เอสุการีสุตฺตํ
[๖๖๑] เอวมฺเม สุตํ เอกํ สมยํ ภควา สาวตฺถิยํ วิหรติ
เชตวเน อนาถปิณฺฑิกสฺส อาราเม ฯ อถ โข เอสุการี พฺราหฺมโณ
เยน ภควา เตนุปสงฺกมิ อุปสงฺกมิตฺวา ภควตา สทฺธึ สมฺโมทิ
สมฺโมทนียํ กถํ สาราณียํ วีติสาเรตฺวา เอกมนฺตํ นิสีทิ ฯ
[๖๖๒] เอกมนฺตํ นิสินฺโน โข เอสุการี พฺราหฺมโณ ภควนฺตํ
เอตทโวจ พฺราหฺมณา โภ โคตม จตสฺโส ปาริจริยา ปญฺเปนฺติ ๑-
พฺราหฺมณสฺส ปาริจริยํ ปญฺเปนฺติ ขตฺติยสฺส ปาริจริยํ
ปญฺเปนฺติ เวสฺสสฺส ปาริจริยํ ปญฺเปนฺติ สุทฺทสฺส ปาริจริยํ
ปญฺเปนฺติ ตตฺริทํ โภ โคตม พฺราหฺมณา พฺราหฺมณสฺส
ปาริจริยํ ปญฺเปนฺติ พฺราหฺมโณ วา พฺราหฺมณํ ปริจเรยฺย
ขตฺติโย วา พฺราหฺมณํ ปริจเรยฺย เวสฺโส วา พฺราหฺมณํ ปริจเรยฺย
สุทฺโท วา พฺราหฺมณํ ปริจเรยฺยาติ อิทํ โข โภ โคตม
พฺราหฺมณา พฺราหฺมณสฺส ปาริจริยํ ปญฺเปนฺติ ตตฺริทํ โภ
โคตม พฺราหฺมณา ขตฺติยสฺส ปาริจริยํ ปญฺเปนฺติ ขตฺติโย
วา ขตฺติยํ ปริจเรยฺย เวสฺโส วา ขตฺติยํ ปริจเรยฺย สุทฺโท วา
ขตฺติยํ ปริจเรยฺยาติ อิทํ โข โภ โคตม พฺราหฺมณา ขตฺติยสฺส
ปาริจริยํ ปญฺเปนฺติ ตตฺริทํ โภ โคตม พฺราหฺมณา เวสฺสสฺส
ปาริจริยํ ปญฺเปนฺติ เวสฺโส วา เวสฺสํ ปริจเรยฺย สุทฺโท วา
@เชิงอรรถ: ๑ ยุ. สพฺพตฺถ ปญฺาเปนฺตีติ ทิสฺสติ ฯ
เวสฺสํ ปริจเรยฺยาติ อิทํ โข โภ โคตม พฺราหฺมณา เวสฺสสฺส
ปาริจริยํ ปญฺเปนฺติ ตตฺริทํ โภ โคตม พฺราหฺมณา สุทฺทสฺส
ปาริจริยํ ปญฺเปนฺติ สุทฺโทว สุทฺทํ ปริจเรยฺย โก ปนญฺโ
สุทฺทํ ปริจริสฺสตีติ อิทํ โข โภ โคตม พฺราหฺมณา สุทฺทสฺส
ปาริจริยํ ปญฺเปนฺติ พฺราหฺมณา โภ โคตม อิมา จตสฺโส
ปาริจริยา ปญฺเปนฺติ อิทํ ๑- ภวํ โคตโม กิมาหาติ ฯ
[๖๖๓] กึ ปน พฺราหฺมณ สพฺโพ โลโก พฺราหฺมณานํ
เอตทพฺภนุชานาติ อิมา จตสฺโส ปาริจริยา ปญฺเปนฺตูติ ฯ
โน หิทํ โภ โคตม ฯ เสยฺยถาปิ พฺราหฺมณ ปุริโส ทฬิทฺโท
อสฺสโก อนาฬฺหิโย ตสฺส อกามสฺส วิสํ ๒- โอลคฺเคยฺยุํ อิทนฺเต
อมฺโภ ปุริส มํสํ ขาทิตพฺพํ มูลญฺจ อนุปฺปทาตพฺพนฺติ เอวเมว
โข พฺราหฺมณ พฺราหฺมณา อปฺปฏิญฺาย ๓- เตสํ สมณพฺราหฺมณานํ
อถ จ ปนิมา จตสฺโส ปาริจริยา ปญฺเปนฺติ ฯ นาหํ พฺราหฺมณ
สพฺพํ ปริจริตพฺพนฺติ วทามิ น ปนาหํ พฺราหฺมณ สพฺพํ น
ปริจริตพฺพนฺติ วทามิ ฯ
{๖๖๓.๑} ยํ หิสฺส พฺราหฺมณ ปริจรโต ปาริจริยาเหตุ
ปาปิโย อสฺส น เสยฺโย นาหนฺตํ ปริจริตพฺพนฺติ วทามิ
ยญฺจ ขฺวสฺส พฺราหฺมณ ปริจรโต ปาริจริยาเหตุ เสยฺโย อสฺส น
ปาปิโย ตมหํ ปริจริตพฺพนฺติ วทามิ ฯ ขตฺติยญฺเจปิ พฺราหฺมณ
เอวํ ปุจฺเฉยฺยุํ ยํ วา เต ปริจรโต ปาริจริยาเหตุ ปาปิโย
อสฺส น เสยฺโย ยํ วา เต ปริจรโต ปาริจริยาเหตุ เสยฺโย
@เชิงอรรถ: ๑ ยุ. อิธ ฯ ๒ ยุ. พิลํ ฯ ๓ ยุ. อปฺปฏิญฺาเย ฯ
อสฺส น ปาปิโย ตเมตฺถ ๑- ปริจเรยฺยาสีติ ฯ ขตฺติโยปิ หิ
พฺราหฺมณ สมฺมา พฺยากรมาโน เอวํ พฺยากเรยฺย ยํ หิ เม ปริจรโต
ปาริจริยาเหตุ ปาปิโย อสฺส น เสยฺโย นาหนฺตํ ปริจเรยฺยํ
ยญฺจ โข เม ปริจรโต ปาริจริยาเหตุ เสยฺโย อสฺส น ปาปิโย
ตมหํ ปริจเรยฺยนฺติ ฯ พฺราหฺมณํ เจปิ พฺราหฺมณ ... เวสฺสํ เจปิ
พฺราหฺมณ ... สุทฺทํ เจปิ พฺราหฺมณ เอวํ ปุจฺเฉยฺยุํ ยํ วา เต
ปริจรโต ปาริจริยาเหตุ ปาปิโย อสฺส น เสยฺโย ยํ วา เต
ปริจรโต ปาริจริยาเหตุ เสยฺโย อสฺส น ปาปิโย ตเมตฺถ
ปริจเรยฺยาสีติ ฯ สุทฺโทปิ พฺราหฺมณ สมฺมา พฺยากรมาโน เอวํ
พฺยากเรยฺย ยํ หิ เม ปริจรโต ปาริจริยาเหตุ ปาปิโย อสฺส
น เสยฺโย นาหนฺตํ ปริจเรยฺยํ ยญฺจ โข เม ปริจรโต ปาริจริยาเหตุ
เสยฺโย อสฺส น ปาปิโย ตมหํ ปริจเรยฺยนฺติ ฯ
[๖๖๔] นาหํ พฺราหฺมณ อุจฺจากุลีนตา เสยฺยโสติ วทามิ น
ปนาหํ พฺราหฺมณ อุจฺจากุลีนตา ปาปิยโสติ ๓- วทามิ ฯ นาหํ
พฺราหฺมณ อุฬารวณฺณตา เสยฺยโสติ วทามิ น ปนาหํ พฺราหฺมณ
อุฬารวณฺณตา ปาปิยโสติ ๓- วทามิ ฯ นาหํ พฺราหฺมณ อุฬารโภคตา
เสยฺยโสติ ๔- วทามิ น ปนาหํ พฺราหฺมณ อุฬารโภคตา ปาปิยโสติ ๕-
วทามิ ฯ
{๖๖๔.๑} อุจฺจากุลีโนปิ หิ พฺราหฺมณ อิเธกจฺโจ ปาณาติปาตี
โหติ อทินฺนาทายี โหติ กาเมสุมิจฺฉาจารี โหติ มุสาวาที โหติ
ปิสุณวาโจ โหติ ผรุสวาโจ ๖- โหติ สมฺผปฺปลาปี โหติ อภิชฺฌาลุ
@เชิงอรรถ: ๑ ยุ. กเมตฺถ ฯ ๒-๓-๕ ยุ. ปาปิยํโสติ ฯ ๔ ยุ. เสยฺยํโสติ ฯ ๖ ยุ. ผรุสาวาโจ ฯ
โหติ พฺยาปนฺนจิตฺโต โหติ มิจฺฉาทิฏฺี ๑- โหติ ตสฺมา น อุจฺจากุลีนตา
เสยฺยโสติ วทามิ ฯ อุจฺจากุลีโนปิ หิ พฺราหฺมณ อิเธกจฺโจ ปาณาติปาตา
ปฏิวิรโต โหติ อทินฺนาทานา ปฏิวิรโต โหติ กาเมสุมิจฺฉาจารา
ปฏิวิรโต โหติ มุสาวาทา ปฏิวิรโต โหติ ปิสุณาย วาจาย ปฏิวิรโต
โหติ ผรุสาย วาจาย ปฏิวิรโต โหติ สมฺผปฺปลาปา ปฏิวิรโต โหติ
อนภิชฺฌาลุ โหติ อพฺยาปนฺนจิตฺโต โหติ สมฺมาทิฏฺี ๒- โหติ ตสฺมา
น อุจฺจากุลีนตา ปาปิยโสติ วทามิ ฯ
{๖๖๔.๒} อุฬารวณฺโณปิ หิ พฺราหฺมณ อิเธกจฺโจ ปาณาติปาตี
โหติ อทินฺนาทายี โหติ กาเมสุมิจฺฉาจารี โหติ มุสาวาที โหติ
ปิสุณวาโจ โหติ ผรุสวาโจ โหติ สมฺผปฺปลาปี โหติ อภิชฺฌาลุ โหติ
พฺยาปนฺนจิตฺโต โหติ มิจฺฉาทิฏฺี โหติ ตสฺมา น อุฬารวณฺณตา
เสยฺยโสติ วทามิ ฯ
{๖๖๔.๓} อุฬารวณฺโณปิ หิ พฺราหฺมณ อิเธกจฺโจ ปาณาติปาตา
ปฏิวิรโต โหติ อทินฺนาทานา ปฏิวิรโต โหติ กาเมสุมิจฺฉาจารา
ปฏิวิรโต โหติ มุสาวาทา ปฏิวิรโต โหติ ปิสุณาย วาจาย ปฏิวิรโต
โหติ ผรุสาย วาจาย ปฏิวิรโต โหติ สมฺผปฺปลาปา ปฏิวิรโต โหติ
อนภิชฺฌาลุ โหติ อพฺยาปนฺนจิตฺโต โหติ สมฺมาทิฏฺี โหติ ตสฺมา
น อุฬารวณฺณตา ปาปิยโสติ วทามิ ฯ
{๖๖๔.๔} อุฬารโภโคปิ หิ พฺราหฺมณ อิเธกจฺโจ ปาณาติปาตี
โหติ อทินฺนาทายี โหติ กาเมสุมิจฺฉาจารี โหติ มุสาวาที
โหติ ปิสุณวาโจ โหติ ผรุสวาโจ โหติ สมฺผปฺปลาปี โหติ
อภิชฺฌาลุ โหติ พฺยาปนฺนจิตฺโต โหติ มิจฺฉาทิฏฺี โหติ
@เชิงอรรถ: ๑ ยุ. สพฺพตฺถ มิจฺฉาทิฏฺีติ ทิสฺสติ ฯ ๒ ยุ. สพฺพตฺถ สมฺมาทิฏฺีติ ทิสฺสติ ฯ
ตสฺมา น อุฬารโภคตา เสยฺยโสติ วทามิ ฯ อุฬารโภโคปิ หิ
พฺราหฺมณ อิเธกจฺโจ ปาณาติปาตา ปฏิวิรโต โหติ อทินฺนาทานา
ปฏิวิรโต โหติ กาเมสุมิจฺฉาจารา ปฏิวิรโต โหติ มุสาวาทา
ปฏิวิรโต โหติ ปิสุณาย วาจาย ปฏิวิรโต โหติ ผรุสาย วาจาย
ปฏิวิรโต โหติ สมฺผปฺปลาปา ปฏิวิรโต โหติ อนภิชฺฌาลุ โหติ
อพฺยาปนฺนจิตฺโต โหติ สมฺมาทิฏฺี โหติ ตสฺมา น อุฬารโภคตา
ปาปิยโสติ วทามิ ฯ นาหํ พฺราหฺมณ สพฺพํ ปริจริตพฺพนฺติ วทามิ
น ปนาหํ พฺราหฺมณ สพฺพํ น ปริจริตพฺพนฺติ วทามิ ฯ ยํ หิสฺส
พฺราหฺมณ ปริจรโต ปาริจริยาเหตุ สทฺธา วฑฺฒติ สีลํ วฑฺฒติ
สุตํ วฑฺฒติ จาโค วฑฺฒติ ปญฺา วฑฺฒติ ตมหํ ปริจริตพฺพนฺติ
วทามีติ ฯ
[๖๖๕] เอวํ วุตฺเต เอสุการี พฺราหฺมโณ ภควนฺตํ เอตทโวจ
พฺราหฺมณา โภ โคตม จตฺตาริ ธนานิ ปญฺเปนฺติ พฺราหฺมณสฺส
สทฺธนํ ๑- ปญฺเปนฺติ ขตฺติยสฺส สทฺธนํ ปญฺเปนฺติ เวสฺสสฺส สทฺธนํ
ปญฺเปนฺติ สุทฺทสฺส สทฺธนํ ปญฺเปนฺติ ฯ ตตฺริทํ โภ โคตม
พฺราหฺมณา พฺราหฺมณสฺส สทฺธนํ ปญฺเปนฺติ ภิกฺขาจริยํ
ภิกฺขาจริยญฺจ ปน พฺราหฺมโณ สทฺธนํ อติมญฺมาโน อกิจฺจการี
โหติ โคโปว อทินฺนํ อาทิยมาโนติ อิทํ โข โภ โคตม
พฺราหฺมณา พฺราหฺมณสฺส สทฺธนํ ปญฺเปนฺติ ฯ ตตฺริทํ โภ
โคตม พฺราหฺมณา ขตฺติยสฺส สทฺธนํ ปญฺเปนฺติ ธนุกลาปํ
@เชิงอรรถ: ๑ ยุ. สพฺพตฺถ สนฺธนนฺติ ทิสฺสติ ฯ
ธนุกลาปญฺจ ปน ขตฺติโย สทฺธนํ อติมญฺมาโน อกิจฺจการี โหติ
โคโปว อทินฺนํ อาทิยมาโนติ อิทํ โข โภ โคตม พฺราหฺมณา
ขตฺติยสฺส สทฺธนํ ปญฺเปนฺติ ฯ ตตฺริทํ โภ โคตม พฺราหฺมณา
เวสฺสสฺส สทฺธนํ ปญฺเปนฺติ กสิโครกฺขํ กสิโครกฺขญฺจ ปน
เวสฺโส สทฺธนํ อติมญฺมาโน อกิจฺจการี โหติ โคโปว อทินฺนํ
อาทิยมาโนติ อิทํ โข โภ โคตม พฺราหฺมณา เวสฺสสฺส สทฺธนํ
ปญฺเปนฺติ ฯ ตตฺริทํ โภ โคตม พฺราหฺมณา สุทฺทสฺส สทฺธนํ
ปญฺเปนฺติ อสิต พฺยาภงฺคึ อสิต พฺยาภงฺคิญฺจ ปน สุทฺโท สทฺธนํ
อติมญฺมาโน อกิจฺจการี โหติ โคโปว อทินฺนํ อาทิยมาโนติ
อิทํ โข โภ โคตม พฺราหฺมณา สุทฺทสฺส สทฺธนํ ปญฺเปนฺติ ฯ
[๑]- อิมานิ จตฺตาริ ธนานิ ปญฺเปนฺติ อิธ ภวํ โคตโม กิมาหาติ ฯ
[๖๖๖] กึ ปน พฺราหฺมณ สพฺโพ โลโก พฺราหฺมณานํ
เอตทพฺภนุชานาติ อิมานิ จตฺตาริ ธนานิ ปญฺเปนฺตูติ ฯ โน
หิทํ โภ โคตม ฯ เสยฺยถาปิ พฺราหฺมณ ปุริโส ทฬิทฺโท อสฺสโก
อนาฬฺหิโย ตสฺส อกามสฺส วิสํ โอลคฺเคยฺยุํ อิทนฺเต อมฺโภ
ปุริส มํสํ ขาทิตพฺพํ มูลญฺจ อนุปฺปทาตพฺพนฺติ เอวเมว โข
พฺราหฺมณ พฺราหฺมณา อปฺปฏิญฺาย เตสํ สมณพฺราหฺมณานํ
อถ จ ปนิมานิ จตฺตาริ ธนานิ ปญฺเปนฺติ ฯ
{๖๖๖.๑} อริยํ โข ปน อหํ พฺราหฺมณ โลกุตฺตรํ ธมฺมํ ปุริสสฺส สทฺธนํ
ปญฺเปมิ โปราณํ โข ปนสฺส มาตาเปตฺติกํ กุลวํสํ อนุสฺสรโต ยตฺถ
@เชิงอรรถ: ๑ ยุ. เอตฺถนฺตเร พฺราหฺมณา โภ โคตมาติ ทิสฺสติ ฯ
ยตฺเถว อตฺตภาวสฺส อภินิพฺพตฺติ โหติ เตน เตเนว สงฺขฺยํ ๑- คจฺฉติ
ขตฺติยกุเล เจ อตฺตภาวสฺส อภินิพฺพตฺติ โหติ ขตฺติโยเตฺวว
สงฺขฺยํ คจฺฉติ พฺราหฺมณกุเล เจ อตฺตภาวสฺส อภินิพฺพตฺติ โหติ
พฺราหฺมโณเตฺวว สงฺขฺยํ คจฺฉติ เวสฺสกุเล เจ อตฺตภาวสฺส อภินิพฺพตฺติ
โหติ เวสฺโสเตฺวว สงฺขฺยํ คจฺฉติ สุทฺทกุเล เจ อตฺตภาวสฺส
อภินิพฺพตฺติ โหติ สุทฺโทเตฺวว สงฺขฺยํ คจฺฉติ ฯ เสยฺยถาปิ
พฺราหฺมณ ยํ ยเทว ปจฺจยํ ปฏิจฺจ อคฺคิ ชลติ เตน เตเนว
สงฺขฺยํ คจฺฉติ ฯ
{๖๖๖.๒} กฏฺญฺเจ ปฏิจฺจ อคฺคิ ชลติ กฏฺคฺคิเตฺวว
สงฺขฺยํ คจฺฉติ สกลิกญฺเจ ปฏิจฺจ อคฺคิ ชลติ สกลิกคฺคิเตฺวว
สงฺขฺยํ คจฺฉติ ติณญฺเจ ปฏิจฺจ อคฺคิ ชลติ ติณคฺคิเตฺวว สงฺขฺยํ
คจฺฉติ โคมยญฺเจ ปฏิจฺจ อคฺคิ ชลติ โคมยคฺคิเตฺวว สงฺขฺยํ
คจฺฉติ เอวเมว โข อหํ พฺราหฺมณ อริยํ โลกุตฺตรํ ธมฺมํ
ปุริสสฺส สทฺธนํ ปญฺเปมิ โปราณํ โข ปนสฺส มาตาเปตฺติกํ
กุลวํสํ อนุสฺสรโต ยตฺถ ยตฺเถว อตฺตภาวสฺส อภินิพฺพตฺติ โหติ
เตน เตเนว สงฺขฺยํ คจฺฉติ ขตฺติยกุเล เจ อตฺตภาวสฺส อภินิพฺพตฺติ
โหติ ขตฺติโยเตฺวว สงฺขฺยํ คจฺฉติ พฺราหฺมณกุเล เจ อตฺตภาวสฺส
อภินิพฺพตฺติ โหติ พฺราหฺมโณเตฺวว สงฺขฺยํ คจฺฉติ เวสฺสกุเล เจ
อตฺตภาวสฺส อภินิพฺพตฺติ โหติ เวสฺโสเตฺวว สงฺขฺยํ คจฺฉติ สุทฺทกุเล
เจ อตฺตภาวสฺส อภินิพฺพตฺติ โหติ สุทฺโทเตฺวว สงฺขฺยํ คจฺฉติ ฯ
@เชิงอรรถ: ๑ ยุ. สพฺพตฺถ สงฺขนฺติ ทิสฺสติ ฯ
[๖๖๗] ขตฺติยกุลา เจปิ พฺราหฺมณ อคารสฺมา อนคาริยํ
ปพฺพชิโต โหติ โส จ ตถาคตปฺปเวทิตํ ธมฺมวินยํ อาคมฺม
ปาณาติปาตา ปฏิวิรโต โหติ อทินฺนาทานา ปฏิวิรโต โหติ
อพฺรหฺมจริยา ปฏิวิรโต โหติ มุสาวาทา ปฏิวิรโต โหติ ปิสุณาย ๑-
วาจาย ปฏิวิรโต โหติ ผรุสาย วาจาย ปฏิวิรโต โหติ สมฺผปฺปลาปา
ปฏิวิรโต โหติ อนภิชฺฌาลุ โหติ อพฺยาปนฺนจิตฺโต โหติ สมฺมาทิฏฺี
โหติ อาราธโก โหติ ายํ ธมฺมํ กุสลํ ฯ
{๖๖๗.๑} พฺราหฺมณกุลา เจปิ พฺราหฺมณ อคารสฺมา อนคาริยํ
ปพฺพชิโต โหติ โส จ ตถาคตปฺปเวทิตํ ธมฺมวินยํ อาคมฺม ปาณาติปาตา
ปฏิวิรโต โหติ อทินฺนาทานา ปฏิวิรโต โหติ อพฺรหฺมจริยา ปฏิวิรโต
โหติ มุสาวาทา ปฏิวิรโต โหติ ฯเปฯ สมฺมาทิฏฺี โหติ อาราธโก
โหติ ายํ ธมฺมํ กุสลํ ฯ
{๖๖๗.๒} เวสฺสกุลา เจปิ พฺราหฺมณ อคารสฺมา อนคาริยํ
ปพฺพชิโต โหติ โส จ ตถาคตปฺปเวทิตํ ธมฺมวินยํ อาคมฺม
ปาณาติปาตา ปฏิวิรโต โหติ อทินฺนาทานา ปฏิวิรโต โหติ
อพฺรหฺมจริยา ปฏิวิรโต โหติ มุสาวาทา ปฏิวิรโต โหติ ฯเปฯ
สมฺมาทิฏฺี โหติ อาราธโก โหติ ายํ ธมฺมํ กุสลํ ฯ
{๖๖๗.๓} สุทฺทกุลา เจปิ พฺราหฺมณ อคารสฺมา อนคาริยํ ปพฺพชิโต
โหติ โส จ ตถาคตปฺปเวทิตํ ธมฺมวินยํ อาคมฺม ปาณาติปาตา
ปฏิวิรโต โหติ อทินฺนาทานา ปฏิวิรโต โหติ อพฺรหฺมจริยา ปฏิวิรโต
โหติ มุสาวาทา ปฏิวิรโต โหติ ปิสุณาย วาจาย ปฏิวิรโต
@เชิงอรรถ: ๑ ยุ. ปิสุณาวาจาย ฯ
โหติ ผรุสาย วาจาย ปฏิวิรโต โหติ สมฺผปฺปลาปา ปฏิวิรโต
โหติ อนภิชฺฌาลุ โหติ อพฺยาปนฺนจิตฺโต โหติ สมฺมาทิฏฺี
โหติ อาราธโก โหติ ายํ ธมฺมํ กุสลํ ฯ
{๖๖๗.๔} ตํ กึ มญฺสิ พฺราหฺมณ พฺราหฺมโณว นุ โข ปโหติ
อสฺมึ ปเทเส อเวรํ อพฺยาปชฺฌํ เมตฺตจิตฺตํ ภาเวตุํ โน ขตฺติโย โน
เวสฺโส โน สุทฺโทติ ฯ โน หิทํ โภ โคตม ขตฺติโยปิ หิ โภ โคตม
ปโหติ อสฺมึ ปเทเส อเวรํ อพฺยาปชฺฌํ เมตฺตจิตฺตํ ภาเวตุํ
พฺราหฺมโณปิ หิ โภ โคตม ... เวสฺโสปิ หิ โภ โคตม ... สุทฺโทปิ
หิ โภ โคตม ... สพฺเพปิ หิ โภ โคตม จตฺตาโร วณฺณา ปโหนฺติ
อสฺมึ ปเทเส อเวรํ อพฺยาปชฺฌํ เมตฺตจิตฺตํ ภาเวตุนฺติ ฯ
[๖๖๘] เอวเมว โข พฺราหฺมณ ขตฺติยกุลา เจปิ อคารสฺมา
อนคาริยํ ปพฺพชิโต โหติ โส จ ตถาคตปฺปเวทิตํ ธมฺมวินยํ
อาคมฺม ปาณาติปาตา ปฏิวิรโต โหติ อทินฺนาทานา ปฏิวิรโต โหติ
อพฺรหฺมจริยา ปฏิวิรโต โหติ มุสาวาทา ปฏิวิรโต โหติ ปิสุณาย
วาจาย ปฏิวิรโต โหติ ผรุสาย วาจาย ปฏิวิรโต โหติ สมฺผปฺปลาปา
ปฏิวิรโต โหติ อนภิชฺฌาลุ โหติ อพฺยาปนฺนจิตฺโต โหติ
สมฺมาทิฏฺี โหติ อาราธโก โหติ ายํ ธมฺมํ กุสลํ ฯ พฺราหฺมณกุลา
เจปิ พฺราหฺมณ ... เวสฺสกุลา เจปิ พฺราหฺมณ ... สุทฺทกุลา
เจปิ พฺราหฺมณ อคารสฺมา อนคาริยํ ปพฺพชิโต โหติ โส จ
ตถาคตปฺปเวทิตํ ธมฺมวินยํ อาคมฺม ปาณาติปาตา ปฏิวิรโต โหติ
อทินฺนาทานา ปฏิวิรโต โหติ อพฺรหฺมจริยา ปฏิวิรโต โหติ
มุสาวาทา ปฏิวิรโต โหติ ปิสุณาย วาจาย ปฏิวิรโต โหติ
ผรุสาย วาจาย ปฏิวิรโต โหติ สมฺผปฺปลาปา ปฏิวิรโต โหติ
อนภิชฺฌาลุ โหติ อพฺยาปนฺนจิตฺโต โหติ สมฺมาทิฏฺี โหติ
อาราธโก โหติ ายํ ธมฺมํ กุสลํ ฯ
{๖๖๘.๑} ตํ กึ มญฺสิ พฺราหฺมณ พฺราหฺมโณว นุ โข
ปโหติ โสตฺตึ สินานํ อาทาย นทึ คนฺตฺวา รโชชลฺลํ ปวาเหตุํ
โน ขตฺติโย โน เวสฺโส โน สุทฺโทติ ฯ โน หิทํ โภ โคตม ขตฺติโยปิ
หิ โภ โคตม ปโหติ โสตฺตึ สินานํ อาทาย นทึ คนฺตฺวา รโชชลฺลํ
ปวาเหตุํ พฺราหฺมโณปิ หิ โภ โคตม ... เวสฺโสปิ หิ โภ โคตม ...
สุทฺโทปิ หิ โภ โคตม ... สพฺเพปิ หิ โภ โคตม จตฺตาโร วณฺณา
ปโหนฺติ โสตฺตึ สินานํ อาทาย นทึ คนฺตฺวา รโชชลฺลํ ปวาเหตุนฺติ ฯ
[๖๖๙] เอวเมว โข พฺราหฺมณ ขตฺติยกุลา เจปิ อคารสฺมา
อนคาริยํ ปพฺพชิโต โหติ โส จ ตถาคตปฺปเวทิตํ ธมฺมวินยํ
อาคมฺม ปาณาติปาตา ปฏิวิรโต โหติ อทินฺนาทานา ปฏิวิรโต โหติ
อพฺรหฺมจริยา ปฏิวิรโต โหติ มุสาวาทา ปฏิวิรโต โหติ ปิสุณาย
วาจาย ปฏิวิรโต โหติ ผรุสาย วาจาย ปฏิวิรโต โหติ สมฺผปฺปลาปา
ปฏิวิรโต โหติ อนภิชฺฌาลุ โหติ อพฺยาปนฺนจิตฺโต โหติ
สมฺมาทิฏฺี โหติ อาราธโก โหติ ายํ ธมฺมํ กุสลํ ฯ พฺราหฺมณกุลา
เจปิ พฺราหฺมณ ... เวสฺสกุลา เจปิ พฺราหฺมณ ... สุทฺทกุลา
เจปิ พฺราหฺมณ อคารสฺมา อนคาริยํ ปพฺพชิโต โหติ โส จ
ตถาคตปฺปเวทิตํ ธมฺมวินยํ อาคมฺม ปาณาติปาตา ปฏิวิรโต
โหติ อทินฺนาทานา ปฏิวิรโต โหติ อพฺรหฺมจริยา ปฏิวิรโต โหติ
มุสาวาทา ปฏิวิรโต โหติ ปิสุณาย วาจาย ปฏิวิรโต โหติ ผรุสาย
วาจาย ปฏิวิรโต โหติ สมฺผปฺปลาปา ปฏิวิรโต โหติ อนภิชฺฌาลุ
โหติ อพฺยาปนฺนจิตฺโต โหติ สมฺมาทิฏฺี โหติ อาราธโก โหติ
ายํ ธมฺมํ กุสลํ ฯ
{๖๖๙.๑} ตํ กึ มญฺสิ พฺราหฺมณ อิธ ราชา ขตฺติโย มุทฺธาวสิตฺโต
นานาชจฺจานํ ปุริสานํ ปุริสสตํ สนฺนิปาเตยฺย อายนฺตุ โภนฺโต เย
ตตฺถ ขตฺติยกุลา พฺราหฺมณกุลา ราชญฺกุลา อุปฺปนฺนา
สากสฺส วา สาลสฺส วา สลฬสฺส วา จนฺทนสฺส วา ปทุมกสฺส
วา อุตฺตรารณึ อาทาย อคฺคึ อภินิพฺพตฺเตนฺตุ เตโช ปาตุกโรนฺตุ
อายนฺตุ ปน โภนฺโต เย จ ตตฺถ จณฺฑาลกุลา เนสาทกุลา
เวณุกุลา ๑- รถการกุลา ปุกฺกุสกุลา อุปฺปนฺนา สาปานโทณิยา
วา สูกรโทณิยา วา รชกโทณิยา วา เอลณฺฑกฏฺสฺส วา อุตฺตรารณึ
อาทาย อคฺคึ อภินิพฺพตฺเตนฺตุ เตโช ปาตุกโรนฺตูติ ฯ
{๖๖๙.๒} ตํ กึ มญฺสิ พฺราหฺมณ โย เอว นุ โข โส ขตฺติยกุลา
พฺราหฺมณกุลา ราชญฺกุลา อุปฺปนฺเนหิ สากสฺส วา สาลสฺส วา
สลฬสฺส วา จนฺทนสฺส วา ปทุมกสฺส วา อุตฺตรารณึ อาทาย
อคฺคิ อภินิพฺพตฺโต เตโช ปาตุกโต เสฺวว นุ ขฺวสฺส อคฺคิ อจฺจิมา
เจว วณฺณิมา จ ปภสฺสโร จ เตน ๒- สกฺกา อคฺคินา อคฺคิกรณียํ
@เชิงอรรถ: ๑ ยุ. เวณกุลา ฯ ๒ ยุ. เตน จ ฯ
กรณียํ กาตุํ โย ปน โส จณฺฑาลกุลา เนสาทกุลา เวณุกุลา
รถการกุลา ปุกฺกุสกุลา อุปฺปนฺเนหิ สาปานโทณิยา วา สูกรโทณิยา
วา รชกโทณิยา วา เอลณฺฑกฏฺสฺส วา อุตฺตรารณึ อาทาย
อคฺคิ อภินิพฺพตฺโต เตโช ปาตุกโต สฺวาสฺส อคฺคิ น เจว
อจฺจิมา น จ วณฺณิมา น จ ปภสฺสโร น จ เตน สกฺกา
อคฺคินา อคฺคิกรณียํ กาตุนฺติ ฯ โน หิทํ โภ โคตม โยปิ โส
โภ โคตม ขตฺติยกุลา พฺราหฺมณกุลา ราชญฺกุลา อุปฺปนฺเนหิ
สากสฺส วา สาลสฺส วา สลฬสฺส วา จนฺทนสฺส วา ปทุมกสฺส วา
อุตฺตรารณึ อาทาย อคฺคิ อภินิพฺพตฺโต เตโช ปาตุกโต สฺวาสฺส
อคฺคิ อจฺจิมา เจว วณฺณิมา จ ปภสฺสโร จ เตน จ สกฺกา อคฺคินา
อคฺคิกรณียํ กาตุํ โยปิ โส จณฺฑาลกุลา เนสาทกุลา เวณุกุลา
รถการกุลา ปุกฺกุสกุลา อุปฺปนฺเนหิ สาปานโทณิยา วา
สูกรโทณิยา วา รชกโทณิยา วา เอลณฺฑกฏฺสฺส วา อุตฺตรารณึ
อาทาย อคฺคิ อภินิพฺพตฺโต เตโช ปาตุกโต โสปิสฺส ๑- อคฺคิ
อจฺจิมา เจว วณฺณิมา จ ปภสฺสโร จ เตนปิ จ สกฺกา อคฺคินา
อคฺคิกรณียํ กาตุํ สพฺโพปิ หิ โภ โคตม อคฺคิ อจฺจิมา เจว วณฺณิมา
จ ปภสฺสโร จ สพฺเพนปิ จ สกฺกา อคฺคินา อคฺคิกรณียํ กาตุนฺติ ฯ
[๖๗๐] เอวเมว โข พฺราหฺมณ ขตฺติยกุลา เจปิ อคารสฺมา
อนคาริยํ ปพฺพชิโต โหติ โส จ ตถาคตปฺปเวทิตํ ธมฺมวินยํ
@เชิงอรรถ: ๑ ยุ. โสปสฺส ฯ
อาคมฺม ปาณาติปาตา ปฏิวิรโต โหติ อทินฺนาทานา ปฏิวิรโต
โหติ อพฺรหฺมจริยา ปฏิวิรโต โหติ มุสาวาทา ปฏิวิรโต โหติ
ปิสุณาย วาจาย ปฏิวิรโต โหติ ผรุสาย วาจาย ปฏิวิรโต โหติ
สมฺผปฺปลาปา ปฏิวิรโต โหติ อนภิชฺฌาลุ โหติ อพฺยาปนฺนจิตฺโต
โหติ สมฺมาทิฏฺี โหติ อาราธโก โหติ ายํ ธมฺมํ กุสลํ ฯ
พฺราหฺมณกุลา เจปิ พฺราหฺมณ ... เวสฺสกุลา เจปิ พฺราหฺมณ ...
สุทฺทกุลา เจปิ พฺราหฺมณ อคารสฺมา อนคาริยํ ปพฺพชิโต โหติ
โส จ ตถาคตปฺปเวทิตํ ธมฺมวินยํ อาคมฺม ปาณาติปาตา ปฏิวิรโต
โหติ อทินฺนาทานา ปฏิวิรโต โหติ อพฺรหฺมจริยา ปฏิวิรโต
โหติ มุสาวาทา ปฏิวิรโต โหติ ปิสุณาย วาจาย ปฏิวิรโต โหติ
ผรุสาย วาจาย ปฏิวิรโต โหติ สมฺผปฺปลาปา ปฏิวิรโต โหติ
อนภิชฺฌาลุ โหติ อพฺยาปนฺนจิตฺโต โหติ สมฺมาทิฏฺี โหติ
อาราธโก โหติ ายํ ธมฺมํ กุสลนฺติ ฯ
[๖๗๑] เอวํ วุตฺเต เอสุการี พฺราหฺมโณ ภควนฺตํ เอตทโวจ
อภิกฺกนฺตํ โภ โคตม ฯเปฯ อุปาสกํ มํ ภวํ โคตโม ธาเรตุ
อชฺชตคฺเค ปาณุเปตํ สรณงฺคตนฺติ ฯ
เอสุการีสุตฺตํ นิฏฺิตํ ฉฏฺ ฯ
---------
เนื้อความพระไตรปิฎกฉบับภาษาบาลีอักษรไทย เล่มที่ ๑๓ หน้าที่ ๖๑๐-๖๒๒.
http://84000.org/tipitaka/pali/pali_item_s.php?book=13&item=661&items=11
อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
http://84000.org/tipitaka/pali/pali_item_s.php?book=13&item=661&items=11&mode=bracket
อ่านเทียบพระไตรปิฎกฉบับภาษาบาลีอักษรโรมัน :-
http://84000.org/tipitaka/read/roman_item_s.php?book=13&item=661&items=11
อ่านเทียบพระไตรปิฎกภาษาไทยฉบับหลวง :-
http://84000.org/tipitaka/read/byitem_s.php?book=13&item=661&items=11
ศึกษาอรรถกถานี้ได้ที่ :-
http://84000.org/tipitaka/attha/attha.php?b=13&i=661
The Pali Atthakatha in Thai :-
http://84000.org/tipitaka/atthapali/read_th.php?B=9&A=7726
The Pali Atthakatha in Roman :-
http://84000.org/tipitaka/atthapali/read_rm.php?B=9&A=7726
สารบัญพระไตรปิฎกเล่มที่ ๑๓
http://84000.org/tipitaka/read/?index_13
บันทึก ๑๒ ธันวาคม พ.ศ. ๒๕๕๙.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย.
หากพบข้อผิดพลาด กรุณาแจ้งได้ที่ [email protected]
