พระไตรปิฎกเล่มที่ ๓๘ ภาษาบาลี อักษรไทย
พระอภิธรรมปิฎกเล่มที่ ๕ อภิ. ยมกํ (๑)

     [๑๘]   เยเกจิ  นามา  ธมฺมา  สพฺเพ  เต  นามมูลาติ:  นเวว
นามมูลานิ   อวเสสา   นามา  ธมฺมา  น  นามมูลา  ฯ  เย  วา  ปน
นามมูลา   สพฺเพ  เต  ธมฺมา  นามาติ:  อามนฺตา  ฯ  เยเกจิ  นามา
ธมฺมา   สพฺเพ  เต  นามมูเลน  เอกมูลาติ:  อเหตุกํ  นามํ  นามมูเลน
น   เอกมูลํ   สเหตุกํ   นามํ   นามมูเลน  เอกมูลํ  ฯ  เย  วา  ปน
นามมูเลน   เอกมูลา   สพฺเพ   เต   ธมฺมา   นามาติ:  นามสมุฏฺฐานํ
รูปํ   นามมูเลน   เอกมูลํ   น   นามํ  นามํ  นามมูเลน  เอกมูลญฺเจว
นามญฺจ  ฯ  เยเกจิ  นามมูเลน  เอกมูลา  ธมฺมา  สพฺเพ เต นามมูเลน
อญฺญมญฺญมูลาติ:    มูลานิ    ยานิ    เอกโต   อุปฺปชฺชนฺติ   นามมูลานิ
เอกมูลานิ    เจว    อญฺญมญฺญมูลานิ   จ   อวเสสา   นามมูลสหชาตา
ธมฺมา   นามมูเลน   เอกมูลา  น  จ  อญฺญมญฺญมูลา  ฯ  เย  วา  ปน
นามมูเลน อญฺญมญฺญมูลา สพฺเพ เต ธมฺมา นามาติ: อามนฺตา ฯ
     [๑๙]   เยเกจิ  นามา  ธมฺมา  สพฺเพ  เต  นามมูลมูลาติ:  นเวว
นามมูลมูลานิ   อวเสสา   นามา  ธมฺมา  น  นามมูลมูลา  ฯ  เย  วา
ปน   นามมูลมูลา  สพฺเพ  เต  ธมฺมา  นามาติ:  อามนฺตา  ฯ  เยเกจิ
นามา   ธมฺมา   สพฺเพ  เต  นามมูเลน  เอกมูลมูลาติ:  อเหตุกํ  นามํ
นามมูเลน   น   เอกมูลมูลํ   สเหตุกํ  นามํ  นามมูเลน  เอกมูลมูลํ  ฯ
เย   วา   ปน  นามมูเลน  เอกมูลมูลา  สพฺเพ  เต  ธมฺมา  นามาติ:
นามสมุฏฺฐานํ   รูปํ   นามมูเลน  เอกมูลมูลํ  น  นามํ  นามํ  นามมูเลน
เอกมูลมูลญฺเจว   นามญฺจ   ฯ  เยเกจิ  นามมูเลน  เอกมูลมูลา  ธมฺมา
สพฺเพ   เต   นามมูเลน   อญฺญมญฺญมูลมูลาติ:   มูลานิ   ยานิ  เอกโต
อุปฺปชฺชนฺติ    นามมูลานิ   เอกมูลมูลานิ   เจว   อญฺญมญฺญมูลมูลานิ   จ
อวเสสา   นามมูลสหชาตา   ธมฺมา   นามมูเลน   เอกมูลมูลา   น  จ
อญฺญมญฺญมูลมูลา    ฯ   เย   วา   ปน   นามมูเลน   อญฺญมญฺญมูลมูลา
สพฺเพ เต ธมฺมา นามาติ: อามนฺตา ฯ
     [๒๐]   เยเกจิ  นามา  ธมฺมา  สพฺเพ  เต  นามมูลกาติ:  อเหตุกํ
นามํ   น   นามมูลกํ   สเหตุกํ   นามํ   นามมูลกํ   ฯ  เย  วา  ปน
นามมูลกา   สพฺเพ  เต  ธมฺมา  นามาติ:  นามสมุฏฺฐานํ  รูปํ  นามมูลกํ
น   นามํ   นามํ   นามมูลกญฺเจว  นามญฺจ  ฯ  เยเกจิ  นามา  ธมฺมา
สพฺเพ   เต   นามมูเลน   เอกมูลกาติ:  อเหตุกํ  นามํ  นามมูเลน  น
เอกมูลกํ   สเหตุกํ   นามํ   นามมูเลน   เอกมูลกํ   ฯ  เย  วา  ปน
นามมูเลน   เอกมูลกา   สพฺเพ   เต   ธมฺมา  นามาติ:  นามสมุฏฺฐานํ
รูปํ   นามมูเลน   เอกมูลกํ  น  นามํ  นามํ  นามมูเลน  เอกมูลกญฺเจว
นามญฺจ  ฯ  เยเกจิ  นามมูเลน  เอกมูลกา  ธมฺมา สพฺเพ เต นามมูเลน
อญฺญมญฺญมูลกาติ:    มูลานิ    ยานิ   เอกโต   อุปฺปชฺชนฺติ   นามมูลานิ
เอกมูลกานิ   เจว   อญฺญมญฺญมูลกานิ   จ   อวเสสา   นามมูลสหชาตา
ธมฺมา  นามมูเลน  เอกมูลกา  น  จ  อญฺญมญฺญมูลกา  ฯ  เย  วา  ปน
นามมูเลน อญฺญมญฺญมูลกา สพฺเพ เต ธมฺมา นามาติ: อามนฺตา ฯ
     [๒๑]   เยเกจิ  นามา  ธมฺมา  สพฺเพ  เต นามมูลมูลกาติ: อเหตุกํ
นามํ   น   นามมูลมูลกํ  สเหตุกํ  นามํ  นามมูลมูลกํ  ฯ  เย  วา  ปน
นามมูลมูลกา    สพฺเพ   เต   ธมฺมา   นามาติ:   นามสมุฏฺฐานํ   รูปํ
นามมูลมูลกํ   น   นามํ   นามํ  นามมูลมูลกญฺเจว  นามญฺจ  ฯ  เยเกจิ
นามา   ธมฺมา  สพฺเพ  เต  นามมูเลน  เอกมูลมูลกาติ:  อเหตุกํ  นามํ
นามมูเลน   น  เอกมูลมูลกํ  สเหตุกํ  นามํ  นามมูเลน  เอกมูลมูลกํ  ฯ
เย   วา  ปน  นามมูเลน  เอกมูลมูลกา  สพฺเพ  เต  ธมฺมา  นามาติ:
นามสมุฏฺฐานํ   รูปํ  นามมูเลน  เอกมูลมูลกํ  น  นามํ  นามํ  นามมูเลน
เอกมูลมูลกญฺเจว  นามญฺจ  ฯ  เยเกจิ  นามมูเลน  เอกมูลมูลกา  ธมฺมา
สพฺเพ   เต   นามมูเลน   อญฺญมญฺญมูลมูลกาติ:   มูลานิ  ยานิ  เอกโต
อุปฺปชฺชนฺติ   นามมูลานิ   เอกมูลมูลกานิ   เจว   อญฺญมญฺญมูลมูลกานิ  จ
อวเสสา   นามมูลสหชาตา   ธมฺมา   นามมูเลน   เอกมูลมูลกา  น  จ
อญฺญมญฺญมูลมูลกา   ฯ   เย   วา   ปน   นามมูเลน  อญฺญมญฺญมูลมูลกา
สพฺเพ เต ธมฺมา นามาติ: อามนฺตา ฯ
                                            --------
     [๒๒]   เยเกจิ  กุสลา  ธมฺมา  สพฺเพ เต กุสลเหตู .. กุสลนิทานา
กุสลสมฺภวา   กุสลปฺปภวา   กุสลสมุฏฺฐานา   กุสลาหารา   กุสลารมฺมณา
กุสลปจฺจยา  กุสลสมุทยา  ..  ฯ  เยเกจิ  อกุสลา  ธมฺมา  .. เยเกจิ
อพฺยากตา   ธมฺมา  ..  เยเกจิ  นามา  ธมฺมา  สพฺเพ  เต  นามเหตู
..   นามนิทานา  นามสมฺภวา  นามปฺปภวา  นามสมุฏฺฐานา  นามาหารา
นามารมฺมณา นามปจฺจยา นามสมุทยา .. ฯ
                  มูลํ เหตุ นิทานญฺจ           สมฺภโว ปภเวน จ
                  สมุฏฺฐานาหารารมฺมณา   ปจฺจโย สมุทเยน จาติ ฯ
                                         มูลยมกํ นิฏฺฐิตํ ฯ
                                             ------
                                           ขนฺธยมกํ
                                        ปณฺณตฺติวาโร
     [๒๓]   ปญฺจกฺขนฺธา:   รูปกฺขนฺโธ   เวทนากฺขนฺโธ   สญฺญากฺขนฺโธ
สงฺขารกฺขนฺโธ วิญฺญาณกฺขนฺโธ ฯ
                                         อุทฺเทสวาโร
     [๒๔]   รูปํ  รูปกฺขนฺโธ  รูปกฺขนฺโธ  รูปํ  ฯ  เวทนา เวทนากฺขนฺโธ
เวทนากฺขนฺโธ    เวทนา    ฯ   สญฺญา   สญฺญากฺขนฺโธ   สญฺญากฺขนฺโธ
สญฺญา   ฯ   สงฺขารา   สงฺขารกฺขนฺโธ   สงฺขารกฺขนฺโธ   สงฺขารา  ฯ
วิญฺญาณํ วิญฺญาณกฺขนฺโธ วิญฺญาณกฺขนฺโธ วิญฺญาณํ ฯ
     [๒๕]   น  รูปํ  น  รูปกฺขนฺโธ  น  รูปกฺขนฺโธ  น รูปํ ฯ น เวทนา
น  เวทนากฺขนฺโธ น เวทนากฺขนฺโธ น เวทนา ฯ น สญฺญา น สญฺญากฺขนฺโธ
น   สญฺญากฺขนฺโธ   น   สญฺญา   ฯ   น  สงฺขารา  น  สงฺขารกฺขนฺโธ
น  สงฺขารกฺขนฺโธ  น  สงฺขารา  ฯ  น  วิญฺญาณํ  น  วิญฺญาณกฺขนฺโธ  น
วิญฺญาณกฺขนฺโธ น วิญฺญาณํ ฯ
                                            --------
     [๒๖]   รูปํ  รูปกฺขนฺโธ  ขนฺธา  เวทนากฺขนฺโธ  ฯ  รูปํ  รูปกฺขนฺโธ
ขนฺธา   สญฺญากฺขนฺโธ   ฯ   รูปํ  รูปกฺขนฺโธ  ขนฺธา  สงฺขารกฺขนฺโธ  ฯ
รูปํ   รูปกฺขนฺโธ   ขนฺธา   วิญฺญาณกฺขนฺโธ   ฯ  เวทนา  เวทนากฺขนฺโธ
ขนฺธา  รูปกฺขนฺโธ  ฯ  เวทนา  เวทนากฺขนฺโธ  ขนฺธา  สญฺญากฺขนฺโธ  ฯ
เวทนา  เวทนากฺขนฺโธ  ขนฺธา  สงฺขารกฺขนฺโธ  ฯ เวทนา เวทนากฺขนฺโธ
ขนฺธา   วิญฺญาณกฺขนฺโธ  ฯ  สญฺญา  สญฺญากฺขนฺโธ  ขนฺธา  รูปกฺขนฺโธ  ฯ
สญฺญา   สญฺญากฺขนฺโธ   ขนฺธา  เวทนากฺขนฺโธ  ฯ  สญฺญา  สญฺญากฺขนฺโธ
ขนฺธา  สงฺขารกฺขนฺโธ  ฯ  สญฺญา  สญฺญากฺขนฺโธ  ขนฺโธ วิญฺญาณกฺขนฺโธ ฯ
สงฺขารา  สงฺขารกฺขนฺโธ  ขนฺธา  รูปกฺขนฺโธ  ฯ  สงฺขารา สงฺขารกฺขนฺโธ
ขนฺธา  เวทนากฺขนฺโธ  ฯ  สงฺขารา สงฺขารกฺขนฺโธ ขนฺธา สญฺญากฺขนฺโธ ฯ
สงฺขารา  สงฺขารกฺขนฺโธ  ขนฺธา  วิญฺญาณกฺขนฺโธ ฯ วิญฺญาณํ วิญฺญาณกฺขนฺโธ
ขนฺธา  รูปกฺขนฺโธ  ฯ  วิญฺญาณํ  วิญฺญาณกฺขนฺโธ  ขนฺธา  เวทนากฺขนฺโธ ฯ
วิญฺญาณํ       วิญฺญาณกฺขนฺโธ       ขนฺธา      สญฺญากฺขนฺโธ      ฯ
วิญฺญาณํ วิญฺญาณกฺขนฺโธ ขนฺธา สงฺขารกฺขนฺโธ ฯ
     [๒๗]   น  รูปํ  น  รูปกฺขนฺโธ  น ขนฺธา น เวทนากฺขนฺโธ ฯ น รูปํ
น  รูปกฺขนฺโธ  น  ขนฺธา  น  สญฺญากฺขนฺโธ  ฯ  น  รูปํ  น  รูปกฺขนฺโธ
น  ขนฺธา  น  สงฺขารกฺขนฺโธ  ฯ  น  รูปํ  น  รูปกฺขนฺโธ  น  ขนฺธา น
วิญฺญาณกฺขนฺโธ    ฯ   น   เวทนา   น   เวทนากฺขนฺโธ   น   ขนฺธา
น   รูปกฺขนฺโธ   ฯ   น   เวทนา   น   เวทนากฺขนฺโธ   น   ขนฺธา
น   สญฺญากฺขนฺโธ   ฯ   น   เวทนา   น   เวทนากฺขนฺโธ  น  ขนฺธา
น   สงฺขารกฺขนฺโธ   ฯ   น   เวทนา   น  เวทนากฺขนฺโธ  น  ขนฺธา
น   วิญฺญาณกฺขนฺโธ   ฯ   น   สญฺญา   น   สญฺญากฺขนฺโธ   น  ขนฺธา
น    รูปกฺขนฺโธ    ฯ   น   สญฺญา   น   สญฺญากฺขนฺโธ   น   ขนฺธา
น   เวทนากฺขนฺโธ   ฯ   น   สญฺญา   น   สญฺญากฺขนฺโธ   น  ขนฺธา
น   สงฺขารกฺขนฺโธ   ฯ   น   สญฺญา   น   สญฺญากฺขนฺโธ   น  ขนฺธา
น   วิญฺญาณกฺขนฺโธ   ฯ   น   สงฺขารา  น  สงฺขารกฺขนฺโธ  น  ขนฺธา
น   รูปกฺขนฺโธ   ฯ   น   สงฺขารา   น   สงฺขารกฺขนฺโธ   น  ขนฺธา
น   เวทนากฺขนฺโธ   ฯ   น   สงฺขารา  น  สงฺขารกฺขนฺโธ  น  ขนฺธา
น   สญฺญากฺขนฺโธ   ฯ   น   สงฺขารา   น  สงฺขารกฺขนฺโธ  น  ขนฺธา
น     วิญฺญาณกฺขนฺโธ     ฯ    น    วิญฺญาณํ    น    วิญฺญาณกฺขนฺโธ
น   ขนฺธา   น   รูปกฺขนฺโธ   ฯ   น   วิญฺญาณํ   น   วิญฺญาณกฺขนฺโธ
น   ขนฺธา   น   เวทนากฺขนฺโธ   ฯ   น  วิญฺญาณํ  น  วิญฺญาณกฺขนฺโธ
น   ขนฺธา    น   สญฺญากฺขนฺโธ   ฯ   น  วิญฺญาณํ  น  วิญฺญาณกฺขนฺโธ
น ขนฺธา น สงฺขารกฺขนฺโธ ฯ
                                            --------
     [๒๘]   รูปํ  ขนฺโธ  ขนฺธา  รูปํ  ๑-  ฯ  เวทนา  ขนฺโธ  ขนฺธา
เวทนา   ฯ   สญฺญา   ขนฺโธ   ขนฺธา   สญฺญา   ฯ  สงฺขารา  ขนฺโธ
ขนฺธา สงฺขารา ฯ วิญฺญาณํ ขนฺโธ ขนฺธา วิญฺญาณํ ฯ
     [๒๙]   น  รูปํ  น  ขนฺโธ  น  ขนฺธา น รูปํ ฯ น เวทนา น ขนฺโธ
น  ขนฺธา  น  เวทนา  ฯ  น  สญฺญา  น  ขนฺโธ  น ขนฺธา น สญฺญา ฯ
น  สงฺขารา  น  ขนฺโธ  น  ขนฺธา  น  สงฺขารา ฯ น วิญฺญาณํ น ขนฺโธ
น ขนฺธา น วิญฺญาณํ ฯ
                                            --------
     [๓๐]   รูปํ  ขนฺโธ  ขนฺธา  เวทนา  ๒-  ฯ  รูปํ  ขนฺโธ  ขนฺธา
สญฺญา   ฯ   รูปํ   ขนฺโธ   ขนฺธา   สงฺขารา  ฯ  รูปํ  ขนฺโธ  ขนฺธา
วิญฺญาณํ   ฯ   เวทนา  ขนฺโธ  ขนฺธา  รูปํ  ฯ  เวทนา  ขนฺโธ  ขนฺธา
สญฺญา   ฯ   เวทนา   ขนฺโธ   ขนฺธา   สงฺขารา  ฯ  เวทนา  ขนฺโธ
@เชิงอรรถ: ๑ ตตฺถ ขนฺธา รูปนฺติอาทีสุ ขนฺโธ รูปกฺขนฺโธ ขนฺธา เวทนากฺขนฺโธติ
@อตฺโถ คเหตพฺโพ ฯ กสฺมา ฯ นิทฺเทสวาเร เอวํ ภาชิตตฺตา ฯ ตตฺถ หิ
@รูปํ ขนฺโธติ: อามนฺตา ฯ ขนฺธา รูปกฺขนฺโธติ: รูปกฺขนฺโธ รูปญฺเจว
@รูปกฺขนฺโธ จ อวเสสา ขนฺธา ขนฺธา น รูปกฺขนฺโธติ เอวํ ขนฺธา
@รูปนฺติอาทีนํ ขนฺโธ รูปกฺขนฺโธติอาทินา นเยน ปทํ อุทฺธริตฺวา
@อตฺโถ วิภตฺโตติ อฏฺฐกถา ฯ ๒ ตตฺถ ขนฺธา เวทนาติอาทีนํ
@ขนฺธา เวทนากฺขนฺโธติอาทินา นเยน อตฺโถ เวทิตพฺโพ ฯ อิตรถา
@นิทฺเทสวาเรน สทฺธึ วิโรโธ โหตีติ อฏฺฐกถา ฯ
ขนฺธา   วิญฺญาณํ   ฯ   สญฺญา   ขนฺโธ  ขนฺธา  รูปํ  ฯ  สญฺญา  ขนฺโธ
ขนฺธา   เวทนา   ฯ   สญฺญา   ขนฺโธ   ขนฺธา   สงฺขารา  ฯ  สญฺญา
ขนฺโธ   ขนฺธา   วิญฺญาณํ   ฯ   สงฺขารา   ขนฺโธ   ขนฺธา   รูปํ   ฯ
สงฺขารา   ขนฺโธ   ขนฺธา   เวทนา   ฯ   สงฺขารา   ขนฺโธ   ขนฺธา
สญฺญา   ฯ   สงฺขารา   ขนฺโธ   ขนฺธา   วิญฺญาณํ  ฯ  วิญฺญาณํ  ขนฺโธ
ขนฺธา   รูปํ   ฯ   วิญฺญาณํ   ขนฺโธ   ขนฺธา   เวทนา   ฯ   วิญฺญาณํ
ขนฺโธ ขนฺธา สญฺญา ฯ วิญฺญาณํ ขนฺโธ ขนฺธา สงฺขารา ฯ
     [๓๑]   น  รูปํ  น  ขนฺโธ  น  ขนฺธา น เวทนา ฯ น รูปํ น ขนฺโธ
น  ขนฺธา  น  สญฺญา  ฯ  น  รูปํ  น  ขนฺโธ  น  ขนฺธา น สงฺขารา ฯ
น  รูปํ  น  ขนฺโธ  น  ขนฺธา น วิญฺญาณํ ฯ น เวทนา น ขนฺโธ น ขนฺธา
น  รูปํ  ฯ  น เวทนา น ขนฺโธ น ขนฺธา น สญฺญา ฯ น เวทนา น ขนฺโธ
น  ขนฺธา  น  สงฺขารา  ฯ  น  เวทนา น ขนฺโธ น ขนฺธา น วิญฺญาณํ ฯ
น  สญฺญา  น  ขนฺโธ  น  ขนฺธา  น  รูปํ ฯ น สญฺญา น ขนฺโธ น ขนฺธา
น  เวทนา  ฯ  น  สญฺญา  น  ขนฺโธ  น ขนฺธา น สงฺขารา ฯ น สญฺญา
น  ขนฺโธ  น  ขนฺธา  น  วิญฺญาณํ  ฯ  น  สงฺขารา  น ขนฺโธ น ขนฺธา
น  รูปํ  ฯ  น  สงฺขารา  น  ขนฺโธ  น ขนฺธา น เวทนา ฯ น สงฺขารา
น  ขนฺโธ  น  ขนฺธา  น  สญฺญา  ฯ  น  สงฺขารา  น  ขนฺโธ น ขนฺธา
น  วิญฺญาณํ  ฯ  น  วิญฺญาณํ  น  ขนฺโธ  น  ขนฺธา  น รูปํ ฯ น วิญฺญาณํ
น  ขนฺโธ  น  ขนฺธา  น  เวทนา  ฯ  น  วิญฺญาณํ  น  ขนฺโธ น ขนฺธา
น สญฺญา ฯ น วิญฺญาณํ น ขนฺโธ น ขนฺธา น สงฺขารา ฯ
                                           --------
                                        นิทฺเทสวาโร
     [๓๒]   รูปํ   รูปกฺขนฺโธติ:   ปิยรูปํ  สาตรูปํ  รูปํ  น  รูปกฺขนฺโธ
รูปกฺขนฺโธ รูปญฺเจว รูปกฺขนฺโธ จ ฯ รูปกฺขนฺโธ รูปนฺติ: อามนฺตา ฯ
     [๓๓]   เวทนา   เวทนากฺขนฺโธติ:   อามนฺตา  ฯ  เวทนากฺขนฺโธ
เวทนาติ: อามนฺตา ฯ
     [๓๔]   สญฺญา  สญฺญากฺขนฺโธติ:  ทิฏฺฐสญฺญา  สญฺญา  น สญฺญากฺขนฺโธ
สญฺญากฺขนฺโธ    สญฺญากฺขนฺโธ   สญฺญา   เจว   สญฺญากฺขนฺโธ   จ   ฯ
สญฺญากฺขนฺโธ สญฺญาติ: อามนฺตา ฯ

             เนื้อความพระไตรปิฎกฉบับภาษาบาลีอักษรไทย เล่มที่ ๓๘ หน้าที่ ๑๔-๒๒.
https://84000.org/tipitaka/read/pali_item.php?book=38&item=18&items=17
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=38&item=18&items=17&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=38&item=18&items=17
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=38&item=18&items=17
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=38&i=18
             สารบัญพระไตรปิฎกเล่มที่ ๓๘
https://84000.org/tipitaka/read/?index_38
https://84000.org/tipitaka/english/?index_38