paliTIPITAKA Volume 43 - Abhidhamma Pitaka 10

Pañhāvāro [523] Saṅkiliṭṭho dhammo saṅkiliṭṭhassa dhammassa hetupaccayena paccayo: saṅkiliṭṭhā hetū sampayuttakānaṃ khandhānaṃ hetupaccayena paccayo . saṅkiliṭṭho dhammo asaṅkiliṭṭhassa dhammassa hetupaccayena

--------------------------------------------------------------------------------------------- page314.

Paccayo: saṅkiliṭṭhā hetū cittasamuṭṭhānānaṃ rūpānaṃ hetupaccayena paccayo . saṅkiliṭṭho dhammo saṅkiliṭṭhassa ca asaṅkiliṭṭhassa ca dhammassa hetupaccayena paccayo: saṅkiliṭṭhā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo . Asaṅkiliṭṭho dhammo asaṅkiliṭṭhassa dhammassa hetupaccayena paccayo: asaṅkiliṭṭhā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo paṭisandhikkhaṇe .pe. [524] Saṅkiliṭṭho dhammo saṅkiliṭṭhassa dhammassa ārammaṇa- paccayena paccayo: rāgaṃ assādeti abhinandati taṃ ārabbha rāgo ... diṭṭhi vicikicchā uddhaccaṃ ... domanassaṃ uppajjati diṭṭhiṃ assādeti . kusalattikasadisaṃ . vicikicchaṃ ārabbha ... uddhaccaṃ ārabbha ... domanassaṃ uppajjati diṭṭhi ... vicikicchā ... Uddhaccaṃ ... . saṅkiliṭṭho dhammo asaṅkiliṭṭhassa dhammassa ārammaṇa- paccayena paccayo: ariyā pahīne kilese paccavekkhanti vikkhambhite kilese ... pubbe samudāciṇṇe ... Saṅkiliṭṭhe khandhe aniccato ... Vipassanti .pe. cetopariyañāṇena saṅkiliṭṭhacittasamaṅgissa cittaṃ jānanti saṅkiliṭṭhā khandhā cetopariyañāṇassa pubbe- nivāsānussatiñāṇassa yathākammupagañāṇassa anāgataṃsa- ñāṇassa āvajjanāya ārammaṇapaccayena paccayo. {524.1} Asaṅkiliṭṭho dhammo asaṅkiliṭṭhassa dhammassa ārammaṇa- paccayena paccayo: dānaṃ ... Sīlaṃ ... Uposathakammaṃ ... Pubbe .pe.

--------------------------------------------------------------------------------------------- page315.

Jhānā vuṭṭhahitvā jhānaṃ paccavekkhati ariyā maggā vuṭṭhahitvā maggaṃ paccavekkhanti .pe. āvajjanāya ārammaṇapaccayena paccayo cakkhuṃ ... Vatthuṃ ... Asaṅkiliṭṭhe khandhe aniccato ... vipassati .pe. Dibbena cakkhunā .pe. anāgataṃsañāṇassa āvajjanāya ārammaṇa- paccayena paccayo . asaṅkiliṭṭho dhammo saṅkiliṭṭhassa dhammassa ārammaṇapaccayena paccayo: dānaṃ ... sīlaṃ .pe. jhānā vuṭṭhahitvā ... cakkhuṃ ... vatthuṃ ... asaṅkiliṭṭhe khandhe assādeti abhinandati taṃ ārabbha rāgo .pe. Domanassaṃ uppajjati. [525] Saṅkiliṭṭho dhammo saṅkiliṭṭhassa dhammassa adhipatipaccayena paccayo: ārammaṇādhipati sahajātādhipati . ārammaṇādhipati: rāgaṃ garuṃ katvā assādeti abhinandati taṃ garuṃ katvā rāgo uppajjati diṭṭhi uppajjati diṭṭhiṃ garuṃ katvā assādeti abhinandati taṃ garuṃ katvā rāgo uppajjati diṭṭhi ... . sahajātādhipati: saṅkiliṭṭhā adhipati sampayuttakānaṃ khandhānaṃ adhipatipaccayena paccayo . saṅkiliṭṭho dhammo asaṅkiliṭṭhassa dhammassa adhipatipaccayena paccayo: sahajātādhipati: saṅkiliṭṭhā adhipati cittasamuṭṭhānānaṃ rūpānaṃ adhipatipaccayena paccayo. {525.1} Saṅkiliṭṭho dhammo saṅkiliṭṭhassa ca asaṅkiliṭṭhassa ca dhammassa adhipatipaccayena paccayo: sahajātādhipati: saṅkiliṭṭhā adhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo . asaṅkiliṭṭho dhammo asaṅkiliṭṭhassa

--------------------------------------------------------------------------------------------- page316.

Dhammassa adhipatipaccayena paccayo: ārammaṇādhipati sahajātādhipati . Ārammaṇādhipati: dānaṃ ... sīlaṃ ... uposathakammaṃ ... pubbe .pe. jhānā vuṭṭhitvā jhānaṃ garuṃ katvā paccavekkhati ariyā maggā vuṭṭhahitvā maggaṃ garuṃ katvā paccavekkhanti .pe. nibbānaṃ phalassa adhipatipaccayena paccayo . sahajātādhipati: asaṅkiliṭṭhā adhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. {525.2} Asaṅkiliṭṭho dhammo saṅkiliṭṭhassa dhammassa adhipati- paccayena paccayo: ārammaṇādhipati: dānaṃ ... sīlaṃ ... Uposathakammaṃ ... Pubbe .pe. Jhānā vuṭṭhahitvā ... Cakkhuṃ ... Vatthuṃ ... Asaṅkiliṭṭhe khandhe garuṃ katvā assādeti abhinandati taṃ garuṃ katvā rāgo uppajjati diṭṭhi uppajjati. [526] Saṅkiliṭṭho dhammo saṅkiliṭṭhassa dhammassa anantara- paccayena paccayo: purimā purimā saṅkiliṭṭhā khandhā pacchimānaṃ pacchimānaṃ saṅkiliṭṭhānaṃ khandhānaṃ anantarapaccayena paccayo . Saṅkiliṭṭho dhammo asaṅkiliṭṭhassa dhammassa anantarapaccayena paccayo: saṅkiliṭṭhā khandhā vuṭṭhānassa anantarapaccayena paccayo . Asaṅkiliṭṭho dhammo asaṅkiliṭṭhassa dhammassa anantarapaccayena paccayo: purimā purimā asaṅkiliṭṭhā khandhā pacchimānaṃ pacchimānaṃ asaṅkiliṭṭhānaṃ khandhānaṃ .pe. Phalasamāpattiyā anantarapaccayena paccayo. {526.1} Asaṅkiliṭṭho dhammo saṅkiliṭṭhassa dhammassa anantarapaccayena paccayo:

--------------------------------------------------------------------------------------------- page317.

Āvajjanā saṅkiliṭṭhānaṃ khandhānaṃ anantarapaccayena paccayo . ... Samanantarapaccayena paccayo: cattāri sahajātapaccayena paccayo: pañca aññamaññapaccayena paccayo: dve nissayapaccayena paccayo: satta. [527] Saṅkiliṭṭho dhammo saṅkiliṭṭhassa dhammassa upanissayapaccayena paccayo: ārammaṇūpanissayo anantarūpanissayo pakatūpanissayo .pe. Pakatūpanissayo: rāgaṃ upanissāya pāṇaṃ hanati .pe. saṅghaṃ bhindati dosaṃ ... patthanaṃ upanissāya pāṇaṃ hanati .pe. saṅghaṃ bhindati rāgo .pe. Patthanā rāgassa .pe. patthanāya upanissayapaccayena paccayo . Saṅkiliṭṭho dhammo asaṅkiliṭṭhassa dhammassa upanissayapaccayena paccayo: anantarūpanissayo pakatūpanissayo .pe. pakatūpanissayo: rāgaṃ upanissāya dānaṃ deti .pe. samāpattiṃ uppādeti dosaṃ ... Patthanaṃ upanissāya dānaṃ deti .pe. samāpattiṃ uppādeti rāgo ... Patthanā saddhāya paññāya kāyikassa sukhassa kāyikassa dukkhassa maggassa phalasamāpattiyā upanissayapaccayena paccayo. {527.1} Asaṅkiliṭṭho dhammo asaṅkiliṭṭhassa dhammassa upanissaya- paccayena paccayo: ārammaṇūpanissayo anantarūpanissayo pakatūpanissayo .pe. pakatūpanissayo: saddhaṃ upanissāya dānaṃ deti .pe. samāpattiṃ uppādeti sīlaṃ ... paññaṃ kāyikaṃ sukhaṃ kāyikaṃ dukkhaṃ utuṃ bhojanaṃ ... senāsanaṃ upanissāya dānaṃ deti .pe.

--------------------------------------------------------------------------------------------- page318.

Samāpattiṃ uppādeti saddhā .pe. senāsanaṃ saddhāya .pe. Phalasamāpattiyā upanissayapaccayena paccayo. {527.2} Asaṅkiliṭṭho dhammo saṅkiliṭṭhassa dhammassa upanissaya- paccayena paccayo: ārammaṇūpanissayo anantarūpanissayo pakatūpanissayo .pe. pakatūpanissayo: saddhaṃ upanissāya pāṇaṃ hanati .pe. Saṅghaṃ bhindati sīlaṃ ... Paññaṃ kāyikaṃ sukhaṃ kāyikaṃ dukkhaṃ utuṃ bhojanaṃ ... Senāsanaṃ upanissāya pāṇaṃ hanati .pe. saṅghaṃ bhindati saddhā .pe. Senāsanaṃ rāgassa .pe. Patthanāya upanissayapaccayena paccayo. [528] Asaṅkiliṭṭho dhammo asaṅkiliṭṭhassa dhammassa purejāta- paccayena paccayo: ārammaṇapurejātaṃ vatthupurejātaṃ . saṅkhittaṃ . Asaṅkiliṭṭho dhammo saṅkiliṭṭhassa dhammassa purejātapaccayena paccayo: ārammaṇapurejātaṃ vatthupurejātaṃ. Saṅkhittaṃ. [529] Saṅkiliṭṭho dhammo asaṅkiliṭṭhassa dhammassa pacchājāta- paccayena paccayo: . asaṅkiliṭṭho dhammo asaṅkiliṭṭhassa dhammassa pacchājātapaccayena paccayo:. ... Āsevanapaccayena paccayo: dve. [530] Saṅkiliṭṭho dhammo saṅkiliṭṭhassa dhammassa kammapaccayena paccayo: saṅkiliṭṭhā cetanā sampayuttakānaṃ khandhānaṃ kammapaccayena paccayo . saṅkiliṭṭho dhammo asaṅkiliṭṭhassa dhammassa kammapaccayena paccayo: sahajātā nānākhaṇikā . sahajātā: saṅkiliṭṭhā cetanā cittasamuṭṭhānānaṃ rūpānaṃ kammapaccayena paccayo . nānākhaṇikā:

--------------------------------------------------------------------------------------------- page319.

Saṅkiliṭṭhā cetanā vipākānaṃ khandhānaṃ kaṭattā ca rūpānaṃ kammapaccayena paccayo . mūlaṃ saṅkiliṭṭhā cetanā sampayuttakānaṃ khandhānaṃ citta- samuṭṭhānānañca rūpānaṃ kammapaccayena paccayo. {530.1} Asaṅkiliṭṭho dhammo asaṅkiliṭṭhassa dhammassa kammapaccayena paccayo: sahajātā nānākhaṇikā . sahajātā: asaṅkiliṭṭhā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo . nānākhaṇikā: asaṅkiliṭṭhā cetanā vipākānaṃ khandhānaṃ kaṭattā ca rūpānaṃ kammapaccayena paccayo. [531] Asaṅkiliṭṭho dhammo asaṅkiliṭṭhassa dhammassa vipākapaccayena paccayo: ekaṃ. [532] Saṅkiliṭṭho dhammo saṅkiliṭṭhassa dhammassa āhārapaccayena paccayo: . ... indriyapaccayena paccayo: jhānapaccayena paccayo: maggapaccayena paccayo: sampayuttapaccayena paccayo:. [533] Saṅkiliṭṭho dhammo asaṅkiliṭṭhassa dhammassa vippayuttapaccayena paccayo: sahajātaṃ pacchājātaṃ . saṅkhittaṃ . asaṅkiliṭṭho dhammo asaṅkiliṭṭhassa dhammassa vippayuttapaccayena paccayo: sahajātaṃ purejātaṃ pacchājātaṃ . saṅkhittaṃ . asaṅkiliṭṭho dhammo saṅkiliṭṭhassa dhammassa vippayuttapaccayena paccayo: purejātaṃ: vatthu saṅkiliṭṭhānaṃ khandhānaṃ vippayuttapaccayena paccayo. [534] Saṅkiliṭṭho dhammo saṅkiliṭṭhassa dhammassa atthipaccayena

--------------------------------------------------------------------------------------------- page320.

Paccayo: ekaṃ paṭiccasadisaṃ . saṅkiliṭṭho dhammo asaṅkiliṭṭhassa dhammassa atthipaccayena paccayo: sahajātaṃ pacchājātaṃ . saṅkhittaṃ . Saṅkiliṭṭho dhammo saṅkiliṭṭhassa ca asaṅkiliṭṭhassa ca dhammassa atthipaccayena paccayo: paṭiccasadisaṃ . asaṅkiliṭṭho dhammo asaṅkiliṭṭhassa dhammassa atthipaccayena paccayo: sahajātaṃ purejātaṃ pacchājātaṃ āhāraṃ indriyaṃ . saṅkhittaṃ . asaṅkiliṭṭho dhammo saṅkiliṭṭhassa dhammassa atthipaccayena paccayo: sahajātaṃ purejātaṃ. Saṅkhittaṃ. {534.1} Saṅkiliṭṭho ca asaṅkiliṭṭho ca dhammā saṅkiliṭṭhassa dhammassa atthipaccayena paccayo: sahajātaṃ purejātaṃ . sahajāto: saṅkiliṭṭho eko khandho ca vatthu ca tiṇṇannaṃ khandhānaṃ atthipaccayena paccayo dve khandhā ... . Saṅkhittaṃ . saṅkiliṭṭho ca asaṅkiliṭṭho ca dhammā asaṅkiliṭṭhassa dhammassa atthipaccayena paccayo: sahajātaṃ pacchājātaṃ āhāraṃ indriyaṃ . sahajātā: saṅkiliṭṭhā khandhā ca mahābhūtā ca cittasamuṭṭhānānaṃ rūpānaṃ atthipaccayena paccayo . Pacchājātā: saṅkiliṭṭhā khandhā ca kabaḷiṃkāro āhāro ca imassa kāyassa atthipaccayena paccayo . pacchājātā: saṅkiliṭṭhā khandhā ca rūpajīvitindriyañca kaṭattārūpānaṃ atthipaccayena paccayo . ... Natthipaccayena paccayo: vigatapaccayena paccayo: avigatapaccayena paccayo:. [535] Hetuyā cattāri ārammaṇe cattāri adhipatiyā pañca

--------------------------------------------------------------------------------------------- page321.

Anantare cattāri samanantare cattāri sahajāte pañca aññamaññe dve nissaye satta upanissaye cattāri purejāte dve pacchājāte dve āsevane dve kamme cattāri vipāke ekaṃ āhāre cattāri indriye cattāri jhāne cattāri magge cattāri sampayutte dve vippayutte tīṇi atthiyā satta natthiyā cattāri vigate cattāri avigate satta. [536] Saṅkiliṭṭho dhammo saṅkiliṭṭhassa dhammassa ārammaṇa- paccayena paccayo: sahajātapaccayena paccayo: upanissayapaccayena paccayo . saṅkiliṭṭho dhammo asaṅkiliṭṭhassa dhammassa ārammaṇa- paccayena paccayo: sahajātapaccayena paccayo: upanissayapaccayena paccayo: pacchājātapaccayena paccayo: kammapaccayena paccayo: . Saṅkiliṭṭho dhammo saṅkiliṭṭhassa ca asaṅkiliṭṭhassa ca dhammassa sahajātapaccayena paccayo:. {536.1} Asaṅkiliṭṭho dhammo asaṅkiliṭṭhassa dhammassa ārammaṇa- paccayena paccayo: sahajātapaccayena paccayo: upanissayapaccayena paccayo: purejātapaccayena paccayo: pacchājātapaccayena paccayo: kammapaccayena paccayo: āhārapaccayena paccayo: indriyapaccayena paccayo: . asaṅkiliṭṭho dhammo saṅkiliṭṭhassa dhammassa ārammaṇapaccayena paccayo: upanissayapaccayena paccayo: purejātapaccayena paccayo:. Saṅkiliṭṭho ca asaṅkiliṭṭho ca dhammā saṅkiliṭṭhassa dhammassa sahajātapaccayena paccayo

--------------------------------------------------------------------------------------------- page322.

Purejātapaccayena paccayo: . saṅkiliṭṭho ca asaṅkiliṭṭho ca dhammā asaṅkiliṭṭhassa dhammassa sahajātapaccayena paccayo: pacchājātapaccayena paccayo: āhārapaccayena paccayo: indriyapaccayena paccayo:. [537] Nahetuyā satta naārammaṇe satta naadhipatiyā satta naanantare satta nasamanantare satta nasahajāte pañca naaññamaññe pañca nanissaye pañca naupanissaye satta napurejāte cha napacchājāte satta .pe. namagge satta nasampayutte pañca navippayutte cattāri noatthiyā cattāri nonatthiyā satta novigate satta noavigate cattāri. [538] Hetupaccayā naārammaṇe cattāri ... Naadhipatiyā cattāri naanantare cattāri nasamanantare cattāri naaññamaññe dve naupanissaye cattāri nasampayutte dve navippayutte dve nonatthiyā cattāri novigate cattāri. [539] Nahetupaccayā ārammaṇe cattāri ... Adhipatiyā pañca. Anulomamātikā. ... Avigate satta. Saṅkiliṭṭhadukaṃ niṭṭhitaṃ. ---------------

The Pali Tipitaka in Roman Character Volume 43 page 313-322. http://84000.org/tipitaka/pali/roman_item_s.php?book=43&item=523&items=17&pagebreak=1 Classified by [Item Number] :- http://84000.org/tipitaka/pali/roman_item_s.php?book=43&item=523&items=17&pagebreak=1&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=43&item=523&items=17&pagebreak=1 Compare with The Royal Version of Thai Tipitaka :- http://84000.org/tipitaka/read/byitem_s.php?book=43&item=523&items=17&pagebreak=1 Study Atthakatha :- http://84000.org/tipitaka/attha/attha.php?b=43&i=523 Contents of The Tipitaka Volume 43 http://84000.org/tipitaka/read/?index_43