[11] |11.1| Naradassa aparena sambuddho dipaduttamo
padumuttaro nama jino akkhobbho sagarupamo.
|11.2| Mandakappo ca 2- so asi yamhi buddho ajayatha
ussannakusala janata tamhi kappe ajayatha.
|11.3| Padumuttarassa bhagavato pathame dhammadesane
kotisatasahassanam dhammabhisamayo ahu.
|11.4| Tato parampi vassante tappayante ca panine
sattattimsasahassanam dutiyabhisamayo ahu.
|11.5| Yamhi kale mahaviro anandam upasankami
pitu santikam upagantva ahani amatadundubhim.
|11.6| Ahate amatabherimhi vassante dhammavutthiyo
pannasasatasahassanam tatiyabhisamayo ahu.
@Footnote: 1 jinathupavaro. 2 Yu. va.
|11.7| Ovadako vinnapako tarako sabbapaninam
desanakusalo buddho taresi janatam bahum.
|11.8| Sannipata tayo asum padumuttarassa satthuno
kotisatasahassanam pathamo asi samagamo.
|11.9| Yada buddho asamasamo vasi 1- vebharapabbate
navutikotisahassanam dutiyo asi samagamo.
|11.10| Puna carikam pakkante gamanigamaratthato
asitikotisahassanam tatiyo asi samagamo.
|11.11| Ahantena samayena jatilo nama ratthiko
sambuddhappamukham sangham sabhattam dussamadasiham.
|11.12| Sopi mam buddho byakasi sanghamajjhe nisidiya
satasahasse ito kappe ayam buddho bhavissati.
|11.13| Ahu kapilavhaya ramma nikkhamitva tathagato
padhanam padahitvana katva dukkarakarikam.
|11.14| Ajapalarukkhamulasmim nisiditva tathagato
tattha payasam paggayha neranjaramupehiti.
|11.15| Neranjaraya tiramhi payasam adi so jino
patiyattavaramaggena bodhimulamhi ehiti.
|11.16| Tato padakkhinam katva bodhimandam anuttaram
assattharukkhamulamhi bujjhissati mahayaso.
@Footnote: 1 Yu. vasati.
|11.17| Imassa janika mata maya nama bhavissati
pita suddhodano nama ayam hessati gotamo.
|11.18| Anasava vitaraga santacitta samahita
kolito upatisso ca agga hessanti savaka
anando namupatthako upatthissatimam jinam.
|11.19| Khema uppalavanna ca agga hessanti savika
anasava vitaraga santacitta samahita.
|11.20| Bodhi tassa bhagavato assatthoti pavuccati
citto ca hatthalavako agga hessantupatthaka.
|11.21| Nandamata ca uttara agga hessantupatthika
ayu vassasatam tassa gotamassa yasassino.
|11.22| Idam sutvana vacanam asamassa mahesino
amodita naramaru buddhavijankuro ayam.
|11.23| Ukkutthisadda vattanti apphotenti hasanti ca
katanjali namassanti dasasahassi sadevaka.
|11.24| Yadimassa lokanathassa virajjhissama sasanam
anagatamhi addhane hessama sammukha imam.
|11.25| Yatha manussa nadim taranta patitittham virajjhiya
hettha tittham gahetvana uttaranti mahanadim.
|11.26| Evameva mayam sabbe yadi muncamimam jinam
anagatamhi addhane hessama sammukha imam.
|11.27| Tassapi vacanam sutva uttarim vattamadhitthahim
akasim 1- uggam dalham dhitim dasaparamipuriya.
|11.28| Byahata titthiya sabbe vimana dummana tada
na tesam keci paricaranti ratthato nicchubhanti te.
|11.29| Sabbe tattha samagantva upagacchum buddhasantike
tuvam natho mahavira saranam hohi cakkhuma.
|11.30| Anukampako karuniko hitesi sabbapaninam
sampatte titthiye sabbe pancasile patitthahi 2-.
|11.31| Evam nirakulam asi sunnatam titthiyehi tam
vicittam arahantehi vasibhutehi tadihi.
|11.32| Nagaram hamsavati nama anando nama khattiyo
sujata nama janika padumuttarasatthuno 3-.
|11.33| Navavassa 4- sahassani agaram ajjhavasi so
nari 5- bahano yasavati tayo pasada muttama.
|11.34| Ticattari sahassani nariyo samalankata
vasuladatta 6- nama nari uttaro 7- nama atrajo.
|11.35| Nimitte caturo disva pasadenabhinikkhami
sattaham padhanacaram acari purisuttamo.
@Footnote: 1 Yu. akasi maggam. 2 Ma. patitthati. 3 Yu. padamuttaramahesino.
@4 Ma. Yu. dasa .... 5 Ma. naravahano yasovasavatti. Yu. naravahano yasovasavatti.
@6 Ma. Yu. vasudatta. 7 Ma. uttamo.
|11.36| Brahmuna yacito santo padumuttaro vinayako
vattacakko mahaviro mithiluyyanamuttame.
|11.37| Devilo 1- ca sujato ca ahesum aggasavaka
sumano namupatthako padumuttarassa satthuno 2-.
|11.38| Amita asama ceva ahesum aggasavika
bodhi tassa bhagavato salaloti pavuccati.
|11.39| Amito 3- ceva tisso ca ahesum aggupatthaka
hattha ceva sucitta 4- ca ahesum aggupatthika.
|11.40| Atthapannasaratanam accuggato mahamuni
kancanagghikasankaso dvattimsavaralakkhano.
|11.41| Kudda kavata bhitti ca rukkha nagasiluccayo 5-
na tassavaranam atthi samanta dvadasayojane.
|11.42| Vassasatasahassani ayu vijjati tavade
tavata titthamano so taresi janatam bahum.
|11.43| Santaretva bahujannam 6- chinditva sabbasamsayam
jalitva aggikkhandhova nibbuto so sasavako.
|11.44| Padumuttaro jino buddho nandaramamhi nibbuto
tattheva tassa thupavaro dvadasamubbedhayojanoti.
Padumuttarabuddhavamso dasamo.
@Footnote: 1 Ma. Yu. devalo. 2 Ma. Yu. mahesino. 3 Ma. Yu. vitinno. 4 Ma. Yu. vicitta.
@5 Ma. Yu. nagasiluccaya. 6 Ma. Yu. bahujanam.
Ekadasamo sumedhabuddhavamso
The Pali Tipitaka in Roman Character Volume 33 page 476-481.
http://84000.org/tipitaka/pali/roman_item_s.php?book=33&item=191&items=1&modeTY=2&mode=bracket
Classified by content :-
http://84000.org/tipitaka/pali/roman_item_s.php?book=33&item=191&items=1&modeTY=2
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=33&item=191&items=1&modeTY=2&mode=bracket
Compare with The Royal Version of Thai Tipitaka :-
http://84000.org/tipitaka/read/byitem_s.php?book=33&item=191&items=1&modeTY=2&mode=bracket
Study Atthakatha :-
http://84000.org/tipitaka/attha/attha.php?b=33&i=191
The Pali Atthakatha in Thai :-
http://84000.org/tipitaka/atthapali/read_th.php?B=51&A=6136
The Pali Atthakatha in Roman :-
http://84000.org/tipitaka/atthapali/read_rm.php?B=51&A=6136
Contents of The Tipitaka Volume 33
http://84000.org/tipitaka/read/?index_33
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ DhammaPerfect@yahoo.com
