พระไตรปิฎกเล่มที่ ๔๒ ภาษาบาลี อักษรไทย
พระอภิธรรมปิฎกเล่มที่ ๙ อภิ. ป.(๓) อนุโลมทุกปฏฺฐานํ ปุริมํ

                              ปญฺหาวาโร
     [๒๓๓]   อปฺปฏิโฆ   ธมฺโม   อปฺปฏิฆสฺส   ธมฺมสฺส  เหตุปจฺจเยน
ปจฺจโย:    อปฺปฏิฆา    เหตู   สมฺปยุตฺตกานํ   ขนฺธานํ   อปฺปฏิฆานญฺจ
จิตฺตสมุฏฺฐานานํ    รูปานํ    เหตุปจฺจเยน    ปจฺจโย    ปฏิสนฺธิ    ฯ
อปฺปฏิโฆ    ธมฺโม    สปฺปฏิฆสฺส    ธมฺมสฺส   เหตุปจฺจเยน   ปจฺจโย:
อปฺปฏิฆา   เหตู   สปฺปฏิฆานํ   จิตฺตสมุฏฺฐานานํ   รูปานํ   เหตุปจฺจเยน
ปจฺจโย     ปฏิสนฺธิ     ฯ    อปฺปฏิโฆ    ธมฺโม    สปฺปฏิฆสฺส    จ
อปฺปฏิฆสฺส   จ   ธมฺมสฺส   เหตุปจฺจเยน   ปจฺจโย:   อปฺปฏิฆา   เหตู
สมฺปยุตฺตกานํ   ขนฺธานํ   สปฺปฏิฆานญฺจ   อปฺปฏิฆานญฺจ   จิตฺตสมุฏฺฐานานํ
รูปานํ เหตุปจฺจเยน ปจฺจโย ปฏิสนฺธิกฺขเณ ... ฯ
     [๒๓๔]   สปฺปฏิโฆ  ธมฺโม  อปฺปฏิฆสฺส  ธมฺมสฺส  อารมฺมณปจฺจเยน
ปจฺจโย:    จกฺขุํ    ...    โผฏฺฐพฺเพ   อนิจฺจโต   ...   โทมนสฺสํ
อุปฺปชฺชติ    ทิพฺเพน    จกฺขุนา   รูปํ   ปสฺสติ   ทิพฺพาย   โสตธาตุยา
สทฺทํ      สุณาติ      รูปายตนํ     จกฺขุวิญฺญาณสฺส     โผฏฺฐพฺพายตนํ
กายวิญฺญาณสฺส         สปฺปฏิฆา        ขนฺธา        อิทฺธิวิธญาณสฺส
ปุพฺเพนิวาสานุสฺสติญาณสฺส         อนาคตํสญาณสฺส         อาวชฺชนาย
อารมฺมณปจฺจเยน ปจฺจโย ฯ
     {๒๓๔.๑}   อปฺปฏิโฆ     ธมฺโม     อปฺปฏิฆสฺส     ธมฺมสฺส
อารมฺมณปจฺจเยน  ปจฺจโย:  ทานํ  ...  สีลํ  ...  อุโปสถกมฺมํ  กตฺวา
ตํ     ปจฺจเวกฺขติ     ปุพฺเพ     สุจิณฺณานิ     ปจฺจเวกฺขติ    ฌานา
วุฏฺฐหิตฺวา    ฌานํ   ปจฺจเวกฺขติ   อริยา   มคฺคา   วุฏฺฐหิตฺวา   มคฺคํ
ปจฺจเวกฺขนฺติ    ผลํ   ปจฺจเวกฺขนฺติ   นิพฺพานํ   โคตฺรภุสฺส   โวทานสฺส
มคฺคสฺส    ผลสฺส    อาวชฺชนาย   อารมฺมณปจฺจเยน   ปจฺจโย   อริยา
ปหีเน    กิเลเส   ปจฺจเวกฺขนฺติ   วิกฺขมฺภิเต   กิเลเส   ปจฺจเวกฺขนฺติ
ปุพฺเพ    สมุทาจิณฺเณ    กิเลเส   ชานนฺติ   วตฺถุํ   ...   อิตฺถินฺทฺริยํ
ปุริสินฺทฺริยํ  ชีวิตินฺทฺริยํ  อาโปธาตุํ  ...  กพฬึการํ อาหารํ อนิจฺจโต ...
โทมนสฺสํ      อุปฺปชฺชติ      เจโตปริยญาเณน     อปฺปฏิฆจิตฺตสมงฺคิสฺส
จิตฺตํ       ชานาติ       อากาสานญฺจายตนํ       วิญฺญาณญฺจายตนสฺส
อากิญฺจญฺญายตนํ      เนวสญฺญานาสญฺญายตนสฺส     อปฺปฏิฆา     ขนฺธา
อิทฺธิวิธญาณสฺส        เจโตปริยญาณสฺส       ปุพฺเพนิวาสานุสฺสติญาณสฺส
ยถากมฺมูปคญาณสฺส    อนาคตํสญาณสฺส    อาวชฺชนาย   อารมฺมณปจฺจเยน
ปจฺจโย ฯ
     [๒๓๕]   สปฺปฏิโฆ   ธมฺโม   อปฺปฏิฆสฺส  ธมฺมสฺส  อธิปติปจฺจเยน
ปจฺจโย:  อารมฺมณาธิปติ:  จกฺขุํ  ...  โผฏฺฐพฺเพ  ครุํ กตฺวา อสฺสาเทติ
อภินนฺทติ   ตํ   ครุํ   กตฺวา   ราโค   อุปฺปชฺชติ   ทิฏฺฐิ  อุปฺปชฺชติ  ฯ
อปฺปฏิโฆ    ธมฺโม    อปฺปฏิฆสฺส   ธมฺมสฺส   อธิปติปจฺจเยน   ปจฺจโย:
อารมฺมณาธิปติ  สหชาตาธิปติ  ฯ  อารมฺมณาธิปติ:  ทานํ  ...  สีลํ ...
อุโปสถกมฺมํ  ...  ตํ  ครุํ  กตฺวา  ...  ปุพฺเพ  สุจิณฺณานิ  ... ฌานา
วุฏฺฐหิตฺวา   ฌานํ   ครุํ  กตฺวา  ปจฺจเวกฺขติ  อริยา  มคฺคา  วุฏฺฐหิตฺวา
มคฺคํ   ครุํ   กตฺวา  ...  ผลํ  ครุํ  กตฺวา  ...  นิพฺพานํ  โคตฺรภุสฺส
โวทานสฺส   มคฺคสฺส   ผลสฺส   อธิปติปจฺจเยน   ปจฺจโย   วตฺถุํ   ...
อิตฺถินฺทฺริยํ  ปุริสินฺทฺริยํ  ชีวิตินฺทฺริยํ  อาโปธาตุํ  ...  กพฬึการํ  อาหารํ
ครุํ   กตฺวา   อสฺสาเทติ   อภินนฺทติ  ตํ  ครุํ  กตฺวา  ราโค  อุปฺปชฺชติ
ทิฏฺฐิ    อุปฺปชฺชติ    ฯ   สหชาตาธิปติ:   อปฺปฏิฆาธิปติ   สมฺปยุตฺตกานํ
ขนฺธานํ    อปฺปฏิฆานญฺจ    จิตฺตสมุฏฺฐานานํ    รูปานํ    อธิปติปจฺจเยน
ปจฺจโย ฯ
     {๒๓๕.๑}   อปฺปฏิโฆ  ธมฺโม  สปฺปฏิฆสฺส  ธมฺมสฺส  อธิปติปจฺจเยน
ปจฺจโย:     อปฺปฏิฆาธิปติ     สมฺปฏิฆานํ    จิตฺตสมุฏฺฐานานํ    รูปานํ
อธิปติปจฺจเยน    ปจฺจโย    ฯ    อปฺปฏิโฆ   ธมฺโม   สปฺปฏิฆสฺส   จ
อปฺปฏิฆสฺส    จ   ธมฺมสฺส   อธิปติปจฺจเยน   ปจฺจโย:   สหชาตาธิปติ:
อปฺปฏิฆาธิปติ    สมฺปยุตฺตกานํ    ขนฺธานํ   สปฺปฏิฆานญฺจ   อปฺปฏิฆานญฺจ
จิตฺตสมุฏฺฐานานํ รูปานํ อธิปติปจฺจเยน ปจฺจโย ฯ

             เนื้อความพระไตรปิฎกฉบับภาษาบาลีอักษรไทย เล่มที่ ๔๒ หน้าที่ ๑๒๙-๑๓๑.
https://84000.org/tipitaka/read/pali_item.php?book=42&item=233&items=3
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=42&item=233&items=3&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=42&item=233&items=3
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=42&item=233&items=3
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=42&i=233
             สารบัญพระไตรปิฎกเล่มที่ ๔๒
https://84000.org/tipitaka/read/?index_42
https://84000.org/tipitaka/english/?index_42