บาลีพระไตรปิฎกเล่มที่ ๓๒ - พระสุตตันตปิฎกเล่มที่ ๒๔

จตุพฺพีโส อุทกาสนทายิวคฺโค ปมํ อุทกาสนทายกตฺเถราปทานํ (๒๓๑) [๒๓๓] |๒๓๓.๑| อารามทฺวารา นิกฺขมฺม ผลกํ สนฺถรึ อหํ อุทกญฺจ อุปฏฺาสึ อุตฺตมตฺถสฺส ปตฺติยา ฯ |๒๓๓.๒| เอกตฺตึเส อิโต กปฺเป ยํ กมฺมมกรึ ตทา ทุคฺคตึ นาภิชานามิ อาสเน โจทเก ผลํ ฯ |๒๓๓.๓| อิโต ปณฺณรเส กปฺเป อภิสามสมวฺหโย สตฺตรตนสมฺปนฺโน จกฺกวตฺติ มหพฺพโล ฯ |๒๓๓.๔| ปฏิสมฺภิทา จตสฺโส วิโมกฺขาปิจ อฏฺิเม ฉฬภิญฺา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา อุทกาสนทายโภ เถโร อิมา คาถาโย อภาสิตฺถาติ ฯ อุทกาสนทายกตฺเถรสฺส อปทานํ สมตฺตํ ฯ ทุติยํ ภาชนทายกตฺเถราปทานํ (๒๓๒) [๒๓๔] |๒๓๔.๕| นคเร พนฺธุมติยา กุมฺภกาโร อหํ ตทา ภาชนํ อนุปาเลสึ ภิกฺขุสงฺฆสฺส ตาวเท ฯ |๒๓๔.๖| เอกนวุติโต กปฺเป ภาชนํ อนุปาลยึ ทุคฺคตึ นาภิชานามิ ภาชนสฺส อิทํ ผลํ ฯ |๒๓๔.๗| เตปญฺาเส อิโต กปฺเป อนนฺตชลินามโก สตฺตรตนสมฺปนฺโน จกฺกวตฺติ มหพฺพโล ฯ |๒๓๔.๘| ปฏิสมฺภิทา จตสฺโส วิโมกฺขาปิจ อฏฺิเม ฉฬภิญฺา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา ภาชนทายโก ^๑- เถโร อิมา คาถาโย อภาสิตฺถาติ ฯ ภาชนทายกตฺเถรสฺส อปทานํ สมตฺตํ ฯ

เนื้อความพระไตรปิฎกฉบับภาษาบาลีอักษรไทย เล่มที่ ๓๒ หน้าที่ ๓๒๖-๓๒๗. http://84000.org/tipitaka/pali/pali_item_s.php?book=32&item=233&items=2 อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/pali/pali_item_s.php?book=32&item=233&items=2&mode=bracket อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=32&item=233&items=2 อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=32&item=233&items=2 ศึกษาอรรถกถานี้ได้ที่ :- http://84000.org/tipitaka/attha/attha.php?b=32&i=233 The Pali Atthakatha in Thai :- http://84000.org/tipitaka/atthapali/read_th.php?B=50&A=4883 The Pali Atthakatha in Roman :- http://84000.org/tipitaka/atthapali/read_rm.php?B=50&A=4883 สารบัญพระไตรปิฎกเล่มที่ ๓๒ http://84000.org/tipitaka/read/?index_32