อรรถกถาเล่มที่ ๑๐ หน้าที่ ๑๘.

"ยตฺถ อาโป จ ปวี เตโช วาโย น คาธติ อโต สรา นิวตฺตนฺติ เอตฺถ วชฺชํ น วตฺตติ เอตฺถ นามญฺจ รูปญฺจ อเสสํ อุปรุชฺฌตี"ติ ^๑- เอตฺถ ปน สงฺขารปฏิกฺเขเปน นิพฺพานํ ทสฺสิตํ. "กตฺถ อาโป จ ปวี จ เตโช วาโย น คาธติ กตฺถ ทีฆญฺจ รสฺสญฺจ อณุํ ถูลํ สุภาสุภํ กตฺถ นามญฺจ รูปญฺจ อเสสํ อุปรุชฺฌตีติ ^๒- ตตฺถ เวยฺยากรณํ ภวติ:- วิญฺาณํ อนิทสฺสนํ อนนฺตํ สพฺพโตปภนฺ"ติ. เอตฺถ สงฺขารปฏิกฺเขเปน นิพฺพานํ ทสฺสิตํ. อิมสฺมึ ปน สุตฺเต ฉอายตนปฏิกฺเขเปน ทสฺสิตํ. อญฺตฺถ จ อนุปาทาวิโมกฺโขติ นิพฺพานเมว ทสฺสิตํ, อิธ ปน อรหตฺตผลสมาปตฺติ. เสสํ สพฺพตฺถ อุตฺตานเมวาติ. ปปญฺจสูทนิยา มชฺฌิมนิกายฏฺกถาย ปญฺจตฺตยสุตฺตวณฺณนา นิฏฺิตา. ------------- ๓. กินฺติสุตฺตวณฺณนา [๓๔] เอวมฺเม สุตนฺติ กินฺติสุตฺตํ. ตตฺถ กุสินารายนฺติ ^๓- เอวํนามเก มณฺฑลปฺปเทเส. พลิหรเณติ ตสฺมึ วนสณฺเฑ ภูตานํ พลึ อาหรนฺติ, ตสฺมา โส พลิหรณนฺติ วุตฺโต. จีวรเหตูติ จีวรการณา, จีวรํ ปจฺจาสึสมาโนติ อตฺโถ. อิติ ภวาภวเหตูติ เอวํ อิมํ เทสนามยํ ปุญฺกิริยาวตฺถุํ นิสฺสาย ตสฺมึ ตสฺมึ ภเว สุขํ เวทิสฺสามีติ ธมฺมํ เทเสตีติ กึ ตุมฺหากํ เอวํ โหตีติ อตฺโถ. [๓๕] จตฺตาโร สติปฏฺานาติอาทโย สตฺตตึส โพธิปกฺขิยธมฺมา โลกิยโลกุตฺตราว กถิตา. ตตฺถาติ เตสุ สตฺตตึสาย ธมฺเมสุ. สิยุนฺติ ^๔- ภเวยฺยุํ. @เชิงอรรถ: ^๑ สํ. ส. ๑๕/๒๗/๑๘ ^๒ ที.สี. ๙/๔๙๘/๒๒๓ ^๓ ฉ.ม. ปิสินารายนฺติ @^๔ ฉ.ม. สิยํสูติ, ก. สตฺต

เนื้อความอรรถกถาฉบับภาษาบาลี อักษรไทย เล่มที่ ๑๐ หน้าที่ ๑๘. http://84000.org/tipitaka/read/attha_page.php?book=10&page=18&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=10&A=444&pagebreak=1 http://84000.org/tipitaka/atthapali/th_line.php?B=10&A=444&pagebreak=1#p18