paliTIPITAKA Volume 18 - Sutta Pitaka 10

[65] Sabbupadanapariyadanaya vo bhikkhave dhammam desissami tam

--------------------------------------------------------------------------------------------- page41.

Sunatha . katamo ca bhikkhave sabbupadanapariyadanaya dhammo . Tam kim mannatha bhikkhave cakkhum niccam va aniccam vati . aniccam bhante . yam pananiccam dukkham va tam sukham vati . dukkham bhante. Yam pananiccam dukkham viparinamadhammam kallam nu tam samanupassitum etam mama esohamasmi eso me attati . No hetam bhante. Rupa .pe. cakkhuvinnanam niccam va aniccam vati . aniccam bhante . Cakkhusamphasso nicco va anicco vati . anicco bhante . Yampidam cakkhusamphassapaccaya uppajjati vedayitam sukham va dukkham va adukkhamasukham va tampi niccam va aniccam vati . aniccam bhante . sotam ghanam jivha kayo mano dhamma manovinnanam manosamphasso yampidam manosamphassapaccaya uppajjati vedayitam sukham va dukkham va adukkhamasukham va tampi niccam va aniccam vati . aniccam bhante . yam pananiccam dukkham va tam sukham vati . dukkham bhante . yam pananiccam dukkham viparinamadhammam kallam nu tam samanupassitum etam mama esohamasmi eso me attati. No hetam bhante. {65.1} Evam passam bhikkhave sutava ariyasavako cakkhusmimpi nibbindati rupesupi nibbindati cakkhuvinnanepi nibbindati cakkhusamphassepi nibbindati yampidam cakkhusamphassapaccaya uppajjati vedayitam sukham va dukkham va adukkhamasukham va tasmimpi nibbindati .pe. jivhayapi nibbindati rasesupi nibbindati

--------------------------------------------------------------------------------------------- page42.

Jivhavinnanepi jivhasamphassepi yampidam jivhasamphassapaccaya uppajjati .pe. manasmimpi nibbindati dhammesupi nibbindati manovinnanepi nibbindati manosamphassepi yampidam manosamphassapaccaya uppajjati vedayitam sukham va dukkham va adukkhamasukham va tasmimpi nibbindati nibbindam virajjati viraga vimuccati . vimuttasmim vimuttamiti nanam hoti. Khina jati vusitam brahmacariyam katam karaniyam naparam itthattayati pajanati. Ayam kho bhikkhave sabbupadanapariyadanaya dhammoti. Dasamam. Avijjavaggo pathamo. Tassuddanam avijja sannojana dve asavena dve vutta anusaya apare dve parinna dve pariyadinna ^1-. Vaggo tena pavuccatiti. --------- @Footnote: ¹ Ma. Yu. pariyadinnam.

The Pali Tipitaka in Roman Character Volume 18 page 40-42. http://84000.org/tipitaka/pali/roman_item_s.php?book=18&item=65&items=1&pagebreak=1&modeTY=2 Classified by [Item Number] :- http://84000.org/tipitaka/pali/roman_item_s.php?book=18&item=65&items=1&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=18&item=65&items=1&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=18&item=65&items=1&pagebreak=1&modeTY=2 Study Atthakatha :- http://84000.org/tipitaka/attha/attha.php?b=18&i=65 Contents of The Tipitaka Volume 18 http://84000.org/tipitaka/read/?index_18