บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
ThaiVersion PaliThai PaliRoman |
TIPITAKA Volume 33 : PALI ROMAN Sutta Pitaka Vol 25 : Sutta. Khu. Apa(2) Buddhavaṃso Cariyāpiṭakaṃ
[8] |8.1| Sobhitassa aparena sambuddho dipaduttamo anomadassi amitayaso tejasi duratikkamo. |8.2| So chetva bandhanam sabbam viddhamsetva tayo bhave anivattigamanam maggam desesi devamanuse. |8.3| Sagarova asankhobbho pabbatova durasado akasova ananto so salarajava phullito. |8.4| Dassanenapi tam buddham tosita honti panino byaharantam giram sutva amatam papunanti te. @Footnote: 1 Ma. tepi. Yu. tepi ca. |8.5| Dhammabhisamayo tassa iddho phito tada ahu kotisatani abhisamimsu pathame dhammadesane. |8.6| Tato param abhisamaye vassante dhammavutthiyo asitikoti abhisamimsu dutiye dhammadesane. |8.7| Tato param 1- hi vassante tappayanteva paninam atthasattatikotinam tatiyabhisamayo ahu. |8.8| Sannipata tayo asum tassapi ca mahesino abhinnabalappattanam pupphitanam vimuttiya. |8.9| Atthasatasahassanam sannipata 2- tada ahu pahinamadamohanam santacittana tadinam. |8.10| Sattasatasahassanam dutiyo asi samagamo anangananam virajanam upasantana tadinam. |8.11| Channam satasahassanam tatiyo asi samagamo abhinnabalappattanam nibbutanam tapassinam. |8.12| Ahantena samayena yakkho asim mahiddhiko nekanam yakkhakotinam vasavattimhi issaro. |8.13| Tadapi tam buddhavaram upagantva mahesinam anna panena tappesim sasangham lokanayakam. |8.14| Sopi mam tada byakasi visuddhanayano muni aparimeyye ito kappe ayam buddho bhavissati. @Footnote: 1 Yu. ... pi. 2 Po. Ma. sannipato. |8.15| Ahu kapilavhaya ramma nikkhamitva tathagato padhanam padahitvana katva dukkarakarikam. |8.16| Ajapalarukkhamulasmim nisiditva tathagato tattha payasam paggayha neranjaramupehiti. |8.17| Neranjaraya tiramhi payasam adi so jino patiyatta varamaggena bodhimulamhi ehiti. |8.18| Tato padakkhinam katva bodhimandam anuttaram assattha rukkhamulamhi bujjhissati mahayaso. |8.19| Imassa janika mata maya nama bhavissati pita suddhodano nama ayam hessati gotamo. |8.20| Anasava vitaraga santacitta samahita kolito upatisso ca agga hessanti savaka anando namupatthako upatthissatimam jinam. |8.21| Khema uppalavanna ca agga hessanti savika anasava vitaraga santacitta samahita. |8.22| Bodhi tassa bhagavato assatthoti pavuccati citto ca hatthalavako agga hessantupatthaka. |8.23| Nandamata ca uttara agga hessantupatthika ayu vassa satam tassa gotamassa yasassino. |8.24| Idam sutvana vacanam asamassa mahesino amodita naramaru buddhavijankuro ayam. |8.25| Ukkutthi sadda vattanti apphotenti hasanti ca katanjali namassanti dasasahassi sadevaka. |8.26| Yadi massa lokanathassa virajjhissama sasanam anagatamhi addhane hessama sammukha imam. |8.27| Yatha manussa nadim taranta patitittham virajjhiya hettha tittham 1- gahetvana uttaranti mahanadim. |8.28| Evameva mayam sabbe yadi muncamimam jinam anagatamhi addhane hessama sammukha imam. |8.29| Tassapi vacanam sutva tuttho samviggamanaso uttarim vattamadhitthasim dasa paramipuriya. |8.30| Nagaram candavati nama yasava nama khattiyo mata yasodhara nama anomadassissa satthuno. |8.31| Dasavassasahassani agaram ajjhavasi so siri upasiri vaddho tayo pasada muttama. |8.32| Tevisati sahassani nariyo samalankata sirima nama sa nari upasalo nama atrajo. |8.33| Nimitte caturo disva sivikayabhinikkhami anuna dasamasani padhanam padahi jino. @Footnote: 1 Po. ... titthe. |8.34| Brahmuna yacito santo anomadassi mahamuni vattacakko mahaviro sudassanuyyanamuttame. |8.35| Nisabho ca anomo ca ahesum aggasavaka varuno namupatthako anomadassissa satthuno. |8.36| Sundara 1- ca sumana ca ahesum aggasavika bodhi tassa bhagavato ajjunoti pavuccati. |8.37| Nandivaddho sirivaddho ahesum aggupatthaka uppala ca 2- paduma ca ahesum aggupatthika. |8.38| Atthapannasaratanam accuggato mahamuni pabha niddhavati tassa sataramsiva uggato. |8.39| Vassa satasahassani ayu vijjati tavade tavata titthamano so taresi janatam bahum. |8.40| Supupphitam pavacanam arahantehi tadihi vitaragehi vimalehi sobhati 3- jinasasanam. |8.41| So ca sattha amitayaso yugani tani atuliyani sabbam samantarahitam nanu ritta sabbasankharati. |8.42| Anomadassi jino sattha dhammaramamhi nibbuto tattheva tassa jinathupo ubbedho pana visatiti. Anomadassibuddhavamso sattamo. @Footnote: 1 Po. sundara ca sunama ca. Ma. Yu. sundari ca. 2 Ma. Yu. ceva. @3 Ma. Yu. sobhittha. Atthamo padumabuddhavamsoThe Pali Tipitaka in Roman Character Volume 33 page 462-467. http://84000.org/tipitaka/pali/roman_item_s.php?book=33&item=188&items=1&modeTY=2&mode=bracket Classified by content :- http://84000.org/tipitaka/pali/roman_item_s.php?book=33&item=188&items=1&modeTY=2 Compare with The Pali Tipitaka in Thai Character :- http://84000.org/tipitaka/read/pali_item_s.php?book=33&item=188&items=1&modeTY=2&mode=bracket Compare with The Royal Version of Thai Tipitaka :- http://84000.org/tipitaka/read/byitem_s.php?book=33&item=188&items=1&modeTY=2&mode=bracket Study Atthakatha :- http://84000.org/tipitaka/attha/attha.php?b=33&i=188 The Pali Atthakatha in Thai :- http://84000.org/tipitaka/atthapali/read_th.php?B=51&A=5593 The Pali Atthakatha in Roman :- http://84000.org/tipitaka/atthapali/read_rm.php?B=51&A=5593 Contents of The Tipitaka Volume 33 http://84000.org/tipitaka/read/?index_33
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]