[1745] Seyyathapi bhikkhave puriso sinerussa pabbatarajassa
satta muggamattiyo pasanasakkhara upanikkhipeyya . tam kim mannatha
@Footnote: 1 Po. Yu. so. 2 Si. tatiyam. 3 Ma. casaddo natthi.
Bhikkhave katamam nu kho bahutaram . ya ca 1- satta muggamattiyo
pasanasakkhara upanikkhitta yo ca 1- sineru pabbatarajati .
Etadeva bhante bahutaram yadidam sineru pabbataraja appamattika
satta muggamattiyo pasanasakkhara upanikkhitta sankhampi na upenti
upanidhampi na upenti kalabhagampi na upenti sinerum pabbatarajanam
upanidhaya satta muggamattiyo pasanasakkhara upanikkhittati .
Evameva kho bhikkhave ariyasavakassa ditthisampannassa puggalassa
abhisametavino etadeva bahutaram dukkham yadidam parikkhinam pariyadinnam
appamattakam avasittham sankhampi na upeti upanidhampi na upeti
kalabhagampi na upeti purimam dukkhakkhandham parikkhinam pariyadinnam
upanidhaya yadidam sattakkhattumparamata . yo idam dukkhanti yathabhutam
pajanati .pe. ayam dukkhanirodhagamini patipadati yathabhutam pajanati .
Tasma tiha bhikkhave idam dukkhanti yogo karaniyo .pe. ayam
dukkhanirodhagamini patipadati yogo karaniyoti.
[1746] Seyyathapi bhikkhave sineru pabbataraja 2- parikkhayam
pariyadanam gaccheyya thapetva satta muggamattiyo pasanasakkhara .
Tam kim mannatha bhikkhave katamam nu kho bahutaram . yam 3- va sinerussa
pabbatarajassa parikkhinam pariyadinnam ya ca satta muggamattiyo
pasanasakkhara avasitthati . etadeva bhante bahutaram
sinerussa pabbatarajassa yadidam parikkhinam pariyadinnam appamattika
@Footnote: 1 Ma. va. 2 Ma. Yu. pabbatarajayam. 3 Ma. Yu. ya.
Satta muggamattiyo pasanasakkhara avasittha sankhampi na upenti
upanidhampi na upenti kalabhagampi na upenti sinerussa pabbatarajassa
parikkhinam pariyadinnam upanidhaya satta muggamattiyo pasanasakkhara
avasitthati.
{1746.1} Evameva kho bhikkhave ariyasavakassa ditthisampannassa
puggalassa abhisametavino etadeva bahutaram dukkham yadidam
parikkhinam pariyadinnam appamattakam avasittham sankhampi na upeti
upanidhampi na upeti kalabhagampi na upeti purimam dukkhakkhandham
parikkhinam pariyadinnam upanidhaya yadidam sattakkhattumparamata . yo idam
dukkhanti yathabhutam pajanati .pe. ayam dukkhanirodhagamini patipadati
yathabhutam pajanati . tasma tiha bhikkhave idam dukkhanti yogo karaniyo
.pe. Ayam dukkhanirodhagamini patipadati yogo karaniyoti.
Papatavaggo pancamo.
Tassuddanam
cinta papato parilaho kutam valandhakarinam 1-
chiggalena ca dve vutta sineru apare duveti.
---------------
@Footnote: 1 Si. kutangalandhakarinam. Ma. kutam valandhakaro ca. Yu. kutagarandhakarinam.
The Pali Tipitaka in Roman Character Volume 19 page 569-571.
http://84000.org/tipitaka/pali/roman_item_s.php?book=19&item=1745&items=2&modeTY=2
Classified by [Item Number] :-
http://84000.org/tipitaka/pali/roman_item_s.php?book=19&item=1745&items=2&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=19&item=1745&items=2&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=19&item=1745&items=2&modeTY=2
Study Atthakatha :-
http://84000.org/tipitaka/attha/attha.php?b=19&i=1745
The Pali Atthakatha in Thai :-
http://84000.org/tipitaka/atthapali/read_th.php?B=13&A=8407
The Pali Atthakatha in Roman :-
http://84000.org/tipitaka/atthapali/read_rm.php?B=13&A=8407
Contents of The Tipitaka Volume 19
http://84000.org/tipitaka/read/?index_19
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
