อรรถกถาเล่มที่ ๑๐ หน้าที่ ๑๙.

อภิธมฺเมติ อภิวิสิฏฺเ ธมฺเม, อิเมสุ สตฺตตึสโพธิปกฺขิยธมฺเมสูติ อตฺโถ. ตตฺร เจติ อิทมฺปิ โพธิปกฺขิยธมฺเมเสฺวว ภุมฺมํ. อตฺถโต เจว นานํ พฺยญฺชนโต จ นานนฺติ เอตฺถ "กาโยว สติปฏฺานํ เวทนาว สติปฏฺานนฺ"ติ วุตฺเต อตฺถโต นานํ โหติ, "สติปฏฺานา"ติ วุตฺเต ปน พฺยญฺชนโต นานํ นาม โหติ. ตทิมินาปีติ ตํ ตุเมฺห อิมินาปิ การเณน ชานาถาติ. อตฺถญฺจ พฺยญฺชนญฺจ สมาเนตฺวา อตฺถสฺส จ อญฺถา คหิตภาโว พฺยญฺชนสฺส จ มิจฺฉา โรปิตภาโว ทสฺเสตพฺโพ. โย ธมฺโม โย วินโยติ เอตฺถ อตฺโถ จ พฺยญฺชนญฺจ วิญฺาปนการณเมว ธมฺโม จ วินโย จ. [๓๗] อตฺถโต หิ โข สเมตีติ สติเยว สติปฏฺานนฺติ คหิตา. พฺยญฺชนโต นานนฺติ เกวลํ พฺยญฺชนเมว สติปฏฺาโนติ วา สติปฏฺานาติ วา มิจฺฉา โรปิตํ. ^๑- อปฺปมตฺตกํ โขติ สุตฺตนฺตํ ปตฺวา พฺยญฺชนํ อปฺปมตฺตกํ นาม โหติ. ปริตฺตมตฺตกํ ^๒- ธนิตํ กตฺวา อาโรปิเตปิ หิ นิพฺพุตึ ปตฺตุํ สกฺกา โหติ. ตตฺริทํ วตฺถุ:- วิชยารามวิหารวาสี กิเรโก ขีณาสวตฺเถโร ทฺวินฺนํ ภิกฺขูนํ สุตฺตํ อาหริตฺวา กมฺมฏฺานํ กเถนฺโต "สมุทฺโธ สมุทฺโธติ ภิกฺขเว อสฺสุตวา ปุถุชฺชโน ภาสตี"ติ ธนิตํ กตฺวา อาห. เอโก ภิกฺขุ "โก ^๓- สมุทฺโธ นาม ภนฺเต"ติ อาห. อาวุโส สมุทฺโธติ วุตฺเตปิ สมุทฺโทติ วุตฺเตปิ มยํ โลณสาครเมว ชานาม, ตุเมฺห ปน โน อตฺถคเวสกา, พฺยญฺชนคเวสกา, คจฺฉถ มหาวิหาเร ปคุณพฺยญฺชนานํ ภิกฺขูนํ สนฺติเก พฺยญฺชนํ โสธาเปถาติ กมฺมฏฺานํ อกเถตฺวาว อุฏฺาเปสิ. โส อปรภาเค มหาวิหาเร เภรึ ปหราเปตฺวา ภิกฺขุสํฆสฺส จตูสุ มคฺเคสุ ปญฺหํ กเถตฺวาว ปรินิพฺพุโต. เอวํ สุตนฺตํ ปตฺวา พฺยญฺชนํ อปฺปมตฺตกํ นาม โหติ. วินยํ ปน ปตฺวา โน อปฺปมตฺตกํ นาม. สามเณรปพฺพชฺชาปิ หิ อุภโต สุทฺธิกโต วฏฺฏติ, อุปสมฺปทาทิกมฺมานิปิ สิถิลาทีนํ ธนิตาทิกรณมตฺเตเนว กุปฺปนฺติ. อิธ ปน สุตฺตนฺตพฺยญฺชนํ สนฺธาเยตํ วุตฺตํ. @เชิงอรรถ: ^๑ ฉ.ม. โรเปถ ^๒ ฉ.ม. ปริตฺตมตฺตํ ^๓ ฉ.ม. อยํ ปาโ น ทิสฺสติ

เนื้อความอรรถกถาฉบับภาษาบาลี อักษรไทย เล่มที่ ๑๐ หน้าที่ ๑๙. http://84000.org/tipitaka/read/attha_page.php?book=10&page=19&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=10&A=469&pagebreak=1 http://84000.org/tipitaka/atthapali/th_line.php?B=10&A=469&pagebreak=1#p19