ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ThaiVersion   PaliThai   PaliRoman 
read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter
TIPITAKA Volume 19 : PALI ROMAN Sutta Pitaka Vol 11 : Sutta. Saṃ. Ma.
     [1568]  Savatthinidanam  .  tena  kho  pana  samayena anathapindiko
gahapati    abadhiko   hoti   dukkhito   balhagilano   .   atha   kho
Anathapindiko   gahapati   annataram   purisam   amantesi  ehi  tvam  ambho
purisa   yenayasma   anando  tenupasankama  upasankamitva  mama  vacanena
ayasmato   anandassa   pade   sirasa   vanda   anathapindiko  bhante
gahapati   abadhiko   dukkhito  balhagilano  so  ayasmato  anandassa
pade  sirasa  vandatiti  .  evanca  vadehi  sadhu  kira  bhante ayasma
anando    yena   anathapindikassa   gahapatissa   nivesanam   tenupasankamatu
anukampam  upadayati  .  evam  bhanteti  kho  so  puriso anathapindikassa
gahapatissa     patissutva     yenayasma     anando     tenupasankami
upasankamitva   ayasmantam   anandam   abhivadetva  ekamantam  nisidi .
Ekamantam   nisinno   kho   so  puriso  ayasmantam  anandam  etadavoca
anathapindiko   bhante   gahapati   abadhiko   dukkhito  balhagilano .
So   ayasmato   anandassa   pade   sirasa  vandati  evanca  vadeti
sadhu   kira  bhante  ayasma  anando  yena  anathapindikassa  gahapatissa
nivesanam   tenupasankamatu   anukampam   upadayati   .   adhivasesi   kho
ayasma anando tunhibhavena.
     [1569]  Atha  kho  ayasma  anando  pubbanhasamayam  nivasetva
pattacivaramadaya     yena     anathapindikassa    nivesanam    tenupasankami
upasankamitva   pannatte   asane   nisidi   .   nisajja  kho  ayasma
anando  anathapindikam gahapatim etadavoca
     [1570]   Kacci   te   gahapati   khamaniyam   kacci   yapaniyam  kacci
Dukkha   vedana   patikkamanti   no  abhikkamanti  patikkamosanam  pannayati
no   abhikkamoti   .   na   me   bhante  khamaniyam  na  yapaniyam  balha
me    dukkha   vedana   abhikkamanti   no   patikkamanti   abhikkamosanam
pannayati no patikkamoti.
     [1571]   Catuhi   kho  gahapati  dhammehi  samannagatassa  assutavato
puthujjanassa   hoti   utraso   1-   hoti  chambhitattam  hoti  samparayikam
maranabhayam   .   katamehi   catuhi   .   idha   gahapati  assutava  puthujjano
buddhe   appasadena   samannagato   hoti   .   tanca   panassa  buddhe
appasadam    attani   samanupassato   hoti   utraso   hoti   chambhitattam
hoti   samparayikam   maranabhayam  .  puna  caparam  gahapati  assutava  puthujjano
dhamme   appasadena   samannagato   hoti   .   tanca   panassa  dhamme
appasadam    attani   samanupassato   hoti   utraso   hoti   chambhitattam
hoti   samparayikam   maranabhayam  .  puna  caparam  gahapati  assutava  puthujjano
sanghe   appasadena   samannagato   hoti   .   tanca   panassa  sanghe
appasadam    attani   samanupassato   hoti   utraso   hoti   chambhitattam
hoti   samparayikam   maranabhayam  .  puna  caparam  gahapati  assutava  puthujjano
dussilyena   samannagato   hoti   .   tanca   panassa   dussilyam  attani
samanupassato    hoti   utraso   hoti   chambhitattam   hoti   samparayikam
maranabhayam    .   imehi   kho   gahapati   catuhi   dhammehi   samannagatassa
@Footnote: 1 attasotipi patho.
Assutavato    puthujjanassa    hoti   utraso   hoti   chambhitattam   hoti
samparayikam maranabhayam.
     [1572]   Catuhi   kho   gahapati   dhammehi  samannagatassa  sutavato
ariyasavakassa   na   hoti   utraso   na   hoti   chambhitattam  na  hoti
samparayikam   maranabhayam   .   katamehi   catuhi   .   idha   gahapati  sutava
ariyasavako    buddhe    aveccappasadena   samannagato   hoti   itipi
so    bhagava   .pe.   sattha   devamanussanam   buddho   bhagavati  .
Tanca   panassa   buddhe   aveccappasadam   attani  samanupassato  na  hoti
utraso   na   hoti   chambhitattam   na   hoti   samparayikam  maranabhayam .
Puna   caparam   gahapati   sutava   ariyasavako   dhamme   aveccappasadena
samannagato   hoti   svakkhato   bhagavata   dhammo   .pe.   paccattam
veditabbo    vinnuhiti    .    tanca   panassa   dhamme   aveccappasadam
attani   samanupassato   na   hoti   utraso   na   hoti  chambhitattam  na
hoti samparayikam maranabhayam.
     {1572.1}   Puna   caparam   gahapati   sutava   ariyasavako  sanghe
aveccappasadena     samannagato     hoti     supatipanno     bhagavato
savakasangho    .pe.   anuttaram   punnakkhettam   lokassati   .   tanca
panassa   sanghe  aveccappasadam  attani  samanupassato  na  hoti  utraso
na   hoti   chambhitattam   na   hoti   samparayikam  maranabhayam  .  puna  caparam
gahapati   sutava   ariyasavako   ariyakantehi   silehi  samannagato  hoti
akkhandehi   .pe.  samadhisamvattanikehi  .  tani  ca  panassa  ariyakantani
Silani   attani   samanupassato   na  hoti  utraso  na  hoti  chambhitattam
na   hoti   samparayikam  maranabhayam  .  imehi  kho  gahapati  catuhi  dhammehi
samannagatassa   sutavato   ariyasavakassa   na   hoti  utraso  na  hoti
chambhitattam na hoti samparayikam maranabhayanti.
     [1573]  Naham  bhante  ananda  bhayami  [1]- tyaham bhasissami
ahanhi   bhante   buddhe   aveccappasadena   samannagato   itipi   so
bhagava  .pe.  sattha  devamanussanam  buddho  bhagavati . Dhamme sanghe.
Aveccappasadena   samannagato  [2]-  supatipanno  bhagavato  savakasangho
.pe.   anuttaram   punnakkhettam   lokassati   .   yani  cimani  bhante
bhagavata   gihisamicikani   sikkhapadani   desitani   naham   tesam   kinci
attani   khandam   samanupassamiti   .   labha   te   gahapati   suladdhante
gahapati sotapattiphalam taya gahapati byakatanti.



             The Pali Tipitaka in Roman Character Volume 19 page 484-488. http://84000.org/tipitaka/pali/roman_item_s.php?book=19&item=1568&items=6&modeTY=2              Classified by [Item Number] :- http://84000.org/tipitaka/pali/roman_item_s.php?book=19&item=1568&items=6&modeTY=2&mode=bracket              Compare with The Pali Tipitaka in Thai Character :- http://84000.org/tipitaka/read/pali_item_s.php?book=19&item=1568&items=6&modeTY=2              Compare with The Royal Version of Thai Tipitaka :- http://84000.org/tipitaka/read/byitem_s.php?book=19&item=1568&items=6&modeTY=2              Study Atthakatha :- http://84000.org/tipitaka/attha/attha.php?b=19&i=1568              The Pali Atthakatha in Thai :- http://84000.org/tipitaka/atthapali/read_th.php?B=13&A=8066              The Pali Atthakatha in Roman :- http://84000.org/tipitaka/atthapali/read_rm.php?B=13&A=8066              Contents of The Tipitaka Volume 19 http://84000.org/tipitaka/read/?index_19

read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]

Background color :