paliTIPITAKA Volume 4 - Vinaya Pitaka 4

[25] Tena kho pana samayena baranasiyam yaso nama kulaputto setthiputto sukhumalo hoti . tassa tayo pasada honti @Footnote: ¹ vimuttamhitipi patho.

--------------------------------------------------------------------------------------------- page29.

Eko hemantiko eko gimhiko eko vassiko . so vassike pasade cattaro mase ^1- nippurisehi turiyehi paricarayamano ^2- na hetthapasadam ^3- orohati . athakho yasassa kulaputtassa pancahi kamagunehi samappitassa samangibhutassa paricarayamanassa patikacceva ^4- nidda okkami parijanassapi paccha nidda okkami . sabbarattiyo ca telappadipo jhayati. {25.1} Athakho yaso kulaputto patikacceva pabujjhitva ^5- addasa sakam parijanam supantam annissa kacche vinam annissa kanthe mudingam ^6- annissa ure ^7- alambaram annam ^8- vikesikam annam vikhelikam anna ^9- vippalapantiyo hatthappattam susanam manne . disvanassa adinavo paturahosi nibbidaya cittam santhasi . athakho yaso kulaputto udanam udanesi upaddutam vata bho upassattham vata bhoti. {25.2} Athakho yaso kulaputto suvannapadukayo arohitva yena nivesanadvaram tenupasankami . amanussa dvaram vivarimsu ma yasassa kulaputtassa koci antarayamakasi agarasma anagariyam @Footnote: ¹ Si. vassike mase . ² Ma. Yu. paricariyamano . ³ Yu. hetthapasada. @⁴ Si. Yu. patigacceva . ⁵ Yu. Ra. patibujjhitva. @⁶ Si. Yu. mutingam. so pana mrdangoti sakatasaddena na sameti. @⁷ Si. Ma. Yu. Ra. kacche . ⁸ Po. annissa vikesikam va vikhelikam @vippalapantiyo. ⁹ sabbattha na dissatayam patho annatra @ramannapotthaka. ayampana tam anuvattitva sodhitoti veditabbo.

--------------------------------------------------------------------------------------------- page30.

Pabbajjayati . athakho yaso kulaputto yena nagaradvaram tenupasankami . amanussa dvaram vivarimsu ma yasassa kulaputtassa koci antarayamakasi agarasma anagariyam pabbajjayati . Athakho yaso kulaputto yena isipatanam migadayo tenupasankami. [26] Tena kho pana samayena bhagava rattiya paccusasamayam paccutthaya ajjhokase cankamati ^1- . addasa kho bhagava yasam kulaputtam durato va agacchantam disvana cankama orohitva pannatte asane nisidi . athakho yaso kulaputto bhagavato avidure udanam udanesi upaddutam vata bho upassattham vata bhoti . athakho bhagava yasam kulaputtam etadavoca idam kho yasa anupaddutam idam anupassattham ehi yasa nisida dhammam te desessamiti. {26.1} Athakho yaso kulaputto idam kira anupaddutam idam anupassatthanti hattho udaggo suvannapadukahi orohitva yena bhagava tenupasankami upasankamitva bhagavantam abhivadetva ekamantam nisidi . ekamantam nisinnassa kho yasassa kulaputtassa bhagava anupubbikatham kathesi seyyathidam danakatham silakatham saggakatham kamanam adinavam okaram sankilesam nekkhamme anisamsam pakasesi . Yada bhagava annasi yasam kulaputtam kallacittam muducittam vinivaranacittam udaggacittam pasannacittam atha ya buddhanam samukkamsika dhammadesana tam pakasesi dukkham samudayam nirodham maggam . @Footnote: ¹ Po. cankami.

--------------------------------------------------------------------------------------------- page31.

Seyyathapi nama suddham vattham apagatakalakam sammadeva rajanam patigganheyya evameva yasassa kulaputtassa tasmimyevasane virajam vitamalam dhammacakkhum udapadi yankinci samudayadhammam sabbantam nirodhadhammanti. [27] Athakho yasassa kulaputtassa mata pasadam abhiruhitva yasam kulaputtam apassanti yena setthi gahapati tenupasankami upasankamitva setthim gahapatim etadavoca putto te gahapati yaso na dissatiti . athakho setthi gahapati catuddisa assadute uyyojetva samanneva yena isipatanam migadayo tenupasankami . Addasa kho setthi gahapati suvannapadukanam nikkhepam disvana tanneva anugama ^1- . addasa kho bhagava setthim gahapatim durato va agacchantam . disvana bhagavato etadahosi yannunaham tatharupam iddhabhisankharam abhisankhareyyam yatha setthi gahapati idha nisinno idha nisinnam yasam kulaputtam na passeyyati. {27.1} Athakho bhagava tatharupam iddhabhisankharam abhisankharesi . Athakho setthi gahapati yena bhagava tenupasankami upasankamitva bhagavantam etadavoca api ^2- bhante bhagava yasam kulaputtam passeyyati ^3-. Tenahi gahapati nisida appeva nama tvam idha nisinno idha nisinnam yasam kulaputtam passeyyasiti . athakho setthi gahapati idheva kiraham nisinno idha @Footnote: ¹ Po. anupagamma. Ma. Yu. anugamasi . ² Ra. apin . ³ Po. passeyyasiti.

--------------------------------------------------------------------------------------------- page32.

Nisinnam yasam kulaputtam passissamiti hattho udaggo bhagavantam abhivadetva ekamantam nisidi . ekamantam nisinnassa kho setthissa gahapatissa bhagava anupubbikatham kathesi seyyathidam danakatham silakatham saggakatham kamanam adinavam okaram sankilesam nekkhamme anisamsam pakasesi . yada bhagava annasi setthim gahapatim kallacittam muducittam vinivaranacittam udaggacittam pasannacittam atha ya buddhanam samukkamsika dhammadesana tam pakasesi dukkham samudayam nirodham maggam. {27.2} Seyyathapi nama suddham vattham apagatakalakam sammadeva rajanam patigganheyya evameva setthissa gahapatissa tasmimyevasane virajam vitamalam dhammacakkhum udapadi yankinci samudayadhammam sabbantam nirodhadhammanti . athakho setthi gahapati ditthadhammo pattadhammo viditadhammo pariyogalhadhammo tinnavicikiccho vigatakathamkatho vesarajjappatto aparappaccayo satthu sasane bhagavantam etadavoca abhikkantam bhante abhikkantam bhante seyyathapi bhante nikkujjitam va ukkujjeyya paticchannam va vivareyya mulhassa va maggam acikkheyya andhakare va telappajjotam dhareyya cakkhumanto rupani dakkhantiti ^1- evamevam ^2- bhagavata anekapariyayena dhammo pakasito esaham bhante bhagavantam saranam gacchami dhammanca bhikkhusanghanca upasakam mam bhagava dharetu ajjatagge panupetam saranam @Footnote: ¹ Si. Yu. dakkhintiti . ² evamevati sabbattha dissati.

--------------------------------------------------------------------------------------------- page33.

Gatanti. So ca loke pathamam upasako ahosi tevaciko. [28] Athakho yasassa kulaputtassa pituno dhamme desiyamane yathadittham yathaviditam bhumim paccavekkhantassa anupadaya asavehi cittam vimucci . athakho bhagavato etadahosi yasassa kho kulaputtassa pituno dhamme desiyamane yathadittham yathaviditam bhumim paccavekkhantassa anupadaya asavehi cittam vimuttam abhabbo kho yaso kulaputto hinayavattitva kame paribhunjitum seyyathapi pubbe agarikabhuto yannunaham tam iddhabhisankharam patippassambheyyanti . athakho bhagava tam iddhabhisankharam patippassambhesi . addasa kho setthi gahapati yasam kulaputtam nisinnam disvana yasam kulaputtam etadavoca mata te tata yasa paridevi sokasamapanna ^1- dehi matuya ^2- jivitanti. {28.1} Athakho yaso kulaputto bhagavantam ullokesi . athakho bhagava setthim gahapatim etadavoca tam kim mannasi gahapati yasassa kulaputtassa sekhena nanena sekhena dassanena dhammo dittho seyyathapi taya tassa yathadittham yathaviditam bhumim paccavekkhantassa anupadaya asavehi cittam vimuttam bhabbo nu kho yaso gahapati hinayavattitva kame paribhunjitum seyyathapi pubbe agarikabhutoti . no hetam bhanteti . yasassa kho gahapati kulaputtassa sekhena nanena sekhena @Footnote: ¹ Si. Ma. Yu. paridevasokasampanna. Ra. paridevi sokasamuppanna . ² Yu. matu.

--------------------------------------------------------------------------------------------- page34.

Dassanena dhammo dittho ^[1]- seyyathapi taya tassa yathadittham yathaviditam bhumim paccavekkhantassa anupadaya asavehi cittam vimuttam abhabbo kho gahapati yaso kulaputto hinayavattitva kame paribhunjitum seyyathapi pubbe agarikabhutoti . labha bhante yasassa kulaputtassa suladdham bhante yasassa kulaputtassa yatha yasassa kulaputtassa anupadaya asavehi cittam vimuttam adhivasetu me bhante bhagava ajjatanaya bhattam yasena kulaputtena pacchasamanenati. Adhivasesi bhagava tunhibhavena. {28.2} Athakho setthi gahapati bhagavato adhivasanam viditva utthayasana bhagavantam abhivadetva padakkhinam katva pakkami . Athakho yaso kulaputto acirappakkante setthimhi gahapatimhi bhagavantam etadavoca labheyyaham bhante bhagavato santike pabbajjam labheyyam upasampadanti . ehi bhikkhuti bhagava avoca svakkhato dhammo cara brahmacariyanti ^2- . sa va tassa ayasmato upasampada ahosi. Tena kho pana samayena satta loke arahanto honti. Yasassa pabbajja ^3- nitthita. @Footnote: ¹ Ma. vidito . ² imasmim thane katthaci samma dukkhassa antakiriyayati @pakkhittam. tampana yasma tenayasmata dukkhassanto kato ahosi natthi tassa @uttarim karaniyam tasma atirekanti datthabbam . ³ Yu. yasapabbajja.

--------------------------------------------------------------------------------------------- page35.

[29] Athakho bhagava pubbanhasamayam nivasetva pattacivaramadaya ayasmata yasena pacchasamanena yena setthissa gahapatissa nivesanam tenupasankami upasankamitva pannatte asane nisidi . Athakho ayasmato yasassa mata ca puranadutiyika ca yena bhagava tenupasankamimsu upasankamitva bhagavantam abhivadetva ekamantam nisidimsu . tasam bhagava anupubbikatham kathesi seyyathidam danakatham silakatham saggakatham kamanam adinavam okaram sankilesam nekkhamme anisamsam pakasesi. {29.1} Yada ta bhagava annasi kallacitta muducitta vinivaranacitta udaggacitta pasannacitta atha ya buddhanam samukkamsika dhammadesana tam pakasesi dukkham samudayam nirodham maggam . Seyyathapi nama suddham vattham apagatakalakam sammadeva rajanam patigganheyya evameva tasam tasmimyevasane virajam vitamalam dhammacakkhum udapadi yankinci samudayadhammam sabbantam nirodhadhammanti . ta ditthadhamma pattadhamma viditadhamma pariyogalhadhamma tinnavicikiccha vigatakathamkatha vesarajjappatta aparappaccaya satthu sasane bhagavantam etadavocum abhikkantam bhante abhikkantam bhante seyyathapi bhante nikkujjitam va ukkujjeyya paticchannam va vivareyya mulhassa va maggam acikkheyya andhakare va telappajjotam dhareyya cakkhumanto rupani dakkhantiti evamevam bhagavata anekapariyayena dhammo pakasito eta mayam bhante

--------------------------------------------------------------------------------------------- page36.

Bhagavantam saranam gacchama dhammanca bhikkhusanghanca upasikayo no bhagava dharetu ajjatagge panupeta saranam gatati . ta ca loke pathamam upasika ahesum tevacika . athakho ayasmato yasassa mata ca pita ca puranadutiyika ca bhagavantanca ayasmantanca yasam panitena khadaniyena bhojaniyena sahattha santappetva sampavaretva bhagavantam bhuttavim onitapattapanim ekamantam nisidimsu . athakho bhagava ayasmato yasassa mataranca pitaranca puranadutiyikanca dhammiya kathaya sandassetva samadapetva samuttejetva sampahamsetva utthayasana pakkami. [30] Assosum kho ayasmato yasassa cattaro gihisahayaka baranasiyam setthanusetthinam kulanam putta vimalo subahu punnaji gavampati yaso kira kulaputto kesamassum oharetva kasayani vatthani acchadetva agarasma anagariyam pabbajitoti . sutvana nesam etadahosi na hi nuna ^1- so orako dhammavinayo na sa oraka ^2- pabbajja yattha yaso kulaputto kesamassum oharetva kasayani vatthani acchadetva agarasma anagariyam pabbajitoti . te ^[3]- yenayasma yaso tenupasankamimsu upasankamitva ayasmantam yasam abhivadetva ekamantam atthamsu . athakho ayasma yaso te cattaro gihisahayake adaya yena bhagava tenupasankami @Footnote: ¹ Si. nahanuna . ² Si. orika . ³ Yu. cattaro jana.

--------------------------------------------------------------------------------------------- page37.

Upasankamitva bhagavantam abhivadetva ekamantam nisidi ekamantam nisinno kho ayasma yaso etadavoca ime me bhante cattaro gihisahayaka baranasiyam setthanusetthinam kulanam putta vimalo subahu punnaji gavampati ime ^[1]- bhagava ovadatu anusasatuti. {30.1} Tesam bhagava anupubbikatham kathesi seyyathidam danakatham silakatham saggakatham kamanam adinavam okaram sankilesam nekkhamme anisamsam pakasesi . yada te bhagava annasi kallacitte muducitte vinivaranacitte udaggacitte pasannacitte atha ya buddhanam samukkamsika dhammadesana tam pakasesi dukkham samudayam nirodham maggam . seyyathapi nama suddham vattham apagatakalakam sammadeva rajanam patigganheyya evameva tesam tasmimyevasane virajam vitamalam dhammacakkhum udapadi yankinci samudayadhammam sabbantam nirodhadhammanti. Te ditthadhamma pattadhamma viditadhamma pariyogalhadhamma tinnavicikiccha vigatakathamkatha vesarajjappatta aparappaccaya satthu sasane bhagavantam etadavocum labheyyama mayam bhante bhagavato santike pabbajjam labheyyama upasampadanti . etha bhikkhavoti bhagava avoca svakkhato dhammo caratha brahmacariyam samma dukkhassa antakiriyayati . sa va tesam ayasmantanam upasampada ahosi . Athakho bhagava te bhikkhu dhammiya kathaya ovadi anusasi . tesam bhagavata dhammiya kathaya ovadiyamananam anusasiyamananam anupadaya @Footnote: ¹ Yu. cattaro.

--------------------------------------------------------------------------------------------- page38.

Asavehi cittani vimuccimsu. Tena kho pana samayena ekadasa loke arahanto honti. Catuggihisahayakappabbajja nitthita. [31] Assosum kho ayasmato yasassa pannasamatta gihisahayaka janapada pubbanupubbakanam kulanam putta yaso kira kulaputto kesamassum oharetva kasayani vatthani acchadetva agarasma anagariyam pabbajitoti . sutvana nesam etadahosi na hi nuna so orako dhammavinayo na sa oraka pabbajja yattha yaso kulaputto kesamassum oharetva kasayani vatthani acchadetva agarasma anagariyam pabbajitoti . te yenayasma yaso tenupasankamimsu upasankamitva ayasmantam yasam abhivadetva ekamantam atthamsu. {31.1} Athakho ayasma yaso te pannasamatte gihisahayake adaya yena bhagava tenupasankami upasankamitva bhagavantam abhivadetva ekamantam nisidi ekamantam nisinno kho ayasma yaso bhagavantam etadavoca ime me bhante pannasamatta gihisahayaka janapada pubbanupubbakanam kulanam putta ime bhagava ovadatu anusasatuti . tesam bhagava anupubbikatham kathesi seyyathidam danakatham silakatham saggakatham kamanam adinavam okaram sankilesam nekkhamme anisamsam pakasesi . yada te bhagava annasi kallacitte muducitte vinivaranacitte udaggacitte pasannacitte atha ya buddhanam

--------------------------------------------------------------------------------------------- page39.

Samukkamsika dhammadesana tam pakasesi dukkham samudayam nirodham maggam . seyyathapi nama suddham vattham apagatakalakam sammadeva rajanam patigganheyya evameva tesam tasmimyevasane virajam vitamalam dhammacakkhum udapadi yankinci samudayadhammam sabbantam nirodhadhammanti. {31.2} Te ditthadhamma pattadhamma viditadhamma pariyogalhadhamma tinnavicikiccha vigatakathamkatha vesarajjappatta aparappaccaya satthu sasane bhagavantam etadavocum labheyyama mayam bhante bhagavato santike pabbajjam labheyyama upasampadanti . etha bhikkhavoti bhagava avoca svakkhato dhammo caratha brahmacariyam samma dukkhassa antakiriyayati. Sa va tesam ayasmantanam upasampada ahosi . athakho bhagava te bhikkhu dhammiya kathaya ovadi anusasi . tesam bhagavata dhammiya kathaya ovadiyamananam anusasiyamananam anupadaya asavehi cittani vimuccimsu. Tena kho pana samayena ekasatthi loke arahanto honti. [32] Athakho bhagava ^[1]- bhikkhu amantesi muttaham bhikkhave sabbapasehi ye dibba ye ca manusa tumhepi bhikkhave mutta sabbapasehi ye dibba ye ca manusa caratha bhikkhave carikam bahujanahitaya bahujanasukhaya lokanukampaya atthaya hitaya sukhaya devamanussanam ma ekena dve agamittha desetha bhikkhave dhammam adikalyanam majjhekalyanam pariyosanakalyanam @Footnote: ¹ Ma. te.

--------------------------------------------------------------------------------------------- page40.

Sattham sabyanjanam kevalaparipunnam parisuddham brahmacariyam pakasetha santi satta apparajakkhajatika assavanata dhammassa parihayanti bhavissanti dhammassa annataro ahampi bhikkhave yena uruvela senanigamo tenupasankamissami dhammadesanayati. [33] Athakho maro papima yena bhagava tenupasankami upasankamitva bhagavantam gathaya ajjhabhasi baddhosi sabbapasehi ye dibba ye ca manusa mahabandhanabaddhosi na me samana mokkhasiti. Muttoham ^1- sabbapasehi ye dibba ye ca manusa mahabandhanamuttomhi nihato tvamasi antakati. Antalikkhacaro paso yvayam ^2- carati manaso tena tam bandhayissami ^3- na me samana mokkhasiti. Rupa sadda gandha rasa photthabba ca manorama ettha me vigato chando nihato tvamasi antakati. Athakho maro papima janati mam bhagava janati mam sugatoti dukkhi dummano tatthevantaradhayi ^4-. Marakatha nitthita

The Pali Tipitaka in Roman Character Volume 4 page 28-40. http://84000.org/tipitaka/pali/roman_item_s.php?book=4&item=25&items=9&pagebreak=1&modeTY=2 Classified by [Item Number] :- http://84000.org/tipitaka/pali/roman_item_s.php?book=4&item=25&items=9&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=4&item=25&items=9&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=4&item=25&items=9&pagebreak=1&modeTY=2 Study Atthakatha :- http://84000.org/tipitaka/attha/attha.php?b=4&i=25 The Pali Atthakatha in Thai :- http://84000.org/tipitaka/atthapali/read_th.php?B=3&A=396 The Pali Atthakatha in Roman :- http://84000.org/tipitaka/atthapali/read_rm.php?B=3&A=396 Contents of The Tipitaka Volume 4 http://84000.org/tipitaka/read/?index_4