บาลีพระไตรปิฎกเล่มที่ ๒๑ - พระสุตตันตปิฎกเล่มที่ ๑๓

อาปตฺติภยวคฺโค ปญฺจโม [๒๔๓] เอกํ สมยํ ภควา โกสมฺพิยํ วิหรติ โฆสิตาราเม ฯ อถโข อายสฺมา อานนฺโท เยน ภควา เตนุปสงฺกมิ อุปสงฺกมิตฺวา ภควนฺตํ อภิวาเทตฺวา เอกมนฺตํ นิสีทิ ฯ เอกมนฺตํ นิสินฺนํ โข อายสฺมนฺตํ อานนฺทํ ภควา เอตทโวจ อปินุ ตํ อานนฺท อธิกรณํ วูปสนฺตนฺติ ฯ กุโต ตํ ภนฺเต อธิกรณํ วูปสมิสฺสติ @เชิงอรรถ: ^๑ ม. ตสฺสุททานํ @ สงฺขิตฺตวิตฺถารโสณกายนสิกฺขาปทํ อริยมคฺโค โพชฺฌงฺคํ @ สาวชฺชญฺเจว อพฺยาปชฺฌํ สมโณ จ สปปุริสานิสํโสติ ฯ อายสฺมโต ภนฺเต อนุรุทฺธสฺส วาหิโย นาม สทฺธิวิหาริโก ^๑- เกวลกปฺปํ สงฺฆเภทาย ิโต ตตฺถายสฺมา อนุรุทฺโธ น เอกวาจิกมฺปิ ภณิตพฺพํ มญฺตีติ ฯ กทา ปนานนฺท อนุรุทฺโธ สงฺฆมชฺเฌ อธิกรเณสุ โวยุญฺชติ นนุ อานนฺท ยานิกานิจิ อธิกรณานิ อุปฺปชฺชนฺติ สพฺพานิ ตานิ ตุเมฺห เจว วูปสเมถ สารีปุตฺตโมคฺคลฺลานา จ จตฺตาโรเม อานนฺท อตฺถวเส สมฺปสฺสมาโน ปาปภิกฺขุ สงฺฆเภเทน นนฺทติ {๒๔๓.๑} กตเม จตฺตาโร อิธานนฺท ปาปภิกฺขุ ทุสฺสีโล โหติ ปาปธมฺโม อสุจิ สงฺกสฺสรสมาจาโร ปฏิจฺฉนฺนกมฺมนฺโต อสฺสมโณ สมณปฏิญฺโ อพฺรหฺมจารี พฺรหฺมจาริปฏิญฺโ อนฺโตปูติ อวสฺสุโต กสมฺพุชาโต ตสฺส เอวํ โหติ สเจ โข มํ ภิกฺขู ชานิสฺสนฺติ ทุสฺสีโล ปาปธมฺโม อสุจิ สงฺกสฺสรสมาจาโร ปฏิจฺฉนฺนกมฺมนฺโต อสฺสมโณ สมณปฏิญฺโ อพฺรหฺมจารี พฺรหฺมจาริปฏิญฺโ อนฺโตปูติ อวสฺสุโต กสมฺพุชาโตติ สมคฺคา มํ สนฺตา นาเสสฺสนฺติ วคฺคา ปน มํ น นาเสสฺสนฺตีติ อิทํ อานนฺท ปมํ อตฺถวสํ สมฺปสฺสมาโน ปาปภิกฺขุ สงฺฆเภเทน นนฺทติ ฯ {๒๔๓.๒} ปุน จปรํ อานนฺท ปาปภิกฺขุ มิจฺฉาทิฏฺิโก โหติ อนฺตคฺคาหิกาย ทิฏฺิยา สมนฺนาคโต ตสฺส เอวํ โหติ สเจ โข มํ ภิกฺขู ชานิสฺสนฺติ มิจฺฉาทิฏฺิโก อนฺตคฺคาหิกาย ทิฏฺิยา สมนฺนาคโตติ สมคฺคา มํ สนฺตา นาเสสฺสนฺติ วคฺคา ปน มํ น นาเสสฺสนฺตีติ อิทํ อานนฺท ทุติยํ อตฺถวสํ สมฺปสฺสมาโน ปาปภิกฺขุ สงฺฆเภเทน นนฺทติ ฯ {๒๔๓.๓} ปุน จปรํ อานนฺท ปาปภิกฺขุ มิจฺฉาอาชีโว โหติ @เชิงอรรถ: ^๑ ยุ. สทฺธิวิหารี ฯ มิจฺฉาอาชีเวน ชีวิตํ ^๑- กปฺเปติ ตสฺส เอวํ โหติ สเจ โข มํ ภิกฺขู ชานิสฺสนฺติ มิจฺฉาอาชีโว มิจฺฉาอาชีเวน ชีวิตํ กปฺเปตีติ สมคฺคา มํ สนฺตา นาเสสฺสนฺติ วคฺคา ปน มํ น นาเสสฺสนฺตีติ อิทํ อานนฺท ตติยํ อตฺถวสํ สมฺปสฺสมาโน ปาปภิกฺขุ สงฺฆเภเทน นนฺทติ ฯ {๒๔๓.๔} ปุน จปรํ อานนฺท ปาปภิกฺขุ ลาภกาโม โหติ สกฺการกาโม อนวญฺตฺติกาโม ตสฺส เอวํ โหติ สเจ โข มํ ภิกฺขู ชานิสฺสนฺติ ลาภกาโม สกฺการกาโม อนวญฺตฺติกาโมติ สมคฺคา มํ ^[๒]- น สกฺกริสฺสนฺติ น ครุกริสฺสนฺติ น มาเนสฺสนฺติ น ปูเชสฺสนฺติ วคฺคา ปน มํ สกฺกริสฺสนฺติ ครุกริสฺสนฺติ มาเนสฺสนฺติ ปูเชสฺสนฺตีติ อิทํ อานนฺท จตุตฺถํ อตฺถวสํ สมฺปสฺสมาโน ปาปภิกฺขุ สงฺฆเภเทน นนฺทติ ฯ อิเม โข อานนฺท จตฺตาโร อตฺถวเส สมฺปสฺสมาโน ปาปภิกฺขุ สงฺฆเภเทน นนฺทตีติ ฯ

เนื้อความพระไตรปิฎกฉบับภาษาบาลีอักษรไทย เล่มที่ ๒๑ หน้าที่ ๓๒๔-๓๒๖. http://84000.org/tipitaka/pali/pali_item_s.php?book=21&item=243&items=1 อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/pali/pali_item_s.php?book=21&item=243&items=1&mode=bracket อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=21&item=243&items=1 อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=21&item=243&items=1 ศึกษาอรรถกถานี้ได้ที่ :- http://84000.org/tipitaka/attha/attha.php?b=21&i=243 The Pali Atthakatha in Thai :- http://84000.org/tipitaka/atthapali/read_th.php?B=15&A=10166 The Pali Atthakatha in Roman :- http://84000.org/tipitaka/atthapali/read_rm.php?B=15&A=10166 สารบัญพระไตรปิฎกเล่มที่ ๒๑ http://84000.org/tipitaka/read/?index_21