paliTIPITAKA Volume 33 - Sutta Pitaka 25

[12] |12.1| Padumuttarassa aparena sumedho nama nayako durasado uggatejo sabbalokuttamo jino ^1-. |12.2| Pasannanetto sumukho braha uju patapava hitesi sabbasattanam bahu mocesi bandhana. |12.3| Yada buddho papunitva kevalam bodhimuttamam sudassanamhi nagare dhammacakkam pavattayi. |12.4| Tassapi abhisamaya tini ahesum dhammadesane kotisatasahassanam pathamabhisamayo ahu. |12.5| Punaparam kumbhakannam yakkhanca ^2- damayi jino navutikotisahassanam dutiyabhisamayo ahu. |12.6| Punaparam amitayaso catusaccam pakasayi asitikotisahassanam tatiyabhisamayo ahu. |12.7| Sannipata tayo asum sumedhassa mahesino khinasavanam vimalanam santacittana tadinam. |12.8| Sudassanamhi nagare ^3- upaganchi jino yada tada khinasava bhikkhu samimsu satakotiyo. |12.9| Punaparam devakute bhikkhunam kathinatthate tada navutikotinam dutiyo asi samagamo. @Footnote: ¹ Ma. muni. Yu. sabbalokuttaro muni. ² Ma. Yu. yakkham so. ³ Ma. sudassanam nama @nagaram. Yu. sudassanam nagaram varam.

--------------------------------------------------------------------------------------------- page482.

|12.10| Punaparam dasabalo yada carati carikam tada asitikotinam tatiyo asi samagamo. |12.11| Ahantena samayena uttaro nama manavo asitikotiyo mayham ghare sanniccitam dhanam. |12.12| Kevalam sabbam datvana sasanghe lokanayake ^1- saranam tassa upaganchim pabbajjam abhirocayim. |12.13| Sopi mam tada ^2- byakasi karonto anumodanam timsakappasahassamhi ayam buddho bhavissati. |12.14| Ahu kapilavhaya ramma nikkhamitva tathagato padhanam padahitvana katva dukkarakarikam. |12.15| Ajapalarukkhamulasmim nisiditva tathagato tattha payasam paggayha neranjaramupehiti. |12.16| Neranjaraya tiramhi payasam adi so jino patiyattavaramaggena bodhimulamhi ehiti. |12.17| Tato padakkhinam katva bodhimandam anuttaram assattha rukkhamulamhi bujjhissati mahayaso. |12.18| Imassa janika mata maya nama bhavissati pita suddhodano nama ayam hessati gotamo. |12.19| Anasava vitaraga santacitta samahita kolito upatisso ca agga hessanti savaka anando namupatthako upatthissati mam jinam. @Footnote: ¹ Yu. sasangham lokanayaka. ² Ma. Yu. buddho.

--------------------------------------------------------------------------------------------- page483.

|12.20| Khema uppalavanna ca agga hessanti savika anasava vitaraga santacitta samahita. |12.21| Bodhi tassa bhagavato assatthoti pavuccati citto ca hatthalavako agga hessantupatthaka. |12.22| Nandamata ca uttara agga hessantupatthika ayu vassasatam tassa gotamassa yasassino. |12.23| Idam sutvana vacanam asamassa mahesino amodita naramaru buddhavijankuro ayam. |12.24| Ukkutthisadda vattanti apphotenti hasanti ca katanjali namassanti dasasahassi sadevaka. |12.25| Yadimassa lokanathassa virajjhissama sasanam anagatamhi addhane hessama sammukha imam. |12.26| Yatha manussa nadim taranta patitittham virajjhiya hettha tittham gahetvana uttaranti mahanadim. |12.27| Evameva mayam sabbe yadi muncamimam jinam anagatamhi addhane hessama sammukha imam. |12.28| Tassapi vacanam sutva bhiyyo cittam pasadayim uttarim ^1- vattamadhitthasi dasaparamipuriya. |12.29| Suttantam vinayancapi navangasatthusasanam sabbam pariyapunitvana sobhayim jinasasanam. @Footnote: ¹ Ma. Yu. uttarivatamadhitthasim.

--------------------------------------------------------------------------------------------- page484.

|12.30| Tatthappamatto viharanto nisajjatthanacankame abhinnaparamim ^1- patva brahmalokamaganchiham. |12.31| Sudassanam nama nagaram sudatto nama khattiyo sudatta nama janika sumedhassa mahesino. |12.32| Navavassasahassani agaram ajjhavasi so sucando kancano sirivaddho tayo pasadamuttama. |12.33| Tisolasasahassani nariyo samalankata sumana nama sa nari punabbo ^2- nama atrajo. |12.34| Nimitte caturo disva hatthiyanena nikkhami anunakam atthamasam padhanam padahi jino. |12.35| Brahmuna yacito santo sumedho lokanayako vattacakko mahaviro sudassanuyyanamuttame. |12.36| Sarano ca sabbakamo ca ahesum aggasavaka sagaro namupatthako sumedhassa mahesino. |12.37| Rama ceva surama ca ahesum aggasavika bodhi tassa bhagavato nimbarukkhoti ^3- pavuccati. |12.38| Uruvela ^4- ceva yasava ca ahesum aggupatthaka yasa ^5- nama siriva ca ahesum aggupatthika. |12.39| Atthasitiratanani accuggato mahamuni obhaseti disa sabba cando taragane yatha. @Footnote: ¹ Ma. Yu. abhinnasu paramim gantva. ² Ma. punabbasu nama. Yu. sumitto nama. @³ Ma. mahanipoti. Yu. mahanimboti. ⁴ Ma. uruvela yasava ca. Yu. uruvelo ca @yasavo ca. ⁵ Ma. Yu. yasodhara sirima ca.

--------------------------------------------------------------------------------------------- page485.

|12.40| Cakkavattimani nama yatha tapati yojanam tatheva tassa ratanam samanta pharati yojanam. |12.41| Navutivassasahassani ayu vijjati tavade tavata titthamano so taresi janatam bahum. |12.42| Tevijja chalabhinnahi balappattehi tadihi samakulamidam asi arahantehi sasanam ^1-. |12.43| Tepi sabbe amitayasa vippamutta nirupadhi nanalokam dassayitva nibbuta te mahayasa. |12.44| Sumedho jinavaro buddho medharamamhi nibbuto dhatu vittharikam asi tesu tesu padesatoti. Sumedhabuddhavamso ekadasamo. Dvadasamo sujatabuddhavamso

The Pali Tipitaka in Roman Character Volume 33 page 481-485. http://84000.org/tipitaka/pali/roman_item_s.php?book=33&item=192&items=1&pagebreak=1&modeTY=2&mode=bracket Classified by content :- http://84000.org/tipitaka/pali/roman_item_s.php?book=33&item=192&items=1&pagebreak=1&modeTY=2 Compare with The Pali Tipitaka in Thai Character :- http://84000.org/tipitaka/read/pali_item_s.php?book=33&item=192&items=1&pagebreak=1&modeTY=2&mode=bracket Compare with The Royal Version of Thai Tipitaka :- http://84000.org/tipitaka/read/byitem_s.php?book=33&item=192&items=1&pagebreak=1&modeTY=2&mode=bracket Study Atthakatha :- http://84000.org/tipitaka/attha/attha.php?b=33&i=192 The Pali Atthakatha in Thai :- http://84000.org/tipitaka/atthapali/read_th.php?B=51&A=6364 The Pali Atthakatha in Roman :- http://84000.org/tipitaka/atthapali/read_rm.php?B=51&A=6364 Contents of The Tipitaka Volume 33 http://84000.org/tipitaka/read/?index_33