พระไตรปิฎกเล่มที่ ๓๔ ภาษาบาลี อักษรไทย
พระอภิธรรมปิฎกเล่มที่ ๑ อภิ. ธมฺมสงฺคณิ

     [๔๖๙]   กตเม  ธมฺมา  อพฺยากตา  ยสฺมึ  สมเย  โลกุตฺตรํ  มคฺคํ
ภาเวติ   ฯเปฯ   โลกุตฺตรํ   สติปฏฺฐานํ   ภาเวติ   ฯเปฯ   โลกุตฺตรํ
สมฺมปฺปธานํ   ภาเวติ   ฯเปฯ   โลกุตฺตรํ   อิทฺธิปาทํ   ภาเวติ  ฯเปฯ
โลกุตฺตรํ   อินฺทฺริยํ   ภาเวติ   ฯเปฯ   โลกุตฺตรํ  พลํ  ภาเวติ  ฯเปฯ
โลกุตฺตรํ   โพชฺฌงฺคํ   ภาเวติ  ฯเปฯ  โลกุตฺตรํ  สจฺจํ  ภาเวติ  ฯเปฯ
โลกุตฺตรํ   สมถํ   ภาเวติ   ฯเปฯ   โลกุตฺตรํ   ธมฺมํ  ภาเวติ  ฯเปฯ
โลกุตฺตรํ   ขนฺธํ   ภาเวติ   ฯเปฯ  โลกุตฺตรํ  อายตนํ  ภาเวติ  ฯเปฯ
โลกุตฺตรํ   ธาตุํ   ภาเวติ   ฯเปฯ  โลกุตฺตรํ  อาหารํ  ภาเวติ  ฯเปฯ
โลกุตฺตรํ   ผสฺสํ   ภาเวติ   ฯเปฯ   โลกุตฺตรํ  เวทนํ  ภาเวติ  ฯเปฯ
โลกุตฺตรํ   สญฺญํ   ภาเวติ   ฯเปฯ   โลกุตฺตรํ  เจตนํ  ภาเวติ  ฯเปฯ
โลกุตฺตรํ   จิตฺตํ   ภาเวติ   นิยฺยานิกํ  อปจยคามึ  ทิฏฺฐิคตานํ  ปหานาย
ปฐมาย   ภูมิยา   ปตฺติยา   วิวิจฺเจว   กาเมหิ   ฯเปฯ   ปฐมํ  ฌานํ
อุปสมฺปชฺช    วิหรติ   ทุกฺขาปฏิปทํ   ทนฺธาภิญฺญํ   ฉนฺทาธิปเตยฺยํ   ตสฺมึ
สมเย   ผสฺโส   โหติ   ฯเปฯ  อวิกฺเขโป  โหติ  ฯเปฯ  อิเม  ธมฺมา
กุสลา   ตสฺเสว   โลกุตฺตรสฺส   กุสลสฺส   จิตฺตสฺส  กตตฺตา  ภาวิตตฺตา
วิปากํ   วิวิจฺเจว   กาเมหิ   ฯเปฯ   ปฐมํ   ฌานํ  อุปสมฺปชฺช  วิหรติ
ทุกฺขาปฏิปทํ     ทนฺธาภิญฺญํ     สุญฺญตํ     ฯเปฯ    อนิมิตฺตํ    ฯเปฯ
อปฺปณิหิตํ   ฉนฺทาธิปเตยฺยํ  ฯเปฯ  วิริยาธิปเตยฺยํ  ฯเปฯ  จิตฺตาธิปเตยฺยํ
ฯเปฯ    วีมํสาธิปเตยฺยํ    ตสฺมึ    สมเย    ผสฺโส    โหติ   ฯเปฯ
อวิกฺเขโป โหติ ฯเปฯ อิเม ธมฺมา อพฺยากตา ฯ
                                        ปฐมมคฺควิปาโก ฯ
     [๔๗๐]   กตเม   ธมฺมา   อพฺยากตา   ยสฺมึ   สมเย  โลกุตฺตรํ
ฌานํ   ภาเวติ   นิยฺยานิกํ   อปจยคามึ  กามราคพฺยาปาทานํ  ตนุภาวาย
ทุติยาย  ภูมิยา  ปตฺติยา  ฯเปฯ  กามราคพฺยาปาทานํ  อนวเสสปฺปหานาย
ตติยาย  ภูมิยา  ปตฺติยา  ฯเปฯ  รูปราค  อรูปราค มาน อุทฺธจฺจอวิชฺชาย
อนวเสสปฺปหานาย      จตุตฺถาย     ภูมิยา     ปตฺติยา     วิวิจฺเจว
กาเมหิ    ฯเปฯ    ปฐมํ    ฌานํ   อุปสมฺปชฺช   วิหรติ   ทุกฺขาปฏิปทํ
ทนฺธาภิญฺญํ   ตสฺมึ   สมเย   ผสฺโส   โหติ   ฯเปฯ   อญฺญินฺทฺริยํ  โหติ
ฯเปฯ   อวิกฺเขโป   โหติ   ฯเปฯ   อิเม   ธมฺมา   กุสลา   ตสฺเสว
โลกุตฺตรสฺส   กุสลสฺส   ฌานสฺส   กตตฺตา  ภาวิตตฺตา  วิปากํ  วิวิจฺเจว
กาเมหิ    ฯเปฯ    ปฐมํ    ฌานํ   อุปสมฺปชฺช   วิหรติ   ทุกฺขาปฏิปทํ
ทนฺธาภิญฺญํ   สุญฺญตํ  ตสฺมึ  สมเย  ผสฺโส  โหติ  ฯเปฯ  อญฺญาตาวินฺทฺริยํ
โหติ     ฯเปฯ    อวิกฺเขโป    โหติ    เย    วา    ปน    ตสฺมึ
สมเย    อญฺเญปิ    อตฺถิ   ปฏิจฺจสมุปฺปนฺนา   อรูปิโน   ธมฺมา   อิเม
ธมฺมา อพฺยากตา ฯ

             เนื้อความพระไตรปิฎกฉบับภาษาบาลีอักษรไทย เล่มที่ ๓๔ หน้าที่ ๑๗๐-๑๗๒.
https://84000.org/tipitaka/read/pali_item.php?book=34&item=469&items=2
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=34&item=469&items=2&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=34&item=469&items=2
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=34&item=469&items=2
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=34&i=469
             สารบัญพระไตรปิฎกเล่มที่ ๓๔
https://84000.org/tipitaka/read/?index_34
https://84000.org/tipitaka/english/?index_34