อรรถกถาเล่มที่ ๑ ภาษาบาลี อักษรไทย
วินย.อ. (สมนฺต.๑)
หน้าที่ ๒๖๕-๒๖๖.

หน้าที่ ๒๖๕.
จิรฏฺิติโก โหติ ฯ เตน วุตฺตํ สทฺธมฺมฏฺิติยาติ ฯ
วินยานุคฺคหายาติ สิกฺขาปทปฺปญฺตฺติยา หิ สติ สํวรวินโย จ ปหานวินโย
จ สมถวินโย จ ปญฺตฺติวินโย จาติ จตุพฺพิโธปิ วินโย อนุคฺคหิโต
โหติ อุปตฺถมฺภิโต สูปตฺถมฺภิโต ฯ เตน วุตฺตํ วินยานุคฺคหายาติ ฯ
สพฺพาเนว เจตานิ ปทานิ สิกฺขาปทํ ปญฺาเปสฺสามีติ อิมินา
วจเนน สทฺธึ โยเชตพฺพานิ ฯ ตตฺรายํ ปมปจฺฉิมปทโยชนา
สงฺฆสุฏฺุตาย สิกฺขาปทํ ปญฺาเปสฺสามิ ฯเปฯ วินยานุคฺคหาย
สิกฺขาปทํ ปญฺาเปสฺสามีติ ฯ อปิเจตฺถ ยํ สงฺฆสุฏฺุ ตํ สงฺฆผาสุ
ยํ สงฺฆผาสุ ตํ ทุมฺมงฺกูนํ ปุคฺคลานํ นิคฺคหายาติ เอวํ
สงฺขลิกนยํ ยํ สงฺฆสุฏฺุ ตํ สงฺฆผาสุ ยํ สงฺฆสุฏฺุ ตํ ทุมฺมงฺกูนํ
ปุคฺคลานํ นิคฺคหายาติ เอวญฺจ เอเกกปทมูลกํ ทสกฺขตฺตุํ โยชนํ
กตฺวา ยํ วุตฺตํ ปริวาเร ๑-
       อตฺถสตํ ธมฺมสตํ            เทฺว นิรุตฺติสตานิ จ
       จตฺตาริ จ าณสตานิ     อตฺถวเส ปกรเณติ
ตํ สพฺพํ เวทิตพฺพํ ฯ ตํ ปเนตํ ยสฺมา ปริวาเรเยว อาวิภวิสฺสติ
ตสฺมา อิธ น วณฺณิตนฺติ ฯ
     เอวํ สิกฺขาปทปฺปญฺตฺติยา อานิสํสํ ทสฺเสตฺวา ตสฺมึ
สิกฺขาปเท ภิกฺขูหิ กตฺตพฺพกิจฺจํ ทีเปนฺโต เอวญฺจ ปน ภิกฺขเว อิมํ
สิกฺขาปทํ อุทฺทิเสยฺยาถาติ อาห ฯ กึ วุตฺตํ โหติ ฯ ภิกฺขเว อิมํ
ปน มยา อิติ สนฺทสฺสิตานิสํสํ สิกฺขาปทํ เอวํ ปาฏิโมกฺขุทฺเทเส
@เชิงอรรถ: ๑. วิ. ป. ๘/๓๕๗.
---------------------------------------------------------------------------------------------
หน้าที่ ๒๖๖.
อุทฺทิเสยฺยาถ จ ปริยาปุเณยฺยาถ จ ธาเรยฺยาถ จ อญฺเสญฺจ
วาเจยฺยาถาติ ฯ อติเรกานยนตฺโถ หิ เอตฺถ จสทฺโท เตนายมตฺโถ
อานีโต โหตีติ ฯ อิทานิ ยํ วุตฺตํ อิมํ สิกฺขาปทนฺติ ตํ ทสฺเสนฺโต
โย ปน ภิกฺขุ เมถุนํ ธมฺมํ ปฏิเสเวยฺย ปาราชิโก โหติ อสํวาโสติ
อาห ฯ เอวํ มูลจฺเฉชฺชวเสน ทฬฺหํ กตฺวา ปมปาราชิเก
ปญฺตฺเต อปรมฺปิ อนุปฺปญฺตฺตตฺถาย มกฺกฏีวตฺถุ อุทปาทิ ฯ
ตสฺสุปฺปตฺติทีปนตฺถเมตํ วุตฺตํ เอวญฺจิทํ ภควตา ภิกฺขูนํ  สิกฺขาปทํ
ปญฺตฺตํ โหตีติ ฯ ตสฺสตฺโถ ภควตา ภิกฺขูนํ อิทํ สิกฺขาปทํ
เอวํ ปญฺตฺตํ โหติ จ อิทญฺจ อญฺ วตฺถุ อุทปาทีติ ฯ
                 ปมปฺปญฺตฺติกถา นิฏฺิตา ฯ
     {๔๐} อิทานิ ยนฺตํ  อญฺ วตฺถุ อุปฺปนฺนํ ตํ ทสฺเสตุํ เตน
โข ปน สมเยนาติอาทิมาห ฯ ตตฺรายํ อนุตฺตานปทวณฺณนา ฯ
มกฺกฏึ อามิเสนาติ มหาวเน ภิกฺขูนํ ขนฺติเมตฺตาทิคุณานุภาเวน
นิราสงฺกจิตฺตา พหู มิคโมรกุกฺกุฏมกฺกฏาทโย ติรจฺฉานา
ปธานาคารฏฺาเนสุ วิจรนฺติ ฯ ตตฺถ เอกํ มกฺกฏึ อามิเสน
ยาคุภตฺตขชฺชกาทินา อุปลาเปตฺวา สงฺคณฺหิตฺวาติ วุตฺตํ โหติ ฯ
ตสฺสาติ ภุมฺมวจนํ ฯ ปฏิเสวตีติ ปจุรปฏิเสวโน โหติ ฯ ปจุรตฺเถ
วตฺตมานวจนํ ฯ โส ภิกฺขูติ โส เมถุนธมฺมปฏิเสวนโก ภิกฺขุ ฯ
เสนาสนจาริกํ อาหิณฺฑนฺตาติ เต ภิกฺขู อาคนฺตุกา พุทฺธทสฺสนาย
อาคตา ปาโตว อาคนฺตุกภตฺตานิ ลภิตฺวา กตภตฺตกิจฺจา ภิกฺขูนํ
นิวาสนฏฺานานิ ปสฺสิสฺสามาติ วิจรึสุ ฯ เตน วุตฺตํ เสนาสนจาริกํ


เนื้อความอรรถกถาฉบับภาษาบาลี อักษรไทย เล่มที่ ๑ หน้าที่ ๒๖๕-๒๖๖.
http://84000.org/tipitaka/read/attha_page.php?book=1&page=265&pages=2&pagebreak=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=1&A=5570&pagebreak=1
http://84000.org/tipitaka/atthapali/th_line.php?B=1&A=5570&pagebreak=1#p265