ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ThaiVersion   PaliThai   PaliRoman 
read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter
TIPITAKA Volume 33 : PALI ROMAN Sutta Pitaka Vol 25 : Sutta. Khu. Apa(2) Buddhavaṃso Cariyāpiṭakaṃ
                                 Sattarasamo tissabuddhavamso
     [18] |18.1| Siddhatthassa aparena         asamo appatipuggalo
                  anantasilo 1- amitayaso       tisso lokagganayako.
       |18.2| Tamandhakaram vidhamitva            obhasetva sadevakam
                  anukampako mahaviro             loke uppajji cakkhuma.
       |18.3| Tassapi atula iddhi            atula 2- silasamadhiyo
                  sabbattha paramim gantva        dhammacakkam pavattayi.
       |18.4| So buddho dasasahassamhi        vinnapesi giram sucim
                  kotisatani 3- abhisamimsu         pathame dhammadesane.
       |18.5| Dutiyo navutikotinam                tatiye 4- satthikotiyo
                  bandhanato 5- pamocesi         sampatte 6- naramaru tada.
       |18.6| Sannipata tayo asum           tissassa 7- ca mahesino
                  khinasavanam vimalanam              santacittana tadinam.
       |18.7| Khinasavasatasahassanam           pathamo asi samagamo
                  navutisatasahassanam                dutiyo asi samagamo.
@Footnote: 1 Ma. anantatejo. 2 Ma. atulam silam samadhi ca. Yu. atulasilasamadhi ca.
@3 Yu. kotisatasahassani samims. 4 Ma. tatiyo. 5 Yu. bandhana so.
@6 Ma. satte --. 7 Ma. Yu. tisse lokagganayake.
       |18.8| Asitisatasahassanam                tatiyo asi samagamo
                   khinasavanam vimalanam            pupphitanam vimuttiya.
       |18.9| Ahantena samayena                sujato nama khattiyo
                   mahabhogam chaddayitva          pabbajim isipabbajjam.
       |18.10| Mayi pabbajite sante           uppajji lokanayako
                     buddhoti saddam sutvana        piti me upapajjatha.
       |18.11| Dibbam mandaravam puppham         padumam parichattakam
                     ubho hatthehi paggayha        dhunamano upagamim.
       |18.12| Patuvannaparivutam               tissam lokagganayakam
                     tamaham puppham gahetvana        matthake dharaye 1- jinam.
       |18.13| Sopi mam tada 2- byakasi   janamajjhe nisidiya
                     dvanavute ito kappe        ayam buddho bhavissati.
       |18.14| Ahu kapilavhaya ramma        nikkhamitva tathagato
                     padhanam padahitvana            katva dukkarakarikam.
       |18.15| Ajapalarukkhamulasmim            nisiditva tathagato
                     tattha payasam paggayha       neranjaramupehiti.
       |18.16| Neranjaraya tiramhi            payasam adi so jino
                     patiyattavaramaggena             bodhimulamhi ehiti.
       |18.17| Tato padakkhinam katva         bodhimandam anuttaram
                     assattharukkhamulamhi           bujjhissati mahayaso.
@Footnote: 1 Ma. Yu. dharayim. 2 Ma. Yu. buddho. ito param idisameva.
       |18.18| Imassa janika mata          maya nama bhavissati
                     pita suddhodano nama        ayam hessati gotamo.
       |18.19| Kolito upatisso ca           agga hessanti savaka
                     anasava vitaraga             santacitta samahita
                     anando namupatthako     upatthissatimam jinam.
       |18.20| Khema uppalavanna ca       agga hessanti savika
                     anasava vitaraga             santacitta samahita.
       |18.21| Bodhi tassa bhagavato             assatthoti pavuccati
                     citto ca hatthalavako         agga hessantupatthaka.
       |18.22| Nandamata ca uttara        agga hessantupatthika
                     ayu vassasatam tassa            gotamassa yasassino.
       |18.23| Idam sutvana vacanam              asamassa mahesino
                     amodita naramaru              buddhavijankuro ayam.
       |18.24| Ukkutthisadda vattanti      apphotenti hasanti ca
                     katanjali namassanti           dasasahassi sadevaka.
       |18.25| Yadimassa lokanathassa        virajjhissama sasanam
                     anagatamhi addhane         hessama sammukha imam.
       |18.26| Yatha manussa nadim taranta  patitittham virajjhiya
                     hetthatittham gahetvana       uttaranti mahanadim.
       |18.27| Evameva mayam sabbe            yadi muncamimam jinam
                     anagatamhi addhane         hessama sammukha imam.
       |18.28| Tassapi vacanam sutva          bhiyyo cittam pasadayim
                     uttarim vattamadhitthasim         dasaparamipuriya.
       |18.29| Khemakam nama nagaram               janasando 1- nama khattiyo
                     paduma nama janika           tissassa ca mahesino.
       |18.30| Sattavassasahassani            agaram ajjhavasi so
                     gunaselanadiyanisabho 2-   tayo pasadamuttama.
       |18.31| Samatimsasahassani               nariyo samalankata
                     subhadda nama 3- sa nari   anando nama atrajo.
       |18.32| Nimitte caturo disva          assayanena nikkhami
                     anunakam 4- addhamasam       padhanam padahi jino.
       |18.33| Brahmuna yacito santo     tisso lokagganayako
                     vattacakko mahaviro           yasavatidayamuttame 5-.
       |18.34| Brahmadevo ca udayo ca      ahesum aggasavaka
                     samago 6- namupatthako     tissassa ca mahesino.
       |18.35| Phussa ceva sudatta ca        ahesum aggasavika
                     bodhi tassa bhagavato             asanoti pavuccati.
       |18.36| Sambalo ca siri ceva             ahesum aggupatthaka
                     kisagotami upasena          ahesum aggupatthika.
@Footnote: 1 Ma. Yu. janasandho. 2 Ma. guhaselanarisayanisabha. Yu. ghaselanarinisabha.
@3 Ma. namika. 4 Ma. anunaatthamasani. Yu. anunakam atthamasam. 5 Ma.
@Yu. yasavatiyamuttame. 6 Ma. Yu. samango.
                     Sopi buddho satthiratano       ahu uccattane jino
                     anupamo asadiso               himava viya dissati.
       |18.37| Tassapi atulatejassa         ayu asi anuttaro
                     vassasatasahassani             loke atthasi cakkhuma.
       |18.38| Uttamam pavaram settham             anubhotva mahayasam
                     jalitva aggikkhandhova        nibbuto so sasavako.
       |18.39| Valahakova anilena            suriyena viya ussavo
                     andhakarova dipena 1-        nibbuto so sasavako.
       |18.40| Tisso jinavaro buddho          nandaramamhi nibbuto
                     tattheva tassa jinathupo         tini yojanasamussitoti.
                                     Tissabuddhavamso sattarasamo.



             The Pali Tipitaka in Roman Character Volume 33 page 507-511. http://84000.org/tipitaka/pali/roman_item_s.php?book=33&item=198&items=1&modeTY=2              Classified by [Item Number] :- http://84000.org/tipitaka/pali/roman_item_s.php?book=33&item=198&items=1&modeTY=2&mode=bracket              Compare with The Pali Tipitaka in Thai Character :- http://84000.org/tipitaka/read/pali_item_s.php?book=33&item=198&items=1&modeTY=2              Compare with The Royal Version of Thai Tipitaka :- http://84000.org/tipitaka/read/byitem_s.php?book=33&item=198&items=1&modeTY=2              Study Atthakatha :- http://84000.org/tipitaka/attha/attha.php?b=33&i=198              The Pali Atthakatha in Thai :- http://84000.org/tipitaka/atthapali/read_th.php?B=51&A=7273              The Pali Atthakatha in Roman :- http://84000.org/tipitaka/atthapali/read_rm.php?B=51&A=7273              Contents of The Tipitaka Volume 33 http://84000.org/tipitaka/read/?index_33

read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com

Background color :