บาลีพระไตรปิฎกเล่มที่ ๒๗ - พระสุตตันตปิฎกเล่มที่ ๑๙

๙ สุชาตาชาตกํ ^๓- [๔๐๖] นหิ วณฺเณน สมฺปนฺนา มญฺชุกา ปิยทสฺสนา ขรวาจา ปิยา โหนฺติ อสฺมึ โลเก ปรมฺหิ จ ฯ [๔๐๗] นนุ ปสฺสสิมํ กาฬึ ทุพฺพณฺณํ ติลกาหตํ โกกิลํ สณฺหวาเจน พหูนํ ปาณินํ ปิยํ ฯ [๔๐๘] ตสฺมา สขิลวาจสฺส มนฺตภาณี อนุทฺธโต อตฺถํ ธมฺมญฺจ ทีเปติ มธุรนฺตสฺส ภาสิตนฺติ ฯ สุชาตาชาตกํ นวมํ ฯ --------- ๑๐ อุลูกชาตกํ [๔๐๙] สพฺเพหิ กิร ญาตีหิ โกสิโย อิสฺสโร กโต สเจ ญาตีหิ อนุญฺญาโต ^๔- ภเณยฺยาหํ เอกวาจิกํ ฯ [๔๑๐] ภณ สมฺม อนุญฺญาโต อตฺถํ ธมฺมญฺจ เกวลํ สนฺติ หิ ทหรา ปกฺขี ปญฺญวนฺโต ชุตินฺธรา ฯ [๔๑๑] น เม รุจฺจติ ภทฺทํ โว อุลูกสฺสาภิเสจนํ @เชิงอรรถ: ^๑ สี. ม. เย จญฺเญ ฯ ^๒ ม. วิสเสโน ว ฯ ^๓ ม. สุชาตชาตกํ ฯ @^๔ สี. ยุ. ญาตีหนุญฺญาโต ฯ อกฺกุทฺธสฺส มุขํ ปสฺส กถํ กุทฺโธ กริสฺสตีติ ฯ อุลูกชาตกํ ทสมํ ฯ ปทุมวคฺโค ทุติโย --------- ตสฺสุทฺทานํ ปทุมุตฺตม นาคสิริวฺหยโน สมหณฺณว ยูป ขุรปฺปวโร อถ ภทฺทลี กุญฺชร รุกฺข ปุน ขรวาจ อุลูกวเรน ทส ฯ --------- ๓ อุทปานทูสกวคฺโค ^๑- ๑ อุทปานทูสกชาตกํ [๔๑๒] อารญฺญกสฺส ^๒- อิสิโน จิรํ รตฺตํ ตปสฺสิโน กิจฺฉากตํ อุทปานํ กถํ สมฺม อปาหสิ ^๓- ฯ [๔๑๓] เอส ธมฺโม สิคาลานํ ยํ ปิวิตฺวา โอหทามเส ปิตุปิตามหํ ธมฺโม น ตํ อุชฺฌาตุมรหสิ ฯ [๔๑๔] เยสํ โว เอทิโส ธมฺโม อธมฺโม ปน กีทิโส มา โว ธมฺมํ อธมฺมํ วา อทฺทสาม กุทาจนนฺติ ฯ อุทปานทูสกชาตกํ ปฐมํ ฯ @เชิงอรรถ: ^๑ ม. อุทปานวคฺค ฯ ^๒ ม. อรญฺญิกสฺส ฯ ^๓ สี. ม. อวาหสิ ฯ ๒ พฺยคฺฆชาตกํ [๔๑๕] เยน มิตฺเตน สํสคฺคา โยคกฺเขโม วิหียติ ปุพฺเพวชฺฌาภวนฺตสฺส รกฺเข อกฺขึว ปณฺฑิโต ฯ [๔๑๖] เยน มิตฺเตน สํสคฺคา โยคกฺเขโม ปวฑฺฒติ กเรยฺยตฺตสมํ วุตฺตึ สพฺพกิจฺเจสุ ปณฺฑิโต ฯ [๔๑๗] เอถ พฺยคฺฆา นิวตฺตโวฺห ปจฺจุเปถ ^๑- มหาวนํ มา โน ^๒- วนํ ฉินฺทิ นิพฺยคฺฆํ พฺยคฺฆา มาเหสุ นิพฺพนาติ ฯ พฺยคฺฆชาตกํ ทุติยํ ฯ --------- ๓ กจฺฉปชาตกํ [๔๑๘] โก นุ วฑฺฒิตภตฺโตว ^๓- ปูรหตฺโถว พฺราหฺมโณ กหนฺนุ ภิกฺขํ อจริ กํ สทฺธํ อุปสงฺกมิ ฯ [๔๑๙] อหํ กปิสฺมิ ทุมฺเมโธ อนามาสานิ อามสึ ตฺวํ มํ โมจย ภทฺทนฺเต มุตฺโต คจฺเฉยฺย ปพฺพตํ ฯ [๔๒๐] กจฺฉปา กสฺสปา โหนฺติ โกณฺฑญฺญา โหนฺติ มกฺกฏา มุญฺจ กสฺสป โกณฺฑญฺญํ กตํ เมถุนกํ ตยาติ ฯ กจฺฉปชาตกํ ตติยํ ฯ --------- ๔ โลลชาตกํ [๔๒๑] กายํ พลากา สิขินี โจรี ลงฺฆีปิตามหา ^๔- @เชิงอรรถ: ^๑ สี. ยุ. ปจฺจเมถ ฯ ^๒ ม. อยํ สทฺโท นตฺถิ ฯ ^๓ ม. อุทฺธิตภตฺโตว ฯ @^๔ ม. ลงฺฆิปิตามหา ฯ โอรํ พลาเก อาคจฺฉ จณฺโฑ เม วายโส สขา ฯ [๔๒๒] นาหํ พลากา สิขินี อหํ โลลสฺมิ วายโส อกตฺวา วจนํ ตุยฺหํ ปสฺส ลูโนสฺมิ อาคโต ฯ [๔๒๓] ปุน ปาปชฺชสี สมฺม สีลํ หิ ตว ตาทิสํ นหิ มานุสิกา ^๑- โภคา สุภุญฺชา โหนฺติ ปกฺขินาติ ฯ โลลชาตกํ จตุตฺถํ ฯ --------- ๕ รุจิรชาตกํ [๔๒๔] กายํ พลากา รุจิรา กากนิณฺฑสฺมิ ^๒- มจฺฉติ จณฺโฑ กาโก สขา มยฺหํ ยสฺส ^๓- เจตํ กุลาวกํ ฯ

เนื้อความพระไตรปิฎกฉบับภาษาบาลีอักษรไทย เล่มที่ ๒๗ หน้าที่ ๑๐๙-๑๑๒. http://84000.org/tipitaka/pali/pali_item_s.php?book=27&item=406&items=19&modeTY=2 อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/pali/pali_item_s.php?book=27&item=406&items=19&modeTY=2&mode=bracket อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=27&item=406&items=19&modeTY=2 อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=27&item=406&items=19&modeTY=2 ศึกษาอรรถกถาชาดกนี้ได้ที่ :- http://84000.org/tipitaka/attha/attha.php?b=27&i=406 The Pali Atthakatha in Thai :- http://84000.org/tipitaka/atthapali/read_th.php?B=38&A=1910 The Pali Atthakatha in Roman :- http://84000.org/tipitaka/atthapali/read_rm.php?B=38&A=1910 สารบัญพระไตรปิฎกเล่มที่ ๒๗ http://84000.org/tipitaka/read/?index_27