ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ฉบับหลวง   บาลีอักษรไทย   PaliRoman 
อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบไทย
พระไตรปิฎกเล่มที่ ๒ ภาษาบาลี อักษรไทย พระวินัยปิฎกเล่มที่ ๒ วินย. มหาวิภงฺโค (๒)
                               สตฺตมสิกฺขาปทํ
     [๕๕๕]   เตน  สมเยน  พุทฺโธ  ภควา  สกฺเกสุ วิหรติ กปิลวตฺถุสฺมึ
นิโคฺรธาราเม  ฯ  เตน  โข  ปน  สมเยน  มหานามสฺส สกฺกสฺส เภสชฺชํ
อุสฺสนฺนํ  โหติ  ฯ  อถโข  มหานาโม  สกฺโก  เยน  ภควา  เตนุปสงฺกมิ
อุปสงฺกมิตฺวา   ภควนฺตํ   อภิวาเทตฺวา   เอกมนฺตํ   นิสีทิ  ฯ  เอกมนฺตํ
นิสินฺโน   โข  มหานาโม  สกฺโก  ภควนฺตํ  เอตทโวจ  อิจฺฉามหํ  ภนฺเต
สงฺฆํ  จาตุมาสํ  เภสชฺเชน  ปวาเรตุนฺติ  ฯ  สาธุ  สาธุ มหานาม เตนหิ
ตฺวํ  มหานาม  สงฺฆํ จาตุมาสํ เภสชฺเชน ปวาเรหีติ ฯ ภิกฺขู กุกฺกุจฺจายนฺตา
นาธิวาเสนฺติ  ฯ  ภควโต  เอตมตฺถํ  อาโรเจสุํ  ฯ  อนุชานามิ  ภิกฺขเว
จาตุมาสปจฺจยปวารณํ สาทิตุนฺติ ฯ
     {๕๕๕.๑}   เตน  โข  ปน  สมเยน ภิกฺขู มหานามํ สกฺกํ ปริตฺตํเยว
เภสชฺชํ  วิญฺาเปนฺติ  ฯ  ตเถว  มหานามสฺส  สกฺกสฺส  เภสชฺชํ  อุสฺสนฺนํ
โหติ   ฯ   ทุติยมฺปิ  โข  มหานาโม  สกฺโก  เยน  ภควา  เตนุปสงฺกมิ
อุปสงฺกมิตฺวา   ภควนฺตํ   อภิวาเทตฺวา   เอกมนฺตํ   นิสีทิ  ฯ  เอกมนฺตํ
นิสินฺโน   โข  มหานาโม  สกฺโก  ภควนฺตํ  เอตทโวจ  อิจฺฉามหํ  ภนฺเต
สงฺฆํ  อปรํปิ  จาตุมาสํ  เภสชฺเชน  ปวาเรตุนฺติ  ฯ  สาธุ สาธุ มหานาม
เตนหิ  ตฺวํ  มหานาม  สงฺฆํ  อปรํปิ  จาตุมาสํ  เภสชฺเชน  ปวาเรหีติ ฯ
ภิกฺขู  กุกฺกุจฺจายนฺตา  นาธิวาเสนฺติ  ฯ  ภควโต  เอตมตฺถํ  อาโรเจสุํ ฯ
อนุชานามิ ภิกฺขเว ปุน ปวารณํปิ สาทิตุนฺติ ฯ
     {๕๕๕.๒}   เตน  โข  ปน  สมเยน ภิกฺขู มหานามํ สกฺกํ ปริตฺตํเยว
เภสชฺชํ  วิญฺาเปนฺติ  ฯ  ตเถว  มหานามสฺส  สกฺกสฺส  เภสชฺชํ  อุสฺสนฺนํ
โหติ   ฯ   ตติยมฺปิ  โข  มหานาโม  สกฺโก  เยน  ภควา  เตนุปสงฺกมิ
อุปสงฺกมิตฺวา   ภควนฺตํ   อภิวาเทตฺวา   เอกมนฺตํ   นิสีทิ  ฯ  เอกมนฺตํ
นิสินฺโน   โข  มหานาโม  สกฺโก  ภควนฺตํ  เอตทโวจ  อิจฺฉามหํ  ภนฺเต
สงฺฆํ  ยาวชีวํ  เภสชฺเชน  ปวาเรตุนฺติ  ฯ  สาธุ  สาธุ  มหานาม เตนหิ
ตฺวํ   มหานาม   สงฺฆํ   ยาวชีวํ   เภสชฺเชน   ปวาเรหีติ   ฯ   ภิกฺขู
กุกฺกุจฺจายนฺตา   นาธิวาเสนฺติ   ฯ   ภควโต   เอตมตฺถํ  อาโรเจสุํ  ฯ
อนุชานามิ ภิกฺขเว นิจฺจปวารณํปิ สาทิตุนฺติ ฯ
     [๕๕๖]   เตน   โข  ปน  สมเยน  ฉพฺพคฺคิยา  ภิกฺขู  ทุนฺนิวตฺถา
โหนฺติ   ทุปฺปารุตา   อนากปฺปสมฺปนฺนา   มหานาเมน   สกฺเกน   วุตฺตา
โหนฺติ  ๑-  กิสฺส  ตุเมฺห  ภนฺเต  ทุนฺนิวตฺถา ทุปฺปารุตา อนากปฺปสมฺปนฺนา
นนุ     นาม     ปพฺพชิเตน     สุนิวตฺเถน     ภวิตพฺพํ    สุปารุเตน
อากปฺปสมฺปนฺเนนาติ  ฯ  ฉพฺพคฺคิยา  ภิกฺขู  มหานาเม  สกฺเก อุปนนฺธึสุ ฯ
อถโข     ฉพฺพคฺคิยานํ     ภิกฺขูนํ    เอตทโหสิ    เกน    นุ    โข
มยํ   อุปาเยน   มหานามํ   สกฺกํ   มงฺกุํ   กเรยฺยามาติ   ฯ   อถโข
ฉพฺพคฺคิยานํ   ภิกฺขูนํ   เอตทโหสิ  มหานาเมน  [๒]-  อาวุโส  สกฺเกน
สงฺโฆ   เภสชฺเชน   ปวาริโต   หนฺท   มยํ   อาวุโส  มหานามํ  สกฺกํ
@เชิงอรรถ:  ม. ยุ. มหานาโม สกฺโก วตฺตา โหติ ฯ   ม. ยุ. โข ฯ
สปฺปึ   วิญฺาเปมาติ   ฯ   อถโข   ฉพฺพคฺคิยา  ภิกฺขู  เยน  มหานาโม
สกฺโก    เตนุปสงฺกมึสุ    อุปสงฺกมิตฺวา   มหานามํ   สกฺกํ   เอตทโวจุํ
โทเณน   อาวุโส   สปฺปินา   อตฺโถติ   ฯ  อชฺชุโณฺห  ภนฺเต  อาคเมถ
มนุสฺสา  วชํ  คตา  สปฺปึ  อาหริตุํ  กาเล  หริสฺสถาติ  ๑-  ฯ  ทุติยมฺปิ
โข  ฯเปฯ  ตติยมฺปิ  โข  ฉพฺพคฺคิยา  ภิกฺขู  มหานามํ  สกฺกํ  เอตทโวจุํ
โทเณน   อาวุโส   สปฺปินา   อตฺโถติ   ฯ  อชฺชุโณฺห  ภนฺเต  อาคเมถ
มนุสฺสา  วชํ  คตา  สปฺปึ  อาหริตุํ  กาเล  หริสฺสถาติ  ฯ  กึ  ปน ตยา
อาวุโส   อทาตุกาเมน  ปวาริเตน  ยํ  ตฺวํ  ปวาเรตฺวา  น  เทสีติ  ฯ
อถโข   มหานาโม   สกฺโก   อุชฺฌายติ  ขียติ  วิปาเจติ  กถํ  หิ  นาม
ภทฺทนฺตา อชฺชุโณฺห ภนฺเต อาคเมถาติ วุจฺจมานา นาคเมสฺสนฺตีติ ฯ
     {๕๕๖.๑}   อสฺโสสุํ  โข  ภิกฺขู  มหานามสฺส  สกฺกสฺส อุชฺฌายนฺตสฺส
ขียนฺตสฺส  วิปาเจนฺตสฺส  ฯ  เย  เต ภิกฺขู อปฺปิจฺฉา ฯเปฯ เต อุชฺฌายนฺติ
ขียนฺติ  วิปาเจนฺติ  กถํ  หิ  นาม  ฉพฺพคฺคิยา  ภิกฺขู  มหานาเมน สกฺเกน
อชฺชุโณฺห   ภนฺเต  อาคเมถาติ  วุจฺจมานา  นาคเมสฺสนฺตีติ  ฯเปฯ  สจฺจํ
กิร  ตุเมฺห  ภิกฺขเว  มหานาเมน  สกฺเกน  อชฺชุโณฺห  ภนฺเต อาคเมถาติ
วุจฺจมานา  นาคเมถาติ  ฯ  สจฺจํ  ภควาติ  ฯ วิครหิ พุทฺโธ ภควา กถํ หิ
นาม   ตุเมฺห   โมฆปุริสา   มหานาเมน   สกฺเกน   อชฺชุโณฺห   ภนฺเต
อาคเมถาติ   วุจฺจมานา   นาคเมสฺสถ   เนตํ   โมฆปุริสา  อปฺปสนฺนานํ
วา  ปสาทาย  ปสนฺนานํ  วา ภิยฺโยภาวาย ฯเปฯ เอวญฺจ ปน ภิกฺขเว อิมํ
@เชิงอรรถ:  ม. กาลํ อาหริสฺสถาติ ฯ เอวมุปริปิ ฯ
สิกฺขาปทํ อุทฺทิเสยฺยาถ
     {๕๕๖.๒}   อคิลาเนน     ภิกฺขุนา     จาตุมาสปจฺจยปวารณา
สาทิตพฺพา     อญฺตฺร     ปุนปวารณาย     อญฺตฺร    นิจฺจปวารณาย
ตโต เจ อุตฺตรึ ๑- สาทิเยยฺย ปาจิตฺติยนฺติ ฯ
     [๕๕๗]   อคิลาเนน  ภิกฺขุนา  จาตุมาสปจฺจยปวารณา  สาทิตพฺพาติ
คิลานปจฺจยปวารณา    สาทิตพฺพา    ปุนปวารณาปิ   สาทิตพฺพา   [๒]-
ยทา    คิลาโน    ภวิสฺสามิ   ตทา   วิญฺาเปสฺสามีติ   นิจฺจปวารณาปิ
สาทิตพฺพา [๓]- ยทา คิลาโน ภวิสฺสามิ ตทา วิญฺาเปสฺสามีติ ฯ
     [๕๕๘]   ตโต  เจ  อุตฺตรึ  สาทิเยยฺยาติ  อตฺถิ ปวารณา เภสชฺช-
ปริยนฺตา    น   รตฺติปริยนฺตา   อตฺถิ   ปวารณา   รตฺติปริยนฺตา   น
เภสชฺชปริยนฺตา   อตฺถิ   ปวารณา   เภสชฺชปริยนฺตา   จ  รตฺติปริยนฺตา
จ   อตฺถิ   ปวารณา   เนว   เภสชฺชปริยนฺตา   น   รตฺติปริยนฺตา  ฯ
เภสชฺชปริยนฺตา   นาม   เภสชฺชานิ   ปริคฺคหิตานิ   โหนฺติ   เอตฺตเกหิ
เภสชฺเชหิ   ปวาเรมีติ   ฯ  รตฺติปริยนฺตา  นาม  รตฺติโย  ปริคฺคหิตาโย
โหนฺติ    เอตฺตกาสุ    รตฺตีสุ   ปวาเรมีติ   ฯ   เภสชฺชปริยนฺตา   จ
รตฺติปริยนฺตา   จ   นาม   เภสชฺชานิ  จ  ปริคฺคหิตานิ  โหนฺติ  รตฺติโย
จ   ปริคฺคหิตาโย   โหนฺติ   เอตฺตเกหิ   เภสชฺเชหิ  เอตฺตกาสุ  รตฺตีสุ
ปวาเรมีติ    ฯ    เนว   เภสชฺชปริยนฺตา   น   รตฺติปริยนฺตา   นาม
เภสชฺชานิ   จ   อปริคฺคหิตานิ   โหนฺติ   รตฺติโย   จ   อปริคฺคหิตาโย
โหนฺติ เอตฺตเกหิ เภสชฺเชหิ เอตฺตกาสุ รตฺตีสุ ปวาเรมีติ ฯ
@เชิงอรรถ:  ม. ยุ. อุตฺตริ ฯ  ๒-๓ ม. อิติสทฺโท ทิสฺสติ ฯ
     [๕๕๙]   เภสชฺชปริยนฺเต  เยหิ  เภสชฺเชหิ  ปวาริโต  โหติ  ตานิ
เภสชฺชานิ    เปตฺวา    อญฺานิ    เภสชฺชานิ   วิญฺาเปติ   อาปตฺติ
ปาจิตฺติยสฺส  ฯ  รตฺติปริยนฺเต  ยาสุ  รตฺตีสุ  ปวาริโต  โหติ ตา รตฺติโย
เปตฺวา    อญฺาสุ   รตฺตีสุ   วิญฺาเปติ   อาปตฺติ   ปาจิตฺติยสฺส   ฯ
เภสชฺชปริยนฺเต  จ  รตฺติปริยนฺเต  จ  เยหิ  เภสชฺเชหิ  ปวาริโต  โหติ
ตานิ  เภสชฺชานิ  เปตฺวา  ยาสุ  รตฺตีสุ  ปวาริโต  โหติ  ตา  รตฺติโย
เปตฺวา     อญฺานิ    เภสชฺชานิ    อญฺาสุ    รตฺตีสุ    วิญฺาเปติ
อาปตฺติ   ปาจิตฺติยสฺส   ฯ   เนว   เภสชฺชปริยนฺเต   น  รตฺติปริยนฺเต
อนาปตฺติ ฯ
     [๕๖๐]   นเภสชฺเชน  กรณีเย  ๑-  เภสชฺชํ  วิญฺาเปติ  อาปตฺติ
ปาจิตฺติยสฺส   ฯ   อญฺเน   เภสชฺเชน   กรณีเย   ๒-  อญฺ  เภสชฺชํ
วิญฺาเปติ    อาปตฺติ   ปาจิตฺติยสฺส   ฯ   ตทุตฺตริ   ๓-   ตทุตฺตริสญฺี
เภสชฺชํ   วิญฺาเปติ   อาปตฺติ   ปาจิตฺติยสฺส   ฯ   ตทุตฺตริ   เวมติโก
เภสชฺชํ   วิญฺาเปติ   อาปตฺติ   ปาจิตฺติยสฺส   ฯ   ตทุตฺตริ  นตทุตฺตริ-
สญฺี    เภสชฺชํ   วิญฺาเปติ   อาปตฺติ   ปาจิตฺติยสฺส   ฯ   นตทุตฺตริ
ตทุตฺตริสญฺี   อาปตฺติ   ทุกฺกฏสฺส   ฯ   นตทุตฺตริ   เวมติโก   อาปตฺติ
ทุกฺกฏสฺส ฯ นตทุตฺตริ นตทุตฺตริสญฺี อนาปตฺติ ฯ
     [๕๖๑]   อนาปตฺติ  เยหิ  เภสชฺเชหิ ปวาริโต โหติ ตานิ เภสชฺชานิ
วิญฺาเปติ     ยาสุ    รตฺตีสุ    ปวาริโต    โหติ    ตาสุ    รตฺตีสุ
@เชิงอรรถ: ๑-๒ ม. ยุ. กรณีเยน ฯ   ตตุตฺตริ ฯ เอวมุปริปิ ฯ
วิญฺาเปติ   อิเมหิ   ตยา   เภสชฺเชหิ  ปวาริตมฺหา  อมฺหากญฺจ  อิมินา
จ  อิมินา  จ  เภสชฺเชน  อตฺโถติ  อาจิกฺขิตฺวา  วิญฺาเปติ  ยาสุ  ตยา
รตฺตีสุ  ปวาริตมฺหา  ตาโย  จ  รตฺติโย  วีติวตฺตา  อมฺหากญฺจ เภสชฺเชน
อตฺโถติ   อาจิกฺขิตฺวา   วิญฺาเปติ   าตกานํ  ปวาริตานํ  อญฺสฺสตฺถาย
อตฺตโน ธเนน อุมฺมตฺตกสฺส อาทิกมฺมิกสฺสาติ ฯ
                         สตฺตมสิกฺขาปทํ นิฏฺิตํ ฯ
                                  ---------



             เนื้อความพระไตรปิฎกฉบับภาษาบาลีอักษรไทย เล่มที่ ๒ หน้าที่ ๓๖๘-๓๗๓. http://84000.org/tipitaka/pali/pali_item_s.php?book=2&item=555&items=7              อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/pali/pali_item_s.php?book=2&item=555&items=7&mode=bracket              อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=2&item=555&items=7              อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=2&item=555&items=7              ศึกษาอรรถกถานี้ได้ที่ :- http://84000.org/tipitaka/attha/attha.php?b=2&i=555              The Pali Atthakatha in Thai :- http://84000.org/tipitaka/atthapali/read_th.php?B=2&A=9451              The Pali Atthakatha in Roman :- http://84000.org/tipitaka/atthapali/read_rm.php?B=2&A=9451              สารบัญพระไตรปิฎกเล่มที่ ๒ http://84000.org/tipitaka/read/?index_2

อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบไทย

บันทึก ๑๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]

สีพื้นหลัง :