พระไตรปิฎกเล่มที่ ๔๑ ภาษาบาลี อักษรไทย
พระอภิธรรมปิฎกเล่มที่ ๘ อภิ. ป.(๒) อนุโลมติกปฏฺฐานํ ปจฺฉิมํ

                                 อชฺฌตฺตตฺติกํ
                                   ปฏิจฺจวาโร
     [๒๐๓๓]   อชฺฌตฺตํ   ธมฺมํ   ปฏิจฺจ   อชฺฌตฺโต   ธมฺโม  อุปฺปชฺชติ
เหตุปจฺจยา     อชฺฌตฺตํ    เอกํ    ขนฺธํ    ปฏิจฺจ    ตโย    ขนฺธา
จิตฺตสมุฏฺฐานญฺจ   รูปํ   เทฺว   ขนฺเธ   ...   ปฏิสนฺธิกฺขเณ   อชฺฌตฺตํ
เอกํ  ขนฺธํ  ปฏิจฺจ  ตโย  ขนฺธา  กฏตฺตา  จ  รูปํ  เทฺว  ขนฺเธ  ...
ขนฺเธ   ปฏิจฺจ   วตฺถุ   วตฺถุํ   ปฏิจฺจ   ขนฺธา  เอกํ  มหาภูตํ  ปฏิจฺจ
ตโย     มหาภูตา     มหาภูเต     ปฏิจฺจ     จิตฺตสมุฏฺฐานํ     รูปํ
กฏตฺตารูปํ อุปาทารูปํ ฯ
     [๒๐๓๔]   พหิทฺธา   ธมฺมํ   ปฏิจฺจ   พหิทฺธา   ธมฺโม   อุปฺปชฺชติ
เหตุปจฺจยา     พหิทฺธา    เอกํ    ขนฺธํ    ปฏิจฺจ    ตโย    ขนฺธา
จิตฺตสมุฏฺฐานญฺจ   รูปํ  เทฺว  ขนฺเธ  ...  ปฏิสนฺธิกฺขเณ  พหิทฺธา  เอกํ
ขนฺธํ   ปฏิจฺจ   ตโย   ขนฺธา   กฏตฺตา  จ  รูปํ  เทฺว  ขนฺเธ  ปฏิจฺจ
เทฺว   ขนฺธา   ขนฺเธ   ปฏิจฺจ   วตฺถุ   วตฺถุํ   ปฏิจฺจ   ขนฺธา  เอกํ
มหาภูตํ   ปฏิจฺจ   ตโย   มหาภูตา   มหาภูเต   ปฏิจฺจ   จิตฺตสมุฏฺฐานํ
รูปํ กฏตฺตารูปํ อุปาทารูปํ ฯ
     [๒๐๓๕]   อชฺฌตฺตํ   ธมฺมํ   ปฏิจฺจ   อชฺฌตฺโต   ธมฺโม  อุปฺปชฺชติ
อารมฺมณปจฺจยา    อชฺฌตฺตํ    เอกํ    ขนฺธํ    ปฏิจฺจ   ตโย   ขนฺธา
เทฺว   ขนฺเธ   ปฏิจฺจ   ปฏิสนฺธิกฺขเณ   อชฺฌตฺตํ   เอกํ   ขนฺธํ  ปฏิจฺจ
ตโย ขนฺธา วตฺถุํ ปฏิจฺจ ขนฺธา ฯ
     [๒๐๓๖]   พหิทฺธา   ธมฺมํ   ปฏิจฺจ   พหิทฺธา   ธมฺโม   อุปฺปชฺชติ
อารมฺมณปจฺจยา    พหิทฺธา    เอกํ    ขนฺธํ    ปฏิจฺจ   ตโย   ขนฺธา
เทฺว ขนฺเธ ... ปฏิสนฺธิกฺขเณ วตฺถุํ ปฏิจฺจ ขนฺธา ฯ
     [๒๐๓๗]   อชฺฌตฺตํ   ธมฺมํ   ปฏิจฺจ   อชฺฌตฺโต   ธมฺโม  อุปฺปชฺชติ
อธิปติปจฺจยา    อชฺฌตฺตํ    เอกํ    ขนฺธํ    ปฏิจฺจ    ตโย    ขนฺธา
จิตฺตสมุฏฺฐานญฺจ   รูปํ   เทฺว   ขนฺเธ   ...   เอกํ   มหาภูตํ  ปฏิจฺจ
มหาภูเต ปฏิจฺจ จิตฺตสมุฏฺฐานํ รูปํ อุปาทารูปํ ฯ
     [๒๐๓๘]   พหิทฺธา  ธมฺมํ  ปฏิจฺจ  พหิทฺธา  ธมฺโม ... อธิปติปจฺจยา
พหิทฺธา   เอกํ  ขนฺธํ  ปฏิจฺจ  ตโย  ขนฺธา  จิตฺตสมุฏฺฐานญฺจ  รูปํ  เทฺว
ขนฺเธ  ...  เอกํ  มหาภูตํ  ปฏิจฺจ  มหาภูเต  ปฏิจฺจ  จิตฺตสมุฏฺฐานํ รูปํ
อุปาทารูปํ ฯ
     [๒๐๓๙]   อชฺฌตฺตํ  ธมฺมํ  ปฏิจฺจ อชฺฌตฺโต ธมฺโม ... อนนฺตรปจฺจยา
ปจฺจยา    สมนนฺตรปจฺจยา    สหชาตปจฺจยา    อชฺฌตฺตํ   เอกํ   ขนฺธํ
ปฏิจฺจ   ตโย   ขนฺธา   จิตฺตสมุฏฺฐานญฺจ   รูปํ   เทฺว   ขนฺเธ   ...
ปฏิสนฺธิกฺขเณ   อชฺฌตฺตํ   เอกํ  ขนฺธํ  ปฏิจฺจ  ตโย  ขนฺธา  กฏตฺตา  จ
รูปํ   เทฺว   ขนฺเธ   ...  ขนฺเธ  ปฏิจฺจ  วตฺถุ  วตฺถุํ  ปฏิจฺจ  ขนฺธา
เอกํ    มหาภูตํ    ปฏิจฺจ    ตโย    มหาภูตา    มหาภูเต    ปฏิจฺจ
จิตฺตสมุฏฺฐานํ    รูปํ   กฏตฺตารูปํ   อุปาทารูปํ   อาหารสมุฏฺฐานํ   ...
อุตุสมุฏฺฐานํ   ...   อสญฺญสตฺตานํ   เอกํ   มหาภูตํ   ปฏิจฺจ  มหาภูเต
ปฏิจฺจ กฏตฺตารูปํ อุปาทารูปํ ฯ
     [๒๐๔๐]   พหิทฺธา   ธมฺมํ   ปฏิจฺจ   พหิทฺธา   ธมฺโม   อุปฺปชฺชติ
สหชาตปจฺจยา    พหิทฺธา    เอกํ    ขนฺธํ    ปฏิจฺจ    ตโย   ขนฺธา
จิตฺตสมุฏฺฐานญฺจ   รูปํ  เทฺว  ขนฺเธ  ...  ปฏิสนฺธิกฺขเณ  พหิทฺธา  เอกํ
ขนฺธํ  ปฏิจฺจ  ตโย  ขนฺธา  กฏตฺตา  จ  รูปํ  เทฺว  ขนฺเธ  ... ขนฺเธ
ปฏิจฺจ   วตฺถุ   วตฺถุํ   ปฏิจฺจ  ขนฺธา  เอกํ  มหาภูตํ  ปฏิจฺจ  มหาภูเต
ปฏิจฺจ    จิตฺตสมุฏฺฐานํ   รูปํ   กฏตฺตารูปํ   อุปาทารูปํ   พาหิรํ   ...
อาหารสมุฏฺฐานํ    ...    อุตุสมุฏฺฐานํ    ...   อสญฺญสตฺตานํ   เอกํ
มหาภูตํ ปฏิจฺจ มหาภูเต ปฏิจฺจ กฏตฺตารูปํ อุปาทารูปํ ฯ
     [๒๐๔๑]   อชฺฌตฺตํ   ธมฺมํ   ปฏิจฺจ   อชฺฌตฺโต   ธมฺโม  อุปฺปชฺชติ
อญฺญมญฺญปจฺจยา     นิสฺสยปจฺจยา    อุปนิสฺสยปจฺจยา    ปุเรชาตปจฺจยา
อาเสวนปจฺจยา  ปุเรชาเตปิ  อาเสวเนปิ  ปฏิสนฺธิ  นตฺถิ  ฯ กมฺมปจฺจยา
วิปากปจฺจยา      อาหารปจฺจยา      อินฺทฺริยปจฺจยา      ฌานปจฺจยา
มคฺคปจฺจยา      สมฺปยุตฺตปจฺจยา      วิปฺปยุตฺตปจฺจยา     อตฺถิปจฺจยา
นตฺถิปจฺจยา วิคตปจฺจยา อวิคตปจฺจยา ฯ
     [๒๐๔๒]   เหตุยา   เทฺว   อารมฺมเณ   เทฺว   ฯ   สงฺขิตฺตํ  ฯ
อวิคเต เทฺว ฯ
                                      อนุโลมํ ฯ
     [๒๐๔๓]   อชฺฌตฺตํ   ธมฺมํ   ปฏิจฺจ   อชฺฌตฺโต   ธมฺโม  อุปฺปชฺชติ
นเหตุปจฺจยา   อเหตุกํ   อชฺฌตฺตํ   เอกํ   ขนฺธํ   ปฏิจฺจ  ตโย  ขนฺธา
จิตฺตสมุฏฺฐานญฺจ   รูปํ   เทฺว  ขนฺเธ  ...  อเหตุกปฏิสนฺธิกฺขเณ  ขนฺเธ
ปฏิจฺจ  วตฺถุ  วตฺถุํ  ปฏิจฺจ ขนฺธา เอกํ มหาภูตํ ... อาหารสมุฏฺฐานํ ...
อุตุสมุฏฺฐานํ   ...   อสญฺญสตฺตานํ   เอกํ   มหาภูตํ   ...   มหาภูเต
ปฏิจฺจ    กฏตฺตารูปํ    อุปาทารูปํ    วิจิกิจฺฉาสหคเต    อุทฺธจฺจสหคเต
ขนฺเธ ปฏิจฺจ วิจิกิจฺฉาสหคโต อุทฺธจฺจสหคโต โมโห ฯ
     [๒๐๔๔]   พหิทฺธา   ธมฺมํ   ปฏิจฺจ   พหิทฺธา   ธมฺโม   อุปฺปชฺชติ
นเหตุปจฺจยา   อเหตุกํ   พหิทฺธา   เอกํ   ขนฺธํ   ปฏิจฺจ  ตโย  ขนฺธา
จิตฺตสมุฏฺฐานญฺจ   รูปํ   เทฺว  ขนฺเธ  ...  อเหตุกปฏิสนฺธิกฺขเณ  ขนฺเธ
ปฏิจฺจ    วตฺถุ    วตฺถุํ    ปฏิจฺจ    ขนฺธา   เอกํ   มหาภูตํ   ปฏิจฺจ
พาหิรํ  ...  อาหารสมุฏฺฐานํ  ...  อุตุสมุฏฺฐานํ ... อสญฺญสตฺตานํ เอกํ
มหาภูตํ    ปฏิจฺจ    วิจิกิจฺฉาสหคเต   อุทฺธจฺจสหคเต   ขนฺเธ   ปฏิจฺจ
วิจิกิจฺฉาสหคโต อุทฺธจฺจสหคโต โมโห ฯ
     [๒๐๔๕]   อชฺฌตฺตํ   ธมฺมํ   ปฏิจฺจ   อชฺฌตฺโต   ธมฺโม  อุปฺปชฺชติ
นอารมฺมณปจฺจยา    อชฺฌตฺเต    ขนฺเธ    ปฏิจฺจ   จิตฺตสมุฏฺฐานํ   รูปํ
ปฏิสนฺธิกฺขเณ   อชฺฌตฺเต   ขนฺเธ   ปฏิจฺจ   กฏตฺตารูปํ   ขนฺเธ  ปฏิจฺจ
วตฺถุ   เอกํ  มหาภูตํ  ปฏิจฺจ  อาหารสมุฏฺฐานํ  ...  อุตุสมุฏฺฐานํ  ...
อสญฺญสตฺตานํ เอกํ มหาภูตํ ปฏิจฺจ ฯ
     [๒๐๔๖]   พหิทฺธา   ธมฺมํ   ปฏิจฺจ   พหิทฺธา   ธมฺโม   อุปฺปชฺชติ
นอารมฺมณปจฺจยา    พหิทฺธา    ขนฺเธ    ปฏิจฺจ    จิตฺตสมุฏฺฐานํ   รูปํ
ปฏิสนฺธิกฺขเณ   พหิทฺธา  ขนฺเธ  ปฏิจฺจ  กฏตฺตารูปํ  ขนฺเธ  ปฏิจฺจ  วตฺถุ
เอกํ มหาภูตํ ... พาหิรํ ... อาหาร ... อุตุ ... อสญฺญสตฺตานํ ... ฯ
     [๒๐๔๗]   อชฺฌตฺตํ   ธมฺมํ   ปฏิจฺจ   อชฺฌตฺโต  ธมฺโม  อุปฺปชฺชติ
นอธิปติปจฺจยา     ฯเปฯ     อนุโลมสหชาตสทิสํ     นินฺนากรณํ     ฯ
นอนนฺตรปจฺจยา          นสมนนฺตรปจฺจยา          นอญฺญมญฺญปจฺจยา
นอุปนิสฺสยปจฺจยา    นปุเรชาตปจฺจยา   อรูเป   อชฺฌตฺตํ   เอกํ   ขนฺธํ
ปฏิจฺจ  ฯเปฯ  อชฺฌตฺเต  ขนฺเธ  ปฏิจฺจ  จิตฺตสมุฏฺฐานํ  รูปํ ปฏิสนฺธิกฺขเณ
อชฺฌตฺตํ   เอกํ   ขนฺธํ   ปฏิจฺจ   ตโย  ขนฺธา  กฏตฺตา  จ  รูปํ  เทฺว
ขนฺเธ  ...  ขนฺเธ  ปฏิจฺจ  วตฺถุ  วตฺถุํ  ปฏิจฺจ  ขนฺธา  เอกํ  มหาภูตํ
ปฏิจฺจ อาหาร ... อุตุ ... อสญฺญสตฺตานํ ... ฯ
     [๒๐๔๘]   พหิทฺธา   ธมฺมํ   ปฏิจฺจ   พหิทฺธา   ธมฺโม  อุปฺปชฺชติ
นปุเรชาตปจฺจยา  อรูเป  พหิทฺธา  เอกํ  ขนฺธํ  ปฏิจฺจ  เทฺว ขนฺเธ ...
พหิทฺธา   ขนฺเธ   ปฏิจฺจ  จิตฺตสมุฏฺฐานํ  รูปํ  ปฏิสนฺธิกฺขเณ  ปริปุณฺณํ  ฯ
เอกํ มหาภูตํ ... พาหิรํ ... อาหาร ... อุตุ ... อสญฺญสตฺตานํ ... ฯ
     [๒๐๔๙]   อชฺฌตฺตํ   ธมฺมํ   ปฏิจฺจ   ...   นปจฺฉาชาตปจฺจยา
นอาเสวนปจฺจยา     นกมฺมปจฺจยา     อชฺฌตฺเต     ขนฺเธ     ปฏิจฺจ
อชฺฌตฺตา เจตนา อาหารสมุฏฺฐานํ ... อุตุสมุฏฺฐานํ ... ฯ
     [๒๐๕๐]   พหิทฺธา    ธมฺมํ   ปฏิจฺจ   พหิทฺธา   ธมฺโม   ...
นกมฺมปจฺจยา     พหิทฺธา     ขนฺเธ     ปฏิจฺจ    พหิทฺธา    เจตนา
พาหิรํ ... อาหารสมุฏฺฐานํ ... อุตุสมุฏฺฐานํ ... ฯ
     [๒๐๕๑]   อชฺฌตฺตํ   ธมฺมํ  ปฏิจฺจ  ...  นวิปากปจฺจยา  ปฏิสนฺธิ
นตฺถิ ฯ นอาหารปจฺจยา อุตุ ... อสญฺญสตฺตานํ ... ฯ
     [๒๐๕๒]   พหิทฺธา  ธมฺมํ  ปฏิจฺจ  ... นอาหารปจฺจยา พาหิรํ ...
อุตุ ... อสญฺญสตฺตานํ ... ฯ
     [๒๐๕๓]   อชฺฌตฺตํ    ธมฺมํ    ปฏิจฺจ   ...   นอินฺทฺริยปจฺจยา
อาหารสมุฏฺฐานํ  ...  อุตุสมุฏฺฐานํ  ...  อสญฺญสตฺตานํ  มหาภูเต ปฏิจฺจ
รูปชีวิตินฺทฺริยํ ฯ
     [๒๐๕๔]   พหิทฺธา  ธมฺมํ  ปฏิจฺจ  ... นอินฺทฺริยปจฺจยา พาหิรํ ...
อาหารสมุฏฺฐานํ  ...  อุตุสมุฏฺฐานํ  ...  อสญฺญสตฺตานํ  มหาภูเต ปฏิจฺจ
รูปชีวิตินฺทฺริยํ ฯ
     [๒๐๕๕]   อชฺฌตฺตํ   ธมฺมํ   ปฏิจฺจ   อชฺฌตฺโต   ธมฺโม   ...
นฌานปจฺจยา  ปญฺจวิญฺญาณ  ...  อาหารสมุฏฺฐานํ  ... อุตุสมุฏฺฐานํ ...
อสญฺญสตฺตานํ ... ฯ
     [๒๐๕๖]   พหิทฺธา  ธมฺมํ  ปฏิจฺจ  พหิทฺธา  ธมฺโม ... นฌานปจฺจยา
ปญฺจวิญฺญาณ  ...  พาหิรํ  ...  อาหารสมุฏฺฐานํ  ... อุตุสมุฏฺฐานํ ...
อสญฺญสตฺตานํ ... ฯ
     [๒๐๕๗]   อชฺฌตฺตํ   ธมฺมํ  ปฏิจฺจ  ...  นมคฺคปจฺจยา  นเหตุสทิสํ
โมโห    นตฺถิ    ฯ    นสมฺปยุตฺตปจฺจยา    นวิปฺปยุตฺตปจฺจยา   อรูเป
อาหารสมุฏฺฐานํ ... อุตุสมุฏฺฐานํ ... อสญฺญสตฺตานํ ... ฯ
     [๒๐๕๘]   พหิทฺธา  ธมฺมํ  ปฏิจฺจ  ...  นวิปฺปยุตฺตปจฺจยา  อรูเป
พาหิรํ  ...  อาหารสมุฏฺฐานํ  ...  อุตุสมุฏฺฐานํ ... อสญฺญสตฺตานํ ...
โนนตฺถิปจฺจยา โนวิคตปจฺจยา ฯ
     [๒๐๕๙]   นเหตุยา   เทฺว   นอารมฺมเณ  เทฺว  นอธิปติยา  เทฺว
นอนนฺตเร   เทฺว   นสมนนฺตเร   เทฺว  ฯ  สงฺขิตฺตํ  ฯ  สพฺพตฺถ  เทฺว
โนวิคเต เทฺว ฯ เอวํ คเณตพฺพํ ฯ
                                      ปจฺจนียํ ฯ
     [๒๐๖๐]   เหตุปจฺจยา   นอารมฺมเณ   เทฺว   ฯ   สงฺขิตฺตํ   ฯ
นวิปาเก นสมฺปยุตฺเต โนนตฺถิยา โนวิคเต เทฺว ฯ เอวํ คเณตพฺพํ ฯ
                               อนุโลมปจฺจนียํ ฯ
     [๒๐๖๑]   นเหตุปจฺจยา  อารมฺมเณ  เทฺว  ...  อนนฺตเร  เทฺว ฯ
สงฺขิตฺตํ ฯ มคฺเค เทฺว อวิคเต เทฺว ฯ เอวํ คเณตพฺพํ ฯ
                                ปจฺจนียานุโลมํ ฯ
                              ปฏิจฺจวาโร นิฏฺฐิโต ฯ
                         สหชาตวาโร ปฏิจฺจวารสทิโส ฯ
                                     ปจฺจยวาโร
     [๒๐๖๒]   อชฺฌตฺตํ   ธมฺมํ   ปจฺจยา   อชฺฌตฺโต  ธมฺโม  อุปฺปชฺชติ
เหตุปจฺจยา  อชฺฌตฺตํ  เอกํ  ขนฺธํ  ปจฺจยา  ตโย  ขนฺธา จิตฺตสมุฏฺฐานญฺจ
รูปํ  เทฺว  ขนฺเธ  ...  ปฏิสนฺธิกฺขเณ ปริปุณฺณํ ฯ เอกํ มหาภูตํ ... วตฺถุํ
ปจฺจยา อชฺฌตฺตา ขนฺธา ฯ
     [๒๐๖๓]   พหิทฺธา   ธมฺมํ   ปจฺจยา   พหิทฺธา   ธมฺโม  อุปฺปชฺชติ
เหตุปจฺจยา  พหิทฺธา  เอกํ  ขนฺธํ  ...  ปฏิสนฺธิกฺขเณ เอกํ มหาภูตํ ...
วตฺถุํ ปจฺจยา พหิทฺธา ขนฺธา ฯ
     [๒๐๖๔]   อชฺฌตฺตํ   ธมฺมํ   ปจฺจยา   อชฺฌตฺโต  ธมฺโม  อุปฺปชฺชติ
อารมฺมณปจฺจยา   ปฏิจฺจวารสทิสํ   ฯ   จกฺขายตนํ  ปจฺจยา  จกฺขุวิญฺญาณํ
กายายตนํ ... วตฺถุํ ปจฺจยา อชฺฌตฺตา ขนฺธา ฯ
     [๒๐๖๕]   พหิทฺธา ธมฺมํ ปจฺจยา พหิทฺธา ธมฺโม ... ปฏิจฺจวารสทิสํ ฯ
จกฺขายตนํ    ...    กายายตนํ    ...    วตฺถุํ   ปจฺจยา   พหิทฺธา
ขนฺธา ฯ
     [๒๐๖๖]   อชฺฌตฺตํ   ธมฺมํ   ปจฺจยา   อชฺฌตฺโต  ธมฺโม  อุปฺปชฺชติ
อธิปติปจฺจยา    วตฺถุ    อติเรกํ   ปฏิจฺจวารสทิสํ   ฯ   อนนฺตรปจฺจยา
สมนนฺตรปจฺจยา       สหชาตปจฺจยา      สหชาตวาเร      ปริปุณฺณา
มหาภูเต    ปจฺจยา    มหาภูตานํ   ขนฺธานญฺจ   ปจฺฉา   ปญฺจายตนญฺจ
วตฺถุ    จ    กาตพฺพา    ฯ    อญฺญมญฺญปจฺจยา    นิสฺสยปจฺจยา   ฯ
สงฺขิตฺตํ ฯ อวิคตปจฺจยา ฯ
     [๒๐๖๗]   เหตุยา เทฺว อารมฺมเณ ฯ สงฺขิตฺตํ ฯ อวิคเต เทฺว ฯ
                                      อนุโลมํ ฯ
     [๒๐๖๘]   อชฺฌตฺตํ   ธมฺมํ   ปจฺจยา   อชฺฌตฺโต  ธมฺโม  อุปฺปชฺชติ
นเหตุปจฺจยา   อเหตุกํ  อชฺฌตฺตํ  เอกํ  ขนฺธํ  ...  อเหตุกปฏิสนฺธิกฺขเณ
ขนฺเธ  ปจฺจยา  วตฺถุ วตฺถุํ ปจฺจยา ขนฺธา เอกํ มหาภูตํ ... อาหาร ...
อุตุ  ...  อสญฺญสตฺตานํ  ...  จกฺขายตนํ  ...  กายายตนํ  ... วตฺถุํ
ปจฺจยา   อเหตุกา   อชฺฌตฺตา   ขนฺธา  วิจิกิจฺฉาสหคเต  อุทฺธจฺจสหคเต
ขนฺเธ    จ    วตฺถุญฺจ    ปจฺจยา    วิจิกิจฺฉาสหคโต   อุทฺธจฺจสหคโต
โมโห ฯ
     [๒๐๖๙]   พหิทฺธา  ธมฺมํ  ปจฺจยา  พหิทฺธา ธมฺโม ... นเหตุปจฺจยา
ปวตฺติ    ปฏิสนฺธิปิ    มหาภูตาปิ    กาตพฺพา   ฯ   จกฺขายตนํ   ...
กายายตนํ  ...  วตฺถุํ  ปจฺจยา  อเหตุกา พหิทฺธา ขนฺธา วิจิกิจฺฉาสหคเต
อุทฺธจฺจสหคเต    ขนฺเธ    จ    วตฺถุญฺจ    ปจฺจยา   วิจิกิจฺฉาสหคโต
อุทฺธจฺจสหคโต    โมโห    ฯเปฯ    นอารมฺมณปจฺจยา   นอธิปติปจฺจยา
สหชาตสทิสํ    ฯ    นอนนฺตรปจฺจยา    นสมนนฺตรปจฺจยา   นอญฺญมญฺญ-
ปจฺจยา    นอุปนิสฺสยปจฺจยา    นปุเรชาตปจฺจยา   ปฏิจฺจวารสทิสํ   ฯ
นปจฺฉาชาตปจฺจยา   นอาเสวนปจฺจยา   นกมฺมปจฺจยา   ฯ   สงฺขิตฺตํ  ฯ
นวิปฺปยุตฺตปจฺจยา       ปฏิจฺจวารปจฺจนีเย       วิปฺปยุตฺตสทิสํ      ฯ
โนนตฺถิปจฺจยา โนวิคตปจฺจยา ฯ
     [๒๐๗๐]   นเหตุยา   เทฺว   นอารมฺมเณ   เทฺว  ฯ  สงฺขิตฺตํ  ฯ
โนวิคเต เทฺว ฯ
                                      ปจฺจนียํ ฯ
     [๒๐๗๑]   เหตุปจฺจยา   นอารมฺมเณ   เทฺว   ...   นอธิปติยา
เทฺว ฯเปฯ นวิปาเก นสมฺปยุตฺเต โนนตฺถิยา โนวิคเต เทฺว ฯ
                                อนุโลมปจฺจนียํ ฯ
     [๒๐๗๒]   นเหตุปจฺจยา    อารมฺมเณ   เทฺว   ฯเปฯ   อวิคเต
เทฺว ฯ
                                ปจฺจนียานุโลมํ ฯ
                   นิสฺสยวาโร ปจฺจยวารสทิโส สํสฏฺฐวาโรปิ
                        สมฺปยุตฺตวาโรปิ วิตฺถาเรตพฺโพ ฯ
                                    ปญฺหาวาโร
     [๒๐๗๓]   อชฺฌตฺโต   ธมฺโม   อชฺฌตฺตสฺส   ธมฺมสฺส  เหตุปจฺจเยน
ปจฺจโย   อชฺฌตฺตา   เหตู   สมฺปยุตฺตกานํ   ขนฺธานํ  จิตฺตสมุฏฺฐานานญฺจ
รูปานํ เหตุปจฺจเยน ปจฺจโย ปฏิสนฺธิกฺขเณ ... ฯ
     [๒๐๗๔]   พหิทฺธา    ธมฺโม   พหิทฺธา   ธมฺมสฺส   เหตุปจฺจเยน
ปจฺจโย   พหิทฺธา   เหตู   สมฺปยุตฺตกานํ   ขนฺธานํ   จิตฺตสมุฏฺฐานานญฺจ
รูปานํ เหตุปจฺจโย ปฏิสนฺธิกฺขเณ ... ฯ
     [๒๐๗๕]   อชฺฌตฺโต   ธมฺโม   อชฺฌตฺตสฺส   ธมฺมสฺส   อารมฺมณ-
ปจฺจเยน   ปจฺจโย   ทานํ   ทตฺวา   สีลํ   สมาทิยิตฺวา   อุโปสถกมฺมํ
กตฺวา  ตํ  ปจฺจเวกฺขติ  ปุพฺเพ  สุจิณฺณานิ  ...  ฌานา  วุฏฺฐหิตฺวา ...
อริยา   มคฺคา   วุฏฺฐหิตฺวา   มคฺคํ   ปจฺจเวกฺขนฺติ   ผลํ  ปจฺจเวกฺขนฺติ
ปหีเน    กิเลเส   ปจฺจเวกฺขนฺติ   วิกฺขมฺภิเต   กิเลเส   ปจฺจเวกฺขนฺติ
ปุพฺเพ   สมุทาจิณฺเณ   กิเลเส   ชานนฺติ   อชฺฌตฺตํ   จกฺขุํ  ...  กายํ
รูเป ... โผฏฺฐพฺเพ วตฺถุํ ... อชฺฌตฺเต ขนฺเธ อนิจฺจโต ทุกฺขโต อนตฺตโต
วิปสฺสนฺติ   อสฺสาเทนฺติ  อภินนฺทนฺติ  ตํ  อารพฺภ  ราโค  ...  โทมนสฺสํ
อุปฺปชฺชติ  ทิพฺเพน  จกฺขุนา  รูปํ  ...  ทิพฺพาย  โสตธาตุยา สทฺทํ สุณาติ
อากาสานญฺจายตนํ         วิญฺญาณญฺจายตนสฺส        อารมฺมณปจฺจเยน
ปจฺจโย           อากิญฺจญฺญายตนํ          เนวสญฺญานาสญฺญายตนสฺส
อารมฺมณปจฺจเยน  ปจฺจโย  รูปายตนํ  ...  โผฏฺฐพฺพายตนํ กายวิญฺญาณสฺส
อารมฺมณปจฺจเยน     ปจฺจโย     อชฺฌตฺตา    ขนฺธา    อิทฺธิวิธญาณสฺส
ปุพฺเพนิวาสานุสฺสติญาณสฺส       ยถากมฺมูปคญาณสฺส      อนาคตํสญาณสฺส
อาวชฺชนาย อารมฺมณปจฺจเยน ปจฺจโย ฯ
     [๒๐๗๖]   อชฺฌตฺโต   ธมฺโม   พหิทฺธา  ธมฺมสฺส  อารมฺมณปจฺจเยน
ปจฺจโย   ปโร   อชฺฌตฺตํ  จกฺขุํ  ฯ  สงฺขิตฺตํ  ฯ  วตฺถุํ  ...  อชฺฌตฺเต
ขนฺเธ   อนิจฺจโต   ทุกฺขโต   อนตฺตโต   วิปสฺสติ  อสฺสาเทติ  อภินนฺทติ
ตํ  อารพฺภ  ราโค  ...  โทมนสฺสํ  อุปฺปชฺชติ  ทิพฺเพน จกฺขุนา รูปํ ...
ทิพฺพาย  โสตธาตุยา  สทฺธํ  ...  เจโตปริยญาเณน  อชฺฌตฺตจิตฺตสมงฺคิสฺส
จิตฺตํ     ชานาติ    อชฺฌตฺตํ    รูปายตนํ    พหิทฺธา    จกฺขุวิญฺญาณสฺส
อชฺฌตฺตํ         โผฏฺฐพฺพายตนํ        พหิทฺธา        กายวิญฺญาณสฺส
อารมฺมณปจฺจเยน     ปจฺจโย     อชฺฌตฺตา    ขนฺธา    อิทฺธิวิธญาณสฺส
เจโตปริยญาณสฺส      ปุพฺเพนิวาสานุสฺสติญาณสฺส      ยถากมฺมูปคญาณสฺส
อนาคตํสญาณสฺส อาวชฺชนาย อารมฺมณปจฺจเยน ปจฺจโย ฯ
     [๒๐๗๗]   พหิทฺธา   ธมฺโม   พหิทฺธา   ธมฺมสฺส  อารมฺมณปจฺจเยน
ปจฺจโย  ปโร  ทานํ  ทตฺวา  สีลํ  ...  อุโปสถกมฺมํ ... ตํ ปจฺจเวกฺขติ
ปุพฺเพ   สุจิณฺณานิ  ปจฺจเวกฺขติ  ฌานา  วุฏฺฐหิตฺวา  ...  อริยา  มคฺคา
วุฏฺฐหิตฺวา   มคฺคํ   ปจฺจเวกฺขนฺติ   ผลํ   ...   นิพฺพานํ  ปจฺจเวกฺขนฺติ
นิพฺพานํ    โคตฺรภุสฺส    โวทานสฺส    มคฺคสฺส    ผลสฺส   อาวชฺชนาย
อารมฺมณปจฺจเยน ปจฺจโย อริยา ปหีเน กิเลเส ปจฺจเวกฺขนฺติ
     {๒๐๗๗.๑}   วิกฺขมฺภิเต  กิเลเส ... ปุพฺเพ สมุทาจิณฺเณ ... ปโร
พหิทฺธา  จกฺขุํ  ...  วตฺถุํ  ...  พหิทฺธา ขนฺเธ อนิจฺจโต ... โทมนสฺสํ
อุปฺปชฺชติ  ทิพฺเพน  จกฺขุนา  รูปํ  ...  ทิพฺพาย  โสตธาตุยา  สทฺทํ ...
เจโตปริยญาเณน    พหิทฺธา   จิตฺตสมงฺคิสฺส   ...   อากาสานญฺจายตนํ
วิญฺญาณญฺจายตนสฺส     อารมฺมณปจฺจเยน     ปจฺจโย    อากิญฺจญฺญายตนํ
เนวสญฺญานาสญฺญายตนสฺส     อารมฺมณปจฺจเยน     ปจฺจโย     พหิทฺธา
ขนฺธา   อิทฺธิวิธญาณสฺส  เจโตปริยญาณสฺส  อาวชฺชนาย  อารมฺมณปจฺจเยน
ปจฺจโย ฯ
     [๒๐๗๘]   พหิทฺธา   ธมฺโม  อชฺฌตฺตสฺส  ธมฺมสฺส  อารมฺมณปจฺจเยน
ปจฺจโย    อริยา    นิพฺพานํ    ปจฺจเวกฺขนฺติ    นิพฺพานํ    โคตฺรภุสฺส
โวทานสฺส     มคฺคสฺส     ผลสฺส     อาวชฺชนาย    อารมฺมณปจฺจเยน
ปจฺจโย  พหิทฺธา  จกฺขุํ  ...  วตฺถุํ  ...  พหิทฺธา ขนฺเธ อนิจฺจโต ...
โทมนสฺสํ    อุปฺปชฺชติ    ทิพฺเพน    จกฺขุนา    รูปํ   ปสฺสติ   ทิพฺพาย
โสตธาตุยา   สทฺทํ   สุณาติ   เจโตปริยญาเณน   พหิทฺธา  จิตฺตสมงฺคิสฺส
จิตฺตํ    ชานาติ    พหิทฺธา    รูปายตนํ    อชฺฌตฺตสฺส   จกฺขุวิญฺญาณสฺส
พหิทฺธา     โผฏฺฐพฺพายตนํ     อชฺฌตฺตสฺส    กายวิญฺญาณสฺส    พหิทฺธา
ขนฺธา     อิทฺธิวิธญาณสฺส     เจโตปริยญาณสฺส     ปุพฺเพนิวาสานุสฺสติ-
ญาณสฺส      ยถากมฺมูปคญาณสฺส      อนาคตํสญาณสฺส     อาวชฺชนาย
อารมฺมณปจฺจเยน ปจฺจโย ฯ
     [๒๐๗๙]   อชฺฌตฺโต   ธมฺโม   อชฺฌตฺตสฺส  ธมฺมสฺส  อธิปติปจฺจเยน
ปจฺจโย     อารมฺมณาธิปติ     สหชาตาธิปติ     ฯ    อารมฺมณาธิปติ:
ทานํ    ทตฺวา   สีลํ   ...   อุโปสถกมฺมํ   ...   ตํ   ครุํ   กตฺวา
ปจฺจเวกฺขติ   ปุพฺเพ   สุจิณฺณานิ   ครุํ  กตฺวา  ...  ฌานา  วุฏฺฐหิตฺวา
ฌานํ  ครุํ  กตฺวา  ...  อริยา  มคฺคา  วุฏฺฐหิตฺวา มคฺคํ ครุํ กตฺวา ...
ผลํ  ครุํ  กตฺวา  ปจฺจเวกฺขนฺติ  อชฺฌตฺตํ  จกฺขุํ  ... วตฺถุํ ... อชฺฌตฺเต
ขนฺเธ  ครุํ  กตฺวา  อสฺสาเทติ  อภินนฺทติ  ตํ  ครุํ  กตฺวา  ราโค  ...
ทิฏฺฐิ    อุปฺปชฺชติ    ฯ   สหชาตาธิปติ:   อชฺฌตฺตาธิปติ   สมฺปยุตฺตกานํ
ขนฺธานํ จิตฺตสมุฏฺฐานานญฺจ รูปานํ อธิปติปจฺจเยน ปจฺจโย ฯ
     [๒๐๘๐]   อชฺฌตฺโต   ธมฺโม   พหิทฺธา   ธมฺมสฺส   อธิปติปจฺจเยน
ปจฺจโย   ฯ   อารมฺมณาธิปติ:  ปโร  อชฺฌตฺตํ  จกฺขุํ  ...  วตฺถุํ  ...
อชฺฌตฺเต    ขนฺเธ    ครุํ   กตฺวา   อสฺสาเทติ   อภินนฺทติ   ตํ   ครุํ
กตฺวา ราโค อุปฺปชฺชติ ทิฏฺฐิ อุปฺปชฺชติ ฯ
     [๒๐๘๑]   พหิทฺธา   ธมฺโม   พหิทฺธา   ธมฺมสฺส   อธิปติปจฺจเยน
ปจฺจโย     อารมฺมณาธิปติ     สหชาตาธิปติ     ฯ    อารมฺมณาธิปติ:
ปโร  ทานํ  ทตฺวา  สีลํ  ...  อุโปสถกมฺมํ  ...  ตํ  ครุํ  กตฺวา ...
ปุพฺเพ   สุจิณฺณานิ   ครุํ  กตฺวา  ...  ฌานา  วุฏฺฐหิตฺวา  ...  อริยา
มคฺคา  วุฏฺฐหิตฺวา  มคฺคํ  ครุํ  กตฺวา  ...  ผลํ ครุํ กตฺวา ... นิพฺพานํ
โคตฺรภุสฺส    โวทานสฺส    มคฺคสฺส   ผลสฺส   อธิปติปจฺจเยน   ปจฺจโย
พหิทฺธา  จกฺขุํ  ...  วตฺถุํ  ...  พหิทฺธา  ขนฺเธ  ครุํ กตฺวา อสฺสาเทติ
อภินนฺทติ  ตํ  ครุํ  กตฺวา  ราโค  ...  ทิฏฺฐิ อุปฺปชฺชติ ฯ สหชาตาธิปติ:
พหิทฺธาธิปติ       สมฺปยุตฺตกานํ       ขนฺธานํ      จิตฺตสมุฏฺฐานานญฺจ
รูปานํ อธิปติปจฺจเยน ปจฺจโย ฯ
     [๒๐๘๒]   พหิทฺธา   ธมฺโม   อชฺฌตฺตสฺส   ธมฺมสฺส  อธิปติปจฺจเยน
ปจฺจโย    ฯ    อารมฺมณาธิปติ:    อริยา    นิพฺพานํ    ครุํ   กตฺวา
ปจฺจเวกฺขนฺติ    นิพฺพานํ    โคตฺรภุสฺส    โวทานสฺส   มคฺคสฺส   ผลสฺส
อธิปติปจฺจเยน  ปจฺจโย  พหิทฺธา  จกฺขุํ ... วตฺถุํ ... พหิทฺธา ขนฺเธ ครุํ
กตฺวา อสฺสาเทติ อภินนฺทติ ตํ ครุํ กตฺวา ราโค ... ทิฏฺฐิ อุปฺปชฺชติ ฯ
     [๒๐๘๓]   อชฺฌตฺโต   ธมฺโม  อชฺฌตฺตสฺส  ธมฺมสฺส  อนนฺตรปจฺจเยน
ปจฺจโย    ปุริมา    ปุริมา   อชฺฌตฺตา   ขนฺธา   ปจฺฉิมานํ   ปจฺฉิมานํ
อชฺฌตฺตานํ      ขนฺธานํ      อนนฺตรปจฺจเยน     ปจฺจโย     อนุโลมํ
โคตฺรภุสฺส     อนุโลมํ    โวทานสฺส    โคตฺรภุ    มคฺคสฺส    โวทานํ
มคฺคสฺส   มคฺโค   ผลสฺส   ฯเปฯ   อนุโลมํ   ผลสมาปตฺติยา   นิโรธา
วุฏฺฐหนฺตสฺส    เนวสญฺญานาสญฺญายตนํ   ผลสมาปตฺติยา   อนนฺตรปจฺจเยน
ปจฺจโย ฯ
     [๒๐๘๔]   พหิทฺธา   ธมฺโม   พหิทฺธา   ธมฺมสฺส   อนนฺตรปจฺจเยน
ปจฺจโย ปุริมา ปุริมา พหิทฺธาติ นานากรณํ ตํเยว คมนํ ฯ
     [๒๐๘๕]   อชฺฌตฺโต  ธมฺโม  อชฺฌตฺตสฺส  ธมฺมสฺส  สมนนฺตรปจฺจเยน
ปจฺจโย      อนนฺตรสทิสํ      ฯเปฯ     สหชาตปจฺจเยน     ปจฺจโย
อญฺญมญฺญปจฺจเยน   ปจฺจโย   นิสฺสยปจฺจเยน   ปจฺจโย  อุปนิสฺสยปจฺจเยน
ปจฺจโย อารมฺมณูปนิสฺสโย อนนฺตรูปนิสฺสโย ปกตูปนิสฺสโย ฯ
     {๒๐๘๕.๑}   ปกตูปนิสฺสโย:  อชฺฌตฺตํ  สทฺธํ  อุปนิสฺสาย  ทานํ เทติ
สีลํ  ... อุโปสถกมฺมํ ... ฌานํ ... วิปสฺสนํ ... มคฺคํ ... อภิญฺญํ ...
สมาปตฺตึ    อุปฺปาเทติ    มานํ    ชปฺเปติ   ทิฏฺฐึ   คณฺหาติ   อชฺฌตฺตํ
สีลํ  ...  ปญฺญํ  ราคํ  ปตฺถนํ  กายิกํ  สุขํ  กายิกํ ทุกฺขํ อุตุํ โภชนํ ...
เสนาสนํ  อุปนิสฺสาย  ทานํ  เทติ  ...  สมาปตฺตึ  อุปฺปาเทติ ปาณํ หนติ
สงฺฆํ   ภินฺทติ   อชฺฌตฺตา  สทฺธา  ...  ปญฺญา  ราโค  ปตฺถนา  กายิกํ
สุขํ  กายิกํ  ทุกฺขํ  ...  เสนาสนํ  อชฺฌตฺตาย  สทฺธาย  ปญฺญาย ราคสฺส
ปตฺถนาย   กายิกสฺส  สุขสฺส  กายิกสฺส  ทุกฺขสฺส  มคฺคสฺส  ผลสมาปตฺติยา
อุปนิสฺสยปจฺจเยน ปจฺจโย ฯ
     [๒๐๘๖]   อชฺฌตฺโต   ธมฺโม   พหิทฺธา  ธมฺมสฺส  อุปนิสฺสยปจฺจเยน
ปจฺจโย     อารมฺมณูปนิสฺสโย     ปกตูปนิสฺสโย    ฯ    ปกตูปนิสฺสโย:
ปโร  อชฺฌตฺตํ  สทฺธํ  อุปนิสฺสาย  ทานํ  เทติ  ...  มานํ  ชปฺเปติ ทิฏฺฐึ
คณฺหาติ  ปโร  อชฺฌตฺตํ  สีลํ  ...  เสนาสนํ  อุปนิสฺสาย ทานํ เทติ ...
ปาณํ   หนติ   สงฺฆํ  ภินฺทติ  อชฺฌตฺตา  สทฺธา  ...  เสนาสนํ  พหิทฺธา
สทฺธาย มคฺคสฺส ผลสมาปตฺติยา อุปนิสฺสยปจฺจเยน ปจฺจโย ฯ
     [๒๐๘๗]   พหิทฺธา   ธมฺโม   พหิทฺธา   ธมฺมสฺส  อุปนิสฺสยปจฺจเยน
ปจฺจโย     อารมฺมณูปนิสฺสโย    อนนฺตรูปนิสฺสโย    ปกตูปนิสฺสโย    ฯ
ปกตูปนิสฺสโย:   ปโร   พหิทฺธา  สทฺธํ  ...  ปตฺถนํ  กายิกํ  สุขํ  ...
เสนาสนํ  อุปนิสฺสาย  ทานํ  เทติ  ...  สงฺฆํ ภินฺทติ พหิทฺธา สทฺธา ...
เสนาสนํ     พหิทฺธา    สทฺธาย    ผลสมาปตฺติยา    อุปนิสฺสยปจฺจเยน
ปจฺจโย ฯ
     [๒๐๘๘]   พหิทฺธา   ธมฺโม  อชฺฌตฺตสฺส  ธมฺมสฺส  อุปนิสฺสยปจฺจเยน
ปจฺจโย     อารมฺมณูปนิสฺสโย     ปกตูปนิสฺสโย    ฯ    ปกตูปนิสฺสโย:
พหิทฺธา  สทฺธํ  ...  เสนาสนํ  อุปนิสฺสาย  ทานํ  เทติ ... สงฺฆํ ภินฺทติ
พหิทฺธา   สทฺธา   ...   เสนาสนํ  อชฺฌตฺตาย  สทฺธาย  ผลสมาปตฺติยา
อุปนิสฺสยปจฺจเยน ปจฺจโย ฯ
     [๒๐๘๙]   อชฺฌตฺโต  ธมฺโม  อชฺฌตฺตสฺส  ธมฺมสฺส  ปุเรชาตปจฺจเยน
ปจฺจโย    อารมฺมณปุเรชาตํ    วตฺถุปุเรชาตํ    ฯ   อารมฺมณปุเรชาตํ:
อชฺฌตฺตํ  จกฺขุํ  ...  วตฺถุํ  อนิจฺจโต  ทุกฺขโต  อนตฺตโต  ... โทมนสฺสํ
อุปฺปชฺชติ   ทิพฺเพน   จกฺขุนา   รูปํ   ...  ทิพฺพาย  โสตธาตุยา  สทฺทํ
สุณาติ    รูปายตนํ    จกฺขุวิญฺญาณสฺส    โผฏฺฐพฺพายตนํ   กายวิญฺญาณสฺส
ปุเรชาตปจฺจเยน     ปจฺจโย     ฯ     วตฺถุปุเรชาตํ:     จกฺขายตนํ
จกฺขุวิญฺญาณสฺส     กายายตนํ     กายวิญฺญาณสฺส    วตฺถุ    อชฺฌตฺตานํ
ขนฺธานํ ปุเรชาตปจฺจเยน ปจฺจโย ฯ
     [๒๐๙๐]   อชฺฌตฺโต   ธมฺโม   พหิทฺธา  ธมฺมสฺส  ปุเรชาตปจฺจเยน
ปจฺจโย   ฯ   อารมฺมณปุเรชาตํ:   ปโร   อชฺฌตฺตํ   จกฺขุํ  ...  วตฺถุํ
อนิจฺจโต   ...   โทมนสฺสํ   อุปฺปชฺชติ   ทิพฺเพน  จกฺขุนา  รูปํ  ปสฺสติ
ทิพฺพาย    โสตธาตุยา   สทฺทํ   สุณาติ   อชฺฌตฺตํ   รูปายตนํ   พหิทฺธา
จกฺขุวิญฺญาณสฺส    อชฺฌตฺตํ    โผฏฺฐพฺพายตนํ    พหิทฺธา   กายวิญฺญาณสฺส
ปุเรชาตปจฺจเยน ปจฺจโย ฯ
     [๒๐๙๑]   พหิทฺธา   ธมฺโม   พหิทฺธา   ธมฺมสฺส  ปุเรชาตปจฺจเจน
ปจฺจโย    อารมฺมณปุเรชาตํ    วตฺถุปุเรชาตํ    ฯ   อารมฺมณปุเรชาตํ:
ปโร  พหิทฺธา  จกฺขุํ  ...  วตฺถุํ  อนิจฺจโต  ...  ทิพฺเพน  จกฺขุนา รูปํ
ปสฺสติ    ทิพฺพาย    โสตธาตุยา   สทฺทํ   สุณาติ   พหิทฺธา   รูปายตนํ
พหิทฺธา     จกฺขุวิญฺญาณสฺส     พหิทฺธา     โผฏฺฐพฺพายตนํ     พหิทฺธา
กายวิญฺญาณสฺส  ฯ  วตฺถุปุเรชาตํ: พหิทฺธา จกฺขายตนํ ... กายายตนํ ...
วตฺถุ พหิทฺธา ขนฺธานํ ปุเรชาตปจฺจเยน ปจฺจโย ฯ
     [๒๐๙๒]   พหิทฺธา   ธมฺโม  อชฺฌตฺตสฺส  ธมฺมสฺส  ปุเรชาตปจฺจเยน
ปจฺจโย  ฯ  อารมฺมณปุเรชาตํ:  พหิทฺธา  จกฺขุํ  ... วตฺถุํ อนิจฺจโต ...
โทมนสฺสํ   อุปฺปชฺชติ  ทิพฺเพน  จกฺขุนา  รูปํ  ...  ทิพฺพาย  โสตธาตุยา
สทฺทํ   ...   พหิทฺธา   รูปายตนํ   อชฺฌตฺตสฺส   จกฺขุวิญฺญาณสฺส  ฯเปฯ
พหิทฺธา   โผฏฺฐพฺพายตนํ   อชฺฌตฺตสฺส   กายวิญฺญาณสฺส  ปุเรชาตปจฺจเยน
ปจฺจโย ฯ
     [๒๐๙๓]   อชฺฌตฺโต   จ  พหิทฺธา  จ  ธมฺมา  อชฺฌตฺตสฺส  ธมฺมสฺส
ปุเรชาตปจฺจเยน   ปจฺจโย   อารมฺมณปุเรชาตํ   วตฺถุปุเรชาตํ:  พหิทฺธา
รูปายตนญฺจ    อชฺฌตฺตํ    จกฺขายตนญฺจ    อชฺฌตฺตสฺส    จกฺขุวิญฺญาณสฺส
ปุเรชาตปจฺจเยน       ปจฺจโย       พหิทฺธา       โผฏฺฐพฺพายตนญฺจ
อชฺฌตฺตํ     กายายตนญฺจ     อชฺฌตฺตสฺส     กายวิญฺญาณสฺส    พหิทฺธา
รูปายตนญฺจ   อชฺฌตฺตํ   วตฺถุ   จ   ...   พหิทฺธา   โผฏฺฐพฺพายตนญฺจ
อชฺฌตฺตํ วตฺถุ จ อชฺฌตฺตานํ ขนฺธานํ ปุเรชาตปจฺจเยน ปจฺจโย ฯ
     [๒๐๙๔]   อชฺฌตฺโต   จ   พหิทฺธา   จ  ธมฺมา  พหิทฺธา  ธมฺมสฺส
ปุเรชาตปจฺจเยน      ปจฺจโย     อารมฺมณปุเรชาตํ     วตฺถุปุเรชาตํ:
อชฺฌตฺตํ   รูปายตนญฺจ   พหิทฺธา   จกฺขายตนญฺจ  พหิทฺธา  จกฺขุวิญฺญาณสฺส
ปุเรชาตปจฺจเยน    ปจฺจโย    อชฺฌตฺตํ    โผฏฺฐพฺพายตนญฺจ    พหิทฺธา
กายายตนญฺจ    พหิทฺธา    กายวิญฺญาณสฺส   ปุเรชาตปจฺจเยน   ปจฺจโย
อชฺฌตฺตํ  รูปายตนญฺจ  พหิทฺธา  วตฺถุ  จ  ...  อชฺฌตฺตํ โผฏฺฐพฺพายตนญฺจ
พหิทฺธา วตฺถุ จ พหิทฺธา ขนฺธานํ ปุเรชาตปจฺจเยน ปจฺจโย ฯ
     [๒๐๙๕]   อชฺฌตฺโต  ธมฺโม  อชฺฌตฺตสฺส  ธมฺมสฺส  ปจฺฉาชาตปจฺจเยน
ปจฺจโย  ฯ  ปจฺฉาชาตา:  อชฺฌตฺตา  ขนฺธา  ปุเรชาตสฺส  อิมสฺส กายสฺส
ปจฺฉาชาตปจฺจเยน ปจฺจโย ฯ

             เนื้อความพระไตรปิฎกฉบับภาษาบาลีอักษรไทย เล่มที่ ๔๑ หน้าที่ ๕๗๐-๕๘๗.
https://84000.org/tipitaka/read/pali_item.php?book=41&item=2033&items=63
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=41&item=2033&items=63&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=41&item=2033&items=63
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=41&item=2033&items=63
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=41&i=2033
             สารบัญพระไตรปิฎกเล่มที่ ๔๑
https://84000.org/tipitaka/read/?index_41
https://84000.org/tipitaka/english/?index_41