บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
ฉบับภาษาไทย บาลีอักษรไทย บาลีอักษรโรมัน |
[๗๙๓] โย จกฺขายตนํ ปริชานิตฺถ โส โสตายตนํ ปริชานิสฺสตีติ: โน ฯ โย วา ปน โสตายตนํ ปริชานิสฺสติ โส จกฺขายตนํ ปริชานิตฺถาติ: โน ฯ โย จกฺขายตนํ น ปริชานิตฺถ โส โสตายตนํ น ปริชานิสฺสตีติ: เย มคฺคํ ปฏิลภิสฺสนฺติ เต จกฺขายตนํ น ปริชานิตฺถ โน จ โสตายตนํ น ปริชานิสฺสนฺติ อคฺคมคฺคสมงฺคี เย จ ปุถุชฺชนา มคฺคํ น ปฏิลภิสฺสนฺติ เต จกฺขายตนญฺจ น ปริชานิตฺถ โสตายตนญฺจ น ปริชานิสฺสนฺติ ฯ โย วา ปน โสตายตนํ น ปริชานิสฺสติ โส จกฺขายตนํ น ปริชานิตฺถาติ: อรหา โสตายตนํ น ปริชานิสฺสติ โน จ จกฺขายตนํ น ปริชานิตฺถ อคฺคมคฺคสมงฺคี เย จ ปุถุชฺชนา มคฺคํ น ปฏิลภิสฺสนฺติ เต โสตายตนญฺจ น ปริชานิสฺสนฺติ จกฺขายตนญฺจ น ปริชานิตฺถ ฯ ปริญฺญาวารํ นิฏฺฐิตํ ฯ อายตนยมกํ นิฏฺฐิตํ ฯ ธาตุยมกํ ปณฺณตฺติวาโร [๗๙๔] อฏฺฐารส ธาตุโย จกฺขุธาตุ โสตธาตุ ฆานธาตุ ชิวฺหาธาตุ กายธาตุ รูปธาตุ สทฺทธาตุ คนฺธธาตุ รสธาตุ โผฏฺฐพฺพธาตุ จกฺขุวิญฺญาณธาตุ โสตวิญฺญาณธาตุ ฆานวิญฺญาณธาตุ ชิวฺหาวิญฺญาณธาตุ กายวิญฺญาณธาตุ มโนธาตุ มโนวิญฺญาณธาตุ ธมฺมธาตุ ฯ อุทฺเทสวาโร [๗๙๕] จกฺขุ จกฺขุธาตุ จกฺขุธาตุ จกฺขุ ฯ โสตํ โสตธาตุ โสตธาตุ โสตํ ฯเปฯ จกฺขุวิญฺญาณํ จกฺขุวิญฺญาณธาตุ จกฺขุวิญฺญาณธาตุ จกฺขุวิญฺญาณํ ฯเปฯ มโน มโนธาตุ มโนธาตุ มโน ฯ มโนวิญฺญาณํ มโนวิญฺญาณธาตุ มโนวิญฺญาณธาตุ มโนวิญฺญาณํ ฯ ธมฺโม ธมฺมธาตุ ธมฺมธาตุ ธมฺโม ฯ [๗๙๖] น จกฺขุ น จกฺขุธาตุ น จกฺขุธาตุ น จกฺขุ ฯ น โสตํ น โสตธาตุ น โสตธาตุ น โสตํ ฯเปฯ น จกฺขุวิญฺญาณํ น จกฺขุวิญฺญาณธาตุ น จกฺขุวิญฺญาณธาตุ น จกฺขุวิญฺญาณํ ฯเปฯ น มโน น มโนธาตุ น มโนธาตุ น มโน ฯ น มโนวิญฺญาณํ น มโนวิญฺญาณธาตุ น มโนวิญฺญาณธาตุ น มโนวิญฺญาณํ ฯ น ธมฺโม น ธมฺมธาตุ น ธมฺมธาตุ น ธมฺโม ฯ -------- [๗๙๗] จกฺขุ จกฺขุธาตุ ธาตู โสตธาตุ ฯเปฯ จกฺขุ จกฺขุธาตุ ธาตู ธมฺมธาตุ ฯ ยถา อายตนยมเก จกฺกํ พนฺธิตํ เอวมิธ จกฺกํ พนฺธิตพฺพํ ฯ [๗๙๘] น จกฺขุ น จกฺขุธาตุ น ธาตู น โสตธาตุ ฯ น จกฺขุ น จกฺขุธาตุ น ธาตู น ฆานธาตุ ฯเปฯ น จกฺขุ น จกฺขุธาตุ น ธาตู น ธมฺมธาตุ ฯเปฯ น ธมฺโม น ธมฺมาตุ น ธาตู น จกฺขุธาตุ ฯเปฯ น ธมฺโม น ธมฺมธาตุ น ธาตู น มโนวิญฺญาณธาตุ ฯ จกฺกํ พนฺธิตพฺพํ ฯ --------- [๗๙๙] จกฺขุ ธาตุ ธาตู จกฺขุ ฯ โสตํ ธาตุ ธาตู โสตํ ฯ ฆานํ ชิวฺหา กาโย รูปํ สทฺโท คนฺโธ รโส โผฏฺฐพฺโพ ฯ จกฺขุวิญฺญาณํ ธาตุ ธาตู จกฺขุวิญฺญาณํ ฯ โสตวิญฺญาณํ ธาตุ ธาตู โสตวิญฺญาณํ ฯ ฆานวิญฺญาณํ ชิวฺหาวิญฺญาณํ กายวิญฺญาณํ ฯ มโน ธาตุ ธาตู มโน ฯ มโนวิญฺญาณํ ธาตุ ธาตู มโนวิญฺญาณํ ฯ ธมฺโม ธาตุ ธาตู ธมฺโม ฯ [๘๐๐] น จกฺขุ น ธาตุ น ธาตู น จกฺขุ ฯ น โสตํ น ธาตุ น ธาตู น โสตํ ฯ น ฆานํ น ชิวฺหา น กาโย น รูปํ น สทฺโท น คนฺโธ น รโส น โผฏฺฐพฺโพ ฯ น จกฺขุวิญฺญาณํ น ธาตุ น ธาตู น จกฺขุวิญฺญาณํ ฯ น โสตวิญฺญาณํ น ฆานวิญฺญาณํ น ชิวฺหาวิญฺญาณํ ฯ น กายวิญฺญาณํ น ธาตุ น ธาตู น กายวิญฺญาณํ ฯ น มโน น ธาตุ น ธาตู น มโน ฯ น มโนวิญฺญาณํ น ธาตุ น ธาตู น มโนวิญฺญาณํ ฯ น ธมฺโม น ธาตุ น ธาตู น ธมฺโม ฯ -------- [๘๐๑] จกฺขุ ธาตุ ธาตู โสตํ ฯเปฯ จกฺขุ ธาตุ ธาตู ธมฺโม ฯเปฯ ธมฺโม ธาตุ ธาตู จกฺขุ ฯเปฯ ธมฺโม ธาตุ ธาตู มโนวิญฺญาณํ ฯ จกฺกํ พนฺธิตพฺพํ ฯ
เนื้อความพระไตรปิฎกฉบับภาษาบาลีอักษรไทย เล่มที่ ๓๘ หน้าที่ ๒๖๓-๒๖๖. https://84000.org/tipitaka/read/pali_item.php?book=38&item=793&items=9 อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- https://84000.org/tipitaka/read/pali_item.php?book=38&item=793&items=9&mode=bracket อ่านเทียบพระไตรปิฎกฉบับภาษาบาลีอักษรโรมัน :- https://84000.org/tipitaka/read/roman_item.php?book=38&item=793&items=9 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=38&item=793&items=9 ศึกษาอรรถกถานี้ได้ที่ :- https://84000.org/tipitaka/attha/attha.php?b=38&i=793 สารบัญพระไตรปิฎกเล่มที่ ๓๘ https://84000.org/tipitaka/read/?index_38 https://84000.org/tipitaka/english/?index_38
|
บันทึก ๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]