paliTIPITAKA Volume 12 - Sutta Pitaka 4

Akankheyyasuttam [73] Evamme sutam ekam samayam bhagava savatthiyam viharati jetavane anathapindikassa arame . tatra kho bhagava bhikkhu amantesi bhikkhavoti . bhadanteti te bhikkhu bhagavato paccassosum . Bhagava etadavoca sampannasila bhikkhave viharatha sampannapatimokkha patimokkhasamvarasamvuta viharatha acaragocarasampanna anumattesu vajjesu bhayadassavi samadaya sikkhatha sikkhapadesu. [74] Akankheyya ce bhikkhave bhikkhu sabrahmacarinam piyo ca assam manapo ca garu ca bhavaniyo cati silesvevassa paripurakari ajjhattancetosamathamanuyutto anirakatajjhano vipassanaya samannagato bruheta sunnagaranam. [75] Akankheyya ce bhikkhave bhikkhu labhi assam civarapindapata- senasanagilanapaccayabhesajjaparikkharananti silesvevassa paripurakari ajjhattancetosamathamanuyutto anirakatajjhano vipassanaya samannagato bruheta sunnagaranam. [76] Akankheyya ce bhikkhave bhikkhu yesaham civarapindapata- senasanagilanapaccayabhesajjaparikkharam paribhunjami tesante kara mahapphala assu mahanisamsati silesvevassa paripurakari ajjhattancetosamathamanuyutto anirakatajjhano vipassanaya samannagato bruheta sunnagaranam. [77] Akankheyya ce bhikkhave bhikkhu ye me natisalohita peta kalakata pasannacitta anussaranti tesantam mahapphalam assa mahanisamsanti silesvevassa paripurakari ajjhattancetosamathamanuyutto anirakatajjhano vipassanaya samannagato bruheta sunnagaranam. [78] Akankheyya ce bhikkhave bhikkhu aratiratisaho assam na ca mam arati saheyya uppannam aratim abhibhuyya abhibhuyya vihareyyanti silesvevassa paripurakari .pe. Bruheta sunnagaranam. [79] Akankheyya ce bhikkhave bhikkhu bhayabheravasaho assam na ca mam bhayabheravam saheyya uppannam bhayabheravam abhibhuyya abhibhuyya vihareyyanti silesvevassa paripurakari .pe. Bruheta sunnagaranam. [80] Akankheyya ce bhikkhave bhikkhu catunnam jhananam abhicetasikanam ditthadhammasukhaviharanam nikamalabhi assam akicchalabhi akasiralabhiti silesvevassa paripurakari .pe. Bruheta sunnagaranam. [81] Akankheyya ce bhikkhave bhikkhu ye te santa vimokkha atikkamma rupe aruppa te kayena phusitva vihareyyanti silesvevassa paripurakari .pe. Bruheta sunnagaranam. [82] Akankheyya ce bhikkhave bhikkhu tinnam samyojananam parikkhaya sotapanno assam avinipatadhammo niyato sambodhiparayanoti silesvevassa paripurakari .pe. Bruheta sunnagaranam. [83] Akankheyya ce bhikkhave bhikkhu tinnam samyojananam parikkhaya ragadosamohanam tanutta sakadagami assam sakideva imam lokam agantva dukkhassantam kareyyanti silesvevassa paripurakari ajjhattancetosamathamanuyutto anirakatajjhano vipassanaya samannagato bruheta sunnagaranam. [84] Akankheyya ce bhikkhave bhikkhu pancannam orambhagiyanam samyojananam parikkhaya opapatiko assam tattha parinibbayi anavattidhammo tasma lokati silesvevassa paripurakari .pe. bruheta sunnagaranam. [85] Akankheyya ce bhikkhave bhikkhu anekavihitam iddhividham paccanubhaveyyam ekopi hutva bahudha assam bahudhapi hutva eko assam avibhavam tirobhavam tirokuddam tiropakaram tiropabbatam asajjamano gaccheyyam seyyathapi akase pathaviyapi ummujjanimmujjam kareyyam seyyathapi udake udakepi abhijjamane ^1- gaccheyyam seyyathapi pathaviyam akasepi pallankena kameyyam seyyathapi pakkhi sakuno imepi candimasuriye evammahiddhike evammahanubhave panina paramaseyyam ^2- parimajjeyyam yava brahmalokapi kayena vasam vatteyyanti silesvevassa paripurakari .pe. bruheta sunnagaranam. @Footnote: ¹ Si. Ma. abhijjamano. ² Si. Yu. parimaseyyam. [86] Akankheyya ce bhikkhave bhikkhu dibbaya sotadhatuya visuddhaya atikkantamanusikaya ubho sadde suneyyam dibbe ca manuse ca ye dure santike cati silesvevassa paripurakari .pe. Bruheta sunnagaranam. [87] Akankheyya ce bhikkhave bhikkhu parasattanam parapuggalanam cetasa ceto paricca janeyyam ^1- saragam va cittam saragam cittanti pajaneyyam vitaragam va cittam vitaragam cittanti pajaneyyam sadosam va cittam sadosam cittanti pajaneyyam vitadosam va cittam vitadosam cittanti pajaneyyam samoham va cittam samoham cittanti pajaneyyam vitamoham va cittam vitamoham cittanti pajaneyyam sankhittam va cittam sankhittam cittanti pajaneyyam vikkhittam va cittam vikkhittam cittanti pajaneyyam mahaggatam va cittam mahaggatam cittanti pajaneyyam amahaggatam va cittam amahaggatam cittanti pajaneyyam sauttaram va cittam sauttaram cittanti pajaneyyam anuttaram va cittam anuttaram cittanti pajaneyyam samahitam va cittam samahitam cittanti pajaneyyam asamahitam va cittam asamahitam cittanti pajaneyyam vimuttam va cittam vimuttam cittanti pajaneyyam avimuttam va cittam avimuttam cittanti pajaneyyanti silesvevassa paripurakari .pe. Bruheta sunnagaranam. @Footnote: ¹ Ma. Yu. pajaneyyam. [88] Akankheyya ce bhikkhave bhikkhu anekavihitam pubbenivasam anussareyyam seyyathidam ekampi jatim dvepi jatiyo tissopi jatiyo catassopi jatiyo pancapi jatiyo dasapi jatiyo visampi jatiyo timsampi jatiyo cattalisampi jatiyo pannasampi jatiyo jatisatampi jatisahassampi jatisatasahassampi anekepi samvattakappe anekepi vivattakappe anekepi samvattavivattakappe amutrasim evamnamo evamgotto evamvanno evamaharo evam sukhadukkhapatisamvedi evammayupariyanto so tato cuto amutra udapadim ^1- tatrapasim evamnamo evamgotto evamvanno evamaharo evam sukhadukkhapatisamvedi evamayupariyanto so tato cuto idhupapannoti iti sakaram sauddesam anekavihitam pubbenivasam anussareyyanti silesvevassa paripurakari .pe. Bruheta sunnagaranam. [89] Akankheyya ce bhikkhave bhikkhu dibbena cakkhuna visuddhena atikkantamanusakena satte passeyyam cavamane upapajjamane hine panite suvanne dubbanne sugate duggate yathakammupage satte pajaneyyam ime vata bhonto satta kayaduccaritena samannagata vaciduccaritena samannagata manoduccaritena samannagata ariyanam upavadaka micchaditthika micchaditthikammasamadana te kayassa bheda parammarana apayam duggatim vinipatam nirayam upapanna ime va pana @Footnote: ¹ Si. uppadim. Bhonto satta kayasucaritena samannagata vacisucaritena samannagata manosucaritena samannagata ariyanam anupavadaka sammaditthika sammaditthikammasamadana te kayassa bheda parammarana sugatim saggam lokam upapannati iti dibbena cakkhuna visuddhena atikkantamanusakena satte passeyyam cavamane upapajjamane hine panite suvanne dubbanne sugate duggate yathakammupage satte pajaneyyanti silesvevassaparipurakari ajjhattancetosamathamanuyutto anirakatajjhano vipassanaya samannagato bruheta sunnagaranam. [90] Akankheyya ce bhikkhave bhikkhu asavanam khaya anasavam cetovimuttim pannavimuttim dittheva dhamme sayam abhinna sacchikatva upasampajja vihareyyanti silesvevassa paripurakari ajjhattancetosamathamanuyutto anirakatajjhano vipassanaya samannagato bruheta sunnagaranam . sampannasila bhikkhave viharatha sampannapatimokkha patimokkhasamvarasamvuta viharatha acaragocarasampanna anumattesu vajjesu bhayadassavi samadaya sikkhatha sikkhapadesuti. Iti yantam vuttam idametam paticca vuttanti. Idamavoca bhagava attamana te bhikkhu bhagavato bhasitam abhinandunti. Akankheyyasuttam nitthitam chattham. --------

The Pali Tipitaka in Roman Character Volume 12 page 58-63. http://84000.org/tipitaka/pali/roman_item_s.php?book=12&item=73&items=18&modeTY=2 Classified by [Item Number] :- http://84000.org/tipitaka/pali/roman_item_s.php?book=12&item=73&items=18&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=12&item=73&items=18&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=12&item=73&items=18&modeTY=2 Study Atthakatha :- http://84000.org/tipitaka/attha/attha.php?b=12&i=73 The Pali Atthakatha in Thai :- http://84000.org/tipitaka/atthapali/read_th.php?B=7&A=4236 The Pali Atthakatha in Roman :- http://84000.org/tipitaka/atthapali/read_rm.php?B=7&A=4236 Contents of The Tipitaka Volume 12 http://84000.org/tipitaka/read/?index_12