Pannasamo kimkanipupphavaggo
pathamam tinikimkanipupphiyattherapadanam (491)
[81] |81.1| Kanikaramva jotantam nisinnam pabbatantare
addasam virajam buddham vipassim lokanayakam.
|81.2| Tinikimkanipupphani paggayha abhiropayim
sambuddham abhipujetva gacchami dakkhinamukho.
|81.3| Tena kammena sukatena cetanapanidhihi ca
jahitva manusam deham tavatimsam aganchaham.
|81.4| Ekanavute ito kappe yam buddhamabhipujayim
duggatim nabhijanami buddhapujayidam phalam.
|81.5| Kilesa jhapita mayham bhava sabbe samuhata
nagova bandhanam chetva viharami anasavo.
|81.6| Svagatam vata me asi mama buddhassa santike
tisso vijja anuppatta katam buddhassa sasanam.
|81.7| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma tinikimkanipupphiyo thero ima gathayo abhasitthati.
Tinikimkanipupphiyattherassa apadanam samattam.
Dutiyam pamsukulapujakattherapadanam (492)
[82] |82.8| Himavantassa avidure udabbalo 1- nama pabbato
tatthaddasam pamsukulam dumaggamhi vilambitam.
|82.9| Tini kimkanipupphani ocinitvanaham tada
hattho hatthena cittena pamsukulam apujayim.
|82.10| Tena kammena sukatena cetanapanidhihi ca
jahitva manusam deham tavatimsam aganchaham.
|82.11| Ekanavute ito kappe yam kammamakarim tada
duggatim nabhijanami pujetva arahaddhajam.
|82.12| Kilesa jhapita mayham bhava sabbe samuhata
nagova bandhanam chetva viharami anasavo.
|82.13| Svagatam vata me asi mama buddhassa santike
tisso vijja anuppatta katam buddhassa sasanam.
|82.14| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma pamsukulapujako thero ima gathayo abhasitthati.
Pamsukulapujakattherassa apadanam samattam.
@Footnote: 1 Ma. udangano. Yu. udako.
Tatiyam korandapupphiyattherapadanam (493)
[83] |83.15| Vanakammiko pure asim pitupitamahenaham 1-
pasumarena jivami kusalam me na vijjati.
|83.16| Mama asayasamanta tisso lokagganayako
tini padani dassesi anukampaya cakkhuma.
|83.17| Akkamante 2- pade disva tissassa nama satthuno
hattho hatthena cittena pade cittam pasadayim.
|83.18| Korandam pupphitam disva padapam dharaniruham
cankotakam 3- gahetvana padasettham apujayim.
|83.19| Tena kammena sukatena cetanapanidhihi ca
jahitva manusam deham tavatimsam aganchaham.
|83.20| Yam yam yonupapajjami devattam atha manusam
korandakachavi homi sappabhaso 4- bhavamaham.
|83.21| Dvenavute ito kappe yam kammamakarim tada
duggatim nabhijanami padapujayidam phalam.
|83.22| Kilesa jhapita mayham bhava sabbe samuhata
nagova bandhanam chetva viharami anasavo.
|83.23| Svagatam vata me asi mama buddhassa santike
tisso vijja anuppatta katam buddhassa sasanam
@Footnote: 1 Ma. pitumatumatenaham. 2 Ma. Yu. akkante ca .... 3 Ma. sakosakam. 4 Ma.
@suppabhaso.
|83.24| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma korandapupphiyo thero ima gathayo abhasitthati.
Korandapupphiyattherassa apadanam samattam.
Catuttham kimsukapupphiyattherapadanam (494)
[84] |84.25| Kimsukam pupphitam disva paggahetvana anjalim
buddhasettham saritvana akase abhipujayim.
|84.26| Tena kammena sukatena cetanapanidhihi ca
jahitva manusam deham tavatimsam aganchaham.
|84.27| Ekattimse ito kappe yam kammamakarim tada
duggatim nabhijanami buddhapujayidam phalam.
|84.28| Kilesa jhapita mayham bhava sabbe samuhata
nagova bandhanam chetva viharami anasavo.
|84.29| Svagatam vata me asi mama buddhassa santike
tisso vijja anuppatta katam buddhassa sasanam.
|84.30| Patisambhida catasso vimokkhapica atthime
chalabhinna sacchikata katam buddhassa sasananti
ittham sudam ayasma kimsukapupphiyo thero ima gathayo abhasitthati.
Kimsukapupphiyattherassa apadanam samattam.
Pancamam upaddhadussadayakattherapadanam (495)
[85] |85.31| Padumuttarabhagavato sujato nama savako
pamsukulam gavesanto sankare rathiya 1- tada.
|85.32| Nagare hamsavatiya paresam bhatiko 2- aham
upaddhadussam datvana sirasa abhivadayim.
|85.33| Tena kammena sukatena cetanapanidhihi ca
jahitva manusam deham tavatimsam aganchaham.
|85.34| Tettimsakkhattum devindo devarajjamakarayim
sattasattatikhattunca cakkavatti ahosaham.
|85.35| Padesarajjam vipulam gananato asankhayam
upaddhadussadanena modami akutobhayo.
|85.36| Icchamano aham 3- ajja sakananam sapabbatam
khomadussehi chadeyyam addhadussassidam phalam.
|85.37| Satasahasse ito kappe yam danamadadim tada
duggatim nabhijanami addhadussassidam phalam.
|85.38| Kilesa jhapita mayham bhava sabbe samuhata
nagova bandhanam chetva viharami anasavo.
|85.39| Svagatam vata me asi mama buddhassa santike
tisso vijja anuppatta katam buddhassa sasanam.
@Footnote: 1 Ma. carate. Yu. carate sada. 2 Ma. Yu. bhatako. 3 Po. Ma. Yu. caham.
|85.40| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma upaddhadussadayako thero ima gathayo abhasitthati.
Upaddhadussadayakattherassa apadanam samattam.
Chattham ghatamandadayakattherapadanam (496)
[86] |86.41| Sucintitam bhagavantam lokajettham narasabham
upavittham maharannam vatabadhena pilitam.
|86.42| Disva cittam pasadetva ghatamandam upanayim
katatta upacitatta 1- ca ganga bhagirasi ayam.
|86.43| Mahasamudda cattaro ghatam sampajjare mama
ayanca pathavi ghora appamana asankhaya.
|86.44| Mama sankappamannaya bhavanti 2- te madhusakkhara
catuddisa 3- ime rukkha padapa dharaniruha.
|86.45| Mama sankappamannaya kapparukkha bhavanti te
pannasakkhattum devindo devarajjamakarayim.
|86.46| Ekapannasakkhattunca cakkavatti ahosaham
padesarajjam vipulam gananato asankhayam.
|86.47| Catunavute ito kappe yam danamadadim tada
duggatim nabhijanami ghatamandassidam phalam.
@Footnote: 1 Ma. Yu. acitatta. 2 Ma. Yu. bhavate madhusakkhara. 3 Ma. Yu. catuddipa.
|86.48| Kilesa jhapita mayham bhava sabbe samuhata
nagova bandhanam chetva viharami anasavo.
|86.49| Svagatam vata me asi mama buddhassa santike
tisso vijja anuppatta katam buddhassa sasanam.
|86.50| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma ghatamandadayako thero ima gathayo abhasitthati.
Ghatamandadayakattherassa apadanam samattam.
Sattamam udakadayakattherapadanam (497)
[87] |87.51| Padumuttarabuddhassa bhikkhusanghe anuttare
pasannacitto sumano panighatam 1- apurayim.
|87.52| Pabbatagge dumagge va akase vatha bhumiyam
yada paniyamicchami khippam nibbattate mamam.
|87.53| Satasahasse ito kappe yam danamadadim tada
duggatim nabhijanami udakadanassidam phalam.
|87.54| Kilesa jhapita mayham bhava sabbe samuhata
nagova bandhanam chetva viharami anasavo.
|87.55| Svagatam vata me asi mama buddhassa santike
tisso vijja anupatta katam buddhassa sasanam.
@Footnote: 1 Po. Yu. paniyaghatam.
|87.56| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma udakadayako thero ima gathayo abhasitthati.
Udakadayakattherassa apadanam samattam.
Atthamam pulinathupiyattherapadanam (498)
[88] |88.57| Himavantassavidure yamako 1- nama pabbato
assamo sukato mayham pannasala sumapita.
|88.58| Narado nama namena jatilo uggatapano
catuddasasahassani sissa paricaranti mam.
|88.59| Patisallinako santo evam cintesahantada
mahajana 2- mam pujenti naham pujemi kincanam.
|88.60| Na me ovadako atthi vatta koci na vijjati
anacariyupajjhayo vane vasam upemaham.
|88.61| Upasamano yamakam 3- garucittam upatthahe
so me acariyo natthi vanavaso niratthako.
|88.62| Ayagam me gavesiyam 4- garubhavaniyam tatha
sasassayo 5- vasissami na koci garahissati.
|88.63| Uttanakula nadika supatittha manorama
susuddhapulinakinna avidure mamassamam.
@Footnote: 1 Po. Yu. samango. 2 Ma. sabbo jano mam pujeti. Yu. sabbajano. 3 Po.
@Ma. Yu. yamaham. 4 Ma. Yu. gavesissam. 5 Ma. Yu. savassayo.
|88.64| Nadim amarikam nama upagantva 1- ahantada
sankaddhitvana 2- pulinam akam pulinacetiyam.
|88.65| Ye te ahesum sambuddha bhavantakarana muni
tesam etadiso thupo tam nimittam karomaham.
|88.66| Karitva puline 3- thupam sovannam mapayim aham
sonnakimkanipupphani sahasse tini pujayim.
|88.67| Sayam patam namassami pitijato 4- katanjali
sammukha viya sambuddham vandim pulinacetiyam.
|88.68| Yada kilesa jayanti vitakka gehanissita
sarami sukatam thupam paccavekkhami tavade.
|88.69| Upanissaya viharim 5- satthavaham vinayakam
kilese samvareyyasi 6- na yuttam tava marisa.
|88.70| Saha avajjite thupe garavam hoti me tada
kuvitakke vinodesim nago tuttattito 7- yatha.
|88.71| Evam viharamanam mam maccurajabhimaddatha
tattha kalam kato santo brahmalokam agacchaham.
|88.72| Yavatayum vasitvana tidive 8- upapajjaham
asitikkhattum devindo devarajjamakarayim.
|88.73| Satanam tinikhattunca cakkavatti ahosaham
padesarajjam vipulam gananato asankhayam.
@Footnote: 1 Ma. upagantavanahantada. 2 Ma. Yu. samvaddhayitva. 3 Ma. pulinam.
@4 Ma. vedajato. Yu. vittijato. 5 Ma. viharam. 6 Ma. Yu. samvaseyyasi.
@7 Po. tunnattito. Yu. tuttaddito. 8 Yu. tidase.
|88.74| Tesam kimkanipupphanam vipakam anubhomaham
bavisatisahassani parivarenti mam bhave.
|88.75| Thupassa paricinnatta rajojallam na limpati
gatte seda na muncanti sappabhaso bhavamaham.
|88.76| Aho me sukato thupo suditthamarika nadi
thupam katvana pulinam 1- pattomhi acalam padam.
|88.77| Kusalam kattukamena jantuna saragahina 2-
natthi khettam akhettam va patipattiva saraka 3-.
|88.78| Yathapi balava poso annavam taritussaho 4-
parittam katthamadaya pakkhandeyya mahasaram.
|88.79| Imaham kittham 5- nissaya tarissami mahodadhim
ussahena viriyena tareyya udadhim naro.
|88.80| Tatheva me katam kammam parittam thokakanca 6- yam
tam 7- kammam upanissaya samsaram samatikkamim.
|88.81| Pacchime bhavasampatte sukkamulena codito
savatthiyam pure jato mahasale suaddhake.
|88.82| Saddha matapita mayham buddhassa saranam gata
ubho ditthasuta 8- ete anuvattanti sasanam.
|88.83| Bodhipappatikam gayha sonnathupam akarayum
sayam patam namassanti sakyaputtassa sammukha.
@Footnote: 1 Yu. pubine. 2 Po. Yu. paragamina. 3 Ma. sadhaka. Yu. sadhika. 4 Ma. Yu.
@taritussahe. 5 Po. Ma. Yu. kattham. 6 Po. Yu. thokakancanam. 7 Yu. katam.
@8 Ma. Yu. ditthapada.
|88.84| Uposathamhi divase sonnathupam viniharum
buddhassa vannam kittenta tiyamam vitinamayum.
|88.85| Sama 1- disvanaham thupam sarim pulinacetiyam
ekasane nisiditva arahattam apapunim.
Bavisatimam bhanavaram.
|88.86| Gavesamano tam dhiram dhammasenapatiddasam
agara nikkhamitvana pabbajim tassa santike.
|88.87| Jatiya sattavassena arahattam apapunim
upasampadayi buddho gunamannaya cakkhuma.
|88.88| Darakeneva santena kiriyam nitthitam maya
katam me karaniyajja sakyaputtassa sasane.
|88.89| Sabbaverabhayatito sabbasangatigo isi
savako te mahavira sonnathupassidam phalam.
|88.90| Kilesa jhapita mayham bhava sabbe samuhata
nagova bandhanam chetva viharami anasavo.
|88.91| Svagatam vata me asi mama buddhassa santike
tisso vijja anuppatta katam buddhassa sasanam.
|88.92| Patisambhida catasso vimokkhapica atthime
chalabhinna sacchikata katam buddhassa sasananti.
@Footnote: 1 Ma. Yu. saha.
Ittham sudam ayasma pulinathupiyo thero ima gathayo abhasitthati.
Pulinathupiyattherassa apadanam samattam.
Navamam nalakutikadayakattherapadanam (499)
[89] |89.93| Himavantassavidure hariko 1- nama pabbato
sayambhu narado nama rukkhamule vasi tada.
|89.94| Nalagaram karitvana tinena chadayim aham
cankamam sodhayitvana sayambhussa adasaham.
|89.95| Tena kammena sukatena cetanapanidhihi ca
jahitva manusam deham tavatimsam agacchaham.
|89.96| Tattha me sukatam byamham nalakutikaya nimmitam
satthiyojanamubbiddham 2- timsayojanavitthatam.
|89.97| Catuddasesu kappesu devaloke ramim aham
ekasattatikkhattunca devarajjam akarayim.
|89.98| Catuttimsatikkhattunca 3- cakkavatti ahosaham
padesarajjam vipulam gananato asankhayam.
|89.99| Dhammapasadamaruyha sunnagaravarupagam
yathicchakaham vihare sakyaputtassa sasane.
|89.100| Ekattimse ito kappe yam kammamakarim tada
duggatim nabhijanami nalakutikayidam phalam.
@Footnote: 1 Ma. harito. Yu. bhariko. 2 Ma. sabbattha ...mubbedham. 3 Po. Yu.
@catuttimsakkhattunceva. 4 Ma. Yu. sabbakaravarupamam.
|89.101| Kilesa jhapita mayham bhava sabbe samuhata
nagova bandhanam chetva viharami anasavo.
|89.102| Svagatam vata me asi mama buddhassa santike
tisso vijja anuppatta katam buddhassa sasanam
|89.103| patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma nalakutikadayako thero ima gathayo abhasitthati.
Nalakutikadayakattherassa apadanam samattam.
Dasamam piyalaphaladayakattherapadanam (500)
[90] |90.104| Migaluddho pure asim vivane 1- vicaram tada
addasam virajam buddham sabbadhammana paragum.
|90.105| Piyalaphalamadaya buddhasetthassadasaham
punnakhettassa virassa pasanno sehi panibhi.
|90.106| Ekattimse ito kappe yam phalam adadim tada
duggatim nabhijanami phaladanassidam phalam.
|90.107| Kilesa jhapita mayham bhava sabbe samuhata
nagova bandhanam chetva viharami anasavo.
|90.108| Svagatam vata me asi mama buddhassa santike
tisso vijja anuppatta katam buddhassa sasanam.
@Footnote: 1 Yu. vicine. ito param idisameva.
|90.109| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma piyalaphaladayako thero ima gathayo abhasitthati.
Piyalaphaladayakattherassa apadanam samattam.
Uddanam
kimkani pamsukulanca varakorandakimsukam
upaddhadussi ghatado udakam thupakarako.
Nalagari ca navamo piyalaphaladayako
satamekanca gathanam navakanca taduttari.
Kimkanipupphavaggo pannasamo.
Atha vagguddanam
metteyyavaggo bhaddali sakimsammajjakopica
ekavihari vibhedako jagati salapupphiyo.
Nalamali pamsukulam kikanipupphiko tatha
asiti dve ca gathayo catuddasa satani ca.
Metteyyavaggadasakam pancamam satakam samattam.
-----------------------
The Pali Tipitaka in Roman Character Volume 33 page 125-138.
http://84000.org/tipitaka/pali/roman_item_s.php?book=33&item=81&items=10&modeTY=2
Classified by [Item Number] :-
http://84000.org/tipitaka/pali/roman_item_s.php?book=33&item=81&items=10&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=33&item=81&items=10&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=33&item=81&items=10&modeTY=2
Study Atthakatha :-
http://84000.org/tipitaka/attha/attha.php?b=33&i=81
The Pali Atthakatha in Thai :-
http://84000.org/tipitaka/atthapali/read_th.php?B=50&A=5597
The Pali Atthakatha in Roman :-
http://84000.org/tipitaka/atthapali/read_rm.php?B=50&A=5597
Contents of The Tipitaka Volume 33
http://84000.org/tipitaka/read/?index_33
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
