ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ฉบับหลวง   บาลีอักษรไทย   PaliRoman 
อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบไทย
พระไตรปิฎกเล่มที่ ๓๒ ภาษาบาลี อักษรไทย พระสุตตันตปิฎกเล่มที่ ๒๔ สุตฺต. ขุ. อปทานํ (๑)
                               อฏฺมํ โตเทยฺยตฺเถราปทานํ  (๔๐๘)
     [๔๑๐]   |๔๑๐.๒๒๕| ราชา วิชิตชโย ๑- นาม    เกตุมติปุรุตฺตเม
                           สูโร วิกฺกมสมฺปนฺโน      ปุรมชฺฌาวสี ตทา ฯ
       |๔๑๐.๒๒๖| ตสฺส รญฺโ ปมตฺตสฺส   รฏฺวิสา ๒- สมุฏฺหุํ
                           อุตฺตรา ๓- ตุณฺฑิกา เจว    รฏฺ วิทฺธํสยุํ ตทา ฯ
       |๔๑๐.๒๒๗| ปจฺจนฺเต กุปฺปิเต ขิปฺปํ    สนฺนิปาเตสิรินฺทโม
                           ภเฏ เจว พลตฺเถ จ        อรึ นิคฺคาหยิ ตทา ฯ
       |๔๑๐.๒๒๘| หตฺถาโรหา อนีกตฺถา     สูรา จ วมฺมโยธิโน ๔-
                           ธนุคฺคหา จ รถิกา ๕-     สพฺเพ สนฺนิปตุํ ตทา ฯ
       |๔๑๐.๒๒๙| อาฬารกา กปฺปกา จ      นฺหาปกา มาลการกา
                           สูรา วิชิตสงฺคามา         สพฺเพ สนฺนิปตุํ ตทา ฯ
@เชิงอรรถ:  ม. อชิตญฺชโย ฯ ยุ. ชิตญฺชโย ฯ  ม. ยุ. อฏวิโย ฯ  ม. โอตารา ฯ ยุ. โอจรา ฯ
@ ม. ยุ. จมฺมโยธิโน ฯ  ม. ยุ. อุคฺคา จ ฯ
       |๔๑๐.๒๓๐| ขคฺคหตฺถา จ ปุริสา        จาปหตฺถา จ จมฺมิโน ๑-
                           ลุทฺธา วิชิตสงฺคามา       สพฺเพ สนฺนิปตุํ ตทา ฯ
       |๔๑๐.๒๓๑| ติธปฺปภินฺนา มาตงฺคา    กุญฺชรา สฏฺิหายนา
                           สุวณฺณกจฺฉาลงฺการา    สพฺเพ สนฺนิปตุํ ตทา ฯ
       |๔๑๐.๒๓๒| ขมา สีตสฺส อุณฺหสฺส      อุกฺการุหรณสฺส จ
                           โยธาชีวา กตกมฺมา       สพฺเพ สนฺนิปตุํ ตทา ฯ
       |๔๑๐.๒๓๓| สงฺขสทฺทํ เภริสทฺทํ         อโถ อุทฺทฏสทฺทกํ ๒-
                           เอเตหิ เต หาสยนฺตา     สพฺเพ สนฺนิปตุํ ตทา ฯ
       |๔๑๐.๒๓๔| ติสูลโกนฺติมนฺเตหิ         ธนูหิ โตมเรหิ จ ๓-
                           โกฏฺฏยนฺตา ๔- นิวตฺเตนฺตา  สพฺเพ สนฺนิปตุํ ตทา ฯ
       |๔๑๐.๒๓๕| กวจานิ นิวาเสตฺวา ๕-    สราชา อชิตญฺชิโน
                           สฏฺิปาณสหสฺสานิ       สูเล อุตฺตาสยึ ตทา ฯ
       |๔๑๐.๒๓๖| สทฺทํ มานุสกากํสุ          อโห ราชา อธมฺมิโก
                           นิรเย ปจฺจมานสฺส        กทา อนฺโต ภวิสฺสติ ฯ
       |๔๑๐.๒๓๗| สยเนหํ ตุวฏฺเฏนฺโต        ปสฺสามิ ๖- นิรเย ตทา
                           น สุปามิ ทิวารตฺตึ         สูเลน ตชฺชยนฺติ มํ ฯ
       |๔๑๐.๒๓๘| กึ ปมาเทน รชฺเชน         พาหเนน พเลน จ
                           น เต ปโหนฺติ ธาเรตุํ      ตาสยนฺติ ๗- มมํ สทา ฯ
       |๔๑๐.๒๓๙| กึ เม ปุตฺเตหิ ทาเรหิ      รชฺเชน สกเลน จ
                           ยนฺนูน ปพฺพเชยฺยาหํ    คติมคฺคํ วิโสธเย ฯ
@เชิงอรรถ:  ม. ยุ. วมฺมิโน ฯ  ม. อุตุชสทฺทกํ ฯ ยุ. อุทฺธวสทฺทกํ ฯ  ม. ยุ.
@กวจโตมเรหิ จ ฯ  ม. ยุ. โกฏฺฏนฺตานํ นิปาเตนฺตา ฯ ยุ .. นิวตฺตนฺตา ฯ
@ ม. กิเมวาติ นิสาเมตฺวา สราชา อชิตญฺชโย ฯ  ยุ. วสามิ ฯ  ม. ตาปยนฺติ ฯ
       |๔๑๐.๒๔๐| สฏฺินาคสหสฺสานิ         สพฺพาลงฺการภูสิเต
                           สุวณฺณกจฺเฉ มาตงฺเค    เหมกปฺปนิวาสเส ฯ
       |๔๑๐.๒๔๑| อารุเฬฺห คามณีเยภิ       โตมรงฺกุสปาณิภิ
                           สงฺคามาวจเร าเน ๑-   อนเปกฺโข วิหายหํ ฯ
       |๔๑๐.๒๔๒| สกกมฺเมน สนฺตตฺโต       นิกฺขมึ อนคาริยํ
                           สฏฺิอสฺสสหสฺสานิ        สพฺพาลงฺการภูสิเต ฯ
       |๔๑๐.๒๔๓| อาชานิเย จ ๒- ชาติยา   สินฺธวา ๓- สีฆพาหเน
                           อารุเฬฺห คามณีเยภิ      จาปหตฺเถหิ จมฺมิภิ ฯ
       |๔๑๐.๒๔๔| ฉฑฺฑยิตฺวาน สพฺเพเต ๔-    นิกฺขมึ อนคาริยํ
                           สฏฺิรถสหสฺสานิ          สพฺพาลงฺการภูสิเต ฯ
       |๔๑๐.๒๔๕| ทีเป อโถปิ เวยฺยคฺเฆ     สนฺนทฺเธ อุสฺสิตทฺธเช
                           สพฺเพเต ปริวชฺเชตฺวา ๕-   ปพฺพชึ อนคาริยํ ฯ
       |๔๑๐.๒๔๖| สฏฺิเธนุสหสฺสานิ         สพฺพา กํสุปธารณา
                           คาวิโย ๖- ฉฑฺฑยิตฺวาน     ปพฺพชึ อนคาริยํ ฯ
       |๔๑๐.๒๔๗| สฏฺิอิตฺถีสหสฺสานิ        สพฺพาลงฺการภูสิตา
                           วิจิตฺตวตฺถาภรณา         อามุตฺตมณิกุณฺฑลา ฯ
       |๔๑๐.๒๔๘| อาฬารมุขา หสุลา         สุสญฺา ตนุมชฺฌิมา
                           ตา หิตฺวา กนฺทมานาโย ปพฺพชึ อนคาริยํ ฯ
       |๔๑๐.๒๔๙| สฏฺิคามสหสฺสานิ        ปริปุณฺณานิ สพฺพโส
                           ฉฑฺฑยิตฺวาน ตํ รชฺชํ     ปพฺพชึ อนคาริยํ ฯ
@เชิงอรรถ:  ยุ. สงฺคามาวจเรเหว ฯ  ม. ยุ. ว ฯ  ม. ยุ. สินฺธเว สีฆวาหเน ฯ
@ ม. ปหาเรตฺวาน เต สพฺเพ ฯ ยุ. ปหายิตฺวาน ... ฯ  ม. ปริหาเรตฺวา ฯ
@ยุ. ปริหายิตฺวา ฯ  ม. ยุ. ตาโยปิ ฯ
       |๔๑๐.๒๕๐| นครา นิกฺขมิตฺวาน        หิมวนฺตํ อุปาคมึ
                           ภาคีรสีนทีตีเร              อสฺสมํ มาปยึ อหํ ฯ
                           ปณฺณสาลํ กริตฺวาน      อคฺยาคารํ อกาสหํ ฯ
       |๔๑๐.๒๕๑| อารทฺธวิริโย ปหิตตฺโต    วสามิ อสฺสเม อหํ
                           มณฺฑเป รุกฺขมูเล วา     สุญฺาคาเร ว ฌายโต
                           น ตุ ๑- วิชฺชติ ตาโส เม  น ปสฺเส ภยเภรวํ ฯ
       |๔๑๐.๒๕๒| สุเมโธ นาม สมฺพุทฺโธ    อคฺโค การุณิโก มุนิ
                           าณาโลเกน โชเตนฺโต โลเก อุปฺปชฺชิ ตาวเท ฯ
       |๔๑๐.๒๕๓| มม อสฺสมสามนฺตา       ยกฺโข อาสิ มหิทฺธิโก
                           พุทฺธเสฏฺมฺหิ อุปฺปนฺเน  อาโรเจสิ มมํ ตทา ฯ
       |๔๑๐.๒๕๔| พุทฺโธ โลเก สมุปฺปนฺโน  สุเมโธ นาม จกฺขุมา
                           ตาเรสิ ชนตํ สพฺพํ         ตมฺปิ โส ตารยิสฺสติ ฯ
       |๔๑๐.๒๕๕| ยกฺขสฺส วจนํ สุตฺวา       สํวิคฺโค อาสิ ตาวเท
                           พุทฺโธ พุทฺโธติ จินฺเตนฺโต    อสฺสมํ ปฏิสามยึ ฯ
       |๔๑๐.๒๕๖| อคฺคิทารุญฺจ ฉฑฺเฑตฺวา สํสาเมตฺวาน สนฺถตํ
                           อสฺสมํ อภิวนฺทิตฺวา       นิกฺขมึ ปวนา ๒- อหํ ฯ
       |๔๑๐.๒๕๗| ตโต จนฺทนมาทาย        คามา คามํ ปุรา ปุรํ
                           เทวเทวํ คเวสนฺโต         อุปคญฺฉึ วินายกํ ฯ
       |๔๑๐.๒๕๘| ภควา ตมฺหิ สมเย         สุเมโธ โลกนายโก
                           จตุสจฺจํ ปกาเสนฺโต      โพเธติ ชนตํ พหุํ ๓-@เชิงอรรถ:  ยุ. น อุปปชฺชถ ฯ  ม. วิปินา ฯ  ยุ. ตทา ฯ
       |๔๑๐.๒๕๙| อญฺชลึ ปคฺคเหตฺวาน      สีเส กตฺวาน วนฺทนํ ๑-
                           สมฺพุทฺธํ อภิวาเทตฺวา    อิมา คาถา อภาสถ ๒- ฯ
       |๔๑๐.๒๖๐| วสฺสิเก ปุปฺผมานสฺมึ      สนฺติเก อุปวายติ
                           ตฺวํ วีร คุณคนฺเธน         ทิสา สพฺพา ปวายสิ ฯ
       |๔๑๐.๒๖๑| จมฺปเก นาคมลิเก ๓-     อธิมุตฺตกเกตเก
                           สาเลสุ ปุปฺผมาเนสุ       อนุวาตํ ปวายติ ฯ
       |๔๑๐.๒๖๒| ตว คนฺธํ ฆายิตฺวาน ๔-   หิมวนฺตา อิธาคมึ
                           ปูเชมิ ตํ มหาวีร            โลกเชฏฺ มหายส ฯ
       |๔๑๐.๒๖๓| วรจนฺทเนนานุลิมฺปึ        สุเมธํ โลกนายกํ
                           สกํ จิตฺตํ ปสาเทตฺวา      ตุณฺหี อฏฺาสิ ตาวเท ฯ
       |๔๑๐.๒๖๔| สุเมโธ นาม ภควา         โลกเชฏฺโ นราสโภ
                           ภิกฺขุสงฺเฆ นิสีทิตฺวา      อิมา คาถา อภาสถ ฯ
       |๔๑๐.๒๖๕| โย เม คุณํ ๕- ปกิตฺเตสิ  จนฺทนญฺจ อปูชยิ
                           ตมหํ กิตฺตยิสฺสามิ        สุณาถ มม ภาสโต ฯ
       |๔๑๐.๒๖๖| อาเทยฺยวากฺยวจโน       พฺรหฺมา อุชุ ปตาปวา
                           ปญฺจวีสติกปฺปานิ         สปฺปภาโส ภวิสฺสติ ฯ
       |๔๑๐.๒๖๗| ฉพฺพีสติกปฺปสเต          เทวโลเก รมิสฺสติ
                           สหสฺสกฺขตฺตุํ ราชา จ     จกฺกวตฺติ ภวิสฺสติ ฯ
       |๔๑๐.๒๖๘| เตตฺตึสกฺขตฺตุํ เทวินฺโท   เทวรชฺชํ กริสฺสติ
                           ปเทสรชฺชํ วิปุลํ             คณนาโต อสงฺขยํ ฯ
@เชิงอรรถ:  ม. ยุ. จนฺทนํ ฯ  ม. อภาสหํ ฯ  ม. ยุ. นาควนิเก ฯ
@ ม. ยุ. สุณิตฺวาน ฯ  ม. ยุ. คุเณ ฯ
       |๔๑๐.๒๖๙| ตโต จุโตยํ มนุโช           มนุสฺสตฺตํ คมิสฺสติ
                           ปุญฺกมฺเมน สํยุตฺโต   พฺรหฺมพนฺธุ ภวิสฺสติ ฯ
       |๔๑๐.๒๗๐| อชฺฌายโก มนฺตธโร       ติณฺณํ เวทาน ปารคู
                           ตีณิลกฺขณสมฺปนฺโน      พาวรี นาม พฺราหฺมโณ ฯ
       |๔๑๐.๒๗๑| ตสฺส สิสฺโส ภวิตฺวาน      เหสฺสติ มนฺตปารคู
                           อุปคนฺตฺวาน สมฺพุทฺธํ    โคตมํ สกฺยปุงฺควํ ฯ
       |๔๑๐.๒๗๒| ปุจฺฉิตฺวา นิปุเณ ปเญฺห  หาสยิตฺวาน ๑- มานสํ
                           สพฺพาสเว ปริญฺาย    วิหรามิ ๒- อนาสโว ฯ
       |๔๑๐.๒๗๓| ติวิธคฺคิ นิพฺพุตา มยฺหํ   ภวา สพฺเพ สมูหตา
                           สพฺพาสเว ปริญฺาย    วิหรามิ อนาสโว ฯ
       |๔๑๐.๒๗๔| กิเลสา ฌาปิตา มยฺหํ     ภวา สพฺเพ สมูหตา
                           นาโคว พนฺธนํ เฉตฺวา    วิหรามิ อนาสโว ฯ
       |๔๑๐.๒๗๕| สฺวาคตํ วต เม อาสิ        มม พุทฺธสฺส สนฺติเก
                           ติสฺโส วิชฺชา อนุปฺปตฺตา กตํ พุทฺธสฺส สาสนํ ฯ
       |๔๑๐.๒๗๖| ปฏิสมฺภิทา จตสฺโส        วิโมกฺขาปิจ อฏฺิเม
                           ฉฬภิญฺา สจฺฉิกตา     กตํ พุทฺธสฺส สาสนนฺติ ฯ
         อิตฺถํ สุทํ อายสฺมา โตเทยฺโย เถโร อิมา คาถาโย
อภาสิตฺถาติ ฯ
                                   โตเทยฺยตฺเถรสฺส อปทานํ สมตฺตํ ฯ
@เชิงอรรถ:  ม. ยุ. ภาวยิตฺวาน อญฺชสํ ฯ  ม. วิหริสฺสตินาสโว ฯ



             เนื้อความพระไตรปิฎกฉบับภาษาบาลีอักษรไทย เล่มที่ ๓๒ หน้าที่ ๕๕๗-๕๖๒. http://84000.org/tipitaka/pali/pali_item_s.php?book=32&item=410&items=1              อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/pali/pali_item_s.php?book=32&item=410&items=1&mode=bracket              อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=32&item=410&items=1              อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=32&item=410&items=1              ศึกษาอรรถกถานี้ได้ที่ :- http://84000.org/tipitaka/attha/attha.php?b=32&i=410              The Pali Atthakatha in Thai :- http://84000.org/tipitaka/atthapali/read_th.php?B=50&A=5452              The Pali Atthakatha in Roman :- http://84000.org/tipitaka/atthapali/read_rm.php?B=50&A=5452              สารบัญพระไตรปิฎกเล่มที่ ๓๒ http://84000.org/tipitaka/read/?index_32

อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบไทย

บันทึก ๑๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]

สีพื้นหลัง :