พระไตรปิฎกเล่มที่ ๓๖ ภาษาบาลี อักษรไทย
พระอภิธรรมปิฎกเล่มที่ ๓ อภิ. ธาตุกถา เจว ปุคฺคลปญฺญตฺติ จ

                                        นวกนิทฺเทโส
     [๑๕๑]   กตโม   จ  ปุคฺคโล  สมฺมาสมฺพุทฺโธ  อิเธกจฺโจ  ปุคฺคโล
ปุพฺเพ   อนนุสฺสุเตสุ   ธมฺเมสุ   สามํ   สจฺจานิ  อภิสมฺพุชฺฌติ  ตตฺถ  จ
สพฺพญฺุตํ    ปาปุณาติ   พเลสุ   จ   วสีภาวํ   อยํ   วุจฺจติ   ปุคฺคโล
สมฺมาสมฺพุทฺโธ ฯ
     {๑๕๑.๑}   กตโม   จ   ปุคฺคโล   ปจฺเจกสมฺพุทฺโธ   อิเธกจฺโจ
ปุคฺคโล   ปุพฺเพ   อนนุสฺสุเตสุ   ธมฺเมสุ   สามํ   สจฺจานิ  อภิสมฺพุชฺฌติ
น   จ  ตตฺถ  สพฺพญฺุตํ  ปาปุณาติ  น  จ  พเลสุ  วสีภาวํ  อยํ  วุจฺจติ
ปุคฺคโล ปจฺเจกสมฺพุทฺโธ ฯ
     {๑๕๑.๒}   กตโม  จ  ปุคฺคโล อุภโตภาควิมุตฺโต อิเธกจฺโจ ปุคฺคโล
อฏฺ  วิโมกฺเข  กาเยน  ผุสิตฺวา  วิหรติ  ปญฺาย  จสฺส  ทิสฺวา อาสวา
ปริกฺขีณา โหนฺติ อยํ วุจฺจติ ปุคฺคโล อุภโตภาควิมุตฺโต ฯ
     {๑๕๑.๓}   กตโม  จ  ปุคฺคโล  ปญฺาวิมุตฺโต อิเธกจฺโจ ปุคฺคโล น
เหว  โข  อฏฺ  วิโมกฺเข  กาเยน  ผุสิตฺวา  วิหรติ ปญฺาย จสฺส ทิสฺวา
อาสวา ปริกฺขีณา โหนฺติ อยํ วุจฺจติ ปุคฺคโล ปญฺาวิมุตฺโต ฯ
     {๑๕๑.๔}   กตโม  จ  ปุคฺคโล  กายสกฺขี  อิเธกจฺโจ ปุคฺคโล อฏฺ
วิโมกฺเข   กาเยน   ผุสิตฺวา   วิหรติ  ปญฺาย  จสฺส  ทิสฺวา  เอกจฺเจ
อาสวา ปริกฺขีณา โหนฺติ อยํ วุจฺจติ ปุคฺคโล กายสกฺขี ฯ
     {๑๕๑.๕}   กตโม  จ  ปุคฺคโล  ทิฏฺิปฺปตฺโต  อิเธกจฺโจ  ปุคฺคโล
อิทํ  ทุกฺขนฺติ  ยถาภูตํ  ปชานาติ  ฯเปฯ  อยํ  ทุกฺขนิโรธคามินี  ปฏิปทาติ
ยถาภูตํ   ปชานาติ   ตถาคตปฺปเวทิตา  จสฺส  ธมฺมา  ปญฺาย  โวทิฏฺา
โหนฺติ  โวจริตา  ปญฺาย  จสฺส  ทิสฺวา เอกจฺเจ อาสวา ปริกฺขีณา โหนฺติ
อยํ วุจฺจติ ปุคฺคโล ทิฏฺิปฺปตฺโต ฯ
     {๑๕๑.๖}   กตโม  จ  ปุคฺคโล สทฺธาวิมุตฺโต อิเธกจฺโจ ปุคฺคโล อิทํ
ทุกฺขนฺติ   ยถาภูตํ   ปชานาติ   ฯเปฯ   อยํ  ทุกฺขนิโรธคามินี  ปฏิปทาติ
ยถาภูตํ ปชานาติ ตถาคตปฺปเวทิตา
จสฺส   ธมฺมา   ปญฺาย   โวทิฏฺา   โหนฺติ   โวจริตา  ปญฺาย  จสฺส
ทิสฺวา   เอกจฺเจ   อาสวา   ปริกฺขีณา   โหนฺติ   โน   จ  โข  ยถา
ทิฏฺิปฺปตฺตสฺส อยํ วุจฺจติ ปุคฺคโล สทฺธาวิมุตฺโต ฯ
     {๑๕๑.๗}   กตโม   จ   ปุคฺคโล   ธมฺมานุสารี  ยสฺส  ปุคฺคลสฺส
โสตาปตฺติผลสจฺฉิกิริยาย    ปฏิปนฺนสฺส    ปญฺินฺทฺริยํ    อธิมตฺตํ    โหติ
ปญฺาวาหึ   ปญฺาปุพฺพงฺคมํ   อริยมคฺคํ   ภาเวติ   อยํ  วุจฺจติ  ปุคฺคโล
ธมฺมานุสารี     ฯ     โสตาปตฺติผลสจฺฉิกิริยาย    ปฏิปนฺโน    ปุคฺคโล
ธมฺมานุสารี ฯ ผเล ิโต ทิฏฺิปฺปตฺโต ฯ
     {๑๕๑.๘}   กตโม   จ   ปุคฺคโล   สทฺธานุสารี  ยสฺส  ปุคฺคลสฺส
โสตาปตฺติผลสจฺฉิกิริยาย    ปฏิปนฺนสฺส    สทฺธินฺทฺริยํ    อธิมตฺตํ    โหติ
สทฺธาวาหึ   สทฺธาปุพฺพงฺคมํ   อริยมคฺคํ   ภาเวติ   อยํ  วุจฺจติ  ปุคฺคโล
สทฺธานุสารี  ฯ  โสตาปตฺติผลสจฺฉิกิริยาย  ปฏิปนฺโน ปุคฺคโล สทฺธานุสารี ฯ
ผเล ิโต สทฺธาวิมุตฺโต ฯ
                                     นวกนิทฺเทโส นิฏฺิโต ฯ
                                            ---------

             เนื้อความพระไตรปิฎกฉบับภาษาบาลีอักษรไทย เล่มที่ ๓๖ หน้าที่ ๒๓๓-๒๓๕.
https://84000.org/tipitaka/read/pali_item.php?book=36.2&item=151&items=1
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=36.2&item=151&items=1&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=36.2&item=151&items=1
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=36.2&item=151&items=1
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=36.2&i=151
             สารบัญพระไตรปิฎกเล่มที่ ๓๖
https://84000.org/tipitaka/read/?index_36
https://84000.org/tipitaka/english/?index_36