paliTIPITAKA Volume 2 - Vinaya Pitaka 2

Dasamasikkhapadam [673] Tena samayena buddho bhagava savatthiyam viharati jetavane anathapindikassa arame . tena kho pana samayena kandakassa ^1- nama samanuddesassa evarupam papakam ditthigatam uppannam hoti tathaham bhagavata dhammam desitam ajanami yatha yeme antarayika dhamma vutta bhagavata te patisevato nalam antarayayati . Assosum kho sambahula bhikkhu kandakassa nama kira samanuddesassa evarupam papakam ditthigatam uppannam tathaham bhagavata dhammam desitam ajanami yatha yeme antarayika dhamma vutta bhagavata te patisevato nalam antarayayati. {673.1} Athakho te bhikkhu yena kandako samanuddeso tenupasankamimsu upasankamitva kandakam samanuddesam etadavocum saccam kira te avuso kandaka evarupam papakam ditthigatam uppannam tathaham bhagavata dhammam desitam ajanami yatha yeme antarayika dhamma vutta bhagavata te patisevato nalam antarayayati . evam bya kho aham bhante bhagavata dhammam desitam ajanami yatha yeme antarayika dhamma vutta bhagavata te patisevato nalam antarayayati. {673.2} Ma avuso kandaka evam avaca ma bhagavantam abbhacikkhi na hi sadhu bhagavato abbhakkhanam na hi bhagava evam vadeyya anekapariyayena avuso kandaka @Footnote: ¹ Ma. kantakassa. evamuparipi. Antarayika dhamma vutta bhagavata alanca pana te patisevato antarayaya appassada kama vutta bhagavata bahudukkha bahupayasa adinavo ettha bhiyyo atthikankalupama kama vutta bhagavata .pe. mamsapesupama kama vutta bhagavata .pe. Tinukkupama kama vutta bhagavata .pe. angarakasupama kama vutta bhagavata .pe. supinakupama kama vutta bhagavata .pe. yacitakupama kama vutta bhagavata .pe. rukkhaphalupama kama vutta bhagavata .pe. asisunupama kama vutta bhagavata .pe. sattisulupama kama vutta bhagavata .pe. sappasirupama kama vutta bhagavata bahudukkha bahupayasa adinavo ettha bhiyyoti . evampi kho kandako samanuddeso tehi bhikkhuhi vuccamano tatheva tam papakam ditthigatam thamasa paramasa abhinivissa voharati evam bya kho aham bhante bhagavata dhammam desitam ajanami yatha yeme antarayika dhamma vutta bhagavata te patisevato nalam antarayayati. {673.3} Yato ^[1]- kho te bhikkhu nasakkhimsu kandakam samanuddesam etasma papaka ditthigata vivecetum athakho te bhikkhu yena bhagava tenupasankamimsu upasankamitva bhagavato etamattham arocesum . athakho bhagava etasmim nidane etasmim pakarane bhikkhusangham sannipatapetva kandakam samanuddesam patipucchi saccam kira te kandaka evarupam papakam ditthigatam uppannam tathaham @Footnote: ¹ Ma. ca. Bhagavata dhammam desitam ajanami yatha yeme antarayika dhamma vutta bhagavata te patisevato nalam antarayayati . evam bya kho aham bhante bhagavata dhammam desitam ajanami yatha yeme antarayika dhamma vutta bhagavata te patisevato nalam antarayayati. {673.4} Kassa nu kho nama tvam moghapurisa maya evam dhammam desitam ajanasi nanu maya moghapurisa anekapariyayena antarayika dhamma vutta alanca pana te patisevato antarayaya appassada kama vutta maya bahudukkha bahupayasa adinavo ettha bhiyyo atthikankalupama kama vutta maya .pe. mamsapesupama kama vutta maya .pe. tinukkupama kama vutta maya .pe. angarakasupama kama vutta maya .pe. supinakupama kama vutta maya .pe. Yacitakupama kama vutta maya .pe. rukkhaphalupama kama vutta maya .pe. asisunupama kama vutta maya .pe. sattisulupama kama vutta maya .pe. sappasirupama kama vutta maya bahudukkha bahupayasa adinavo ettha bhiyyo atha ca pana tvam moghapurisa attana duggahitena ditthigatena amhe ceva abbhacikkhasi attananca khanasi bahunca apunnam pasavasi tam hi te moghapurisa bhavissati digharattam ahitaya dukkhaya netam moghapurisa appasannanam va pasadaya pasannanam va bhiyyobhavaya athakhvetam moghapurisa appasannananceva Appasadaya pasannananca ekaccanam annathattayati . Vigarahitva dhammim katham katva bhikkhu amantesi tenahi bhikkhave sangho kandakam samanuddesam nasetu evanca pana bhikkhave nasetabbo ajjatagge te avuso kandaka na ceva so bhagava sattha apadisitabbo yampicanne samanuddesa labhanti bhikkhuhi saddhim dvirattatirattam sahaseyyam sapi te natthi cara pire ^1- vinassati. Athakho sangho kandakam samanuddesam nasesi. [674] Tena kho pana samayena chabbaggiya bhikkhu janam tathanasitam kandakam samanuddesam upalapentipi upatthapentipi sambhunjantipi sahapi seyyam kappenti . ye te bhikkhu appiccha .pe. Te ujjhayanti khiyanti vipacenti katham hi nama chabbaggiya bhikkhu janam tathanasitam kandakam samanuddesam upalapessantipi upatthapessantipi sambhunjissantipi sahapi seyyam kappessantiti .pe. saccam kira tumhe bhikkhave janam tathanasitam kandakam samanuddesam upalapethapi upatthapethapi sambhunjathapi sahapi seyyam kappethati. Saccam bhagavati. Vigarahi buddho bhagava katham hi nama tumhe moghapurisa janam tathanasitam kandakam samanuddesam upalapessathapi upatthapessathapi sambhunjissathapi sahapi seyyam @Footnote: ¹ pireti para amamakati tabbannana. Kappessatha netam moghapurisa appasannanam va pasadaya pasannanam va bhiyyobhavaya .pe. evanca pana bhikkhave imam sikkhapadam uddiseyyatha {674.1} samanuddesopi ce evam vadeyya tathaham bhagavata dhammam desitam ajanami yatha yeme antarayika dhamma vutta bhagavata te patisevato nalam antarayayati . so samanuddeso bhikkhuhi evamassa vacaniyo ma avuso samanuddesa evam avaca ma bhagavantam abbhacikkhi na hi sadhu bhagavato abbhakkhanam na hi bhagava evam vadeyya anekapariyayena avuso samanuddesa antarayika dhamma vutta bhagavata alanca pana te patisevato antarayayati . Evanca so samanuddeso bhikkhuhi vuccamano tatheva pagganheyya so samanuddeso bhikkhuhi evamassa vacaniyo ajjatagge te avuso samanuddesa na ceva so bhagava sattha apadisitabbo yampicanne samanuddesa labhanti bhikkhuhi saddhim dvirattatirattam sahaseyyam sapi te natthi cara pire vinassati . yo pana bhikkhu janam tathanasitam samanuddesam upalapeyya va upatthapeyya va sambhunjeyya va saha va seyyam kappeyya pacittiyanti. [675] Samanuddeso nama samanero vuccati . Evam vadeyyati tathaham bhagavata dhammam desitam ajanami yatha yeme antarayika dhamma vutta bhagavata te patisevato nalam antarayayati. [676] So samanuddesoti yo so evamvadi samanuddeso . Bhikkhuhiti annehi bhikkhuhi . ye passanti ye sunanti tehi vattabbo ma avuso samanuddesa evam avaca ma bhagavantam abbhacikkhi na hi sadhu bhagavato abbhakkhanam na hi bhagava evam vadeyya anekapariyayena avuso samanuddesa antarayika dhamma vutta bhagavata alanca pana te patisevato antarayayati . dutiyampi vattabbo tatiyampi vattabbo . sace patinissajjati iccetam kusalam no ce patinissajjati so samanuddeso bhikkhuhi evamassa vacaniyo ajjatagge te avuso samanuddesa na ceva so bhagava sattha apadisitabbo yampicanne samanuddesa labhanti bhikkhuhi saddhim dvirattatirattam sahaseyyam sapi te natthi cara pire vinassati. [677] Yo panati yo yadiso .pe. Bhikkhuti .pe. Ayam imasmim atthe adhippeto bhikkhuti . janati nama samam va janati anne va tassa arocenti so va aroceti. Tathanasitanti evam nasitam. Samanuddeso nama samanero vuccati . upalapeyya vati tassa pattam va civaram va uddesam va paripuccham va dassamiti upalapeti apatti pacittiyassa . upatthapeyya vati tassa cunnam va mattikam va dantakattham va mukhodakam va sadiyati apatti pacittiyassa. Sambhunjeyya Vati sambhogo nama dve sambhoga amisasambhogo ca dhammasambhogo ca . amisasambhogo nama amisam deti va patigganhati va apatti pacittiyassa . dhammasambhogo nama uddisati va uddisapeti va . Padena uddisati va uddisapeti va pade pade apatti pacittiyassa. Akkharaya uddisati va uddisapeti va akkharakkharaya apatti pacittiyassa . saha va seyyam kappeyyati ekacchanne nasitake samanuddese nipanne bhikkhu nipajjati apatti pacittiyassa . Bhikkhu nipanne nasitako samanuddeso nipajjati apatti pacittiyassa . ubho va nipajjanti apatti pacittiyassa . Utthahitva punappunam nipajjanti apatti pacittiyassa. [678] Nasitake nasitakasanni upalapeti va upatthapeti va sambhunjati va saha va seyyam kappeti apatti pacittiyassa . Nasitake vematiko upalapeti va upatthapeti va sambhunjati va saha va seyyam kappeti apatti dukkatassa . nasitake anasitakasanni upalapeti va upatthapeti va sambhunjati va saha va seyyam kappeti anapatti . anasitake nasitakasanni apatti dukkatassa . anasitake vematiko apatti dukkatassa . Anasitake anasitakasanni anapatti. [679] Anapatti anasitakoti janati tam ditthim patinissatthoti janati ummattakassa adikammikassati. Dasamasikkhapadam nitthitam. Sappanakavaggo sattamo. ---------- Tassuddanam sanciccavadhasappanam ukkodutthullachadanam ^1- unavisati satthanca samvidhanaaritthakam ^2- ukkhittakandakanceva ^3- dasa sikkhapada imeti. -------- @Footnote: ¹ Ma. ukkotam ... . ² Ma. samvidhanam ... . ³ Ma. ukkhittam ....

The Pali Tipitaka in Roman Character Volume 2 page 441-448. http://84000.org/tipitaka/pali/roman_item_s.php?book=2&item=673&items=7&modeTY=2 Classified by [Item Number] :- http://84000.org/tipitaka/pali/roman_item_s.php?book=2&item=673&items=7&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=2&item=673&items=7&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=2&item=673&items=7&modeTY=2 Study Atthakatha :- http://84000.org/tipitaka/attha/attha.php?b=2&i=673 The Pali Atthakatha in Thai :- http://84000.org/tipitaka/atthapali/read_th.php?B=2&A=9838 The Pali Atthakatha in Roman :- http://84000.org/tipitaka/atthapali/read_rm.php?B=2&A=9838 Contents of The Tipitaka Volume 2 http://84000.org/tipitaka/read/?index_2