตีติ   ภควาติ
คารวาธิวจนเมตํ   ฯเปฯ  สจฺฉิกา  ปญฺตฺติ  ยทิทํ  ภควาติ  ฯ  กาเมติ
อุทฺทานโต   เทฺว  กามา  วตฺถุกามา  จ  กิเลสกามา  จ  ฯเปฯ  อิเม
วุจฺจนฺติ   วตฺถุกามา   ฯเปฯ   อิเม   วุจฺจนฺติ  กิเลสกามา  ฯ  ภควา
วตฺถุกาเม    ปริชานิตฺวา   กิเลสกาเม   ปหาย   อภิภุยฺย   อภิภวิตฺวา
อชฺโฌตฺถริตฺวา   ปริยาทยิตฺวา   มทฺทิตฺวา   ๑-   จรติ   [๒]-  อิริยติ
วตฺเตติ ปาเลติ ยเปติ ยาเปตีติ ภควา หิ กาเม อภิภุยฺย อิริยติ ฯ
     [๓๙๕]   อาทิจฺโจว ปวึ เตชี เตชสาติ อาทิจฺโจ วุจฺจติ สุริโย ๓-วี  วุจฺจติ ชรา ๔- ฯ ยถา สุริโย เตชี เตชสา ๕- เตเชน สมนฺนาคโต
ปวึ   อภิภุยฺย   อภิภวิตฺวา  อชฺโฌตฺถริตฺวา  ปริยาทยิตฺวา  สนฺตาปยิตฺวา
สพฺพํ   อากาสคตํ   [๖]-   อภิวิหจฺจ   อนฺธการํ   วิธมิตฺวา   อาโลกํ
ทสฺเสตฺวา    ๗-    อากาเส    อนฺตลิกฺเข   คมนปเถ   ๘-   คจฺฉติ
@เชิงอรรถ:  ม. อยํ ปาโ นตฺถิ ฯ  ม. วิหรติ ฯ เอวมุปริปิ ฯ  ม. สพฺพตฺถ สูริโย ฯ
@ ม. ชคตี ฯ  ม. อยํ ปาโ นตฺถิ ฯ  ม. ตมคตํ ฯ  ม. ทสฺสยิตฺวา ฯ
@ ม. คคนปเถ ฯ
เอวเมว    ภควา    าณเตชี    าณเตเชน    สมนฺนาคโต    สพฺพํ
อภิสงฺขารสมุทยํ     ฯเปฯ     กิเลสตมํ     อวิชฺชนฺธการํ    วิธมิตฺวา
าณาโลกํ     ทสฺเสตฺวา     วตฺถุกาเม    ปริชานิตฺวา    กิเลสกาเม
ปหาย     อภิภุยฺย     อภิภวิตฺวา     อชฺโฌตฺถริตฺวา     ปริยาทยิตฺวา
มทฺทิตฺวา   จรติ  อิริยติ  วตฺเตติ  ปาเลติ  ยเปติ  ยาเปตีติ  อาทิจฺโจว
ปวึ เตชี เตชสา ฯ
     [๓๙๖]   ปริตฺตปญฺสฺส   เม   ภูริปญฺโติ   อหมสฺมิ  ปริตฺตปญฺโ
โอมกปญฺโ   [๑]-   ชตุกปญฺโ   ๒-   ตฺวํปิ   มหาปญฺโ   ปุถุปญฺโ
หาสปญฺโ      ชวนปญฺโ      ติกฺขปญฺโ     นิพฺเพธิกปญฺโ     ภูริ
วุจฺจติ    ปวี    ตาย    ปวีสมาย    ปญฺาย   วิปุลาย   วิตฺถตาย
สมนฺนาคโตติ ปริตฺตปญฺสฺส เม ภูริปญฺโ ฯ
     [๓๙๗]   อาจิกฺข   ธมฺมํ   ยมหํ   วิชญฺนฺติ   อาจิกฺข   ธมฺมนฺติ
อาทิกลฺยาณํ    มชฺเฌกลฺยาณํ    ปริโยสานกลฺยาณํ    สาตฺถํ    สพฺยญฺชนํ
เกวลปริปุณฺณํ    ปริสุทฺธํ   พฺรหฺมจริยํ   จตฺตาโร   สติปฏฺาเน   ฯเปฯ
นิพฺพานญฺจ      นิพฺพานคามินิญฺจ     ปฏิปทํ     อาจิกฺขาหิ     เทเสหิ
ปญฺเปหิ    ปฏฺเปหิ    วิวราหิ   วิภชาหิ   อุตฺตานีกโรหิ   ปกาเสหีติ
อาจิกฺข   ธมฺมํ   ฯ   ยมหํ   วิชญฺนฺติ   ยมหํ   ชาเนยฺยํ   วิชาเนยฺยํ
ปฏิวิชาเนยฺยํ   ปฏิวิชฺเฌยฺยํ   อธิคจฺเฉยฺยํ   ผุเสยฺยํ  ๓-  สจฺฉิกเรยฺยนฺติ
อาจิกฺข ธมฺมํ ยมหํ วิชญฺ ฯ
     [๓๙๘]   ชาติชฺชราย  อิธ  วิปฺปหานนฺติ  อิเธว ชาติยา ชรามรณสฺส
@เชิงอรรถ:  ม. ลามกปญฺโ ม. ฉตุกปญฺโ ม. ผสฺเสยฺยํ ฯ เอวมีทิเสสุ ปเทสุ ฯ
ปหานํ    วูปสโม    ปฏินิสฺสคฺโค    ปฏิปฺปสฺสทฺธิ    อมตํ    นิพฺพานนฺติ
ชาติชฺชราย อิธ วิปฺปหานํ ฯ เตนาห โส พฺราหฺมโณ
                       ภควา หิ กาเม อภิภุยฺย อิริยติ
                       อาทิจฺโจว ปวึ เตชี เตชสา
                       ปริตฺตปญฺสฺส เม ภูริปญฺโ
                       อาจิกฺข ธมฺมํ ยมหํ วิชญฺ
                       ชาติชฺชราย อิธ วิปฺปหานนฺติ ฯ
     [๓๙๙]        กาเม วินย เคธํ (ชตุกณฺณีติ ภควา)
                       เนกฺขมฺมํ ทฏฺฐุ เขมโต
                       อุคฺคหิตํ นิรตฺตํ วา
                       มา เต วิชฺชิตฺถ กิญฺจนํ ฯ
     [๔๐๐]   กาเมสุ   วินย   เคธนฺติ   กาเมสูติ  อุทฺทานโต  เทฺว
กามา  วตฺถุกามา  จ  กิเลสกามา  จ  ฯเปฯ  อิเม  วุจฺจนฺติ วตฺถุกามา
ฯเปฯ   อิเม   วุจฺจนฺติ   กิเลสกามา   ฯ   เคธนฺติ   เคโธ   วุจฺจติ
ตณฺหา   โย   ราโค   สาราโค  ฯเปฯ  อภิชฺฌา  โลโภ  อกุสลมูลํ  ฯ
กาเมสุ   วินย   เคธนฺติ   วินย  ปฏิวินย  ปชห  วิโนเทหิ  พฺยนฺตีกโรหิ
อนภาวงฺคเมหีติ   กาเมสุ   วินย   เคธํ   ฯ   ชตุกณฺณีติ   ภควา   ตํ
พฺราหฺมณํ   โคตฺเตน   อาลปติ   ฯ   ภควาติ  คารวาธิวจนเมตํ  ฯเปฯ
สจฺฉิกา ปญฺตฺติ ยทิทํ ภควาติ ชตุกณฺณีติ ภควา ฯ
     [๔๐๑]   เนกฺขมฺมํ   ทฏฺฐุ   เขมโตติ   เนกฺขมฺมนฺติ  สมฺมาปฏิปทํ
อนุโลมปฏิปทํ     อปจฺจนีกปฏิปทํ     อนฺวตฺถปฏิปทํ     ธมฺมานุธมฺมปฏิปทํ
สีเลสุ    ปริปูริการิตํ    อินฺทฺริเยสุ   คุตฺตทฺวารตํ   โภชเน   มตฺตญฺุตํ
ชาคริยานุโยคํ     สติสมฺปชญฺ    จตฺตาโร    สติปฏฺาเน    จตฺตาโร
สมฺมปฺปธาเน    จตฺตาโร    อิทฺธิปาเท   ปญฺจินฺทฺริยานิ   ปญฺจ   พลานิ
สตฺต   โพชฺฌงฺเค   อริยํ   อฏฺงฺคิกํ  มคฺคํ  นิพฺพานญฺจ  นิพฺพานคามินิญฺจ
ปฏิปทํ    เขมโต   ตาณโต   เลณโต   สรณโต   สรณีภูตโต   อภยโต
อจฺจุตโต   อมตโต   นิพฺพานโต   ทฏฺฐุํ   ปสฺสิตฺวา  ตุลยิตฺวา  ตีรยิตฺวา
วิภาวยิตฺวา วิภูตํ กตฺวาติ เนกฺขมฺมํ ทฏฺฐุ เขมโต ฯ
     [๔๐๒]   อุคฺคหิตํ    นิรตฺตํ    วาติ   อุคฺคหิตนฺติ   ตณฺหาวเสน
ทิฏฺิวเสน    คหิตํ    ปรามฏฺ    อภินิวิฏฺ   อชฺโฌสิตํ   อธิมุตฺตํ   ฯ
นิรตฺตํ   วาติ   นิรตฺตํ   วา   มุญฺจิตพฺพํ   ๑-   ปชหิตพฺพํ  วิโนเทตพฺพํ
พฺยนฺตีกาตพฺพํ อนภาวงฺคเมตพฺพนฺติ อุคฺคหิตํ นิรตฺตํ วา ฯ
     [๔๐๓]   มา   เต   วิชฺชิตฺถ   กิญฺจนนฺติ  ราคกิญฺจนํ  โทสกิญฺจนํ
โมหกิญฺจนํ     มานกิญฺจนํ    ทิฏฺิกิญฺจนํ    กิเลสกิญฺจนํ    ทุจฺจริตกิญฺจนํ
อิทํ   กิญฺจนํ   ตุยฺหํ   มา   วิชฺชิตฺถ   มา   ปวิชฺชิตฺถ   มา  สํวิชฺชิตฺถ
ปชห   วิโนเทหิ   พฺยนฺตีกโรหิ   อนภาวงฺคเมหีติ   มา   เต   วิชฺชิตฺถ
กิญฺจนํ ฯ เตนาห ภควา
                       กาเมสุ วินย เคธํ (ชตุกณฺณีติ ภควา)
                       เนกฺขมฺมํ ทฏฺฐุ เขมโต
                       อุคฺคหิตํ นิรตฺตํ วา
@เชิงอรรถ:  ม. วิชหิตพฺพํ ฯ
                       มา เต วิชฺชิตฺถ กิญฺจนนฺติ ฯ
     [๔๐๔]        ยํ ปุพฺเพ ตํ วิโสเสหิ        ปจฺฉา เต มาหุ กิญฺจนํ
                       มชฺเฌ เจ โน คเหสฺสสิ     อุปสนฺโต จริสฺสสิ ฯ
     [๔๐๕]   ยํ ปุพฺเพ ตํ วิโสเสหีติ อตีเต สงฺขาเร อารพฺภ เย กิเลสา
อุปฺปชฺเชยฺยุํ   เต   กิเลเส  โสเสหิ  วิโสเสหิ  สุกฺขาเปหิ  วิสุกฺขาเปหิ
อวีชํ   ๑-   กโรหิ   ปชห   วิโนเทหิ   พฺยนฺตีกโรหิ   อนภาวงฺคเมหีติ
เอวมฺปิ  ยํ  ปุพฺเพ  ตํ  วิโสเสหิ  ฯ  อถวา  เย อตีตา กมฺมาภิสงฺขารา
วิปกฺกวิปากา   ๒-  เต  กมฺมาภิสงฺขาเร  โสเสหิ  วิโสเสหิ  สุกฺขาเปหิ
วิสุกฺขาเปหิ  อวีชํ  กโรหิ  ปชห  วิโนเทหิ  พฺยนฺตีกโรหิ  อนภาวงฺคเมหีติ
เอวมฺปิ ยํ ปุพฺเพ ตํ วิโสเสหิ ฯ


             เนื้อความพระไตรปิฎกฉบับภาษาบาลีอักษรไทย เล่มที่ ๓๐ หน้าที่ ๑๘๖-๑๙๔. https://84000.org/tipitaka/read/pali_item.php?book=30&item=386&items=20              อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- https://84000.org/tipitaka/read/pali_item.php?book=30&item=386&items=20&mode=bracket              อ่านเทียบพระไตรปิฎกฉบับภาษาบาลีอักษรโรมัน :- https://84000.org/tipitaka/read/roman_item.php?book=30&item=386&items=20              อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=30&item=386&items=20              ศึกษาอรรถกถานี้ได้ที่ :- https://84000.org/tipitaka/attha/attha.php?b=30&i=386              สารบัญพระไตรปิฎกเล่มที่ ๓๐ https://84000.org/tipitaka/read/?index_30 https://84000.org/tipitaka/english/?index_30

อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบไทย

บันทึก ๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]