[๔๑๘] อวิตกฺกวิจารมตฺโต จ อวิตกฺกอวิจาโร จ ธมฺมา
อวิตกฺกอวิจารสฺส ธมฺมสฺส อตฺถิปจฺจเยน ปจฺจโย สหชาตํ ปุเรชาตํ
ปจฺฉาชาตํ อาหารํ อินฺทฺริยํ ฯ สหชาตา: อวิตกฺกวิจารมตฺตา
ขนฺธา จ วิจาโร จ จิตฺตสมุฏฺฐานานํ รูปานํ อตฺถิปจฺจเยน ปจฺจโย ฯ
สหชาตา: อวิตกฺกวิจารมตฺตา ขนฺธา จ มหาภูตา จ จิตฺตสมุฏฺฐานานํ
รูปานํ อตฺถิปจฺจเยน ปจฺจโย ฯ สหชาโต: วิตกฺโก จ
มหาภูตา จ จิตฺตสมุฏฺฐานานํ รูปานํ อตฺถิปจฺจเยน ปจฺจโย ฯ
{๔๑๘.๑} สหชาตา: อวิตกฺกวิจารมตฺตา ขนฺธา จ วตฺถุ จ วิจารสฺส
อตฺถิปจฺจเยน ปจฺจโย ปฏิสนฺธิกฺขเณ อวิตกฺกวิจารมตฺตา ขนฺธา จ
วิจาโร จ กฏตฺตารูปานํ อตฺถิปจฺจเยน ปจฺจโย ปฏิสนฺธิกฺขเณ
อวิตกฺกวิจารมตฺตา ขนฺธา จ มหาภูตา จ กฏตฺตารูปานํ อตฺถิปจฺจเยน
ปจฺจโย ปฏิสนฺธิกฺขเณ วิตกฺโก จ มหาภูตา จ กฏตฺตารูปานํ
อตฺถิปจฺจเยน ปจฺจโย ปฏิสนฺธิกฺขเณ อวิตกฺกวิจารมตฺตา ขนฺธา
จ วตฺถุ จ วิจารสฺส อตฺถิปจฺจเยน ปจฺจโย ฯ
{๔๑๘.๒} ปจฺฉาชาตา: อวิตกฺกวิจารมตฺตา ขนฺธา จ วิจาโร
จ ปุเรชาตสฺส อิมสฺส กายสฺส อตฺถิปจฺจเยน ปจฺจโย ฯ ปจฺฉาชาตา:
อวิตกฺกวิจารมตฺตา ขนฺธา จ วิตกฺโก จ กพฬึกาโร อาหาโร จ
ปุเรชาตสฺส อิมสฺส กายสฺส อตฺถิปจฺจเยน ปจฺจโย ฯ ปจฺฉาชาตา:
อวิตกฺกวิจารมตฺตา ขนฺธา จ วิตกฺโก จ รูปชีวิตินฺทฺริยญฺจ
กฏตฺตารูปานํ อตฺถิปจฺจเยน ปจฺจโย ฯ
[๔๑๙] อวิตกฺกวิจารมตฺโต จ อวิตกฺกอวิจาโร จ ธมฺมา
อวิตกฺกวิจารมตฺตสฺส จ อวิตกฺกอวิจารสฺส จ ธมฺมสฺส อตฺถิปจฺจเยน
ปจฺจโย สหชาตํ ปุเรชาตํ ฯ สหชาโต: อวิตกฺกวิจารมตฺโต
เอโก ขนฺโธ จ วิจาโร จ ติณฺณนฺนํ ขนฺธานํ จิตฺตสมุฏฺฐานานญฺจ
รูปานํ อตฺถิปจฺจเยน ปจฺจโย เทฺว ขนฺธา จ วิจาโร จ ...
อวิตกฺกวิจารมตฺโต เอโก ขนฺโธ จ วตฺถุ จ ติณฺณนฺนํ ขนฺธานํ วิจารสฺส
จ อตฺถิปจฺจเยน ปจฺจโย เทฺว ขนฺธา จ วตฺถุ จ ... ปฏิสนฺธิกฺขเณ ฯเปฯ
[๔๒๐] สวิตกฺกสวิจาโร จ อวิตกฺกวิจารมตฺโต จ ธมฺมา
สวิตกฺกสวิจารสฺส ธมฺมสฺส อตฺถิปจฺจเยน ปจฺจโย สวิตกฺกสวิจาโร
เอโก ขนฺโธ จ วิตกฺโก จ ติณฺณนฺนํ ขนฺธานํ อตฺถิปจฺจเยน
ปจฺจโย เทฺว ขนฺธา จ วิตกฺโก จ ... ปฏิสนฺธิกฺขเณ ... ฯ
[๔๒๑] สวิตกฺกสวิจาโร จ อวิตกฺกวิจารมตฺโต จ ธมฺมา
อวิตกฺกอวิจารสฺส ธมฺมสฺส อตฺถิปจฺจเยน ปจฺจโย สหชาตํ ปจฺฉาชาตํ ฯ
สหชาตา: สวิตกฺกสวิจารา ขนฺธา จ วิตกฺโก จ จิตฺตสมุฏฺฐานานํ
รูปานํ อตฺถิปจฺจเยน ปจฺจโย ปฏิสนฺธิกฺขเณ สวิตกฺกสวิจารา
ขนฺธา จ วิตกฺโก จ กฏตฺตารูปานํ อตฺถิปจฺจเยน ปจฺจโย ฯ
ปจฺฉาชาตา: สวิตกฺกสวิจารา ขนฺธา จ วิตกฺโก จ ปุเรชาตสฺส
อิมสฺส กายสฺส อตฺถิปจฺจเยน ปจฺจโย ฯ
[๔๒๒] สวิตกฺกสวิจาโร จ อวิตกฺกวิจารมตฺโต จ ธมฺมา
สวิตกฺกสวิจารสฺส จ อวิตกฺกอวิจารสฺส จ ธมฺมสฺส อตฺถิปจฺจเยน
ปจฺจโย สวิตกฺกสวิจาโร เอโก ขนฺโธ จ วิตกฺโก จ ติณฺณนฺนํ
ขนฺธานํ จิตฺตสมุฏฺฐานานญฺจ รูปานํ อตฺถิปจฺจเยน ปจฺจโย เทฺว
ขนฺธา จ วิตกฺโก จ ทฺวินฺนํ ขนฺธานํ ปฏิสนฺธิกฺขเณ ... ฯ
[๔๒๓] สวิตกฺกสวิจาโร จ อวิตกฺกวิจารมตฺโต จ
อวิตกฺกอวิจาโร จ ธมฺมา สวิตกฺกสวิจารสฺส ธมฺมสฺส อตฺถิปจฺจเยน
ปจฺจโย สหชาตํ ปุเรชาตํ ฯ สหชาโต: สวิตกฺกสวิจาโร เอโก
ขนฺโธ จ วิตกฺโก จ วตฺถุ จ ติณฺณนฺนํ ขนฺธานํ อตฺถิปจฺจเยน
ปจฺจโย ปฏิสนฺธิกฺขเณ ... ฯ
[๔๒๔] สวิตกฺกสวิจาโร จ อวิตกฺกวิจารมตฺโต จ
อวิตกฺกอวิจาโร จ ธมฺมา อวิตกฺกอวิจารสฺส ธมฺมสฺส อตฺถิปจฺจเยน
ปจฺจโย สหชาตํ ปจฺฉาชาตํ อาหารํ อินฺทฺริยํ ฯ สหชาตา:
สวิตกฺกสวิจารา ขนฺธา จ วิตกฺโก จ มหาภูตา จ จิตฺตสมุฏฺฐานานํ
รูปานํ อตฺถิปจฺจเยน ปจฺจโย ปฏิสนฺธิกฺขเณ ... ฯ ปจฺฉาชาตา:
สวิตกฺกสวิจารา ขนฺธา จ วิตกฺโก จ กพฬึกาโร อาหาโร จ
ปุเรชาตสฺส อิมสฺส กายสฺส อตฺถิปจฺจเยน ปจฺจโย ฯ ปจฺฉาชาตา:
สวิตกฺกสวิจารา ขนฺธา จ วิตกฺโก จ รูปชีวิตินฺทฺริยญฺจ กฏตฺตารูปานํ
อตฺถิปจฺจเยน ปจฺจโย ฯ
[๔๒๕] สวิตกฺกสวิจาโร ธมฺโม สวิตกฺกสวิจารสฺส ธมฺมสฺส
นตฺถิปจฺจเยน ปจฺจโย วิคตปจฺจเยน ปจฺจโย ฯ
นตฺถิปจฺจยญฺจ วิคตปจฺจยญฺจ อนนฺตรสทิสํ ฯ
อวิคตํ อตฺถิสทิสํ ฯ
[๔๒๖] เหตุยา เอกาทส อารมฺมเณ เอกวีส อธิปติยา
เตวีส อนนฺตเร ปญฺจวีส สมนนฺตเร ปญฺจวีส สหชาเต ตึส
อญฺญมญฺเญ อฏฺฐวีส นิสฺสเย ตึส อุปนิสฺสเย ปญฺจวีส
ปุเรชาเต ปญฺจ ปจฺฉาชาเต ปญฺจ อาเสวเน เอกวีส กมฺเม
เอกาทส วิปาเก เอกวีส อาหาเร เอกาทส อินฺทฺริเย เอกาทส
ฌาเน เอกวีส มคฺเค โสฬส สมฺปยุตฺเต เอกาทส
วิปฺปยุตฺเต นว อตฺถิยา ตึส นตฺถิยา ปญฺจวีส วิคเต ปญฺจวีส
อวิคเต ตึส ฯ ฆฏนา กุสลตฺติกสทิสาเยว ฯ ปญฺหาวารคณนํ เอวํ
อสมฺโมหนฺเตน คเณตพฺพํ ฯ
อนุโลมํ ฯ
[๔๒๗] สวิตกฺกสวิจาโร ธมฺโม สวิตกฺกสวิจารสฺส ธมฺมสฺส
อารมฺมณปจฺจเยน ปจฺจโย สหชาตปจฺจเยน ปจฺจโย อุปนิสฺสยปจฺจเยน
ปจฺจโย กมฺมปจฺจเยน ปจฺจโย ฯ
[๔๒๘] สวิตกฺกสวิจาโร ธมฺโม อวิตกฺกวิจารมตฺตสฺส ธมฺมสฺส
อารมฺมณปจฺจเยน ปจฺจโย สหชาตปจฺจเยน ปจฺจโย อุปนิสฺสยปจฺจเยน
ปจฺจโย กมฺมปจฺจเยน ปจฺจโย ฯ
[๔๒๙] สวิตกฺกสวิจาโร ธมฺโม อวิตกฺกอวิจารสฺส ธมฺมสฺส
อารมฺมณปจฺจเยน ปจฺจโย สหชาตปจฺจเยน ปจฺจโย อุปนิสฺสยปจฺจเยน
ปจฺจโย ปจฺฉาชาตปจฺจเยน ปจฺจโย กมฺมปจฺจเยน ปจฺจโย ฯ
[๔๓๐] สวิตกฺกสวิจาโร ธมฺโม สวิตกฺกสวิจารสฺส จ อวิตกฺกอวิจารสฺส
จ ธมฺมสฺส สหชาตปจฺจเยน ปจฺจโย กมฺมปจฺจเยน ปจฺจโย ฯ
[๔๓๑] สวิตกฺกสวิจาโร ธมฺโม อวิตกฺกวิจารมตฺตสฺส จ อวิตกฺกอวิจารสฺส
จ ธมฺมสฺส สหชาตปจฺจเยน ปจฺจโย อุปนิสฺสยปจฺจเยน ปจฺจโย กมฺมปจฺจเยน
ปจฺจโย ฯ
[๔๓๒] สวิตกฺกสวิจาโร ธมฺโม สวิตกฺกสวิจารสฺส จ อวิตกฺกวิจาร-
มตฺตสฺส จ ธมฺมสฺส อารมฺมณปจฺจเยน ปจฺจโย สหชาตปจฺจเยน
ปจฺจโย อุปนิสฺสยปจฺจเยน ปจฺจโย กมฺมปจฺจเยน ปจฺจโย ฯ
[๔๓๓] สวิตกฺกสวิจาโร ธมฺโม สวิตกฺกสวิจารสฺส จ
อวิตกฺกวิจารมตฺตสฺส จ อวิตกฺกอวิจารสฺส จ ธมฺมสฺส สหชาตปจฺจเยน
ปจฺจโย กมฺมปจฺจเยน ปจฺจโย ฯ
[๔๓๔] อวิตกฺกวิจารมตฺโต ธมฺโม อวิตกฺกวิจารมตฺตสฺส ธมฺมสฺส
อารมฺมณปจฺจเยน ปจฺจโย สหชาตปจฺจเยน ปจฺจโย อุปนิสฺสยปจฺจเยน
ปจฺจโย กมฺมปจฺจเยน ปจฺจโย ฯ
[๔๓๕] อวิตกฺกวิจารมตฺโต ธมฺโม สวิตกฺกสวิจารสฺส ธมฺมสฺส
อารมฺมณปจฺจเยน ปจฺจโย สหชาตปจฺจเยน ปจฺจโย อุปนิสฺสยปจฺจเยน
ปจฺจโย ฯ
[๔๓๖] อวิตกฺกวิจารมตฺโต ธมฺโม อวิตกฺกอวิจารสฺส ธมฺมสฺส
อารมฺมณปจฺจเยน ปจฺจโย สหชาตปจฺจเยน ปจฺจโย อุปนิสฺสยปจฺจเยน
ปจฺจโย ปจฺฉาชาตปจฺจเยน ปจฺจโย กมฺมปจฺจเยน ปจฺจโย ฯ
[๔๓๗] อวิตกฺกวิจารมตฺโต ธมฺโม สวิตกฺกสวิจารสฺส จ
อวิตกฺกอวิจารสฺส จ ธมฺมสฺส สหชาตปจฺจเยน ปจฺจโย ฯ
[๔๓๘] อวิตกฺกวิจารมตฺโต ธมฺโม อวิตกฺกวิจารมตฺตสฺส จ
อวิตกฺกอวิจารสฺส จ ธมฺมสฺส สหชาตปจฺจเยน ปจฺจโย อุปนิสฺสยปจฺจเยน
ปจฺจโย กมฺมปจฺจเยน ปจฺจโย ฯ
[๔๓๙] อวิตกฺกวิจารมตฺโต ธมฺโม สวิตกฺกสวิจารสฺส จ
อวิตกฺกวิจารมตฺตสฺส จ ธมฺมสฺส อารมฺมณปจฺจเยน ปจฺจโย
อุปนิสฺสยปจฺจเยน ปจฺจโย ฯ
[๔๔๐] อวิตกฺกอวิจาโร ธมฺโม อวิตกฺกอวิจารสฺส ธมฺมสฺส
อารมฺมณปจฺจเยน ปจฺจโย สหชาตปจฺจเยน ปจฺจโย อุปนิสฺสยปจฺจเยน
ปจฺจโย ปุเรชาตปจฺจเยน ปจฺจโย ปจฺฉาชาตปจฺจเยน ปจฺจโย
กมฺมปจฺจเยน ปจฺจโย อาหารปจฺจเยน ปจฺจโย อินฺทฺริยปจฺจเยน
ปจฺจโย ฯ
[๔๔๑] อวิตกฺกอวิจาโร ธมฺโม สวิตกฺกสวิจารสฺส ธมฺมสฺส
อารมฺมณปจฺจเยน ปจฺจโย สหชาตปจฺจเยน ปจฺจโย อุปนิสฺสยปจฺจเยน
ปจฺจโย ปุเรชาตปจฺจเยน ปจฺจโย ฯ
[๔๔๒] อวิตกฺกอวิจาโร ธมฺโม อวิตกฺกวิจารมตฺตสฺส ธมฺมสฺส
อารมฺมณปจฺจเยน ปจฺจโย สหชาตปจฺจเยน ปจฺจโย อุปนิสฺสยปจฺจเยน
ปจฺจโย ปุเรชาตปจฺจเยน ปจฺจโย ฯ
[๔๔๓] อวิตกฺกอวิจาโร ธมฺโม อวิตกฺกวิจารมตฺตสฺส จ อวิตกฺก-
อวิจารสฺส จ ธมฺมสฺส อารมฺมณปจฺจเยน ปจฺจโย สหชาตปจฺจเยน
ปจฺจโย อุปนิสฺสยปจฺจเยน ปจฺจโย ปุเรชาตปจฺจเยน ปจฺจโย ฯ
[๔๔๔] อวิตกฺกอวิจาโร ธมฺโม สวิตกฺกสวิจารสฺส จ อวิตกฺกวิจาร-
มตฺตสฺส จ ธมฺมสฺส อารมฺมณปจฺจเยน ปจฺจโย สหชาตปจฺจเยน
ปจฺจโย อุปนิสฺสยปจฺจเยน ปจฺจโย ปุเรชาตปจฺจเยน ปจฺจโย ฯ
[๔๔๕] สวิตกฺกสวิจาโร จ อวิตกฺกอวิจาโร จ ธมฺมา
สวิตกฺกสวิจารสฺส ธมฺมสฺส ... สหชาตํ ปุเรชาตํ ฯ
[๔๔๖] สวิตกฺกสวิจาโร จ อวิตกฺกอวิจาโร จ ธมฺมา
อวิตกฺกวิจารมตฺตสฺส ธมฺมสฺส ... สหชาตํ ปุเรชาตํ ฯ
[๔๔๗] สวิตกฺกสวิจาโร จ อวิตกฺกอวิจาโร จ ธมฺมา
อวิตกฺกอวิจารสฺส ธมฺมสฺส ... สหชาตํ ปจฺฉาชาตํ อาหารํ อินฺทฺริยํ ฯ
[๔๔๘] สวิตกฺกสวิจาโร จ อวิตกฺกอวิจาโร จ ธมฺมา
สวิตกฺกสวิจารสฺส จ อวิตกฺกวิจารมตฺตสฺส จ ธมฺมสฺส ... สหชาตํ
ปุเรชาตํ ฯ
[๔๔๙] อวิตกฺกวิจารมตฺโต จ อวิตกฺกอวิจาโร จ ธมฺมา
สวิตกฺกสวิจารสฺส ธมฺมสฺส อารมฺมณปจฺจเยน ปจฺจโย สหชาตปจฺจเยน
ปจฺจโย อุปนิสฺสยปจฺจเยน ปจฺจโย ปุเรชาตปจฺจเยน
ปจฺจโย ฯ
[๔๕๐] อวิตกฺกวิจารมตฺโต จ อวิตกฺกอวิจาโร จ ธมฺมา อวิตกฺกวิจาร-
มตฺตสฺส ธมฺมสฺส อารมฺมณปจฺจเยน ปจฺจโย สหชาตปจฺจเยน ปจฺจโย
อุปนิสฺสยปจฺจเยน ปจฺจโย ปุเรชาตปจฺจเยน ปจฺจโย ฯ
[๔๕๑] อวิตกฺกวิจารมตฺโต จ อวิตกฺกอวิจาโร จ ธมฺมา อวิตกฺกอวิจารสฺส
ธมฺมสฺส อารมฺมณปจฺจเยน ปจฺจโย สหชาตปจฺจเยน ปจฺจโย อุปนิสฺสยปจฺจเยน
ปจฺจโย ปุเรชาตปจฺจเยน ปจฺจโย ปจฺฉาชาตปจฺจเยน ปจฺจโย อาหารปจฺจเยน
ปจฺจโย อินฺทฺริยปจฺจเยน ปจฺจโย ฯ
[๔๕๒] อวิตกฺกวิจารมตฺโต จ อวิตกฺกอวิจาโร จ ธมฺมา อวิตกฺกวิจาร-
มตฺตสฺส จ อวิตกฺกอวิจารสฺส จ ธมฺมสฺส สหชาตปจฺจเยน ปจฺจโย
อุปนิสฺสยปจฺจเยน ปจฺจโย ปุเรชาตปจฺจเยน ปจฺจโย ฯ
[๔๕๓] อวิตกฺกวิจารมตฺโต จ อวิตกฺกอวิจาโร จ ธมฺมา สวิตกฺก-
สวิจารสฺส จ อวิตกฺกวิจารมตฺตสฺส จ ธมฺมสฺส อารมฺมณปจฺจเยน
ปจฺจโย อุปนิสฺสยปจฺจเยน ปจฺจโย ฯ
[๔๕๔] สวิตกฺกสวิจาโร จ อวิตกฺกวิจารมตฺโต จ ธมฺมา สวิตกฺก-
สวิจารสฺส ธมฺมสฺส อารมฺมณปจฺจเยน ปจฺจโย สหชาตปจฺจเยน
ปจฺจโย อุปนิสฺสยปจฺจเยน ปจฺจโย ฯ
[๔๕๕] สวิตกฺกสวิจาโร จ อวิตกฺกวิจารมตฺโต จ ธมฺมา อวิตกฺก-
วิจารมตฺตสฺส ธมฺมสฺส อารมฺมณปจฺจเยน ปจฺจโย อุปนิสฺสยปจฺจเยน
ปจฺจโย ฯ
[๔๕๖] สวิตกฺกสวิจาโร จ อวิตกฺกวิจารมตฺโต จ ธมฺมา
อวิตกฺกอวิจารสฺส ธมฺมสฺส อารมฺมณปจฺจเยน ปจฺจโย สหชาตปจฺจเยน
ปจฺจโย อุปนิสฺสยปจฺจเยน ปจฺจโย ปจฺฉาชาตปจฺจเยน ปจฺจโย ฯ
[๔๕๗] สวิตกฺกสวิจาโร จ อวิตกฺกวิจารมตฺโต จ ธมฺมา
สวิตกฺกสวิจารสฺส จ อวิตกฺกอวิจารสฺส จ ธมฺมสฺส สหชาตปจฺจเยน
ปจฺจโย ฯ
[๔๕๘] สวิตกฺกสวิจาโร จ อวิตกฺกวิจารมตฺโต จ ธมฺมา อวิตกฺก-
วิจารมตฺตสฺส จ อวิตกฺกอวิจารสฺส จ ธมฺมสฺส อุปนิสฺสยปจฺจเยน
ปจฺจโย ฯ
[๔๕๙] สวิตกฺกสวิจาโร จ อวิตกฺกวิจารมตฺโต จ ธมฺมา สวิตกฺก-
สวิจารสฺส จ อวิตกฺกวิจารมตฺตสฺส จ ธมฺมสฺส อารมฺมณปจฺจเยน
ปจฺจโย อุปนิสฺสยปจฺจเยน ปจฺจโย ฯ
[๔๖๐] สวิตกฺกสวิจาโร จ อวิตกฺกวิจารมตฺโต จ อวิตกฺกอวิจาโร
จ ธมฺมา สวิตกฺกสวิจารสฺส ธมฺมสฺส ... สหชาตํ ปุเรชาตํ ฯ
[๔๖๑] สวิตกฺกสวิจาโร จ อวิตกฺกวิจารมตฺโต จ อวิตกฺกอวิจาโร
จ ธมฺมา อวิตกฺกอวิจารสฺส ธมฺมสฺส ... สหชาตํ ปุเรชาตํ อาหารํ อินฺทฺริยํ ฯ
ปจฺจนียมาติกา ฯ
[๔๖๒] นเหตุยา ปญฺจตฺตึส นอารมฺมเณ ปญฺจตฺตึส นอธิปติยา
ปญฺจตฺตึส นอนนฺตเร ปญฺจตฺตึส นสมนนฺตเร ปญฺจตฺตึส นสหชาเต
เอกูนตฺตึส นอญฺญมญฺเญ เอกูนตฺตึส นนิสฺสเย เอกูนตฺตึส
นอุปนิสฺสเย จตุตฺตึส นปุเรชาเต ปญฺจตฺตึส นปจฺฉาชาเต นอาเสวเน
นกมฺเม นวิปาเก นอาหาเร นอินฺทฺริเย นฌาเน นมคฺเค ปญฺจตฺตึส
นสมฺปยุตฺเต เอกูนตฺตึส นวิปฺปยุตฺเต สตฺตวีส โนอตฺถิยา สตฺตวีส
โนนตฺถิยา ปญฺจตฺตึส โนวิคเต ปญฺจตฺตึส โนอวิคเต สตฺตวีส ฯ
ปจฺจนียํ คเณนฺเตน อิมานิ ปทานิ อนุมชฺชนฺเตน คเณตพฺพานิ ฯ
ปจฺจนียํ ฯ
[๔๖๓] เหตุปจฺจยา นอารมฺมเณ เอกาทส ... นอธิปติยา เอกาทส
นอนนฺตเร นสมนนฺตเร เอกาทส นอญฺญมญฺเญ ตีณิ นอุปนิสฺสเย
เอกาทส นปุเรชาเต นปจฺฉาชาเต นอาเสวเน นกมฺเม นวิปาเก
นอาหาเร นอินฺทฺริเย นฌาเน นมคฺเค สพฺเพ เอกาทส ฯ นสมฺปยุตฺเต
ตีณิ นวิปฺปยุตฺเต สตฺต โนนตฺถิยา เอกาทส โนวิคเต
เอกาทส ฯ อนุโลมปจฺจนียคณนา อิมินา การเณน คเณตพฺพา ฯ
อนุโลมปจฺจนียํ ฯ
[๔๖๔] นเหตุปจฺจยา อารมฺมเณ เอกวีส ... อธิปติยา เตวีส
อนนฺนตเร ปญฺจวีส สมนนฺตเร ปญฺจวีส สหชาเต ตึส อญฺญมญฺเญ
อฏฺฐวีส นิสฺสเย ตึส อุปนิสฺสเย ปญฺจวีส ปุเรชาเต ปญฺจ ปจฺฉาชาเต
ปญฺจ อาเสวเน เอกวีส กมฺเม เอกาทส วิปาเก เอกวีส อาหาเร
เอกาทส อินฺทฺริเย เอกาทส ฌาเน เอกวีส มคฺเค โสฬส สมฺปยุตฺเต
เอกาทส วิปฺปยุตฺเต นว อตฺถิยา ตึส นตฺถิยา ปญฺจวีส วิคเต
ปญฺจวีส อวิคเต ตึส ฯ ปจฺจนียานุโลมํ อิมินา การเณน วิภชิตพฺพํ ฯ
ปจฺจนียานุโลมํ ฯ
วิตกฺกตฺติกํ ฉฏฺฐมํ
นิฏฺฐิตํ ฯ
--------
ปีติตฺติกํ
ปฏิจฺจวาโร
[๔๖๕] ปีติสหคตํ ธมฺมํ ปฏิจฺจ ปีติสหคโต ธมฺโม อุปฺปชฺชติ
เหตุปจฺจยา ปีติสหคตํ เอกํ ขนฺธํ ปฏิจฺจ ตโย ขนฺธา ตโย
ขนฺเธ ปฏิจฺจ เอโก ขนฺโธ เทฺว ขนฺเธ ปฏิจฺจ เทฺว ขนฺธา
ปฏิสนฺธิกฺขเณ ปีติสหคตํ เอกํ ขนฺธํ ปฏิจฺจ ตโย ขนฺธา เทฺว
ขนฺเธ ปฏิจฺจ เทฺว ขนฺธา ฯ ปีติสหคตํ ธมฺมํ ปฏิจฺจ สุขสหคโต
ธมฺโม อุปฺปชฺชติ เหตุปจฺจยา ปีติสหคตํ เอกํ ขนฺธํ ปฏิจฺจ
สุขสหคตา ตโย ขนฺธา เทฺว ขนฺเธ ปฏิจฺจ เทฺว ขนฺธา ปฏิสนฺธิกฺขเณ
ปีติสหคตํ เอกํ ขนฺธํ ปฏิจฺจ สุขสหคตา ตโย ขนฺธา เทฺว ขนฺเธ
ปฏิจฺจ เทฺว ขนฺธา ฯ ปีติสหคตํ ธมฺมํ ปฏิจฺจ ปีติสหคโต จ
สุขสหคโต จ ธมฺมา อุปฺปชฺชนฺติ เหตุปจฺจยา ปีติสหคตํ เอกํ
ขนฺธํ ปฏิจฺจ ปีติสหคตา จ สุขสหคตา จ ตโย ขนฺธา เทฺว ขนฺเธ
ปฏิจฺจ เทฺว ขนฺธา ปฏิสนฺธิกฺขเณ ปีติสหคตํ เอกํ ขนฺธํ ปฏิจฺจ
ปีติสหคโต จ สุขสหคโต จ ตโย ขนฺธา เทฺว ขนฺเธ ปฏิจฺจ เทฺว
ขนฺธา ฯ
[๔๖๖] สุขสหคตํ ธมฺมํ ปฏิจฺจ สุขสหคโต ธมฺโม อุปฺปชฺชติ
เหตุปจฺจยา สุขสหคตํ เอกํ ขนฺธํ ปฏิจฺจ เทฺว ขนฺธา เทฺว
ขนฺเธ ปฏิจฺจ เอโก ขนฺโธ ปฏิสนฺธิกฺขเณ สุขสหคตํ เอกํ ขนฺธํ
ปฏิจฺจ เทฺว ขนฺธา เทฺว ขนฺเธ ปฏิจฺจ เอโก ขนฺโธ ฯ สุขสหคตํ
ธมฺมํ ปฏิจฺจ ปีติสหคโต ธมฺโม อุปฺปชฺชติ เหตุปจฺจยา สุขสหคตํ
เอกํ ขนฺธํ ปฏิจฺจ ปีติสหคตา ตโย ขนฺธา เทฺว ขนฺเธ ปฏิจฺจ
เทฺว ขนฺธา ปฏิสนฺธิกฺขเณ สุขสหคตํ เอกํ ขนฺธํ ปฏิจฺจ ปีติสหคตา
ตโย ขนฺธา ฯเปฯ เทฺว ขนฺเธ ปฏิจฺจ เทฺว ขนฺธา ฯ สุขสหคตํ
ธมฺมํ ปฏิจฺจ ปีติสหคโต จ สุขสหคโต จ ธมฺมา อุปฺปชฺชนฺติ
เหตุปจฺจยา สุขสหคตํ เอกํ ขนฺธํ ปฏิจฺจ ปีติสหคตา จ สุขสหคตา
จ เทฺว ขนฺธา เทฺว ขนฺเธ ปฏิจฺจ เอโก ขนฺโธ ปฏิสนฺธิกฺขเณ
สุขสหคตํ เอกํ ขนฺธํ ปฏิจฺจ ปีติสหคตา จ สุขสหคตา จ เทฺว
ขนฺธา เทฺว ขนฺเธ ปฏิจฺจ เอโก ขนฺโธ ฯ
[๔๖๗] อุเปกฺขาสหคตํ ธมฺมํ ปฏิจฺจ อุเปกฺขาสหคโต ธมฺโม
อุปฺปชฺชติ เหตุปจฺจยา อุเปกฺขาสหคตํ เอกํ ขนฺธํ ปฏิจฺจ เทฺว
ขนฺธา เทฺว ขนฺเธ ปฏิจฺจ เอโก ขนฺโธ ปฏิสนฺธิกฺขเณ ... ฯ
[๔๖๘] ปีติสหคตญฺจ สุขสหคตญฺจ ธมฺมํ ปฏิจฺจ ปีติสหคโต
ธมฺโม อุปฺปชฺชติ เหตุปจฺจยา ปีติสหคตญฺจ สุขสหคตญฺจ เอกํ
ขนฺธํ ปฏิจฺจ ปีติสหคตา ตโย ขนฺธา เทฺว ขนฺเธ ปฏิจฺจ เทฺว
ขนฺธา ปฏิสนฺธิกฺขเณ ปีติสหคตญฺจ สุขสหคตญฺจ เอกํ ขนฺธํ
ปฏิจฺจ ปีติสหคตา ตโย ขนฺธา เทฺว ขนฺเธ ปฏิจฺจ เทฺว ขนฺธา ฯ
{๔๖๘.๑} ปีติสหคตญฺจ สุขสหคตญฺจ ธมฺมํ ปฏิจฺจ สุขสหคโต ธมฺโม
อุปฺปชฺชติ เหตุปจฺจยา ปีติสหคตญฺจ สุขสหคตญฺจ เอกํ ขนฺธํ
ปฏิจฺจ สุขสหคตา เทฺว ขนฺธา เทฺว ขนฺเธ ปฏิจฺจ เอโก ขนฺโธ
ปฏิสนฺธิกฺขเณ ปีติสหคตญฺจ สุขสหคตญฺจ เอกํ ขนฺธํ ปฏิจฺจ
สุขสหคตา เทฺว ขนฺธา เทฺว ขนฺเธ ปฏิจฺจ เอโก ขนฺโธ ฯ
{๔๖๘.๒} ปีติสหคตญฺจ สุขสหคตญฺจ ธมฺมํ ปฏิจฺจ ปีติสหคโต
จ สุขสหคโต จ ธมฺมา อุปฺปชฺชนฺติ เหตุปจฺจยา ปีติสหคตญฺจ
สุขสหคตญฺจ เอกํ ขนฺธํ ปฏิจฺจ ปีติสหคตา จ สุขสหคตา จ เทฺว
ขนฺธา เทฺว ขนฺเธ ปฏิจฺจ เอโก ขนฺโธ ปฏิสนฺธิกฺขเณ ปีติสหคตญฺจ
สุขสหคตญฺจ เอกํ ขนฺธํ ปฏิจฺจ ปีติสหคตา จ สุขสหคตา จ เทฺว
ขนฺธา เทฺว ขนฺเธ ปฏิจฺจ เอโก ขนฺโธ ฯ
เหตุปจฺจยํ ฯ
[๔๖๙] ปีติสหคตํ ธมฺมํ ปฏิจฺจ ปีติสหคโต ธมฺโม อุปฺปชฺชติ
อารมฺมณปจฺจยา อธิปติยา ปฏิสนฺธิกฺขเณ นตฺถิ ฯ อนนฺตรปจฺจยา
สมนนฺตรปจฺจยา สหชาตปจฺจยา อญฺญมญฺญปจฺจยา นิสฺสยปจฺจยา
อุปนิสฺสยปจฺจยา ปุเรชาตปจฺจยา ฯ ปุเรชาเต ปฏิสนฺธิกฺขเณ
นตฺถิ ฯ อาเสวนปจฺจยา อาเสวเน วิปากํ นตฺถิ ฯ กมฺมปจฺจยา
วิปากปจฺจยา อาหารปจฺจยา ฯเปฯ อินฺทฺริยปจฺจยา ฌานปจฺจยา
มคฺคปจฺจยา สมฺปยุตฺตปจฺจยา วิปฺปยุตฺตปจฺจยา อตฺถิปจฺจยา นตฺถิปจฺจยา
วิคตปจฺจยา อวิคตปจฺจยา ฯ
มาติกา ฯ
[๔๗๐] เหตุยา ทส อารมฺมเณ ทส อธิปติยา ทส อนนฺตเร
สมนนฺตเร สหชาเต อญฺญมญฺเญ นิสฺสเย อุปนิสฺสเย ปุเรชาเต
อาเสวเน กมฺเม วิปาเก อาหาเร อินฺทฺริเย ฌาเน มคฺเค สมฺปยุตฺเต
วิปฺปยุตฺเต อตฺถิยา นตฺถิยา วิคเต อวิคเต สพฺพตฺถ ทส ฯ
เอวํ อนุโลมคณนา คเณตพฺพา ฯ
อนุโลมํ ฯ
[๔๗๑] ปีติสหคตํ ธมฺมํ ปฏิจฺจ ปีติสหคโต ธมฺโม อุปฺปชฺชติ
นเหตุปจฺจยา อเหตุกํ ปีติสหคตํ เอกํ ขนฺธํ ปฏิจฺจ ตโย ขนฺธา
เทฺว ขนฺเธ ปฏิจฺจ เทฺว ขนฺธา ฯ ปีติสหคตํ ธมฺมํ ปฏิจฺจ สุขสหคโต
ธมฺโม อุปฺปชฺชติ นเหตุปจฺจยา อเหตุกํ ปีติสหคตํ เอกํ ขนฺธํ
ปฏิจฺจ สุขสหคตา ตโย ขนฺธา เทฺว ขนฺเธ ปฏิจฺจ เทฺว ขนฺธา ฯ
ปีติสหคตํ ธมฺมํ ปฏิจฺจ ปีติสหคโต จ สุขสหคโต จ ธมฺมา
อุปฺปชฺชนฺติ นเหตุปจฺจยา อเหตุกํ ปีติสหคตํ เอกํ ขนฺธํ ปฏิจฺจ
ปีติสหคตา จ สุขสหคตา จ ตโย ขนฺธา เทฺว ขนฺเธ ปฏิจฺจ
เทฺว ขนฺธา ฯ
[๔๗๒] สุขสหคตํ ธมฺมํ ปฏิจฺจ สุขสหคโต ธมฺโม อุปฺปชฺชติ
นเหตุปจฺจยา อเหตุกํ สุขสหคตํ เอกํ ขนฺธํ ปฏิจฺจ เทฺว ขนฺธา
เทฺว ขนฺเธ ปฏิจฺจ เอโก ขนฺโธ ฯ สุขสหคตํ ธมฺมํ ปฏิจฺจ
ปีติสหคโต ธมฺโม อุปฺปชฺชติ นเหตุปจฺจยา อเหตุกํ สุขสหคตํ
เอกํ ขนฺธํ ปฏิจฺจ ปีติสหคตา ตโย ขนฺธา เทฺว ขนฺเธ ปฏิจฺจ
เทฺว ขนฺธา ฯ สุขสหคตํ ธมฺมํ ปฏิจฺจ ปีติสหคโต จ สุขสหคโต จ
ธมฺมา อุปฺปชฺชนฺติ นเหตุปจฺจยา อเหตุกํ สุขสหคตํ เอกํ ขนฺธํ
ปฏิจฺจ ปีติสหคตา จ สุขสหคตา จ เทฺว ขนฺธา เทฺว ขนฺเธ
ปฏิจฺจ เอโก ขนฺโธ ฯ
[๔๗๓] อุเปกฺขาสหคตํ ธมฺมํ ปฏิจฺจ อุเปกฺขาสหคโต ธมฺโม
อุปฺปชฺชติ นเหตุปจฺจยา อเหตุกํ อุเปกฺขาสหคตํ เอกํ ขนฺธํ ปฏิจฺจ
เทฺว ขนฺธา เทฺว ขนฺเธ ปฏิจฺจ เอโก ขนฺโธ อเหตุกปฏิสนฺธิกฺขเณ
อุเปกฺขาสหคตํ เอกํ ขนฺธํ ปฏิจฺจ เทฺว ขนฺธา เทฺว ขนฺเธ
ปฏิจฺจ เอโก ขนฺโธ วิจิกิจฺฉาสหคเต อุทฺธจฺจสหคเต ขนฺเธ ปฏิจฺจ
วิจิกิจฺฉาสหคโต อุทฺธจฺจสหคโต โมโห ฯ
[๔๗๔] ปีติสหคตญฺจ สุขสหคตญฺจ ธมฺมํ ปฏิจฺจ ปีติสหคโต
ธมฺโม อุปฺปชฺชติ นเหตุปจฺจยา อเหตุกํ ปีติสหคตญฺจ สุขสหคตญฺจ
เอกํ ขนฺธํ ปฏิจฺจ ปีติสหคตา ตโย ขนฺธา เทฺว ขนฺเธ ปฏิจฺจ เทฺว
ขนฺธา ฯ ปีติสหคตญฺจ สุขสหคตญฺจ ธมฺมํ ปฏิจฺจ สุขสหคโต
ธมฺโม อุปฺปชฺชติ นเหตุปจฺจยา อเหตุกํ ปีติสหคตญฺจ
สุขสหคตญฺจ เอกํ ขนฺธํ ปฏิจฺจ สุขสหคตา เทฺว ขนฺธา
เทฺว ขนฺเธ ปฏิจฺจ เอโก ขนฺโธ ฯ ปีติสหคตญฺจ สุขสหคตญฺจ
ธมฺมํ ปฏิจฺจ ปีติสหคตญฺจ สุขสหคโต จ ธมฺมา อุปฺปชฺชนฺติ
นเหตุปจฺจยา อเหตุกํ ปีติสหคตญฺจ สุขสหคตญฺจ เอกํ ขนฺธํ
ปฏิจฺจ ปีติสหคตา จ สุขสหคตา จ เทฺว ขนฺธา เทฺว ขนฺเธ
ปฏิจฺจ เอโก ขนฺโธ ฯ
[๔๗๕] ปีติสหคตํ ธมฺมํ ปฏิจฺจ ปีติสหคโต ธมฺโม อุปฺปชฺชติ
นอธิปติปจฺจยา ฯ น อธิปติ ปฏิสนฺธิกฺขเณ ปริปุณฺณํ ฯ นปุเรชาตปจฺจยา
อรูเปติ นิยาเมตพฺพํ ปฏิสนฺธิกฺขเณติ จ ฯ ... นปจฺฉาชาตปจฺจยา
นอาเสวนปจฺจยา ฯ ปีติสหคตํ ธมฺมํ ปฏิจฺจ ปีติสหคโต ธมฺโม
อุปฺปชฺชติ นกมฺมปจฺจยา ปีติสหคเต ขนฺเธ ปฏิจฺจ ปีติสหคตา
เจตนา ฯ ปีติสหชตํ ธมฺมํ ปฏิจฺจ สุขสหคโต ธมฺโม อุปฺปชฺชติ
นกมฺมปจฺจยา ปีติสหคเต ขนฺเธ ปฏิจฺจ สุขสหคตา เจตนา ฯ
อิมินา การเณน ทส ปญฺหา วิตฺถาเรตพฺพา ฯ ปีติสหคตํ
ธมฺมํ ปฏิจฺจ ปีติสหคโต ธมฺโม อุปฺปชฺชติ นวิปากปจฺจยา
ฯเปฯ ปริปุณฺณํ ฯ ปฏิสนฺธิ นตฺถิ ฯเปฯ
[๔๗๖] สุขสหคตํ ธมฺมํ ปฏิจฺจ สุขสหคโต ธมฺโม อุปฺปชฺชติ
นฌานปจฺจยา สุขสหคตํ กายวิญฺญาณสหคตํ เอกํ ขนฺธํ ปฏิจฺจ
เทฺว ขนฺธา เทฺว ขนฺเธ ปฏิจฺจ เอโก ขนฺโธ ฯ
[๔๗๗] อุเปกฺขาสหคตํ ธมฺมํ ปฏิจฺจ อุเปกฺขาสหคโต ธมฺโม
อุปฺปชฺชติ นฌานปจฺจยา จกฺขุวิญฺญาณสหคตํ เอกํ ขนฺธํ ปฏิจฺจ
เทฺว ขนฺธา เทฺว ขนฺเธ ปฏิจฺจ เอโก ขนฺโธ ฯ นมคฺคปจฺจยา
นเหตุปจฺจยสทิสํ ฯ โมโห นตฺถิ ฯ นวิปฺปยุตฺตปจฺจยา ปริปุณฺณํ
อรูปปญฺหเมว ฯ
[๔๗๘] นเหตุยา ทส นอธิปติยา ทส นปุเรชาเต นปจฺฉาชาเต
นอาเสวเน นกมฺเม นวิปาเก ทส นฌาเน เทฺว นมคฺเค ทส
นวิปฺปยตฺเต ทส ฯ ปจฺจนียํ ปริปุณฺณํ กาตพฺพํ ฯ
ปจฺจนียํ ฯ
[๔๗๙] เหตุปจฺจยา นอธิปติยา ทส ... นปุเรชาเต ทส
นปจฺฉาชาเต นอาเสวเน นกมฺเม นวิปาเก นวิปฺปยุตฺเต ทส ฯ
อนุโลมปจฺจนียํ วิตฺถาเรน คเณตพฺพํ ฯ
อนุโลมปจฺจนียํ ฯ
[๔๘๐] นเหตุปจฺจยา อารมฺมเณ ทส ... อนนฺตเร ทส
สมนนฺตเร ทส สหชาเต อญฺญมญฺเญ นิสฺสเย อุปนิสฺสเย ปุเรชาเต
อาเสวเน กมฺเม วิปาเก อาหาเร อินฺทฺริเย ฌาเน สพฺเพ ทส ฯ
มคฺเค เอกํ สมฺปยุตฺเต ทส วิปฺปยุตฺเต อตฺถิยา นตฺถิยา วิคเต
อวิคเต สพฺเพ ทส ฯ
ปจฺจนียานุโลมํ ฯ
ปฏิจฺจวาโร ฯ
สหชาตวาโรปิ ปจฺจยวาโรปิ นิสฺสยวาโรปิ
สํสฏฺฐวาโรปิ สมฺปยุตฺตวาโรปิ ปฏิจฺจวารสทิสา ฯ
ปญฺหาวาโร
[๔๘๑] ปีติสหคโต ธมฺโม ปีติสหคตสฺส ธมฺมสฺส เหตุปจฺจเยน
ปจฺจโย ปีติสหคตา เหตู สมฺปยุตฺตกานํ ขนฺธานํ เหตุปจฺจเยน
ปจฺจโย ปฏิสนฺธิกฺขเณ ปีติสหคตา เหตู สมฺปยุตฺตกานํ ขนฺธานํ
เหตุปจฺจเยน ปจฺจโย ฯ
[๔๘๒] ปีติสหคโต ธมฺโม สุขสหคตสฺส ธมฺมสฺส เหตุปจฺจเยน
ปจฺจโย ปีติสหคตา เหตู สมฺปยุตฺตกานํ สุขสหคตานํ ขนฺธานํ
เหตุปจฺจเยน ปจฺจโย ปฏิสนฺธิกฺขเณ ... ฯ
[๔๘๓] ปีติสหคโต ธมฺโม ปีติสหคตสฺส จ สุขสหคตสฺส จ
ธมฺมสฺส เหตุปจฺจเยน ปจฺจโย ปีติสหคตา เหตู สมฺปยุตฺตกานํ
ปีติสหคตานญฺจ สุขสหคตานญฺจ ขนฺธานํ เหตุปจฺจเยน ปจฺจโย
ปฏิสนฺธิกฺขเณ ... ฯ
[๔๘๔] สุขสหคโต ธมฺโม สุขสหคตสฺส ธมฺมสฺส ... ปีติสหคตสฺส
ธมฺมสฺส ... ปีติสหคตสฺส จ สุขสหคตสฺส จ ธมฺมสฺส ... สุขมูเล ตีณิ ฯ
[๔๘๕] อุเปกฺขาสหคโต ธมฺโม อุเปกฺขาสหคตสฺส ธมฺมสฺส
เหตุปจฺจเยน ปจฺจโย อุเปกฺขาสหคตา เหตู สมฺปยุตฺตกานํ ขนฺธานํ
เหตุปจฺจเยน ปจฺจโย ปฏิสนฺธิกฺขเณ ... ฯ
[๔๘๖] ปีติสหคโต จ สุขสหคโต จ ธมฺมา ปีติสหคตสฺส
ธมฺมสฺส ... สุขสหคตสฺส ธมฺมสฺส ... ปีติสหคตสฺส จ สุขสหคตสฺส จ
ธมฺมสฺส เหตุปจฺจเยน ปจฺจโย ปีติสหคตา จ สุขสหคตา จ
เหตู สมฺปยุตฺตกานํ ปีติสหคตานญฺจ สุขสหคตานญฺจ ขนฺธานํ
เหตุปจฺจเยน ปจฺจโย ปฏิสนฺธิกฺขเณ ... ฯ
[๔๘๗] ปีติสหคโต ธมฺโม ปีติสหคตสฺส ธมฺมสฺส อารมฺมณปจฺจเยน
ปจฺจโย ปีติสหคเตน จิตฺเตน ทานํ ทตฺวา สีลํ สมาทิยิตฺวา
อุโปสถกมฺมํ กตฺวา ตํ ปีติสหคเตน จิตฺเตน ปจฺจเวกฺขติ
ปีติสหคตา ฌานา วุฏฺฐหิตฺวา มคฺคา วุฏฺฐหิตฺวา ผลา วุฏฺฐหิตฺวา
ตํ ปีติสหคเตน จิตฺเตน ปจฺจเวกฺขติ อริยา ปีติสหคเตน จิตฺเตน
ปีติสหคเต ปหีเน กิเลเส ปจฺจเวกฺขนฺติ วิกฺขมฺภิเต กิเลเส
ปจฺจเวกฺขนฺติ ปุพฺเพ สมุทาจิณฺเณ กิเลเส ชานนฺติ ปีติสหคเต
ขนฺเธ ปีติสหคเตน จิตฺเตน อนิจฺจโต ทุกฺขโต อนตฺตโต วิปสฺสนฺติ
อสฺสาเทนฺติ อภินนฺทนฺติ ตํ อารพฺภ ปีติสหคโต ราโค อุปฺปชฺชติ
ทิฏฺฐิ อุปฺปชฺชติ ปีติสหคเต ขนฺเธ อารพฺภ ปีติสหคตา ขนฺธา
อุปฺปชฺชนฺติ ฯ
[๔๘๘] ปีติสหคโต ธมฺโม สุขสหคตสฺส ธมฺมสฺส อารมฺมณปจฺจเยน
ปจฺจโย ปีติสหคเตน จิตฺเตน ทานํ ทตฺวา สีลํ สมาทิยิตฺวา อุโปสถกมฺมํ
กตฺวา ตํ สุขสหคเตน จิตฺเตน ปจฺจเวกฺขติ ปีติสหคตา ฌานา วุฏฺฐหิตฺวา
มคฺคา วุฏฺฐหิตฺวา ผลา วุฏฺฐหิตฺวา ตํ สุขสหคเตน จิตฺเตน ปจฺจเวกฺขติ
อริยา สุขสหคเตน จิตฺเตน ปีติสหคเต ปหีเน กิเลเส ปจฺจเวกฺขนฺติ
วิกฺขมฺภิเต กิเลเส ปจฺจเวกฺขนฺติ ปุพฺเพ สมุทาจิณฺเณ กิเลเส ชานนฺติ
ปีติสหคเต ขนฺเธ สุขสหคเตน จิตฺเตน อนิจฺจโต ทุกฺขโต อนตฺตโต
วิปสฺสนฺติ อสฺสาเทนฺติ อภินนฺทนฺติ ตํ อารพฺภ สุขสหคโต ราโค
อุปฺปชฺชติ ทิฏฺฐิ อุปฺปชฺชติ ปีติสหคเต ขนฺเธ อารพฺภ สุขสหคตา
ขนฺธา อุปฺปชฺชนฺติ ฯ
[๔๘๙] ปีติสหคโต ธมฺโม อุเปกฺขาสหคตสฺส ธมฺมสฺส
อารมฺมณปจฺจเยน ปจฺจโย ปีติสหคเตน จิตฺเตน ทานํ ทตฺวา สีลํ
สมาทิยิตฺวา อุโปสถกมฺมํ กตฺวา ตํ อุเปกฺขาสหคเตน จิตฺเตน
ปจฺจเวกฺขติ ปีติสหคตา ฌานา วุฏฺฐหิตฺวา มคฺคา วุฏฺฐหิตฺวา
ผลา วุฏฺฐหิตฺวา ตํ อุเปกฺขาสหคเตน จิตฺเตน ปจฺจเวกฺขติ อริยา
อุเปกฺขาสหคเตน จิตฺเตน ปีติสหคเต ปหีเน กิเลเส ปจฺจเวกฺขนฺติ
วิกฺขมฺภิเต กิเลเส ปจฺจเวกฺขนฺติ ปุพฺเพ สมุทาจิณฺเณ กิเลเส
ชานนฺติ ปีติสหคเต ขนฺเธ อุเปกฺขาสหคเตน จิตฺเตน อนิจฺจโต
ทุกฺขโต อนตฺตโต วิปสฺสนฺติ อสฺสาเทนฺติ อภินนฺทนฺติ ตํ อารพฺภ
อุเปกฺขาสหคโต ราโค อุปฺปชฺชติ ทิฏฺฐิ อุปฺปชฺชติ วิจิกิจฺฉา
อุปฺปชฺชติ อุทฺธจฺจํ อุปฺปชฺชติ เจโตปริยญาเณน ปีติสหคต-
จิตฺตสมงฺคิสฺส จิตฺตํ ชานนฺติ ปีติสหคตา ขนฺธา เจโตปริยญาณสฺส
ปุพฺเพนิวาสานุสฺสติญาณสฺส ยถากมฺมูปคญาณสฺส อนาคตํสญาณสฺส
อาวชฺชนาย อารมฺมณปจฺจเยน ปจฺจโย ปีติสหคเต ขนฺเธ อารพฺภ
อุเปกฺขาสหคตา ขนฺธา อุปฺปชฺชนฺติ ฯ
[๔๙๐] ปีติสหคโต ธมฺโม ปีติสหคตสฺส จ สุขสหคตสฺส จ
ธมฺมสฺส อารมฺมณปจฺจเยน ปจฺจโย ปีติสหคเตน จิตฺเตน ทานํ
ทตฺวา สีลํ ... อุโปสถกมฺมํ กตฺวา ตํ ปีติสหคเตน จ สุขสหคเตน จ
จิตฺเตน ปจฺจเวกฺขติ ปีติสหคตา ฌานา วุฏฺฐหิตฺวา มคฺคา
วุฏฺฐหิตฺวา ผลา วุฏฺฐหิตฺวา ตํ ปีติสหคเตน จ สุขสหคเตน จ
จิตฺเตน ปจฺจเวกฺขติ อริยา ปีติสหคเตน จ สุขสหคเตน จ จิตฺเตน
ปีติสหคตํ ปหีนํ กิเลสํ ปจฺจเวกฺขนฺติ วิกฺขมฺภิตํ กิเลสํ ปจฺจเวกฺขนฺติ
ปุพฺเพ สมุทาจิณฺเณ กิเลเส ชานนฺติ ปีติสหคเต ขนฺเธ ปีติสหคเตน
จ สุขสหคเตน จ จิตฺเตน อนิจฺจโต ทุกฺขโต อนตฺตโต วิปสฺสนฺติ
อสฺสาเทนฺติ อภินนฺทนฺติ ตํ อารพฺภ ปีติสหคโต จ สุขสหคโต จ
ราโค อุปฺปชฺชติ ทิฏฺฐิ อุปฺปชฺชติ ปีติสหคเต ขนฺเธ อารพฺภ
ปีติสหคตา จ สุขสหคตา จ ขนฺธา อุปฺปชฺชนฺติ ฯ
[๔๙๑] สุขสหคโต ธมฺโม สุขสหคตสฺส ธมฺมสฺส อารมฺมณปจฺจเยน
ปจฺจโย ฯ สุขสหคโต ธมฺโม ปีติสหคตสฺส ธมฺมสฺส ...
อุเปกฺขาสหคตสฺส ธมฺมสฺส ... ปีติสหคตสฺส จ สุขหคตสฺส จ
ธมฺมสฺส อารมฺมณปจฺจเยน ปจฺจโย สุขสหคเต ขนฺเธ อารพฺภ
ปีติสหคตา จ สุขสหคตา จ ขนฺธา อุปฺปชฺชนฺติ ฯ
[๔๙๒] อุเปกฺขาสหคโต ธมฺโม อุเปกฺขาสหคตสฺส ธมฺมสฺส
อารมฺมณปจฺจเยน ปจฺจโย อุเปกฺขาสหคเตน จิตฺเตน ทานํ ทตฺวา
สีลํ สมาทิยิตฺวา อุโปสถกมฺมํ กตฺวา ตํ อุเปกฺขาสหคเตน จิตฺเตน
ปจฺจเวกฺขนฺติ อุเปกฺขาสหคตา ฌานา ... มคฺคา ... ผลา วุฏฺฐหิตฺวา
ตํ อุเปกฺขาสหคเตน จิตฺเตน ปจฺจเวกฺขติ อริยา อุเปกฺขาสหคเตน
จิตฺเตน อุเปกฺขาสหคตํ ปหีนํ กิเลสํ ปจฺจเวกฺขนฺติ วิกฺขมฺภิตํ
กิเลสํ ปจฺจเวกฺขนฺติ ปุพฺเพ สมุทาจิณฺเณ กิเลเส ชานนฺติ
อุเปกฺขาสหคเต ขนฺเธ อุเปกฺขาสหคเตน จิตฺเตน อนิจฺจโต ทุกฺขโต
อนตฺตโต วิปสฺสนฺติ อสฺสาเทนฺติ อภินนฺทนฺติ ตํ อารพฺภ
อุเปกฺขาสหคโต ราโค อุปฺปชฺชติ ทิฏฺฐิ อุปฺปชฺชติ วิจิกิจฺฉา
อุปฺปชฺชติ อุทฺธจฺจํ อุปฺปชฺชติ เจโตปริยญาเณน อุเปกฺขาสคต-
จิตฺตสมงฺคิสฺส จิตฺตํ ชานาติ อากาสานญฺจายตนํ วิญฺญาณญฺจายตนสฺส
อารมฺมณปจฺจเยน ปจฺจโย อากิญฺจญฺญายตนํ เนวสญฺญา-
นาสญฺญายตนสฺส อารมฺมณปจฺจเยน ปจฺจโย อุเปกฺขาสหคตา
ขนฺธา อิทฺธิวิธญาณสฺส เจโตปริยญาณสฺส ปุพฺเพนิวาสานุสฺสติ-
ญาณสฺส ยถากมฺมูปคญาณสฺส อนาคตํสญาณสฺส อาวชฺชนาย
อารมฺมณปจฺจเยน ปจฺจโย อุเปกฺขาสหคเต ขนฺเธ อารพฺภ
อุเปกฺขาสหคตา ขนฺธา อุปฺปชฺชนฺติ ฯ
[๔๙๓] อุเปกฺขาสหคโต ธมฺโม ปีติสหคตสฺส ธมฺมสฺส ...
สุขสหคตสฺส ธมฺมสฺส ... ปีติสหคตสฺส จ สุขสหคตสฺส จ ธมฺมสฺส
อารมฺมณปจฺจเยน ปจฺจโย อุเปกฺขาสหคเตน จิตฺเตน ทานํ ทตฺวา
สีลํ สมาทิยิตฺวา อุโปสถกมฺมํ กตฺวา ตํ ปีติสหคเตน จ
สุขสหคเตน จ จิตฺเตน ปจฺจเวกฺขติ อุเปกฺขาสหคตา ฌานา
วุฏฺฐหิตฺวา มคฺคา วุฏฺฐหิตฺวา ผลา วุฏฺฐหิตฺวา ตํ ปีติสหคเตน จ
สุขสหคเตน จ จิตฺเตน ปจฺจเวกฺขติ อริยา ปีติสหคเตน จ
สุขสหคเตน จ จิตฺเตน อุเปกฺขาสหคตํ ปหีนํ กิเลสํ ปจฺจเวกฺขนฺติ
วิกฺขมฺภิตํ กิเลสํ ปจฺจเวกฺขนฺติ ปุพฺเพ สมุทาจิณฺเณ กิเลเส
ชานนฺติ อุเปกฺขาสหคเต ขนฺเธ ปีติสหคเตน จ สุขสหคเตน
จ จิตฺเตน อนิจฺจโต ทุกฺขโต อนตฺตโต วิปสฺสนฺติ อสฺสาเทนฺติ
อภินนฺทนฺติ ตํ อารพฺภ ปีติสหคโต จ สุขสหคโต จ ราโค
อุปฺปชฺชติ ทิฏฺฐิ อุปฺปชฺชติ อุเปกฺขาสหคเต ขนฺเธ อารพฺภ
ปีติสหคตา จ สุขสหคตา จ ขนฺธา อุปฺปชฺชนฺติ ฯ
[๔๙๔] ปีติสหคโต จ สุขสหคโต จ ธมฺมา ปีติสหคตสฺส
ธมฺมสฺส ... สุขสหคตสฺส ธมฺมสฺส ... อุเปกฺขาสหคตสฺส ธมฺมสฺส
อารมฺมณปจฺจเยน ปจฺจโย ปีติสหคเตน จ สุขสหคเตน จ จิตฺเตน
ทานํ ทตฺวา สีลํ สมาทิยิตฺวา อุโปสถกมฺมํ กตฺวา ปีติสหคเต จ
สุขสหคเต จ ขนฺเธ อุเปกฺขาสหคเตน จิตฺเตน อนิจฺจโต ทุกฺขโต
อนตฺตโต วิปสฺสติ อสฺสาเทติ อภินนฺทติ ตํ อารพฺภ อุเปกฺขาสหคโต
ราโค อุปฺปชฺชติ ทิฏฺฐิ ... วิจิกิจฺฉา ... อุทฺธจฺจํ อุปฺปชฺชติ
เจโตปริยญาเณน ปีติสหคตสุขสหคตจิตฺตสมงฺคิสฺส จิตฺตํ ชานาติ
ปีติสหคตา จ สุขสหคตา จ ขนฺธา เจโตปริยญาณสฺส
ปุพฺเพนิวาสานุสฺสติญาณสฺส ยถากมฺมูปคญาณสฺส อนาคตํสญาณสฺส
อาวชฺชนาย อารมฺมณปจฺจเยน ปจฺจโย ปีติสหคเต จ สุขสหคเต
จ ขนฺเธ อารพฺภ อุเปกฺขาสหคตา ขนฺธา อุปฺปชฺชนฺติ ฯ
[๔๙๕] ปีติสหคโต จ สุขสหคโต จ ธมฺมา ปีติสหคตสฺส จ
สุขสหคตสฺส จ ธมฺมสฺส อารมฺมณปจฺจเยน ปจฺจโย ฯ สงฺขิตฺตํ ฯ
[๔๙๖] ปีติสหคโต ธมฺโม ปีติสหคตสฺส ธมฺมสฺส อธิปติปจฺจเยน
ปจฺจโย อารมฺมณาธิปติ สหชาตาธิปติ ฯ อารมฺมณาธิปติ:
ปีติสหคเตน จิตฺเตน ทานํ ทตฺวา สีลํ สมาทิยิตฺวา อุโปสถกมฺมํ
กตฺวา ปีติสหคเตน จิตฺเตน ตํ ครุํ กตฺวา ปจฺจเวกฺขติ ปีติสหคตา
ฌานา วุฏฺฐหิตฺวา มคฺคา วุฏฺฐหิตฺวา ผลา วุฏฺฐหิตฺวา ปีติสหคเตน
จิตฺเตน ตํ ครุํ กตฺวา ปจฺจเวกฺขติ ปีติสหคเต ขนฺเธ ปีติสหคเตน
จิตฺเตน ครุํ กตฺวา อสฺสาเทติ อภินนฺทติ ตํ ครุํ กตฺวา ปีติสหคโต
ราโค อุปฺปชฺชติ ทิฏฺฐิ อุปฺปชฺชติ ฯ สหชาตาธิปติ: ปีติสหคตาธิปติ
สมฺปยุตฺตกานํ ขนฺธานํ อธิปติปจฺจเยน ปจฺจโย ฯ
[๔๙๗] ปีติสหคโต ธมฺโม สุขสหคตสฺส ธมฺมสฺส อธิปติปจฺจเยน
ปจฺจโย อารมฺมณาธิปติ สหชาตาธิปติ ฯ อารมฺมณาธิปติ:
ปีติสหคเตน ฯเปฯ สหชาตาธิปติ: ปีติสหคตาธิปติ สมฺปยุตฺตกานํ
สุขสหคตานํ ขนฺธานํ อธิปติปจฺจเยน ปจฺจโย ฯ
[๔๙๘] ปีติสหคโต ธมฺโม อุเปกฺขาสหคตสฺส ธมฺมสฺส
อธิปติปจฺจเยน ปจฺจโย ฯ อารมฺมณาธิปติ: ปีติสหคเตน
จิตฺเตน ทานํ ทตฺวา อุเปกฺขาสหคเตน จิตฺเตน ฯ สงฺขิตฺตํ ฯ
[๔๙๙] ปีติสหคโต ธมฺโม ปีติสหคตสฺส จ สุขสหคตสฺส จ
ธมฺมสฺส อธิปติปจฺจเยน ปจฺจโย อารมฺมณาธิปติ สหชาตาธิปติ ฯ
อารมฺมณาธิปติ: ปีติสหคเตน ฯเปฯ สหชาตาธิปติ: ปีติสหคตาธิปติ
สมฺปยุตฺตกานํ ปีติสหคตานญฺจ สุขสหคตานญฺจ ขนฺธานํ
อธิปติปจฺจเยน ปจฺจโย ฯ
[๕๐๐] สุขสหคโต ธมฺโม สุขสหคตสฺส ธมฺมสฺส อธิปติปจฺจเยน
ปจฺจโย อารมฺมณาธิปติ สหชาตาธิปติ ฯ อารมฺมณาธิปติ:
สุขสหคเตน ฯเปฯ สงฺขิตฺตํ ฯ สหชาตาธิปติ: สุขสหคตาธิปติ
สมฺปยุตฺตกานํ ขนฺธานํ อธิปติปจฺจเยน ปจฺจโย ฯ
[๕๐๑] สุขสหคโต ธมฺโม ปีติสหคตสฺส ธมฺมสฺส อธิปติปจฺจเยน
ปจฺจโย อารมฺมณาธิปติ สหชาตาธิปติ ฯ สงฺขิตฺตํ ฯ สหชาตาธิปติ:
สุขสหคตาธิปติ สมฺปยุตฺตกานํ ปีติสหคตานํ ขนฺธานํ อธิปติปจฺจเยน
ปจฺจโย ฯ
[๕๐๒] สุขสหคโต ธมฺโม อุเปกฺขาสหคตสฺส ธมฺมสฺส
อธิปติปจฺจเยน ปจฺจโย ฯ อารมฺมณาธิปติ: ฯ สงฺขิตฺตํ ฯ
[๕๐๓] สุขสหคโต ธมฺโม ปีติสหคตสฺส จ สุขสหคตสฺส จ
ธมฺมสฺส อธิปติปจฺจเยน ปจฺจโย อารมฺมณาธิปติ สหชาตาธิปติ ฯ
สงฺขิตฺตํ ฯ สหชาตาธิปติ: สุขสหคตาธิปติ สมฺปยุตฺตกานํ
ปีติสหคตานญฺจ สุขสหคตานญฺจ ขนฺธานํ อธิปติปจฺจเยน ปจฺจโย ฯ
[๕๐๔] อุเปกฺขาสหคโต ธมฺโม อุเปกฺขาสหคตสฺส ธมฺมสฺส
อธิปติปจฺจเยน ปจฺจโย อารมฺมณาธิปติ สหชาตาธิปติ ฯ
สงฺขิตฺตํ ฯ สหชาตาธิปติ: อุเปกฺขาสหคตาธิปติ สมฺปยุตฺตกานํ
ขนฺธานํ อธิปติปจฺจเยน ปจฺจโย ฯ
[๕๐๕] อุเปกฺขาสหคโต ธมฺโม ปีติสหคตสฺส ธมฺมสฺส
อธิปติปจฺจเยน ปจฺจโย ฯ อารมฺมณาธิปติ: ฯ สงฺขิตฺตํ ฯ
อุเปกฺขาสหคโต ธมฺโม สุขสหคตสฺส ธมฺมสฺส อธิปติปจฺจเยน
ปจฺจโย ฯ อารมฺมณาธิปติ: ฯ สงฺขิตฺตํ ฯ
[๕๐๖] อุเปกฺขาสหคโต ธมฺโม ปีติสหคตสฺส จ สุขสหคตสฺส จ
ธมฺมสฺส อธิปติปจฺจเยน ปจฺจโย ฯ อารมฺมณาธิปติ: ฯ สงฺขิตฺตํ ฯ
[๕๐๗] ปีติสหคโต จ สุขสหคโต จ ธมฺมา ปีติสหคตสฺส
ธมฺมสฺส อธิปติปจฺจเยน ปจฺจโย อารมฺมณาธิปติ สหชาตาธิปติ ฯเปฯ
สหชาตาธิปติ: ปีติสหคตา จ สุขสหคตา จ อธิปติ
สมฺปยุตฺตกานํ ปีติสหคตานํ ขนฺธานํ อธิปติปจฺจเยน ปจฺจโย ฯ
[๕๐๘] ปีติสหคโต จ สุขสหคโต จ ธมฺมา สุขสหคตสฺส
ธมฺมสฺส อธิปติปจฺจเยน ปจฺจโย อารมฺมณาธิปติ สหชาตาธิปติ ฯ
สงฺขิตฺตํ ฯ สหชาตาธิปติ: ปีติสหคตา จ สุขสหคตา จ อธิปติ
สมฺปยุตฺตกานํ สุขสหคตานํ ขนฺธานํ อธิปติปจฺจเยน ปจฺจโย ฯ
[๕๐๙] ปีติสหคโต จ สุขสหคโต จ ธมฺมา อุเปกฺขาสหคตสฺส
ธมฺมสฺส อธิปติปจฺจเยน ปจฺจโย ฯ อารมฺมณาธิปติ: ฯ สงฺขิตฺตํ ฯ
[๕๑๐] ปีติสหคโต จ สุขสหคโต จ ธมฺมา ปีติสหคตสฺส จ
สุขสหคตสฺส จ ธมฺมสฺส อธิปติปจฺจเยน ปจฺจโย อารมฺมณาธิปติ
สหชาตาธิปติ ฯ อารมฺมณาธิปติ: ฯเปฯ สหชาตาธิปติ:
ปีติสหคตา จ สุขสหคตา จ อธิปติ สมฺปยุตฺตกานํ ปีติสหคตานญฺจ
สุขสหคตานญฺจ ขนฺธานํ อธิปติปจฺจเยน ปจฺจโย ฯ
[๕๑๑] ปีติสหคโต ธมฺโม ปีติสหคตสฺส ธมฺมสฺส อนนฺตรปจฺจเยน
ปจฺจโย ปุริมา ปุริมา ปีติสหคตา ขนฺธา ปจฺฉิมานํ ปจฺฉิมานํ
ปีติสหคตานํ ขนฺธานํ อนนฺตรปจฺจเยน ปจฺจโย ปีติสหคตํ
อนุโลมํ โคตฺรภุสฺส อนนฺตรปจฺจเยน ปจฺจโย ฯ อิมินา
การเณน สพฺเพสํ ปทานํ ปจฺจโยติ ทีเปตพฺพํ ฯ อนุโลมํ
โวทานสฺส โคตฺรภุ มคฺคสฺส โวทานํ มคฺคสฺส มคฺโค ผลสฺส
ผลํ ผลสฺส อนุโลมํ ปีติสหคตาย ผลสมาปตฺติยา อนนฺตรปจฺจเยน
ปจฺจโย ฯ
[๕๑๒] ปีติสหคโต ธมฺโม สุขสหคตสฺส ธมฺมสฺส อนนฺตรปจฺจเยน
ปจฺจโย ปุริมา ปุริมา ปีติสหคตา ขนฺธา ปจฺฉิมานํ ปจฺฉิมานํ
สุขสหคตานํ ขนฺธานํ อนนฺตรปจฺจเยน ปจฺจโย ปีติสหคตํ
อนุโลมํ สุขสหคตสฺส โคตฺรภุสฺส อนนฺตรปจฺจเยน ปจฺจโย
ปีติสหคตํ อนุโลมํ สุขสหคตสฺส โวทานสฺส ฯ สงฺขิตฺตํ ฯ
ปีติสหคตํ อนุโลมํ สุขสหคตาย ผลสมาปตฺติยา อนนฺตรปจฺจเยน
ปจฺจโย ฯ
[๕๑๓] ปีติสหคโต ธมฺโม อุเปกฺขาสหคตสฺส ธมฺมสฺส
อนนฺตรปจฺจเยน ปจฺจโย ปีติสหคตํ จุติจิตฺตํ อุเปกฺขาสหคตสฺส
อุปปตฺติจิตฺตสฺส อนนฺตรปจฺจเยน ปจฺจโย ปีติสหคตํ ภวงฺคํ
อาวชฺชนาย อนนฺตรปจฺจเยน ปจฺจโย ปีติสหคตา วิปากมโน-
วิญฺญาณธาตุ กิริยามโนวิญฺญาณธาตุยา อนนฺตรปจฺจเยน ปจฺจโย
ปีติสหคตํ ภวงฺคํ อุเปกฺขาสหคตสฺส ภวงฺคสฺส อนนฺตรปจฺจเยน
ปจฺจโย ปีติสหคตํ กุสลากุสลํ อุเปกฺขาสหคตสฺส วุฏฺฐานสฺส
กิริยํ วุฏฺฐานสฺส ผลํ วุฏฺฐานสฺส อนนฺตรปจฺจเยน ปจฺจโย ฯ
[๕๑๔] ปีติสหคโต ธมฺโม ปีติสหคตสฺส จ สุขสหคตสฺส จ
ธมฺมสฺส อนนฺตรปจฺจเยน ปจฺจโย ปุริมา ปุริมา ปีติสหคตา
ขนฺธา ปจฺฉิมานํ ปจฺฉิมานํ ปีติสหคตานญฺจ สุขสหคตานญฺจ
ขนฺธานํ อนนฺตรปจฺจเยน ปจฺจโย ปีติสหคตํ อนุโลมํ ปีติสหคตสฺส
จ สุขสหคตสฺส จ โคตฺรภุสฺส อนนฺตรปจฺจเยน ปจฺจโย ฯ
สงฺขิตฺตํ ฯ ปีติสหคตํ อนุโลมํ ปีติสหคตาย จ สุขสหคตาย จ
ผลสมาปตฺติยา อนนฺตรปจฺจเยน ปจฺจโย ฯ
[๕๑๕] สุขสหคโต ธมฺโม สุขสหคตสฺส ธมฺมสฺส อนนฺตรปจฺจเยน
ปจฺจโย ปุริมา ปุริมา สุขสหคตา ขนฺธา ปจฺฉิมานํ ปจฺฉิมานํ
สุขสหคตานํ ขนฺธานํ อนนฺตรปจฺจเยน ปจฺจโย สุขสหคตํ
อนุโลมํ สุขสหคตสฺส โคตฺรภุสฺส อนนฺตรปจฺจเยน
ปจฺจโย ฯ สงฺขิตฺตํ ฯ สุขสหคตํ อนุโลมํ สุขสหคตาย
ผลสมาปตฺติยา อนนฺตรปจฺจเยน ปจฺจโย ฯ
[๕๑๖] สุขสหคโต ธมฺโม ปีติสหคตสฺส ธมฺมสฺส อนนฺตรปจฺจเยน
ปจฺจโย ปุริมา ปุริมา สุขสหคตา ขนฺธา ปจฺฉิมานํ ปจฺฉิมานํ
ปีติสหคตานํ ขนฺธานํ ฯ สงฺขิตฺตํ ฯ สุขสหคตํ อนุโลมํ ปีติสหคตาย
ผลสมาปตฺติยา อนนฺตรปจฺจเยน ปจฺจโย ฯ
[๕๑๗] สุขสหคโต ธมฺโม อุเปกฺขาสหคตสฺส ธมฺมสฺส อนนฺตรปจฺจเยน
ปจฺจโย สุขสหคตํ จุติจิตฺตํ อุเปกฺขาสหคตสฺส อุปปตฺติจิตฺตสฺส
อนนฺตรปจฺจเยน ปจฺจโย สุขสหคตํ ภวงฺคํ อาวชฺชนาย
อนนฺตรปจฺจเยน ปจฺจโย สุขสหคตํ กายวิญฺญาณํ วิปากมโนธาตุยา
อนนฺตรปจฺจเยน ปจฺจโย สุขสหคตา วิปากมโนวิญฺญาณธาตุ
กิริยามโนวิญฺญาณธาตุยา อนนฺตรปจฺจเยน ปจฺจโย สุขสหคตํ
ภวงฺคํ อุเปกฺขาสหคตสฺส ภวงฺคสฺส อนนฺตรปจฺจเยน ปจฺจโย
สุขสหคตํ กุสลากุสลํ อุเปกฺขาสหคตสฺส วุฏฺฐานสฺส กิริยํ วุฏฺฐานสฺส
ผลํ วุฏฺฐานสฺส อนนฺตรปจฺจเยน ปจฺจโย ฯ
[๕๑๘] สุขสหคโต ธมฺโม ปีติสหคตสฺส จ สุขสหคตสฺส จ
ธมฺมสฺส อนนฺตรปจฺจเยน ปจฺจโย ปุริมา ปุริมา สุขสหคตา ขนฺธา
ปจฺฉิมานํ ปจฺฉิมานํ ปีติสหคตานญฺจ สุขสหคตานญฺจ ขนฺธานํ ฯ
สงฺขิตฺตํ ฯ สุขสหคตํ อนุโลมํ ปีติสหคตาย จ สุขสหคตาย จ
ผลสมาปตฺติยา อนนฺตรปจฺจเยน ปจฺจโย ฯ
[๕๑๙] อุเปกฺขาสหคโต ธมฺโม อุเปกฺขาสหคตสฺส ธมฺมสฺส
อนนฺตรปจฺจเยน ปจฺจโย อาวชฺชนา ปญฺจนฺนํ วิญฺญาณานํ อนนฺตรปจฺจเยน
ปจฺจโย ปุริมา ปุริมา อุเปกฺขาสหคตา ขนฺธา ปจฺฉิมานํ ปจฺฉิมานํ
อุเปกฺขาสหคตานํ ขนฺธานํ ฯ สงฺขิตฺตํ ฯ อุเปกฺขาสหคตํ
อนุโลมํ อุเปกฺขาสหคตาย ผลสมาปตฺติยา นิโรธา วุฏฺฐหนฺตสฺส
เนวสญฺญานาสญฺญายตนํ อุเปกฺขาสหคตาย ผลสมาปตฺติยา
อนนฺตรปจฺจเยน ปจฺจโย ฯ
[๕๒๐] อุเปกฺขาสหคโต ธมฺโม ปีติสหคตสฺส ธมฺมสฺส
อนนฺตรปจฺจเยน ปจฺจโย อุเปกฺขาสหคตํ จุติจิตฺตํ ปีติสหคตสฺส
อุปปตฺติจิตฺตสฺส อาวชฺชนา ปีติสหคตานํ ขนฺธานํ วิปากมโนธาตุ
ปีติสหคตาย วิปากมโนวิญฺญาณธาตุยา อุเปกฺขาสหคตํ ภวงฺคํ
ปีติสหคตสฺส ภวงฺคสฺส อุเปกฺขาสหคตํ กุสลากุสลํ ปีติสหคตสฺส
วุฏฺฐานสฺส กิริยํ วุฏฺฐานสฺส ผลํ วุฏฺฐานสฺส นิโรธา วุฏฺฐหนฺตสฺส
เนวสญฺญานาสญฺญายตนํ ปีติสหคตาย ผลสมาปตฺติยา
อนนฺตรปจฺจเยน ปจฺจโย ฯ
[๕๒๑] อุเปกฺขาสหคโต ธมฺโม สุขสหคตสฺส ธมฺมสฺส ...
ปีติสหคตสฺส จ สุขสหคตสฺส จ ธมฺมสฺส อนนฺตรปจฺจเยน
ปจฺจโย ฯ ตานิเยว จ คมนานิ นิยาเมตพฺพานิ ฯ
[๕๒๒] ปีติสหคโต จ สุขสหคโต จ ธมฺมา ปีติสหคตสฺส
ธมฺมสฺส ... สุขสหคตสฺส ธมฺมสฺส ... อุเปกฺขาสหคตสฺส ธมฺมสฺส
อนนฺตรปจฺจเยน ปจฺจโย ปีติสหคตญฺจ สุขสหคตญฺจ จุติจิตฺตํ
อุเปกฺขาสหคตสฺส อุปปตฺติจิตฺตสฺส ปีติสหคตญฺจ สุขสหคตญฺจ
ภวงฺคํ อาวชฺชนาย ปีติสหคตา จ สุขสหคตา จ วิปากมโนวิญฺญาณธาตุ
กิริยามโนวิญฺญาณธาตุยา ปีติสหคตญฺจ สุขสหคตญฺจ ภวงฺคํ
อุเปกฺขาสหคตสฺส ภวงฺคสฺส ปีติสหคตญฺจ สุขสหคตญฺจ
กุสลากุสลํ อุเปกฺขาสหคตสฺส วุฏฺฐานสฺส กิริยํ วุฏฺฐานสฺส
ผลํ วุฏฺฐานสฺส อนนฺตรปจฺจเยน ปจฺจโย ฯ
[๕๒๓] ปีติสหคโต จ สุขสหคโต จ ธมฺมา ปีติสหคตสฺส จ
สุขสหคตสฺส จ ธมฺมสฺส อนนฺตรปจฺจเยน ปจฺจโย ปุริมา ปุริมา
ปีติสหคตา จ สุขสหคตา จ ขนฺธา ปจฺฉิมานํ ปจฺฉิมานํ
ปีติสหคตานญฺจ สุขสหคตานญฺจ ขนฺธานํ ฯ สงฺขิตฺตํ ฯ
ปีติสหคตญฺจ สุขสหคตญฺจ อนุโลมํ ปีติสหคตาย จ สุขสหคตาย
จ ผลสมาปตฺติยา อนนฺตรปจฺจเยน ปจฺจโย ฯ
[๕๒๔] ปีติสหคโต ธมฺโม ปีติสหคตสฺส ธมฺมสฺส สมนนฺตรปจฺจเยน
ปจฺจโย ฯ อนนฺตรปจฺจยสทิสํ ฯ
[๕๒๕] ปีติสหคโต ธมฺโม ปีติสหคตสฺส ธมฺมสฺส สหชาตปจฺจเยน
ปจฺจโย ปีติสหคโต เอโก ขนฺโธ ติณฺณนฺนํ ขนฺธานํ สหชาตปจฺจเยน
ปจฺจโย เทฺว ขนฺธา ทฺวินฺนํ ขนฺธานํ สหชาตปจฺจเยน ปจฺจโย ฯ
ปฏิจฺจสทิสํ ฯ สหชาเต ทส ปญฺหา ฯ
[๕๒๖] ปีติสหคโต ธมฺโม ปีติสหคตสฺส ธมฺมสฺส อญฺญมญฺญปจฺจเยน
ปจฺจโย นิสฺสยปจฺจเยน ปจฺจโย ฯ ทส ปญฺหา กาตพฺพา ฯ
[๕๒๗] ปีติสหคโต ธมฺโม ปีติสหคตสฺส ธมฺมสฺส อุปนิสฺสยปจฺจเยน
ปจฺจโย อารมฺมณูปนิสฺสโย อนนฺตรูปนิสฺสโย ปกตูปนิสฺสโย ฯ
ปกตูปนิสฺสโย: ปีติสหคตํ สทฺธํ อุปนิสฺสาย ปีติสหคเตน
จิตฺเตน ทานํ เทติ สีลํ สมาทิยติ อุโปสถกมฺมํ กโรติ ปีติสหคตํ
ฌานํ อุปฺปาเทติ วิปสฺสนํ ... มคฺคํ ... สมาปตฺตึ อุปฺปาเทติ
มานํ ชปฺเปติ ทิฏฺฐึ คณฺหาติ ปีติสหคตํ สีลํ ... สุตํ ... จาคํ ...
ปญฺญํ อุปนิสฺสาย ปีติสหคเตน จิตฺเตน ทานํ เทติ สีลํ สมาทิยติ
มานํ ชปฺเปติ ทิฏฺฐึ คณฺหาติ ปีติสหคตํ ราคํ ... โมหํ มานํ ทิฏฺฐึ ...
ปตฺถนํ อุปนิสฺสาย ปีติสหคเตน จิตฺเตน ทานํ เทติ สีลํ สมาทิยติ
อุโปสถกมฺมํ กโรติ ปีติสหคตํ ฌานํ อุปฺปาเทติ สมาปตฺตึ
อุปฺปาเทติ ปีติสหคเตน จิตฺเตน อทินฺนํ อาทิยติ มุสา ภณติ ปิสุณํ
ภณติ สมฺผํ ปลปติ สนฺธึ ฉินฺทติ นิลฺโลปํ หรติ เอกาคาริกํ กโรติ
ปริปนฺเถ ติฏฺฐติ ปรทารํ คจฺฉติ คามฆาตํ กโรติ นิคมฆาตํ กโรติ
ปีติสหคตา สทฺธา ... สีลํ สุตํ จาโค ปญฺญา ราโค โมโห มาโน
ทิฏฺฐิ ... ปตฺถนา ปีติสหคตาย สทฺธาย สีลสฺส สุตสฺส จาคสฺส
ปญฺญาย ราคสฺส โมหสฺส มานสฺส ทิฏฺฐิยา ปตฺถนาย
อุปนิสฺสยปจฺจเยน ปจฺจโย ฯ
[๕๒๘] ปีติสหคโต ธมฺโม สุขสหคตสฺส ธมฺมสฺส อุปนิสฺสยปจฺจเยน
ปจฺจโย อารมฺมณูปนิสฺสโย อนนฺตรูปนิสฺสโย ปกตูปนิสฺสโย ฯ
ปกตูปนิสฺสโย: ปีติสหคตํ สทฺธํ อุปนิสฺสาย สุขสหคเตน
จิตฺเตน ทานํ เทติ ฯเปฯ สมาปตฺตึ อุปฺปาเทติ มานํ ชปฺเปติ ทิฏฺฐึ
คณฺหาติ ปีติสหคตํ สีลํ ... สุตํ จาคํ ปญฺญํ ราคํ โมหํ มานํ ทิฏฺฐึ ...
ปตฺถนํ อุปนิสฺสาย สุขสหคเตน จิตฺเตน ทานํ เทติ ฯเปฯ สมาปตฺตึ
อุปฺปาเทติ สุขสหคเตน จิตฺเตน อทินฺนํ อาทิยติ ... นิคมฆาตํ กโรติ
ปีติสหคตา สทฺธา ... ปตฺถนา สุขสหคตาย สทฺธาย ปตฺถนาย
สุขสหคตสฺส กายวิญฺญาณสฺส อุปนิสฺสยปจฺจเยน ปจฺจโย ฯ
[๕๒๙] ปีติสหคโต ธมฺโม อุเปกฺขาสหคตสฺส ธมฺมสฺส
อุปนิสฺสยปจฺจเยน ปจฺจโย อารมฺมณูปนิสฺสโย อนนฺตรูปนิสฺสโย
ปกตูปนิสฺสโย ฯ ปกตูปนิสฺสโย: ปีติสหคตํ สทฺธํ อุปนิสฺสาย
อุเปกฺขาสหคเตน จิตฺเตน ทานํ เทติ ... อภิญฺญํ อุปฺปาเทติ สมาปตฺตึ
อุปฺปาเทติ ... ทิฏฺฐึ คณฺหาติ ปีติสหคตํ สีลํ ... ปตฺถนํ อุปนิสฺสาย
อุเปกฺขาสหคเตน จิตฺเตน ทานํ เทติ ... นิคมฆาตํ กโรติ
ปีติสหคตา สทฺธา ... ปตฺถนา อุเปกฺขาสหคตาย สทฺธาย ปตฺถนาย
อุปนิสฺสยปจฺจเยน ปจฺจโย ฯ
[๕๓๐] ปีติสหคโต ธมฺโม ปีติสหคตสฺส จ สุขสหคตสฺส จ
ธมฺมสฺส อุปนิสฺสยปจฺจเยน ปจฺจโย อารมฺมณูปนิสฺสโย
อนนฺตรูปนิสฺสโย ปกตูปนิสฺสโย ฯ ปกตูปนิสฺสโย: ปีติสหคตํ สทฺธํ
อุปนิสฺสาย ปีติสหคเตน จ สุขสหคเตน จ จิตฺเตน ทานํ เทติ ...
ทิฏฺฐึ คณฺหาติ ปีติสหคตํ สุขสหคตํ สีลํ ... ปตฺถนํ อุปนิสฺสาย
ปีติสหคเตน จ สุขสหคเตน จ จิตฺเตน ทานํ เทติ ... นิคมฆาตํ
กโรติ ปีติสหคตา สทฺธา ... ปตฺถนา ปีติสหคตาย จ สุขสหคตาย
จ สทฺธาย ปตฺถนาย อุปนิสฺสยปจฺจเยน ปจฺจโย ฯ
[๕๓๑] สุขสหคโต ธมฺโม สุขสหคตสฺส ธมฺมสฺส อุปนิสฺสยปจฺจเยน
ปจฺจโย อารมฺมณูปนิสฺสโย อนนฺตรูปนิสฺสโย ปกตูปนิสฺสโย ฯ
ปกตูปนิสฺสโย: สุขสหคตํ สทฺธํ อุปนิสฺสาย สุขสหคเตน
จิตฺเตน ทานํ เทติ ... ทิฏฺฐึ คณฺหาติ สุขสหคตํ สีลํ ... ปตฺถนํ ...
สุขสหคตํ กายวิญฺญาณํ อุปนิสฺสาย สุขสหคเตน จิตฺเตน ทานํ
เทติ ... นิคมฆาตํ กโรติ สุขสหคตา สทฺธา ... ปตฺถนา ... สุขสหคตํ
กายวิญฺญาณํ สุขสหคตาย สทฺธาย ปตฺถนาย สุขสหคตสฺส
กายวิญฺญาณสฺส อุปนิสฺสยปจฺจเยน ปจฺจโย ฯ
[๕๓๒] สุขสหคโต ธมฺโม ปีติสหคตสฺส ธมฺมสฺส อุปนิสฺสยปจฺจเยน
ปจฺจโย อารมฺมณูปนิสฺสโย อนนฺตรูปนิสฺสโย ปกตูปนิสฺสโย ฯ
ปกตูปนิสฺสโย: สุขสหคตํ สทฺธํ อุปนิสฺสาย ปีติสหคเตน
จิตฺเตน ทานํ เทติ ... ทิฏฺฐึ คณฺหาติ สุขสหคตํ สีลํ ... ปตฺถนํ ...
สุขสหคตํ กายวิญฺญาณํ อุปนิสฺสาย ปีติสหคเตน จิตฺเตน ทานํ
เทติ ... นิคมฆาตํ กโรติ สุขสหคตา สทฺธา ... ปตฺถนา ... สุขสหคตํ
กายวิญฺญาณํ ปีติสหคตาย สทฺธาย ปตฺถนาย อุปนิสฺสยปจฺจเยน
ปจฺจโย ฯ
[๕๓๓] สุขสหคโต ธมฺโม อุเปกฺขาสหคตสฺส ธมฺมสฺส
อุปนิสฺสยปจฺจเยน ปจฺจโย อารมฺมณูปนิสฺสโย อนนฺตรูปนิสฺสโย
ปกตูปนิสฺสโย ฯ ปกตูปนิสฺสโย: สุขสหคตํ สทฺธํ อุปนิสฺสาย
อุเปกฺขาสหคเตน จิตฺเตน ทานํ เทติ ... อภิญฺญํ อุปฺปาเทติ ... ทิฏฺฐึ
คณฺหาติ สุขสหคตํ สีลํ ... ปตฺถนํ ... สุขสหคตํ กายวิญฺญาณํ
อุปนิสฺสาย อุเปกฺขาสหคเตน จิตฺเตน ทานํ เทติ ... นิคมฆาตํ กโรติ
สุขสหคตา สทฺธา ... ปตฺถนา ... สุขสหคตํ กายวิญฺญาณํ
อุเปกฺขาสหคตาย สทฺธาย ปตฺถนาย อุปนิสฺสยปจฺจเยน ปจฺจโย ฯ
[๕๓๔] สุขสหคโต ธมฺโม ปีติสหคตสฺส จ สุขสหคตสฺส จ
ธมฺมสฺส อุปนิสฺสยปจฺจเยน ปจฺจโย อารมฺมณูปนิสฺสโย
อนนฺตรูปนิสฺสโย ปกตูปนิสฺสโย ฯ ปกตูปนิสฺสโย: สุขสหคตํ สทฺธํ
อุปนิสฺสาย ปีติสหคเตน จ สุขสหคเตน จ จิตฺเตน ทานํ เทติ ...
ทิฏฺฐึ คณฺหาติ สุขสหคตํ สีลํ ... ปตฺถนํ ... สุขสหคตํ กายวิญฺญาณํ
อุปนิสฺสาย ปีติสหคเตน จ สุขสหคเตน จ จิตฺเตน ทานํ เทติ ...
นิคมฆาตํ กโรติ ฯเปฯ สุขสหคตา สทฺธา ... ปตฺถนา ... สุขสหคตํ
กายวิญฺญาณํ ปีติสหคตาย จ สุขสหคตาย จ สทฺธาย ปตฺถนาย
อุปนิสฺสยปจฺจเยน ปจฺจโย ฯ
[๕๓๕] อุเปกฺขาสหคโต ธมฺโม อุเปกฺขาสหคตสฺส ธมฺมสฺส
อุปนิสฺสยปจฺจเยน ปจฺจโย อารมฺมณูปนิสฺสโย อนนฺตรูปนิสฺสโย
ปกตูปนิสฺสโย ฯ ปกตูปนิสฺสโย: อุเปกฺขาสหคตํ สทฺธํ อุปนิสฺสาย
อุเปกฺขาสหคเตน จิตฺเตน ทานํ เทติ ... อภิญฺญํ อุปฺปาเทติ ... ทิฏฺฐึ
คณฺหาติ อุเปกฺขาสหคตํ สีลํ ... ปตฺถนํ อุปนิสฺสาย อุเปกฺขาสหคเตน
จิตฺเตน ทานํ เทติ ... นิคมฆาตํ กโรติ อุเปกฺขาสหคตา สทฺธา ...
ปตฺถนา อุเปกฺขาสหคตาย สทฺธาย ปตฺถนาย อุปนิสฺสยปจฺจเยน
ปจฺจโย ฯ
[๕๓๖] อุเปกฺขาสหคโต ธมฺโม ปีติสหคตสฺส ธมฺมสฺส อุปนิสฺสยปจฺจเยน
ปจฺจโย อารมฺมณูปนิสฺสโย อนนฺตรูปนิสฺสโย ปกตูปนิสฺสโย ฯ
ปกตูปนิสฺสโย: อุเปกฺขาสหคตํ สทฺธํ อุปนิสฺสาย ปีติสหคเตน
จิตฺเตน ทานํ เทติ ... ทิฏฺฐึ คณฺหาติ อุเปกฺขาสหคตํ
สีลํ ... ปตฺถนํ อุปนิสฺสาย ปีติสหคเตน จิตฺเตน ทานํ เทติ ... นิคมฆาตํ
กโรติ อุเปกฺขาสหคตา สทฺธา ... ปตฺถนา ปีติสหคตาย สทฺธาย
ปตฺถนาย อุปนิสฺสยปจฺจเยน ปจฺจโย ฯ
[๕๓๗] อุเปกฺขาสหคโต ธมฺโม สุขสหคตสฺส ธมฺมสฺส อุปนิสฺสยปจฺจเยน
ปจฺจโย อารมฺมณูปนิสฺสโย อนนฺตรูปนิสฺสโย ปกตูปนิสฺสโย ฯ
ปกตูปนิสฺสโย: อุเปกฺขาสหคตํ สทฺธํ อุปนิสฺสาย สุขสหคเตน
จิตฺเตน ทานํ เทติ ... ทิฏฺฐึ คณฺหาติ อุเปกฺขาสหคตํ สีลํ ...
ปตฺถนํ อุปนิสฺสาย สุขสหคเตน จิตฺเตน ทานํ เทติ ... นิคมฆาตํ
กโรติ อุเปกฺขาสหคตา สทฺธา ... ปตฺถนา สุขสหคตาย สทฺธาย
ปตฺถนาย สุขสหคตสฺส กายวิญฺญาณสฺส อุปนิสฺสยปจฺจเยน ปจฺจโย ฯ
[๕๓๘] อุเปกฺขาสหคโต ธมฺโม ปีติสหคตสฺส จ สุขสหคตสฺส จ
ธมฺมสฺส อุปนิสฺสยปจฺจเยน ปจฺจโย อารมฺมณูปนิสฺสโย อนนฺตรูปนิสฺสโย
ปกตูปนิสฺสโย ฯ ปกตูปนิสฺสโย: อุเปกฺขาสหคตํ สทฺธํ
อุปนิสฺสาย ปีติสหคเตน จ สุขสหคเตน จ จิตฺเตน ทานํ เทติ ...
ทิฏฺฐึ คณฺหาติ อุเปกฺขาสหคตํ สีลํ ... ปตฺถนํ อุปนิสฺสาย
ปีติสหคเตน จ สุขสหคเตน จ จิตฺเตน ทานํ เทติ ... นิคมฆาตํ กโรติ
อุเปกฺขาสหคตา สทฺธา ... ปตฺถนา ปีติสหคตาย จ สุขสหคตาย จ
สทฺธาย ปตฺถนาย อุปนิสฺสยปจฺจเยน ปจฺจโย ฯ
[๕๓๙] ปีติสหคโต จ สุขสหคโต จ ธมฺมา ปีติสหคตสฺส
ธมฺมสฺส อุปนิสฺสยปจฺจเยน ปจฺจโย อารมฺมณูปนิสฺสโย
อนนฺตรูปนิสฺสโย ปกตูปนิสฺสโย ฯ ปกตูปนิสฺสโย: ปีติสหคตญฺจ
สุขสหคตญฺจ สทฺธํ อุปนิสฺสาย ปีติสหคเตน จิตฺเตน ทานํ
เทติ ... ทิฏฺฐึ คณฺหาติ ปีติสหคตญฺจ สุขสหคตญฺจ สีลํ ... ปตฺถนํ
อุปนิสฺสาย ปีติสหคเตน จิตฺเตน ทานํ เทติ ... นิคมฆาตํ กโรติ
ปีติสหคตา จ สุขสหคตา จ สทฺธา ... ปตฺถนา ปีติสหคตาย
สทฺธาย ปตฺถนาย อุปนิสฺสยปจฺจเยน ปจฺจโย ฯ
[๕๔๐] ปีติสหคโต จ สุขสหคโต จ ธมฺมา สุขสหคตสฺส ธมฺมสฺส
อุปนิสฺสยปจฺจเยน ปจฺจโย อารมฺมณูปนิสฺสโย อนนฺตรูปนิสฺสโย
ปกตูปนิสฺสโย ฯ ปกตูปนิสฺสโย: ปีติสหคตญฺจ สุขสหคตญฺจ
สทฺธํ อุปนิสฺสาย สุขสหคเตน จิตฺเตน ทานํ เทติ ... ทิฏฺฐึ
คณฺหาติ ปีติสหคตญฺจ สุขสหคตญฺจ สีลํ ... ปตฺถนํ อุปนิสฺสาย
สุขสหคเตน จิตฺเตน ทานํ เทติ ... นิคมฆาตํ กโรติ ปีติสหคตา จ
สุขสหคตา จ สทฺธา ... ปตฺถนา สุขสหคตาย สทฺธาย ปตฺถนาย
สุขสหคตสฺส กายวิญฺญาณสฺส อุปนิสฺสยปจฺจเยน ปจฺจโย ฯ
[๕๔๑] ปีติสหคโต จ สุขสหคโต จ ธมฺมา อุเปกฺขาสหคตสฺส
ธมฺมสฺส อุปนิสฺสยปจฺจเยน ปจฺจโย อารมฺมณูปนิสฺสโย อนนฺตรูปนิสฺสโย
ปกตูปนิสฺสโย ฯ ปกตูปนิสฺสโย: ปีติสหคตญฺจ
สุขสหคตญฺจ สทฺธํ อุปนิสฺสาย อุเปกฺขาสหคเตน จิตฺเตน ทานํ เทติ ...
อภิญฺญํ อุปฺปาเทติ ... ทิฏฺฐึ คณฺหาติ ปีติสหคตญฺจ สุขสหคตญฺจ
สีลํ ... ปตฺถนํ อุปนิสฺสาย อุเปกฺขาสหคเตน จิตฺเตน ทานํ เทติ ...
นิคมฆาตํ กโรติ ปีติสหคตา จ สุขสหคตา จ สทฺธา ... ปตฺถนา
อุเปกฺขาสหคตาย สทฺธาย ปตฺถนาย อุปนิสฺสยปจฺจเยน ปจฺจโย ฯ
[๕๔๒] ปีติสหคโต จ สุขสหคโต จ ธมฺมา ปีติสหคตสฺส จ
สุขสหคตสฺส จ ธมฺมสฺส อุปนิสฺสยปจฺจเยน ปจฺจโย อารมฺมณูปนิสฺสโย
อนนฺตรูปนิสฺสโย ปกตูปนิสฺสโย ฯ ปกตูปนิสฺสโย: ปีติสหคตญฺจ
สุขสหคตญฺจ สทฺธํ อุปนิสฺสาย ปีติสหคเตน จ
สุขสหคเตน จ จิตฺเตน ทานํ เทติ สีลํ สมาทิยติ อุโปสถกมฺมํ กโรติ
ปีติสหคตญฺจ สุขสหคตญฺจ ฌานํ อุปฺปาเทติ วิปสฺสนํ ... มคฺคํ ...
สมาปตฺตึ ... มานํ ... ทิฏฺฐึ คณฺหาติ ปีติสหคตญฺจ สุขสหคตญฺจ
สีลํ ... สุตํ จาคํ ปญฺญํ ราคํ โมหํ มานํ ทิฏฺฐึ ... ปตฺถนํ อุปนิสฺสาย
ปีติสหคเตน จ สุขสหคเตน จ จิตฺเตน ทานํ เทติ สีลํ สมาทิยติ
อุโปสถกมฺมํ กโรติ ปีติสหคตญฺจ สุขสหคตญฺจ ฌานํ ... วิปสฺสนํ ...
มคฺคํ ... สมาปตฺตึ อุปฺปาเทติ ปีติสหคเตน จ สุขสหคเตน จ
จิตฺเตน อทินฺนํ อาทิยติ มุสา ภณติ ปิสุณํ ภณติ สมฺผํ ปลปติ
สนฺธึ ฉินฺทติ นิลฺโลปํ หรติ เอกาคาริกํ กโรติ ปริปนฺเถ ติฏฺฐติ
ปรทารํ คจฺฉติ คามฆาตํ กโรติ นิคมฆาตํ กโรติ ปีติสหคตา จ
สุขสหคตา จ สทฺธา ... ปตฺถนา ปีติสหคตาย จ สุขสหคตาย จ
สทฺธาย ปตฺถนาย อุปนิสฺสยปจฺจเยน ปจฺจโย ฯ
[๕๔๓] ปีติสหคโต ธมฺโม ปีติสหคตสฺส ธมฺมสฺส อาเสวนปจฺจเยน
ปจฺจโย ปุริมา ปุริมา ปีติสหคตา ขนฺธา ปจฺฉิมานํ ปจฺฉิมานํ
ปีติสหคตานํ ขนฺธานํ อาเสวนปจฺจเยน ปจฺจโย ปีติสหคตํ
อนุโลมํ ปีติสหคตสฺส โคตฺรภุสฺส อนุโลมํ โวทานสฺส
โคตฺรภุ มคฺคสฺส โวทานํ มคฺคสฺส อาเสวนปจฺจเยน ปจฺจโย ฯ
[๕๔๔] ปีติสหคโต ธมฺโม สุขสหคตสฺส ธมฺมสฺส อาเสวนปจฺจเยน
ปจฺจโย ปุริมา ปุริมา ปีติสหคตา ขนฺธา ปจฺฉิมานํ ปจฺฉิมานํ
สุขสหคตานํ ขนฺธานํ อาเสวนปจฺจเยน ปจฺจโย ปีติสหคตํ
อนุโลมํ สุขสหคตสฺส โคตฺรภุสฺส อาเสวนปจฺจเยน ปจฺจโย
ปีติสหคตํ อนุโลมํ สุขสหคตสฺส โวทานสฺส อาเสวนปจฺจเยน ปจฺจโย
ปีติสหคตํ โคตฺรภุ สุขสหคตสฺส มคฺคสฺส ปีติสหคตํ โวทานํ
สุขสหคตสฺส มคฺคสฺส อาเสวนปจฺจเยน ปจฺจโย ฯ
[๕๔๕] ปีติสหคโต ธมฺโม ปีติสหคตสฺส จ สุขสหคตสฺส จ
ธมฺมสฺส อาเสวนปจฺจเยน ปจฺจโย ปุริมา ปุริมา ปีติสหคตา
ขนฺธา ปจฺฉิมานํ ปจฺฉิมานํ ปีติสหคตานญฺจ สุขสหคตานญฺจ
ขนฺธานํ อาเสวนปจฺจเยน ปจฺจโย ฯ สงฺขิตฺตํ ฯ ปีติสหคตํ โวทานํ
ปีติสหคตสฺส จ สุขสหคตสฺส จ มคฺคสฺส อาเสวนปจฺจเยน ปจฺจโย ฯ
[๕๔๖] สุขสหคโต ธมฺโม สุขสหคตสฺส ธมฺมสฺส ... ปีติสหคตสฺส
ธมฺมสฺส ... ปีติสหคตสฺส จ สุขสหคตสฺส จ ธมฺมสฺส อาเสวนปจฺจเยน
ปจฺจโย ฯ สงฺขิตฺตํ ฯ ปีตินยํ ปสฺสิตฺวา กาตพฺพํ ฯ
[๕๔๗] อุเปกฺขาสหคโต ธมฺโม อุเปกฺขาสหคตสฺส ธมฺมสฺส
อาเสวนปจฺจเยน ปจฺจโย ปุริมา ปุริมา อุเปกฺขาสหคตา ขนฺธา
ปจฺฉิมานํ ปจฺฉิมานํ อุเปกฺขาสหคตานํ ขนฺธานํ อุเปกฺขาสหคตํ
โวทานํ อุเปกฺขาสหคตสฺส มคฺคสฺส อาเสวนปจฺจเยน ปจฺจโย ฯ
[๕๔๘] ปีติสหคโต จ สุขสหคโต จ ธมฺมา ปีติสหคตสฺส
ธมฺมสฺส ... สุขสหคตสฺส ธมฺมสฺส ... ปีติสหคตสฺส จ สุขสหคตสฺส จ
ธมฺมสฺส อาเสวนปจฺจเยน ปจฺจโย ปุริมา ปุริมา ปีติสหคตา จ
สุขสหคตา จ ขนฺธา ปจฺฉิมานํ ปจฺฉิมานํ ปีติสหคตานญฺจ
สุขสหคตานญฺจ ขนฺธานํ อาเสวนปจฺจเยน ปจฺจโย ฯ สงฺขิตฺตํ ฯ
ปีติสหคตญฺจ สุขสหคตญฺจ โวทานํ ปีติสหคตสฺส จ สุขสหคตสฺส จ
มคฺคสฺส อาเสวนปจฺจเยน ปจฺจโย ฯ
[๕๔๙] ปีติสหคโต ธมฺโม ปีติสหคตสฺส ธมฺมสฺส กมฺมปจฺจเยน
ปจฺจโย สหชาตา นานาขณิกา ฯ สหชาตา: ปีติสหคตา เจตนา
สมฺปยุตฺตกานํ ขนฺธานํ กมฺมปจฺจเยน ปจฺจโย ปฏิสนฺธิกฺขเณ
ปีติสหคตา เจตนา สมฺปยุตฺตกานํ ขนฺธานํ กมฺมปจฺจเยน ปจฺจโย ฯ
นานาขณิกา: ปีติสหคตา เจตนา วิปากานํ ปีติสหคตานํ ขนฺธานํ
กมฺมปจฺจเยน ปจฺจโย ฯ
[๕๕๐] ปีติสหคโต ธมฺโม สุขสหคตสฺส ธมฺมสฺส กมฺมปจฺจเยน
ปจฺจโย สหชาตา นานาขณิกา ฯ สหชาตา: ปีติสหคตา เจตนา
สมฺปยุตฺตกานํ สุขสหคตานํ ขนฺธานํ กมฺมปจฺจเยน ปจฺจโย
ปฏิสนฺธิกฺขเณ ปีติสหคตา เจตนา สมฺปยุตฺตกานํ สุขสหคตานํ ขนฺธานํ
กมฺมปจฺจเยน ปจฺจโย ฯ นานาขณิกา: ปีติสหคตา เจตนา
วิปากานํ สุขสหคตานํ ขนฺธานํ กมฺมปจฺจเยน ปจฺจโย ฯ
[๕๕๑] ปีติสหคโต ธมฺโม อุเปกฺขาสหคตสฺส ธมฺมสฺส
กมฺมปจฺจเยน ปจฺจโย ฯ นานาขณิกา: ปีติสหคตา เจตนา วิปากานํ
อุเปกฺขาสหคตานํ ขนฺธานํ กมฺมปจฺจเยน ปจฺจโย ฯ
[๕๕๒] ปีติสหคโต ธมฺโม ปีติสหคตสฺส จ สุขสหคตสฺส จ
ธมฺมสฺส กมฺมปจฺจเยน ปจฺจโย สหชาตา นานาขณิกา ฯ
สหชาตา: ปีติสหคตา เจตนา สมฺปยุตฺตกานํ ปีติสหคตานญฺจ
สุขสหคตานญฺจ ขนฺธานํ กมฺมปจฺจเยน ปจฺจโย ปฏิสนฺธิกฺขเณ ... ฯ
นานาขณิกา: ปีติสหคตา เจตนา วิปากานํ ปีติสหคตานญฺจ
สุขสหคตานญฺจ ขนฺธานํ กมฺมปจฺจเยน ปจฺจโย ฯ
[๕๕๓] สุขสหคโต ธมฺโม สุขสหคตสฺส ธมฺมสฺส ... ฯ จตฺตาริปิ
คณนานิ ปสฺสิตฺวา กาตพฺพา ฯ
[๕๕๔] อุเปกฺขาสหคโต ธมฺโม อุเปกฺขาสหคตสฺส ธมฺมสฺส
กมฺมปจฺจเยน ปจฺจโย สหชาตา นานาขณิกา ฯ ... ปีติสหคตสฺส
ธมฺมสฺส กมฺมปจฺจเยน ปจฺจโย นานาขณิกา ฯ ... สุขสหคตสฺส
ธมฺมสฺส กมฺมปจฺจเยน ปจฺจโย นานาขณิกา: อุเปกฺขาสหคตา
เจตนา ... ฯ ... ปีติสหคตสฺส จ สุขสหคตสฺส จ ธมฺมสฺส
กมฺมปจฺจเยน ปจฺจโย นานาขณิกา: อุเปกฺขาสหคตา เจตนา ... ฯ
ปีติสหคโต จ สุขสหคโต จ ธมฺมา ปีติสหคตสฺส ธมฺมสฺส ...
จตฺตาริ กาตพฺพานิ ฯ ปีติสหคตํ อนุมชฺชนฺเตน วิภชิตพฺพํ ฯ
[๕๕๕] ปีติสหคโต ธมฺโม ปีติสหคตสฺส ธมฺมสฺส วิปากปจฺจเยน
ปจฺจโย ปีติสหคโต วิปาโก เอโก ขนฺโธ ติณฺณนฺนํ ขนฺธานํ
วิปากปจฺจเยน ปจฺจโย เทฺว ขนฺธา ทฺวินฺนํ ขนฺธานํ ปฏิสนฺธิกฺขเณ
ปีติสหคโต เอโก ขนฺโธ ติณฺณนฺนํ ขนฺธานํ เทฺว ขนฺธา ทฺวินฺนํ
ขนฺธานํ ฯเปฯ ยถา ปฏิจฺจวาเร เหตุปจฺจเย เอวํ วิตฺถาเรตพฺพา
ทส ปญฺหา ฯ
[๕๕๖] ปีติสหคโต ธมฺโม ปีติสหคตสฺส ธมฺมสฺส อาหารปจฺจเยน
ปจฺจโย อินฺทฺริยปจฺจเยน ปจฺจโย ฌานปจฺจเยน ปจฺจโย
มคฺคปจฺจเยน ปจฺจโย สมฺปยุตฺตปจฺจเยน ปจฺจโย อตฺถิปจฺจเยน
ปจฺจโย ฯ ทส ปญฺหา วิตฺถาเรตพฺพา ฯ นตฺถิปจฺจเยน ปจฺจโย
วิคตปจฺจเยน ปจฺจโย ฯ นตฺถิปิ วิคตมฺปิ อนนฺตรสทิสํ ฯ
อวิคตปจฺจเยน ปจฺจโย ฯ
[๕๕๗] เหตุยา ทส อารมฺมเณ โสฬส อธิปติยา โสฬส
อนนฺตเร โสฬส สมนนฺตเร โสฬส สหชาเต ทส อญฺญมญฺเญ
ทส นิสฺสเย ทส อุปนิสฺสเย โสฬส อาเสวเน ทส กมฺเม
โสฬส วิปาเก ทส อาหาเร อินฺทฺริเย ฌาเน มคฺเค สมฺปยุตฺเต
อตฺถิยา ทส นตฺถิยา โสฬส วิคเต โสฬส อวิคเต ทส ฯ
กุสลตฺติกํ อนุโลมํ อนุมชฺชนฺเตน คเณตพฺพํ ฯ
อนุโลมํ ฯ
[๕๕๘] ปีติสหคโต ธมฺโม ปีติสหคตสฺส ธมฺมสฺส อารมฺมณปจฺจเยน
ปจฺจโย สหชาตปจฺจเยน ปจฺจโย อุปนิสฺสยปจฺจเยน ปจฺจโย กมฺมปจฺจเยน
ปจฺจโย ฯ
[๕๕๙] ปีติสหคโต ธมฺโม สุขสหคตสฺส ธมฺมสฺส อารมฺมณปจฺจเยน
ปจฺจโย สหชาตปจฺจเยน ปจฺจโย อุปนิสฺสยปจฺจเยน ปจฺจโย กมฺมปจฺจเยน
ปจฺจโย ฯ
[๕๖๐] ปีติสหคโต ธมฺโม อุเปกฺขาสหคตสฺส ธมฺมสฺส อารมฺมณปจฺจเยน
ปจฺจโย อุปนิสฺสยปจฺจเยน ปจฺจโย ฯ
[๕๖๑] ปีติสหคโต ธมฺโม ปีติสหคตสฺส จ สุขสหคตสฺส จ ธมฺมสฺส
อารมฺมณปจฺจเยน ปจฺจโย สหชาตปจฺจเยน ปจฺจโย อุปนิสฺสยปจฺจเยน
ปจฺจโย กมฺมปจฺจเยน ปจฺจโย ฯ
[๕๖๒] สุขสหคโต ธมฺโม สุขสหคตสฺส ธมฺมสฺส อารมฺมณปจฺจเยน
ปจฺจโย สหชาตปจฺจเยน ปจฺจโย อุปนิสฺสยปจฺจเยน ปจฺจโย กมฺมปจฺจเยน
ปจฺจโย ฯ
[๕๖๓] สุขสหคโต ธมฺโม ปีติสหคตสฺส ธมฺมสฺส อารมฺมณปจฺจเยน
ปจฺจโย สหชาตปจฺจเยน ปจฺจโย อุปนิสฺสยปจฺจเยน ปจฺจโย กมฺมปจฺจเยน
ปจฺจโย ฯ
[๕๖๔] สุขสหคโต ธมฺโม อุเปกฺขาสหคตสฺส ธมฺมสฺส อารมฺมณปจฺจเยน
ปจฺจโย อุปนิสฺสยปจฺจเยน ปจฺจโย กมฺมปจฺจเยน ปจฺจโย ฯ
[๕๖๕] สุขสหคโต ธมฺโม ปีติสหคตสฺส จ สุขสหคตสฺส จ
ธมฺมสฺส อารมฺมณปจฺจเยน ปจฺจโย สหชาตปจฺจเยน ปจฺจโย
อุปนิสฺสยปจฺจเยน ปจฺจโย กมฺมปจฺจเยน ปจฺจโย ฯ
[๕๖๖] อุเปกฺขาสหคโต ธมฺโม อุเปกฺขาสหคตสฺส ธมฺมสฺส
อารมฺมณปจฺจเยน ปจฺจโย สหชาตปจฺจเยน ปจฺจโย อุปนิสฺสยปจฺจเยน
ปจฺจโย กมฺมปจฺจเยน ปจฺจโย ฯ
[๕๖๗] อุเปกฺขาสหคโต ธมฺโม ปีติสหคตสฺส ธมฺมสฺส
อารมฺมณปจฺจเยน ปจฺจโย อุปนิสฺสยปจฺจเยน ปจฺจโย กมฺมปจฺจเยน
ปจฺจโย ฯ
[๕๖๘] อุเปกฺขาสหคโต ธมฺโม สุขสหคตสฺส ธมฺมสฺส
อารมฺมณปจฺจเยน ปจฺจโย อุปนิสฺสยปจฺจเยน ปจฺจโย กมฺมปจฺจเยน
ปจฺจโย ฯ
[๕๖๙] อุเปกฺขาสหคโต ธมฺโม ปีติสหคตสฺส จ สุขสหคตสฺส จ
ธมฺมสฺส อารมฺมณปจฺจเยน ปจฺจโย อุปนิสฺสยปจฺจเยน ปจฺจโย
กมฺมปจฺจเยน ปจฺจโย ฯ
[๕๗๐] ปีติสหคโต จ สุขสหคโต จ ธมฺมา ปีติสหคตสฺส
ธมฺมสฺส อารมฺมณปจฺจเยน ปจฺจโย สหชาตปจฺจเยน ปจฺจโย
อุปนิสฺสยปจฺจเยน ปจฺจโย กมฺมปจฺจเยน ปจฺจโย ฯ
[๕๗๑] ปีติสหคโต จ สุขสหคโต จ ธมฺมา สุขสหคตสฺส
ธมฺมสฺส อารมฺมณปจฺจเยน ปจฺจโย สหชาตปจฺจเยน ปจฺจโย
อุปนิสฺสยปจฺจเยน ปจฺจโย กมฺมปจฺจเยน ปจฺจโย ฯ
[๕๗๒] ปีติสหคโต จ สุขสหคโต จ ธมฺมา อุเปกฺขาสหคตสฺส
ธมฺมสฺส อารมฺมณปจฺจเยน ปจฺจโย อุปนิสฺสยปจฺจเยน ปจฺจโย
กมฺมปจฺจเยน ปจฺจโย ฯ
[๕๗๓] ปีติสหคโต จ สุขสหคโต จ ธมฺมา ปีติสหคตสฺส จ
สุขสหคตสฺส จ ธมฺมสฺส อารมฺมณปจฺจเยน ปจฺจโย สหชาตปจฺจเยน
ปจฺจโย อุปนิสฺสยปจฺจเยน ปจฺจโย กมฺมปจฺจเยน ปจฺจโย ฯ
[๕๗๔] นเหตุยา โสฬส นอารมฺมเณ นอธิปติยา นอนนฺตเร
นสมนนฺตเร นสหชาเต นอญฺญมญฺเญ นนิสฺสเย นอุปนิสฺสเย
นปุเรชาเต นปจฺฉาชาเต นอาเสวเน นกมฺเม นวิปาเก นอาหาเร
นอินฺทฺริเย นฌาเน นมคฺเค นสมฺปยุตฺเต นวิปฺปยุตฺเต โนอตฺถิยา
โนนตฺถิยา โนวิคเต โนอวิคเต สพฺพตฺถ โสฬส ฯ
ปจฺจนียํ อนุมชฺชนฺเตน คเณตพฺพํ ฯ
ปจฺจนียํ ฯ
[๕๗๕] เหตุปจฺจยา นอารมฺมเณ ทส ... นอธิปติยา ทส
นอนนฺตเร นสมนนฺตเร นอุปนิสฺสเย นปุเรชาเต นปจฺฉาชาเต
นอาเสวเน นกมฺเม นวิปาเก นอาหาเร นอินฺทฺริเย นฌาเน นมคฺเค
นวิปฺปยุตฺเต โนนตฺถิยา โนวิคเต สพฺพตฺถ ทส ฯ
อนุโลมปจฺจนียํ อนุมชฺชนฺเตน คเณตพฺพํ ฯ
อนุโลมปจฺจนียํ ฯ
[๕๗๖] นเหตุปจฺจยา อารมฺมเณ โสฬส ... อธิปติยา อนนฺตเร
สมนนฺตเร โสฬส สหชาเต ทส อญฺญมญฺเญ ทส นิสฺสเย ทส
อุปนิสฺสเย โสฬส อาเสวเน ทส กมฺเม โสฬส วิปาเก ทส อาหาเร
ทส อินฺทฺริเย ทส ฌาเน ทส มคฺเค ทส สมฺปยุตฺเต ทส อตฺถิยา
ทส นตฺถิยา โสฬส วิคเต โสฬส อวิคเต ทส ฯ
ปจฺจนียานุโลมํ อนุมชฺชนฺเตน คเณตพฺพํ ฯ
ปจฺจนียานุโลมํ ฯ
ปีติตฺติกํ สตฺตมํ
นิฏฺฐิตํ ฯ
--------
ทสฺสนตฺติกํ
ปฏิจฺจวาโร
[๕๗๗] ทสฺสเนนปหาตพฺพํ ธมฺมํ ปฏิจฺจ ทสฺสเนนปหาตพฺโพ
ธมฺโม อุปฺปชฺชติ เหตุปจฺจยา ทสฺสเนนปหาตพฺพํ เอกํ ขนฺธํ
ปฏิจฺจ ตโย ขนฺธา เทฺว ขนฺเธ ปฏิจฺจ เทฺว ขนฺธา ฯ ทสฺสเนนปหาตพฺพํ
ธมฺมํ ปฏิจฺจ เนวทสฺสเนนนภาวนายปหาตพฺโพ ธมฺโม อุปฺปชฺชติ
เหตุปจฺจยา ทสฺสเนนปหาตพฺเพ ขนฺเธ ปฏิจฺจ จิตฺตสมุฏฺฐานํ
รูปํ ฯ ทสฺสเนนปหาตพฺพํ ธมฺมํ ปฏิจฺจ ทสฺสเนนปหาตพฺโพ
จ เนวทสฺสเนนนภาวนายปหาตพฺโพ จ ธมฺมา อุปฺปชฺชนฺติ
เหตุปจฺจยา ทสฺสเนนปหาตพฺพํ เอกํ ขนฺธํ ปฏิจฺจ ตโย ขนฺธา
จิตฺตสมุฏฺฐานญฺจ รูปํ เทฺว ขนฺเธ ปฏิจฺจ เทฺว ขนฺธา จิตฺตสมุฏฺฐานญฺจ
รูปํ ฯ
[๕๗๘] ภาวนายปหาตพฺพํ ธมฺมํ ปฏิจฺจ ภาวนายปหาตพฺโพ
ธมฺโม อุปฺปชฺชติ เหตุปจฺจยา ภาวนายปหาตพฺพํ เอกํ ขนฺธํ
ปฏิจฺจ ตโย ขนฺธา เทฺว ขนฺเธ ปฏิจฺจ เทฺว ขนฺธา ฯ ภาวนายปหาตพฺพํ
ธมฺมํ ปฏิจฺจ เนวทสฺสเนนนภาวนายปหาตพฺโพ ธมฺโม อุปฺปชฺชติ
เหตุปจฺจยา ภาวนายปหาตพฺเพ ขนฺเธ ปฏิจฺจ จิตฺตสมุฏฺฐานํ
รูปํ ฯ ภาวนายปหาตพฺพํ ธมฺมํ ปฏิจฺจ ภาวนายปหาตพฺโพ
จ เนวทสฺสเนนนภาวนายปหาตพฺโพ จ ธมฺมา
อุปปชฺชนฺติ เหตุปจฺจยา ภาวนายปหาตพฺพํ เอกํ ขนฺธํ ปฏิจฺจ
ตโย ขนฺธา จิตฺตสมุฏฺฐานญฺจ รูปํ เทฺว ขนฺเธ ปฏิจฺจ เทฺว ขนฺธา
จิตฺตสมุฏฺฐานญฺจ รูปํ ฯ
[๕๗๙] เนวทสฺสเนนนภาวนายปหาตพฺพํ ธมฺมํ ปฏิจฺจ
เนวทสฺสเนนนภาวนายปหาตพฺโพ ธมฺโม อุปฺปชฺชติ เหตุปจฺจยา
เนวทสฺสเนนนภาวนายปหาตพฺพํ เอกํ ขนฺธํ ปฏิจฺจ ตโย ขนฺธา
จิตฺตสมุฏฺฐานญฺจ รูปํ เทฺว ขนฺเธ ปฏิจฺจ เทฺว ขนฺธา จิตฺตสมุฏฺฐานญฺจ
รูปํ ปฏิสนฺธิกฺขเณ เนวทสฺสเนนนภาวนายปหาตพฺพํ เอกํ
ขนฺธํ ปฏิจฺจ ตโย ขนฺธา กฏตฺตา จ รูปํ เทฺว ขนฺเธ ปฏิจฺจ เทฺว
ขนฺธา กฏตฺตา จ รูปํ ขนฺเธ ปฏิจฺจ วตฺถุ วตฺถุํ ปฏิจฺจ ขนฺธา
เอกํ มหาภูตํ ปฏิจฺจ ตโย มหาภูตา เทฺว มหาภูเต ปฏิจฺจ เทฺว
มหาภูตา มหาภูเต ปฏิจฺจ จิตฺตสมุฏฺฐานํ รูปํ กฏตฺตารูปํ
อุปาทารูปํ ฯ
[๕๘๐] ทสฺสเนนปหาตพฺพญฺจ เนวทสฺสเนนนภาวนาย-
ปหาตพฺพญฺจ ธมฺมํ ปฏิจฺจ เนวทสฺสเนนนภาวนายปหาตพฺโพ
ธมฺโม อุปฺปชฺชติ เหตุปจฺจยา ทสฺสเนนปหาตพฺเพ ขนฺเธ จ มหาภูเต
จ ปฏิจฺจ จิตฺตสมุฏฺฐานํ รูปํ ฯ
[๕๘๑] ภาวนายปหาตพฺพญฺจ เนวทสฺสเนนนภาวนายปหาตพฺพญฺจ
ธมฺมํ ปฏิจฺจ เนวทสฺสเนนนภาวนายปหาตพฺโพ ธมฺโม
อุปฺปชฺชติ เหตุปจฺจยา ภาวนายปหาตพฺเพ ขนฺเธ จ มหาภูเต จ
ปฏิจฺจ จิตฺตสมุฏฺฐานํ รูปํ ฯ
[๕๘๒] ทสฺสเนนปหาตพฺพํ ธมฺมํ ปฏิจฺจ ทสฺสเนนปหาตพฺโพ
ธมฺโม อุปฺปชฺชติ อารมฺมณปจฺจยา ทสฺสเสนปหาตพฺพํ เอกํ ขนฺธํ
ปฏิจฺจ ตโย ขนฺธา เทฺว ขนฺเธ ปฏิจฺจ เทฺว ขนฺธา ฯ
[๕๘๓] ภาวนายปหาตพฺพํ ธมฺมํ ปฏิจฺจ ภาวนายปหาตพฺโพ
ธมฺโม อุปฺปชฺชติ อารมฺมณปจฺจยา ภาวนายปหาตพฺพํ เอกํ
ขนฺธํ ปฏิจฺจ ตโย ขนฺธา เทฺว ขนฺเธ ปฏิจฺจ เทฺว ขนฺธา ฯ
[๕๘๔] เนวทสฺสเนนนภาวนายปหาตพฺพํ ธมฺมํ ปฏิจฺจ เนวทสฺสเนน-
นภาวนายปหาตพฺโพ ธมฺโม อุปฺปชฺชติ อารมฺมณปจฺจยา
เนวทสฺสเนนนภาวนายปหาตพฺพํ เอกํ ขนฺธํ ปฏิจฺจ ตโย ขนฺธา
เทฺว ขนฺเธ ปฏิจฺจ เทฺว ขนฺธา ปฏิสนฺธิกฺขเณ เนวทสฺสเนน-
นภาวนายปหาตพฺพํ เอกํ ขนฺธํ ปฏิจฺจ ตโย ขนฺธา เทฺว ขนฺเธ
ปฏิจฺจ เทฺว ขนฺธา วตฺถุํ ปฏิจฺจ ขนฺธา ฯ
[๕๘๕] ทสฺสเนนปหาตพฺพํ ธมฺมํ ปฏิจฺจ ทสฺสเนนปหาตพฺโพ
ธมฺโม อุปฺปชฺชติ อธิปติปจฺจยา ตีณิ ฯ ภาวนายปหาตพฺพํ ธมฺมํ
ปฏิจฺจ ภาวนายปหาตพฺโพ ธมฺโม อุปฺปชฺชติ อธิปติปจฺจยา ตีณิ ฯ
เนวทสฺสเนนนภาวนายปหาตพฺพํ ธมฺมํ ปฏิจฺจ เนวทสฺสเนน-
นภาวนายปหาตพฺโพ ธมฺโม อุปฺปชฺชติ อธิปติปจฺจยา เนวทสฺสเนน-
นภาวนายปหาตพฺพํ เอกํ ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ
รูปํ เทฺว ขนฺเธ ปฏิจฺจ เทฺว ขนฺธา จิตฺตสมุฏฺฐานญฺจ
รูปํ เอกํ มหาภูตํ ปฏิจฺจ ตโย มหาภูตา เทฺว มหาภูเต ปฏิจฺจ เทฺว
มหาภูตา มหาภูเต ปฏิจฺจ จิตฺตสมุฏฺฐานํ รูปํ อุปาทารูปํ ฯ
ทสฺสเนนปหาตพฺพญฺจ เนวทสฺสเนนนภาวนายปหาตพฺพญฺจ
ธมฺมํ ปฏิจฺจ เนวทสฺสเนนนภาวนายปหาตพฺโพ ธมฺโม อุปฺปชฺชติ
อธิปติปจฺจยา ทสฺสเนนปหาตพฺเพ ขนฺเธ จ มหาภูเต จ ปฏิจฺจ
จิตฺตสมุฏฺฐานํ รูปํ ฯ ภาวนายปหาตพฺพญฺจ เนวทสฺสเนน-
นภาวนายปหาตพฺพญฺจ ธมฺมํ ปฏิจฺจ เนวทสฺสเนนนภาวนาย-
ปหาตพฺโพ ธมฺโม อุปฺปชฺชติ อธิปติปจฺจยา ภาวนายปหาตพฺเพ
ขนฺเธ จ มหาภูเต จ ปฏิจฺจ จิตฺตสมุฏฺฐานํ รูปํ ฯ
[๕๘๖] ทสฺสเนนปหาตพฺพํ ธมฺมํ ปฏิจฺจ ทสฺสเนนปหาตพฺโพ
ธมฺโม อุปฺปชฺชติ อนนฺตรปจฺจยา สมนนฺตรปจฺจยา ฯ อารมฺมณสทิสํ ฯ
[๕๘๗] ทสฺสเนนปหาตพฺพํ ธมฺมํ ปฏิจฺจ ทสฺสเนนปหาตพฺโพ
ธมฺโม อุปฺปชฺชติ สหชาตปจฺจยา ตีณิ ฯ ภาวนาย ... ตีณิ ฯ
เนวทสฺสเนน ฯ เปยฺยาโล ฯ เอกํ มหาภูตํ ปฏิจฺจ ... พาหิรํ ...
อาหารสมุฏฺฐานํ ... อุตุสมุฏฺฐานํ ... อสญฺญสตฺตานํ เอกํ มหาภูตํ ... ฯ
ทสฺสเนนปหาตพฺพญฺจ เนวทสฺสเนนนภาวนายปหาตพฺพญฺจ ธมฺมํ
ปฏิจฺจ เนวทสฺสเนนนภาวนายปหาตพฺโพ ธมฺโม อุปฺปชฺชติ
สหชาตปจฺจยา ทสฺสเนนปหาตพฺเพ ขนฺเธ จ มหาภูเต จ ปฏิจฺจ
จิตฺตสมุฏฺฐานํ รูปํ ฯ ภาวนายปหาตพฺพญฺจ เนวทสฺสเนนนภาวนายปหาตพฺพญฺจ
ธมฺมํ ปฏิจฺจ เนวทสฺสเนนนภาวนายปหาตพฺโพ
ธมฺโม อุปฺปชฺชติ สหชาตปจฺจยา ภาวนายปหาตพฺเพ
ขนฺเธ จ มหาภูเต จ ปฏิจฺจ จิตฺตสมุฏฺฐานํ รูปํ ฯ
[๕๘๘] ทสฺสเนนปหาตพฺพํ ธมฺมํ ปฏิจฺจ ทสฺสเนนปหาตพฺโพ
ธมฺโม อุปฺปชฺชติ อญฺญมญฺญปจฺจยา เอกํ ฯ ภาวนายปหาตพฺพํ ...
เอกํ ฯ เนวทสฺสเนนนภาวนายปหาตพฺพํ ธมฺมํ ปฏิจฺจ
เนวทสฺสเนนนภาวนายปหาตพฺโพ ธมฺโม อุปฺปชฺชติ อญฺญมญฺญปจฺจยา
เนวทสฺสเนนนภาวนายปหาตพฺพํ เอกํ ขนฺธํ ปฏิจฺจ
ตโย ขนฺธา เทฺว ขนฺเธ ปฏิจฺจ เทฺว ขนฺธา ปฏิสนฺธิกฺขเณ
เนวทสฺสเนนนภาวนายปหาตพฺพํ เอกํ ขนฺธํ ปฏิจฺจ ตโย ขนฺธา
เทฺว ขนฺเธ ปฏิจฺจ เทฺว ขนฺธา ขนฺเธ ปฏิจฺจ วตฺถุ วตฺถุํ ปฏิจฺจ
ขนฺธา เอกํ มหาภูตํ ปฏิจฺจ ตโย มหาภูตา เทฺว มหาภูเต ปฏิจฺจ
เทฺว มหาภูตา พาหิรํ ... อาหารสมุฏฺฐานํ ... อุตุสมุฏฺฐานํ ...
อสญฺญสตฺตานํ ... เทฺว มหาภูเต ปฏิจฺจ เทฺว มหาภูตา ฯ
[๕๘๙] ทสฺสเนนปหาตพฺพํ ธมฺมํ ปฏิจฺจ ทสฺสเนนปหาตพฺโพ
ธมฺโม อุปฺปชฺชติ นิสฺสยปจฺจยา ฯ เหตุปจฺจยสทิสํ ฯ อุปนิสฺสยปจฺจยา
ตีณิ ฯ ปุเรชาตปจฺจยา ตีณิ ฯ ปฏิสนฺธิ นตฺถิ ฯ อาเสวนปจฺจยา
วิปากปฏิสนฺธิ นตฺถิ ฯ กมฺมปจฺจยา ปริปุณฺณํ อชฺฌตฺติกา จ
อสญฺญสตฺตานญฺจ มหาภูตา ฯ
[๕๙๐] เนวทสฺสเนนนภาวนายปหาตพฺพํ ธมฺมํ ปฏิจฺจ
เนวทสฺสเนนนภาวนายปหาตพฺโพ ธมฺโม อุปฺปชฺชติ วิปากปจฺจยา
วิปากํ เอกํ ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ รูปํ
ปฏิสนฺธิกฺขเณ ขนฺเธ ปฏิจฺจ วตฺถุ วตฺถุํ ปฏิจฺจ ขนฺธา เอกํ
มหาภูตํ ... มหาภูเต ปฏิจฺจ จิตฺตสมุฏฺฐานํ รูปํ กฏตฺตารูปํ
อุปาทารูปํ ฯ
[๕๙๑] ทสฺสเนนปหาตพฺพํ ธมฺมํ ปฏิจฺจ ทสฺสเนนปหาตพฺโพ
ธมฺโม อุปฺปชฺชติ อาหารปจฺจยา ฯ ปริปุณฺณํ อชฺฌตฺติกา มหาภูตา
จ อาหารสมุฏฺฐานญฺจ ฯ อินฺทฺริยปจฺจยา กมฺมปจฺจยสทิสํ ฯ
ฌานปจฺจยา มคฺคปจฺจยา เหตุปจฺจยสทิสํ ฯ สมฺปยุตฺตปจฺจยา
อารมฺมณปจฺจยสทิสํ ฯ วิปฺปยุตฺตปจฺจยา กุสลตฺติเก วิปฺปยุตฺต-
ปจฺจยสทิสํ ฯ อตฺถิปจฺจยา สหชาตปจฺจยสทิสํ ฯ นตฺถิปจฺจยา
ฯเปฯ วิคตปจฺจยา อวิคตปจฺจยา ฯ
[๕๙๒] เหตุยา นว อารมฺมเณ ตีณิ อธิปติยา นว อนนฺตเร
ตีณิ สมนนฺตเร ตีณิ สหชาเต นว อญฺญมญฺเญ ตีณิ นิสฺสเย
นว อุปนิสฺสเย ตีณิ ปุเรชาเต ตีณิ อาเสวเน ตีณิ กมฺเม นว
วิปาเก เอกํ อาหาเร นว อินฺทฺริเย นว ฌาเน นว มคฺเค นว
สมฺปยุตฺเต ตีณิ วิปฺปยุตฺเต นว อตฺถิยา นว นตฺถิยา ตีณิ วิคเต
ตีณิ อวิคเต นว ฯ
อิมานิ ปทานิ อนุมชฺชนฺเตน อนุโลมํ คเณตพฺพํ ฯ
อนุโลมํ ฯ
[๕๙๓] ทสฺสเนนปหาตพฺพํ ธมฺมํ ปฏิจฺจ ทสฺสเนนปหาตพฺโพ
ธมฺโม อุปฺปชฺชติ นเหตุปจฺจยา วิจิกิจฺฉาสหคเต ขนฺเธ ปฏิจฺจ
วิจิกิจฺฉาสหคโต โมโห ฯ
[๕๙๔] ภาวนายปหาตพฺพํ ธมฺมํ ปฏิจฺจ ภาวนายปหาตพฺโพ
ธมฺโม อุปฺปชฺชติ นเหตุปจฺจยา อุทฺธจฺจสหคเต ขนฺเธ ปฏิจฺจ
อุทฺธจฺจสหคโต โมโห ฯ
[๕๙๕] เนวทสฺสเนนนภาวนายปหาตพฺพํ ธมฺมํ ปฏิจฺจ
เนวทสฺสเนนนภาวนายปหาตพฺโพ ธมฺโม อุปฺปชฺชติ นเหตุปจฺจยา
อเหตุกํ เนวทสฺสเนนนภาวนายปหาตพฺพํ เอกํ ขนฺธํ ปฏิจฺจ ตโย
ขนฺธา จิตฺตสมุฏฺฐานญฺจ รูปํ เทฺว ขนฺเธ ปฏิจฺจ อเหตุกํ
ปฏิสนฺธิกฺขเณ เนวทสฺสเนนนภาวนายปหาตพฺพํ เอกํ ขนฺธํ ปฏิจฺจ
ตโย ขนฺธา กฏตฺตา จ รูปํ เทฺว ขนฺเธ ปฏิจฺจ เทฺว ขนฺธา ขนฺเธ
ปฏิจฺจ วตฺถุ วตฺถุํ ปฏิจฺจ ขนฺธา เอกํ มหาภูตํ ปฏิจฺจ ตโย มหาภูตา
มหาภูเต ปฏิจฺจ จิตฺตสมุฏฺฐานํ รูปํ กฏตฺตารูปํ อุปาทารูปํ พาหิรํ
... อาหารสมุฏฺฐานํ ... อุตุสมุฏฺฐานํ ... อสญฺญสตฺตานํ เอกํ
มหาภูตํ ปฏิจฺจ ตโย มหาภูตา มหาภูเต ปฏิจฺจ กฏตฺตารูปํ
อุปาทารูปํ ฯ
[๕๙๖] ทสฺสเนนปหาตพฺพํ ธมฺมํ ปฏิจฺจ เนวทสฺสเนนนภาวนาย-
ปหาตพฺโพ ธมฺโม อุปฺปชฺชติ นอารมฺมณปจฺจยา ทสฺสเนนปหาตพฺเพ
ขนฺเธ ปฏิจฺจ จิตฺตสมุฏฺฐานํ รูปํ ฯ
[๕๙๗] ภาวนายปหาตพฺพํ ธมฺมํ ปฏิจฺจ เนวทสฺสเนนนภาวนาย-
ปหาตพฺโพ ธมฺโม อุปฺปชฺชติ นอารมฺมณปจฺจยา ภาวนายปหาตพฺเพ
ขนฺเธ ปฏิจฺจ จิตฺตสมุฏฺฐานํ รูปํ ฯ
[๕๙๘] เนวทสฺสเนนนภาวนายปหาตพฺพํ ธมฺมํ ปฏิจฺจ เนวทสฺสเนน-
นภาวนายปหาตพฺโพ ธมฺโม อุปฺปชฺชติ นอารมฺมณปจฺจยา
เนวทสฺสเนนนภาวนายปหาตพฺเพ ขนฺเธ ปฏิจฺจ จิตฺตสมุฏฺฐานํ
รูปํ ปฏิสนฺธิกฺขเณ เนวทสฺสเนนนภาวนายปหาตพฺเพ
ขนฺเธ ปฏิจฺจ กฏตฺตารูปํ ขนฺเธ ปฏิจฺจ วตฺถุ ... เอกํ มหาภูตํ ...
พาหิรํ ... อาหารสมุฏฺฐานํ ... อุตุสมุฏฺฐานํ ... อสญฺญสตฺตานํ เอกํ
มหาภูตํ ... ฯ
[๕๙๙] ทสฺสเนนปหาตพฺพญฺจ เนวทสฺสเนนนภาวนายปหาตพฺพญฺจ
ธมฺมํ ปฏิจฺจ เนวทสฺสเนนนภาวนายปหาตพฺโพ ธมฺโม อุปฺปชฺชติ
นอารมฺมณปจฺจยา ทสฺสเนนปหาตพฺเพ ขนฺเธ จ มหาภูเต จ ปฏิจฺจ
จิตฺตสมุฏฺฐานํ รูปํ ฯ
[๖๐๐] ภาวนายปหาตพฺพญฺจ เนวทสฺสเนนนภาวนายปหาตพฺพญฺจ
ธมฺมํ ปฏิจฺจ เนวทสฺสเนนนภาวนายปหาตพฺโพ ธมฺโม อุปฺปชฺชติ
นอารมฺมณปจฺจยา ภาวนายปหาตพฺเพ ขนฺเธ จ มหาภูเต จ ปฏิจฺจ
จิตฺตสมุฏฺฐานํ รูปํ ฯ
[๖๐๑] ทสฺสเนนปหาตพฺพํ ธมฺมํ ปฏิจฺจ ทสฺสเนนปหาตพฺโพ
ธมฺโม อุปฺปชฺชติ นอธิปติปจฺจยา ฯ ปริปุณฺณํ เหตุปจฺจยสทิสํ ฯ
นอนนฺตรปจฺจยา นสมนนฺตรปจฺจยา นอญฺญมญฺญปจฺจยา
นอุปนิสฺสยปจฺจยา ... ฯ
[๖๐๒] ... นปุเรชาตปจฺจยา อรูเป ทสฺสเนนปหาตพฺพํ เอกํ
ขนฺธํ ปฏิจฺจ ตโย ขนฺธา ฯ ทสฺสเนนปหาตพฺพํ ธมฺมํ ปฏิจฺจ
เนวทสฺสเนนนภาวนายปหาตพฺโพ ธมฺโม อุปฺปชฺชติ นปุเรชาตปจฺจยา
ทสฺสเนนปหาตพฺเพ ขนฺเธ ปฏิจฺจ จิตฺตสมุฏฺฐานํ รูปํ ฯ
ภาวนายปหาตพฺพํ ธมฺมํ ปฏิจฺจ ภาวนายปหาตพฺโพ ธมฺโม ฯเปฯ
อรูเป ภาวนายปหาตพฺพํ เอกํ ขนฺธํ ปฏิจฺจ ตโย ขนฺธา เทฺว
ขนฺเธ ปฏิจฺจ เทฺว ขนฺธา ฯ ภาวนายปหาตพฺพํ ธมฺมํ ปฏิจฺจ
เนวทสฺสเนนนภาวนายปหาตพฺโพ ธมฺโม ฯเปฯ ภาวนายปหาตพฺเพ
ขนฺเธ ปฏิจฺจ จิตฺตสมุฏฺฐานํ รูปํ ฯ
{๖๐๒.๑} เนวทสฺสเนนนภาวนายปหาตพฺพํ ธมฺมํ ปฏิจฺจ
เนวทสฺสเนนนภาวนายปหาตพฺโพ ธมฺโม อุปฺปชฺชติ นปุเรชาตปจฺจยา
อรูเป เนวทสฺสเนนนภาวนายปหาตพฺพํ เอกํ ขนฺธํ ปฏิจฺจ ตโย
ขนฺธา เทฺว ขนฺเธ ปฏิจฺจ เทฺว ขนฺธา เนวทสฺสเนนนภาวนายปหาตพฺเพ
ขนฺเธ ปฏิจฺจ จิตฺตสมุฏฺฐานํ รูปํ ปฏิสนฺธิกฺขเณ เนวทสฺสเนน-
นภาวนายปหาตพฺพํ เอกํ ขนฺธํ ปฏิจฺจ ตโย ขนฺธา กฏตฺตา จ
รูปํ เทฺว ขนฺเธ ปฏิจฺจ เทฺว ขนฺธา กฏตฺตา จ รูปํ ขนฺเธ ปฏิจฺจ วตฺถุ
วตฺถุํ ปฏิจฺจ ขนฺธา เอกํ มหาภูตํ ปฏิจฺจ ตโย ฯเปฯ พาหิรํ ...
อาหารสมุฏฺฐานํ ... อุตุสมุฏฺฐานํ ... อสญฺญสตฺตานํ เอกํ มหาภูตํ ... ฯ
{๖๐๒.๒} ทสฺสเนนปหาตพฺพญฺจ เนวทสฺสเนนนภาวนาย-
ปหาตพฺพญฺจ ธมฺมํ ปฏิจฺจ เนวทสฺสเนนนภาวนายปหาตพฺโพ ธมฺโม
ฯเปฯ ทสฺสเนนปหาตพฺเพ ขนฺเธ จ มหาภูเต จ ปฏิจฺจ จิตฺตสมุฏฺฐานํ
รูปํ ฯ ภาวนายปหาตพฺพญฺจ เนวทสฺสเนนนภาวนายปหาตพฺพญฺจ
ธมฺมํ ปฏิจฺจ เนวทสฺสเนนนภาวนายปหาตพฺโพ ธมฺโม อุปฺปชฺชติ
นปุเรชาตปจฺจยา ภาวนายปหาตพฺเพ ขนฺเธ จ มหาภูเต จ ปฏิจฺจ
จิตฺตสมุฏฺฐานํ รูปํ ฯ
[๖๐๓] ทสฺสเนนปหาตพฺพํ ธมฺมํ ปฏิจฺจ ทสฺสเนนปหาตพฺโพ
ธมฺโม อุปฺปชฺชติ นปจฺฉาชาตปจฺจยา นอาเสวนปจฺจยา นกมฺมปจฺจยา
ทสฺสเนนปหาตพฺเพ ขนฺเธ ปฏิจฺจ ทสฺสเนนปหาตพฺพา เจตนา ฯ
[๖๐๔] ภาวนายปหาตพฺพํ ธมฺมํ ปฏิจฺจ ภาวนายปหาตพฺโพ
ธมฺโม อุปฺปชฺชติ นกมฺมปจฺจยา ภาวนายปหาตพฺเพ ขนฺเธ ปฏิจฺจ
ภาวนายปหาตพฺพา เจตนา ฯ เนวทสฺสเนนนภาวนายปหาตพฺพํ
ธมฺมํ ปฏิจฺจ เนวทสฺสเนนนภาวนายปหาตพฺโพ ธมฺโม อุปฺปชฺชติ
นกมฺมปจฺจยา เนวทสฺสเนนนภาวนายปหาตพฺเพ ขนฺเธ ปฏิจฺจ
เนวทสฺสเนนนภาวนายปหาตพฺพา เจตนา พาหิรํ ... อาหารสมุฏฺฐานํ ...
อุตุสมุฏฺฐานํ ... อสญฺญสตฺตานํ เอกํ มหาภูตํ ... ฯ
[๖๐๕] ทสฺสเนนปหาตพฺพํ ธมฺมํ ปฏิจฺจ ทสฺสเนนปหาตพฺโพ
ธมฺโม อุปฺปชฺชติ นวิปากปจฺจยา ฯ นอธิปติปจฺจยสทิสํ ฯเปฯ
ปฏิสนฺธิ นตฺถิ ฯ
[๖๐๖] เนวทสฺสเนนนภาวนายปหาตพฺพํ ธมฺมํ ปฏิจฺจ เนวทสฺสเนน-
นภาวนายปหาตพฺโพ ธมฺโม อุปฺปชฺชติ นอาหารปจฺจยา พาหิรํ ...
อุตุสมุฏฺฐานํ ... อสญฺญสตฺตานํ เอกํ มหาภูตํ ... ฯ
[๖๐๗] เนวทสฺสเนนนภาวนายปหาตพฺพํ ธมฺมํ ฯเปฯ นอินฺทฺริยปจฺจยา
พาหิรํ ... อาหารสมุฏฺฐานํ ... อุตุสมุฏฺฐานํ เอกํ มหาภูตํ ... อสญฺญสตฺตานํ
มหาภูเต ปฏิจฺจ รูปชีวิตินฺทฺริยํ ฯ
[๖๐๘] เนวทสฺสเนนนภาวนายปหาตพฺพํ ธมฺมํ ฯเปฯ นฌานปจฺจยา
ปญฺจวิญฺญาณสหคตํ เอกํ ขนฺธํ ปฏิจฺจ ตโย ขนฺธา เทฺว ขนฺเธ ... พาหิรํ
... อาหารสมุฏฺฐานํ ... อุตุสมุฏฺฐานํ ... อสญฺญสตฺตานํ เอกํ มหาภูตํ ... ฯ
[๖๐๙] เนวทสฺสเนนนภาวนายปหาตพฺพํ ธมฺมํ ฯเปฯ นมคฺคปจฺจยา
อเหตุกํ เนวทสฺสเนนนภาวนายปหาตพฺพํ ... อเหตุกปฏิสนฺธิกฺขเณ
เอกํ มหาภูตํ ... พาหิรํ ... อาหารสมุฏฺฐานํ ... อุตุสมุฏฺฐานํ ... อสญฺญสตฺตานํ
เอกํ มหาภูตํ ... ฯ
[๖๑๐] ทสฺสเนนปหาตพฺพํ ธมฺมํ ปฏิจฺจ เนวทสฺสเนนนภาวนาย-
ปหาตพฺโพ ธมฺโม อุปฺปชฺชติ นสมฺปยุตฺตปจฺจยา ฯ นอารมฺมณสทิสํ ฯ
[๖๑๑] ทสฺสเนนปหาตพฺพํ ธมฺมํ ฯเปฯ นวิปฺปยุตฺตปจฺจยา
อรูเป ทสฺสเนนปหาตพฺพํ เอกํ ขนฺธํ ปฏิจฺจ ฯ ภาวนายปหาตพฺพํ
ธมฺมํ ฯเปฯ นวิปฺปยุตฺตปจฺจยา อรูเป ภาวนายปหาตพฺพํ เอกํ
ขนฺธํ ... ฯ เนวทสฺสเนนนภาวนายปหาตพฺพํ ธมฺมํ ... นวิปฺปยุตฺตปจฺจยา
อรูเป เนวทสฺสเนนนภาวนายปหาตพฺพํ เอกํ ขนฺธํ ปฏิจฺจ พาหิรํ ...
อาหารสมุฏฺฐานํ ... อุตุสมุฏฺฐานํ ... อสญฺญสตฺตานํ ... ฯ
[๖๑๒] ทสฺสเนนปหาตพฺพํ ธมฺมํ ปฏิจฺจ เนวทสฺสเนนนภาวนาย ...
โนนตฺถิปจฺจยา โนวิคตปจฺจยา ฯ นอารมฺมณสทิสํ ฯ
[๖๑๓] นเหตุยา ตีณิ นอารมฺมเณ ปญฺจ นอธิปติยา นว
นอนนฺตเร ปญฺจ นสมนนฺตเร ปญฺจ นอญฺญมญฺเญ ปญฺจ
นอุปนิสฺสเย ปญฺจ นปุเรชาเต สตฺต นปจฺฉาชาเต นว
นอาเสวเน นว นกมฺเม ตีณิ นวิปาเก นว นอาหาเร เอกํ
นอินฺทฺริเย เอกํ นฌาเน เอกํ นมคฺเค เอกํ นสมฺปยุตฺเต
ปญฺจ นวิปฺปยุตฺเต ตีณิ โนนตฺถิยา ปญฺจ โนวิคเต ปญฺจ ฯ
ญตฺวา คเณตพฺพํ ฯ
ปจฺจนียํ ฯ
[๖๑๔] เหตุปจฺจยา นอารมฺมเณ ปญฺจ ... นอธิปติยา นว นอนนฺตเร
ปญฺจ นสมนนฺตเร ปญฺจ นอญฺญมญฺเญ ปญฺจ นอุปนิสฺสเย
ปญฺจ นปุเรชาเต สตฺต นปจฺฉาชาเต นว นอาเสวเน นว นกมฺเม
ตีณิ นวิปาเก นว นสมฺปยุตฺเต ปญฺจ นวิปฺปยุตฺเต ตีณิ โนนตฺถิยา
ปญฺจ โนวิคเต ปญฺจ ฯ
เอวํ อนุมชฺชนฺเตน คเณตพฺพํ ฯ
อนุโลมปจฺจนียํ ฯ
[๖๑๕] นเหตุปจฺจยา อารมฺมเณ ตีณิ ... อนนฺตเร ตีณิ สมนนฺตเร
ตีณิ สหชาเต ตีณิ อญฺญมญฺเญ ตีณิ นิสฺสเย ตีณิ อุปนิสฺสเย ตีณิ
ปุเรชาเต ตีณิ อาเสวเน ตีณิ กมฺเม ตีณิ วิปาเก เอกํ อาหาเร ตีณิ
อินฺทฺริเย ตีณิ ฌาเน ตีณิ มคฺเค เทฺว สมฺปยุตฺเต ตีณิ วิปฺปยุตฺเต
ตีณิ อตฺถิยา ตีณิ นตฺถิยา ตีณิ วิคเต ตีณิ อวิคเต ตีณิ ฯ
เอวํ อนุมชฺชนฺเตน คเณตพฺพํ ฯ
ปจฺจนียานุโลมํ ฯ
ปฏิจฺจวาโร นิฏฺฐิโต ฯ
สหชาตวาโร
[๖๑๖] ทสฺสเนนปหาตพฺพํ ธมฺมํ สหชาโต ทสฺสเนนปหาตพฺโพ
ธมฺโม อุปฺปชฺชติ เหตุปจฺจยา ทสฺสเนนปหาตพฺพํ เอกํ ขนฺธํ
สหชาตา ตโย ขนฺธา เทฺว ขนฺเธ สหชาตา ฯเปฯ
สหชาตวาโร ปฏิจฺจวารสทิโส ฯ
ปจฺจยวาโร
[๖๑๗] ทสฺสเนนปหาตพฺพํ ธมฺมํ ปจฺจยา ทสฺสเนนปหาตพฺโพ
ธมฺโม อุปฺปชฺชติ เหตุปจฺจยา ตีณิ ฯ ภาวนายปหาตพฺพํ ธมฺมํ
ปจฺจยา ภาวนาย ... ตีณิ ฯ
[๖๑๘] เนวทสฺสเนนนภาวนายปหาตพฺพํ ธมฺมํ ปจฺจยา เนวทสฺสเนน-
นภาวนายปหาตพฺโพ ธมฺโม อุปฺปชฺชติ เหตุปจฺจยา เนวทสฺสเนน-
นภาวนายปหาตพฺพํ เอกํ ขนฺธํ ปจฺจยา ตโย ขนฺธา จิตฺตสมุฏฺฐานญฺจ
รูปํ เทฺว ขนฺเธ ... ปฏิสนฺธิกฺขเณ เนวทสฺสเนนนภาวนายปหาตพฺพํ
เอกํ ขนฺธํ ปจฺจยา ตโย ขนฺธา กฏตฺตา จ รูปํ เทฺว ขนฺเธ ปจฺจยา เทฺว
ขนฺธา ขนฺเธ ปจฺจยา วตฺถุ วตฺถุํ ปจฺจยา ขนฺธา เอกํ มหาภูตํ ปจฺจยา
ตโย มหาภูตา มหาภูเต ปจฺจยา จิตฺตสมุฏฺฐานํ รูปํ กฏตฺตารูปํ
อุปาทารูปํ วตฺถุํ ปจฺจยา เนวทสฺสเนนนภาวนายปหาตพฺพา ขนฺธา ฯ
{๖๑๘.๑} เนวทสฺสเนนนภาวนายปหาตพฺพํ ธมฺมํ ปจฺจยา
ทสฺสเนนปหาตพฺโพ ธมฺโม อุปฺปชฺชติ เหตุปจฺจยา วตฺถุํ ปจฺจยา
ทสฺสเนนปหาตพฺพา ขนฺธา ฯ เนวทสฺสเนนนภาวนายปหาตพฺพํ
ธมฺมํ ปจฺจยา ภาวนายปหาตพฺโพ ธมฺโม อุปฺปชฺชติ เหตุปจฺจยา
วตฺถุํ ปจฺจยา ภาวนายปหาตพฺพา ขนฺธา ฯ
{๖๑๘.๒} เนวทสฺสเนนนภาวนายปหาตพฺพํ ธมฺมํ ปจฺจยา
ทสฺสเนนปหาตพฺโพ จ เนวทสฺสเนนนภาวนายปหาตพฺโพ จ ธมฺมา
อุปฺปชฺชนฺติ เหตุปจฺจยา วตฺถุํ ปจฺจยา ทสฺสเนนปหาตพฺพา ขนฺธา
มหาภูเต ปจฺจยา จิตฺตสมุฏฺฐานํ รูปํ เนวทสฺสเนนนภาวนายปหาตพฺพํ
ธมฺมํ ปจฺจยา ภาวนายปหาตพฺโพ จ เนวทสฺสเนนนภาวนายปหาตพฺโพ
จ ธมฺมา อุปฺปชฺชนฺติ เหตุปจฺจยา วตฺถุํ ปจฺจยา ภาวนายปหาตพฺพา
ขนฺธา มหาภูเต ปจฺจยา จิตฺตสมุฏฺฐานํ รูปํ ฯ
[๖๑๙] ทสฺสเนนปหาตพฺพญฺจ เนวทสฺสเนนนภาวนายปหาตพฺพญฺจ
ธมฺมํ ปจฺจยา ทสฺสเนนปหาตพฺโพ ธมฺโม อุปฺปชฺชติ เหตุปจฺจยา
ทสฺสเนนปหาตพฺพํ เอกํ ขนฺธญฺจ วตฺถุญฺจ ปจฺจยา ตโย ขนฺธา เทฺว
ขนฺเธ จ วตฺถุญฺจ ปจฺจยา เทฺว ขนฺธา ฯ ทสฺสเนนปหาตพฺพญฺจ
เนวทสฺสเนนนภาวนายปหาตพฺพญฺจ ธมฺมํ ปจฺจยา
เนวทสฺสเนนนภาวนายปหาตพฺโพ ธมฺโม อุปฺปชฺชติ เหตุปจฺจยา
ทสฺสเนนปหาตพฺเพ ขนฺเธ จ มหาภูเต จ ปจฺจยา จิตฺตสมุฏฺฐานํ
รูปํ ฯ ทสฺสเนนปหาตพฺพญฺจ เนวทสฺสเนนนภาวนายปหาตพฺพญฺจ
ธมฺมํ ปจฺจยา ทสฺสเนนปหาตพฺโพ จ เนวทสฺสเนนนภาวนายปหาตพฺโพ
จ ธมฺมา อุปฺปชฺชนฺติ เหตุปจฺจยา ทสฺสเนนปหาตพฺพํ เอกํ
ขนฺธญฺจ วตฺถุญฺจ ปจฺจยา ตโย ขนฺธา เทฺว ขนฺเธ จ วตฺถุญฺจ
ปจฺจยา เทฺว ขนฺธา ทสฺสเนนปหาตพฺเพ ขนฺเธ จ มหาภูเต จ
ปจฺจยา จิตฺตสมุฏฺฐานํ รูปํ ฯ
[๖๒๐] ภาวนายปหาตพฺพญฺจ เนวทสฺสเนนนภาวนายปหาตพฺพญฺจ
ธมฺมํ ปจฺจยา ภาวนายปหาตพฺโพ ธมฺโม อุปฺปชฺชติ เหตุปจฺจยา
ภาวนายปหาตพฺพํ เอกํ ขนฺธญฺจ วตฺถุญฺจ ปจฺจยา ตโย ขนฺธา เทฺว
ขนฺเธ จ วตฺถุญฺจ ... ฯ ภาวนายปหาตพฺพญฺจ เนวทสฺสเนนนภาวนาย-
ปหาตพฺพญฺจ ธมฺมํ ปจฺจยา เนวทสฺสเนนนภาวนายปหาตพฺโพ ธมฺโม
อุปฺปชฺชติ เหตุปจฺจยา ภาวนายปหาตพฺเพ ขนฺเธ จ มหาภูเต จ ปจฺจยา
จิตฺตสมุฏฺฐานํ รูปํ ฯ
{๖๒๐.๑} ภาวนายปหาตพฺพญฺจ เนวทสฺสเนนนภาวนายปหาตพฺพญฺจ
ธมฺมํ ปจฺจยา ภาวนายปหาตพฺโพ จ เนวทสฺสเนนนภาวนายปหาตพฺโพ จ ธมฺมา
อุปฺปชฺชนฺติ เหตุปจฺจยา ภาวนายปหาตพฺพํ เอกํ ขนฺธญฺจ วตฺถุญฺจ
ปจฺจยา ตโย ขนฺธา เทฺว ขนฺเธ จ วตฺถุญฺจ ... ภาวนายปหาตพฺเพ
ขนฺเธ จ มหาภูเต จ ปจฺจยา จิตฺตสมุฏฺฐานํ รูปํ ฯ
[๖๒๑] ทสฺสเนนปหาตพฺพํ ธมฺมํ ปจฺจยา ทสฺสเนนปหาตพฺโพ
ธมฺโม อุปฺปชฺชติ อารมฺมณปจฺจยา ทสฺสเนนปหาตพฺพํ เอกํ ขนฺธํ
ปจฺจยา ตโย ขนฺธา เทฺว ขนฺเธ ... ฯ
[๖๒๒] ภาวนายปหาตพฺพํ ธมฺมํ ปจฺจยา ภาวนายปหาตพฺโพ
ธมฺโม อุปฺปชฺชติ อารมฺมณปจฺจยา ภาวนายปหาตพฺพํ เอกํ ขนฺธํ
ปจฺจยา ตโย ขนฺธา ฯ
[๖๒๓] เนวทสฺสเนนนภาวนายปหาตพฺพํ ธมฺมํ ปจฺจยา
เนวทสฺสเนนนภาวนายปหาตพฺโพ ธมฺโม อุปฺปชฺชติ อารมฺมณปจฺจยา
เนวทสฺสเนนนภาวนายปหาตพฺพํ เอกํ ขนฺธํ ปจฺจยา ตโย ขนฺธา
เทฺว ขนฺเธ ... ปฏิสนฺธิกฺขเณ เนวทสฺสเนนนภาวนายปหาตพฺพํ
เอกํ ขนฺธํ ปจฺจยา ตโย ขนฺธา เทฺว ขนฺเธ ... วตฺถุํ ปจฺจยา
ขนฺธา จกฺขายตนํ ปจฺจยา จกฺขุวิญฺญาณํ กายายตนํ ปจฺจยา
กายวิญฺญาณํ วตฺถุํ ปจฺจยา เนวทสฺสเนนนภาวนายปหาตพฺพา
ขนฺธา ฯ
{๖๒๓.๑} เนวทสฺสเนนนภาวนายปหาตพฺพํ ธมฺมํ ปจฺจยา
ทสฺสเนนปหาตพฺโพ ธมฺโม อุปฺปชฺชติ อารมฺมณปจฺจยา วตฺถุํ ปจฺจยา
ทสฺสเนนปหาตพฺพา ขนฺธา ฯ เนวทสฺสเนนนภาวนายปหาตพฺพํ
ธมฺมํ ปจฺจยา ภาวนายปหาตพฺโพ ธมฺโม อุปฺปชฺชติ อารมฺมณปจฺจยา
วตฺถุํ ปจฺจยา ภาวนายปหาตพฺพา ขนฺธา ฯ
[๖๒๔] ทสฺสเนนปหาตพฺพญฺจ เนวทสฺสเนนนภาวนายปหาตพฺพญฺจ
ธมฺมํ ปจฺจยา ทสฺสเนนปหาตพฺโพ ธมฺโม อุปฺปชฺชติ อารมฺมณปจฺจยา
ทสฺสเนนปหาตพฺพํ เอกํ ขนฺธญฺจ วตฺถุญฺจ ปจฺจยา ตโย ขนฺธา เทฺว
ขนฺเธ จ วตฺถุญฺจ ปจฺจยา ฯ
[๖๒๕] ภาวนายปหาตพฺพญฺจ เนวทสฺสเนนนภาวนายปหาตพฺพญฺจ
ธมฺมํ ปจฺจยา ภาวนายปหาตพฺโพ ธมฺโม อุปฺปชฺชติ อารมฺมณปจฺจยา
ภาวนายปหาตพฺพํ เอกํ ขนฺธญฺจ วตฺถุญฺจ ปจฺจยา ตโย ขนฺธา เทฺว
ขนฺเธ จ วตฺถุญฺจ ปจฺจยา เทฺว ขนฺธา ฯ
[๖๒๖] ทสฺสเนนปหาตพฺพํ ธมฺมํ ปจฺจยา ทสฺสเนนปหาตพฺโพ
ธมฺโม อุปฺปชฺชติ อธิปติปจฺจยา ฯ ปริปุณฺณํ ฯ ปฏิสนฺธิ นตฺถิ ฯ
อนนฺตรปจฺจยา สมนนฺตรปจฺจยา อารมฺมณสทิสํ ฯ
[๖๒๗] ... สหชาตปจฺจยา ทสฺสเนนปหาตพฺพํ เอกํ ขนฺธํ ...
ตีณิ ฯ ภาวนายปหาตพฺพํ ธมฺมํ ... ตีณิ ฯ เนวทสฺสเนนนภาวนายปหาตพฺพํ
ธมฺมํ ปจฺจยา เนวทสฺสเนนนภาวนายปหาตพฺโพ ธมฺโม
อุปฺปชฺชติ สหชาตปจฺจยา เนวทสฺสเนนนภาวนายปหาตพฺพํ เอกํ
ขนฺธํ ปจฺจยา ตโย ขนฺธา จิตฺตสมุฏฺฐานญฺจ รูปํ เทฺว ขนฺเธ
ปจฺจยา เทฺว ขนฺธา ปฏิสนฺธิกฺขเณ ขนฺเธ ปจฺจยา วตฺถุ วตฺถุํ
ปจฺจยา ขนฺธา เอกํ มหาภูตํ ปจฺจยา ตโย มหาภูตา มหาภูเต
ปจฺจยา พาหิรํ ... อาหารสมุฏฺฐานํ ... อุตุสมุฏฺฐานํ ... อสญฺญสตฺตานํ
เอกํ ... จกฺขายตนํ ปจฺจยา จกฺขุวิญฺญาณํ กายายตนํ ปจฺจยา
กายวิญฺญาณํ วตฺถุํ ปจฺจยา เนวทสฺสเนนนภาวนายปหาตพฺพา
ขนฺธา ฯ เนวทสฺสเนนนภาวนายปหาตพฺพํ ธมฺมํ ปจฺจยา
ทสฺสเนนปหาตพฺโพ ธมฺโม อุปฺปชฺชติ สหชาตปจฺจยา ฯ อวเสสา
เหตุปจฺจยสทิสา ฯ
[๖๒๘] ทสฺสเนนปหาตพฺพํ ธมฺมํ ปจฺจยา ทสฺสเนนปหาตพฺโพ
ธมฺโม อุปฺปชฺชติ อญฺญมญฺญปจฺจยา นิสฺสยปจฺจยา อุปนิสฺสยปจฺจยา
ปุเรชาตปจฺจยา ปฏิสนฺธิ นตฺถิ ฯ อาเสวนปจฺจยา ปฏิสนฺธิ นตฺถิ
วิปากญฺจ ฯ กมฺมปจฺจยา วิปากปจฺจยา อาหารปจฺจยา อินฺทฺริยปจฺจยา
ฌานปจฺจยา มคฺคปจฺจยา สมฺปยุตฺตปจฺจยา วิปฺปยุตฺตปจฺจยา
อตฺถิปจฺจยา นตฺถิปจฺจยา วิคตปจฺจยา อวิคตปจฺจยา ฯ
[๖๒๙] เหตุยา สตฺตรส อารมฺมเณ สตฺต อธิปติยา สตฺตรส
อนนฺตเร สตฺต สมนนฺตเร สตฺต สหชาเต สตฺตรส อญฺญมญฺเญ
สตฺต นิสฺสเย สตฺตรส อุปนิสฺสเย สตฺต ปุเรชาเต สตฺต
อาเสวเน สตฺต กมฺเม สตฺตรส วิปาเก เอกํ อาหาเร สตฺตรส
อินฺทฺริเย สตฺตรส ฌาเน สตฺตรส มคฺเค สตฺตรส สมฺปยุตฺเต
สตฺต วิปฺปยุตฺเต สตฺตรส อตฺถิยา สตฺตรส นตฺถิยา สตฺต วิคเต
สตฺต อวิคเต สตฺตรส ฯ เอวํ คเณตพฺพํ ฯ
อนุโลมํ ฯ
[๖๓๐] ทสฺสเนนปหาตพฺพํ ธมฺมํ ปจฺจยา ทสฺสเนนปหาตพฺโพ
ธมฺโม อุปฺปชฺชติ นเหตุปจฺจยา วิจิกิจฺฉาสหคเต ขนฺเธ ปจฺจยา
วิจิกิจฺฉาสหคโต โมโห ฯ
[๖๓๑] ภาวนายปหาตพฺพํ ธมฺมํ ปจฺจยา ภาวนายปหาตพฺโพ
ธมฺโม อุปฺปชฺชติ นเหตุปจฺจยา อุทฺธจฺจสหคเต ขนฺเธ ปจฺจยา
อุทฺธจฺจสหคโต โมโห ฯ
[๖๓๒] เนวทสฺสเนนนภาวนายปหาตพฺพํ ธมฺมํ ปจฺจยา
เนวทสฺสเนนนภาวนายปหาตพฺโพ ธมฺโม อุปฺปชฺชติ นเหตุปจฺจยา
อเหตุกํ เนวทสฺสเนนนภาวนายปหาตพฺพํ เอกํ ขนฺธํ ปจฺจยา
ตโย ขนฺธา จิตฺตสมุฏฺฐานญฺจ รูปํ เทฺว ขนฺเธ ... อเหตุกปฏิสนฺธิกฺขเณ
ขนฺเธ ปจฺจยา วตฺถุ วตฺถุํ ปจฺจยา ขนฺธา เอกํ มหาภูตํ ... พาหิรํ ...
อาหารสมุฏฺฐานํ ... อุตุสมุฏฺฐานํ ... อสญฺญสตฺตานํ ... จกฺขายตนํ
ปจฺจยา จกฺขุวิญฺญาณํ กายายตนํ ปจฺจยา กายวิญฺญาณํ วตฺถุํ ปจฺจยา
อเหตุกา เนวทสฺสเนนนภาวนายปหาตพฺพา ขนฺธา ฯ เนวทสฺสเนน-
นภาวนายปหาตพฺพํ ธมฺมํ ปจฺจยา ทสฺสเนนปหาตพฺโพ ธมฺโม
... นเหตุปจฺจยา วตฺถุํ ปจฺจยา วิจิกิจฺฉาสหคโต โมโห ฯ เนวทสฺสเนน-
นภาวนายปหาตพฺพํ ธมฺมํ ปจฺจยา ภาวนายปหาตพฺโพ ธมฺโม ...
นเหตุปจฺจยา วตฺถุํ ปจฺจยา อุทฺธจฺจสหคโต โมโห ฯ
[๖๓๓] ทสฺสเนนปหาตพฺพญฺจ เนวทสฺสเนนนภาวนายปหาตพฺพญฺจ
ธมฺมํ ปจฺจยา ทสฺสเนนปหาตพฺโพ ธมฺโม ... นเหตุปจฺจยา
วิจิกิจฺฉาสหคเต ขนฺเธ จ วตฺถุญฺจ ปจฺจยา วิจิกิจฺฉาสหคโต
โมโห ฯ
[๖๓๔] ภาวนายปหาตพฺพญฺจ เนวทสฺสเนนนภาวนายปหาตพฺพญฺจ
ธมฺมํ ปจฺจยา ภาวนายปหาตพฺโพ ธมฺโม ... นเหตุปจฺจยา
อุทฺธจฺจสหคเต ขนฺเธ จ วตฺถุญฺจ ปจฺจยา อุทฺธจฺจสหคโต
โมโห ฯ
[๖๓๕] ทสฺสเนนปหาตพฺพํ ธมฺมํ ปจฺจยา เนวทสฺสเนนนภาวนาย-
ปหาตพฺโพ ธมฺโม อุปฺปชฺชติ นอารมฺมณปจฺจยา ทสฺสเนนปหาตพฺเพ
ขนฺเธ ปจฺจยา จิตฺตสมุฏฺฐานํ รูปํ ฯ
[๖๓๖] ภาวนายปหาตพฺพํ ธมฺมํ ปจฺจยา เนวทสฺสเนนนภาวนาย-
ปหาตพฺโพ ธมฺโม อุปฺปชฺชติ นอารมฺมณปจฺจยา ภาวนายปหาตพฺเพ
ขนฺเธ ปจฺจยา จิตฺตสมุฏฺฐานํ รูปํ ฯ
[๖๓๗] เนวทสฺสเนนนภาวนายปหาตพฺพํ ธมฺมํ ปจฺจยา
เนวทสฺสเนนนภาวนายปหาตพฺโพ ธมฺโม ... นอารมฺมณปจฺจยา
เนวทสฺสเนนนภาวนายปหาตพฺเพ ขนฺเธ ปจฺจยา จิตฺตสมุฏฺฐานํ รูปํ
ปฏิสนฺธิกฺขเณ เนวทสฺสเนนนภาวนายปหาตพฺเพ ขนฺเธ ปจฺจยา
กฏตฺตารูปํ ขนฺเธ ปจฺจยา วตฺถุ เอกํ มหาภูตํ ปจฺจยา พาหิรํ ...
อาหารสมุฏฺฐานํ ... อุตุสมุฏฺฐานํ ... อสญฺญสตฺตานํ ฯเปฯ
[๖๓๘] ทสฺสเนนปหาตพฺพญฺจ เนวทสฺสเนนนภาวนายปหาตพฺพญฺจ
ธมฺมํ ปจฺจยา ทสฺสเนนปหาตพฺโพ ธมฺโม ... นอารมฺมณปจฺจยา
ทสฺสเนนปหาตพฺเพ ขนฺเธ จ มหาภูเต จ ปจฺจยา จิตฺตสมุฏฺฐานํ รูปํ ฯ
[๖๓๙] ภาวนายปหาตพฺพญฺจ เนวทสฺสเนนนภาวนายปหาตพฺพญฺจ
ธมฺมํ ปจฺจยา เนวทสฺสเนนนภาวนายปหาตพฺโพ ธมฺโม ...
นอารมฺมณปจฺจยา ภาวนายปหาตพฺเพ ขนฺเธ จ มหาภูเต จ
ปจฺจยา จิตฺตสมุฏฺฐานํ รูปํ ฯ
[๖๔๐] ทสฺสเนนปหาตพฺพํ ธมฺมํ ปจฺจยา ทสฺสเนนปหาตพฺโพ
ธมฺโม อุปฺปชฺชติ นอธิปติปจฺจยา ฯ สหชาตสทิสํ ฯ นอนนฺตรปจฺจยา
นสมนนฺตรปจฺจยา นอญฺญมญฺญปจฺจยา นอุปนิสฺสยปจฺจยา ฯ
[๖๔๑] ทสฺสเนนปหาตพฺพํ ธมฺมํ ปจฺจยา ทสฺสเนนปหาตพฺโพ
ธมฺโม อุปฺปชฺชติ นปุเรชาตปจฺจยา อรูเป ทสฺสเนนปหาตพฺพํ
เอกํ ขนฺธํ ปจฺจยา ฯ ทสฺสเนนปหาตพฺพํ ธมฺมํ ปจฺจยา เนวทสฺสเนน-
นภาวนายปหาตพฺโพ ธมฺโม อุปฺปชฺชติ นปุเรชาตปจฺจยา
ทสฺสเนนปหาตพฺเพ ขนฺเธ ปจฺจยา จิตฺตสมุฏฺฐานํ รูปํ ฯ
[๖๔๒] ภาวนายปหาตพฺพํ ธมฺมํ ปจฺจยา ภาวนายปหาตพฺโพ
ธมฺโม ... นปุเรชาตปจฺจยา อรูเป ภาวนายปหาตพฺพํ เอกํ ... ฯ
ภาวนายปหาตพฺพํ ธมฺมํ ปจฺจยา เนวทสฺสเนนนภาวนายปหาตพฺโพ
ธมฺโม ... นปุเรชาตปจฺจยา ภาวนายปหาตพฺเพ ขนฺเธ
ปจฺจยา จิตฺตสมุฏฺฐานํ รูปํ ฯ
{๖๔๒.๑} เนวทสฺสเนนนภาวนายปหาตพฺพํ ธมฺมํ ปจฺจยา
เนวทสฺสเนนนภาวนายปหาตพฺโพ ธมฺโม ... นปุเรชาตปจฺจยา
อรูเป เนวทสฺสเนนนภาวนายปหาตพฺพํ เอกํ ขนฺธํ ปจฺจยา ตโย
ขนฺธา เนวทสฺสเนนนภาวนายปหาตพฺเพ ขนฺเธ ปจฺจยา จิตฺตสมุฏฺฐานํ
รูปํ ปฏิสนฺธิกฺขเณ ขนฺเธ ปจฺจยา กฏตฺตารูปํ ขนฺเธ ปจฺจยา วตฺถุ
วตฺถุํ ปจฺจยา ขนฺธา เอกํ มหาภูตํ ... พาหิรํ ... อาหารสมุฏฺฐานํ ...
อุตุสมุฏฺฐานํ ... อสญฺญสตฺตานํ เอกํ ... ฯ
{๖๔๒.๒} ทสฺสเนนปหาตพฺพญฺจ เนวทสฺสเนนนภาวนาย-
ปหาตพฺพญฺจ ธมฺมํ ปจฺจยา เนวทสฺสเนนนภาวนายปหาตพฺโพ
ธมฺโม ... นปุเรชาตปจฺจยา ทสฺสเนนปหาตพฺเพ ขนฺเธ จ มหาภูเต จ
ปจฺจยา จิตฺตสมุฏฺฐานํ รูปํ ฯ ภาวนายปหาตพฺพญฺจ เนวทสฺสเนน-
นภาวนายปหาตพฺพญฺจ ธมฺมํ ปจฺจยา เนวทสฺสเนนนภาวนาย-
ปหาตพฺโพ ธมฺโม ... นปุเรชาตปจฺจยา ภาวนายปหาตพฺเพ
ขนฺเธ จ มหาภูเต จ ปจฺจยา จิตฺตสมุฏฺฐานํ รูปํ ฯ ทสฺสเนนปหาตพฺพํ
ธมฺมํ ฯเปฯ นปจฺฉาชาตปจฺจยา นอาเสวนปจฺจยา ... ฯ
[๖๔๓] ... นกมฺมปจฺจยา ทสฺสเนนปหาตพฺเพ ขนฺเธ ปจฺจยา
ทสฺสเนนปหาตพฺพา เจตนา ฯ ภาวนายปหาตพฺพํ ธมฺมํ ...
นกมฺมปจฺจยา ภาวนายปหาตพฺเพ ขนฺเธ ปจฺจยา ภาวนายปหาตพฺพา
เจตนา ฯ เนวทสฺสเนนนภาวนายปหาตพฺพํ ธมฺมํ ... นกมฺมปจฺจยา
เนวทสฺสเนนนภาวนายปหาตพฺเพ ขนฺเธ ปจฺจยา
เนวทสฺสเนนนภาวนายปหาตพฺพา เจตนา พาหิรํ ... อาหารสมุฏฺฐานํ ...
อุตุสมุฏฺฐานํ ... ฯ เนวทสฺสเนนนภาวนายปหาตพฺพํ ธมฺมํ ปจฺจยา
ทสฺสเนนปหาตพฺโพ ธมฺโม ... นกมฺมปจฺจยา วตฺถุํ ปจฺจยา
ทสฺสเนนปหาตพฺพา เจตนา ฯ เนวทสฺสเนนนภาวนายปหาตพฺพํ
ธมฺมํ ปจฺจยา ภาวนายปหาตพฺโพ ธมฺโม ... นกมฺมปจฺจยา วตฺถุํ
ปจฺจยา ภาวนายปหาตพฺพา เจตนา ฯ
[๖๔๔] ทสฺสเนนปหาตพฺพญฺจ เนวทสฺสเนนนภาวนายปหาตพฺพญฺจ
ธมฺมํ ปจฺจยา ทสฺสเนนปหาตพฺโพ ธมฺโม ... นกมฺมปจฺจยา
ทสฺสเนนปหาตพฺเพ ขนฺเธ จ วตฺถุญฺจ ปจฺจยา ทสฺสเนนปหาตพฺพา
เจตนา ฯ ภาวนายปหาตพฺพญฺจ เนวทสฺสเนนนภาวนายปหาตพฺพญฺจ
ธมฺมํ ปจฺจยา ภาวนายปหาตพฺโพ ธมฺโม ... นกมฺมปจฺจยา
ภาวนายปหาตพฺเพ ขนฺเธ จ วตฺถุญฺจ ปจฺจยา ภาวนายปหาตพฺพา
เจตนา ฯ
[๖๔๕] ทสฺสเนนปหาตพฺพํ ธมฺมํ ปจฺจยา ทสฺสเนนปหาตพฺโพ
ธมฺโม อุปฺปชฺชติ นวิปากปจฺจยา ฯ ปริปุณฺณํ ฯ ปฏิสนฺธิ นตฺถิ ฯ
... นอาหารปจฺจยา พาหิรํ ... อุตุสมุฏฺฐานํ ... อสญฺญสตฺตานํ ... ฯ
... นอินฺทฺริยปจฺจยา พาหิรํ ... อาหารสมุฏฺฐานํ ... อุตุสมุฏฺฐานํ ...
อสญฺญสตฺตานํ มหาภูเต ปจฺจยา รูปชีวิตินฺทฺริยํ ฯ
... นฌานปจฺจยา ปญฺจวิญฺญาณํ ... พาหิรํ ... ฯเปฯ อสญฺญสตฺตานํ
... ฯ ... นมคฺคปจฺจยา อเหตุกํ เนวทสฺสเนนนภาวนายปหาตพฺพํ
เอกํ ขนฺธํ ปจฺจยา ตโย ขนฺธา จิตฺตสมุฏฺฐานญฺจ รูปํ อเหตุก-
ปฏิสนฺธิกฺขเณ เอกํ มหาภูตํ ... อสญฺญสตฺตานํ ... ฯ
... นสมฺปยุตฺตปจฺจยา ... นวิปฺปยุตฺตปจฺจยา อรูเป ทสฺสเนน-
ปหาตพฺพํ เอกํ ขนฺธํ ปจฺจยา อรูเป ภาวนายปหาตพฺพํ เอกํ
ขนฺธํ ปจฺจยา ตโย ขนฺธา ฯ เนวทสฺสเนนนภาวนายปหาตพฺพํ
ธมฺมํ ปจฺจยา เนวทสฺสเนนนภาวนาย ฯเปฯ อรูเป เนวทสฺสเนน-
นภาวนายปหาตพฺพํ เอกํ ขนฺธํ ปจฺจยา ตโย ขนฺธา เทฺว ขนฺเธ
... พาหิรํ ... อาหารสมุฏฺฐานํ ... อุตุสมุฏฺฐานํ ... อสญฺญสตฺตานํ ... ฯ
โนนตฺถิปจฺจยา โนวิคตปจฺจยา ฯ
[๖๔๖] นเหตุยา สตฺต นอารมฺมเณ ปญฺจ นอธิปติยา
สตฺตรส นอนนฺตเร ปญฺจ นสมนนฺตเร ปญฺจ นอญฺญมญฺเญ
ปญฺจ นอุปนิสฺสเย ปญฺจ นปุเรชาเต สตฺต นปจฺฉาชาเต
สตฺตรส นอาเสวเน สตฺตรส นกมฺเม สตฺต นวิปาเก สตฺตรส
อาหาเร เอกํ นอินฺทฺริเย เอกํ นฌาเน เอกํ นมคฺเค เอกํ
นสมฺปยุตฺเต ปญฺจ นวิปฺปยุตฺเต ตีณิ โนนตฺถิยา ปญฺจ
โนวิคเต ปญฺจ ฯ
ปจฺจนียํ ฯ
[๖๔๗] เหตุปจฺจยา นอารมฺมเณ ปญฺจ ... นอธิปติยา สตฺตรส
นอนนฺตเร ปญฺจ นสมนนฺตเร ปญฺจ นอญฺญมญฺเญ ปญฺจ นอุปนิสฺสเย
ปญฺจ นปุเรชาเต สตฺต นปจฺฉาชาเต สตฺตรส นอาเสวเน
สตฺตรส นกมฺเม สตฺต นวิปาเก สตฺตรส นสมฺปยุตฺเต ปญฺจ
นวิปฺปยุตฺเต ตีณิ โนนตฺถิยา ปญฺจ โนวิคเต ปญฺจ ฯ
อนุโลมปจฺจนียํ ฯ
[๖๔๘] นเหตุปจฺจยา อารมฺมเณ สตฺต ... อนนฺตเร สตฺต
สมนนฺตเร สตฺต สหชาเต สตฺต อญฺญมญฺเญ สตฺต นิสฺสเย สตฺต
อุปนิสฺสเย สตฺต ปุเรชาเต สตฺต อาเสวเน สตฺต กมฺเม สตฺต
วิปาเก เอกํ อาหาเร สตฺต อินฺทฺริเย สตฺต ฌาเน สตฺต มคฺเค ฉ
สมฺปยุตฺเต สตฺต วิปฺปยุตฺเต สตฺต อตฺถิยา สตฺต นตฺถิยา สตฺต
วิคเต สตฺต อวิคเต สตฺต ฯ เอวํ คเณตพฺพํ ฯ
ปจฺจนียานุโลมํ ฯ
ปจฺจยวาโร นิฏฺฐิโต ฯ
นิสฺสยวาโร ปจฺจยสทิโส กาตพฺโพ ฯ
สํสฏฺฐวาโร
[๖๔๙] ทสฺสเนนปหาตพฺพํ ธมฺมํ สํสฏฺโฐ ทสฺสเนนปหาตพฺโพ
ธมฺโม อุปฺปชฺชติ เหตุปจฺจยา ทสฺสเนนปหาตพฺพํ เอกํ ขนฺธํ
สํสฏฺฐา ตโย ขนฺธา เทฺว ขนฺเธ สํสฏฺฐา เทฺว ขนฺธา ฯ
[๖๕๐] ภาวนายปหาตพฺพํ ธมฺมํ สํสฏฺโฐ ภาวนายปหาตพฺโพ
ธมฺโม อุปฺปชฺชติ เหตุปจฺจยา ภาวนายปหาตพฺพํ เอกํ ขนฺธํ
สํสฏฺฐา ฯ
[๖๕๑] เนวทสฺสเนนนภาวนายปหาตพฺพํ ธมฺมํ สํสฏฺโฐ
เนวทสฺสเนนนภาวนายปหาตพฺโพ ธมฺโม ... เนวทสฺสเนน-
นภาวนายปหาตพฺพํ เอกํ ขนฺธํ สํสฏฺฐา ตโย ขนฺธา ฯเปฯ
ปฏิสนฺธิกฺขเณ เนวทสฺสเนนนภาวนายปหาตพฺพํ เอกํ ขนฺธํ
สํสฏฺฐา ฯ
[๖๕๒] ทสฺสเนนปหาตพฺพํ ธมฺมํ สํสฏฺโฐ ทสฺสเนนปหาตพฺโพ
ธมฺโม อุปฺปชฺชติ อารมฺมณปจฺจยา ฯ สพฺพานิ ปทานิ วิตฺถาเรตพฺพานิ
ตีณิ ตีณิ ฯ
[๖๕๓] เหตุยา ตีณิ อารมฺมเณ ตีณิ อธิปติยา ตีณิ
อนนฺตเร ตีณิ สมนนฺตเร ตีณิ สหชาเต ตีณิ อญฺญมญฺเญ
ตีณิ นิสฺสเย ตีณิ อุปนิสฺสเย ตีณิ ปุเรชาเต ตีณิ อาเสวเน
ตีณิ วิปาเก เอกํ อาหาเร ตีณิ อินฺทฺริเย ตีณิ ฌาเน ตีณิ
มคฺเค ตีณิ สมฺปยุตฺเต ตีณิ วิปฺปยุตฺเต ตีณิ อตฺถิยา ตีณิ
นตฺถิยา ตีณิ วิคเต ตีณิ อวิคเต ตีณิ ฯ
อนุโลมํ ฯ
[๖๕๔] ทสฺสเนนปหาตพฺพํ ธมฺมํ สํสฏฺโฐ ทสฺสเนนปหาตพฺโพ
ธมฺโม อุปฺปชฺชติ นเหตุปจฺจยา วิจิกิจฺฉาสหคเต ขนฺเธ สํสฏฺโฐ
วิจิกิจฺฉาสหคโต โมโห ฯ
[๖๕๕] ภาวนายปหาตพฺพํ ธมฺมํ สํสฏฺโฐ ภาวนายปหาตพฺโพ
ธมฺโม อุปฺปชฺชติ นเหตุปจฺจยา อุทฺธจฺจสหคเต ขนฺเธ สํสฏฺโฐ
อุทฺธจฺจสหคโต โมโห ฯ
[๖๕๖] เนวทสฺสเนนนภาวนายปหาตพฺพํ ธมฺมํ สํสฏฺโฐ
เนวทสฺสเนนนภาวนายปหาตพฺโพ ธมฺโม อุปฺปชฺชติ นเหตุปจฺจยา
อเหตุกํ เนวทสฺสเนนนภาวนายปหาตพฺพํ เอกํ ขนฺธํ สํสฏฺฐา
ตโย ขนฺธา อเหตุกปฏิสนฺธิกฺขเณ ... ฯ
[๖๕๗] ทสฺสเนนปหาตพฺพํ ธมฺมํ สํสฏฺโฐ ทสฺสเนนปหาตพฺโพ
ธมฺโม อุปฺปชฺชติ นอธิปติปจฺจยา นปุเรชาตปจฺจยา นปจฺฉาชาตปจฺจยา
นอาเสวนปจฺจยา นกมฺมปจฺจยา นวิปากปจฺจยา ฯ เนวทสฺสเนนนภาวนาย
ฯเปฯ นฌานปจฺจยา ปญฺจวิญฺญาณํ ฯ ... นมคฺคปจฺจยา อเหตุกํ ฯ ...
เนวทสฺสเนนนภาวนายปหาตพฺโพ ธมฺโม ฯเปฯ นวิปฺปยุตฺตปจฺจยา
ตีณิ ฯ
[๖๕๘] นเหตุยา ตีณิ นอธิปติยา ตีณิ นปุเรชาเต ตีณิ
นปจฺฉาชาเต ตีณิ นอาเสวเน ตีณิ นกมฺเม ตีณิ นวิปาเก
ตีณิ นฌาเน เอกํ นมคฺเค เอกํ นวิปฺปยุตฺเต ตีณิ ฯ
ปจฺจนียํ ฯ
[๖๕๙] เหตุปจฺจยา นอธิปติยา ตีณิ ... นปุเรชาเต ตีณิ
นปจฺฉาชาเต ตีณิ นอาเสวเน ตีณิ นกมฺเม ตีณิ นวิปาเก ตีณิ
นวิปฺปยุตฺเต ตีณิ ฯ
อนุโลมปจฺจนียํ ฯ
[๖๖๐] นเหตุปจฺจยา อารมฺมเณ ตีณิ ... อนนฺตเร ตีณิ สมนนฺตเร
ตีณิ สหชาเต ตีณิ อญฺญมญฺเญ ตีณิ นิสฺสเย ตีณิ อุปนิสฺสเย ตีณิ
ปุเรชาเต ตีณิ อาเสวเน ตีณิ กมฺเม ตีณิ วิปาเก เอกํ อาหาเร ตีณิ
อินฺทฺริเย ตีณิ ฌาเน ตีณิ มคฺเค เทฺว สมฺปยุตฺเต ตีณิ วิปฺปยุตฺเต
ตีณิ อตฺถิยา ตีณิ นตฺถิยา ตีณิ วิคเต ตีณิ อวิคเต ตีณิ ฯ
ปจฺจนียานุโลมํ ฯ
สํสฏฺฐวาโร นิฏฺฐิโต ฯ
สมฺปยุตฺตวาโร
[๖๖๑] ทสฺสเนนปหาตพฺพํ ธมฺมํ สมฺปยุตฺโต ทสฺสเนนปหาตพฺโพ
ธมฺโม อุปฺปชฺชติ เหตุปจฺจยา ฯ
สมฺปยุตฺตวาโร สํสฏฺฐวารสทิโส ฯ
ปญฺหาวาโร
[๖๖๒] ทสฺสเนนปหาตพฺโพ ธมฺโม ทสฺสเนนปหาตพฺพสฺส
ธมฺมสฺส เหตุปจฺจเยน ปจฺจโย ทสฺสเนนปหาตพฺพา เหตู
สมฺปยุตฺตกานํ ขนฺธานํ เหตุปจฺจเยน ปจฺจโย ฯ
[๖๖๓] ทสฺสเนนปหาตพฺโพ ธมฺโม เนวทสฺสเนนนภาวนาย-
ปหาตพฺพสฺส ธมฺมสฺส เหตุปจฺจเยน ปจฺจโย ทสฺสเนนปหาตพฺพา
เหตู จิตฺตสมุฏฺฐานานํ รูปานํ เหตุปจฺจเยน ปจฺจโย ฯ
[๖๖๔] ทสฺสเนนปหาตพฺโพ ธมฺโม ทสฺสเนนปหาตพฺพสฺส จ
เนวทสฺสเนนนภาวนายปหาตพฺพสฺส จ ธมฺมสฺส เหตุปจฺจเยน
ปจฺจโย ทสฺสเนนปหาตพฺพา เหตู สมฺปยุตฺตกานํ ขนฺธานํ
จิตฺตสมุฏฺฐานานญฺจ รูปานํ ฯ
[๖๖๕] ภาวนายปหาตพฺโพ ธมฺโม ภาวนายปหาตพฺพสฺส
ธมฺมสฺส เหตุปจฺจเยน ปจฺจโย ภาวนายปหาตพฺพา เหตู
สมฺปยุตฺตกานํ ขนฺธานํ เหตุปจฺจเยน ปจฺจโย ฯ
[๖๖๖] ภาวนายปหาตพฺโพ ธมฺโม เนวทสฺสเนนนภาวนาย-
ปหาตพฺพสฺส ธมฺมสฺส ... ภาวนายปหาตพฺพา เหตู จิตฺตสมุฏฺฐานานํ
รูปานํ เหตุปจฺจเยน ปจฺจโย ฯ
[๖๖๗] ภาวนายปหาตพฺโพ ธมฺโม ภาวนายปหาตพฺพสฺส จ
เนวทสฺสเนนนภาวนายปหาตพฺพสฺส จ ธมฺมสฺส ... ภาวนายปหาตพฺพา
เหตู สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ เหตุปจฺจเยน
ปจฺจโย ฯ
[๖๖๘] เนวทสฺสเนนนภาวนายปหาตพฺโพ ธมฺโม เนวทสฺสเนน-
นภาวนายปหาตพฺพสฺส ธมฺมสฺส ... เนวทสฺสเนนนภาวนายปหาตพฺพา
เหตู สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ เหตุปจฺจเยน
ปจฺจโย ปฏิสนฺธิกฺขเณ เนวทสฺสเนนนภาวนายปหาตพฺพา เหตู
สมฺปยุตฺตกานํ ขนฺธานํ กฏตฺตา จ รูปานํ เหตุปจฺจเยน ปจฺจโย ฯ
[๖๖๙] ทสฺสเนนปหาตพฺโพ ธมฺโม ทสฺสเนนปหาตพฺพสฺส
ธมฺมสฺส อารมฺมณปจฺจเยน ปจฺจโย ทสฺสเนนปหาตพฺพํ ราคํ
อสฺสาเทติ อภินนฺทติ ตํ อารพฺภ ทสฺสเนนปหาตพฺโพ ราโค อุปฺปชฺชติ
ทิฏฺฐิ อุปฺปชฺชติ วิจิกิจฺฉา อุปฺปชฺชติ ทสฺสเนนปหาตพฺพํ โทมนสฺสํ
อุปฺปชฺชติ ทิฏฺฐึ อสฺสาเทติ อภินนฺทติ ตํ อารพฺภ ทสฺสเนนปหาตพฺโพ
ราโค อุปฺปชฺชติ ทิฏฺฐิ อุปฺปชฺชติ วิจิกิจฺฉา อุปฺปชฺชติ ทสฺสเนนปหาตพฺพํ
โทมนสฺสํ อุปฺปชฺชติ วิจิกิจฺฉํ อารพฺภ วิจิกิจฺฉา อุปฺปชฺชติ ทิฏฺฐิ อุปฺปชฺชติ
ทสฺสเนนปหาตพฺพํ โทมนสฺสํ อุปฺปชฺชติ ทสฺสเนนปหาตพฺพํ โทมนสฺสํ
อารพฺภ ทสฺสเนนปหาตพฺพํ โทมนสฺสํ อุปฺปชฺชติ วิจิกิจฺฉา อุปฺปชฺชติ ฯ
[๖๗๐] ทสฺสเนนปหาตพฺโพ ธมฺโม เนวทสฺสเนนนภาวนายปหาตพฺพสฺส
ธมฺมสฺส อารมฺมณปจฺจเยน ปจฺจโย อริยา ทสฺสเนนปหาตพฺเพ
ปหีเน กิเลเส ปจฺจเวกฺขนฺติ ปุพฺเพ สมุทาจิณฺเณ กิเลเส ชานนฺติ
ทสฺสเนนปหาตพฺเพ ขนฺเธ อนิจฺจโต ทุกฺขโต อนตฺตโต วิปสฺสนฺติ
เจโตปริยญาเณน ทสฺสเนนปหาตพฺพจิตฺตสมงฺคิสฺส จิตฺตํ ชานนฺติ
ทสฺสเนนปหาตพฺพา ขนฺธา เจโตปริยญาณสฺส ปุพฺเพนิวาสานุสฺสติ-
ญาณสฺส ยถากมฺมูปคญาณสฺส อนาคตํสญาณสฺส อาวชฺชนาย
อารมฺมณปจฺจเยน ปจฺจโย ฯ
[๖๗๑] ภาวนายปหาตพฺโพ ธมฺโม ภาวนายปหาตพฺพสฺส
ธมฺมสฺส อารมฺมณปจฺจเยน ปจฺจโย ภาวนายปหาตพฺพํ ราคํ
อสฺสาเทติ อภินนฺทติ ตํ อารพฺภ ภาวนายปหาตพฺโพ ราโค อุปฺปชฺชติ
อุทฺธจฺจํ อุปฺปชฺชติ ภาวนายปหาตพฺพํ โทมนสฺสํ อุปฺปชฺชติ อุทฺธจฺจํ
อารพฺภ อุทฺธจฺจํ อุปฺปชฺชติ ภาวนายปหาตพฺพํ โทมนสฺสํ อุปฺปชฺชติ
ภาวนายปหาตพฺพํ โทมนสฺสํ อารพฺภ ภาวนายปหาตพฺพํ โทมนสฺสํ
อุปฺปชฺชติ อุทฺธจฺจํ อุปฺปชฺชติ ฯ
[๖๗๒] ภาวนายปหาตพฺโพ ธมฺโม ทสฺสเนนปหาตพฺพสฺส
ธมฺมสฺส อารมฺมณปจฺจเยน ปจฺจโย ภาวนายปหาตพฺพํ ราคํ
อสฺสาเทติ อภินนฺทติ ตํ อารพฺภ ทสฺสเนนปหาตพฺโพ ราโค อุปฺปชฺชติ
ทิฏฺฐิ อุปฺปชฺชติ วิจิกิจฺฉา อุปฺปชฺชติ ทสฺสเนนปหาตพฺพํ โทมนสฺสํ
อุปฺปชฺชติ อุทฺธจฺจํ อารพฺภ ทิฏฺฐิ อุปฺปชฺชติ วิจิกิจฺฉา อุปฺปชฺชติ
ทสฺสเนนปหาตพฺพํ โทมนสฺสํ อุปฺปชฺชติ ภาวนายปหาตพฺพํ
โทมนสฺสํ อารพฺภ ทสฺสเนนปหาตพฺพํ โทมนสฺสํ อุปฺปชฺชติ ทิฏฺฐิ
อุปฺปชฺชติ วิจิกิจฺฉา อุปฺปชฺชติ ฯ
[๖๗๓] ภาวนายปหาตพฺโพ ธมฺโม เนวทสฺสเนนนภาวนาย-
ปหาตพฺพสฺส ธมฺมสฺส อารมฺมณปจฺจเยน ปจฺจโย อริยา
ภาวนายปหาตพฺพํ ปหีนํ กิเลสํ ปจฺจเวกฺขนฺติ วิกฺขมฺภิตํ กิเลสํ
ปจฺจเวกฺขนฺติ ปุพฺเพ สมุทาจิณฺเณ ภาวนายปหาตพฺเพ ขนฺเธ
อนิจฺจโต ทุกฺขโต อนตฺตโต วิปสฺสนฺติ เจโตปริยญาเณน
ภาวนายปหาตพฺพจิตฺตสมงฺคิสฺส จิตฺตํ ชานนฺติ ภาวนายปหาตพฺพา
ขนฺธา เจโตปริยญาณสฺส ปุพฺเพนิวาสานุสฺสติญาณสฺส ยถากมฺมูปค-
ญาณสฺส อนาคตํสญาณสฺส อาวชฺชนาย อารมฺมณปจฺจเยน ปจฺจโย ฯ
[๖๗๔] เนวทสฺสเนนนภาวนายปหาตพฺโพ ธมฺโม เนวทสฺสเนน-
นภาวนายปหาตพฺพสฺส ธมฺมสฺส อารมฺมณปจฺจเยน ปจฺจโย ทานํ
ทตฺวา สีลํ สมาทิยิตฺวา อุโปสถกมฺมํ กตฺวา ตํ ปจฺจเวกฺขติ ปุพฺเพ
สุจิณฺณานิ ปจฺจเวกฺขติ ฌานา วุฏฺฐหิตฺวา ฌานํ ปจฺจเวกฺขติ
อริยา มคฺคา วุฏฺฐหิตฺวา มคฺคํ ปจฺจเวกฺขนฺติ นิพฺพานํ ปจฺจเวกฺขนฺติ
นิพฺพานํ โคตฺรภุสฺส โวทานสฺส มคฺคสฺส ผลสฺส อาวชฺชนาย
อารมฺมณปจฺจเยน ปจฺจโย จกฺขุํ อนิจฺจโต ทุกฺขโต อนตฺตโต
วิปสฺสติ โสตํ ... ฆานํ ชิวฺหํ กายํ รูเป สทฺเท คนฺเธ รเส
โผฏฺฐพฺเพ ... วตฺถุํ เนวทสฺสเนนนภาวนายปหาตพฺเพ ขนฺเธ
อนิจฺจโต ทุกฺขโต อนตฺตโต วิปสฺสติ ทิพฺเพน จกฺขุนา รูปํ ปสฺสติ
ทิพฺพาย โสตธาตุยา สทฺทํ ... เจโตปริยญาเณน เนวทสฺสเนน-
นภาวนายปหาตพฺพจิตฺตสมงฺคิสฺส จิตฺตํ ชานนฺติ อากาสานญฺจายตนํ
วิญฺญาณญฺจายตนสฺส อากิญฺจญฺญายตนํ เนวสญฺญานาสญฺญายตนสฺส
รูปายตนํ จกฺขุวิญฺญาณสฺส อารมฺมณปจฺจเยน ปจฺจโย
โผฏฺฐพฺพายตนํ กายวิญฺญาณสฺส อารมฺมณปจฺจเยน ปจฺจโย
เนวทสฺสเนนนภาวนายปหาตพฺพา ขนฺธา อิทฺธิวิธญาณสฺส
เจโตปริยญาณสฺส ปุพฺเพนิวาสานุสฺสติญาณสฺส ยถากมฺมูปคญาณสฺส
อนาคตํสญาณสฺส อาวชฺชนาย อารมฺมณปจฺจเยน ปจฺจโย ฯ
[๖๗๕] เนวทสฺสเนนนภาวนายปหาตพฺโพ ธมฺโม ทสฺสเนน-
ปหาตพฺพสฺส ธมฺมสฺส อารมฺมณปจฺจเยน ปจฺจโย ทานํ ทตฺวา
สีลํ สมาทิยิตฺวา อุโปสถกมฺมํ กตฺวา ตํ อสฺสาเทติ อภินนฺทติ ตํ
อารพฺภ ทสฺสเนนปหาตพฺโพ ราโค อุปฺปชฺชติ ทิฏฺฐิ อุปฺปชฺชติ
วิจิกิจฺฉา อุปฺปชฺชติ ทสฺสเนนปหาตพฺพํ โทมนสฺสํ อุปฺปชฺชติ ปุพฺเพ
สุจิณฺณานิ ปจฺจเวกฺขติ ฌานา วุฏฺฐหิตฺวา ฌานํ อสฺสาเทติ ตํ
อารพฺภ ทสฺสเนนปหาตพฺโพ ราโค ... ทิฏฺฐิ ... วิจิกิจฺฉา ... ฌาเน
ปริหีเน วิปฺปฏิสาริสฺส ... ทสฺสเนนปหาตพฺพํ โทมนสฺสํ อุปฺปชฺชติ
จกฺขุํ อสฺสาเทติ อภินนฺทติ โสตํ ... ฆานํ ชิวฺหํ กายํ รูเป สทฺเท
คนฺเธ รเส โผฏฺฐพฺเพ ... วตฺถุํ เนวทสฺสเนนนภาวนายปหาตพฺเพ
ขนฺเธ อสฺสาเทติ อภินนฺทติ ตํ อารพฺภ ทสฺสเนนปหาตพฺโพ
ราโค ... ทิฏฺฐิ ... วิจิกิจฺฉา ... ฯ
[๖๗๖] เนวทสฺสเนนนภาวนายปหาตพฺโพ ธมฺโม ภาวนาย-
ปหาตพฺพสฺส ธมฺมสฺส อารมฺมณปจฺจเยน ปจฺจโย ทานํ ทตฺวา
สีลํ สมาทิยิตฺวา อุโปสถกมฺมํ กตฺวา ตํ อสฺสาเทติ อภินนฺทติ
ตํ อารพฺภ ราโค อุปฺปชฺชติ อุทฺธจฺจํ อุปฺปชฺชติ ภาวนายปหาตพฺพํ
โทมนสฺสํ อุปฺปชฺชติ ปุพฺเพ สุจิณฺณานิ ... ฌานา วุฏฺฐหิตฺวา ...
จกฺขุํ ... วตฺถุํ ... เนวทสฺสเนนนภาวนายปหาตพฺเพ ขนฺเธ อสฺสาเทติ
ตํ อารพฺภ ภาวนายปหาตพฺโพ ราโค อุปฺปชฺชติ อุทฺธจฺจํ อุปฺปชฺชติ
ภาวนายปหาตพฺพํ โทมนสฺสํ อุปฺปชฺชติ ฯ
[๖๗๗] ทสฺสเนนปหาตพฺโพ ธมฺโม ทสฺสเนนปหาตพฺพสฺส
ธมฺมสฺส อธิปติปจฺจเยน ปจฺจโย อารมฺมณาธิปติ สหชาตาธิปติ ฯ
อารมฺมณาธิปติ: ทสฺสเนนปหาตพฺพํ ราคํ ครุํ กตฺวา อสฺสาเทติ
อภินนฺทติ ตํ ครุํ กตฺวา ทสฺสเนนปหาตพฺโพ ราโค อุปฺปชฺชติ
ทิฏฺฐิ อุปฺปชฺชติ ทิฏฺฐึ ครุํ กตฺวา อสฺสาเทติ อภินนฺทติ ตํ ครุํ
กตฺวา ทสฺสเนนปหาตพฺโพ ราโค อุปฺปชฺชติ ทิฏฺฐิ อุปฺปชฺชติ ฯ
สหชาตาธิปติ: ทสฺสเนนปหาตพฺพาธิปติ สมฺปยุตฺตกานํ ขนฺธานํ
อธิปติปจฺจเยน ปจฺจโย ฯ
[๖๗๘] ทสฺสเนนปหาตพฺโพ ธมฺโม เนวทสฺสเนนนภาวนาย-
ปหาตพฺพสฺส ธมฺมสฺส อธิปติปจฺจเยน ปจฺจโย ฯ สหชาตาธิปติ:
ทสฺสเนนปหาตพฺพาธิปติ จิตฺตสมุฏฺฐานานํ รูปานํ ฯ
[๖๗๙] ทสฺสเนนปหาตพฺโพ ธมฺโม ทสฺสเนนปหาตพฺพสฺส จ
เนวทสฺสเนนนภาวนายปหาตพฺพสฺส จ ธมฺมสฺส อธิปติปจฺจเยน
ปจฺจโย ฯ สหชาตาธิปติ: ทสฺสเนนปหาตพฺพาธิปติ สมฺปยุตฺตกานํ
ขนฺธานํ จิตฺตสมุฏฺฐานานญฺจ รูปานํ อธิปติปจฺจเยน ปจฺจโย ฯ
[๖๘๐] ภาวนายปหาตพฺโพ ธมฺโม ภาวนายปหาตพฺพสฺส
ธมฺมสฺส อธิปติปจฺจเยน ปจฺจโย อารมฺมณาธิปติ สหชาตาธิปติ ฯ
อารมฺมณาธิปติ: ภาวนายปหาตพฺพํ ราคํ ครุํ กตฺวา อสฺสาเทติ
อภินนฺทติ ตํ ครุํ กตฺวา ภาวนายปหาตพฺโพ ราโค อุปฺปชฺชติ ฯ
สหชาตาธิปติ: ภาวนายปหาตพฺพาธิปติ สมฺปยุตฺตกานํ ขนฺธานํ
อธิปติปจฺจเยน ปจฺจโย ฯ
[๖๘๑] ภาวนายปหาตพฺโพ ธมฺโม ทสฺสเนนปหาตพฺพสฺส
ธมฺมสฺส อธิปติปจฺจเยน ปจฺจโย ฯ อารมฺมณาธิปติ: ภาวนายปหาตพฺพํ
ราคํ ครุํ กตฺวา อสฺสาเทติ อภินนฺทติ ตํ ครุํ กตฺวา ทสฺสเนนปหาตพฺโพ
ราโค อุปฺปชฺชติ ทิฏฺฐิ อุปฺปชฺชติ ฯ
[๖๘๒] ภาวนายปหาตพฺโพ ธมฺโม เนวทสฺสเนนนภาวนายปหาตพฺพสฺส
ธมฺมสฺส อธิปติปจฺจเยน ปจฺจโย ฯ สหชาตาธิปติ: ภาวนายปหาตพฺพาธิปติ
จิตฺตสมุฏฺฐานานํ รูปานํ ฯ
[๖๘๓] ภาวนายปหาตพฺโพ ธมฺโม ภาวนายปหาตพฺพสฺส จ
เนวทสฺสเนนนภาวนายปหาตพฺพสฺส จ ธมฺมสฺส อธิปติปจฺจเยน
ปจฺจโย ฯ สหชาตาธิปติ: ภาวนายปหาตพฺพาธิปติ สมฺปยุตฺตกานํ
ขนฺธานํ จิตฺตสมุฏฺฐานานญฺจ รูปานํ ฯ
[๖๘๔] เนวทสฺสเนนนภาวนายปหาตพฺโพ ธมฺโม เนวทสฺสเนน-
นภาวนายปหาตพฺพสฺส ธมฺมสฺส อธิปติปจฺจเยน ปจฺจโย อารมฺมณาธิปติ
สหชาตาธิปติ ฯ อารมฺมณาธิปติ: ทานํ ทตฺวา สีลํ สมาทิยิตฺวา
อุโปสถกมฺมํ กตฺวา ตํ ครุํ กตฺวา ปจฺจเวกฺขติ ปุพฺเพ สุจิณฺณานิ ...
ฌานา วุฏฺฐหิตฺวา ฌานํ ครุํ กตฺวา ปจฺจเวกฺขติ อริยา มคฺคา วุฏฺฐหิตฺวา
มคฺคํ ครุํ กตฺวา ปจฺจเวกฺขนฺติ ผลํ ครุํ กตฺวา ปจฺจเวกฺขนฺติ นิพฺพานํ
ครุํ กตฺวา ปจฺจเวกฺขนฺติ นิพฺพานํ โคตฺรภุสฺส โวทานสฺส มคฺคสฺส
ผลสฺส อธิปติปจฺจเยน ปจฺจโย ฯ สหชาตาธิปติ: เนวทสฺสเนน-
นภาวนายปหาตพฺพาธิปติ สมฺปยุตฺตกานํ ขนฺธานํ จิตฺตสมุฏฺฐานานญฺจ
รูปานํ อธิปติปจฺจเยน ปจฺจโย ฯ
[๖๘๕] เนวทสฺสเนนนภาวนายปหาตพฺโพ ธมฺโม ทสฺสเนน-
ปหาตพฺพสฺส ธมฺมสฺส อธิปติปจฺจเยน ปจฺจโย ฯ อารมฺมณาธิปติ:
ทานํ ทตฺวา สีลํ สมาทิยิตฺวา อุโปสถกมฺมํ กตฺวา ตํ ครุํ กตฺวา
อสฺสาเทติ อภินนฺทติ ตํ ครุํ กตฺวา ทสฺสเนนปหาตพฺโพ ราโค
อุปฺปชฺชติ ทิฏฺฐิ อุปฺปชฺชติ ปุพฺเพ สุจิณฺณานิ ครุํ กตฺวา ...
ฌานา วุฏฺฐหิตฺวา ฌานํ ครุํ กตฺวา ... วตฺถุํ เนวทสฺสเนน-
นภาวนายปหาตพฺเพ ขนฺเธ ครุํ กตฺวา อสฺสาเทติ อภินนฺทติ ตํ
ครุํ กตฺวา ทสฺสเนนปหาตพฺโพ ราโค อุปฺปชฺชติ ทิฏฺฐิ อุปฺปชฺชติ ฯ
[๖๘๖] เนวทสฺสเนนนภาวนายปหาตพฺโพ ธมฺโม ภาวนาย-
ปหาตพฺพสฺส ธมฺมสฺส ... ฯ อารมฺมณาธิปติ: ทานํ ทตฺวา สีลํ
สมาทิยิตฺวา อุโปสถกมฺมํ กตฺวา ตํ อสฺสาเทติ อภินนฺทติ ตํ
ครุํ กตฺวา ภาวนายปหาตพฺโพ ราโค อุปฺปชฺชติ ปุพฺเพ ฯเปฯ
เนวทสฺสเนนนภาวนายปหาตพฺเพ ขนฺเธ ครุํ กตฺวา อสฺสาเทติ
อภินนฺทติ ตํ ครุํ กตฺวา ภาวนายปหาตพฺโพ ราโค อุปฺปชฺชติ ฯ
[๖๘๗] ทสฺสเนนปหาตพฺโพ ธมฺโม ทสฺสเนนปหาตพฺพสฺส
ธมฺมสฺส อนนฺตรปจฺจเยน ปจฺจโย ปุริมา ปุริมา ทสฺสเนนปหาตพฺพา
ขนฺธา ปจฺฉิมานํ ปจฺฉิมานํ ทสฺสเนนปหาตพฺพานํ ขนฺธานํ
อนนฺตรปจฺเยน ปจฺจโย ฯ
[๖๘๘] ทสฺสเนนปหาตพฺโพ ธมฺโม เนวทสฺสเนนนภาวนาย-
ปหาตพฺพสฺส ธมฺมสฺส ... ทสฺสเนนปหาตพฺพา ขนฺธา วุฏฺฐานสฺส
อนนฺตรปจฺจเยน ปจฺจโย ฯ
[๖๘๙] ภาวนายปหาตพฺโพ ธมฺโม ภาวนายปหาตพฺพสฺส ธมฺมสฺส
อนนฺตรปจฺจเยน ปจฺจโย ปุริมา ปุริมา ภาวนายปหาตพฺพา ขนฺธา
ปจฺฉิมานํ ปจฺฉิมานํ ภาวนายปหาตพฺพานํ ขนฺธานํ อนนฺตรปจฺจเยน
ปจฺจโย ฯ
[๖๙๐] ภาวนายปหาตพฺโพ ธมฺโม เนวทสฺสเนนนภาวนาย-
ปหาตพฺพสฺส ธมฺมสฺส อนนฺตรปจฺจเยน ปจฺจโย ภาวนายปหาตพฺพา
ขนฺธา วุฏฺฐานสฺส อนนฺตรปจฺจเยน ปจฺจโย ฯ
[๖๙๑] เนวทสฺสเนนนภาวนายปหาตพฺโพ ธมฺโม เนวทสฺสเนน-
นภาวนายปหาตพฺพสฺส ธมฺมสฺส อนนฺตรปจฺจเยน ปจฺจโย ปุริมา
ปุริมา เนวทสฺสเนนนภาวนายปหาตพฺพา ขนฺธา ปจฺฉิมานํ ปจฺฉิมานํ
เนวทสฺสเนนนภาวนาย ฯเปฯ อนนฺตรปจฺจเยน ปจฺจโย อนุโลมํ
โคตฺรภุสฺส อนุโลมํ โวทานสฺส โคตฺรภุ มคฺคสฺส โวทานํ มคฺคสฺส
มคฺโค ผลสฺส ผลํ ผลสฺส อนุโลมํ ผลสมาปตฺติยา นิโรธา วุฏฺฐหนฺตสฺส
เนวสญฺญานาสญฺญายตนํ ผลสมาปตฺติยา อนนฺตรปจฺจเยน ปจฺจโย ฯ
[๖๙๒] เนวทสฺสเนนนภาวนายปหาตพฺโพ ธมฺโม ทสฺสเนน-
ปหาตพฺพสฺส ธมฺมสฺส ฯเปฯ อาวชฺชนา ทสฺสเนนปหาตพฺพานํ
ขนฺธานํ อนนฺตรปจฺจเยน ปจฺจโย ฯ
[๖๙๓] เนวทสฺสเนนนภาวนายปหาตพฺโพ ธมฺโม ภาวนาย-
ปหาตพฺพสฺส ธมฺมสฺส อนนฺตรปจฺจเยน ปจฺจโย อาวชฺชนา
ภาวนายปหาตพฺพานํ ขนฺธานํ อนนฺตรปจฺจเยน ปจฺจโย ฯ
[๖๙๔] ทสฺสเนนปหาตพฺโพ ธมฺโม ทสฺสเนนปหาตพฺพสฺส
ธมฺมสฺส สมนนฺตรปจฺจเยน ปจฺจโย ฯ อนนฺตรสทิสํ ฯ
[๖๙๕] ทสฺสเนนปหาตพฺโพ ธมฺโม ทสฺสเนนปหาตพฺพสฺส
ธมฺมสฺส สหชาตปจฺจเยน ปจฺจโย ตีณิ ฯ
[๖๙๖] ภาวนายปหาตพฺโพ ธมฺโม ภาวนายปหาตพฺพสฺส
ธมฺมสฺส ... ตีณิ ฯ
[๖๙๗] เนวทสฺสเนนนภาวนายปหาตพฺโพ ธมฺโม
เนวทสฺสเนนนภาวนายปหาตพฺพสฺส ธมฺมสฺส สหชาตปจฺจเยน ปจฺจโย
เนวทสฺสเนนนภาวนายปหาตพฺโพ เอโก ขนฺโธ ติณฺณนฺนํ ขนฺธานํ
จิตฺตสมุฏฺฐานานญฺจ รูปานํ สหชาตปจฺจเยน ปจฺจโย เทฺว ขนฺธา ...
ปฏิสนฺธิกฺขเณ ขนฺธา วตฺถุสฺส สหชาตปจฺจเยน ปจฺจโย วตฺถุ
ขนฺธานํ เอกํ มหาภูตํ ติณฺณนฺนํ มหาภูตานํ มหาภูตา จิตฺตสมุฏฺฐานานํ
รูปานํ พาหิรํ ... อาหารสมุฏฺฐานํ ... อุตุสมุฏฺฐานํ ... อสญฺญสตฺตานํ ... ฯ
[๖๙๘] ทสฺสเนนปหาตพฺโพ จ เนวทสฺสเนนนภาวนายปหาตพฺโพ
จ ธมฺมา เนวทสฺสเนนนภาวนายปหาตพฺพสฺส ธมฺมสฺส ...
ทสฺสเนนปหาตพฺพา ขนฺธา จ มหาภูตา จ จิตฺตสมุฏฺฐานานํ รูปานํ ฯ
[๖๙๙] ภาวนายปหาตพฺโพ จ เนวทสฺสเนนนภาวนายปหาตพฺโพ
จ ธมฺมา เนวทสฺสเนนนภาวนายปหาตพฺพสฺส ธมฺมสฺส สหชาตปจฺจเยน
ปจฺจโย ภาวนายปหาตพฺพา ขนฺธา จ มหาภูตา จ จิตฺตสมุฏฺฐานานํ
รูปานํ ฯ
[๗๐๐] ทสฺสเนนปหาตพฺโพ ธมฺโม ทสฺสเนนปหาตพฺพสฺส
ธมฺมสฺส อญฺญมญฺญปจฺจเยน ปจฺจโย ทสฺสเนนปหาตพฺโพ เอโก
ขนฺโธ ... ฯ
[๗๐๑] ภาวนายปหาตพฺโพ ธมฺโม ภาวนายปหาตพฺพสฺส
ธมฺมสฺส ... ภาวนายปหาตพฺโพ เอโก ขนฺโธ ติณฺณนฺนํ ขนฺธานํ ฯ
[๗๐๒] เนวทสฺสเนนนภาวนายปหาตพฺโพ ธมฺโม เนวทสฺสเนน-
นภาวนายปหาตพฺพสฺส ธมฺมสฺส ... เนวทสฺสเนนนภาวนายปหาตพฺโพ
เอโก ขนฺโธ ติณฺณนฺนํ ขนฺธานํ อญฺญมญฺญปจฺจเยน ปจฺจโย เทฺว
ขนฺธา ... ปฏิสนฺธิกฺขเณ เนวทสฺสเนนนภาวนายปหาตพฺโพ
เอโก ขนฺโธ ติณฺณนฺนํ ขนฺธานํ วตฺถุสฺส จ อญฺญมญฺญปจฺจเยน
ปจฺจโย เทฺว ขนฺธา ... ขนฺธา วตฺถุสฺส วตฺถุ ขนฺธานํ เอกํ มหาภูตํ
ติณฺณนฺนํ มหาภูตานํ อญฺญมญฺญปจฺจเยน ปจฺจโย อสญฺญสตฺตานํ ... ฯ
[๗๐๓] ทสฺสเนนปหาตพฺโพ ธมฺโม ทสฺสเนนปหาตพฺพสฺส
ธมฺมสฺส นิสฺสยปจฺจเยน ปจฺจโย ตีณิ ฯ ภาวนาย ... ตีณิ ฯ
เนวทสฺสเนนนภาวนายปหาตพฺโพ ธมฺโม เนวทสฺสเนนนภาวนาย
ฯเปฯ เนวทสฺสเนนนภาวนายปหาตพฺโพ เอโก ขนฺโธ
ติณฺณนฺนํ ขนฺธานํ จิตฺตสมุฏฺฐานานญฺจ รูปานํ เทฺว ขนฺธา ...
ปฏิสนฺธิกฺขเณ ขนฺธา วตฺถุสฺส วตฺถุ ขนฺธานํ เอกํ มหาภูตํ ...
อสญฺญสตฺตานํ ... จกฺขายตนํ จกฺขุวิญฺญาณสฺส ฯเปฯ กายายตนํ
กายวิญฺญาณสฺส วตฺถุ ... ฯ
[๗๐๔] เนวทสฺสเนนนภาวนายปหาตพฺโพ ธมฺโม ทสฺสเนน-
ปหาตพฺพสฺส ธมฺมสฺส นิสฺสย ปจฺจเยนปจฺจโย วตฺถุ ทสฺสเนนปหาตพฺพานํ
ขนฺธานํ นิสฺสยปจฺจเยน ปจฺจโย เนวทสฺสเนนนภาวนายปหาตพฺโพ
ธมฺโม ภาวนายปหาตพฺพสฺส ธมฺมสฺส ... วตฺถุ ภาวนายปหาตพฺพานํ
ขนฺธานํ นิสฺสยปจฺจเยน ปจฺจโย ฯ
[๗๐๕] ทสฺสเนนปหาตพฺโพ จ เนวทสฺสเนนนภาวนายปหาตพฺโพ
จ ธมฺมา ทสฺสเนนปหาตพฺพสฺส ธมฺมสฺส นิสฺสยปจฺจเยน
ปจฺจโย ทสฺสเนนปหาตพฺโพ เอโก ขนฺโธ จ วตฺถุ จ ติณฺณนฺนํ
ขนฺธานํ นิสฺสยปจฺจเยน ปจฺจโย เทฺว ขนฺธา ... ฯ
[๗๐๖] ทสฺสเนนปหาตพฺโพ จ เนวทสฺสเนนนภาวนายปหาตพฺโพ
จ ธมฺมา เนวทสฺสเนนนภาวนายปหาตพฺพสฺส ธมฺมสฺส ...
ทสฺสเนนปหาตพฺพา ขนฺธา จ มหาภูตา จ จิตฺตสมุฏฺฐานานํ
รูปานํ ฯ
[๗๐๗] ภาวนายปหาตพฺโพ จ เนวทสฺสเนนนภาวนายปหาตพฺโพ
จ ธมฺมา ภาวนายปหาตพฺพสฺส ธมฺมสฺส นิสฺสยปจฺจเยน ปจฺจโย
ภาวนายปหาตพฺโพ เอโก ขนฺโธ จ วตฺถุ จ ติณฺณนฺนํ ขนฺธานํ
นิสฺสยปจฺจเยน ปจฺจโย เทฺว ขนฺธา ... ฯ
[๗๐๘] ภาวนายปหาตพฺโพ จ เนวทสฺสเนนนภาวนายปหาตพฺโพ
จ ธมฺมา เนวทสฺสเนนนภาวนายปหาตพฺพสฺส ธมฺมสฺส
นิสฺสยปจฺจเยน ปจฺจโย ภาวนายปหาตพฺพา ขนฺธา จ มหาภูตา จ
จิตฺตสมุฏฺฐานานํ รูปานํ ฯ
[๗๐๙] ทสฺสเนนปหาตพฺโพ ธมฺโม ทสฺสเนนปหาตพฺพสฺส
ธมฺมสฺส อุปนิสฺสยปจฺจเยน ปจฺจโย อารมฺมณูปนิสฺสโย
อนนฺตรูปนิสฺสโย ปกตูปนิสฺสโย ฯ ปกตูปนิสฺสโย: ทสฺสเนนปหาตพฺพํ
ราคํ อุปนิสฺสาย ปาณํ หนติ อทินฺนํ อาทิยติ ... สงฺฆํ ภินฺทติ
ทสฺสเนนปหาตพฺพํ โทสํ ... โมหํ ... ทิฏฺฐึ ... ปตฺถนํ อุปนิสฺสาย ปาณํ
หนติ ... สงฺฆํ ภินฺทติ ทสฺสเนนปหาตพฺโพ ราโค ... โทโส โมโห
ทิฏฺฐิ ... ปตฺถนา ทสฺสเนนปหาตพฺพสฺส ราคสฺส โทสสฺส โมหสฺส
ทิฏฺฐิยา ปตฺถนาย อุปนิสฺสยปจฺจเยน ปจฺจโย ฯ
[๗๑๐] ทสฺสเนนปหาตพฺโพ ธมฺโม เนวทสฺสเนนนภาวนาย-
ปหาตพฺพสฺส ธมฺมสฺส ... อนนฺตรูปนิสฺสโย ปกตูปนิสฺสโย ฯ
ปกตูปนิสฺสโย: ทสฺสเนนปหาตพฺพํ ราคํ อุปนิสฺสาย ทานํ เทติ
สีลํ สมาทิยติ อุโปสถกมฺมํ กโรติ ฯ สงฺขิตฺตํ ฯ สมาปตฺตึ อุปฺปาเทติ
ทสฺสเนนปหาตพฺพํ โทสํ ... ปตฺถนํ อุปนิสฺสาย ทานํ เทติ ... สมาปตฺตึ
อุปฺปาเทติ ทสฺสเนนปหาตพฺโพ ราโค ... โทโส โมโห ทิฏฺฐิ ...
ปตฺถนา สทฺธาย ปญฺญาย กายิกสฺส สุขสฺส กายิกสฺส ทุกฺขสฺส
ผลสมาปตฺติยา อุปนิสฺสยปจฺจเยน ปจฺจโย ฯ
[๗๑๑] ภาวนายปหาตพฺโพ ธมฺโม ภาวนายปหาตพฺพสฺส
ธมฺมสฺส อุปนิสฺสยปจฺจเยน ปจฺจโย อารมฺมณูปนิสฺสโย
อนนฺตรูปนิสฺสโย ปกตูปนิสฺสโย ฯ ปกตูปนิสฺสโย: ภาวนายปหาตพฺโพ
ราโค ... โทโส โมโห มาโน ... ปตฺถนา ภาวนายปหาตพฺพสฺส
ราคสฺส โทสสฺส โมหสฺส มานสฺส ปตฺถนาย อุปนิสฺสยปจฺจเยน
ปจฺจโย ฯ
[๗๑๒] ภาวนายปหาตพฺโพ ธมฺโม ทสฺสเนนปหาตพฺพสฺส
ธมฺมสฺส อุปนิสฺสยปจฺจเยน ปจฺจโย อารมฺมณูปนิสฺสโย
ปกตูปนิสฺสโย ฯ ปกตูปนิสฺสโย: ภาวนายปหาตพฺพํ ราคํ
อุปนิสฺสาย ปาณํ หนติ ... สงฺฆํ ภินฺทติ ภาวนายปหาตพฺพํ โทสํ ...
โมหํ ... มานํ ... ปตฺถนํ อุปนิสฺสาย ปาณํ หนติ ... สงฺฆํ ภินฺทติ
ภาวนายปหาตพฺโพ ราโค ... โทโส โมโห มาโน ... ปตฺถนา
ทสฺสเนนปหาตพฺพสฺส ราคสฺส โทสสฺส โมหสฺส ทิฏฺฐิยา ปตฺถนาย
อุปนิสฺสยปจฺจเยน ปจฺจโย สกภณฺเฑ ฉนฺทราโค ปรภณฺเฑ
ฉนฺทราคสฺส อุปนิสฺสยปจฺจเยน ปจฺจโย สกปริคฺคเห ฉนฺทราโค
ปรปริคฺคเห ฉนฺทราคสฺส อุปนิสฺสยปจฺจเยน ปจฺจโย ฯ
[๗๑๓] ภาวนายปหาตพฺโพ ธมฺโม เนวทสฺสเนนนภาวนาย-
ปหาตพฺพสฺส ธมฺมสฺส อุปนิสฺสยปจฺจเยน ปจฺจโย อนนฺตรูปนิสฺสโย
ปกตูปนิสฺสโย ฯ ปกตูปนิสฺสโย: ภาวนายปหาตพฺพํ ราคํ
อุปนิสฺสาย ทานํ เทติ ... สมาปตฺตึ อุปฺปาเทติ ภาวนายปหาตพฺพํ
โทสํ ... โมหํ ... มานํ ... ปตฺถนํ อุปนิสฺสาย ทานํ เทติ ...
สมาปตฺตึ อุปฺปาเทติ ภาวนายปหาตพฺโพ ราโค ... โทโส โมโห
มาโน ... ปตฺถนา สทฺธาย ผลสมาปตฺติยา อุปนิสฺสยปจฺจเยน
ปจฺจโย ฯ
[๗๑๔] เนวทสฺสเนนนภาวนายปหาตพฺโพ ธมฺโม เนวทสฺสเนน-
นภาวนายปหาตพฺพสฺส ธมฺมสฺส อุปนิสฺสยปจฺจเยน ปจฺจโย
อารมฺมณูปนิสฺสโย อนนฺตรูปนิสฺสโย ปกตูปนิสฺสโย ฯ ปกตูปนิสฺสโย:
สทฺธํ อุปนิสฺสาย ทานํ เทติ ... สมาปตฺตึ อุปฺปาเทติ สีลํ ...
สุตํ จาคํ ปญฺญํ กายิกํ สุขํ กายิกํ ทุกฺขํ อุตุํ โภชนํ ... เสนาสนํ
อุปนิสฺสาย ทานํ เทติ ... สมาปตฺตึ อุปฺปาเทติ สทฺธา ... สีลํ สุตํ
จาโค ปญฺญา กายิกํ สุขํ กายิกํ ทุกฺขํ อุตุ โภชนํ ... เสนาสนํ
สทฺธาย ปญฺญาย กายิกสฺส สุขสฺส กายิกสฺส ทุกฺขสฺส ผลสมาปตฺติยา
อุปนิสฺสยปจฺจเยน ปจฺจโย ฯ
[๗๑๕] เนวทสฺสเนนนภาวนายปหาตพฺโพ ธมฺโม ทสฺสเนน-
ปหาตพฺพสฺส ธมฺมสฺส อุปนิสฺสยปจฺจเยน ปจฺจโย อารมฺมณูปนิสฺสโย
อนนฺตรูปนิสฺสโย ปกตูปนิสฺสโย ฯ ปกตูปนิสฺสโย: สทฺธํ
อุปนิสฺสาย ... ทิฏฺฐึ คณฺหาติ สีลํ ... เสนาสนํ อุปนิสฺสาย ปาณํ หนติ ...
สงฺฆํ ภินฺทติ สทฺธา ... เสนาสนํ ทสฺสเนนปหาตพฺพสฺส ราคสฺส
โทสสฺส โมหสฺส ทิฏฺฐิยา ปตฺถนาย อุปนิสฺสยปจฺจเยน ปจฺจโย ฯ
[๗๑๖] เนวทสฺสเนนนภาวนายปหาตพฺโพ ธมฺโม ภาวนายปหาตพฺพสฺส
ธมฺมสฺส อุปนิสฺสยปจฺจเยน ปจฺจโย อารมฺมณูปนิสฺสโย
อนนฺตรูปนิสฺสโย ปกตูปนิสฺสโย ฯ ปกตูปนิสฺสโย: สทฺธํ
อุปนิสฺสาย มานํ ชปฺเปติ สีลํ ... ปญฺญํ กายิกํ สุขํ กายิกํ ทุกฺขํ
อุตุํ โภชนํ ... เสนาสนํ อุปนิสฺสาย มานํ ชปฺเปติ สทฺธา ...
ปญฺญา กายิกํ สุขํ กายิกํ ทุกฺขํ อุตุ โภชนํ ... เสนาสนํ
ภาวนายปหาตพฺพสฺส ราคสฺส โทสสฺส โมหสฺส มานสฺส ปตฺถนาย
อุปนิสฺสยปจฺจเยน ปจฺจโย ฯ
[๗๑๗] เนวทสฺสเนนนภาวนายปหาตพฺโพ ธมฺโม เนวทสฺสเนน-
นภาวนายปหาตพฺพสฺส ธมฺมสฺส ปุเรชาตปจฺจเยน ปจฺจโย
อารมฺมณปุเรชาตํ วตฺถุปุเรชาตํ ฯ อารมฺมณปุเรชาตํ: จกฺขุํ อนิจฺจโต
ทุกฺขโต อนตฺตโต วิปสฺสติ โสตํ ... ฆานํ ชิวฺหํ กายํ รูเป สทฺเท
คนฺเธ รเส โผฏฺฐพฺเพ วตฺถุํ ... ทิพฺเพน จกฺขุนา รูปํ ปสฺสติ
ทิพฺพาย โสตธาตุยา สทฺทํ สุณาติ รูปายตนํ จกฺขุวิญฺญาณสฺส
โผฏฺฐพฺพายตนํ กายวิญฺญาณสฺส ปุเรชาตปจฺจเยน ปจฺจโย ฯ
วตฺถุปุเรชาตํ: จกฺขายตนํ จกฺขุวิญฺญาณสฺส กายายตนํ กายวิญฺญาณสฺส
วตฺถุ เนวทสฺสเนนนภาวนายปหาตพฺพานํ ขนฺธานํ ปุเรชาตปจฺจเยน
ปจฺจโย ฯ
เนื้อความพระไตรปิฎกฉบับภาษาบาลีอักษรไทย เล่มที่ ๔๑ หน้าที่ ๑๔๑-๒๓๑.
https://84000.org/tipitaka/read/pali_item.php?book=41&item=418&items=347
อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=41&item=418&items=347&mode=bracket
อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=41&item=418&items=347
อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=41&item=418&items=347
ศึกษาอรรถกถานี้ได้ที่ :-
https://84000.org/tipitaka/attha/attha.php?b=41&i=418
สารบัญพระไตรปิฎกเล่มที่ ๔๑
https://84000.org/tipitaka/read/?index_41
https://84000.org/tipitaka/english/?index_41
บันทึก ๒ ธันวาคม พ.ศ. ๒๕๕๙.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย.
หากพบข้อผิดพลาด กรุณาแจ้งได้ที่ [email protected]
