TIPITAKA Volume 27 : PALI ROMAN
Sutta Pitaka Vol 19 : Sutta. Khu. Jā.(1): Eka-Cattālīsanipātajātakaṃ

page345.
                                    2 Phandanajātakaṃ
     [1738] Kuṭhārihattho puriso              vanamoggayha tiṭṭhasi
                  puṭṭho me samma akkhāhi      kiṃ dāruṃ chetumicchasi.
     [1739] Īso 1- vanāni carasi           samāni visamāni ca
                  puṭṭho me samma akkhāhi      kiṃ dāruṃ nemiyā daḷhaṃ.
     [1740] Neva sālo na khadiro             nāssakaṇṇo kuto dhavo
                  rukkho ca 2- phandano nāma    taṃ dāruṃ nemiyā daḷhaṃ.
     [1741] Kīdisānissa pattāni           khandho vā pana kīdiso
                  puṭṭho me samma akkhāhi      yathā jānemu phandanaṃ.
     [1742] Yassa sākhā palambanti       namanti na ca bhañjare
                  so rukkho phandano nāma      yassa mūle ahaṃ ṭhito.
     [1743] Arānaṃ cakkanābhīnaṃ             īsānemirathassa ca
                  sabbassa te kammaniyo        ayaṃ hessati phandano.
     [1744] Iti phandanarukkhopi             devatā 3- ajjhabhāsatha
                  mayhampi vacanaṃ atthi           bhāradvāja suṇohi me.
     [1745] Imassa 4- upakkhandhamhā   ukkacca caturaṅgulaṃ
                  tena nemiṃ pariharesi 5-        evaṃ daḷhataraṃ siyā.
     [1746] Iti phandanarukkhopi             veraṃ kappesi devatā 6-
                  jātānañca ajātānaṃ        īsānaṃ dukkhamāvahi.
     [1747] Iccevaṃ 7- phandano īsaṃ      īso ca pana phandanaṃ
@Footnote: 1 Ma. sabbattha isso. Sī. iso .  2 Sī. Yu. rukkhova .  3 Ma. tāvade.
@4 Ma. issassa .  5 Ma. pasāresi .  6 Ma. appesi tāvade .  7 Sī. Yu. icceva.
---------------------------------------------------------------------------------------------
page346.
                  Aññamaññaṃ vivādena      aññamaññamaghātayuṃ.
     [1748] Evameva manussesu 1-        vivādo yattha jāyati
                  mayūranaccaṃ naccanti            yathā te īsaphandanā.
     [1749] Taṃ vo vadāmi bhaddaṃ vo         yāvantettha samāgatā
                  sammodatha mā vivadittha 2-   mā hotha īsaphandanā.
     [1750] Sāmagyameva 3- sikkhetha      buddhehetaṃ pasaṃsitaṃ
                  sāmagyarato 4- dhammaṭṭho   yogakkhemā na dhaṃsatīti.
                                     Phandanajātakaṃ dutiyaṃ.
                                             --------


             The Pali Tipitaka in Roman Character Volume 27 page 345-346.
http://84000.org/tipitaka/pali/roman_item_s.php?book=27&item=1738&items=13&pagebreak=1
             Classified by [Item Number] :-
http://84000.org/tipitaka/pali/roman_item_s.php?book=27&item=1738&items=13&pagebreak=1&mode=bracket
             Compare with The Pali Tipitaka in Thai Character :-
http://84000.org/tipitaka/read/pali_item_s.php?book=27&item=1738&items=13&pagebreak=1
             Compare with The Royal Version of Thai Tipitaka :-
http://84000.org/tipitaka/read/byitem_s.php?book=27&item=1738&items=13&pagebreak=1
             Study Atthakatha :-
http://84000.org/tipitaka/attha/attha.php?b=27&i=1738
             The Pali Atthakatha in Thai :-
http://84000.org/tipitaka/atthapali/read_th.php?B=40&A=3188
             The Pali Atthakatha in Roman :-
http://84000.org/tipitaka/atthapali/read_rm.php?B=40&A=3188
             Contents of The Tipitaka Volume 27
http://84000.org/tipitaka/read/?index_27