พระไตรปิฎกเล่มที่ ๔๑ ภาษาบาลี อักษรไทย
พระอภิธรรมปิฎกเล่มที่ ๘ อภิ. ป.(๒) อนุโลมติกปฏฺฐานํ ปจฺฉิมํ

                                 ปญฺหาวาโร
     [๑๐๘๔]   อาจยคามิ  ธมฺโม  อาจยคามิสฺส  ธมฺมสฺส  เหตุปจฺจเยน
ปจฺจโย    อาจยคามี    เหตู   สมฺปยุตฺตกานํ   ขนฺธานํ   เหตุปจฺจเยน
ปจฺจโย ฯ
     [๑๐๘๕]   อาจยคามิ  ธมฺโม  เนวาจยคามินาปจยคามิสฺส  ธมฺมสฺส
เหตุปจฺจเยน    ปจฺจโย   อาจยคามี   เหตู   จิตฺตสมุฏฺานานํ   รูปานํ
เหตุปจฺจเยน ปจฺจโย ฯ
     [๑๐๘๖]   อาจยคามิ   ธมฺโม   อาจยคามิสฺส  จ  เนวาจยคามิ-
นาปจยคามิสฺส   จ   ธมฺมสฺส  เหตุปจฺจเยน  ปจฺจโย  อาจยคามี  เหตู
สมฺปยุตฺตกานํ    ขนฺธานํ    จิตฺตสมุฏฺานานญฺจ    รูปานํ   เหตุปจฺจเยน
ปจฺจโย ฯ
     [๑๐๘๗]   อปจยคามิ  ธมฺโม  อปจยคามิสฺส  ธมฺมสฺส  เหตุปจฺจเยน
ปจฺจโย ตีณิ ฯ
     [๑๐๘๘]   เนวาจยคามินาปจยคามิ ธมฺโม เนวาจยคามินาปจยคามิสฺส
ธมฺมสฺส    เหตุปจฺจเยน    ปจฺจโย    เนวาจยคามินาปจยคามี    เหตู
สมฺปยุตฺตกานํ    ขนฺธานํ    จิตฺตสมุฏฺานานญฺจ    รูปานํ   เหตุปจฺจเยน
ปจฺจโย   ปฏิสนฺธิกฺขเณ   เนวาจยคามินาปจยคามี   เหตู   สมฺปยุตฺตกานํ
ขนฺธานํ กฏตฺตา จ รูปานํ เหตุปจฺจเยน ปจฺจโย ฯ
     [๑๐๘๙]   อาจยคามิ  ธมฺโม อาจยคามิสฺส ธมฺมสฺส อารมฺมณปจฺจเยน
ปจฺจโย  ทานํ  ทตฺวา  สีลํ  สมาทิยิตฺวา อุโปสถกมฺมํ กตฺวา ตํ ปจฺจเวกฺขติ
ปุพฺเพ   สุจิณฺณานิ   ปจฺจเวกฺขติ   ฌานา  วุฏฺหิตฺวา  ฌานํ  ปจฺจเวกฺขติ
เสกฺขา  ปหีเน  กิเลเส  ปจฺจเวกฺขนฺติ  วิกฺขมฺภิเต  กิเลเส ปจฺจเวกฺขนฺติ
ปุพฺเพ  สมุทาจิณฺเณ  กิเลเส  ชานนฺติ เสกฺขา วา ปุถุชฺชนา วา อาจยคามี
ขนฺเธ   อนิจฺจโต  ทุกฺขโต  อนตฺตโต  วิปสฺสนฺติ  อสฺสาเทนฺติ  อภินนฺทนฺติ
ตํ อารพฺภ ราโค อุปฺปชฺชติ ทิฏฺิ ... วิจิกิจฺฉา ... อุทฺธจฺจํ ... โทมนสฺสํ
อุปฺปชฺชติ    เจโตปริยาเณน   อาจยคามิจิตฺตสมงฺคิสฺส   จิตฺตํ   ชานนฺติ
อากาสานญฺจายตนกุสลํ      วิญฺาณญฺจายตนกุสลสฺส     อารมฺมณปจฺจเยน
ปจฺจโย        อากิญฺจญฺายตนกุสลํ       เนวสญฺานาสญฺายตนกุสลสฺส
อาจยคามี        ขนฺธา       อิทฺธิวิธาณสฺส       เจโตปริยาณสฺส
ปุพฺเพนิวาสานุสฺสติาณสฺส       ยถากมฺมูปคาณสฺส      อนาคตํสาณสฺส
อารมฺมณปจฺจเยน ปจฺจโย ฯ
     [๑๐๙๐]   อาจยคามิ  ธมฺโม  เนวาจยคามินาปจยคามิสฺส  ธมฺมสฺส
อารมฺมณปจฺจเยน    ปจฺจโย    อรหา   ปหีเน   กิเลเส   ปจฺจเวกฺขติ
ปุพฺเพ   สมุทาจิณฺเณ   กิเลเส   ชานาติ   อาจยคามี  ขนฺเธ  อนิจฺจโต
ทุกฺขโต   อนตฺตโต   วิปสฺสติ   เจโตปริยาเณน  อาจยคามิจิตฺตสมงฺคิสฺส
จิตฺตํ  ชานาติ  เสกฺขา  วา  ปุถุชฺชนา  วา  อาจยคามี  ขนฺเธ อนิจฺจโต
ทุกฺขโต   อนตฺตโต   วิปสฺสนฺติ   กุสเล  นิรุทฺเธ  วิปาโก  ตทารมฺมณตา
อุปฺปชฺชติ   อาจยคามี  ขนฺเธ  อสฺสาเทติ  อภินนฺทติ  ตํ  อารพฺภ  ราโค
อุปฺปชฺชติ   โทมนสฺสํ  อุปฺปชฺชติ  อกุสเล  นิรุทฺเธ  วิปาโก  ตทารมฺมณตา
อุปฺปชฺชติ     อากาสานญฺจายตนกุสลํ     วิญฺาณญฺจายตนวิปากสฺส     จ
กิริยสฺส     จ     อารมฺมณปจฺจเยน    ปจฺจโย    อากิญฺจญฺายตนกุสลํ
เนวสญฺานาสญฺายตนวิปากสฺส    จ    กิริยสฺส   จ   อารมฺมณปจฺจเยน
ปจฺจโย   อาจยคามี  ขนฺธา  เจโตปริยาณสฺส  ปุพฺเพนิวาสานุสฺสติาณสฺส
ยถากมฺมูปคาณสฺส    อนาคตํสาณสฺส    อาวชฺชนาย   อารมฺมณปจฺจเยน
ปจฺจโย ฯ
     [๑๐๙๑]   อปจยคามิ  ธมฺโม อาจยคามิสฺส ธมฺมสฺส อารมฺมณปจฺจเยน
ปจฺจโย  เสกฺขา  มคฺคา  วุฏฺหิตฺวา  มคฺคํ ปจฺจเวกฺขนฺติ เจโตปริยาเณน
อปจยคามิจิตฺตสมงฺคิสฺส  จิตฺตํ  ชานนฺติ  อปจยคามี ขนฺธา เจโตปริยาณสฺส
ปุพฺเพนิวาสานุสฺสติาณสฺส       อนาคตํสาณสฺส       อารมฺมณปจฺจเยน
ปจฺจโย ฯ
     [๑๐๙๒]   อปจยคามิ  ธมฺโม  เนวาจยคามินาปจยคามิสฺส  ธมฺมสฺส
อารมฺมณปจฺจเยน    ปจฺจโย    อรหา    มคฺคา    วุฏฺหิตฺวา    มคฺคํ
ปจฺจเวกฺขติ   เจโตปริยาเณน   อปจยคามิจิตฺตสมงฺคิสฺส   จิตฺตํ  ชานาติ
อปจยคามี     ขนฺธา     เจโตปริยาณสฺส    ปุพฺเพนิวาสานุสฺสติาณสฺส
อนาคตํสาณสฺส อาวชฺชนาย อารมฺมณปจฺจเยน ปจฺจโย ฯ
     [๑๐๙๓]   เนวาจยคามินาปจยคามิ ธมฺโม เนวาจยคามินาปจยคามิสฺส
ธมฺมสฺส   อารมฺมณปจฺจเยน   ปจฺจโย  อรหา  ผลํ  ปจฺจเวกฺขติ  นิพฺพานํ
ปจฺจเวกฺขติ   นิพฺพานํ   ผลสฺส   อาวชฺชนาย  อารมฺมณปจฺจเยน  ปจฺจโย
อรหา  จกฺขุํ  อนิจฺจโต  ทุกฺขโต  อนตฺตโต  วิปสฺสติ โสตํ ... วตฺถุํ ...
เนวาจยคามินาปจยคามี   ขนฺเธ   อนิจฺจโต  ทุกฺขโต  อนตฺตโต  วิปสฺสติ
ทิพฺเพน   จกฺขุนา   รูปํ   ปสฺสติ   ทิพฺพาย   โสตธาตุยา  สทฺทํ  สุณาติ
เจโตปริยาเณน       เนวาจยคามินาปจยคามิจิตฺตสมงฺคิสฺส       จิตฺตํ
ชานาติ         อากาสานญฺจายตนกิริยํ         วิญฺาณญฺจายตนกิริยสฺส
อารมฺมณปจฺจเยน      ปจฺจโย     อากิญฺจญฺายตนกิริยํ     เนวสญฺา-
นาสญฺายตนกิริยสฺส     รูปายตนํ     จกฺขุวิญฺาณสฺส    โผฏฺพฺพายตนํ
กายวิญฺาณสฺส     เนวาจยคามินาปจยคามี     ขนฺธา    อิทฺธิวิธาณสฺส
เจโตปริยาณสฺส       ปุพฺเพนิวาสานุสฺสติาณสฺส       อนาคตํสาณสฺส
อาวชฺชนาย อารมฺมณปจฺจเยน ปจฺจโย ฯ
     [๑๐๙๔]   เนวาจยคามินาปจยคามิ  ธมฺโม  อาจยคามิสฺส  ธมฺมสฺส
อารมฺมณปจฺจเยน    ปจฺจโย    เสกฺขา   ผลํ   ปจฺจเวกฺขนฺติ   นิพฺพานํ
ปจฺจเวกฺขนฺติ    นิพฺพานํ    โคตฺรภุสฺส    โวทานสฺส   อารมฺมณปจฺจเยน
ปจฺจโย  เสกฺขา  วา  ปุถุชฺชนา  วา  จกฺขุํ  อนิจฺจโต  ทุกฺขโต อนตฺตโต
วิปสฺสนฺติ   อสฺสาเทนฺติ   อภินนฺทนฺติ   ตํ   อารพฺภ   ราโค   อุปฺปชฺชติ
โทมนสฺสํ   อุปฺปชฺชติ   โสตํ  ...  วตฺถุํ  ...  เนวาจยคามินาปจยคามี
ขนฺเธ    อนิจฺจโต    ทุกฺขโต    อนตฺตโต    วิปสฺสนฺติ    อสฺสาเทนฺติ
อภินนฺทนฺติ    ตํ    อารพฺภ    ราโค    อุปฺปชฺชติ    ทิฏฺิ   อุปฺปชฺชติ
วิจิกิจฺฉา  ...  โทมนสฺสํ  ...  ทิพฺเพน  จกฺขุนา  รูปํ  ปสฺสนฺติ ทิพฺพาย
โสตธาตุยา   สทฺทํ   สุณนฺติ  เจโตปริยาเณน  เนวาจยคามินาปจยคามิ-
จิตฺตสมงฺคิสฺส    จิตฺตํ    ชานาติ    เนวาจยคามินาปจยคามี    ขนฺธา
อิทฺธิวิธาณสฺส        เจโตปริยาณสฺส       ปุพฺเพนิวาสานุสฺสติาณสฺส
อนาคตํสาณสฺส อารมฺมณปจฺจเยน ปจฺจโย ฯ
     [๑๐๙๕]   เนวาจยคามินาปจยคามิ  ธมฺโม  อปจยคามิสฺส  ธมฺมสฺส
อารมฺมณปจฺจเยน    ปจฺจโย    นิพฺพานํ    มคฺคสฺส    อารมฺมณปจฺจเยน
ปจฺจโย ฯ

             เนื้อความพระไตรปิฎกฉบับภาษาบาลีอักษรไทย เล่มที่ ๔๑ หน้าที่ ๓๔๓-๓๔๗.
https://84000.org/tipitaka/read/pali_item.php?book=41&item=1084&items=12
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=41&item=1084&items=12&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=41&item=1084&items=12
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=41&item=1084&items=12
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=41&i=1084
             สารบัญพระไตรปิฎกเล่มที่ ๔๑
https://84000.org/tipitaka/read/?index_41
https://84000.org/tipitaka/english/?index_41