paliTIPITAKA Volume 19 - Sutta Pitaka 11

[991] Tamyeva nidanam . katinam nu kho bhikkhave indriyanam bhavitatta bahulikatatta khinasavo bhikkhu annam byakaroti khina jati vusitam brahmacariyam katam karaniyam naparam itthattayati pajanamiti. Bhagavammulaka no bhante dhamma .pe. [992] Dvinnam kho bhikkhave indriyanam bhavitatta bahulikatatta khinasavo bhikkhu annam byakaroti khina jati vusitam brahmacariyam katam karaniyam naparam itthattayati pajanamiti. [993] Katamesam dvinnam . ariyaya ca pannaya ariyaya ca vimuttiya . ya hissa bhikkhave ariya panna tadassa pannindriyam . Ya hissa bhikkhave ariya vimutti tadassa samadhindriyam. [994] Imesam kho bhikkhave dvinnam indriyaranam bhavitatta bahulikatatta khinasavo bhikkhu annam byakaroti khina jati vusitam brahmacariyam katam karaniyam naparam itthattayati pajanamiti. [995] Tamyeva nidanam . katinam nu kho bhikkhave indriyanam Bhavitatta bahulikatatta khinasavo bhikkhu annam byakaroti khina jati vusitam brahmacariyam katam karaniyam naparam itthattayati pajanamiti. Bhagavammulaka no bhante dhamma .pe. [996] Catunnam kho bhikkhave indriyanam bhavitatta bahulikatatta khinasavo bhikkhu annam byakaroti khina jati vusitam brahmacariyam katam karaniyam naparam itthattayati pajanamiti. [997] Katamesam catunnam . viriyindriyassa satindriyassa samadhindriyassa pannindriyassa. [998] Imesam kho bhikkhave catunnam indriyanam bhavitatta bahulikatatta khinasavo bhikkhu annam byakaroti khina jati vusitam brahmacariyam katam karaniyam naparam itthattayati pajanamiti. [999] Tamyeva nidanam . katinam nu kho bhikkhave indriyanam bhavitatta bahulikatatta khinasavo bhikkhu annam byakaroti khina jati vusitam brahmacariyam katam karaniyam naparam itthattayati pajanamiti. Bhagavammulaka no bhante dhamma .pe. [1000] Pancannam kho bhikkhave indriyanam bhavitatta bahulikatatta khinasavo bhikkhu annam byakaroti khina jati vusitam brahmacariyam katam karaniyam naparam itthattayati pajanamiti. [1001] Katamesam pancannam . saddhindriyassa viriyindriyassa satindriyassa samadhindriyassa pannindriyassa. [1002] Imesam kho bhikkhave pancannam indriyanam bhavitatta bahulikatatta khinasavo bhikkhu annam byakaroti khina jati vusitam brahmacariyam katam karaniyam naparam itthattayati pajanamiti. [1003] Evamme sutam ekam samayam bhagava kosambiyam viharati ghositarame . tena kho pana samayena ayasmata pindolabharadvajena anna byakata hoti khina jati vusitam brahmacariyam katam karaniyam naparam itthattayati pajanamiti. [1004] Atha kho sambahula bhikkhu yena bhagava tenupasankamimsu upasankamitva bhagavantam abhivadetva ekamantam nisidimsu . ekamantam nisinna kho te bhikkhu bhagavantam etadavocum ayasmata bhante pindolabharadvajena anna byakata khina jati vusitam brahmacariyam katam karaniyam naparam itthattayati pajanamiti. [1005] Kim nu kho bhante atthavasam sampassamanena ayasmata pindolabharadvajena anna byakata khina jati vusitam brahmacariyam katam karaniyam naparam itthattayati pajanamiti. [1006] Tinnam kho ^[1]- bhikkhave indriyanam bhavitatta bahulikatatta pindolabharadvajena bhikkhuna anna byakata khina jati vusitam brahmacariyam katam karaniyam naparam itthattayati pajanamiti. [1007] Katamesam tinnam . satindriyassa samadhindriyassa pannindriyassa. @Footnote: ¹ Ma. Yu. pana. [1008] Imesam kho bhikkhave tinnam indriyanam bhavitatta bahulikatatta pindolabharadvajena bhikkhuna anna byakata khina jati vusitam brahmacariyam katam karaniyam naparam itthattayati pajanamiti. [1009] Imani ca bhikkhave tini indriyani kimantani . Khayantani . kissa khayantani . jatijaramaranassa. Jatijaramaranakkhayanti kho bhikkhave sampassamanena pindolabharadvajena bhikkhuna anna byakata khina jati vusitam brahmacariyam katam karaniyam naparam itthattayati pajanamiti.

The Pali Tipitaka in Roman Character Volume 19 page 294-297. http://84000.org/tipitaka/pali/roman_item_s.php?book=19&item=991&items=19&modeTY=2 Classified by [Item Number] :- http://84000.org/tipitaka/pali/roman_item_s.php?book=19&item=991&items=19&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=19&item=991&items=19&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=19&item=991&items=19&modeTY=2 Study Atthakatha :- http://84000.org/tipitaka/attha/attha.php?b=19&i=991 Contents of The Tipitaka Volume 19 http://84000.org/tipitaka/read/?index_19