พระไตรปิฎกเล่มที่ ๔๑ ภาษาบาลี อักษรไทย
พระอภิธรรมปิฎกเล่มที่ ๘ อภิ. ป.(๒) อนุโลมติกปฏฺฐานํ ปจฺฉิมํ

                                   ปจฺจยวาโร
     [๙๙]   สวิตกฺกสวิจารํ   ธมฺมํ   ปจฺจยา  สวิตกฺกสวิจาโร  ธมฺโม
อุปฺปชฺชติ   เหตุปจฺจยา   สวิตกฺกสวิจารํ   เอกํ   ขนฺธํ   ปจฺจยา  ตโย
ขนฺธา   เทฺว   ขนฺเธ  ...  สตฺต  ปญฺหา  ฯ  อวิตกฺกวิจารมตฺตํ  ธมฺมํ
ปจฺจยา ปญฺจ ปญฺหา ปฏิจฺจวารสทิสา ฯ
     [๑๐๐]   อวิตกฺกอวิจารํ   ธมฺมํ  ปจฺจยา  อวิตกฺกอวิจาโร  ธมฺโม
อุปฺปชฺชติ   เหตุปจฺจยา   อวิตกฺกอวิจารํ   เอกํ   ขนฺธํ   ปจฺจยา  ตโย
ขนฺธา   จิตฺตสมุฏฺฐานญฺจ   รูปํ   เทฺว  ขนฺเธ  ปจฺจยา  วิจารํ  ปจฺจยา
จิตฺตสมุฏฺฐานํ    รูปํ   ปฏิสนฺธิกฺขเณ   วตฺถุํ   ปจฺจยา   อวิตกฺกอวิจารา
ขนฺธา  วตฺถุํ   ปจฺจยา  วิจาโร   ฯ   อวิตกฺกอวิจารํ   ธมฺมํ   ปจฺจยา
สวิตกฺกสวิจาโร    ธมฺโม   อุปฺปชฺชติ  ...  วตฺถุํ   ปจฺจยา   สวิตกฺก-
สวิจารา  ขนฺธา  ปฏิสนฺธิกฺขเณ  ...  ฯ  อวิตกฺกอวิจารํ  ธมฺมํ ปจฺจยา
อวิตกฺกวิจารมตฺโต   ธมฺโม   ...   วิจารํ  ปจฺจยา  อวิตกฺกวิจารมตฺตา
ขนฺธา   วตฺถุํ   ปจฺจยา   อวิตกฺกวิจารมตฺตา   ขนฺธา   วตฺถุํ   ปจฺจยา
วิตกฺโก ปฏิสนฺธิกฺขเณ ... ฯ
     [๑๐๑]   อวิตกฺกอวิจารํ  ธมฺมํ  ปจฺจยา สวิตกฺกสวิจาโร จ อวิตกฺก-
อวิจาโร   จ   ธมฺมา  อุปฺปชฺชนฺติ  ...  วตฺถุํ ปจฺจยา สวิตกฺกสวิจารา
ขนฺธา   มหาภูเต   ปจฺจยา   จิตฺตสมุฏฺฐานํ   รูปํ  ปฏิสนฺธิกฺขเณ ... ฯ
อวิตกฺกอวิจารํ   ธมฺมํ   ปจฺจยา  อวิตกฺกวิจารมตฺโต  จ  อวิตกฺกอวิจาโร
จ  ธมฺมา  ...  วิจารํ ปจฺจยา อวิตกฺกวิจารมตฺตา ขนฺธา จิตฺตสมุฏฺฐานญฺจ
รูปํ   วตฺถุํ  ปจฺจยา   อวิตกฺกวิจารมตฺตา   ขนฺธา   มหาภูเต   ปจฺจยา
จิตฺตสมุฏฺฐานํ    รูปํ   วตฺถุํ    ปจฺจยา   วิตกฺโก   มหาภูเต   ปจฺจยา
จิตฺตสมุฏฺฐานํ    รูปํ   วตฺถุํ    ปจฺจยา   อวิตกฺกวิจารมตฺตา  ขนฺธา  จ
วิจาโร จ ปฏิสนฺธิกฺขเณ ... ฯ
     {๑๐๑.๑}   อวิตกฺกอวิจารํ   ธมฺมํ   ปจฺจยา  สวิตกฺกสวิจาโร  จ
อวิตกฺกวิจารมตฺโต   จ   ธมฺมา   ...  วตฺถุํ  ปจฺจยา  สวิตกฺกสวิจารา
ขนฺธา   จ   วิตกฺโก  จ  ปฏิสนฺธิกฺขเณ  ...  ฯ  อวิตกฺกอวิจารํ  ธมฺมํ
ปจฺจยา      สวิตกฺกสวิจาโร      จ      อวิตกฺกวิจารมตฺโต      จ
อวิตกฺกอวิจาโร  จ  ธมฺมา  ...  วตฺถุํ ปจฺจยา สวิตกฺกสวิจารา ขนฺธา จ
วิตกฺโก จ มหาภูเต ปจฺจยา จิตฺตสมุฏฺฐานํ รูปํ ปฏิสนฺธิกฺขเณ ... ฯ
     [๑๐๒]   สวิตกฺกสวิจารญฺจ    อวิตกฺกอวิจารญฺจ    ธมฺมํ  ปจฺจยา
สวิตกฺกสวิจาโร   ธมฺโม   ...  สวิตกฺกสวิจารํ  เอกํ  ขนฺธญฺจ  วตฺถุญฺจ
ปจฺจยา  ตโย  ขนฺธา  เทฺว  ขนฺเธ ... ปฏิสนฺธิกฺขเณ ... ฯ  สวิตกฺก-
สวิจารญฺจ    อวิตกฺกอวิจารญฺจ    ธมฺมํ   ปจฺจยา   อวิตกฺกวิจารมตฺโต
ธมฺโม   ฯเปฯ   ปฐมอุทาหรเณ   ปวตฺเต   ปฏิสนฺธิกฺขเณ  สตฺต  ปญฺหา
กาตพฺพา ฯ
     [๑๐๓]   อวิตกฺกวิจารมตฺตญฺจ   อวิตกฺกอวิจารญฺจ   ธมฺมํ  ปจฺจยา
สวิตกฺกสวิจาโร   ธมฺโม   ...   วิตกฺกญฺจ  วตฺถุญฺจ  ปจฺจยา  สวิตกฺก-
สวิจารา     ขนฺธา    ปฏิสนฺธิกฺขเณ    ฯเปฯ    อวิตกฺกวิจารมตฺตญฺจ
อวิตกฺกอวิจารญฺจ   ธมฺมํ   ปจฺจยา   อวิตกฺกวิจารมตฺโต   ธมฺโม   ...
อวิตกฺกวิจารมตฺตํ   เอกํ   ขนฺธญฺจ   วิจารญฺจ   ปจฺจยา   ตโย  ขนฺธา
อวิตกฺกวิจารมตฺตํ   เอกํ   ขนฺธญฺจ   วตฺถุญฺจ   ปจฺจยา   ตโย   ขนฺธา
ปฏิสนฺธิกฺขเณ   อวิตกฺกวิจารมตฺตํ   เอกํ   ขนฺธญฺจ   วิจารญฺจ   ปจฺจยา
ตโย    ขนฺธา    ปฏิสนฺธิกฺขเณ    อวิตกฺกวิจารมตฺตํ    เอกํ   ขนฺธญฺจ
วตฺถุญฺจ ปจฺจยา ตโย ขนฺธา ฯ
     {๑๐๓.๑}   อวิตกฺกวิจารมตฺตญฺจ     อวิตกฺกอวิจารญฺจ    ธมฺมํ
ปจฺจยา   อวิตกฺกอวิจาโร   ธมฺโม   อุปฺปชฺชติ  ...  อวิตกฺกวิจารมตฺเต
ขนฺเธ   จ   วิจารญฺจ   ปจฺจยา  จิตฺตสมุฏฺฐานํ  รูปํ  อวิตกฺกวิจารมตฺเต
ขนฺเธ     จ     มหาภูเต     จ    ปจฺจยา    จิตฺตสมุฏฺฐานํ    รูปํ
วิตกฺกญฺจ   มหาภูเต  จ  ปจฺจยา  จิตฺตสมุฏฺฐานํ  รูปํ  อวิตกฺกวิจารมตฺเต
ขนฺเธ จ วตฺถุญฺจ ปจฺจยา วิจาโร เอวํ ปฏิสนฺธิกฺขเณ จตฺตาโร ฯ
     [๑๐๔]   อวิตกฺกวิจารมตฺตญฺจ   อวิตกฺกอวิจารญฺจ   ธมฺมํ  ปจฺจยา
สวิตกฺกสวิจาโร  จ  อวิตกฺกอวิจาโร  จ  ธมฺมา อุปฺปชฺชนฺติ ... วิตกฺกญฺจ
วตฺถุญฺจ   ปจฺจยา   สวิตกฺกสวิจารา   ขนฺธา   วิตกฺกญฺจ   มหาภูเต  จ
ปจฺจยา  จิตฺตสมุฏฺฐานํ  รูปํ  ปฏิสนฺธิกฺขเณ  ...  ฯ  อวิตกฺกวิจารมตฺตญฺจ
อวิตกฺกอวิจารญฺจ   ธมฺมํ   ปจฺจยา   อวิตกฺกวิจารมตฺโต   จ   อวิตกฺก-
อวิจาโร  จ  ธมฺมา  อุปฺปชฺชนฺติ  ...  อวิตกฺกวิจารมตฺตํ  เอกํ ขนฺธญฺจ
วิจารญฺจ  ปจฺจยา  ตโย  ขนฺธา  จิตฺตสมุฏฺฐานญฺจ  รูปํ  อวิตกฺกวิจารมตฺตํ
เอกํ  ขนฺธญฺจ  วตฺถุญฺจ  ปจฺจยา  ตโย  ขนฺธา  อวิตกฺกวิจารมตฺเต ขนฺเธ
จ   มหาภูเต   จ   ปจฺจยา  จิตฺตสมุฏฺฐานํ  รูปํ  อวิตกฺกวิจารมตฺตํ เอกํ
ขนฺธญฺจ  วตฺถุญฺจ  ปจฺจยา  ตโย  ขนฺธา  วิจาโร  จ  ปฏิสนฺธิกฺขเณ ตโย
ขนฺธา ฯ
        อวเสเสสุ ทฺวีสุ ฆฏเนสุ ปวตฺติปฏิสนฺธิ วิตฺถาเรตพฺพา ฯ
                            เหตุปจฺจยา นิฏฺฐิตา ฯ
        เหตุปจฺจยํ อนุมชฺชนฺเตน ปจฺจยวาโร วิตฺถาเรตพฺโพ ฯ
                 ยถา ปฏิจฺจคณนา เอวํ คเณตพฺพา ฯ
          อธิปติยา สตฺตตฺตึส ปุเรชาเต จ อาเสวเน จ เอกวีส
                             อยํ เอตฺถ วิเสโส ฯ
     [๑๐๕]   ปจฺจนีเย   นเหตุยา   เตตฺตึส  ปญฺหา  สตฺตสุ  ฐาเนสุ
สตฺต    โมหา    อุทฺธริตพฺพา  ฯ   มูลปเทสุเยว   นอารมฺมเณ   สตฺต
จิตฺตสมุฏฺฐานา   อุทฺธริตพฺพา   ฯ   สวิตกฺกสวิจารมูลกา   สตฺต   ปญฺหา
นอธิปติ กาตพฺพา ฯ
     [๑๐๖]   อวิตกฺกวิจารมตฺตํ   ธมฺมํ   ปจฺจยา   อวิตกฺกวิจารมตฺโต
ธมฺโม   อุปฺปชฺชติ   นอธิปติปจฺจยา   อวิตกฺกวิจารมตฺเต  ขนฺเธ  ปจฺจยา
อวิตกฺกวิจารมตฺตา    อธิปติ   วิปากํ   อวิตกฺกวิจารมตฺตํ   เอกํ   ขนฺธํ
ปจฺจยา  ตโย  ขนฺธา ปฏิสนฺธิกฺขเณ ... ฯ อวิตกฺกวิจารมตฺตํ ธมฺมํ ... ฯ
ยถา ปฏิจฺจนเย ตถา ปญฺจ ปญฺหา กาตพฺพา ฯ
     [๑๐๗]   อวิตกฺกอวิจารํ   ธมฺมํ  ปจฺจยา  อวิตกฺกอวิจาโร  ธมฺโม
อุปฺปชฺชติ  ...  อวิตกฺกอวิจาเร  ขนฺเธ  ปจฺจยา  อวิตกฺกอวิจารา อธิปติ
วิปากํ  อวิตกฺกอวิจารํ  เอกํ  ขนฺธํ  ปจฺจยา  ตโย ขนฺธา จิตฺตสมุฏฺฐานญฺจ
รูปํ   วิปากํ   วิจารํ   ปจฺจยา  จิตฺตสมุฏฺฐานํ  รูปํ  ปฏิสนฺธิกฺขเณ  วตฺถุํ
ปจฺจยา  อวิตกฺกอวิจารา  อธิปติ  วตฺถุํ  ปจฺจยา  วิปากา อวิตกฺกอวิจารา
ขนฺธา  จ  วิจาโร  จ ฯเปฯ อวิตกฺกอวิจารํ ธมฺมํ ปจฺจยา สวิตกฺกสวิจาโร
ธมฺโม ... วตฺถุํ ปจฺจยา สวิตกฺกสวิจารา ขนฺธา อธิปติ ปฏิสนฺธิกฺขเณ ... ฯ
     {๑๐๗.๑}   อวิตกฺกอวิจารํ ธมฺมํ ปจฺจยา อวิตกฺกวิจารมตฺโต ธมฺโม ...
วิจารํ  ปจฺจยา  อวิตกฺกวิจารมตฺตา  อธิปติ วตฺถุํ  ปจฺจยา  อวิตกฺกวิจารมตฺตา
อธิปติ วิปากํ วิจารํ ปจฺจยา อวิตกฺกวิจารมตฺตา  ขนฺธา วตฺถุํ ปจฺจยา วิปากา
อวิตกฺกวิจารมตฺตา ขนฺธา ปฏิสนฺธิกฺขเณ ... ฯ อวิตกฺกอวิจารํ ธมฺมํ ปจฺจยา
สวิตกฺกสวิจาโร  จ  อวิตกฺกอวิจาโร  จ  ธมฺมา ... วตฺถุํ ปจฺจยา สวิตกฺก-
สวิจารา   ขนฺธา  มหาภูเต  ปจฺจยา  จิตฺตสมุฏฺฐานํ  รูปํ  ปฏิสนฺธิกฺขเณ
ฯเปฯ  อวิตกฺกอวิจารํ  ธมฺมํ ปจฺจยา อวิตกฺกวิจารมตฺโต จ อวิตกฺกอวิจาโร
จ ธมฺมา ... วิปากํ วิจารํ ปจฺจยา อวิตกฺกวิจารมตฺตา ขนฺธา จิตฺตสมุฏฺฐานญฺจ
รูปํ  วตฺถุํ  ปจฺจยา  วิปากา อวิตกฺกวิจารมตฺตา ขนฺธา วิจาโร จ มหาภูเต
ปจฺจยา   จิตฺตสมุฏฺฐานํ  รูปํ  วตฺถุํ   ปจฺจยา  วิตกฺโก  มหาภูเต ปจฺจยา
จิตฺตสมุฏฺฐานํ  รูปํ  วตฺถุํ  ปจฺจยา  วิปากา  อวิตกฺกวิจารมตฺตา  ขนฺธา จ
วิจาโร จ ปฏิสนฺธิกฺขเณ ... ฯ อวิตกฺกอวิจารํ ธมฺมํ ปจฺจยา สวิตกฺกสวิจาโร
จ  อวิตกฺกวิจารมตฺโต  จ ธมฺมา ... วตฺถุํ ปจฺจยา สวิตกฺกสวิจารา ขนฺธา
จ วิตกฺโก จ ปฏิสนฺธิกฺขเณ ... ฯ ปฐมฆฏนายํ สมฺปุณฺณา ฯ
     [๑๐๘]   อวิตกฺกวิจารมตฺตญฺจ   อวิตกฺกอวิจารญฺจ   ธมฺมํ  ปจฺจยา
สวิตกฺกสวิจาโร   ธมฺโม   อุปฺปชฺชติ   ...  วิตกฺกญฺจ  วตฺถุญฺจ  ปจฺจยา
สวิตกฺกสวิจารา   ขนฺธา   ปฏิสนฺธิกฺขเณ   ...  ฯ  อวิตกฺกวิจารมตฺตญฺจ
อวิตกฺกอวิจารญฺจ     ธมฺมํ     ปจฺจยา    อวิตกฺกวิจารมตฺโต    ธมฺโม
อุปฺปชฺชติ  ...   อวิตกฺกวิจารมตฺเต   ขนฺเธ   จ   วิจารญฺจ   ปจฺจยา
อวิตกฺกวิจารมตฺตาธิปติ   อวิตกฺกวิจารมตฺเต  ขนฺเธ  จ  วตฺถุญฺจ  ปจฺจยา
อวิตกฺกวิจารมตฺตาธิปติ    วิปากํ    อวิตกฺกวิจารมตฺตํ    เอกํ   ขนฺธญฺจ
วิจารญฺจ   ปจฺจยา   วิปากํ   อวิตกฺกวิจารมตฺตํ  เอกํ  ขนฺธญฺจ  วตฺถุญฺจ
ปจฺจยา  ตโย  ขนฺธา  ปฏิสนฺธิกฺขเณ  ...  ฯ  ปญฺจ  ปญฺหา กาตพฺพา ฯ
ยตฺถ  อวิตกฺกวิจารมตฺตํ  อาคจฺฉติ  ตตฺถ  วิปากํ  กาตพฺพํ ฯ นาธิปติมูลเก
สตฺตตฺตึส     ปญฺหา    กาตพฺพา    ฯ    นอนนฺตรมฺปิ    นสมนนฺตรมฺปิ
นอญฺญมญฺญมฺปิ    นอุปนิสฺสยมฺปิ    สตฺตปญฺหารูปํเยว    ฯ    นปุเรชาเต
สตฺตตฺตึส    ปฏิจฺจวารปจฺจนียสทิสา   ฯ   นปจฺฉาชาเต   สตฺตตฺตึส   ฯ
นอาเสวเนปิ   สทิสํ   ฯ   ยตฺถ   อวิตกฺกวิจารมตฺโตปิ  อาคจฺฉติ  ตตฺถ
วิปากา กาตพฺพา ฯ
     [๑๐๙]   สวิตกฺกสวิจารํ  ธมฺมํ  ปจฺจยา สวิตกฺกสวิจาโร ธมฺโม ...
นกมฺมปจฺจยา    สวิตกฺกสวิจาเร    ขนฺเธ    ปจฺจยา   สวิตกฺกสวิจารา
เจตนา   ฯ  อวิตกฺกวิจารมตฺตํ  ธมฺมํ  ปจฺจยา  ...  อวิตกฺกวิจารมตฺตา
เจตนา  สวิตกฺกสวิจารา  เจตนา  ฯ  อวิตกฺกอวิจารํ  ธมฺมํ ปจฺจยา ...
อวิตกฺกอวิจารา  เจตนา  ฯ  ปริปุณฺณํ  กาตพฺพํ  ฯ  สวิตกฺกสวิจาโร ...
วตฺถุํ   ปจฺจยา   สวิตกฺกสวิจารา  เจตนา  ฯ  อวิตกฺกวิจารมตฺโต  ...
วิจารํ   ปจฺจยา   อวิตกฺกวิจารมตฺตา  เจตนา  วตฺถุํ  ปจฺจยา  อวิตกฺก-
วิจารมตฺตา เจตนา ฯ
     [๑๑๐]   สวิตกฺกสวิจารญฺจ   อวิตกฺกอวิจารญฺจ   ธมฺมํ   ปจฺจยา
สวิตกฺกสวิจาโร   ธมฺโม  ...   สวิตกฺกสวิจาเร   ขนฺเธ   จ  วตฺถุญฺจ
ปจฺจยา   สวิตกฺกสวิจารา   เจตนา   ฯ  อวิตกฺกวิจารมตฺตญฺจ  อวิตกฺก-
อวิจารญฺจ   ธมฺมํ   ปจฺจยา   สวิตกฺกสวิจาโร  ธมฺโม  ...  วิตกฺกญฺจ
วตฺถุญฺจ   ปจฺจยา   สวิตกฺกสวิจารา   เจตนา   ฯ  อวิตกฺกวิจารมตฺตญฺจ
อวิตกฺกอวิจารญฺจ    ธมฺมํ    ปจฺจยา   อวิตกฺกวิจารมตฺโต  ธมฺโม  ...
อวิตกฺกวิจารมตฺเต   ขนฺเธ   จ   วิจารญฺจ  ปจฺจยา  อวิตกฺกวิจารมตฺตา
เจตนา  อวิตกฺกวิจารมตฺเต  ขนฺเธ  จ  วตฺถุญฺจ  ปจฺจยา  อวิตกฺกวิจาร-
มตฺตา     เจตนา    ฯ     สวิตกฺกสวิจารญฺจ    อวิตกฺกวิจารมตฺตญฺจ
ธมฺมํ  ปจฺจยา  สวิตกฺกสวิจาโร  ธมฺโม  ...  สวิตกฺกสวิจาเร  ขนฺเธ จ
วิตกฺกญฺจ ปจฺจยา สวิตกฺกสวิจารา เจตนา ฯ
     [๑๑๑]   สวิตกฺกสวิจารญฺจ  อวิตกฺกวิจารมตฺตญฺจ  อวิตกฺกอวิจารญฺจ
ธมฺมํ  ปจฺจยา  สวิตกฺกสวิจาโร  ธมฺโม  อุปฺปชฺชติ  นกมฺมปจฺจยา สวิตกฺก-
สวิจาเร ขนฺเธ จ วิตกฺกญฺจ วตฺถุญฺจ ปจฺจยา สวิตกฺกสวิจารา เจตนา ฯ
     [๑๑๒]   นวิปาเก  สตฺตตฺตึส  ปญฺหา  กาตพฺพา  ฯ นอาหารปจฺจยา
นอินฺทฺริยปจฺจยา     นฌานปจฺจยา     นมคฺคปจฺจยา    นสมฺปยุตฺตปจฺจยา
นวิปฺปยุตฺตปจฺจยา โนนตฺถิปจฺจยา โนวิคตปจฺจยา วิตฺถาเรตพฺพา ฯ
     [๑๑๓]  นเหตุยา  เตตฺตึส  นอารมฺมเณ  สตฺต นอธิปติยา สตฺตตฺตึส
นอนนฺตเร   นสมนนฺตเร   นอญฺญมญฺเญ   นอุปนิสฺสเย  สตฺต  นปุเรชาเต
นปจฺฉาชาเต   นอาเสวเน   สตฺตตฺตึส   นกมฺเม   เอกาทส   นวิปาเก
สตฺตตฺตึส   นอาหาเร   เอกํ   นอินฺทฺริเย   เอกํ  นฌาเน เอกํ นมคฺเค
เตตฺตึส   นสมฺปยุตฺเต   สตฺต   นวิปฺปยุตฺเต  เอกาทส  โนนตฺถิยา  สตฺต
โนวิคเต สตฺต ฯ
                             ปจฺจยวาโร นิฏฺฐิโต ฯ
                             นิสฺสยมฺปิ นินฺนานํ ฯ
                                   สํสฏฺฐวาโร
     [๑๑๔]   สวิตกฺกสวิจารํ   ธมฺมํ  สํสฏฺโฐ  สวิตกฺกสวิจาโร  ธมฺโม
อุปฺปชฺชติ   เหตุปจฺจยา   สวิตกฺกสวิจารํ   เอกํ   ขนฺธํ   สํสฏฺฐา  ตโย
ขนฺธา   เทฺว  ขนฺเธ  ...  ปฏิสนฺธิกฺขเณ ... ฯ  สวิตกฺกสวิจารํ  ธมฺมํ
สํสฏฺโฐ  อวิตกฺกวิจารมตฺโต  ธมฺโม  ...  สวิตกฺกสวิจาเร ขนฺเธ สํสฏฺโฐ
วิตกฺโก    ปฏิสนฺธิกฺขเณ    ฯเปฯ    สวิตกฺกสวิจารํ    ธมฺมํ   สํสฏฺโฐ
สวิตกฺกสวิจาโร  จ  อวิตกฺกวิจารมตฺโต จ ธมฺมา ... สวิตกฺกสวิจารํ เอกํ
ขนฺธํ สํสฏฺฐา ตโย ขนฺธา วิตกฺโก จ เทฺว ขนฺเธ ... ปฏิสนฺธิกฺขเณ ฯเปฯ
     [๑๑๕]   อวิตกฺกวิจารมตฺตํ  ธมฺมํ  สํสฏฺโฐ  อวิตกฺกวิจารมตฺโต ธมฺโม
อุปฺปชฺชติ  เหตุปจฺจยา  อวิตกฺกวิจารมตฺตํ  เอกํ  ขนฺธํ สํสฏฺฐา ตโย ขนฺธา
เทฺว  ขนฺเธ ...  ปฏิสนฺธิกฺขเณ ... ฯ  อวิตกฺกวิจารมตฺตํ  ธมฺมํ  สํสฏฺโฐ
สวิตกฺกสวิจาโร   ธมฺโม   ...  วิตกฺกํ  สํสฏฺฐา  สวิตกฺกสวิจารา ขนฺธา
ปฏิสนฺธิกฺขเณ  ...  ฯ  อวิตกฺกวิจารมตฺตํ  ธมฺมํ  สํสฏฺโฐ อวิตกฺกอวิจาโร
ธมฺโม  ...  อวิตกฺกวิจารมตฺเต  ขนฺเธ  สํสฏฺโฐ  วิจาโร  ปฏิสนฺธิกฺขเณ
อวิตกฺกวิจารมตฺเต ขนฺเธ สํสฏฺโฐ วิจาโร ฯ
     {๑๑๕.๑}   อวิตกฺกวิจารมตฺตํ  ธมฺมํ  สํสฏฺโฐ  อวิตกฺกวิจารมตฺโต  จ
อวิตกฺกอวิจาโร จ ธมฺมา ... อวิตกฺกวิจารมตฺตํ เอกํ ขนฺธํ สํสฏฺฐา  ตโย ขนฺธา
วิจาโร  จ  เทฺว  ขนฺเธ  ...  ปฏิสนฺธิกฺขเณ ... ฯ  อวิตกฺกอวิจารํ ธมฺมํ สํสฏฺโฐ
อวิตกฺกอวิจาโร  ธมฺโม  อุปฺปชฺชติ  เหตุปจฺจยา  อวิตกฺกอวิจารํ เอกํ ขนฺธํ
สํสฏฺฐา ตโย ขนฺธา เทฺว ขนฺเธ สํสฏฺฐา ปฏิสนฺธิกฺขเณ ... ฯ อวิตกฺกอวิจารํ
ธมฺมํ  สํสฏฺโฐ  อวิตกฺกวิจารมตฺโต  ธมฺโม  ...  วิจารํ  สํสฏฺฐา  อวิตกฺก-
วิจารมตฺตา ขนฺธา ปฏิสนฺธิกฺขเณ วิจารํ สํสฏฺฐา ฯ
     [๑๑๕]   อวิตกฺกวิจารมตฺตญฺจ   อวิตกฺกอวิจารญฺจ   ธมฺมํ  สํสฏฺโฐ
อวิตกฺกวิจารมตฺโต   ธมฺโม   ...   อวิตกฺกวิจารมตฺตํ   เอกํ   ขนฺธญฺจ
วิจารญฺจ  สํสฏฺฐา  ตโย  ขนฺธา  เทฺว ขนฺเธ ฯเปฯ ปฏิสนฺธิกฺขเณ ... ฯ
สวิตกฺกสวิจารญฺจ   อวิตกฺกวิจารมตฺตญฺจ   ธมฺมํ  สํสฏฺโฐ  สวิตกฺกสวิจาโร
ธมฺโม   อุปฺปชฺชติ  เหตุปจฺจยา  สวิตกฺกสวิจารํ  เอกํ  ขนฺธญฺจ  วิตกฺกญฺจ
สํสฏฺฐา ตโย ขนฺธา เทฺว ขนฺเธ จ วิตกฺกญฺจ ปฏิสนฺธิกฺขเณ ... ฯ
     เหตุปจฺจยํ อนุมชฺชนฺเตน สพฺเพ ปจฺจยา วิตฺถาเรตพฺพา ฯ
     [๑๑๖]   เหตุยา  เอกาทส อารมฺมเณ อธิปติยา อนนฺตเร สมนนฺตเร
สหชาเต  อญฺญมญฺเญ  นิสฺสเย  อุปนิสฺสเย  ปุเรชาเต  อาเสวเน  กมฺเม
วิปาเก  อาหาเร  อินฺทฺริเย  ฌาเน  มคฺเค สมฺปยุตฺเต วิปฺปยุตฺเต อตฺถิยา
นตฺถิยา วิคเต อวิคเต สพฺพตฺถ เอกาทส ฯ
                                    อนุโลมํ ฯ
                     ปจฺจนียํ กาตพฺพํ อสมฺโมหนฺเตน
     [๑๑๗]   นเหตุยา  ฉ  นอธิปติยา  เอกาทส  นปุเรชาเต เอกาทส
นปจฺฉาชาเต    เอกาทส    นอาเสวเน    เอกาทส   นกมฺเม   สตฺต
นวิปาเก เอกาทส นฌาเน เอกํ นมคฺเค ฉ นวิปฺปยุตฺเต เอกาทส ฯ
                                   ปจฺจนียํ ฯ
                  อิตเร ปน เทฺวปิ วารา วิตฺถาเรตพฺพา ฯ
                      สมฺปยุตฺตวาโรปิ วิตฺถาเรตพฺโพ ฯ
                              สํสฏฺฐวาโร นิฏฺฐิโต ฯ
                                    ปญฺหาวาโร
     [๑๑๘]   สวิตกฺกสวิจาโร    ธมฺโม   สวิตกฺกสวิจารสฺส   ธมฺมสฺส
เหตุปจฺจเยน   ปจฺจโย   สวิตกฺกสวิจารา   เหตู  สมฺปยุตฺตกานํ  ขนฺธานํ
เหตุปจฺจเยน ปจฺจโย ปฏิสนฺธิกฺขเณ ... ฯ
     [๑๑๙]   สวิตกฺกสวิจาโร   ธมฺโม   อวิตกฺกวิจารมตฺตสฺส  ธมฺมสฺส
เหตุปจฺจเยน   ปจฺจโย   สวิตกฺกสวิจารา  เหตู  วิตกฺกสฺส  เหตุปจฺจเยน
ปจฺจโย ปฏิสนฺธิกฺขเณ ... ฯ
     [๑๒๐]   สวิตกฺกสวิจาโร ธมฺโม อวิตกฺกอวิจารสฺส ธมฺมสฺส เหตุปจฺจเยน
ปจฺจโย  สวิตกฺกสวิจารา เหตู จิตฺตสมุฏฺฐานานํ รูปานํ เหตุปจฺจเยน ปจฺจโย
ปฏิสนฺธิกฺขเณ สวิตกฺกสวิจารา เหตู กฏตฺตารูปานํ เหตุปจฺจเยน ปจฺจโย ฯ
     [๑๒๑]   สวิตกฺกสวิจาโร  ธมฺโม  สวิตกฺกสวิจารสฺส  จ  อวิตกฺก-
อวิจารสฺส    จ   ธมฺมสฺส   เหตุปจฺจเยน   ปจฺจโย   สวิตกฺกสวิจารา
เหตู      สมฺปยุตฺตกานํ     ขนฺธานํ     จิตฺตสมุฏฺฐานานญฺจ     รูปานํ
เหตุปจฺจเยน     ปจฺจโย     ปฏิสนฺธิกฺขเณ    สวิตกฺกสวิจารา    เหตู
สมฺปยุตฺตกานํ ขนฺธานํ กฏตฺตา จ รูปานํ เหตุปจฺจเยน ปจฺจโย ฯ
     [๑๒๒]   สวิตกฺกสวิจาโร    ธมฺโม    อวิตกฺกวิจารมตฺตสฺส    จ
อวิตกฺกอวิจารสฺส   จ   ธมฺมสฺส  เหตุปจฺจเยน  ปจฺจโย  สวิตกฺกสวิจารา
เหตู   วิตกฺกสฺส   จิตฺตสมุฏฺฐานานญฺจ   รูปานํ   เหตุปจฺจเยน   ปจฺจโย
ปฏิสนฺธิกฺขเณ   สวิตกฺกสวิจารา   เหตู   วิตกฺกสฺส   กฏตฺตา  จ  รูปานํ
เหตุปจฺจเยน ปจฺจโย ฯ
     [๑๒๓]   สวิตกฺกสวิจาโร  ธมฺโม สวิตกฺกสวิจารสฺส จ อวิตกฺกวิจาร-
มตฺตสฺส   จ   ธมฺมสฺส   เหตุปจฺจเยน  ปจฺจโย  สวิตกฺกสวิจารา  เหตู
สมฺปยุตฺตกานํ   ขนฺธานํ   วิตกฺกสฺส   จ   เหตุปจฺจเย   ปจฺจโย  ฯเปฯ
ปฏิสนฺธิกฺขเณ   สวิตกฺกสวิจารา   เหตู  สมฺปยุตฺตกานํ  ขนฺธานํ  วิตกฺกสฺส
จ เหตุปจฺจเยน ปจฺจโย ฯ
     [๑๒๔]   สวิตกฺกสวิจาโร  ธมฺโม สวิตกฺกสวิจารสฺส จ อวิตกฺกวิจาร-
มตฺตสฺส   จ   อวิตกฺกอวิจารสฺส   จ   ธมฺมสฺส  เหตุปจฺจเยน  ปจฺจโย
สวิตกฺกสวิจารา   เหตู   สมฺปยุตฺตกานํ   ขนฺธานํ   วิตกฺกสฺส   จ จิตฺต-
สมุฏฺฐานานญฺจ     รูปานํ    เหตุปจฺจเยน    ปจฺจโย    ปฏิสนฺธิกฺขเณ
สวิตกฺกสวิจารา   เหตู   สมฺปยุตฺตกานํ   ขนฺธานํ  วิตกฺกสฺส  จ  กฏตฺตา
จ รูปานํ เหตุปจฺจเยน ปจฺจโย ฯ
     [๑๒๕]   อวิตกฺกวิจารมตฺโต  ธมฺโม  อวิตกฺกวิจารมตฺตสฺส  ธมฺมสฺส
เหตุปจฺจเยน    ปจฺจโย    อวิตกฺกวิจารมตฺตา    เหตู    สมฺปยุตฺตกานํ
ขนฺธานํ    เหตุปจฺจเยน    ปจฺจโย   ปฏิสนฺธิกฺขเณ   อวิตกฺกวิจารมตฺตา
เหตู สมฺปยุตฺตกานํ ขนฺธานํ เหตุปจฺจเยน ปจฺจโย ฯ
     [๑๒๖]   อวิตกฺกวิจารมตฺโต   ธมฺโม   อวิตกฺกอวิจารสฺส  ธมฺมสฺส
เหตุปจฺจเยน     ปจฺจโย     อวิตกฺกวิจารมตฺตา     เหตู    วิจารสฺส
จิตฺตสมุฏฺฐานานญฺจ    รูปานํ    เหตุปจฺจเยน    ปจฺจโย   ปฏิสนฺธิกฺขเณ
อวิตกฺกวิจารมตฺตา  เหตู  วิจารสฺส  จ  กฏตฺตา  จ  รูปานํ เหตุปจฺจเยน
ปจฺจโย ฯ
     [๑๒๗]   อวิตกฺกวิจารมตฺโต ธมฺโม อวิตกฺกวิจารมตฺตสฺส จ อวิตกฺก-
อวิจารสฺส   จ   ธมฺมสฺส  เหตุปจฺจเยน ปจฺจโย อวิตกฺกวิจารมตฺตา เหตู
สมฺปยุตฺตกานํ    ขนฺธานํ    วิจารสฺส   จ   จิตฺตสมุฏฺฐานานญฺจ   รูปานํ
เหตุปจฺจเยน    ปจฺจโย    ปฏิสนฺธิกฺขเณ    อวิตกฺกวิจารมตฺตา    เหตู
สมฺปยุตฺตกานํ   ขนฺธานํ  วิจารสฺส  จ  กฏตฺตา  จ  รูปานํ  เหตุปจฺจเยน
ปจฺจโย ฯ
     [๑๒๘]   อวิตกฺกอวิจาโร    ธมฺโม   อวิตกฺกอวิจารสฺส   ธมฺมสฺส
เหตุปจฺจเยน   ปจฺจโย   อวิตกฺกอวิจารา   เหตู  สมฺปยุตฺตกานํ  ขนฺธานํ
จิตฺตสมุฏฺฐานานญฺจ    รูปานํ    เหตุปจฺจเยน    ปจฺจโย   ปฏิสนฺธิกฺขเณ
อวิตกฺกอวิจารา   เหตู   สมฺปยุตฺตกานํ  ขนฺธานํ   กฏตฺตา   จ   รูปานํ
เหตุปจฺจเยน ปจฺจโย ฯ
     [๑๒๙]   สวิตกฺกสวิจาโร   ธมฺโม   สวิตกฺกสวิจารสฺส   ธมฺมสฺส
อารมฺมณปจฺจเยน   ปจฺจโย  ทานํ  ทตฺวา  สีลํ  สมาทิยิตฺวา  อุโปสถกมฺมํ
กตฺวา     ตํ     ปจฺจเวกฺขติ     ปุพฺเพ     สุจิณฺณานิ    ปจฺจเวกฺขติ
สวิตกฺกสวิจารา  ฌานา  วุฏฺฐหิตฺวา  ...  มคฺคา  วุฏฺฐหิตฺวา  ... ผลา
วุฏฺฐหิตฺวา   ผลํ   ปจฺจเวกฺขติ   อริยา   ปหีเน  กิเลเส  ปจฺจเวกฺขนฺติ
วิกฺขมฺภิเต    กิเลเส    ปจฺจเวกฺขนฺติ   ปุพฺเพ   สมุทาจิณฺเณ   กิเลเส
ชานนฺติ    สวิตกฺกสวิจาเร    ขนฺเธ    อนิจฺจโต    ทุกฺขโต  อนตฺตโต
วิปสฺสนฺติ   อสฺสาเทนฺติ   อภินนฺทนฺติ   ตํ   อารพฺภ   ราโค   อุปฺปชฺชติ
โทมนสฺสํ   อุปฺปชฺชติ   สวิตกฺกสวิจาเร  ขนฺเธ  อารพฺภ  สวิตกฺกสวิจารา
ขนฺธา อุปฺปชฺชนฺติ ฯ
     [๑๓๐]   สวิตกฺกสวิจาโร   ธมฺโม   อวิตกฺกวิจารมตฺตสฺส   ธมฺมสฺส
อารมฺมณปจฺจเยน   ปจฺจโย  ทานํ  ทตฺวา  สีลํ  สมาทิยิตฺวา  อุโปสถกมฺมํ
กตฺวา  ตํ  ปจฺจเวกฺขติ  ตํ  อารพฺภ  วิตกฺโก  อุปฺปชฺชติ  ปุพฺเพ สุจิณฺณานิ
ปจฺจเวกฺขติ  สวิตกฺกสวิจารา  ฌานา  วุฏฺฐหิตฺวา  ...  มคฺคา วุฏฺฐหิตฺวา
...  ผลา  วุฏฺฐหิตฺวา  ผลํ  ปจฺจเวกฺขติ  ตํ  อารพฺภ  วิตกฺโก อุปฺปชฺชติ
อริยา  ปหีเน  กิเลเส  ปจฺจเวกฺขนฺติ  วิกฺขมฺภิเต  กิเลเส  ปจฺจเวกฺขนฺติ
ปุพฺเพ  สมุทาจิณฺเณ  กิเลเส  ชานนฺติ  สวิตกฺกสวิจาเร  ขนฺเธ  อนิจฺจโต
ทุกฺขโต    อนตฺตโต  วิปสฺสนฺติ   อสฺสาเทนฺติ  อภินนฺทนฺติ   ตํ   อารพฺภ
วิตกฺโก อุปฺปชฺชติ สวิตกฺกสวิจาเร ขนฺเธ อารพฺภ วิตกฺโก อุปฺปชฺชติ ฯ
     [๑๓๑]   สวิตกฺกสวิจาโร ธมฺโม อวิตกฺกอวิจารสฺส ธมฺมสฺส อารมฺมณ-
ปจฺจเยน    ปจฺจโย    เจโตปริยญาเณน    สวิตกฺกสวิจารจิตฺตสมงฺคิสฺส
จิตฺตํ     ชานาติ     สวิตกฺกสวิจารา     ขนฺธา     เจโตปริยญาณสฺส
ปุพฺเพนิวาสานุสฺสติญาณสฺส       ยถากมฺมูปคญาณสฺส      อนาคตํสญาณสฺส
อารมฺมณปจฺจเยน   ปจฺจโย   สวิตกฺกสวิจาเร   ขนฺเธ  อารพฺภ อวิตกฺก-
อวิจารา ขนฺธา อุปฺปชฺชนฺติ ฯ
     [๑๓๒]   สวิตกฺกสวิจาโร  ธมฺโม สวิตกฺกสวิจารสฺส จ อวิตกฺกวิจาร-
มตฺตสฺส   จ   ธมฺมสฺส   อารมฺมณปจฺจเยน  ปจฺจโย  ทานํ  ทตฺวา  สีลํ
สมาทิยิตฺวา   อุโปสถกมฺมํ   กตฺวา   ตํ  ปจฺจเวกฺขติ ตํ อารพฺภ สวิตกฺก-
สวิจารา  ขนฺธา  จ  วิตกฺโก  จ อุปฺปชฺชนฺติ ปุพฺเพ สุจิณฺณานิ ปจฺจเวกฺขติ
สวิตกฺกสวิจารา ฌานา วุฏฺฐหิตฺวา ... มคฺคา ... ผลา ... ผลํ ปจฺจเวกฺขติ
ตํ  อารพฺภ  สวิตกฺกสวิจารา  ขนฺธา จ วิตกฺโก จ อุปฺปชฺชนฺติ อริยา ปหีเน
กิเลเส  ปจฺจเวกฺขนฺติ  วิกฺขมฺภิเต กิเลเส ปจฺจเวกฺขนฺติ ปุพฺเพ สมุทาจิณฺเณ
กิเลเส   ชานนฺติ   สวิตกฺกสวิจาเร  ขนฺเธ  อนิจฺจโต  ทุกฺขโต อนตฺตโต
วิปสฺสติ   อสฺสาเทติ   อภินนฺทติ   ตํ  อารพฺภ  สวิตกฺกสวิจารา ขนฺธา จ
วิตกฺโก  จ  อุปฺปชฺชนฺติ  สวิตกฺกสวิจาเร  ขนฺเธ  อารพฺภ สวิตกฺกสวิจารา
ขนฺธา จ วิตกฺโก จ อุปฺปชฺชนฺติ ฯ
     [๑๓๓]   อวิตกฺกวิจารมตฺโต  ธมฺโม  อวิตกฺกวิจารมตฺตสฺส  ธมฺมสฺส
อารมฺมณปจฺจเยน    ปจฺจโย    อวิตกฺกวิจารมตฺตา   ฌานา   วุฏฺฐหิตฺวา
...  มคฺคา  ...  ผลา  ...  ผลํ  ปจฺจเวกฺขติ  ตํ  อารพฺภ  วิตกฺโก
อุปฺปชฺชติ    อวิตกฺกวิจารมตฺเต    ขนฺเธ    จ    วิตกฺกญฺจ   อนิจฺจโต
ทุกฺขโต    อนตฺตโต    วิปสฺสติ   อสฺสาเทติ   อภินนฺทติ   ตํ   อารพฺภ
วิตกฺโก    อุปฺปชฺชติ    อวิตกฺกวิจารมตฺเต    ขนฺเธ    จ    วิตกฺกญฺจ
อารพฺภ วิตกฺโก อุปฺปชฺชติ ฯ
     [๑๓๔]   อวิตกฺกวิจารมตฺโต   ธมฺโม   สวิตกฺกสวิจารสฺส  ธมฺมสฺส
อารมฺมณปจฺจเยน   ปจฺจโย  อวิตกฺกวิจารมตฺตา  ฌานา  วุฏฺฐหิตฺวา  ...
มคฺคา  ... ผลา ... ผลํ ปจฺจเวกฺขนฺติ ตํ อารพฺภ สวิตกฺกสวิจารา ขนฺธา
อุปฺปชฺชนฺติ   อวิตกฺกวิจารมตฺเต  ขนฺเธ  จ  วิตกฺกญฺจ  อนิจฺจโต  ทุกฺขโต
อนตฺตโต   วิปสฺสติ  อสฺสาเทติ  อภินนฺทติ  ตํ  อารพฺภ  ราโค  อุปฺปชฺชติ
ฯเปฯ   โทมนสฺสํ   อุปฺปชฺชติ   อวิตกฺกวิจารมตฺเต  ขนฺเธ  จ  วิตกฺกญฺจ
อารพฺภ สวิตกฺกสวิจารา ขนฺธา อุปฺปชฺชนฺติ ฯเปฯ
     [๑๓๕]   อวิตกฺกวิจารมตฺโต   ธมฺโม   อวิตกฺกอวิจารสฺส   ธมฺมสฺส
อารมฺมณปจฺจเยน    ปจฺจโย   เจโตปริยญาเณน   อวิตกฺกวิจารมตฺตจิตฺต-
สมงฺคิสฺส   จิตฺตํ  ชานาติ  อวิตกฺกวิจารมตฺตา  ขนฺธา  เจโตปริยญาณสฺส
ปุพฺเพนิวาสานุสฺสติญาณสฺส       ยถากมฺมูปคญาณสฺส      อนาคตํสญาณสฺส
อารมฺมณปจฺจเยน  ปจฺจโย  อวิตกฺกวิจารมตฺเต  ขนฺเธ จ วิตกฺกญฺจ อารพฺภ
อวิตกฺกอวิจารา ขนฺธา อุปฺปชฺชนฺติ ฯ
     [๑๓๖]   อวิตกฺกวิจารมตฺโต  ธมฺโม  สวิตกฺกสวิจารสฺส  จ  อวิตกฺก-
วิจารมตฺตสฺส   จ   ธมฺมสฺส  อารมฺมณปจฺจเยน  ปจฺจโย  อวิตกฺกวิจาร-
มตฺตา  ฌานา  วุฏฺฐหิตฺวา  ...  มคฺคา ... ผลา ... ผลํ ปจฺจเวกฺขติ
ตํ   อารพฺภ   สวิตกฺกสวิจารา   ขนฺธา   จ   วิตกฺโก   จ  อุปฺปชฺชนฺติ
อวิตกฺกวิจารมตฺเต   ขนฺเธ   จ  วิตกฺกญฺจ  อนิจฺจโต  ทุกฺขโต  อนตฺตโต
วิปสฺสติ   อสฺสาเทติ  อภินนฺทติ  ตํ  อารพฺภ  สวิตกฺกสวิจารา  ขนฺธา  จ
วิตกฺโก   จ   อุปฺปชฺชนฺติ   อวิตกฺกวิจารมตฺเต   ขนฺเธ   จ   วิตกฺกญฺจ
อารพฺภ สวิตกฺกสวิจารา ขนฺธา จ วิตกฺโก จ อุปฺปชฺชนฺติ ฯ
     [๑๓๗]   อวิตกฺกอวิจาโร    ธมฺโม   อวิตกฺกอวิจารสฺส   ธมฺมสฺส
อารมฺมณปจฺจเยน    ปจฺจโย    นิพฺพานํ    อวิตกฺกอวิจารสฺส    มคฺคสฺส
ผลสฺส   วิจารสฺส   จ   อารมฺมณปจฺจเยน   ปจฺจโย   ทิพฺเพน  จกฺขุนา
รูปํ   ปสฺสติ   ทิพฺพาย   โสตธาตุยา   สทฺทํ   สุณาติ  เจโตปริยญาเณน
อวิตกฺกอวิจารจิตฺตสมงฺคิสฺส     จิตฺตํ     ชานาติ     อากาสานญฺจายตนํ
วิญฺญาณญฺจายตนสฺส       อากิญฺจญฺญายตนํ      เนวสญฺญานาสญฺญายตนสฺส
อารมฺมณปจฺจเยน   ปจฺจโย   รูปายตนํ   จกฺขุวิญฺญาณสฺส   โผฏฺฐพฺพายตนํ
กายวิญฺญาณสฺส    อารมฺมณปจฺจเยน   ปจฺจโย   อวิตกฺกอวิจารา   ขนฺธา
อิทฺธิวิธญาณสฺส        เจโตปริยญาณสฺส       ปุพฺเพนิวาสานุสฺสติญาณสฺส
ยถากมฺมูปคญาณสฺส     อนาคตํสญาณสฺส     อารมฺมณปจฺจเยน    ปจฺจโย
อวิตกฺกอวิจาเร   ขนฺเธ  จ  วิจารญฺจ  อารพฺภ  อวิตกฺกอวิจารา  ขนฺธา
อุปฺปชฺชนฺติ ฯ
     [๑๓๘]   อวิตกฺกอวิจาโร    ธมฺโม   สวิตกฺกสวิจารสฺส   ธมฺมสฺส
อารมฺมณปจฺจเยน  ปจฺจโย  อริยา  อวิตกฺกอวิจารา ฌานา วุฏฺฐหิตฺวา ...
มคฺคา   ...   ผลา   วุฏฺฐหิตฺวา   ผลํ   ปจฺจเวกฺขนฺติ   ตํ   อารพฺภ
สวิตกฺกสวิจารา   ขนฺธา   อุปฺปชฺชนฺติ   อริยา   นิพฺพานํ   ปจฺจเวกฺขนฺติ
นิพฺพานํ   โคตฺรภุสฺส   โวทานสฺส   สวิตกฺกสวิจารสฺส   มคฺคสฺส   ผลสฺส
อาวชฺชนาย    อารมฺมณปจฺจเยน    ปจฺจโย   จกฺขุํ   อนิจฺจโต  ทุกฺขโต
อนตฺตโต    วิปสฺสติ    อสฺสาเทติ    อภินนฺทติ   ตํ   อารพฺภ   ราโค
อุปฺปชฺชติ  โทมนสฺสํ  อุปฺปชฺชติ  โสตํ  ...  ฆานํ  ชิวฺหํ กายํ รูเป สทฺเท
คนฺเธ  รเส  โผฏฺฐพฺเพ  วตฺถุํ  ...  อวิตกฺกอวิจาเร ขนฺเธ จ วิจารญฺจ
อนิจฺจโต    ทุกฺขโต    อนตฺตโต    วิปสฺสติ   อสฺสาเทติ  อภินนฺทติ  ตํ
อารพฺภ    ราโค    อุปฺปชฺชติ    โทมนสฺสํ   อุปฺปชฺชติ  อวิตกฺกอวิจาเร
ขนฺเธ จ วิจารญฺจ อารพฺภ สวิตกฺกสวิจารา ขนฺธา อุปฺปชฺชนฺติ ฯเปฯ
     [๑๓๙]   อวิตกฺกอวิจาโร   ธมฺโม   อวิตกฺกวิจารมตฺตสฺส  ธมฺมสฺส
อารมฺมณปจฺจเยน  ปจฺจโย  อริยา  อวิตกฺกอวิจารา ฌานา วุฏฺฐหิตฺวา ...
มคฺคา ... ผลา ... ผลํ ปจฺจเวกฺขนฺติ ตํ อารพฺภ วิตกฺโก อุปฺปชฺชติ อริยา
นิพฺพานํ    ปจฺจเวกฺขนฺติ   นิพฺพานํ  อวิตกฺกวิจารมตฺตสฺส  มคฺคสฺส  ผลสฺส
วิตกฺกสฺส  จ  อารมฺมณปจฺจเยน  ปจฺจโย  จกฺขุํ อนิจฺจโต ทุกฺขโต อนตฺตโต
... วตฺถุํ ... อวิตกฺกอวิจาเร ขนฺเธ จ วิจารญฺจ อนิจฺจโต ทุกฺขโต อนตฺตโต
วิปสฺสติ   อสฺสาเทติ   อภินนฺทติ   ตํ  อารพฺภ วิตกฺโก อุปฺปชฺชติ อวิตกฺก-
อวิจาเร ขนฺเธ จ วิจารญฺจ อารพฺภ วิตกฺโก อุปฺปชฺชติ ฯ
     [๑๔๐]   อวิตกฺกอวิจาโร    ธมฺโม    อวิตกฺกวิจารมตฺตสฺส   จ
อวิตกฺกอวิจารสฺส     จ     ธมฺมสฺส     อารมฺมณปจฺจเยน     ปจฺจโย
นิพฺพานํ    อวิตกฺกวิจารมตฺตสฺส    มคฺคสฺส    ผลสฺส    วิจารสฺส    จ
อารมฺมณปจฺจเยน ปจฺจโย ฯ
     [๑๔๑]   อวิตกฺกอวิจาโร  ธมฺโม สวิตกฺกสวิจารสฺส จ อวิตกฺกวิจาร-
มตฺตสฺส  จ  ธมฺมสฺส  อารมฺมณปจฺจเยน  ปจฺจโย  อริยา อวิตกฺกอวิจารา
ฌานา ...  มคฺคา ...  ผลา  วุฏฺฐหิตฺวา  ผลํ  ปจฺจเวกฺขนฺติ  ตํ  อารพฺภ
สวิตกฺกสวิจารา   ขนฺธา   จ   วิตกฺโก   จ   อุปฺปชฺชนฺติ อริยา นิพฺพานํ
ปจฺจเวกฺขนฺติ   นิพฺพานํ   โคตฺรภุสฺส  โวทานสฺส  วิตกฺกสฺส  จ  สวิตกฺก-
สวิจารสฺส   มคฺคสฺส  วิตกฺกสฺส  จ  สวิตกฺกสวิจารสฺส  ผลสฺส  วิตกฺกสฺส
จ  อาวชฺชนาย  วิตกฺกสฺส  จ  อารมฺมณปจฺจเยน  ปจฺจโย  จกฺขุํ อนิจฺจโต
ทุกฺขโต   อนตฺตโต   วิปสฺสติ   ตํ   อารพฺภ   สวิตกฺกสวิจารา ขนฺธา จ
วิตกฺโก จ อุปฺปชฺชนฺติ โสตํ ... ฯเปฯ โผฏฺฐพฺพํ วตฺถุํ ... อวิตกฺกอวิจาเร
ขนฺเธ   จ  วิจารญฺจ  อนิจฺจโต  ทุกฺขโต  อนตฺตโต  วิปสฺสติ  ตํ อารพฺภ
สวิตกฺกสวิจารา ขนฺธา จ วิตกฺโก จ อุปฺปชฺชนฺติ ฯ
     [๑๔๒]   อวิตกฺกวิจารมตฺโต  จ  อวิตกฺกอวิจาโร จ ธมฺมา สวิตกฺก-
สวิจารสฺส   ธมฺมสฺส   อารมฺมณปจฺจเยน   ปจฺจโย   อวิตกฺกวิจารมตฺเต
ขนฺเธ จ วิจารญฺจ อารพฺภ สวิตกฺกสวิจารา ขนฺธา อุปฺปชฺชนฺติ ฯ
     [๑๔๓]   อวิตกฺกวิจารมตฺโต  จ  อวิตกฺกอวิจาโร จ ธมฺมา อวิตกฺก-
วิจารมตฺตสฺส   ธมฺมสฺส   อารมฺมณปจฺจเยน  ปจฺจโย  อวิตกฺกวิจารมตฺเต
ขนฺเธ จ วิจารญฺจ อารพฺภ วิตกฺโก อุปฺปชฺชติ ฯ
     [๑๔๔]   อวิตกฺกวิจารมตฺโต   จ   อวิตกฺกอวิจาโร   จ   ธมฺมา
อวิตกฺกอวิจารสฺส   ธมฺมสฺส   อารมฺมณปจฺจเยน   ปจฺจโย  อวิตกฺกวิจาร-
มตฺตา   ขนฺธา  จ  วิจาโร  จ  เจโตปริยญาณสฺส  ปุพฺเพนิวาสานุสฺสติ-
ญาณสฺส     ยถากมฺมูปคญาณสฺส    อนาคตํสญาณสฺส    อารมฺมณปจฺจเยน
ปจฺจโย  อวิตกฺกวิจารมตฺเต  ขนฺเธ  จ  วิจารญฺจ อารพฺภ อวิตกฺกอวิจารา
ขนฺธา อุปฺปชฺชนฺติ ฯ
     [๑๔๕]   อวิตกฺกวิจารมตฺโต  จ  อวิตกฺกอวิจาโร จ ธมฺมา สวิตกฺก-
สวิจารสฺส   จ   อวิตกฺกวิจารมตฺตสฺส   จ   ธมฺมสฺส  อารมฺมณปจฺจเยน
ปจฺจโย  อวิตกฺกวิจารมตฺเต  ขนฺเธ  จ  วิจารญฺจ อารพฺภ สวิตกฺกสวิจารา
ขนฺธา จ วิตกฺโก จ อุปฺปชฺชนฺติ ฯ
     [๑๔๖]   สวิตกฺกสวิจาโร  จ  อวิตกฺกวิจารมตฺโต จ ธมฺมา สวิตกฺก-
สวิจารสฺส    ธมฺมสฺส    อารมฺมณปจฺจเยน   ปจฺจโย   สวิตกฺกสวิจาเร
ขนฺเธ จ วิตกฺกญฺจ อารพฺภ สวิตกฺกสวิจารา ขนฺธา อุปฺปชฺชนฺติ ฯ
     [๑๔๗]   สวิตกฺกสวิจาโร  จ  อวิตกฺกวิจารมตฺโต จ ธมฺมา อวิตกฺก-
วิจารมตฺตสฺส   ธมฺมสฺส   อารมฺมณปจฺจเยน   ปจฺจโย   สวิตกฺกสวิจาเร
ขนฺเธ จ วิตกฺกญฺจ อารพฺภ วิตกฺโก อุปฺปชฺชติ ฯ
     [๑๔๘]   สวิตกฺกสวิจาโร   จ   อวิตกฺกวิจารมตฺโต   จ   ธมฺมา
อวิตกฺกอวิจารสฺส   ธมฺมสฺส   อารมฺมณปจฺจเยน  ปจฺจโย  สวิตกฺกสวิจารา
ขนฺธา   จ   วิตกฺโก   จ   เจโตปริยญาณสฺส  ปุพฺเพนิวาสานุสฺสติญาณสฺส
ยถากมฺมูปคญาณสฺส     อนาคตํสญาณสฺส     อารมฺมณปจฺจเยน    ปจฺจโย
สวิตกฺกสวิจาเร    ขนฺเธ    จ   วิตกฺกญฺจ   อารพฺภ   อวิตกฺกอวิจารา
ขนฺธา อุปฺปชฺชนฺติ ฯ
     [๑๔๙]   สวิตกฺกสวิจาโร  จ  อวิตกฺกวิจารมตฺโต จ ธมฺมา สวิตกฺก-
สวิจารสฺส   จ   อวิตกฺกวิจารมตฺตสฺส   จ   ธมฺมสฺส  อารมฺมณปจฺจเยน
ปจฺจโย  สวิตกฺกสวิจาเร  ขนฺเธ  จ  วิตกฺกญฺจ  อารพฺภ  สวิตกฺกสวิจารา
ขนฺธา จ วิตกฺโก จ อุปฺปชฺชนฺติ ฯ

             เนื้อความพระไตรปิฎกฉบับภาษาบาลีอักษรไทย เล่มที่ ๔๑ หน้าที่ ๔๐-๖๐.
https://84000.org/tipitaka/read/pali_item.php?book=41&item=99&items=51
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=41&item=99&items=51&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=41&item=99&items=51
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=41&item=99&items=51
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=41&i=99
             สารบัญพระไตรปิฎกเล่มที่ ๔๑
https://84000.org/tipitaka/read/?index_41
https://84000.org/tipitaka/english/?index_41