พระไตรปิฎกเล่มที่ ๔๒ ภาษาบาลี อักษรไทย
พระอภิธรรมปิฎกเล่มที่ ๙ อภิ. ป.(๓) อนุโลมทุกปฏฺฐานํ ปุริมํ

                               ปญฺหาวาโร
     [๖๒๕]   นีวรณสมฺปยุตฺโต   ธมฺโม   นีวรณสมฺปยุตฺตสฺส   ธมฺมสฺส
เหตุปจฺจเยน   ปจฺจโย:   นีวรณสมฺปยุตฺตา  เหตู  สมฺปยุตฺตกานํ  ขนฺธานํ
เหตุปจฺจเยน   ปจฺจโย   ฯ   มูลานิ   ปุจฺฉิตพฺพานิ  ฯ  นีวรณสมฺปยุตฺตา
เหตู  จิตฺตสมุฏฺฐานานํ  รูปานํ  เหตุปจฺจเยน  ปจฺจโย  ฯ นีวรณสมฺปยุตฺตา
เหตู      สมฺปยุตฺตกานํ     ขนฺธานํ     จิตฺตสมุฏฺฐานานญฺจ     รูปานํ
เหตุปจฺจเยน   ปจฺจโย   ฯ   นีวรณวิปฺปยุตฺโต  ธมฺโม  นีวรณวิปฺปยุตฺตสฺส
ธมฺมสฺส        เหตุปจฺจเยน        ปจฺจโย:        นีวรณวิปฺปยุตฺตา
เหตู   สมฺปยุตฺตกานํ   ขนฺธานํ  จิตฺตสมุฏฺฐานานญฺจ  รูปานํ  เหตุปจฺจเยน
ปจฺจโย ปฏิสนฺธิ ฯ
     [๖๒๖]   นีวรณสมฺปยุตฺโต   ธมฺโม   นีวรณสมฺปยุตฺตสฺส   ธมฺมสฺส
อารมฺมณปจฺจเยน    ปจฺจโย:    ราคํ    อสฺสาเทติ    อภินนฺทติ    ตํ
อารพฺภ    ราโค    ทิฏฺฐิ   วิจิกิจฺฉา   อุทฺธจฺจํ   โทมนสฺสํ   อุปฺปชฺชติ
ทิฏฺฐึ   อสฺสาเทติ   อภินนฺทติ   ตํ   อารพฺภ   ราโค   ทิฏฺฐิ  วิจิกิจฺฉา
อุทฺธจฺจํ     โทมนสฺสํ     อุปฺปชฺชติ    วิจิกิจฺฉํ    อารพฺภ    วิจิกิจฺฉา
ทิฏฺฐิ    อุทฺธจฺจํ    โทมนสฺสํ   อุทฺธจฺจํ   อารพฺภ   อุทฺธจฺจํ   อุปฺปชฺชติ
ทิฏฺฐิ  ...  วิจิกิจฺฉา  อุปฺปชฺชติ  โทมนสฺสํ  อารพฺภ  โทมนสฺสํ  อุปฺปชฺชติ
ทิฏฺฐิ ... วิจิกิจฺฉา ... อุทฺธจฺจํ อุปฺปชฺชติ ฯ
     {๖๒๖.๑}   นีวรณสมฺปยุตฺโต   ธมฺโม   นีวรณวิปฺปยุตฺตสฺส  ธมฺมสฺส
อารมฺมณปจฺจเยน   ปจฺจโย:   อริยา   นีวรณสมฺปยุตฺเต  ปหีเน  กิเลเส
ปจฺจเวกฺขนฺติ   วิกฺขมฺภิเต   กิเลเส   ปจฺจเวกฺขนฺติ  ปุพฺเพ  สมุทาจิณฺเณ
กิเลเส   ชานนฺติ  นีวรณสมฺปยุตฺเต  ขนฺเธ  อนิจฺจโต  ทุกฺขโต  อนตฺตโต
วิปสฺสติ      เจโตปริยญาเณน     นีวรณสมฺปยุตฺตจิตฺตสมงฺคิสฺส     จิตฺตํ
ชานาติ    นีวรณสมฺปยุตฺตา   ขนฺธา   อิทฺธิวิธญาณสฺส   เจโตปริยญาณสฺส
ปุพฺเพนิวาสานุสฺสติญาณสฺส       ยถากมฺมูปคญาณสฺส      อนาคตํสญาณสฺส
อาวชฺชนาย อารมฺมณปจฺจเยน ปจฺจโย ฯ
     {๖๒๖.๒}   นีวรณวิปฺปยุตฺโต   ธมฺโม   นีวรณวิปฺปยุตฺตสฺส  ธมฺมสฺส
อารมฺมณปจฺจเยน  ปจฺจโย:  ทานํ  ...  สีลํ  ...  อุโปสถกมฺมํ ... ตํ
ปจฺจเวกฺขติ  ปุพฺเพ  สุจิณฺณานิ  ...  ฌานา  วุฏฺฐหิตฺวา ฌานํ ... อริยา
มคฺคา  วุฏฺฐหิตฺวา  มคฺคํ  ...  ผลํ  ปจฺจเวกฺขนฺติ  นิพฺพานํ ... นิพฺพานํ
โคตฺรภุสฺส   โวทานสฺส   มคฺคสฺส  ผลสฺส  อาวชฺชนาย  อารมฺมณปจฺจเยน
ปจฺจโย  จกฺขุํ  ...  วตฺถุํ  ... นีวรณวิปฺปยุตฺเต ขนฺเธ อนิจฺจโต ทุกฺขโต
อนตฺตโต วิปสฺสติ ทิพฺเพน จกฺขุนา รูปํ ปสฺสติ ยาว อาวชฺชนาย ฯ
     {๖๒๖.๓}   นีวรณวิปฺปยุตฺโต   ธมฺโม   นีวรณสมฺปยุตฺตสฺส  ธมฺมสฺส
อารมฺมณปจฺจเยน ปจฺจโย: ทานํ ... สีลํ ... อุโปสถกมฺมํ ... ปุพฺเพ ...
ฌานา  ...  จกฺขุํ  ...  วตฺถุํ  ...  นีวรณวิปฺปยุตฺเต ขนฺเธ อสฺสาเทติ
อภินนฺทติ   ตํ   อารพฺภ   ราโค   ทิฏฺฐิ   วิจิกิจฺฉา  อุทฺธจฺจํ  โทมนสฺสํ
อุปฺปชฺชติ ฯ
     [๖๒๗]   นีวรณสมฺปยุตฺโต   ธมฺโม   นีวรณสมฺปยุตฺตสฺส   ธมฺมสฺส
อธิปติปจฺจเยน     ปจฺจโย:     อารมฺมณาธิปติ     สหชาตาธิปติ    ฯ
อารมฺมณาธิปติ:   ราคํ   ครุํ   กตฺวา   อสฺสาเทติ   อภินนฺทติ  ตํ  ครุํ
กตฺวา   ราโค  ทิฏฺฐิ  อุปฺปชฺชติ  ฯ  สหชาตาธิปติ:  นีวรณสมฺปยุตฺตาธิปติ
นีวรณสมฺปยุตฺตานํ      ขนฺธานํ      อธิปติปจฺจเยน     ปจฺจโย     ฯ
นีวรณสมฺปยุตฺโต    ธมฺโม   นีวรณวิปฺปยุตฺตสฺส   ธมฺมสฺส   อธิปติปจฺจเยน
ปจฺจโย:     สหชาตาธิปติ:     นีวรณสมฺปยุตฺตาธิปติ    จิตฺตสมุฏฺฐานานํ
รูปานํ      อธิปติปจฺจเยน      ปจฺจโย     ฯ     มูลํ     ปุจฺฉิตพฺพํ
นีวรณสมฺปยุตฺตาธิปติ     สมฺปยุตฺตกานํ     ขนฺธานํ    จิตฺตสมุฏฺฐานานญฺจ
รูปานํ อธิปติปจฺจเยน ปจฺจโย ฯ
     {๖๒๗.๑}   นีวรณวิปฺปยุตฺโต     ธมฺโม     นีวรณวิปฺปยุตฺตสฺส
ธมฺมสฺส        อธิปติปจฺจเยน        ปจฺจโย:        อารมฺมณาธิปติ
สหชาตาธิปติ  ฯ  อารมฺมณาธิปติ  ทานํ  ...  สีลํ ... อุโปสถกมฺมํ ...
ตํ    ครุํ    กตฺวา   ปจฺจเวกฺขติ   ปุพฺเพ   สุจิณฺณานิ   ...   ฌานา
วุฏฺฐหิตฺวา  ฌานํ  ...  อริยา  มคฺคา  วุฏฺฐหิตฺวา  มคฺคํ ครุํ กตฺวา ...
ผลํ  ...  นิพฺพานํ  ...  นิพฺพานํ  โคตฺรภุสฺส  โวทานสฺส มคฺคสฺส ผลสฺส
อธิปติปจฺจเยน    ปจฺจโย    ฯ    สหชาตาธิปติ:   นีวรณวิปฺปยุตฺตาธิปติ
สมฺปยุตฺตกานํ    ขนฺธานํ    จิตฺตสมุฏฺฐานานญฺจ   รูปานํ   อธิปติปจฺจเยน
ปจฺจโย    ฯ    นีวรณวิปฺปยุตฺโต   ธมฺโม   นีวรณสมฺปยุตฺตสฺส   ธมฺมสฺส
อธิปติปจฺจเยน    ปจฺจโย:    อารมฺมณาธิปติ:    ทานํ   ...   ฯเปฯ
ปุพฺเพ  ...  ฌานํ  ... จกฺขุํ ... วตฺถุํ ... นีวรณวิปฺปยุตฺเต ขนฺเธ ครุํ
กตฺวา อสฺสาเทติ อภินนฺทติ ตํ ครุํ กตฺวา ราโค ทิฏฺฐิ อุปฺปชฺชติ ฯ
     [๖๒๘]   นีวรณสมฺปยุตฺโต   ธมฺโม   นีวรณสมฺปยุตฺตสฺส   ธมฺมสฺส
อนนฺตรปจฺจเยน   ปจฺจโย:   ปุริมา   ปุริมา   นีวรณสมฺปยุตฺตา   ขนฺธา
ปจฺฉิมานํ    ปจฺฉิมานํ    นีวรณสมฺปยุตฺตานํ    ขนฺธานํ   อนนฺตรปจฺจเยน
ปจฺจโย    ฯ   มูลํ   ปุจฺฉิตพฺพํ   นีวรณสมฺปยุตฺตา   ขนฺธา   วุฏฺฐานสฺส
อนนฺตรปจฺจเยน    ปจฺจโย    อิธ   ปุริมา   ปุริมา   นตฺถิ   ฯ   มูลํ
ปุจฺฉิตพฺพํ    ปุริมา    ปุริมา    นีวรณวิปฺปยุตฺตา    ขนฺธา    ปจฺฉิมานํ
ปจฺฉิมานํ    นีวรณวิปฺปยุตฺตานํ    ขนฺธานํ    อนนฺตรปจฺจเยน    ปจฺจโย
อนุโลมํ ผลสมาปตฺติยา อนนฺตรปจฺจเยน ปจฺจโย ฯ
     {๖๒๘.๑}   นีวรณวิปฺปยุตฺโต   ธมฺโม   นีวรณสมฺปยุตฺตสฺส  ธมฺมสฺส
อนนฺตรปจฺจเยน    ปจฺจโย:    อาวชฺชนา   นีวรณสมฺปยุตฺตานํ   ขนฺธานํ
อนนฺตรปจฺจเยน   ปจฺจโย  ฯ  นีวรณสมฺปยุตฺโต  ธมฺโม  นีวรณสมฺปยุตฺตสฺส
ธมฺมสฺส   สมนนฺตรปจฺจเยน   ปจฺจโย:   ฯ   สหชาตปจฺจเยน  ปจฺจโย:
อญฺญมญฺญปจฺจเยน ปจฺจโย: นิสฺสยปจฺจเยน ปจฺจโย: ฯ

             เนื้อความพระไตรปิฎกฉบับภาษาบาลีอักษรไทย เล่มที่ ๔๒ หน้าที่ ๓๗๑-๓๗๔.
https://84000.org/tipitaka/read/pali_item.php?book=42&item=625&items=4
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=42&item=625&items=4&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=42&item=625&items=4
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=42&item=625&items=4
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=42&i=625
             สารบัญพระไตรปิฎกเล่มที่ ๔๒
https://84000.org/tipitaka/read/?index_42
https://84000.org/tipitaka/english/?index_42