[38] Panunnapaccekasacco bhikkhave bhikkhu samavayasatthesano
passaddhakayasankharo patilinoti vuccati . kathanca bhikkhave bhikkhu
panunnapaccekasacco hoti idha bhikkhave bhikkhuno yani tani
puthusamanabrahmananam puthupaccekasaccani seyyathidam sassato
lokoti va asassato lokoti va antava lokoti va anantava
lokoti va tam jivam tam sariranti va annam jivam annam sariranti va
hoti tathagato parammaranati va na hoti tathagato parammaranati
va hoti ca na ca hoti tathagato parammaranati va neva hoti
@Footnote: 1 Ma. Yu. pade padam. 2 Po. accodhaya. 3 Po. Ma. vihari atapi.
@Yu. viharamanopi.
Na na hoti tathagato parammaranati va sabbani tani nunnani
honti panunnani cattani vantani muttani pahinani patinissatthani
evam kho bhikkhave bhikkhu panunnapaccekasacco hoti.
{38.1} Kathanca bhikkhave bhikkhu samavayasatthesano hoti idha bhikkhave
bhikkhuno kamesana pahina hoti bhavesana pahina hoti brahmacariyesana
patippassaddha hoti evam kho bhikkhave bhikkhu samavayasatthesano hoti.
{38.2} Kathanca bhikkhave bhikkhu passaddhakayasankharo hoti idha
bhikkhave bhikkhu sukhassa ca pahana dukkhassa ca pahana pubbeva
somanassadomanassanam atthangama adukkhamasukham upekkhasatiparisuddhim
catuttham jhanam upasampajja viharati evam kho bhikkhave bhikkhu
passaddhakayasankharo hoti.
{38.3} Kathanca bhikkhave bhikkhu patilino hoti idha bhikkhave bhikkhuno
asmimano pahino hoti ucchinnamulo talavatthukato anabhavam gato
ayatimanuppadadhammo evam kho bhikkhave bhikkhu patilino hoti. Evam kho
bhikkhave bhikkhu panunnapaccekasacco samavayasatthesano passaddhakayasankharo
patilinoti vuccati.
Kamesana bhavesana brahmacariyesana saha
iti saccaparamaso ditthitthana samussaya
sabbaragavirattassa tanhakkhayavimuttino
esana patinissattha ditthitthana samuhata
sa ve santo sato bhikkhu passaddho aparajito
manabhisamaya buddho patilinoti vuccatiti.
[39] Athakho ujjayo brahmano yena bhagava tenupasankami
upasankamitva bhagavata saddhim sammodi sammodaniyam katham saraniyam
vitisaretva ekamantam nisidi ekamantam nisinno kho ujjayo brahmano
bhagavantam etadavoca bhavampi no gotamo yannam vannetiti . na
kho aham brahmana sabbam yannam vannemi na panaham brahmana
sabbam yannam na vannemi yatharupe kho brahmana yanne gavo
hannanti ajelaka hannanti kukkutasukara hannanti vividha
pana sanghatam apajjanti evarupam kho aham brahmana sarambham
yannam na vannemi tam kissa hetu evarupanhi brahmana
sarambham yannam na upasankamanti arahanto va arahattamaggam va
samapanna yatharupe ca kho brahmana yanne neva gavo hannanti
na ajelaka hannanti na kukkutasukara hannanti na vividha
pana sanghatam apajjanti evarupam kho aham brahmana nirarambham
yannam vannemi yadidam niccadanam anukulayannam tam kissa hetu
evarupanhi brahmana nirarambham yannam upasankamanti arahanto va
arahattamaggam va samapannati.
Assamedham purisamedham sammapasam vajapeyyam niraggalam
mahayanna maharambha na te honti mahapphala.
Ajelaka ca gavo ca vividha yattha hannare
na tam sammaggata yannam upayanti mahesino.
Yanca yannam nirarambham 1- yajantyanukulam sada
najelaka ca gavo ca vividha yattha 2- hannare
tanca sammaggata yannam upayanti mahesino.
Evam 3- yajetha medhavi eso yanno mahapphalo.
Evam 4- hi yajamanassa seyyo hoti na papiyo
yanno ca vipulo hoti pasidanti ca devatati.
The Pali Tipitaka in Roman Character Volume 21 page 52-55.
http://84000.org/tipitaka/pali/roman_item_s.php?book=21&item=38&items=2&modeTY=2
Classified by [Item Number] :-
http://84000.org/tipitaka/pali/roman_item_s.php?book=21&item=38&items=2&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=21&item=38&items=2&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=21&item=38&items=2&modeTY=2
Study Atthakatha :-
http://84000.org/tipitaka/attha/attha.php?b=21&i=38
The Pali Atthakatha in Thai :-
http://84000.org/tipitaka/atthapali/read_th.php?B=15&A=7849
The Pali Atthakatha in Roman :-
http://84000.org/tipitaka/atthapali/read_rm.php?B=15&A=7849
Contents of The Tipitaka Volume 21
http://84000.org/tipitaka/read/?index_21
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
