Pancavisatimo gotamabuddhavamso
[26] |26.1| Ahametarahi sambuddho gotamo sakyavaddhano
padhanam padahitvana patto sambodhimuttamam.
|26.2| Brahmuna yacito santo dhammacakkam pavattayim
attharasannam kotinam pathamabhisamayo ahu.
|26.3| Tato paranca desento naradevasamagame 1-
gananaya na vattabbo dutiyabhisamayo ahu.
|26.4| Idhevaham etarahi ovadim mama atrajam
gananaya na vattabbo tatiyabhisamayo ahu.
|26.5| Ekosi 2- sannipato me savakanam mahesinam
addhatelasasatanam bhikkhunasi samagamo.
|26.6| Virocamano vimalo bhikkhusanghassa majjhato 3-
dadami patthitam sabbam maniva sabbakamado.
@Footnote: 1 Yu. ... samagamo. 2 Yu. ekova. 3 Ma. majjhago.
|26.7| Phalamakankhamananam bhavacchandam jahesinam
catusaccam pakasesi 1- anukampaya paninam.
|26.8| Dasavisasahassanam dhammabhisamayo ahu
ekadvinnam abhisamayo gananato asankhiyo.
|26.9| Vittharikam bahujannam iddham phitam suphullitam
idha mayham sakyamunino sasanam suvisodhitam.
|26.10| Anasava vitaraga santacitta samahita
bhikkhu nekasata sabbe parivarenti mam sada.
|26.11| Idani ye etarahi jahanti manusam bhavam
appattamanasa sekkha te bhikkhu vinnugarahita.
|26.12| Ariyanjasam thomayanta sada dhammarata jana
bujjhissanti jutimanto 2- samsarasarita 3- nara.
|26.13| Nagaram kapilavatthu me raja suddhodano pita
mayham janettika mata mayadeviti vuccati.
|26.14| Ekunatimsavassani agaram ajjhavasiham 4-
sucando 5- kokanudo konco tayo pasadamuttama.
|26.15| Cattalisasahassani nariyo samalankata
yasodhara 6- nama nari rahulo nama atrajo.
|26.16| Nimitte caturo disva assayanena nikkhamim
@Footnote: 1 Ma. pakasemi. 2 Ma. Yu. satimanto. 3 Ma. samsarasaritam gata.
@4 Ma. Yu. ajjhaham vasim. 5 Ma. rammo surammo subhako. Yu. ramo suramo subhato.
@6 Ma. bhaddakancana. Yu. bhaddakacca.
Chavassam padhanacaram acarim dukkaram aham.
|26.17| Baranasiisipatane jino 1- cakkam pavattayim
aham gotamasambuddho saranam sabbapaninam.
|26.18| Kolito upatisso ca dve bhikkhu aggasavaka
anando namupatthako santikavacaro mama.
|26.19| Khema uppalavanna ca bhikkhuni aggasavika
citto ca hatthalavako aggupatthakupasaka.
|26.20| Nandamata ca uttara aggupatthakupasika
aham assatthamulamhi patto sambodhimuttamam.
|26.21| Byamappabha sada mayham solasahatthamuggato 2-
appam vassasatam ayu mametarahi 3- vijjati.
|26.22| Tavata titthamanoham taresim 4- janatam bahum
thapayitvana dhammokkam 5- pacchimajanabodhanam.
|26.23| Ahampi na cirasseva saddhim savakasanghato
idheva parinibbissam aggivaharasankhaya.
|26.24| Tani [6]- atulatejani imani ca yasabalani 7- iddhiyo
aham 8- gunadharano deho dvattimsavaralakkhanavicitto.
|26.25| Dasadisa 9- pabhasetva sataramsiva chappabha
sabba samantarahessanti nanu ritta sabbasankharati.
Gotamabuddhavamso pancavisatimo.
@Footnote: 1 Ma. Yu. cakkam pavattitam maya. 2 Ma. ...muggata. 3 Ma. Yu. idanetarahi.
@4 Ma. Yu. taremi. 5 Ma. dhammakkam. 6 Ma. Yu. ca. 7 Ma. Yu. dasabalani.
@8 Ma. Yu. ayanca gunavaradeho dvattimsalakkhanacito. 9 Yu. asadisa.
The Pali Tipitaka in Roman Character Volume 33 page 543-545.
http://84000.org/tipitaka/pali/roman_item_s.php?book=33&item=206&items=1&modeTY=2
Classified by [Item Number] :-
http://84000.org/tipitaka/pali/roman_item_s.php?book=33&item=206&items=1&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=33&item=206&items=1&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=33&item=206&items=1&modeTY=2
Study Atthakatha :-
http://84000.org/tipitaka/attha/attha.php?b=33&i=206
The Pali Atthakatha in Thai :-
http://84000.org/tipitaka/atthapali/read_th.php?B=51&A=8601
The Pali Atthakatha in Roman :-
http://84000.org/tipitaka/atthapali/read_rm.php?B=51&A=8601
Contents of The Tipitaka Volume 33
http://84000.org/tipitaka/read/?index_33
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ DhammaPerfect@yahoo.com
