บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 3 : PALI ROMAN Vinaya Pitaka Vol 3 : Vinaya. Bhikkhunī
Atthamasanghadisesam [69] Tena samayena buddho bhagava savatthiyam viharati jetavane anathapindikassa arame . tena kho pana samayena candakali bhikkhuni kismincideva adhikarane paccha 1- kata kupita anattamana evam vadeti chandagaminiyo ca bhikkhuniyo dosagaminiyo ca bhikkhuniyo mohagaminiyo ca bhikkhuniyo bhayagaminiyo ca bhikkhuniyoti. {69.1} Ya ta bhikkhuniyo appiccha .pe. ta ujjhayanti khiyanti vipacenti katham hi nama ayya candakali [2]- kismincideva adhikarane paccha kata kupita anattamana evam vakkhati chandagaminiyo ca bhikkhuniyo .pe. bhayagaminiyo ca bhikkhuniyoti . Saccam kira bhikkhave candakali bhikkhuni kismincideva adhikarane paccha kata kupita anattamana evam vadeti chandagaminiyo ca bhikkhuniyo .pe. bhayagaminiyo ca bhikkhuniyoti . saccam bhagavati . Vigarahi buddho bhagava katham hi nama bhikkhave candakali bhikkhuni @Footnote: 1 Ma. Yu. paccakata. evam sabbattha natabbam. 2 Ma. Yu. bhikkhuni. Kismincideva adhikarane paccha kata kupita anattamana evam vakkhati chandagaminiyo ca bhikkhuniyo .pe. bhayagaminiyo ca bhikkhuniyoti netam bhikkhave appasannanam va pasadaya .pe. evanca pana bhikkhave bhikkhuniyo imam sikkhapadam uddisantu {69.2} ya pana bhikkhuni kismincideva adhikarane paccha kata kupita anattamana evam vadeyya chandagaminiyo ca bhikkhuniyo .pe. Bhayagaminiyo ca bhikkhuniyoti . sa bhikkhuni bhikkhunihi evamassa vacaniya mayye kismincideva adhikarane paccha kata kupita anattamana evam avaca chandagaminiyo ca bhikkhuniyo .pe. bhayagaminiyo ca bhikkhuniyoti ayya kho chandapi gaccheyya dosapi gaccheyya mohapi gaccheyya bhayapi gaccheyyati . evanca sa bhikkhuni bhikkhunihi vuccamana tatheva pagganheyya sa bhikkhuni bhikkhunihi yavatatiyam samanubhasitabba tassa patinissaggaya yavatatiyance samanubhasiyamana tam patinissajjeyya iccetam kusalam no ce patinissajjeyya ayampi bhikkhuni yavatatiyakam dhammam apanna nissaraniyam sanghadisesanti. [70] Ya panati ya yadisa .pe. Bhikkhuniti .pe. Ayam imasmim atthe adhippeta bhikkhuniti . kismincideva adhikaraneti adhikaranam nama cattari adhikaranani vivadadhikaranam anuvadadhikaranam apattadhikaranam kiccadhikaranam . paccha kata nama parajita vuccati . kupita Anattamanati anabhiraddha 1- ahatacitta khilajata . evam vadeyyati chandagaminiyo ca bhikkhuniyo .pe. Bhayagaminiyo ca bhikkhuniyoti. [71] Sa bhikkhuniti ya sa evamvadini bhikkhuni . bhikkhunihiti annahi bhikkhunihi . ya passanti ya sunanti tahi vattabba mayye kismincideva adhikarane paccha kata kupita anattamana evam avaca chandagaminiyo ca bhikkhuniyo .pe. bhayagaminiyo ca bhikkhuniyoti ayya kho chandapi gaccheyya .pe. bhayapi gaccheyyati . dutiyampi vattabba tatiyampi vattabba . sace patinissajjati iccetam kusalam no ce patinissajjati apatti dukkatassa . sutva na vadanti apatti dukkatassa . sa bhikkhuni sanghamajjhampi akaddhitva vattabba mayye kismincideva adhikarane paccha kata kupita anattamana evam avaca chandagaminiyo ca bhikkhuniyo .pe. bhayagaminiyo ca bhikkhuniyoti ayya kho chandapi gaccheyya .pe. bhayapi gaccheyyati . dutiyampi vattabba tatiyampi vattabba . sace patinissajjati iccetam kusalam no ce patinissajjati apatti dukkatassa. [72] Sa bhikkhuni samanubhasitabba . evanca pana bhikkhave samanubhasitabba byattaya bhikkhuniya patibalaya sangho napetabbo {72.1} sunatu me ayye sangho ayam itthannama bhikkhuni kismincideva adhikarane paccha kata kupita anattamana evam vadeti @Footnote:1. Ma. anabhiraddha. Chandagaminiyo ca bhikkhuniyo .pe. bhayagaminiyo ca bhikkhuniyoti . Sa tam vatthum nappatinissajjati . yadi sanghassa pattakallam sangho itthannamam bhikkhunim samanubhaseyya tassa vatthussa patinissaggaya . Esa natti. {72.2} Sunatu me ayye sangho ayam itthannama bhikkhuni kismincideva adhikarane paccha kata kupita anattamana evam vadeti chandagaminiyo ca bhikkhuniyo .pe. bhayagaminiyo ca bhikkhuniyoti . sa tam vatthum nappatinissajjati . sangho itthannamam bhikkhunim samanubhasati tassa vatthussa patinissaggaya . yassa ayyaya khamati itthannamaya bhikkhuniya samanubhasana tassa vatthussa patinissaggaya sa tunhassa yassa nakkhamati sa bhaseyya. {72.3} Dutiyampi etamattham vadami .pe. Tatiyampi etamattham vadami .pe. samanubhattha sanghena itthannama bhikkhuni tassa vatthussa patinissaggaya. Khamati sanghassa tasma tunhi. Evametam dharayamiti. [73] Nattiya dukkatam dvihi kammavacahi thullaccaya kammavacapariyosane apatti sanghadisesassa . sanghadisesam ajjhapajjantiya nattiya dukkatam dvihi kammavacahi thullaccaya patippassambhanti. [74] Ayampiti purimayo upadaya vuccati . yavatatiyakanti yavatatiyam samanubhasanaya apajjati na saha vatthujjhacara . Nissaraniyanti sanghamha nissariyati . sanghadisesoti .pe. tenapi Vuccati sanghadisesoti. [75] Dhammakamme dhammakammasanna nappatinissajjati apatti sanghadisesassa . dhammakamme vematika nappatinissajjati apatti sanghadisesassa . dhammakamme adhammakammasanna nappatinissajjati apatti sanghadisesassa . adhammakamme dhammakammasanna apatti dukkatassa . adhammakamme vematika apatti dukkatassa . Adhammakamme adhammakammasanna apatti dukkatassa. [76] Anapatti asamanubhasantiya patinissajjantiya ummattikaya adikammikayati. ----------The Pali Tipitaka in Roman Character Volume 3 page 49-53. http://84000.org/tipitaka/pali/roman_item_s.php?book=3&item=69&items=8&modeTY=2 Classified by [Item Number] :- http://84000.org/tipitaka/pali/roman_item_s.php?book=3&item=69&items=8&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=3&item=69&items=8&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=3&item=69&items=8&modeTY=2 Study Atthakatha :- http://84000.org/tipitaka/attha/attha.php?b=3&i=69 The Pali Atthakatha in Thai :- http://84000.org/tipitaka/atthapali/read_th.php?B=2&A=11092 The Pali Atthakatha in Roman :- http://84000.org/tipitaka/atthapali/read_rm.php?B=2&A=11092 Contents of The Tipitaka Volume 3 http://84000.org/tipitaka/read/?index_3
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]